|
|
|
 Re: د.الترابى ! (Re: محمد حامد جمعه)
|
هو الوحيد القادر على فك شفرة (الحركات المسلحة ) فى دارفور وهو الوحيد الذى تعمل له الحكومة الف حساب ، وبدونه فان على (فاروق ابوعيسى ) العودة ليكون موثقا للعقود وعلى هالة عبدالحليم العودة للمنبر باسم (هميمة) وعلى الصادق المهدى العكوف على رفع نقاطه الخمسة الى خمسين وانتظار الصلاة من العيد الى العيد
| |
  
|
|
|
|
|
|
|
|
Re: د.الترابى ! (Re: محمد حامد جمعه)
|
اى تعديل فى بنية النظام الحاكم الان (المؤتمر الوطنى ) ان سيتم وفق مراجعات (داخلية ) تجعل منه بداية لفترة حكم جديد (مع تعديلات ) ولكن الحديث عن ازالة ان تمت فلن يفعلها سوى (الترابى )
| |
|
|
|
|
|
|
|
|
|
Re: د.الترابى ! (Re: محمد حامد جمعه)
|
ودون جرح لمشاعر المناصرين للاخرين فلا مقارنة بين الرجل ونظرائه وانداده من محمود محمد طه الى عبدالخالق محجوب ، وصحيح ان التغييب بالاعدام ربما يجعل المقارنة قاصرة لكن الاصح كذلك ان اثر الترابى على المشهد السياسى السودانى اكبر من الاخرين - بوصف المثنى - والاخرين بصيغة الجمع
| |
|
|
|
|
|
|
|
|
|
Re: د.الترابى ! (Re: محمد حامد جمعه)
|
اثر الترابى وترتيبه وتكديره امتد حتى لتلاميذه الذين انشق عنهم - او انشقوا عنه - اذ يدير المؤتمر الوطنى شانه فى الحكم والمعارضة بكثير من طرائق مدرسة الترابى ذاتها ولا اتحدث هنا عن مكر وحيلة ولكن اقول ما اظن
| |
|
|
|
|
|
|
|
|
|
Re: د.الترابى ! (Re: محمد حامد جمعه)
|
تحياتي يا محمد حامد
ولكننا لا نقبل مجرد مقارنة دكتور الترابي ببقية المعارضين
الفرق شاسع يا حبيب
بين دكتور غير حكومات ومعارضة ما قادرة تغير نفسها
معارضين شنو البتقارنهم بدكتور الترابي
| |
|
|
|
|
|
|
|
|
|
Re: د.الترابى ! (Re: صبري طه)
|
| Quote: الغريب في الأمر أنّه سقط في دائرة الصحافة .. |
دا ما معيار لانو فى سياسيين فازوا فى دوائر نزلوا فيها بالاسم بس وفى الخرط ما شافوها
| |
|
|
|
|
|
|
|
|
|
Re: د.الترابى ! (Re: مصعب عوض الكريم علي)
|
البوست لا يخلو من الغرض .. وواضح جدا محاولة الوقيعة بين الشعبي وتحالف المعارضة .. وهذا البوست يقرا ويفسر مع الاخبار المفبركة الاخيرة في الصحف .. لعلمك الترابي هو جزء من منظومة للعمل السياسي تعمل بتناقم وانسجام ولوائح وضوابط منظمة لا اعتقد مثل هذه الهطرقات تنسف العلاقة التي تربط الحزب بحلقائه .
| |
|
|
|
|
|
|
|
|
|
Re: د.الترابى ! (Re: مصعب عوض الكريم علي)
|
| Quote: وواضح جدا محاولة الوقيعة بين الشعبي وتحالف المعارضة |
وقعية شنو يا زول
هو اصلا تحالف المعارضة (واقع ) لانو حشد (اضداد ) واى زول فيهو مكجن التانى بس مجبورين لكن فى واقع الامر اى زول كاره حليفو اكتر من كراهية الحكومة نفسها
| |
|
|
|
|
|
|
|
|
|
Re: د.الترابى ! (Re: محمد حامد جمعه)
|
| Quote: هو اصلا تحالف المعارضة (واقع ) لانو حشد (اضداد ) واى زول فيهو مكجن التانى بس مجبورين لكن فى واقع الامر اى زول كاره حليفو اكتر من كراهية الحكومة نفسها |
بالمناسبة حكاية أي زول كاره حليفو دي ما صحيحة ، قد ولى زمن التحالفات بالعواطف و(تريدني وأريدك) .. الفهم اتطور للأشياء دي ، ياخ انا لقيتك قديم بشكل !
علاقة الشعبي بالمعارضة لا يمكن تقييمها بالريدة والكراهية كما تعتقد ولا يمكن قياسها بـ (المديدة حرقتني ) ولعب الشفع .. هذه العلاقة قائمة على اسس وضوابط وتفاهمات سياسية اهدافها الاساسية معروفة وموثقة ومنشورة لا داعي لتكرارها .
البوست في اعتقادي غير موفق .. وتحضرني حكاية ارجو ان تسمعها جيدا :
"في فترة من الفترات راجت حكاية انو في ناس متجولين بيخطفوا الناس وبيشيلو دمو .. وأصبحت هذه الحكاية الاسطورة للبسطاء بعبع .. واحد من الريف جاء الى الخرطوم وأثناء ما هو ماشي في احدى الازقة .. فتحت امراة عجوز باب منزلها وفي يدها (جوز حمام وسكين ) وقالت له : يا ولدي تعال اضبح لي الحمام ده .. الراجل استحضر حكاية الخطف .. واعتقد ان المرأة تريد ان تستدرجه .. فالتفت اليها وقال : دي قدييييييييييييمه !!
| |
|
|
|
|
|
|
|
|
|
Re: د.الترابى ! (Re: حسن البشاري)
|
يا بشارى ...سلامات
عندو راى فى قيادة المعارضة كلها (مدنية ومسلحة )
مالك عقار ، الحلو ، مبارك الفاضل ، ابوالقاسم امام ، منى اركوى ، ناس خليل (ديل كلهم كانوا حكام ولمن كانوا حكومة ما جابو خبر الشعب دا ويا ريت لو تسمع براك القصص )
ياسر عرمان ،عبدالواحد نور (ديل الصورة الاعلامية والذهنية الاتكرست عنهم صورة كارثية وبطالة ما بتمنحهم فرصة قبول واى زول قال ليك غير غشاك
تانى منو (ابوعيسى بتاع خطبة نجاة مبارك ) واحزاب البعث (سقطت فى بلدها ومعصورة فى ملاذها التانى )
شعب منو يا حسن البراهن على ديل
| |
|
|
|
|
|
|
|
|
|
Re: د.الترابى ! (Re: مصعب عوض الكريم علي)
|
الأخ الكريم محمد حامد جمعة
أنا داخل هذا البوست بهدف مساعدتك لله
فارجو أن تطول بالك شوية
1- الشيوعييين : يا اخ ديل كفار عديل وحطب النار وما عندهم أخلاق وبعدين هي وينها الشيوعية زاتها . تفتكر شيخ حسن رأيو أكعب من رأي ده.
2- الأنصار وحزب الأمة: فغض الطرف إنك حزب أمة فلا كوزا بلغت ولا شيوعي
فلا فجرا تصلي الصبح حاضر ... ولا سكرا تلاقي الديك يعوعي
3- القوميين العرب: إذا قالت كفاح فصدقوها فإن القول ما قالت كفاح .... بس المشكلة هي كفاح زاتها وينها
4- فاروق ابوعيسى: ده قبيلتو شنو ، وأصلو من وين وبيمثل منو ووراه كم راجل
5- ابراهيم الشيخ : يا اخي ديل وليدات اسماعيل الحاج موسى الذي كان يعرف نفسه بانه بيبسي كولا شئ بين الخمر والماء .
البوست الاخير قلت بان د. الترابي رفض غسل جثمان الراحل عبدالخالق محجوب ، البوست ده قلت بأن د. الترابي مشى فوق قبر الراحل عبدالخالق بمركوبه الابيض !!!
في المفاصلة قالوا للجميع بأن د. الترابي يعمل على إحتقار الرجال ويتفه آرائهم ويزلهم ، ورصدوا لمحمد حامد جمعة كل المواقف السيئة في حياته واقنعوه بان د. الترابي هو من كان يرسل الأقدار في طريقه ويقف حجر عثرة أمام تقدمه في الحياة.
قالوا بان بيوت الأشباح رسم خريطتها د. الترابي وخلط مونتها ورمى حجر الأساس ليها ، قالوا بان كشوفات الصالح العام كلها بما فيها فصل محمود شريف موقعة ومختومة بامضاء د. الترابي .
بس يا محمد في مشكلة .... عارف الجماعة ديل كلهم الفرق بينهم وبين جماعتنا شنو؟ أقول ليك ...
كل هولاء يجلسون مع شيخ حسن كتفا بكتف بلا قداسة ولا رهبة ولا حواجز ، تجلس إليه ناهد جبرالله سيداحمد في منزله وتناقشه في كثير من الامور تقتنع ببعض اطروحاته ولكنه يستنير بكثير من اطروحاتها ولا يخفي اعجابه بطريقة تفكيرها، لا يستنكف عن أن يسمع نصيحة هالة عبدالحليم ويقبل وساطتها بينه والصادق المهدي، يزور باقان اموم في بيته لأن باقان زاره في بيته ، ويتعاركوا هو والصادق المهدي فكريا رأسا برأس ، ويتهامسوا هو والراحل نقد حتى يقول احدهم : جماعتك ديل اتفقوا على تشكيل الحزب الإجتماعي الإسلامي
المشلكة يا محمد انو انتو لسه بتفكروا بالطريقة اياها .... بس هنا ( في سودان جديد بتاعنا ده) زي ما كان الراحل قرنق بيقول ما في فوبيا الترابي .... هنا يا محمد الترابي رجل أخطا واعترف بخطائه ويعمل بصدق واخلاص لتصحيحه ، تشكك الناس في نواياه أولا ولكنه لم يعبأ ووجد لهم العذر فشمر عن سواعد الجد والعمل وسابق وسبق فتبدل الشك إلى يقين وتبدلت الكراهية إلى إحترام لأن خصمك السياسي ليس عدوك بل إذا تقدم نحو شبرا تتقدم نحوه ذراعا . نعم ستجد في هذا المنبر واحدا او اثنين في مثل عقلية جماعتنا الانت لسه قاعد معاهم ديل يخوضوا معاك في حديث لا قيمة له ، ولكن ستواجه مشكلة في إقناع أي انسان عقله فوق رأسه وليس في بطنه
أرجع أقعد براك وفكر مرة ومرتين : المعارضة شغالة الزمن ده كلوا عشان تهزم مشروع الإنتهازية الإسلامية ، ود. الترابي ما كان مقتنع وكان مفتكر انه يمكنه إصلاحه وعمل شربات من فسيخ المشروع ، بعدين اقتنع وطلع شال معوله ووقف مع الجماعة يكسر في المشروع ، تقوم المعارضة تركب رأسها وتقول لا ما عاوزة تكسر المشروع عشان د. الترابي انضم اليها !!!! معقولة بس؟!!
مع خالص مودتي التي لا يفسدها محاولاتك المستميتة في فعل ذلك.
| |
|
|
|
|
|
|
|
|
|
Re: د.الترابى ! (Re: حسن البشاري)
|
با محمد حامد جمعة
أولاً:
أنت نسيت مسألة هامة في تهتك كاريزما الترابي وهي أنه وافق كي يقدم نفسه ضمن إثنين آخرين ليختار الرئيس البشير واحداً من ثلاثتهم (الترابي ،علي الحاج ،علي عثمان ) فاختار البشير علي عثمان نائباً له.كان في هذاإعتراف صريح من الرجل بأن قامة البشير أصبحت أعلى منه وهي قد اصبحت أعلى بالفعل بصنيعة الترابي نفسه وحزبه: الإنقلاب. الدبابة.
ثانياً: رجل القرن أي قرن؟ القرن العشرين أم الحادي والعشرين؟
ثالثاً:
هنالك شعب اسمه الشعب السوداني وحواء السودانية والدة لقادة من النساء والرجال.
| |
|
|
|
|
|
|
|
|
 Re: د.الترابى ! (Re: Bushra Elfadil)
|
| Quote: هو الوحيد القادر على فك شفرة (الحركات المسلحة ) فى دارفور وهو الوحيد الذى تعمل له الحكومة الف حساب ، وبدونه فان على (فاروق ابوعيسى ) العودة ليكون موثقا للعقود وعلى هالة عبدالحليم العودة للمنبر باسم (هميمة) وعلى الصادق المهدى العكوف على رفع نقاطه الخمسة الى خمسين وانتظار الصلاة من العيد الى العيد |
اخى محمد حامد
تحية ...
صدقت فى ما اقتبست لك اعلاه ...
ودى مشكلة الترابى بلعب سياسة فى كيان وبنيان الوطن وحوله شعب فاهم وهاضم .....
وعشان كده عمك الترابى مشروع سابق ومنتهى الصلاحية .....!!!!
وكمان معارضتة فاشلة وعوقة , كان من المفروض وبمجرد انشقاقه عن الجماعة ان لا يعمل على الثأر لنفسه (ليته ثأر للشعب)...
الترابى عالم ولكنه يشخصن المواضيع ويتكبر على الكل بعلمه وشوفانى قح ...للاسف ...!
ولا اعتقد بانه سيفوز الا فى اضينة الاصم واو عمشة الاعور ....!هههههههههههههههه 
| |
|
|
|
|
|
|
|
|
|
Re: د.الترابى ! (Re: عبداللطيف شريف على)
|
-
Quote: ومن التطورات المهمة في السودان رفض الدكتور حسن الترابي المشاركة في مؤتمر الحركة الإسلامية مؤكدا أن حزب المؤتمر الشعبي لن يشترك في أي انقلاب للإطاحة بنظام الحكم القائم .وقال مسؤول دائرة العدل وحقوق الإنسان في حزب المؤتمر الشعبي حسن عبدالله الحسين إن مؤتمر الحركة الإسلامية الذي تدعمه الحكومة هو محاولة لبث دماء جديدة في شرايين نظام الحكم القائم.
وكما هو واضح فإن الجبهة السودانية تغلي باتجاهات متعارضة كلها تركز على مسألة واحدة هي كيفية الوصول إلى السلطة، أما قادة هذه الاتجاهات فهي وجوه قديمة لا يبدو أنها استفادت من تجربتها السابقة خلال أكثر من نصف قرن من الزمان، وتلك هي المشكلة الحقيقية التي يواجهها السودان في الوقت الحاضر والتي نلخصها في أنها مشكلة البحث عن السلطة وليس إقامة الدولة الحديثة التي تحفظ للمواطنين حقوقهم السياسية والاقتصادية والقانونية |
يوسف نور عوض
| Quote: هنالك شعب اسمه الشعب السوداني |
دكتور بشرى الفاضل
| Quote: لن يفعلها سوى الشعب |
حسن البشاري
...
..
.
| |
|
|
|
|
|
|
|
|
|
Re: د.الترابى ! (Re: الصادق عبدالله الحسن)
|
حملة منظمة تستهدف الرجل وحزبه لكنها لن تنال منه ولا حزبه شيئا .. تحالف المعارضة قائم وسيكون بعبعا للذين يخافون على الكراسي من الضياع ..
انتبهوا الى داخلكم فان تيار الاصلاح قادم .. اذا لم يستطيعوا التغيير بالكلمة سيتجهون الى الكلام باشياء اخرى ..
الترابي والشعبي قدما نقدا ذاتياً للتجربة السياسية في الحكم وخرجوا منها بدروس وعبر .. وتجربة الشعبي في المعارضة جديرة بالوقوف عندها كثيرا .
شاهد عصر على كل مواقف الخزي والعار .
فارس لا تغريه السلطة ولا تخيفه الزنازين ..
| |
|
|
|
|
|
|
|
|
|
Re: د.الترابى ! (Re: Salwa Seyam)
|
| Quote: ودون جرح لمشاعر المناصرين للاخرين فلا مقارنة بين الرجل ونظرائه وانداده من محمود محمد طه الى عبدالخالق محجوب |
عزيزنا محمد حامد جمعه ..
إنت بى جدك ..
.
.
دعك عن القرن ..
هل أنت فعلاً ترى الدكتور الترابي نداً للأستاذ محمود محمد طه .. ؟؟ ..
و الله دا تقدير بيخلي الواحد يزعل ليك ، مش منك ..
.
.
تعرف أنا عندي رأي إنو نحن كجمهوريين إنجرفنا وراء تيار العداء للترابي ، فأعمانا ذلك عن رؤية الكثير من مزاياه .. فقد ظللنا نراه بعين السخط ..
و في تقديري إن قراءة أكثر حياداً يمكن أن تزيل كثير من الغشاوة ، لتفضي لروية عادلة ، و منصفة ..
و لكن صدقني فإن د.الترابي هو أول ، و أكبر من ظلم د.الترابي ..
فبحرصه على الجمع بين صورة السياسي الذي لا تحده حدود في التصرف ، و بمقدوره أن يلعب ببيضة السياسة ، و حجرها - على النحو الذي يجعل منه (بهلوان ) السياسة السودانية بامتياز - و بين المفكر الحر ، الثائر على الجمود ، و الساعي لإحداث إنقلاب ( كوبرنيكي ) في الفكر الإسلامي جعل السياسي فيه يغتال المفكر ، و ( الانتهازي) يغتال ( ود الصالحين ) ..
و في المحصلة فقد قضى مشروعه السياسي ( البهلواني) ، بتاكتيكيته ، و ميكافيليته المطلقة ، على مشروع المفكر الحر الذي لا يقوم إلا على ( الأصالة ) ، و الصدق ، و المبدأية ..
و في النهاية ما هي النتيجة ؟؟ ..
مفكر لم يستقر في الأذهان منه إلا بعض خطرفات في ندوة أو ندوتين ، تقيم الدنيا ، و لا تقعدها ، ليوم أو يومين ، ثم تنسى .. ينساها ، و ينساها الناس .. و في المقابل سياسي ، أنتج مشروعاً حضارياً محتضراً ، ليس فيه من رساليته إلا أحلام في وجدان الخلص من تلاميذه ، و من إسلاميته إلا بعض الشعارات ، و الهتاف الموسمي ، الباهت ، و الممجوج ..
نظام يقف هو منه موقف العراب المطرود ، و المعارض المنقوص الثقة ، و المصداقية ..
.
.
لقد ظلمت القرن يا صديق .. أما ظلمك للأستاذ محمود ، فأعلم أنك لا تعنيه .. فأنت أذكى من ذلك ..
.
.
محبتي ..
| |
|
|
|
|
|
|
|
|
|
Re: د.الترابى ! (Re: أحمد الابوابي)
|
عزيزي الابوابي، ياخي و الله انا انا عاتب عليك انتا زاتك. بالله كيف تنطلى عليك الكذبة البلقاء عن حكاية الترابى المفكر او المجدد. ياخي الترابى ليس لديه علاقة لا بالفكر الحر و لا بالتجديد، كلها اكاذيب روجت لها عصابتة التى يتزعمها. الترابى اقرب الى زعماء العصابات و المافيا منه للسياسي او المفكر الحر و المجدد. المفكر لا يكذب و الترابي يكذب و يداهن و يلون حتى التاريخ القريب. هسه كان سألته من قوانيين سبتمر بقول ليك من عندى بيها علاقة فى حين انو الحركة الاسلامية هى التى كانت تخرج المسيرات المؤيدة لغوغائية النميري تلك.
أين الترابى المجدد؟ أنظر للقانون القوانيين الجنائية و قوانين الاحوال الشخصية التى صغيت اٍبان سطوة الترابى و تسلطه على الدولة السودانية. انظر الى موقف هذه القوانيين من حقوق المراة، حرية التفكير و العقيدة و الضمير، حقوق الانسان و الاقليات. أين التجديد المزعوم؟ و اين بالونات الفتاوي التى يطلقها من حين الى اخر؟ لن تجد لها اثر. لانها ليس موقف فكري حقيقي، هى بالونات للبقاء فى الاضواء او حسب ما يقتضى الظرف السياسي فى البلاد. الترابى حقي زعيم مافيا و صنع منظمة قوية لكنها مدمرة بطبيعتها. اٍفترست البلد من اولها الى اخرها، مزقتها و سلمت اٍقتصادها لحفنة من اللصوص و مصاصي الدماء.
الشعب السوداني سوف ينفك فى لحظة ما، من الترابي و العصابة التى صنعها، سوف يحدث هذا قطع شك، سوف يحدث هذا لكن للاسف بكلفة بشرية باهظة. سوف يقتلوا الناس فى الشوارع، قبل ان يتركوا بقرة السلطة التى تدر عليهم الذهب و رغد العيش.
| |
|
|
|
|
|
|
|
|
|
Re: د.الترابى ! (Re: علاء سيداحمد)
|
| Quote: وبدونه فان على (فاروق ابوعيسى ) العودة ليكون موثقا للعقود |
ولماذا لايعود رئيساً لاتحاد المحامين العرب يا طرابنش
------------
| |
|
|
|
|
|
|
|
|
|
Re: د.الترابى ! (Re: Adil Isaac)
|
تحياتى واعزائى للجميع فى الزميل المهذب البحيراوى ، رحمه الله وجعل الجنة مثواه
ساعود للتعليق عقب زوال لحظات الحزن هذه فاعذرونى
| |
|
|
|
|
|
|
|
|
|
Re: د.الترابى ! (Re: abubakr salih)
|
Quote: عزيزي الابوابي، ياخي و الله انا انا عاتب عليك انتا زاتك. بالله كيف تنطلى عليك الكذبة البلقاء عن حكاية الترابى المفكر او المجدد. ياخي الترابى ليس لديه علاقة لا بالفكر الحر و لا بالتجديد، كلها اكاذيب روجت لها عصابتة التى يتزعمها. الترابى اقرب الى زعماء العصابات و المافيا منه للسياسي او المفكر الحر و المجدد. المفكر لا يكذب و الترابي يكذب و يداهن و يلون حتى التاريخ القريب. هسه كان سألته من قوانيين سبتمر بقول ليك من عندى بيها علاقة فى حين انو الحركة الاسلامية هى التى كانت تخرج المسيرات المؤيدة لغوغائية النميري تلك.
أين الترابى المجدد؟ أنظر للقانون القوانيين الجنائية و قوانين الاحوال الشخصية التى صغيت اٍبان سطوة الترابى و تسلطه على الدولة السودانية. انظر الى موقف هذه القوانيين من حقوق المراة، حرية التفكير و العقيدة و الضمير، حقوق الانسان و الاقليات. أين التجديد المزعوم؟ و اين بالونات الفتاوي التى يطلقها من حين الى اخر؟ لن تجد لها اثر. لانها ليس موقف فكري حقيقي، هى بالونات للبقاء فى الاضواء او حسب ما يقتضى الظرف السياسي فى البلاد. الترابى حقي زعيم مافيا و صنع منظمة قوية لكنها مدمرة بطبيعتها. اٍفترست البلد من اولها الى اخرها، مزقتها و سلمت اٍقتصادها لحفنة من اللصوص و مصاصي الدماء.
الشعب السوداني سوف ينفك فى لحظة ما، من الترابي و العصابة التى صنعها، سوف يحدث هذا قطع شك، سوف يحدث هذا لكن للاسف بكلفة بشرية باهظة. سوف يقتلوا الناس فى الشوارع، قبل ان يتركوا بقرة السلطة التى تدر عليهم الذهب و رغد العيش. |
حبيبنا أبوبكر ..
سلامات ياخ ..
الفرق بيننا أننا عبرنا عن نفس المضمون بطريقتين متباينتين ..
أنت اعتبرت الموضوع ( كذبة ) ، و لمتني على تصديقها..
و أنا اعتبره ( دعوى ) ، لذا قمت بتفنيدها ، بما يوضح نقاط الضعف فيها ، و ( مشروع محتمل ) ، لذا قمت بتبيين عوامل فشله ..
.
.
محبتي ..
| |
|
|
|
|
|
|
|
|
 Re: د.الترابى ! (Re: كمال عباس)
|
ٍSpot on
| Quote: هذا الثناء والتقريظ للترابي في تقديري ماهو الإطعم لإجتذاب بعض الأقلام المعارضة لتهاجم الترابي وتصوب السهام نحوه بدلا من تصويبها علي من يتحكم الان في السلطة والثروة ! |
وهذا عين ما قصد (سعادة الضابط العظيم في السواطة) في رأيي
| |
|
|
|
|
|
|
|
|
|
Re: د.الترابى ! (Re: Muhammad Elamin)
|
`
هذا الثناء والتقريظ للترابي في تقديري ماهو الإطعم لإجتذاب بعض الأقلام المعارضة لتهاجم الترابي وتصوب السهام نحوه بدلا من تصويبها علي من يتحكم الان في السلطة والثروة ! [/QUOT
وحدة المعارضة والصبر على ذلك اهم من اجترار المرارات
الوقيعة بين قوى المعارضة وعزلها من بعضها البعض تكتبك خبيث للمؤتمر الوطنى
لا ندافع عن الترابى ولكن اسقاط النظام هو الاولوية وبعد ذلك شئ كل يذهب الى حاله
والتحالفات بين المعارضة بمختلف الوانها جربت فى اتحاد التمثيل النسبى الذى اسهم فى اسقاط عبود
والان تتكر التجربة لانها ضرورة موضوعية وليست حالة زاتية
والنموذج فى جامعة دنقلا
Quote: ائمة الوحدة الطلابية تكتسح انتخابات جامعة دنقلا
الميدان / دنقلا
اكتسحت قائمة الوحدة الوطنية في جامعة دنقلا انتخابات اتحاد الطلاب لهذه الدورة بعدما حصدت أعلى الأصوات في الانتخابات التي خاضتها ثلاث قوائم هي ، الوحدة الطلابية وطلاب المؤتمر الوطني وجماعة أنصار السنة، وقد عمت الفرحة أرجاء كليات الطب والاقتصاد والتقانة وكلية الآداب في كريمة، وخرج الطلاب في مواكب هادرة تندد بطلاب المؤتمر الوطني والذين انسحبوا من جميع الكليات بعد إعلان النتائج.
وصرح مصدر طلابي لـ(الميدان): إن الانتخابات جرت بصورة سلمية ودون أي عنف أو تزوير.
|
| |
|
|
|
|
|
|
|
|
|
Re: د.الترابى ! (Re: رؤوف جميل)
|
وهنا تكمن الماساة
في الملعب المؤتمر الوطني وعلى كنبة الاحتياطى المؤتمر الشعبي
هكذا بلد قطعا موعودة بالتشظي والانهيار
هذا هو مستقبل الدول الدينية
جنى
| |
|
|
|
|
|
|
| |
محمد حامد جمعه
Mohammed Sedeq
أحمد ابن عوف
حسن البشاري
garjah
WIDTH=710 HEIGHT=510>
صديق محمد عثمان
Bushra Elfadil
عبداللطيف شريف على
abubakr salih
الصادق عبدالله الحسن
أحمد الابوابي
علاء سيداحمد
Adil Isaac
كمال عباس
Muhammad Elamin
jini
فيس بوك
تويتر
انستقرام
يوتيوب
بنتيريست