كتب الكاتب الفاتح جبرا المتوفرة بمعرض الدوحة
|
Re: دغدغة (Re: rosemen osman)
|
روزمين
كونى النجمة ... كونى الليل .. تتحفينا دائما بغوصك في بحار اللغة لتتحفينا بروائعك الدرر .. واصلي غوصك في الاعماق السحيقة ... ستجدين قلوبنا معك تتنبض حبا واكسجينا يعينك في رحلتك .. واصلى الغوص بلا توقف
| |
|
|
|
|
|
|
Re: دغدغة (Re: معتصم محمد عبدالرحمن)
|
سلام ..يا حصيفة...
ياخي ده نحت بديع في صخور اللغة ..تراكيب مبتكرة وصور جديدة وقلق وجداني مبدع ورائع
قرأت النص أكثر من مرة ..شعرت بكثافته ، وتوقفت عند مفرداته كونية الشسوع ، فمفردات ومفاهيم مثل :
البحر-الليل- اللؤلؤ - السعادة - اليأس-الطير-النهار- الحكمة -العشب-الطحلب -الزرقة - الإصفرار - الكون-القلق - الشراهة - الإثم - الوجود .....
تدفع الخيال دفعاً للإندياح من أعلى قمم العالم ...والإنفتاح على كل الإحتمالات التأويلية المتوقعة وغير المتوقعة...في سباحة تأملية حرة ...
شكرا ليك هذا العنفوان الشعري ..المحفز . ------------------------------------------------ أظن انفغار ...أضبط لغوياً من " افتغار" ...
وأظن تاني البلع يا هو الإزدراد ...حكايتك شنو ...بتكتبي قبل الفطور ؟؟ ----( ابتسمي)
| |
|
|
|
|
|
|
Re: دغدغة (Re: ibrahim fadlalla)
|
سلامات يا عزيزنا ابراهيم
أهديك العلاقة اللونية الأصفر + الأزرق ..وأمنيات بأحلام أمينة ونضرة .. وأنا متاكدة أنك كنت حتفتح الهدية كمان شوية كثيرا ما أتساءل ماذا سيحدث ان ابتدأ البحر الثرثرة ..بعض ثرثراتنا ..أى آذان ستسوعب .. وجودك فى هذا المكان هو انعكاس لرؤيته محتملا ..وليس فوق الطوق
شاكرة جدا فضلك ..وتنبيهك اللطيف للكلمة العجيبة دي :).... ____________
أكتب جائعة :) أواخر الليل عادة .. سأفكر فى الكتابة بعد وجبة علشان ننفك من أسر المفردات دي :)...شكرا على الابتسامة
| |
|
|
|
|
|
|
Re: دغدغة (Re: معتصم محمد عبدالرحمن)
|
سلامات معتصم محمد
شاكرة فضلك ولطفك ياخ ..
الغوص القلِق..مخيف .. قد يكون استهلال للغرق الأكبر ..واستكانة للخوف الأعظم
لك المحبة والتقدير
| |
|
|
|
|
|
|
Re: دغدغة (Re: rosemen osman)
|
عزيزتي روزمين دغدغتي مشاعرنا بأمواج البحر وبكلماتك الرائعة كروعتك وروعة اسمك الرنان.. تصوغين الكلمات وتملكين سحرها لتدخل قلوبنا وعقولنا.. والله يديك العافية
| |
|
|
|
|
|
|
Re: دغدغة (Re: خالد عبدالوهاب)
|
سلامات آسفة للتأخير والدتي كانت معي وسافرت اليوم ..كمان الدخول والكتابة فى سودانيز بقت صعبة أنها to download
شكرا يا أميرة البت الرقيقة على لطفك ...الله يديك العافية
يا دندون : بت أمها وأبوها والنبي ..كيف أخباركم :) شكرا يا ستي
يا خالد ..شكرا على الهدية ...لكن تعذر على فتحها .. وشوفك ..مقبولة برضو :)
| |
|
|
|
|
|
|
Re: دغدغة (Re: rosemen osman)
|
هههههههههه
عارفة .. اول ماقريت القصيدة طوالي اتذكرت ايام النهلة توصد ازرقها وماصاحبها من حوارات .. وضحكت كثيرا جدا ومالقيت اي طريقة غير اني اهديك بوست دكين اعلاه ارجو ان تتمكني من فتحه فهو طريف جدا :)
شكرا على روحك الحلوة
| |
|
|
|
|
|
|
Re: دغدغة (Re: خالد عبدالوهاب)
|
فعلا طريف ومأمون ولدنا خلاه أطرف والمبتسمات ههههه ولا يهمك يا سيدي روحي الحلوة دي تعبانة فيها ..لكن مافى مشكلة نشاركها معاكم ..ونواصل :)
| |
|
|
|
|
|
|
Re: دغدغة (Re: rosemen osman)
|
Quote: ياخ إتى مجنونه!!ياخ شاهيك دا أخدر?
لك ولأهلك السلام
|
يا بعض أهلىنا منصور غايتو تشهوا الزول سحر الأخضر دا ...حالته من غير هههه (أمزح :) شاكرة فضلك ومسرورة بتوقفك عندها .
محبتي وتقديري
| |
|
|
|
|
|
|
Re: دغدغة (Re: د.محمد حسن)
|
روزمين قرأتها كسفر شغف اثير .. و قنينة محبة بالبحر/الاخر(رجل ما... ربما) تتنسمين مدارات إتساعه ... وإطلاله على عوالم إنتظاركِ تشتهين خباياه ..تدثرين.. إلفته..وجميل سجاياه تخافين من تطفل لياليه (تقرا ايضا اوقات غيابه) وتغارين من تسكع فاتنات الصدور والحياء/بعض نساء.... فى حيز وجوده.
بالجنبة كده منتهى الانانية فى عشقكِ للبحر او الاخر (ترقضين مشاركة الاخرين لكِ) (وش باسم)
أعزازى
| |
|
|
|
|
|
|
Re: دغدغة (Re: امير الامين حسن)
|
سلامات محمد حسن ..سررت بمرورك يا باشا على متن البوست وسرته .. يديك العافية والكتابة كمان وكمان :)
سلامات يا أمير .. جعلتني أرجع وأعيد قراءة النص ببصيرتك وعقلك وشوفك .. مساهمتك دائما تمنح ...أبعاد جديدة ورحيبة البحر بحري حينها وبحرهم حينهم ..ما أعظمه ياخي الأناني مين البقرمش قلقنا بمهل .. واللا البنطبخ آلامنا ونطعمه اياها جاهزة :) علاقة صعبة مش كدة ..الدنيا دي عجيبة ..حلوة ومؤلمة..
لك التقدير والمحبة
| |
|
|
|
|
|
|
|