|
Re: علماء النبات والمختصين افتونا في هذه الحالة (توجد صور) (Re: صبري طه)
|
يا جنابو
البوست دا يبدو إنه بدر الدين أحمد موسى ما شافوا لسه
لكن بالرغم من إنه هو عالم حيوان (أقصده تخصصه في الإنتاج الحيواني طبعاً) عشان ما يجي واحد يقرارها بطريقة تانية
لكن بيفتي ليك في الحالة دي
وأنا بعمل ليهو فرشة بتاعت إستفزاز عشان يجي طاير
يمكن تكون حالة مرضية مثل نقض في اي عنصر مثل النتروجين أو الزنك أو غيره
والنقص بيكون بالنسبة للأوراق اللي لونها باهت أو فيها كرفسة كدا
وفي إنتظار بدر الدين أحمد موسى
| |
|
|
|
|
|
|
Re: علماء النبات والمختصين افتونا في هذه الحالة (توجد صور) (Re: Asim Fageary)
|
Quote: البوست دا يبدو إنه بدر الدين أحمد موسى ما شافوا لسه
لكن بالرغم من إنه هو عالم حيوان (أقصده تخصصه في الإنتاج الحيواني طبعاً) عشان ما يجي واحد يقرارها بطريقة تانية
لكن بيفتي ليك في الحالة دي |
ياريت ياعصام لو تلكزو لينا يمكن نقدر نفهم منو الحاصل شنو بالضبط
Quote: يمكن تكون حالة مرضية مثل نقض في اي عنصر مثل النتروجين أو الزنك أو غيره
والنقص بيكون بالنسبة للأوراق اللي لونها باهت أو فيها كرفسة كدا |
الاوراق اللونه باهت وفيهو شوية اصفر دي اصل النبتة يعني اصلها شكلها كده ما اصفرار مرضي
| |
|
|
|
|
|
|
Re: علماء النبات والمختصين افتونا في هذه الحالة (توجد صور) (Re: معروف حمدين)
|
يا جنابو
الشجرة دي زي ما قال عاصم تعاني من نقص في الزنك والماغنيسيوم ودا ظاهر من بياض أطراف الأوراق
الحتة الإنت شايفة مختلفة دي بتكون برعم حديث في قمة الشجرة أو برعم طرفي حديث لذلك لا تزال محتفظة بشيء من الحيوية
ولأنو دائما الجديد شديد وبلقى عناية بتكون مستأثرة بجزء كبير من العناصر الغذائية على قلتها الموجودة .
احتمال ثاني ممكن تكون الشجرة مصابة بمرض فطري لم يصل إلى هذا الجزء
اسرع حل تمشي ناس المؤسسات الزراعية وتجيب مركب ورقي بحتوي على عناصر غذذائية شاملة وترشو بمرشة على الأوراق
| |
|
|
|
|
|
|
Re: علماء النبات والمختصين افتونا في هذه الحالة (توجد صور) (Re: حمد عبد الغفار عمر)
|
Quote: الشجرة دي زي ما قال عاصم تعاني من نقص في الزنك والماغنيسيوم ودا ظاهر من بياض أطراف الأوراق
الحتة الإنت شايفة مختلفة دي بتكون برعم حديث في قمة الشجرة أو برعم طرفي حديث لذلك لا تزال محتفظة بشيء من الحيوية
ولأنو دائما الجديد شديد وبلقى عناية بتكون مستأثرة بجزء كبير من العناصر الغذائية على قلتها الموجودة .
احتمال ثاني ممكن تكون الشجرة مصابة بمرض فطري لم يصل إلى هذا الجزء |
المشكلة ياحمد زي ماقلت لعصام فوق الشكل الشايفنو زي مرضان ده هو شكل الاوراق الطبيعي الاخضر بتاعه باهت وفيها شوية اصفر باهت برضو لانها من يومه شكلها كده والاغرب من كده انو الغصن المختلف واحد فقط من بين كل اغصان النبتة الكثيرة دي !!!!!!
| |
|
|
|
|
|
|
Re: علماء النبات والمختصين افتونا في هذه الحالة (توجد صور) (Re: omer osman)
|
الموضوع ده خطير يا جنابو .. اقترح تكوين لجنة من البورداب لمعيانة وفحص الشجرة وتكوين لجنة فرعية مهمتها قطع الصفق وارساله الي ادراة وقاية النباتات علي ان تنبثق منها لجنيتين واحده لتجهيز الحاجات والتانيه بقيادة الاخ ذو اليد علي ان لا تتجاوز رسوم الاشتراك 20 جنيه بالجديد .. الموضوع خطير يا جماعة ومفروض الناس تتكاتف وما نخلي اخونا عمر براهو في مواجهة هذه الصفقة الشريرة .. بالمناسبة : أين الاخ انور التكينة في هذا السقط ؟
ـــــــــــــــــــــــــــــــــــ جنابو شكلي كده حا اجيب كمرتي واجي اتغدي معاك وافهم الموضوع برواقه ..
| |
|
|
|
|
|
|
Re: علماء النبات والمختصين افتونا في هذه الحالة (توجد صور) (Re: Faisal Elrasheed)
|
Quote: الموضوع خطير يا جماعة ومفروض الناس تتكاتف وما نخلي اخونا عمر براهو في مواجهة هذه الصفقة الشريرة .. |
يا فيصل يااااااااخ انت الوحيد الفيهم وحاسس بي وبخطورة الموقف !!!! وغايتو اذا اللجان دي فيها لجنة حتسافر بره للاطلاع على تجارب الدول المتقدمة في هذا المجال الرجاء ختني عضو فيها ومعاي اخوي وهبة اصلو طول ماسافر
| |
|
|
|
|
|
|
Re: علماء النبات والمختصين افتونا في هذه الحالة (توجد صور) (Re: omer osman)
|
Quote: وغايتو اذا اللجان دي فيها لجنة حتسافر بره للاطلاع على تجارب الدول المتقدمة في هذا المجال الرجاء ختني عضو فيها ومعاي اخوي وهبة اصلو طول ماسافر |
والله ياخ انا شايف انه ندرس الموضوع بكل جوانبه .. ممكن لجنة من بورداب هولندا تفتي لينا في امكانية الاتصال بمعاهد البحوث والجامعات في هذا الامر .. اقترح نسند الموضوع علي الحيطه وننتظر .. والله لا يضيع اجر من احسن عملا ..
ــــــــــــــــــــ * ده كلو ممكن نتوصل ليه بعد مباحثات ما بعد الغداء وكده ..
| |
|
|
|
|
|
|
Re: علماء النبات والمختصين افتونا في هذه الحالة (توجد صور) (Re: محمد سنى دفع الله)
|
Quote: عالم بتاعين مظاهر كيف يعني عاوز تورينا انو بيتكم فيهو شجر وكده اها عرفنا !! ما اي شجرة مافيها صفقة بتشبه التانية |
هههههههههههههههه هههههههههههههههه بيتنا فيهو شجر وانا قريت في دار الحنان كمان اها المافي شنو
Quote: وبالمناسبة دي حنضمك معانا في مشروع لكل خريف زهرة ايه رايك ؟؟ |
طوالي ......
Quote: سالت شيخ قال لي الصفقة دي قامت يالليل ولا النهار ؟؟ |
قول ليهو دي قامت سداري ههههههه لا بالليل لا بالنهار اها جاوب ياشيخ هههههههههههه
| |
|
|
|
|
|
|
Re: علماء النبات والمختصين افتونا في هذه الحالة (توجد صور) (Re: Faisal Elrasheed)
|
Quote: الحتة الإنت شايفة مختلفة دي بتكون برعم حديث في قمة الشجرة أو برعم طرفي حديث لذلك لا تزال محتفظة بشيء من الحيوية |
سلام يا جنابو دا اقرب كلام للصحة وازيد أن الصفقات الداخلية المخضرة دي غير ان انباتها جديد فهي محتمية بالصفقات الخارجية الكبيرة التي اثرت عليها عوامل الشمس و الضوء .
* سفيان نابري مزارع بالفطرة و حالياً متوجه مشروع زراعي جديد غرب أم درمان . (طامح ابقى زي ود عاشميق بتاع عثمان موسى.
ـــــــــــــــــــــــــــ بالمناسبة خليك جادي في موضوع الماتش داك و الملاعب كتيرة نأجر و نغلبكم و نشرب الببسي . بس صراحة أنا بحب الماتش بتاع البجي فيهم قون اول يقلعوا فنايلهم .
| |
|
|
|
|
|
|
Re: علماء النبات والمختصين افتونا في هذه الحالة (توجد صور) (Re: سفيان بشير نابرى)
|
Quote: وازيد أن الصفقات الداخلية المخضرة دي غير ان انباتها جديد فهي محتمية بالصفقات الخارجية الكبيرة التي اثرت عليها عوامل الشمس و الضوء . |
دعنا نراقب النبتة كم يوم ونشوف ياسفيان هل في تغييرات ح تحصل ام لا ........
Quote: بالمناسبة خليك جادي في موضوع الماتش داك و الملاعب كتيرة نأجر و نغلبكم و نشرب الببسي . |
تغلبونا بنضرب تلاتة تسعات ونقول ليهم افتحوا للناس ديل بلاغ تعدي على موظف عام ههههههههه
| |
|
|
|
|
|
|
Re: علماء النبات والمختصين افتونا في هذه الحالة (توجد صور) (Re: Faisal Elrasheed)
|
سلام يا جنابو
زمان لمن جاء استاذ يشرح لينا قصة الجينات وفصائل الدم وبلاوي مندل ديك حكى لينا قصة من القضاء البريطاني، قال الراجل ولده الكبير ما شاء الله، طول بعرض وصحة تمام التمام ووسيم .. المهم، ولده التاني طلع زول مخستك وضعيفوني ومرضان السنة كلها على العليهو شين شديد، قام رفع قضية على المرا بتهمة الخيانة وانو السجمان دا ما ولدو، هاك يا تحاليل شيك ختك ، النتيجة طلعت، صحيح الموضوع فيهو خيانة، لكن السجمان هو الطلع ولده من صلبو والتاني لا.
انا مع الرأي البقول، الحتة الانت شايفه غريبة دي، هي الحته السليمة في الشجيرة، والباقي مرضان من يومو بس انت ما جايب خبر
هذا والله اعلم
الغداء بتين؟؟
| |
|
|
|
|
|
|
Re: علماء النبات والمختصين افتونا في هذه الحالة (توجد صور) (Re: Faisal Elrasheed)
|
الأخ عمر يبدو لى من الصور صفق النبته طبيعى، ويبدو أن السبب هو أختلاف أعمار الأوراق .. لاحظت فى إحد الصور أن الفرع الذى يحمل الأوراق الخضراء هو فى الأصل (خلفة) من فرع تم قطعه .. وهذه الحالة تلاحظها فى شجرة النيم حينما يتم تجذيبها .. تنموا الأوراق بكثافة وأخضرار شديد، لأن المواد الغذائية التى كانت تذهب إلى الأفرع والأورق تكون متراكمة أثناء فترة القطع حتى تنمو أوراق جديده ويدفع النبات بتلك العصارة الى الأوراق الجديدة. وفى هذه الحالة حتى لا تكون الأوراق مختلفة وتغير من شكل النبات فى الزينة، تقوم تعمل قص لكل أفرع النبات فى زمن واحد حتى تنمو أوراق متجانسة فى أعمارها ومن ثم ألوانها.
بريمة
| |
|
|
|
|
|
|
Re: علماء النبات والمختصين افتونا في هذه الحالة (توجد صور) (Re: بريمة محمد)
|
Quote: يبدو لى من الصور صفق النبته طبيعى، ويبدو أن السبب هو أختلاف أعمار الأوراق .. لاحظت فى إحد الصور أن الفرع الذى يحمل الأوراق الخضراء هو فى الأصل (خلفة) من فرع تم قطعه .. وهذه الحالة تلاحظها فى شجرة النيم حينما يتم تجذيبها .. تنموا الأوراق بكثافة وأخضرار شديد، لأن المواد الغذائية التى كانت تذهب إلى الأفرع والأورق تكون متراكمة أثناء فترة القطع حتى تنمو أوراق جديده ويدفع النبات بتلك العصارة الى الأوراق الجديدة. وفى هذه الحالة حتى لا تكون الأوراق مختلفة وتغير من شكل النبات فى الزينة، تقوم تعمل قص لكل أفرع النبات فى زمن واحد حتى تنمو أوراق متجانسة فى أعمارها ومن ثم ألوانها. |
ده كلام منطقي ومتماسك يابريمة بس صراحة ما عارف هل انت مختص في المجال ام خبرة حياة وملاحظة ؟ في كل الاحوال الف شكر على الافادة
| |
|
|
|
|
|
|
Re: علماء النبات والمختصين افتونا في هذه الحالة (توجد صور) (Re: فيصل محمد خليل)
|
الأخ عمر سلام ..
Quote: ده كلام منطقي ومتماسك يابريمة بس صراحة ما عارف هل انت مختص في المجال ام خبرة حياة وملاحظة ؟ في كل الاحوال الف شكر على الافادة |
زراعى ومزارع، الأثنين مع بعض .. لكن الخبرة قديمة وربما تكون الأستشارة هنا غير دقيقة تماماً .. لكن على العموم أنت لا تحتاج أن تذهب لناس الأرشاد، لأن الحالة واضحة ليس حالة مرضية بالنسبة للفرع ..
الأخ فيصل،
كلامك أن الفرع ورث صفات جدو غير دقيق، ويكون صحيح فى حالة واحدة لو الأخ عمر عمل تعقيل للنبات بنات أخر.
بريمة
| |
|
|
|
|
|
|
Re: علماء النبات والمختصين افتونا في هذه الحالة (توجد صور) (Re: Asim Fageary)
|
Quote: سالت شيخ قال لي الصفقة دي قامت يالليل ولا النهار ؟؟ |
بمناسبة شيخ حبيبنا السني دا قال ليك و احد بلدياتنا سافر الحج وجاء راجع بعد كم يوم كدا مشى سأل شيخ فقيه قائل :- يا شيخنا انا مشيت الحج و عملته كل الشعائر بس نسيت ازور قبر المصطفي صلى الله عليه و سلم ... اها حجي دا صاح ولا بـاطـل ؟ الشيخ قال ليهو :- يعلم الله بـاطـل أنت دا ما حجك .
ــــــــــــــــــــــــــــ حاسي بنفسي زي ذو اليد في البوست حق صاج السمك .
| |
|
|
|
|
|
|
Re: علماء النبات والمختصين افتونا في هذه الحالة (توجد صور) (Re: محمد جلال عبدالله)
|
Quote: يا جنابو بيتكم لو قريب من مقر المؤتمر الوطني يبقى أكيد الصفقات الظهرت دي من (الخلايا النايمة) واحتمال يكون ده شغل الفكي أبو جداداة واحتمال برضو بطن الشجرة (بطرانة) انت ياخ مالك انتا :) |
ههههههههههههههههههههه والله يامحمد هو من ناحية قريب فقريب جداً ما اكتر من 350 متر وكان جات على الشجرة هينة الخوف تجي على البيت زاتووووو
| |
|
|
|
|
|
|
Re: علماء النبات والمختصين افتونا في هذه الحالة (توجد صور) (Re: omer osman)
|
وهذه مشاركة وردتني عبر الايميل من الأخ صلاح الحسين له التحية والشكر
Dear Omar, With respect to all what u write. Beraima almost got it when he wrote about leaf age. It is genetics. Genes are expressed differently over time (age) in organisms ( u dont change ur DNA to pass to adulthood). So its a case of young and old leaves. Ur beautiful shrub is not the only example. Regards.
وفيها تامين على كلام الاخ بريمة .......
| |
|
|
|
|
|
|
Re: علماء النبات والمختصين افتونا في هذه الحالة (توجد صور) (Re: Barakat Alsharif)
|
الاخ عمر عثمان
تحياتي و الشكر للاخ عاصم فقيري الذي توسم في خير و اكثر من ذلك وصفني ب"عالم حيوان" هههههههههههه كويس يا عاصم فقيري بجي الخريف و بلقى فيك فرصة و بتسدا
يا عمر عثمان زي ما قال بريمة و قبله حمد و هما زميلاي في كلية الزراعة الاصل في الشجيرة دي انه الوان اوراقها يكون مختلف و اسمها العلمي كوديم فاريقاتم Codiaem variegatum و فاريقاتم جاية من فاريتي variety و هي التنوع يعني زي ما انت قلت الشجيرة, ما مريضة و انما هي اصلا مختلفة الوان الاوراق. و دا طبعا الكلام القالوهو حمد و بريمة بس كلام حمد عن نقص الماغنسيوم ما صحيح يبدو انه الاقرونومي (تخصص انتاج المحاصيل Agronomy) نسى حمد الهورتكلشر (علم البساتين Horticulture) هههههههه طيب ليه الورق التاني اخضر كله مما جعلك تشك ان هناك مشكلة? مافي مشكلة خالص يا عمر, و زي ما قال بريمة الحكاية كلها ان الورق الجديد هو نبت جديد و مع الزمن حا تختلف الالوان في الورق كما هو طبيعي دي صورة من قوقل لنفس الشجيرة تقريبا و سترى ان الاوراق خضراء مثلما رأيت في شجيرتك
وهذا اللنك لمجموعة من نباتات الفاريقاتم https://www.google.com/search?q=variegatum+codiaeum&h...sAQ&biw=1463&bih=685
| |
|
|
|
|
|
|
Re: علماء النبات والمختصين افتونا في هذه الحالة (توجد صور) (Re: بدر الدين احمد موسى)
|
Quote: الاخ عمر عثمان تحياتي و الشكر للاخ عاصم فقيري الذي توسم في خير و اكثر من ذلك وصفني ب"عالم حيوان" هههههههههههه كويس يا عاصم فقيري بجي الخريف و بلقى فيك فرصة و بتسدا يا عمر عثمان زي ما قال بريمة و قبله حمد و هما زميلاي في كلية الزراعة الاصل في الشجيرة دي انه الوان اوراقها يكون مختلف و اسمها العلمي كوديم فاريقاتم Codiaem variegatum و فاريقاتم جاية من فاريتي variety و هي التنوع يعني زي ما انت قلت الشجيرة, ما مريضة و انما هي اصلا مختلفة الوان الاوراق. و دا طبعا الكلام القالوهو حمد و بريمة بس كلام حمد عن نقص الماغنسيوم ما صحيح يبدو انه الاقرونومي (تخصص انتاج المحاصيل Agronomy) نسى حمد الهورتكلشر (علم البساتين Horticulture) هههههههه طيب ليه الورق التاني اخضر كله مما جعلك تشك ان هناك مشكلة? مافي مشكلة خالص يا عمر, و زي ما قال بريمة الحكاية كلها ان الورق الجديد هو نبت جديد و مع الزمن حا تختلف الالوان في الورق كما هو طبيعي دي صورة من قوقل لنفس الشجيرة تقريبا و سترى ان الاوراق خضراء مثلما رأيت في شجيرتك |
كلام علمي ومرتب في قالب بسيط يفهم من غير المختصين .. الف شكر يابدرالدين يااااااخ على الافادة والتوضيح .. والحمد لله اطمانينا على شجرتنا ياودالبشرى وودالصايم هذه نعمة من نعم سودانيزاونلاين التنوع وتعدد التخصصات والخبرات لذا وجب الشكر لمن جعل هذا ممكناً .......... اخونا بكري ابوبكر واقفل المحضر بساعته وفي تاريخه مع قرارنا باخلاء سبيل الشجرة بالبراءة
| |
|
|
|
|
|
|
Re: علماء النبات والمختصين افتونا في هذه الحالة (توجد صور) (Re: Adrob wad Elkhatib)
|
Quote:
سلام ..تشخيص الاوارق صغيرة صحيح واحتمال عدم وصول اشعة الشمس له
برضو سبب, عامة عند هذه النباتات تذداد خضرة اوراقها فىحالة انعدام الضوء الكافى وخاصة عندما تكون نبات زينة داخل البيوت. |
يا أخوانا عشان يكون حساب ما كوار
وبرضو بستنجد ببدر الدين أحمد موسى هنا
الضوء الواصل للمجموع الخضري لمن يكون قليل هو في حد ذاته سبب لنقس النتروجين
لأنه الضوء هو السمؤول عن التمثيل الغذائي
فيكون المرض نقص النتروجين مش قلة أشعة الشمس والتي هي سبب في نقص النتروجين
| |
|
|
|
|
|
|
|