|
|
|
 Re: هل الشعب السوداني كابي الزوغة..؟!!!! (Re: Kabar)
|
و يلاحظ أن دعاوي التغيير السلمي و تحنيس النظام على طريقة الإمام الصادق ..مافي زول شغال بيها..
و يلاحظ حكاية الغاء الرقابة القبلية على الصحف..و فقاعات التغيير الوزاري..برضك مافي زول شغال بيها..!
كبر
| |
  
|
|
|
|
|
|
|
|
Re: هل الشعب السوداني كابي الزوغة..؟!!!! (Re: Kabar)
|
يا ترى الحاصل شنو بالضبط؟..
هل عرف الشعب السوداني ان السودان اصبح بين جبهتين فقط (جبهة اسلامية و جبهة ثورية) و ما داير يتدخل بينهما؟.. أم يا ترى منتظر الإتنين يصيبهم الفتر حتى بعد داك يقول كلمته؟..ولا الشعب ما داير يقول أي كلمة؟..
كبر
| |
|
|
|
|
|
|
|
|
|
Re: هل الشعب السوداني كابي الزوغة..؟!!!! (Re: Kabar)
|
السعب يا كبر مشدوه بقى في معايشه وفي الدولار وفي الغلاء الفظيع ومسالة سقوط مدينة زي ابكرشولا او تحريرها لا تعنيه الا بقدر تاثيرها في سعر الدولار !!
كمان في شدهه من نوع اخر - دي في الخرطوم- حيث شارع النيل و العوامات و الجكس و الزنقات وهلال مريخ، شباب زي الورد لا عارف الحلو منو لا سمع بابكرشولا لا الكراكير، الحكومة بتعني لي بسط الامن الشامل وترخيص العربية و تصديق حفلة الاوفرنايت طالما امورو ماشه وسالكة فا ديل احسن ناس
| |
|
|
|
|
|
|
|
|
|
Re: هل الشعب السوداني كابي الزوغة..؟!!!! (Re: محمد البشرى الخضر)
|
ود البشرى..حبابك يا صديقي
فعلا كلامك صاح..عشان كده لمن نقول النخبة السودانية فقدت التواصل مع الجماهير.. الناس بتفتكرنا قاعدين نثبط فيها..
العالم البره معظمها عايش بذكريات السودان بتاع السبعينات و التمانينات..اما التسعينات و الألفية الثالثة..فدي يا اخوي مافي زول جايب ليها خبر..
ياخي ناس في نص امدرمان.. و من جنوب كردفان و دارفور.. تقول ليهم الإنتنوف.. يقولوا ليك الأنتنوف ده شنو؟..
زمان قلنا ليها لو النخبة الراغبة في التغيير فعلا دايرة تخلق تواصل مع الجماهير تتكلم عن حاجات الجماهير.. ياخي هسع ده لو الواحد لقى ليهو طريقة عمل دعاية انو ح ينزل سعر الدقيقة في المكالمات.. بكرة العالم كلها بتقيف معاك..!!!
المهم.. حالة ذهول أو توهان كبيرة..و هسع الناس الإتشردت من اب كرشولا.. أي واحد اول ما يصل الرهد (بر الأمان) اول حاجة بيفكر فيها الموبايل عندو رصيد ويشتري رصيد كيف؟..اها اهتمامات زي دي ناس بره ما عندهم عنها فكرة..و كل المتذكرنو من السودان.. انو تلبس براطيشك.. و ارحاككم نسقط النظام..و النظام يسقط..!!
اها الشباب الفي الخراطيم ديل ياهم النقطة الفاصلة..يعني لو الحكومة حاولت تجييشهم بالقوة ح يقلبوا ليها ظهر المجن..و لا خلتهم كده.. ما ح تقدر تعمل حاجة..!!
كبر
| |
|
|
|
|
|
|
| |
Kabar
Mohamed Suleiman
محمد البشرى الخضر
فيس بوك
تويتر
انستقرام
يوتيوب
بنتيريست