Post: #1
Title: دغدغة
Author: rosemen osman
Date: 06-06-2013, 10:47 AM
سأكون البحر
أختلسُ لآلئي من دموع الآلهة
وملحي من سعادتهم المتكلسة
الليل يستنفد يأسه
يخْزِن من حدقات البوم
شظف الخيارات
النهد الفيلسوف على الشط
تأمل الكف الرملي إرب العشب
(رميم حكمة النهار ) ..
سأكون البحر
اكتنان زبد المعرفة
صخر الأسئلة وركودها
سأكون البحر
طحالب الذاكرة الأمينة
زرقتي واصفرار المثالية اللزجة
سأكون البحر
سُرَّة الأمنيات
اجتراء المناقير فعل الدغدغة
انفغار فم الكون عن موجة ماجنة
سأكون البحر
أبادر ابتلاعي
أستنأى قرمشة قلقي
فقرة ..فقرة
وامسح عن فمي بتوتر غير بالغ
اثم شراهة وجودي
..................
روزمين الصياد
|
Post: #2
Title: Re: دغدغة
Author: معتصم محمد عبدالرحمن
Date: 06-06-2013, 11:01 AM
Parent: #1
روزمين
كونى النجمة ... كونى الليل .. تتحفينا دائما بغوصك في بحار اللغة لتتحفينا بروائعك الدرر .. واصلي غوصك في الاعماق السحيقة ... ستجدين قلوبنا معك تتنبض حبا واكسجينا يعينك في رحلتك .. واصلى الغوص بلا توقف
|
Post: #3
Title: Re: دغدغة
Author: ibrahim fadlalla
Date: 06-06-2013, 11:47 AM
Parent: #2
سلام ..يا حصيفة...
ياخي ده نحت بديع في صخور اللغة ..تراكيب مبتكرة وصور جديدة وقلق وجداني مبدع ورائع
قرأت النص أكثر من مرة ..شعرت بكثافته ، وتوقفت عند مفرداته كونية الشسوع ، فمفردات ومفاهيم مثل :
البحر-الليل- اللؤلؤ - السعادة - اليأس-الطير-النهار- الحكمة -العشب-الطحلب -الزرقة - الإصفرار - الكون-القلق - الشراهة - الإثم - الوجود .....
تدفع الخيال دفعاً للإندياح من أعلى قمم العالم ...والإنفتاح على كل الإحتمالات التأويلية المتوقعة وغير المتوقعة...في سباحة تأملية حرة ...
شكرا ليك هذا العنفوان الشعري ..المحفز .
------------------------------------------------
أظن انفغار ...أضبط لغوياً من " افتغار" ...
وأظن تاني البلع يا هو الإزدراد ...حكايتك شنو ...بتكتبي قبل الفطور ؟؟ ----( ابتسمي)
|
Post: #5
Title: Re: دغدغة
Author: rosemen osman
Date: 06-06-2013, 02:46 PM
Parent: #3
سلامات يا عزيزنا ابراهيم
أهديك العلاقة اللونية الأصفر + الأزرق ..وأمنيات بأحلام أمينة ونضرة .. وأنا متاكدة أنك كنت حتفتح الهدية كمان شوية
كثيرا ما أتساءل ماذا سيحدث ان ابتدأ البحر الثرثرة ..بعض ثرثراتنا ..أى آذان ستسوعب ..
وجودك فى هذا المكان هو انعكاس لرؤيته محتملا ..وليس فوق الطوق
شاكرة جدا فضلك ..وتنبيهك اللطيف للكلمة العجيبة دي :)....
____________
أكتب جائعة :) أواخر الليل عادة ..
سأفكر فى الكتابة بعد وجبة علشان ننفك من أسر المفردات دي :)...شكرا على الابتسامة
|
Post: #4
Title: Re: دغدغة
Author: rosemen osman
Date: 06-06-2013, 02:28 PM
Parent: #2
سلامات معتصم محمد
شاكرة فضلك ولطفك ياخ ..
الغوص القلِق..مخيف .. قد يكون استهلال للغرق الأكبر ..واستكانة للخوف الأعظم
لك المحبة والتقدير
|
Post: #6
Title: Re: دغدغة
Author: اميرة السيد
Date: 06-06-2013, 02:54 PM
Parent: #4
عزيزتي روزمين
دغدغتي مشاعرنا بأمواج البحر وبكلماتك الرائعة كروعتك وروعة اسمك الرنان.. تصوغين الكلمات وتملكين سحرها لتدخل قلوبنا وعقولنا..
والله يديك العافية
|
Post: #7
Title: Re: دغدغة
Author: دينا خالد
Date: 06-06-2013, 03:08 PM
Parent: #6
من امها والله ....
ــــــــــــــــــــــــــــــ
ويل كوم باك روزمين ... نورتى ..
|
Post: #9
Title: Re: دغدغة
Author: rosemen osman
Date: 06-07-2013, 07:22 PM
Parent: #8
سلامات
آسفة للتأخير
والدتي كانت معي وسافرت اليوم ..كمان الدخول والكتابة فى سودانيز بقت صعبة أنها to download
شكرا يا أميرة البت الرقيقة على لطفك ...الله يديك العافية
يا دندون : بت أمها وأبوها والنبي ..كيف أخباركم :)
شكرا يا ستي
يا خالد ..شكرا على الهدية ...لكن تعذر على فتحها .. وشوفك ..مقبولة برضو :)
|
Post: #10
Title: Re: دغدغة
Author: خالد عبدالوهاب
Date: 06-07-2013, 07:36 PM
Parent: #9
هههههههههه
عارفة .. اول ماقريت القصيدة طوالي اتذكرت ايام النهلة توصد ازرقها وماصاحبها من حوارات .. وضحكت كثيرا جدا ومالقيت اي طريقة غير اني اهديك بوست دكين اعلاه
ارجو ان تتمكني من فتحه فهو طريف جدا :)
شكرا على روحك الحلوة
|
Post: #11
Title: Re: دغدغة
Author: rosemen osman
Date: 06-07-2013, 11:03 PM
Parent: #10
فعلا طريف ومأمون ولدنا خلاه أطرف والمبتسمات ههههه
ولا يهمك يا سيدي روحي الحلوة دي تعبانة فيها ..لكن مافى مشكلة نشاركها معاكم ..ونواصل :)
|
Post: #12
Title: Re: دغدغة
Author: munswor almophtah
Date: 06-08-2013, 02:19 AM
Parent: #11
روزمين والخيالات الهلاميه - نبض الحرف وجرف المفرده وساحل العباره وشط الحيرة
الذى يناغى فص النص يذوب فى بحر الحلم المتماهى عهنا فى الآفاق.
ياخ إتى مجنونه!!ياخ شاهيك دا أخدر?
لك ولأهلك السلام
منصور
|
Post: #13
Title: Re: دغدغة
Author: rosemen osman
Date: 06-08-2013, 09:55 AM
Parent: #12
مساهمة من الأخ الكريم سمير شيخ ادريس
Quote: زقزقة
سيكون الطائر
يوضىء الحشرجة تحت اقدام ابولو
وصوته من معاركهم الخاسرة
الصبح يبعث بأسه
يغزل من ريش النسور
تعب النهارات القديمة
الساق المفكر على البر
قرأ درس ارم العماد
سيكون الطائر
خلاصة العسل البرى
موت الاجوبة وسكونها
سيكون الطائر
سدة الاغنيات
اجتراحُ الريش صوت الزقزقة
اندهاش عصب الجبال عن صخرةِ ساجدة
سيكون الطائر
يبادر لموته
يستبعد ابتلاع توتره
قضمة قضمة
ويفتح منقاره بحزن .. غير مستبعد
خطيئة جوعه الابدى |
زي العسل على قلبي والله ههههه
تعرف يا أخي الفاضل ..بفرح كتير بالمحاولات دي وكأم بضحك أكثر لما أولادي مثلا يعملو حركة زي دي ..فيهما محبة مغلفة بغيظ ..ولا يا ربي علشان روحي القالو حلوة دي بشوف أي شئ محبة :)
شاكرة جدا مساهمتك ومجهودك ..لكن بصراحة لو فى أي شيئ منى شايله فى نفسك قولو ..لأنه شكلك كدة (ما مستظرفني -مواقف و كتابة ) من موقف أو اتنين (غليظين )تجاهي زمان على ما أذكر أنت والأخ دكين
بيضو النية يا أخوي ..الدنيا دي ما بتستاهل ..ولا فى حد فى الدنيا دي بستحق ترهقوا روحكم الحلوة (على ما أظن وحسب ظني الطيب بالآخرين ) فى ضغائن وملاحقات ..والله أعلم .
وقلبي وعقلي مفتوح ومشرع دايما للمحبة والخير وللخيرين والجميلين .. وأراكم أهل له .
لك المحبة والتقدير
____________
(ذكرت دكين لأني تذكرت مواقف له ..من مداخلة الأخ خالد أعلاه ..وموقفك الذي ما زال قائما....)
|
Post: #14
Title: Re: دغدغة
Author: rosemen osman
Date: 06-08-2013, 10:08 AM
Parent: #13
Quote: ياخ إتى مجنونه!!ياخ شاهيك دا أخدر?
لك ولأهلك السلام
|
يا بعض أهلىنا منصور
غايتو تشهوا الزول سحر الأخضر دا ...حالته من غير هههه (أمزح :)
شاكرة فضلك ومسرورة بتوقفك عندها .
محبتي وتقديري
|
Post: #15
Title: Re: دغدغة
Author: د.محمد حسن
Date: 06-08-2013, 03:31 PM
Parent: #14
Quote: سأكون البحر
سُرَّة الأمنيات |
سرة النص
|
Post: #16
Title: Re: دغدغة
Author: امير الامين حسن
Date: 06-08-2013, 08:56 PM
Parent: #15
روزمين
قرأتها كسفر شغف اثير ..
و قنينة محبة بالبحر/الاخر(رجل ما... ربما)
تتنسمين مدارات إتساعه ... وإطلاله على عوالم إنتظاركِ
تشتهين خباياه ..تدثرين.. إلفته..وجميل سجاياه
تخافين من تطفل لياليه (تقرا ايضا اوقات غيابه) وتغارين من تسكع
فاتنات الصدور والحياء/بعض نساء.... فى حيز وجوده.
بالجنبة كده
منتهى الانانية فى عشقكِ للبحر او الاخر
(ترقضين مشاركة الاخرين لكِ) (وش باسم)
أعزازى
|
Post: #17
Title: Re: دغدغة
Author: rosemen osman
Date: 06-09-2013, 09:23 PM
Parent: #16
سلامات محمد حسن ..سررت بمرورك يا باشا على متن البوست وسرته ..
يديك العافية والكتابة كمان وكمان :)
سلامات يا أمير ..
جعلتني أرجع وأعيد قراءة النص ببصيرتك وعقلك وشوفك ..
مساهمتك دائما تمنح ...أبعاد جديدة ورحيبة
البحر بحري حينها وبحرهم حينهم ..ما أعظمه ياخي
الأناني مين البقرمش قلقنا بمهل .. واللا البنطبخ آلامنا ونطعمه اياها جاهزة :)
علاقة صعبة مش كدة ..الدنيا دي عجيبة ..حلوة ومؤلمة..
لك التقدير والمحبة
|
Post: #18
Title: Re: دغدغة
Author: ابراهيم حموده
Date: 06-10-2013, 09:08 AM
Parent: #17
العزيزة روزمين
سعدت بتناول هذه الجرعة الجمالية في بداية يومي هذا.
تحياتي
|
|