|
|
|
 Re: *** الإعلامية تسرق قصيدة الرائعة أسماء الجنيد *** (Re: ABUHUSSEIN)
|
سلام يا أبو حسين وأريتك طيب إنت وكل المعاك وكل سنة وإنتو طيبين إن شاء الله
نبهوني للصفحة الخاصة بلإعلامية دي قبل مده ودخلت كم مرة قلت اشوف إمكن بعد تعليقات الناس الواضحة في القصيدة
تخجل الزولة دي وتقول الحقيقة إنه النص ده ما تبعها,, بالعكس لقيتها اللآيكات شغالة تش
واحدة من زميلاتها عملت شير ومدحتها في صفحتها في الشير, برضو قومي جارية بي هناك شكريها واشكريها!!!
بالجد لقيت الحاجة فيها حقارة , كلمت كم زول قلت تشير لي إسمي أو تسحبها من صفحتها أو تعتذر حتى في الخاص ,
لأني لا بعرفها ولا حصل لي الشرف لا في الحقيقة ولا حتى إسفيريا ولا معاى في قائمة الأصدقاء
المهم وحاتكم ولا هببتوا لي
برضو جيت بكل أدب وكتبت ليها زي ما شايفين في الرابط, ولا حياة لمن تنادي
عشان كده سعدت بفتح البوست ده وبشكرك يا ابو حسين عليه كتيييير وبكرر شكري تحديدا لسببين ,.
اولا عشان لو كل زول بعمل عملة زي دي يعلونها لكل الناس مافي زول اعتقد ممكن يكررها
تانيا عشان الناوي يعملها يتووووووب عشان تاني ما يبقى في خجل وإعتذارات
بلإضافة للشكر الكتير إنك خلصت لي أختك حقها واريتو ده يبقى درس لكل من تسول له نفسه من سرقة حقوق الآخرين
علما يا جماعة اي نص أو قصيدة اكتبها ولا انزلها في اي موقع بكتب إسمي تحت كامل ,,
يعني الزولة دي قصدت تشيل النص وتخفي إسم الكاتب ,, حاجة فعلا تغييييظ
| |
 
|
|
|
|
|
|
|
 Re: *** الإعلامية تسرق قصيدة الرائعة أسماء الجنيد *** (Re: اسماء الجنيد)
|
هذه تعتبر جريمة اخلاقية ويعاقب عليها القانون، ويمكن ان تفقد وظيفتها اذا كانت تعمل في هيئة او مؤشة اعلامية محترمة.
سرقة النصوص الادبية او العلمية لا تختلف عن سرقة مراحات الابل او النشل من الجيوب او تليب الحيط والناس نيام.
كل هذه الاعمال الاجرامية تعني فساد الاخلاق ووساع الذمة.
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: Amani Al Ajab)
|
Quote: هذه تعتبر جريمة اخلاقية ويعاقب عليها القانون، ويمكن ان تفقد وظيفتها اذا كانت تعمل في هيئة او مؤشة اعلامية محترمة.
سرقة النصوص الادبية او العلمية لا تختلف عن سرقة مراحات الابل او النشل من الجيوب او تليب الحيط والناس نيام.
كل هذه الاعمال الاجرامية تعني فساد الاخلاق ووساع الذمة. |
مرحب الأخ السنوسي وكل سنة وإنت طيب
والله يا خوي صدقت ,, السرقة ياها السرقة
لكن الزولة دي مااااااالية يدها تفقد وظيفتها الله اعلم !!
هم السرقوه شوية ؟؟ والعافبهم منو ؟؟
والله صفحتها كلها لافحاها اشعار من مشاعر واحاسيس الغير
وكمان خاتة صورتها ومتبجحة بي حق غيرها وتعزم في الأصدقاء يقروا ليها !! عجبي
الأدهى من كده في ناس بتلومني عشان قلت إعلام الإنقاذ !!!
وهى فعلا كده ، وما جبت شيء من عندي ,, لوما إعلام إنقاذ تسرق عينك عينك زي ما هم بسرقوا ؟
اتوقع إنه تكرم زي ما كرموا القبلها من ناهبي السلطة نهارا جهارا
شكرا اخي سنوسي تسلم والله
الأخت أماني ايوا هي إهلامية تابعة لفناة أمدرمان التلفزيونية
في الرابط لو لاحظتي كتيريين من الإعلاميين النزهاء إتبروا من عملتها الشنيعة
وديل ياهم ناس الإعلام النزيه والمصداقية الغير مدبلجة
تسلمي وتشكري يا اماني الحبيبة على جهودك المقدرة جدااا
| |
|
|
|
|
|
|
|
|
 Re: *** الإعلامية تسرق قصيدة الرائعة أسماء الجنيد *** (Re: Amani Al Ajab)
|
Quote:
سرقة أخرى ..
الحبيبة سوما الناس استقوا فيك القلب !! |
والله يا أماني واحد في إتنين يا إما الصفحة دي مربوطة بي صفحة الإعلامية دي زاتها ,
او كمان هي لطشتها منهم , لأنه نفس اللطشة ومترجمة كمان
غايتو طلعنا بي ترجمة مكعوجة برضو ما بطال هههههههههه
تسلمي يا أماني مجهود مقدر بحق وحقيقة , ما نعدمك يا حبيبة
غايتو يا ابو حسين لما تصحا بالسلامة إن شاء الله تلقي لطشتين في بوستيك بدل واحدة ,, لوووولز
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: ABUHUSSEIN)
|
إتسوّد يومها سوادا م يحضرو قطّاع نصيب
هههههههههه ابو حسين تحية وتحيات ياخ
بت الجنييد دى سرقة مدفوعة اللايكات
بتبقى منابت الاسف جزوة متقدة لمانجعل
بيننا وبين شمس الحقيقة حُجُب..
كثيرون من أدعياء المهنة واصحاب الوجوه
الوشها منتعل قفاها يجزمون انهم بحكم ظهورهم فى الفضائيات الماليها حد يقسمون انهم اكثر صدقا
وحفظا على مكنونات الدّر المنثور قولا من بدآئع نظم الاخرين
نور طويل: من لا يثق فى نفسه حد اكتمال آدميته فى اعين الاخرين م يتناطى.
نور قصير: للاستاذ حسين خوجلي.. مذيعتك التي بينها وبين المهنية مسافة الجنيد من امدرمان
قُبِضت بالثابتة!! اها رايك؟
| |
|
|
|
|
|
|
|
|
 Re: *** الإعلامية تسرق قصيدة الرائعة أسماء الجنيد *** (Re: ابوحراز)
|
Quote: مشكور أبوحسين
انت يازول قاعد تلقى الحاجت دي وين....لقيتك خطيييييييييييير.جمعتك مباركه.
تصدق اول مره اعرف انو "أسماء الجنيد شاعره....وكمان شاعره قدر ده...معليش أسماء العتب على النظر .. ..تقديري وإحترامي. |
مرحب حبابك الأخ الشيخ وكل سنة وإنت طيب وجمعتكم مباركة إن شاء الله
ابو حسين ده قاعد للعالم بالمرصاد, والبقع فيه الله قال بي قولو ,, غايتو لو بقى هلالابي كان نجم لينا ناس المريخ نجام قبورة ـ علا الله غالب
ياخوي سلامة نظرك ولا عتب عليك ابدااا
وكلمة شاعرة دي كبيرة بالحيل علي ,
الزينا مجرد ناس بتسوقهم أحاسيسهم للتعبير عن ما يجيش بالخاطر في عبارات ممكن تقول عنها بدايات في هذا الدرب الطويل
نسأل الله القبول والتوفيق إن شاء الله
لك التحية وشكرا على حضورك البهي
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: اسماء الجنيد)
|
ابوحسين يا حلو
Quote: إنت قاعد وين ياخوي ...؟؟؟ في أدغال أفريقيا....
و ل عشان شايفه بتضحك و بتهظر مع العوام اللي زيك ......
بالله قوم لف مرتين تلاتة |
أضحكتني أضحك الله سنك....ياخي معليش تاني...العتبى لي اسماء الجنيد...
تاني بنضرب تعظيم سلام لي اسماء وقصائدها فهي أهل لذلك...
لكن برضو ما جاوبتني انت قاعد تفتش في الحاجات دي وبتلقاها كيف ؟؟غايتو الله ما يرمي ليهو زول في دربك ....لقيتك حاااامض.
تحياتي للأسره
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: الشيخ سيد أحمد)
|
يأخ دي قوة عين مبالغ فيها ، حرامية وكمان قالت اعلامية ؟ أسع دي أعلامية
ولا هلامية . مفترض الاستاذة اسماء الجنيد تسكها لمن نفسا ينقطع عشان تاني
ماتسرق مشاعر الناس . المشكلة أسع لو الناس وصلتها في قناة أمدرمان والله
تنكر الحساب دا حطب وتقول ماعندها حساب في الفيس بوك زاتو.
القومة ليك أختي بت الجنيد واحتسبي اصلو القمم مستهدفه .
والله أسع تلقاها الاعلامية دي قاعدة ركن وترجف وفي سرها الله لا كسبك يا أبو حسين
بالانجليزي مالك فاضحني 
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: عادل الباهي عبدالرازق)
|
Quote: مرة هنا واحد دخل بنسرين سوركتي
اول واحد بدأ يكسر التلج بكري ابوبكر
والزول دا ماقاعد يشارك الا في بوستات البكاء
فجاة قعد يرحب ويكسر في مصنع التلج ذاتو !!
وفي ذلك اليوم كل البوستات بارت زي بورة اللحم المغرب في سوق المدينة عرب
وكل الأقلام اتجهت للترحيب بنسرين سوركتي
تحية صاحب البوست
وتحية للشاعرة الضخمة الكاملة الدسم اسماء الجنيد
وتحية لزوار البوست |
لوووووووووووووووووولز ابو حراز يا العتبة قزاز ياخ مشتاقين زي شوقنا لي هبود قصب السكر المحروق
تتذكر بوست نسرين سوركتي هههههههههههههه والله اليوم داك بتذكر إشتغلنا بكري شغل الجن ,, غايتو كان بوست تحفة
لكن بكري ود اللذينه مسحو , كان بقى مرجع ضحك لي يوم الدين ,, والله صحي
يا ود امي الزمن ده الناس تلافح ساااي , غايتو امس نحن الليل كلو نضحك ونعلق في الفيس بي غادي
ومصيبتها وقعت مع ابو حسين وما حدش سمى عليها
ابو حراز شكرا ليك إنت والله دائما بتذكرني بي يوم إنضمامي لهذا الصرح الإسمو سودانيز
وما زالت عباراتك الشفيفة معتقة في الدواخل وانت تنظم الغالي والنفيس من دررك المكنونة لتقديم خيتك الغبيشة للقرآء في حوش بكري الوسيع
تسلم والله يا حروزة ويسلم اخونا بكري وكل حبايبنا من اعضاء وقرآء ودام الود بيننا جسرا عظيما
شكرا مطامير فرح ومودة
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: عادل الباهي عبدالرازق)
|
في الزمن الاغبر دا عادي الواحد يقشر بحق غيرو ودون ادنى احساس والاعلام الانقاذي مليء بالاشكال دي ...الماعندهم اي موهبة سوى الانتهازية والتسلق وكم حركة بيسووها ...والانكى صعود نجمهم،يعني المتلقي السوداني ليهو دورفي تلميعهم
امس في قناة ام درمان جايبيبن داليا دي كضيفة في قناة ام درمان بمناسبة زواجها وقالت فيما قالت ان الاعلام يتيح الشهرة وبرايها ان ذلك يحقق للبنت ميزة ايجابية هي اتساع دائرة من يسعون للارتباط بها والبت بعد دا تاخد راحتها في الاختيار
بعقليتها بتاعت السرقة ولطش اعمال الغير دي فهي ربما ترى في الشهرة فرصة لتصيّد الزوج الجيبو مليان
التحية للاخ ابوحسين وللاستاذة اسماء ولكل المتواجدين
| |
|
|
|
|
|
|
|
|
 Re: *** الإعلامية تسرق قصيدة الرائعة أسماء الجنيد *** (Re: مهدي صلاح)
|
Quote: يأخ دي قوة عين مبالغ فيها ، حرامية وكمان قالت اعلامية ؟ أسع دي أعلامية
ولا هلامية . مفترض الاستاذة اسماء الجنيد تسكها لمن نفسا ينقطع عشان تاني
ماتسرق مشاعر الناس . المشكلة أسع لو الناس وصلتها في قناة أمدرمان والله
تنكر الحساب دا حطب وتقول ماعندها حساب في الفيس بوك زاتو.
القومة ليك أختي بت الجنيد واحتسبي اصلو القمم مستهدفه .
والله أسع تلقاها الاعلامية دي قاعدة ركن وترجف وفي سرها الله لا كسبك يا أبو حسين
بالانجليزي مالك فاضحني |
حبااابك أخي عادل الباهي اب طبعا حنيييييين وبااااااااهي
عام سعيد عليكم إن شاء الله وجمعة مباركة
يا ود امي لا قمم لا شيء , لكن الحقارة حااارة والله صحي
لكن شفت البنية ووقعتها مع ابو حسين كيييف !!! ,, امانة ما تنبرم برم الليلة,,
الظريفة يا عادل العالم كلها زهجانة وحااايمة في الفيس بي غادي
وفي ناس ولا بعرفهم وامس اليوم خميس والعالم مساهرة
العندو غبينة كلو فكاها فيها بي مزااااااااااج ههههههههههه
والله كان قريت تعليقات الفيس تموووت بالضحك, في ناس ختوها ليها على بلاااااااطة
النبي امش تاوق بي هناك ,, آآآآآمنت بالله , نوع ابو حسين اخوي ده بي غادي رااااااااااااااقد
ومن النوع ابو نمر هجوووم كااااااااسح هههههه والله صحي
ياخ ونستوني وفرقتوا علي الله يفرق عليكم ويملاكم بهجة بركة جاه النبي
شكرا عادل اخوي
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: اسماء الجنيد)
|
يا شاعرتنا سوما
هدي من روعك وركّزي مع الإعلامية
إذا ثبت شكرها للناس على تعاليقهم على اساس أنها الكاتبة
لكن
أعرفي إنه الفيسبوك فيهو لفح شديد، بغير إدعاء ملكية
يعني ساي، أو تنشيط للحائط
أو مشاركة ليوم مظاهرة، بقصيدة ثائرة
أو أغنية حماسية، أو تحررية
دعوات المظاهرات الأيام دي كثيرة، والإستقلال وغيره
فتأكدي أن من ينشرها يقصد سرقتها
وإلا الباقين بينقلوا نقل مسطرة
عشان كده اسمك ما فيها
ولو كان فيها كان نقلوه معاها
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: ABUHUSSEIN)
|
ابو حسين جمعتك مباركة يا سيدي
امبارح بالليل قريت العنوان ده وقلت والله إلا اشارك
باقي بت الجنيد دي اختي وعزيزة وغالية وما بنرضى ليها الحقارة تب
وسنيت قلمي عشان اشجب وادين هذا السلوك الدنيء الرخيص وبكل اسف
هذي السرقات ظهرت واستفحل امرها بين شباب هذا الجيل قصدي السرقات الادبية
وعلى نحو كبير جدا البنات وقد تعرضت لمثل هذي السرقات في كثير من المنتديات
الاسفيرية المطلوقة في السهلة دي , بعض الاصدقاء تكفلوا بالرد نيابة عني وردوا إلى بضاعتي
سالمة بعد ان دخلوا في عراك حامي الـ وطيس مع سارق النص أو مدير الموقع .
ولك كامل الحق في ان ترفعي قضية في حق الاعلامية السارقة إذا لم تعتذر وتسحب نصك من حائطها
بالجنبة كده
شيلي ليك عكاز وباري المنتديات والفيس بوك ودقي من طرف هههههههههههههههههه
حرام والله الواحد يعصر خلاياه الحية عشان يكتب للناس قصيدة او قصة ويساهر الليل كله
في تنسيقا ويجي زول ما عنده إي إحساس ويعمل ليها كوبي بست وينسبها لنفسه
ابو الحسين مشتاقين كتير والله وكذا هو الحال مع شاعرتنا الانيقه إسماء الجنيد
سوما بالله بلغي تحياتي واشواقي لزوجك الرائع الفاتح والعيال
| |
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: ABUHUSSEIN)
|
Quote: لكن برضو ما جاوبتني انت قاعد تفتش في الحاجات دي وبتلقاها كيف ؟؟غايتو الله ما يرمي ليهو زول في دربك ....لقيتك حاااامض.
تحياتي للأسره |
يا زول في بوستي تسألني و كمان تتثاقل علي ....؟؟؟؟
دا رزق ساقه الله لي ....
الحموضة مالها كمان .... في أجمل من عصير الليمون الباااااااااااااااااااااارد...
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: ABUHUSSEIN)
|
تحياتي ابوالحسين وشاعرتنا المجيدة اسماء الجنيد ...
في تقديري انه وبعد فشل حلول الجودية والتى هي احسن لامناص من إتخاذ
إجراء قانوني رسمي بواسطة محامي يكلف من قبل الاخت اسماء واقترح زميل المنبر
الاخ والاستاذ احمد موسي المحامي - ليقوم بصياغة إنذار قانوني للمذكورة حتى تقوم
بالتصحيح اللازم وهو ادري مني في هذا المجال ...... السكوت عن مثل هذه التصرفات
يغري اخرين وربما يجد صاحب الحق نفسه يوماً في موضع الدفاع وليس موضع الشاكي ...
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: ABUHUSSEIN)
|
التحية لشاعرتنا المبدعة سوما
تحققت في سومتنا دعوة الأمهات
فهى ( غابة ) وناس داليا ( حطابة )
لو داليا عندها ( شوية ) موهبة و جات بالدرب
سوما بت أمي الما بتغباني كانت فهمتها وعلمتها الصنعة
لكن السرقة شينة
وبتكون أشنى عند ناس مفترض أنهم مصابيح وعى
ومنارات فهم
ناس مفترض أنهم بيقودو المجتمع ثقافياً ومعرفياً
هسع ما فات فوات على داليا
تكتب فى صفحتها في الفيسبوك
تعتذر
والغلط مرجوع
وبرضو سوما بت أمي الما بتغباني ح تقبل العذر وتصفح
______________
شكراً أبو حسين
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: عاطف عمر)
|
نشرت الاعلامية داليا الطاهر على صفحتها هذا المنشور قبل نصف ساعة:
الاعلامية داليا الطاهر
منذ 37 دقائق
نيابة عن الاستاذة داليا الطاهر و عبر اتصال هاتفياً مع الاستاذة داليا , وهى مازالت تستقبل العزاء فى والدها الذى وافته المنيه الايام السابقة .. وحين الاستاذة والشاعرة اسماء الجنيد صاحبة قصيدة فى غاية الروعة ردتتها الاستاذة داليا الطاهر عبر صفحتها ( هنا ) وذلك لحبها وتقدير للشاعرة. وربما الاستاذة داليا لم تذكر اسم الشاعرة..وقالت الاستاذة داليا " لم اذكر اسم الشاعرة ليس المعنى منسوبة لشخصى فإنا ليست شاعرة فكل ما اكتبة على صفحتى كلمات راقت لى واعجبت بها فقط.. ولكن هناك قصائد مشهورة ومعروفة مجرد كتابتها معروفة تابعة لى منو فالقصيدة معروفة لدى الجميع وهى من القصائد المميزة وكل من يعشق الشعر يعرف " اسماء الجنيد " والذى يرد ان ينسب شئ له حين اذن يقوم بالتغير فى النص ولكن انا لم اقوم بالتغير ابدا .. ولم اقم بكتابه اسمى عليها "
التحية والتقدير للاستاذة اسماء الجنيد ..
والنص للاستاذة اسماء الجنيد ., ولها العتبى حتى ترضى..
ما تضارا..
امرق بره..
اكسر حاجز الصمت الحرا..
وكورك فينا مليون مره..
بى الصاراهو دواخلك..
جوه... وبره
على النبره.. وشيل العبره
انفض غبار السمح الجوه ..
وازرع فرحك فينا.. وما تتضارا..
تكبر شدره .. تطرح ثمرة
تشيل اليابس .. تطفى الجمره
شتت لونك فى لوحات الزمن الاغبر ..
لون بيهو الفاضل منو..
يمكن يكبر.. ويمكن يظهر ..
وتانى نجيبو نلون صورتو وامكن يبهر ..
لامن طيفك يظهر وينضر..
يشيل الحزن الساكن دارنا
وليه يكسر ....
وانضم تانى الفرح الاخضر
لحن نغم الشجن الباكى ..
دندن نغمو الفيك متحكر
وما تتضارا..
امرق بره
اكسر حاجز الصمت الحرا
وكورك فينا مليون مره ...!!!
وشكرا ..
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: إحسان عبد العزيز)
|
Quote: وباقى لى بعد الكلام ده أبو حسين يموص البوست حقه ويشرب مويته..
ولا شنو يا أبو حسين؟؟؟ |
سلام الأخت إحسان وكل سنة وإنتي طيبة وكل الأهل يا رب
سبقتيني بي شوية لما جبتي مداخلة داليا في صفحتها
لكن خليني اختلف معاك شوية في الإسلوب والمضمون مع إحترامي ليك يا حبيبة
اولا ابو حسين ما غلط والله عشان نلومو
ولا تجاوز حدوده وجاب معلومة ما صحيحية ،، ولا يموص البوست ولا بشربو زي ما ذكرتي ,,
لأنه لوما البوست ده ما كان إعتذرت ,, وده ما معناها إنها ما غلطت,, لكن برضو كتر خيرها على الإعتذار
والإعتذار في رأي شيمة القناعة والشجاعة ,, وبقدرها ليها جدا وإعتذارها مقبول مني انا سوما دي صاحبة الشأن
لكن برضو ما عشان هي إعتذرت نحمل وزرها لي أخونا ابو حسين
ولا لكل الإخوة والأخوات الإتداخلوا وإتضامنوا في الموضوع ده
!! ولا شنو يا إحسان يا أختي
تسلمي
شكرا اخي ابو حسين والشكر مطبوق لكل من سطر حرفا ووقف مع الحق وكلمة الحق لا يعلى عليها
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: اسماء الجنيد)
|
Quote: وباقى لى بعد الكلام ده أبو حسين يموص البوست حقه ويشرب مويته..
ولا شنو يا أبو حسين؟؟؟ |
العوارة لزومها شنو .....؟؟؟؟
لو ما البوست دا كان بكون في إعتذار....؟؟؟
و أسمعي حكاية الإعتذار و قبول الإعتذار أو إذا كان كافي أو لا دي بترجع لي صاحبة الحق ...
و بعد ما صاحبة الحق تقول رأيها في الإعتذار أنا بتفاهم معاك و مع المعتذرة ...
جاية فرحانة ..........
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: حيدر حسن ميرغني)
|
الاستاذة أسماء..
لك التحية والاحترام..
شكراً على الرد اللطيف على مداخلتى..
أسلوب رقيق ومهذب رقة شاعرة موضع فخرنا..
ذكر المصدر فى أى إقتباس أو نشر مسألة أساسية وهامة..
ولكن البوست تحامل على الاعلامية أكثر مما تستحق عدم إشارتها الى شاعر القصيدة..
خاصة وانها لم تشير أو تدعى بملكيتها الى القصيدة حسب ما قرأته فى منشور أبو حسين وفى صفحتها..
وفى كل الاحوال الاعتذار سيد الموقف وحسم ما دونه..
لك التحية ولصاحب البوست..
وهارد لك أبو حسين..
فقد خرجت صفر اليدين
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: حيدر حسن ميرغني)
|
Quote: في الزمن الاغبر دا عادي الواحد يقشر بحق غيرو ودون ادنى احساس والاعلام الانقاذي مليء بالاشكال دي ...
الماعندهم اي موهبة سوى الانتهازية والتسلق وكم حركة بيسووها ...والانكى صعود نجمهم،يعني المتلقي السوداني ليهو دورفي تلميعهم
امس في قناة ام درمان جايبيبن داليا دي كضيفة في قناة ام درمان بمناسبة زواجها وقالت فيما قالت ان الاعلام يتيح الشهرة
وبرايها ان ذلك يحقق للبنت ميزة ايجابية هي اتساع دائرة من يسعون للارتباط بها والبت بعد دا تاخد راحتها في الاختيار
بعقليتها بتاعت السرقة ولطش اعمال الغير دي فهي ربما ترى في الشهرة فرصة لتصيّد الزوج الجيبو مليان
التحية للاخ ابوحسين وللاستاذة اسماء ولكل المتواجدين |
الأخ العزيز مهدي صلاح لك التحايا النواضر وشكرا غزيرا لطلتك علينا ,,
طبعا حكاية السرقات الأدبية دي بتحصل كتير وانا القدامك دي حصلت لي كم مرة مش لأنه القصائد مميزة ولا فايتة الحد ,,
ابدا والله ولا الموضوع موضوع تباهي, والقصيدة المعنية دي في نظري في أجمل منها كتير جدا مافي شك
لكن الحز في النفس إنه الموضوع ده يحصل من شخصية إعلامية يفترض إنها فاهمة كل ما يتعلق بحقوق الملكية الفكرية,,
وبما إنه الأخت إعتذرت ,, ودي صفة نادرة جدا في زمننا هذا وبصراحة اكثر , إمكن قليلة جدا فينا نحن معشر النساء ودي حقيقة بقولها بكل أمانة
عشان كده سماح وإن شاء الله الحصل ده يكون درس نتعلم منه كلنا النظام والإهتمام بممتلكات الغير , وننظر دائما لأبعد خاصة من ذوي الإختصاص,,
شكرا لمرورك الكريم ,, مقدرة جدا والله
| |
|
|
|
|
|
|
|
|
 Re: *** الإعلامية تسرق قصيدة الرائعة أسماء الجنيد *** (Re: عاطف عمر)
|
| Quote: على قول أخونا محمد المرتضى إنتي مستهدفة.... |
الظاهر أنا زاااااااااتي مستهدف على قول أخونا محمد المرتضى
طبعاً قولة فلان مستهدف أخدتها من مداخلة لي أخونا محمد المرتضى اللي قالها
في بوست آخر(حسناء الأولمبياد) و صارت مضرب مثل عندي
و أهو في البوست دا أصبحت مقولة رائجة (بختك يا مولانا)
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: اسماء الجنيد)
|
القصيدة سمحة والقصايد السمحة يستحيل يحصل ليها سرقة أدبية.
حتى لو حدث اشتبك بين صاحب النص ومتتحله علم الاسلوبية أصبح من التطور
بحيث أنه الآن صار كالبصمة التي لا تتكرر
بها نعرف صاحب النص وبها يتميز نصه.
طبعاً دا ما بمنع ضرورة مراعاة حقوق الملكية الفكرية في زمن نقرة الكي بورد
أي غفلة عن هذا الحق يدخل صاحبها حين يورد نصاً في موقعه للشبهات.
التحية للشاعرة اسماء الجنيد والتحية والعزاء للمذيعة داليا
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: Bushra Elfadil)
|
Quote: علما يا جماعة اي نص أو قصيدة اكتبها ولا انزلها في اي موقع بكتب إسمي تحت كامل ,,
يعني الزولة دي قصدت تشيل النص وتخفي إسم الكاتب ,, حاجة فعلا تغييييظ |
دا كلام أسماء الجنيد واضح شديد
أي قصيدة ليها بتكتب تحتها مباشرةً إسمها كامل ...
يعني إخفاء الإسم كان مقصود و إذا نست كان ممكن تضيفها في مداخلة ...
| |
|
|
|
|
|
|
|
|
 Re: *** الإعلامية تسرق قصيدة الرائعة أسماء الجنيد *** (Re: ABUHUSSEIN)
|
Quote:
أبداً وحياتك
تردي علينا واحد واحد
أصلها مداخلتي عاجبـاني
تحققت كما هى
____________
شوفتي ( لياقة ) عرب الشرق ؟؟ |
وحات جنا حشاي جايكم بالصف ارد عليكم ,, انا لاقياكم وييييييين يا يابا
اها شفت حليفة اهل العوض دي كييييييييييييفن ؟؟
ههههههههههههه علا ضحكتني يا يابا رغم الموقف العجييب
حبابك يا عاطف وحباب طلتك الحنينة دي
وحات خوتك يا عاطف يا خوي من كترة الكتابة الليلة جاتني فليتة ,, والله صحي
كتبت في الفيس بوك لامن اصبعي حمممممر لي من الزعلة ,, شفت كيف ؟؟
برضو بجيكم صادة بس الصبر يا ود امي الصبر
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: إحسان عبد العزيز)
|
Quote: وحات جنا حشاي جايكم بالصف ارد عليكم ,, انا لاقياكم وييييييين يا يابا
اها شفت حليفة اهل العوض دي كييييييييييييفن ؟؟
ههههههههههههه علا ضحكتني يا يابا رغم الموقف العجييب
حبابك يا عاطف وحباب طلتك الحنينة دي
وحات خوتك يا عاطف يا خوي من كترة الكتابة الليلة جاتني فليتة ,, والله صحي
كتبت في الفيس بوك لامن اصبعي حمممممر لي من الزعلة ,, شفت كيف ؟؟
برضو بجيكم صادة بس الصبر يا ود امي الصبر |
عليك الله عاطف دا بستاهل الكلام و الحليفة ديل كلهم ....؟؟؟
مرات كدا بتبالغي عدييييييييييييل يا سوما ...
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: ABUHUSSEIN)
|
| Quote: وباقى لى بعد الكلام ده أبو حسين يموص البوست حقه ويشرب مويته.. |
| Quote: فقد خرجت صفر اليدين |
| Quote: (الخروج صفر اليدين).. |
إنتي يا كمرودة فارشة ليك بصل في الملجة...؟؟؟
مالو كلامك كلو بقى ربح و خسارة ....؟؟؟؟
بعدين موصو و أشرب مويتو دي بتاعة البشير... قلبتي مؤتمر وطني و ل شنو ...؟؟؟
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: عاطف عمر)
|
Quote: غايتو يا أبو حسين أول مرة أشوف لى زول عندو ( حرب ) في جبهة يقوم يفتح جبهة أخرى
دحين ياخوي أنا خليتك ما ح أرد عليك ( عشان ما تعملني سبب |
أنا ذاتى يا عاطف يا أخوى خليته عشان ما يعملنى سبب ويسلك بيه البوست حقه الضارب ده..
مفروض بعد ده يسكروا بالضبة والمفتاح ويبقى مارق..
سلام يا أبو حسين
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: ABUHUSSEIN)
|
Quote: لا داعى للاجتهاد فى تثبيت التهمة التى صغتها بعد إعتذار المعنية وقبول صاحبة القصيدة للاعتذار..
ولاّ بقى عليك المثل البقول (ناس البكا غفروا والجيران كفروا).. |
ودى نسيتها مالك يا أبو حسين..
صفر اليدين دى دحين ما (حقتك أنت) ولاّ عامل ناسى..
راجع بوست (عندما يتطاول القصار .. يكون الرد هكذا)....
يا أخوى الحمد لله ذاكرتنا نشطة ولم نصاب بالزهايمر بعد..
أما (موصها وأشرب مويتها)..
قادر الله خلاص بعد ما صادرتوا كل ممتلكات الشعب السودانى فضل ليكم مصادرة أمثالنا وتراثنا وأقوالنا الشعبية المأثورة..
أها وبعد داك؟؟؟
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: إحسان عبد العزيز)
|
Quote:
يا شاعرتنا سوما
هدي من روعك وركّزي مع الإعلامية
إذا ثبت شكرها للناس على تعاليقهم على اساس أنها الكاتبة
لكن
أعرفي إنه الفيسبوك فيهو لفح شديد، بغير إدعاء ملكية
يعني ساي، أو تنشيط للحائط
أو مشاركة ليوم مظاهرة، بقصيدة ثائرة
أو أغنية حماسية، أو تحررية
دعوات المظاهرات الأيام دي كثيرة، والإستقلال وغيره
فتأكدي أن من ينشرها يقصد سرقتها
وإلا الباقين بينقلوا نقل مسطرة
عشان كده اسمك ما فيها
ولو كان فيها كان نقلوه معاها |
هلا يا عز الدين الحنين حبابك والله و كتتتتتر خيرك يا خوي على الإهتمام
معاك فيك كل ما كتبته يا خوي ,,
لكن برضو دايراك تعرف إنه والله يا خوي ,, ابدا ما تورت نفسي على قول اهلنا ,,
شفت تورت نفسي دي كييف ؟؟ ههههههههه تكون ليك كم نيييف سنة ما سمعتها ,,
المهم مشيت في الصفحة كم مرة وقريت مداخلتها وكتبت ليها بإسلوب هادي جدا يشهد الله
لكن الحيرني ردودها للناس ورد الشكر ليهم بعدما مدحوها ,, ده هو السبب الخلاني اكتب ليها
وعلى العموم حصل خير واهو كتر خيرها رسلت وإعتذرت و والله لو كان عذرها ده في الخاص لكنت قبلته بكل صدر رحب
شكرا من تاني وعام سعيد عليك إن شاء الله
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: اسماء الجنيد)
|
Quote: تحياتي ابوالحسين وشاعرتنا المجيدة اسماء الجنيد ...
في تقديري انه وبعد فشل حلول الجودية والتى هي احسن لامناص من إتخاذ
إجراء قانوني رسمي بواسطة محامي يكلف من قبل الاخت اسماء واقترح زميل المنبر
الاخ والاستاذ احمد موسي المحامي - ليقوم بصياغة إنذار قانوني للمذكورة حتى تقوم
بالتصحيح اللازم وهو ادري مني في هذا المجال ...... السكوت عن مثل هذه التصرفات
يغري اخرين وربما يجد صاحب الحق نفسه يوماً في موضع الدفاع وليس موضع الشاكي ... |
هلا يا جنابو حبابك والله بعد غيبة
كل سنة إنتو طيبين وربنا يجمعنا بيكم في ساعة خير إن شاء الله
الحمد لله يا عمر الموضوع ما إحتاج ,, وأهو الناس ما سكتت فعلا
لكن الحمد لله ما كان في إستعجال ,, لأنه الزولة دي إعتذرت وإعتذارها مقبول بصدر رحب والله
شكرا لإهتمامك وحضورك الجميل يا ابو عبد الرحمن
التحايا عبرك للحبيبة أم عبد الرحمن والعيال
تسلم كتير
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: اسماء الجنيد)
|
شكراً أبوحسين ....
القصيدة دي دوناً عن قصايد سوما، حقتنا كلنا .... عشان كده البيلطشها، بيلطش مننا كلنا.
للما متابعين .. القصيدة كانت وليدة بوست الراحل سالم أحمد سالم (دعوة الشموع) ... كتبتها سوما تحرض الناس للطلوع حاملين الشموع دعماً لفكرة البوست، حتى كان في محاولات لتلحينها، توقفت بالنسبة لي بعد وفاة الفقيد رحمه الله.
لم أقتنع بسلامة نية ناقلة القصيدة ... وحتى لو افترضنا إنها سهت عن نقل اسم صاحبة القصيدة .... لكنها قبلت ثناء القراء وشكرتهم.
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: محمد أبوالعزائم أبوالريش)
|
Quote:
التحية لشاعرتنا المبدعة سوما
تحققت في سومتنا دعوة الأمهات
فهى ( غابة ) وناس داليا ( حطابة )
لو داليا عندها ( شوية ) موهبة و جات بالدرب
سوما بت أمي الما بتغباني كانت فهمتها وعلمتها الصنعة
لكن السرقة شينة
وبتكون أشنى عند ناس مفترض أنهم مصابيح وعى
ومنارات فهم
ناس مفترض أنهم بيقودو المجتمع ثقافياً ومعرفياً
هسع ما فات فوات على داليا
تكتب فى صفحتها في الفيسبوك
تعتذر
والغلط مرجوع
وبرضو سوما بت أمي الما بتغباني ح تقبل العذر وتصفح
|
حبااابك يا عاطف واريتك طيب يا الحنييين يا ود بيوت الطين
عارف يا عاطف بيوت الطين دي ما بسكونها إلا الناس القلوبهم ليــــــــنة زيها
اهلنا الملانين سماحة وغبشتهم لااااامعة بي طيبتهم
والله وحات خوتك لو قلت لي اعتذري واضايري كمان , علا اسويها والله صحي
إنت يا خوي هين ولا هين ,,
ما دايرة اخوض في الموضوع ده كتير والحمد لله حصل خير ,,
واهو طولت منكم ولاقيتكم وإن شاء الله دائما نتلاقى في السمح
سلامي لك وعبرك لكل العقاب عام سعيد عليكم إن شاء الله
| |
|
|
|
|
|
|
|
|
 Re: *** الإعلامية تسرق قصيدة الرائعة أسماء الجنيد *** (Re: محمد أبوالعزائم أبوالريش)
|
Quote: شكراً أبوحسين ....
القصيدة دي دوناً عن قصايد سوما، حقتنا كلنا .... عشان كده البيلطشها، بيلطش مننا كلنا.
للما متابعين .. القصيدة كانت وليدة بوست الراحل سالم أحمد سالم (دعوة الشموع) ... كتبتها سوما تحرض الناس للطلوع حاملين الشموع دعماً لفكرة البوست، حتى كان في محاولات لتلحينها، توقفت بالنسبة لي بعد وفاة الفقيد رحمه الله.
لم أقتنع بسلامة نية ناقلة القصيدة ... وحتى لو افترضنا إنها سهت عن نقل اسم صاحبة القصيدة .... لكنها قبلت ثناء القراء وشكرتهم.. |
ألف رحمة ونور على الأستاذ سالم أحمد سالم..
| |
|
|
|
|
|
|
|
|
 Re: *** الإعلامية تسرق قصيدة الرائعة أسماء الجنيد *** (Re: اسماء الجنيد)
|
Quote: شكرا ابوحسين
اديها على راسا الاعلامية دي
مفترض تكون قدوة في عملية الاشارة للمصدر وإلا تلحق هشام ادم
عذر مافي
وتحية لاسماء |
سلامات يا حيدر إن شاء الله عام 2013 يملاك خير وعافية في عضمك ده يا بوي ,, قول آمييين
إنت جبت الرايحة تـــــــــب
القصد كلو إنه الناس لازم تكون قدوة لغيرها ’ عشان الدنيا دي كلها تكون سمـــــــــــحة ونضيفة والقلوب ابدا ما تشوف جفا
تسلم يا أصيل
| |
|
|
|
|
|
|
|
|
 Re: *** الإعلامية تسرق قصيدة الرائعة أسماء الجنيد *** (Re: اسماء الجنيد)
|
Quote: لاستاذة أسماء..
لك التحية والاحترام..
شكراً على الرد اللطيف على مداخلتى..
أسلوب رقيق ومهذب رقة شاعرة موضع فخرنا..
ذكر المصدر فى أى إقتباس أو نشر مسألة أساسية وهامة..
ولكن البوست تحامل على الاعلامية أكثر مما تستحق عدم إشارتها الى شاعر القصيدة..
خاصة وانها لم تشير أو تدعى بملكيتها الى القصيدة حسب ما قرأته فى منشور أبو حسين وفى صفحتها..
وفى كل الاحوال الاعتذار سيد الموقف وحسم ما دونه..
لك التحية ولصاحب البوست.. |
تسلمي يا حبيبة وشكرا على كلماتك الطيبة
ما إختلفنا تب والله
فعلا يجب الإشارة في اي إقتباس للمصدر
لكن العشم كان كبير والعتاب كان من باب العشم إنه الناس تدي كل زول حقو
وبدون زعل البغلط ينبهوه , وهي الحمد لله طلعت عند حسن الظن في رأي بعد إعتذارها ده
واتفق معاك إنه الإعتذار شيمة عظيمة وسيد الموقف وكفي,,,
شكرا ليك يا خية وتسلمي كتيير
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: اسماء الجنيد)
|
Quote: الظاهر أنا زاااااااااتي مستهدف على قول أخونا محمد المرتضى
طبعاً قولة فلان مستهدف أخدتها من مداخلة لي أخونا محمد المرتضى اللي قالها
في بوست آخر(حسناء الأولمبياد) و صارت مضرب مثل عندي |
داب إستهداف هو ؟ خسوووسا من عاطف ده ,, والله صحي
والله يا عاطف علا افك هجيمتي فيك بي جاي هههههههههه
ابو حسين مشا نام وخلاني ازازي بي جاي بين حوش الفيس بوك وحوش بكري
جاني وجع ركبين واصابعين ,, ومع بعاتي محمد قسم الله المسخوت ملانة خوف
عاطف تعال احرس العتبة دي
قال مستهدف قال !!!!
سامية ويني ؟
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: اسماء الجنيد)
|
Quote: القصيدة سمحة والقصايد السمحة يستحيل يحصل ليها سرقة أدبية.
حتى لو حدث اشتبك بين صاحب النص ومتتحله علم الاسلوبية أصبح من التطور
بحيث أنه الآن صار كالبصمة التي لا تتكرر
بها نعرف صاحب النص وبها يتميز نصه.
طبعاً دا ما بمنع ضرورة مراعاة حقوق الملكية الفكرية في زمن نقرة الكي بورد
أي غفلة عن هذا الحق يدخل صاحبها حين يورد نصاً في موقعه للشبهات.
التحية للشاعرة اسماء الجنيد والتحية والعزاء للمذيعة داليا |
شاعرنا القامة حبابك وحباب طلتك الجابت خريفنا باكرية
زارتنا البركة يا أديبنا الأريب
والله شهادتك دي براها ديوان شعر وملحن كمان ,, وشرف للكلمات المتواضعة يعلم الله
والله انا لو عارفة الهجوم ده بجيبك لينا داخل بالشهادة السمحة دي
كان زمااااااااااااان طلبت من اي متلقي حجج يشيلها يعلقها في صفحتو ,, والله صحي
بالجد بالجد يا استاذ بشري شرفتني وقدرتني وشهادتك دي وسام اعتز به في اي مكان وإطار جميل زين جيد كلماتي المتواضعة
ربي يعلي مراتبك كمان وكمان ، ويديك قدر دواخلك النقية يا صافي النية
شكرا أ استاذ بشري ,, شكرااااا أردب محنة
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: اسماء الجنيد)
|
لتلافي التبرير وتبادل الاتهامات والمحاولة (السودانية الاصيلة ) والتي اصبحت عادة سيئة منتشرة بين السودانيين بان يجد (من يفرغ فيه غضبه ) ويلومه بدل ان يتلفت للخطأ الذي اوصل الامور لما هي عليه، لماذا عندما تم الثناء عليها اعطت الايحاء بانها من كتب ا لقصيدة؟ لم لم تشر حينها الى انها ليست صاحبة القصيدة وان الشكر (موصول للشاعرة بت الجنيد).
محاولة رمي اللوم على ابا الحسين ( رغم اختلافي الشديد معه في الكثير من ارائه) هي محاولة التملص من المشكلة الاساسية( عدم ذكر اسم صاحبة القصيدة ) والتنكر من وجود مشكلة والالتفات لمشكلة اخرى او تلويم ابا الحسين ).
لا يفوتني ان اعزي صاحبة الصفحة لفقدها والرحمةوالبركة للفقيد ونتمنى لها الصبر وحسن العزاء.
لم يطلع اخونا ابو الحسين (صفر اليدين ) فلقد نبه الجميع للحادثة وهذه تحسب له ولم يخرج صفر اليدين لأنه على الاقل لفت نظر صاحبة الصفحة لحقوق الغير والتي يجب حفظها (اقله) نتصالح مع انفسنا وتتسق اقوالنا مع افعالنا.
والاعتذار هو ليس مكرمة ولكنه اعتراف بوقوع خطأ في الاساس وهو ليس (عقاب ) لأن العقاب هنا تنازلت عنه الشاعرة بقبولها الاعتذار.
تحياتي للاستاذة احسان عبد العزيز والاخ عاطف .
وطبعا الشكر للاستاذة سوما لسعة صدرها وتقبلها اعتذار (الاعلامية) وانا متأكد في ناس تانيين كان ممكن ما يقبلو باعتذار ما ، خصوصا حسن النية لم يكن متوفرا بعدم وضع اسم الشاعرة في الاساس وحتى لو تم نقل القصيدة كان يمكن الاشار لمكان نقلها .
مودتي وتقديري للجميع
اسامة
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: Osama Mohammed)
|
Quote: دا كلام أسماء الجنيد واضح شديد
أي قصيدة ليها بتكتب تحتها مباشرةً إسمها كامل ...
يعني إخفاء الإسم كان مقصود و إذا نست كان ممكن تضيفها في مداخلة ... |
فعلا ده الحاصل يا ابو حسين وبشهادة المكتبة الموجودة في حوش بكري ده
اي نص بكتبه بكون الإسم في النهاية كاملا
لكن الزولة دي غفر ليها إعتذارها بس بصراحة
غير كده هى فعلا غلطت ، وغلطة الشاطر بي إتنين زي ما بقولوا
كونها إعلامية دي هنا الكارثة ,, لكن زي ما قلت ليك كونها ما حاججت وإعتذرت طوالي ده السبب المباشر لقبول عذرها
وبصراحة شديدة إتعاطفت معاها ومع إعتذارها في ظروف رحيل والدها , برضو نحن بشر وخطاؤون وخيرنا التوابون
وبتمنى يكون ليها درس ولغيرها ايضا
إنت ابدااا ما قصرت والله يا ابو حسين زي ما ذكرت ليك في البوست فوق
وما جبت شيء بدون دليل وبدون رابط ,, وما إتلومت ولا غلطت عليها من وجهة نظري بكل أمانة
وبشهادة الجميع هنا وفي مداخلات الفيس بوك إنه هي غلطت ,, واثبتت غلطتها بي إعتذارها
والخلاصة لولا البوست ده لما إعتذرت ,, يعني هو الدافع الحركها ونبهها ,,
وعداك العيب يا خوي ,, وكتر خيرك كتير
| |
|
|
|
|
|
|
|
|
 Re: *** الإعلامية تسرق قصيدة الرائعة أسماء الجنيد *** (Re: اسماء الجنيد)
|
Quote:
شكراً أبوحسين ....
القصيدة دي دوناً عن قصايد سوما، حقتنا كلنا .... عشان كده البيلطشها، بيلطش مننا كلنا.
للما متابعين .. القصيدة كانت وليدة بوست الراحل سالم أحمد سالم (دعوة الشموع) ...
كتبتها سوما تحرض الناس للطلوع حاملين الشموع دعماً لفكرة البوست، حتى كان في محاولات لتلحينها، توقفت بالنسبة لي بعد وفاة الفقيد رحمه الله.
لم أقتنع بسلامة نية ناقلة القصيدة ... وحتى لو افترضنا إنها سهت عن نقل اسم صاحبة القصيدة .... لكنها قبلت ثناء القراء وشكرتهم. |
محمد ابو العزائم حبابك ود ابوي الحنين
والله صدقت القصيدة دي بالذات مداخلات استاذ سالم معاي في الأسكايب لي هسه قاعدة
وكلامنا في منو البلحنها ومنو البغنيها لسه محتفظة بيه !!!!
يااااااااااااه منو البتخيل رحيله قبل ما يسمعها ؟؟
استغفر الله العظيم لكن وجعته مررررة والله يا محمد
اي كلمة واي حركة في البوست ده كنا بنتناقش عليها سوا وأماني الحبيبة زاتها كانت معانا
الله يرحمه بقدر حبه لوطنه وبقدر نضاله من اجل سودان حر معافي من داء الكيزان
ونسأل الله يحقق امنيته إن شاء الله قريييب
والله يا محمد المشكلة هسه مافي حسن النية ولا سوء النية
المشكلة لو قريت المداخلات النزلت في صفحة الأخت داليا دي بعد الإعتذار !! تستغـــــــــــــرب عديييل
بالجد في بشر كده غريبي الأطوار !!!
يعني في ناس كده بس قاعدة عشان تبخس اشياء الآخرين ، وتطبيل في الفارغة مافي داعي ليه
والله في واحد دخل كتب , كلام إلا اجيب ليك مداخلته بالنص
يعني بدل ما يصلح العوج كبر الحفرة وغرق المطمورة!!
والله اشياء زي دي غير إيغار الصدور ما تجيب محنة ولا حسن نوايا على الإطلاق
بالعكس هم لو فاكرين قبولي للعذر ده ضعف يبقى ده جهل مركب ونحن ما زلنا في سنة اولى تفاهم وحوار !!!
المهم اقرأ المداخلة دي واحكم إنت والقرآء براحتكم
بنقلها ليكم بي إسمو لأني ما بعرف اجيب المصدر زي المختصين ,, والله صحي
شكرا يا ابو حميد على روحك الطيبة
ونسأل الله الرحمة الواسعة لأخونا وصديقنا العزيز الراحل المقيم أستاذ سالم أحمد سالم
ودي المداخلة المعنية
حيدر عبد العاطي الحزامي ,,,
له0الرحمه والمغره0
ثانيا صدقوني لا اري اي جماليات او0مايدفع0لان ينسب شخص هذه القصيده لنفسه
والله اراها قصيده اكثر من عاديه لا موسيقي لها ومعاني رصينه
بعدين قسما عظما اول مره اسمع باسما الجنيد اليوم ام داليا فانا اعرفها منذ امد بعيد لا تحتاح0لمن يظهرها
********
إنتهت المداخلة المعنية
قال قصيدة لا موسيقى لا معنى لها يعني مسحها من خارطة الكتابة نهااائي بجرة قلم ..
( حكمتو باااالغة ) يعني كلامك ده يودوه ويين يا اللخو مع مداخلة ورأي ذوي الإختصاص وناس أستاذ بشري الفاضل ؟؟
خليها معرفتك بي أنا ! ما لازم الناس تعرف كل الموجودين في الدنيا دي
انا هسه يشهد الله داليا دي لا بعرفها لا شفتها ولا سمعت ليها ولا شاهدت ليها اي مادة!!
هل معنى كده هي ما إعلامية ومن حقي انكرها كزولة ليها بصمتها ومعجبنها ؟؟
بالتأكيد لا ,,
ببساطة لأنه ظروفي انا وسفري وكتيرين غيري ما سمحت لينا نشاهد قنواتنا المخنوقة في قمع الزجاجة ,,
وإعلامنا المدفون بين اربعة حيطان!!
غايتو اخير نسكت واخلي ليكم التعليق
تصبحوا على خير وصباحات الله بيضاء
(عدل بواسطة اسماء الجنيد on 01-05-2013, 03:41 AM)
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: ABUHUSSEIN)
|
سلام يغشاكم جميعا
بحسن نية او بسوء نية
هو تجاوز لشرط الحقوق الفكرية والملكية
وبالتالي يقع على المتجاوز ما يعرف في مثل هذه الحالات بسرقة ادبية
وان جاء الاعتذار متأخر خير من ان لن يأتي اصلا وبرضو نحسن النية في الاستاذة
وفي النهاية حسنة التصحيح لك فيها اجر ابو الحسين وحتما لن تكررها الاستاذة/داليا في المستقبل حيث لا يلدغ المؤمن من الجحر مرتين
مودتي
الرحـــال
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: أشرف الرحال)
|
صباح الخير يا ستهمQuote: ابو حسين مشا نام وخلاني ازازي بي جاي بين حوش الفيس بوك وحوش بكري
جاني وجع ركبين واصابعين ,, |
نام وين يا أم قلباً طيب ؟؟
تلقيهو مساهر باقي ليلو داك كلو يغسل في العدة
وكمان خلي بالك دي ما عدة عادية .. دي عدة ( يوم الجمعة ).. يوم الضيوف
سامية أريتا بتك
أصدرت لأبو حسين التعليمات ومشت نامت
وخلتو يقابض كدا لا يعرف صليحو لا يعرف عدوهو
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: أشرف الرحال)
|
العزيزة سوما بت الجنيد ..لك التحية .
تعرفي مثل هذه الظاهرة منتشرة بصورة كبيرة .. ولكن هنالك دوما مساحة لقراءة الدوافع التي تجعل من الشخص
الذي اعجبه كلام .. أو وجده متسق مع فكرتة أو راى أن التعبير عنها متواجد في نص محدد أو مقولة محددة.. فيتماهى بها
ولكنه يصعب أن يورد اسم المؤلف او صاحب المقولة (خاصة إذا كان النص ورد في أكثر من صفحة وبأسماء مختلفة.
عليه أجد العذر للأخت دالية وافترض حسن النية في نقلها .. القصيدة نفسها ظهرت .. في ظروف ثورية تستنهض
همم الناس لإحداث تغيير.. وفي ذات تلك الظروف تصبح من الصعوبة تحديد الكاتب بشكل حاسم .. رغم أن الإعلامية دالية
مفترض تكون ملمة بهكذا تفاصيل.. أن تضع مزدوجات بين النص. اوشارة الإقتباس حتى دون ذكر المصدر..
عموما أحييك على الروح الجميلة التي تقبلتي بها الإعتذار أولا ومن ثم تثبيت حقك الادبي والمادي.. نعم المادي فهو هذه الضريبة التي
تدفعينها من اجل الوطن..لك التحية.
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: ABUHUSSEIN)
|
| Quote: ألف رحمة ونور على الأستاذ سالم أحمد سالم.. |
اللهم آمين يا رب العالمين
تسلمي الحبيبة الغالية أماني , ادري تماما وقع الفاجعة حين سماعك برحيل قامة مثل استاذنا سالم رحمه الله رحمة واسعة واسكنه جنات الخلد والنعيم
ما اصعب فقدان أخ وصديق له بصمته الواضحة من أجل وطن يسع الجميع ,,
الدنيا دي الناس لو نظرت ليها بمنظور السفر طوالي , ما بكعبوا فيها تــــب
تسلمي يا ستي كتير وشرفتيني بوقفتك ونصرتك للحق , وياكي إنتي كما عهدتك , حقانية وصاحبة رأي سديد لا يتغالط فيه إتنين,,
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: اسماء الجنيد)
|
Quote: وطبعا الشكر للاستاذة سوما لسعة صدرها وتقبلها اعتذار (الاعلامية) وانا متأكد في ناس تانيين كان ممكن ما يقبلو باعتذار ما
خصوصا حسن النية لم يكن متوفرا بعدم وضع اسم الشاعرة في الاساس وحتى لو تم نقل القصيدة كان يمكن الاشار لمكان نقلها .
مودتي وتقديري للجميع
اسامة |
مرحب حبابك أخي أسامة وحباب طلتك وحباب نضميك السمح ودغري
كل سنة إنت طيب وربنا يجعله ليكم عام خير وبركة إن شاء الله
والله يا أسامة اخوي كلامك عيـــن العقل ، وأتفق معك تماما في كل ما اشرت إليه
لكن زي ما ذكرت كثيرا ما نأخذ المواضيع بطبيعتنا السودانية البحتة ,,
وتشتيت الكورة على قول لغة ناس المنبر , بتجي ظاهرة في كثير من المواقف المشابهة للموقف ده
ومثال لذلك اسمح لي احكي ليك الموقف ده,,,,
جاتني مداخلة في الفيس بوك في الخاص من شخص ما بعرفه ، وفي رسالته اكدي لي عدم معرفته بالطرف التاني (الأخت داليا )
لكن قال لي انا مصر إنه الزولة دي رغم إنها إعلامية لكن بتوقع ما قصدت المعني الصحيح للسرقة الأدبية
وذلك بعزيه لسبهللية الكثير مننا كسودانيين بنأخذ الإمور بعدم إكتراث وعدم مبالاة , وما بنتوقع حجم الأضرار رغم الموقع الحساس لبعض الأشخاص
مثال مركز ووظيفة الأخت الإعلامية !! وبالتالي في رأيه الموضوع كلو إهمال من أساسو ,, وفي رأيه فتح الموضوع ده بكون درس للكثيرين لو إنتبهوا
للحصل عموما , ومهما حاول الكثيرين إخفاء الحقيقة والبحث عن اعذار واهنة ، لكن الحق باين وإن حاول ما حاول التعتيم ,,
لكن منو البقدر يعترف بي غلطه ، أو يقر بالخطأ مهما كان حجمه ، أو يعتذر؟
لأنه التلاتة اشياء الذكرتها دي , في ناس بعتبروها منقصة في شخصية الإنسان الببادر بيها!!
غايتو ملخص مداخلتك الفوق دي ريحني جدا ,, رغم إختلافك مع أبو حسين
لكن جيت وقلت رأيك بكل حيادية ووقفت مع الحق ولم تناصر روحك في لحظات عدم توافقها مع شخص معين !!
وهنا تتجلى الشفافية وروح الحوار والمنطق الما معووج
لك التحية اخي أسامة مثنى وثلاث ورباع وإلى ما لانهاية ,, تسلم
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: اسماء الجنيد)
|
Quote: راجع بوست (عندما يتطاول القصار .. يكون الرد هكذا)....
يا أخوى الحمد لله ذاكرتنا نشطة ولم نصاب بالزهايمر بعد.. |
بالله يا كمرودة إنتي شايلة غباينك دي من الزمن داك....؟؟؟
علشان كدا جيتي داخلة الدخلة العويرة دي و شبكتيني موصها و صفر اليدين و أهل البكا ...؟؟؟
بنتلاقى بإذن الله في مناسبة تانية
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: ABUHUSSEIN)
|
Quote: أبوحسين غلطان
الأعلامية داليا مستهدفه من الأقزام كأبوحسين
التحية للشاعرة أسماء وللأعلامية داليا
وشكراً للأخت أحسان للتوضيح
|
عبد العزيز حبابك يا خوي , وكل سنة وإنت طيب إن شاء الله وكل المعاك ,
اكييييد ما جادي من وشك اللخدر المدردقو فوووق ده صاح؟
بعدين صورتك الفي البروفايل دي ظااااهر عليييك تتكشم داير تضحك وبعدين غمت الضحكة ههههههه والله صحي
ياخ والله إنت لو رووقت حبتين عندك مداخلات ظريفووونة ,, والله صحي
ابو حسين ده يا ود امي يستهدف ليها شنو ؟؟ مخييير الله على قول حبوبتي
غايتو يا ابو حسين خليني انا بعد كده بتم ليك باقي البوست ده
ما قصرت بديتو وادى غرضو , جيب لي صاحبتي خلينا النتم اللفة
شكرا اخي عبد العزيز للمرور مرتين ههههههههه كمبيوترك فاطي سطر والله صحي
تسلم كتير يديك العافية
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: ABUHUSSEIN)
|
Quote:
غلطان و ستين غلطان
الغلط فى عبارة (تسرق )
يبقى نص الشعب السودانى حرامى
------------------------------------------------
يجب حفظ الحقوق الادبية عند النقل |
السلام عليكم أخ نايف وكل سنة وإنت طيب
السرقة الأدبية دي تسمية معروفة لأي نص لا يكتب مصدره..
نفترض عندك موضوع كتبته هنا في حوش بكري,, ولقيته فجأة منقول في منتدى تاني وإسمك ما موضح
بل العكس الزول الناقلو كتب إسمو ولم يشر إنه المقال منقول !!
في الحالة دي إنت بتسمي الحاصل ده شنو بأمانة ؟
اما حكاية نص الشعب السوداني حرامي !!!
دي ما معاك فيها بصراحة لأنه ما نص الشعب بلفح حق غيره وبنسبو ليه
هم قلة ولازم الناس تقيف وتتابع حقوقها
شكرا أخ نايف كتييير
وبالله شوية شوية إنت وعبد العزيز على ابو حسين ينوبكم ثوااااب
لووولز
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: علاء الدين حيموره)
|
يابة عن الاستاذة داليا الطاهر و عبر اتصال هاتفياً مع الاستاذة داليا , وهى مازالت تستقبل العزاء فى والدها الذى وافته المنيه الايام السابقة .. وحين الاستاذة والشاعرة اسماء الجنيد صاحبة قصيدة فى غاية الروعة ردتتها الاستاذة داليا الطاهر عبر صفحتها ( هنا ) وذلك لحبها وتقدير للشاعرة. وربما الاستاذة داليا لم تذكر اسم الشاعرة..وقالت الاستاذة داليا \" لم اذكر اسم الشاعرة ليس المعنى منسوبة لشخصى فإنا ليست شاعرة فكل ما اكتبة على صفحتى كلمات راقت لى واعجبت بها فقط.. ولكن هناك قصائد مشهورة ومعروفة مجرد كتابتها معروفة تابعة لى منو فالقصيدة معروفة لدى الجميع وهى من القصائد المميزة وكل من يعشق الشعر يعرف \" اسماء الجنيد \" والذى يرد ان ينسب شئ له حين اذن يقوم بالتغير فى النص ولكن انا لم اقوم بالتغير ابدا .. ولم اقم بكتابه اسمى عليها \"
التحية والتقدير للاستاذة اسماء الجنيد ..
والنص للاستاذة اسماء الجنيد ., ولها العتبى حتى ترضى..
ما تضارا..
امرق بره..
اكسر حاجز الصمت الحرا..
وكورك فينا مليون مره..
بى الصاراهو دواخلك..
جوه... وبره
على النبره.. وشيل العبره
انفض غبار السمح الجوه ..
وازرع فرحك فينا.. وما تتضارا..
تكبر شدره .. تطرح ثمرة
تشيل اليابس .. تطفى الجمره
شتت لونك فى لوحات الزمن الاغبر ..
لون بيهو الفاضل منو..
يمكن يكبر.. ويمكن يظهر ..
وتانى نجيبو نلون صورتو وامكن يبهر ..
لامن طيفك يظهر وينضر..
يشيل الحزن الساكن دارنا
وليه يكسر ....
وانضم تانى الفرح الاخضر
لحن نغم الشجن الباكى ..
دندن نغمو الفيك متحكر
وما تتضارا..
امرق بره
اكسر حاجز الصمت الحرا
وكورك فينا مليون مره ...!!!
..........................................................
الكلام اعلاه وجدته مكتوب فى صفحة الاعلامية المذكورة
- شكرا ابو حسين للمتابعة والتحية للاخت اسماء
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: عبد الحكم ابراهيم الحاج)
|
سلام للجميع وعذرا للإنقطاع,, الما بالخاطر والله , ابعتذر لكل الأحبة عن تأخير الرد
Quote: سلام يغشاكم جميعا
بحسن نية او بسوء نية
هو تجاوز لشرط الحقوق الفكرية والملكية
وبالتالي يقع على المتجاوز ما يعرف في مثل هذه الحالات بسرقة ادبية
وان جاء الاعتذار متأخر خير من ان لن يأتي اصلا وبرضو نحسن النية في الاستاذة
وفي النهاية حسنة التصحيح لك فيها اجر ابو الحسين وحتما لن تكررها الاستاذة/داليا في المستقبل حيث لا يلدغ المؤمن من الجحر مرتين
مودتي
الرحـــال |
مرحب حبابك أخي الرحال وشكرا على الرد البليغ
مشكووور والله يا خوي على تفنيدك للأشياء بعقل راجح وبموضوعية لا تقبل الشك
تسلم كتير وفي النهاية حصل خير الحمد لله
تحياتي وحبابك من تاني في حوش بكري
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: اسماء الجنيد)
|
Quote: صباح الخير يا ستهم
نام وين يا أم قلباً طيب ؟؟
تلقيهو مساهر باقي ليلو داك كلو يغسل في العدة
وكمان خلي بالك دي ما عدة عادية .. دي عدة ( يوم الجمعة ).. يوم الضيوف
سامية أريتا بتك
أصدرت لأبو حسين التعليمات ومشت نامت
وخلتو يقابض كدا لا يعرف صليحو لا يعرف عدوهو |
لوووووووووووووووولز يا عادف
والله يا عاطف ضحكت لامن خفت الجيران يدقوا الباب يقولوا ازعجناهم
غايتو إنت الوحيد القدرت على أبو حسين,,
ما يقوم يجي يلفح البوست ده ويحيرنا كمان هههههههه
اضحك الله سنك ياخ
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: اسماء الجنيد)
|
Quote: العزيزة سوما بت الجنيد ..لك التحية .
تعرفي مثل هذه الظاهرة منتشرة بصورة كبيرة .. ولكن هنالك دوما مساحة لقراءة الدوافع التي تجعل من الشخص
الذي اعجبه كلام .. أو وجده متسق مع فكرتة أو راى أن التعبير عنها متواجد في نص محدد أو مقولة محددة.. فيتماهى بها
ولكنه يصعب أن يورد اسم المؤلف او صاحب المقولة (خاصة إذا كان النص ورد في أكثر من صفحة وبأسماء مختلفة.
عليه أجد العذر للأخت دالية وافترض حسن النية في نقلها .. القصيدة نفسها ظهرت .. في ظروف ثورية تستنهض
همم الناس لإحداث تغيير.. وفي ذات تلك الظروف تصبح من الصعوبة تحديد الكاتب بشكل حاسم .. رغم أن الإعلامية دالية
مفترض تكون ملمة بهكذا تفاصيل.. أن تضع مزدوجات بين النص. اوشارة الإقتباس حتى دون ذكر المصدر..
عموما أحييك على الروح الجميلة التي تقبلتي بها الإعتذار أولا ومن ثم تثبيت حقك الادبي والمادي.. نعم المادي فهو هذه الضريبة التي
تدفعينها من اجل الوطن..لك التحية. |
عبد المنعم الحنين ,, تسلم يا ود الجروف والطين ,
حبابك بالكتير ما شوية ، وعذرا يابا على تأخير الرد
تسلم والله يا أصيلة فعلا انا اتفق معاك في كتير ما ذكرت,, لكن الموضوع أخد طابع تاني بما إنه النقل صدر من زول يفترض يكون ملم بالقوانين
المتعلقة بحقوق الملكية , وبرضو عشان بعض الناس استمرأت حكاية نقل النصوص والمواضيع عامة بدون ذكر المصدر
الشيء التاني تجاهل الناقل لملكية الشخص التاني واضحة في الردود على ا لمداخلاات ,,
لكن يفترض ده يكون درس عام لكثير من الناس
شكرا ليك إنت كتير والله أخي عبد المنعم , شكرا لإهتمامك وكلماتك الطيبة
تسلم
| |
|
|
|
|
|
|
|
|
|
Re: *** الإعلامية تسرق قصيدة الرائعة أسماء الجنيد *** (Re: اسماء الجنيد)
|
Quote:
الكلام اعلاه وجدته مكتوب فى صفحة الاعلامية المذكورة
- شكرا ابو حسين للمتابعة والتحية للاخت اسماء |
مرحبتين حبابك أخي عبد الحكم
التحية ليك مطبوقة للإهتمام الكبير
شكرا ليك وجزاك الله ألف خير يا اصيل
فعلا نزل إعتذار في صفحتها ,, مشكورة عليه
ومشكورة حبيبتنا الأخت إحسان نقلته في الصفحات الأولى في هذا البوست
تسلم كتير ومقدرة جهودك جدا والله أخي عبد الحكم ,, تسلم يا رب
| |
|
|
|
|
|
|
| |
ABUHUSSEIN
فتحي الصديق
اسماء الجنيد
Amani Al Ajab
Elsanosi Badr
الشيخ سيد أحمد
ابوحراز
عادل الباهي عبدالرازق
مهدي صلاح
Izzeldin B. Eltayeb
هاشم أحمد خلف الله
omer osman
عاطف عمر
إحسان عبد العزيز
حيدر حسن ميرغني
Bushra Elfadil
محمد أبوالعزائم أبوالريش
Osama Mohammed
نايف محمد حامد
أشرف الرحال
علاء الدين حيموره
عبد الحكم ابراهيم الحاج
فيس بوك
تويتر
انستقرام
يوتيوب
بنتيريست