|
Re: السوداني ده بعمل في اليوم 50 ألف دولار من تجارة شجرة الميلاد (Re: محمد مصطفي مجذوب)
|
سلامات عزيزنا محمد المجذوب أها وكت درب منبر بكري جابك بي جاي النقص عليك طرف قصة صاحبنا المهاجر العنيد عشميق . يا ود المجذوب زولك عشميق في كتاب كفاحو تحولت كلمات بعض الأغنيات . زي في أغنية خال فاطمة ( عشميق حبل الوجج أنا أخويا مقلام الحجج ) ( تحول البيت الي ( عشميق حبل الوجج أنا أخويا مقلام الشجر ) يا ود مجذوب حرفنة عشميق علي اليهود في موسم تجارة شجر الميلاد فاتت حرفنة روجي ميلا علي الانجليز . تعال شوف .
| |
|
|
|
|
|
|
Re: السوداني ده بعمل في اليوم 50 ألف دولار من تجارة شجرة الميلاد (Re: عبدالله عثمان)
|
عزيزنا د / عبدالله سلامات لا لا زولك ما تخاف عليه . عشميق عكليت ومدردح وحريف في اللعب يا عبدالله . اليومين دي هو شغال قطع تقيل في غاباتو بتاعت متشجن . سنة في متشجن وسنة في ثاوث كارولاينا . زولك يا عبدالله دخل خدمات وحربشات وأسعار جديدة في تجارة الشجرة . وأنت عارف الشجرة دي في هادي البلاد أهم من خروف الضحية في المكنية ههههههها . صاحبك عشميق كان بتونس معاي يا عبدالله في العيد الفات عن وزير مالية بلدنا . وزي عاداتو قال كلام مضحك كتير عن وزير مالية بلدنا . قال الوزير في حديثو في البرلمان قال عندو استراتيجية عن الحد من الفقر . سنة يا الاستراتيجية ؟
| |
|
|
|
|
|
|
Re: السوداني ده بعمل في اليوم 50 ألف دولار من تجارة شجرة الميلاد (Re: Osman Musa)
|
مكسبو للعشرة ألف دولار في شغلو في عيد ال valentin;s day كانت هي السبب في مسكو لطريق تجارة مواسم الأعياد الأمريكية . وعيد الفالنتاين حسب كلام عشميق هو عيد الحب والرومانسية يحتفلوا فيه الناس ويتبادلوا الورود الحمراء والتهاني . وقال : فالنتاين هو قسيس عاش في القرن التالت عشر . مكسبو من بيع الورود الحمراء في عيد الفالنتاين كان هو السبب الجرجرو لدخول حلبة عراك البنجمينات وعالم تجارة الشجر . ومن ديك وفد سرحة . أكيد الطريق كان ملكلك و شايك بس بعد ما لاك الصبر القصة بهلت . وهاك شوف
| |
|
|
|
|
|
|
Re: السوداني ده بعمل في اليوم 50 ألف دولار من تجارة شجرة الميلاد (Re: عبد الحميد البرنس)
|
حباب كاتبنا الكبير عبدالحميد الكاتب المبدع البنحب كتابتو وطريقة تفكيرو . يديك العافية ياخ ومشكور كتير علي مرورك علي سوق عشميق . عشميق يا عبدالحميد بعد نجاحو ده كلو لا هسع زعلان من رفدو من الكلية . قال : هم عارفين الدخول لجامعة الخرطوم وبي ظروف عيال الريف مو ساهل . شنو الصواب في فصل الطالب بدون درأسة السبب ؟ قال : مافي أجمل من أيام الكلية وجك لبن الداخلية . علي كل حال صاحبك عشميق العنيد مواصل نجاحو في الابتكارات الجديدة في سوق الشجر بدون ما يلتفت لكلام الناس . هي نفس طريقة كاتبك العجيب كولن ولسون في الانتاج بدون الاهتمام لهجوم النقاد . .. لك والأسرة الكريمة السلام
| |
|
|
|
|
|
|
Re: السوداني ده بعمل في اليوم 50 ألف دولار من تجارة شجرة الميلاد (Re: Osman Musa)
|
عندنا صاحب رابط نفسو من سنة حفروا البحر في غاز أستيشن ( محطة وقود ) صاحبنا سألتو عن صاحبو عشميق زولك فتح ضحك : ها ههها ها وقرقر قر . زولك قرقر نوع القرقرة البتخلع حتي المشردين المابجيبو خبر لا لي فالنتاين لا لي فالن عجور . وبعد ما قرقر ومسح دموع فرحتو بي نجاح عشميق . قال عشميق طيب عشميق يستاهل : والخمسين ألف دولار في اليوم شوية عليه زولنا عندو مستقبل حدادي مدادي زولنا متفتح . يازول نحن بس في محطتنا دي لاحدي ما الواحد يبول جاز .
| |
|
|
|
|
|
|
Re: السوداني ده بعمل في اليوم 50 ألف دولار من تجارة شجرة الميلاد (Re: Osman Musa)
|
فتح الله عليك يا عثمان موسي هذه المواضيع التي تفتح باب الامل للشباب تفرحني .. وهي ادعي لان يقراها الناس من شعبنا فنحن شعب يجيد (لواكة) الصبر .. ويحمل الاسيه ..
عاشميق مقلام الشجر لم يخرج بعيدا عما يعرف ويحب .. فباع الورد في عيد الفلانتاين ربما بطريقة مبتكرة .. ولابد انه طور شيئا في شجرة الميلاد ايضا لتبيع اسرع واكثر .. وهو مزارع بتكوينه وثقافته ..
واحد زراعي عراقي عاش فتره في السودان وجاء يعمل بالسعوديه .. اقنع الشركه التي يعمل بها ان تشاركة في زراعة جزء من ارضها بالسمسم .. واحضر سودانيين لحصاده .. وربح من بيعه لشركات الزيوت والاعلاف ما نقله الي طبقة اصحاب الملايين وذهب باحثا عن ملايين اخري في بلاد الله الاخري
لك التحيه عمر علي حسن
| |
|
|
|
|
|
|
Re: السوداني ده بعمل في اليوم 50 ألف دولار من تجارة شجرة الميلاد (Re: عمر علي حسن)
|
عزيزنا الخال عمر سلامات كان سمح البلد الكبير ما عارف الناس ديل أتسببوا في شرملتو ليه . الشبه كان شديد يا خال بين أمريكا والسودان القديم ولو ظل البلد بلد وأحد كان في يوم من الأيام حيكون بلد محترم . عشميق يا خال مرق من بلدو حردان تشرد تشريد السنين وفي يوم ما كان عندو حق ساندوتش ال turkey وفي أمريكا دي قمة الروحان وقمة التضهب . بس زولك محبتو للورود الحمراء وعلاقة الورود الحمراء بالخدود وذكرياتو القديمة بزميلة الكلية هي هي المرقتو من الروحان وهي الجابتو درب الفالنتاين . دخل سوق الفالنتاين وهو المزارع الحبوب حبيب الطورية والواسوق والناس الحلوين . يعني محبتو لحاجاتو اكتر من محبتو للخمسين البتدخل جيبو أفري دي أفري دي . عليك الله تعال شوف جهجهتو للجماعة فطاحلة سوق الشجر كانت كيف . عشميق صعب يا خال . عشميق قطعو مر .
| |
|
|
|
|
|
|
Re: السوداني ده بعمل في اليوم 50 ألف دولار من تجارة شجرة الميلاد (Re: أسامة البلال)
|
( الدريم كم ترو يا أستذ عمر ) وزولك نجح وكسح البنجمينات . زولنا يا عمر طريقة قطعو وفنون تزيينو زي ما قلتليك مختلفة عن الشيئ التقليدي الفي السوق يعني ما بكلفت الشغل من أجل المرابح السريعة . والنفعو شديد زولك وزع كتلوج فنان توزيعو للكتلوج بهل عليه الدنيا والعالمين . يعني دقش التسويق الالكتروني تصلك الصورة تختار الشجرة وتدفع الفلوس بالتلفون شجرتك تجيك في باب بيتك .
| |
|
|
|
|
|
|
Re: السوداني ده بعمل في اليوم 50 ألف دولار من تجارة شجرة الميلاد (Re: Mannan)
|
عثمان يا قريبي
قصة عشميق بتشبه قصة محمود، محمود يا عثمان بستحمي بموية البطيخ وكرعينو لو دخل بيهن مصنع فازليين ما يتعالجو من الضريسه وشوك الكتر، يا عثمان محمود نجح ونجح وبرد الجو وبقي كبير ، كبير شديد وبقي جوه، ومحروس وما بخلوه ينضم مع الناس قال شنو خايفين عليهو، محمود يا عثمان شهرو زي جلغمية مليون. .
محمود يا عثمان ماقاعد يتكلم عن الماضي شديد ، مرات بيتذكر لامن ابوه كان عيان وشالوه باللوري السفنجة وقالو يودوه يا دنقلا يا الفاشر. محمود ما قاعد يعد القروش في ناس بتعد ليهو، هو زاتو يا عثمان ما بيعرف شكل القروش
| |
|
|
|
|
|
|
Re: السوداني ده بعمل في اليوم 50 ألف دولار من تجارة شجرة الميلاد (Re: Mannan)
|
عثمان يا قريبي
قصة عشميق بتشبه قصة محمود، محمود يا عثمان بستحمي بموية البطيخ وكرعينو لو دخل بيهن مصنع فازليين ما يتعالجو من الضريسه وشوك الكتر، يا عثمان محمود نجح ونجح وبرد الجو وبقي كبير ، كبير شديد وبقي جوه، ومحروس وما بخلوه ينضم مع الناس قال شنو خايفين عليهو، محمود يا عثمان شهرو زي جلغمية مليون. .
محمود يا عثمان ماقاعد يتكلم عن الماضي شديد ، مرات بيتذكر لامن ابوه كان عيان وشالوه باللوري السفنجة وقالو يودوه يا دنقلا يا الفاشر. محمود ما قاعد يعد القروش في ناس بتعد ليهو، هو زاتو يا عثمان ما بيعرف شكل القروش
| |
|
|
|
|
|
|
Re: السوداني ده بعمل في اليوم 50 ألف دولار من تجارة شجرة الميلاد (Re: Osman Musa)
|
عزيزنا منان سلامات وأريتك تكون طيب يا أخوي ؟ الكويس شديد يا منان زولك عشميق قام تاني بعد 18 سنة كمل الجامعة . زولك دخل جامعة ( كورنيل ) كلية الزراعة في نيويورك ودي جامعة مشهورة وقوية في علوم الزراعة . ويوم جات كيريسبينا أغيليراء تغني في حفلة الجامعة زولك تذكر حفلة وردي تذكر الحزن القديم وتذكر حبيباتو زمن الليمون البارد زمن كان الزمن لسع فيه شوية لمعة وقليل همبريب . عشميق يا منان الليلة رأكب همر النوع الطويل أبو 36 بوري . .. تحياتي
| |
|
|
|
|
|
|
Re: السوداني ده بعمل في اليوم 50 ألف دولار من تجارة شجرة الميلاد (Re: عمر علي حسن)
|
السنوسي ود عمنا العزيز سلامات أي . عشميق بشبه كتيريين من المهاجرين كتيرين من النجحوا العرفوا شكل القروش وشكل العدالة وشكل الطريق . عشميق في بلاد المنافسة الشريفة و الفرص كفكف تي شيرتو و فرفر عضلاتو وفتح عيونو ومخو . حتشوف صورتو وهو في بداياتو مجكن في جدول مشروع ديترويت . وحتشوف صورتو في حفلة أغيليراء بتاعت تخريجو من جامعة كورنيل وهو شالع بي كوكولا ومحدر طاقيتو ماركة N Y . عشميق شبه التعاريف يا السنوسي أخوي شبه كتيرين من دفقة الحردانين الفاتو . تحياتي
| |
|
|
|
|
|
|
Re: السوداني ده بعمل في اليوم 50 ألف دولار من تجارة شجرة الميلاد (Re: Osman Musa)
|
ماعارف السبب شنو بس شايف عشميق مكتر كتير في صورو الفي مشروعو بتاع نهر الاورينكو . عشميق كاتب في صورة من الصور ( نهر الاورينكو الحبيب ينبع من مرتفعات جنوب فنزويلا ) .. بين 99 وسنة 2000 عشميق طموحاتو أجبرتو يمشي يدخل كورسات اللغة الاسبانية المكثفة في مكسيكو سيتي . سألتو عن ضياع 6 شهور في الكلام الخارم بارم . بس ردو لي كان كارب . قال : يا عثمان اللغة الاسبانية الليلة هي لغة العمل لغة الانتاج المكاسيك هم القوة المنتجة الوحيدة في البلد . تعليم الاسبانية بيعني نجاحك في هادي البلاد وفي دي مافي كلام .
( البعجك في عشميق . الزول مرتب حالو كويس للموت والحياة )
| |
|
|
|
|
|
|
Re: السوداني ده بعمل في اليوم 50 ألف دولار من تجارة شجرة الميلاد (Re: Osman Musa)
|
صورة لعشميق يمسك المنجل وتمساحية القش علي ظهر حمارو الحمامي الصورة من صورو النادرة في سنة 1976 وهو في في ديك الأيامات في الدامر الثانوية . ... تحتها صورة عشميق مع الجميلة أليشا 20 سنة في ديك الأيام . كانت تدرس علوم السكرتارية في جامعة نيويورك أليشا بت فلاحين من بوسطن ساعدت وشجعت عشميق للخوض في بحر الشجر بعد ما قابلتو وهو بيبع ورد الفالنتاين . أليشا اليوم تمتلك شركة ضخمة في الصين للترجمة والمعاملات التجارية .
| |
|
|
|
|
|
|
Re: السوداني ده بعمل في اليوم 50 ألف دولار من تجارة شجرة الميلاد (Re: Yasir Aloob)
|
عزيزنا الحاج حمد ود بحري الطراوة سلامات عشميق نجح يا الحاج . نظام الدفع المقدم بي ال CREDIT CARD سهل للكثيرين . وتاني كمان سرعة ال SHIPPING من الباب للباب ساعدت . يعني في البلد دي لو عندك رأس المال وعملت حسابك أكيد القصة حتدفق عليك . في السودان ياحاج حمد كرتونة حلو مر رمضان من الزيداب للخرطوم تصلك في 3 شهور . تحياتي
| |
|
|
|
|
|
|
|