|
|
|
 Re: هنالك مُخطط لإبعاد الزميل (بدرالدين أحمد موسي) من المنبر! (Re: الزبير بشير)
|
الصديق العزيز عاطف مكاوي
تحياتي
يا عاطف انا ما مهم اني اكتب في المنبر او لا دا ما المهم
المهم يا عاطف ان يقوم الناس بواجبهم تجاه مؤسساتهم و مواقفهم
كان ممكن يكون الموضوع اقل حدة لو ابتعد الزملا من التمليس و الظرافة في مواقف مفروض يتخذوا فيها مواقف اكثر صلابة لانهم هم الذين اختاروا ان يكونوا في الحزب او الحركة الديمقراطية المرتبطة به و واجبهم هو الدفاع عن مواقف الحزب.
ولو كنا جميعا نقوم بواجبنا كما يجب لما تنطع مراهقي السياسة على مؤسسة موجودة في الشارع السوداني منذ قبل ان يولدوا
تخيل يا عاطف واحد يقف في نص المنبر و يقول انه يبصق في وجه قيادة الحزب و لا يرد عليه احد!
و الانكى ان في المنبر اعضاء في اللجنة المركزية التي بصق المشوه خالد كودي في وجهها, و الانكى ان صدقي كبلو قال للمنحط كودي انه سيمسح بصقته و يواصل في النضال معه!!!!
اي ينضال هذا الذي يقوم به من يتم البصق في وجوههم و يمسحونها ليواصلوا المسير?!!!
بعضهم وصل به الامر هنا ان يرضى ان تمارس عليه عقلية "الهوان دقو و اعتذر له" فيتم البصق على قيادته و شكره هو في نفس البوست!
| |
 
|
|
|
|
|
|
|
 Re: هنالك مُخطط لإبعاد الزميل (بدرالدين أحمد موسي) من المنبر! (Re: عاطف مكاوى)
|
كلو إلا الحزب الشيوعي...
التطاول عليه ......
أو المزايدة على مواقفه.....
أو الإساءة لرموزه....
الدكتور كودي ....
ممكن يقول رأيو في مواقف الحزب ...
وفي استراتيجيتة وتكتيكاته....
لكن الموضوع بتاع "ابصق" دا مبالغة...
انا شخصيا أطالبه بالاعتذار ....
.....
ومن جهة أخرى الرفيق بدر الدين قادر على الدفاع عن نفسه .....
وعن مواقفه ...
لكن قطعا لن نتخلى عنه ......
وسندافع عن حقه في الوجود في "حوش المنبر"....
| |
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: احمد الامين احمد)
|
Quote: أما دينق فرغم شجاعته فى الكثير من المواقف تحديدا دفاعه عن الاقليات بالسودان فمشكلته انه ينحاز لكوستاوى كثيرا لذا لن يفيد الحوار معه ...
|
من الذي قال لك بأنني أصلا أريد محاورة أمثال بدر الدين!
أنه بالنسبة لي سبورة(تختة) أقوم بتشريح عقلية أبناء الهامش التائهين. أنا شخصيا لم أتوقع أبدا أن يكون هنالك كوادر في الحزب بمثل هذا المستوى!
أنا لا أدافع على كوستاوي، ولكني أدافع على الحق. نصر الدين هجام من العناصر المعارضة الصلبة التي لم تنكسر أبدا.
وهذا النكرة الذي كتب ولفق بيان باسم سكرتارية ملتقى أيوا، يجب أن يتزكر أنه عندما كان يأكل الأنجيرة ويشرب البيرة الصاقطة في المطعم الأثيوبي ملبيا دعوة العقيد أمن محمد سليمان عبد الله، مهندس مجزرة معسكر "كلمة" أمثال كوستاوي كانو يقودون المظاهرات أمام مبنى السفارة. ده السبب الذي يجعلني أقول الحق ولا أجامل.
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: احمد الامين احمد)
|
Quote: أكدت لك عدم جدوى الحوار بينكما مطلقا !!
شراب البيرة الصاقطة او اى من المشروبات على شاكلتها بأمريكا مش مشكلة ولا حتى عيب
لان بامريكا الانسان حر فيمايشرب ويأكل ويمارس .....
لاتكتب كثيرا يادينق عسى أن لا ينطق العقل الباطنى ..
أكرر من محاسنك الدفاع عن الاقليات بالسودان
بذات الدرجة من عيوبك تبرير أخطاء (كوستاوى) حتى عندما يغلط فى كتابة اللغة تجد له تبرير وهذا اسوأ مرحلة فى التعاطف ...
أكرر لا أرضية لحوار بينك وكوستاوى وبدر الدين خلافا لكودى واسع المعرفة والإطلاع الذى يؤهله لحوار مع مثقف شجاع زى بدر الدين .. |
كما قلت لك من قبل، لا حوار لي مع أمثاله، أنه تخته بنكتب عليها لتوعية بقية أهل الهامش وعدم تورطهم في مثل هكذا خبل. موضوع البيرة الساقطة ده أنا شفته بعيوني وكنت شاهد على تلك العشوة التي دفع حسابها رجل أمن السفارة، وأنا زكرتها هنا لأن كاتب ومزور بيان سكرتارية ملتقى أيوا المدعو هشام عثمان، كان قد كتب شئ مشابه في بيانه المزور. أنا لا أدافع على كوستاوي ولكني أدافع على مواقفه الواضحة الشجاعة، التي لا تعرف الرمادية أبدا. بكلامك الأن عن زولك "المثقف" ده أنا عرفت أزمة الحزب الحقيقية جاية من وين.
| |
|
|
|
|
|
|
|
|
 Re: هنالك مُخطط لإبعاد الزميل (بدرالدين أحمد موسي) من المنبر! (Re: Deng)
|
| Quote: كما قلت لك من قبل، لا حوار لي مع أمثاله، أنه تخته بنكتب عليها لتوعية بقية أهل الهامش وعدم تورطهم في مثل هكذا خبل. موضوع البيرة الساقطة ده أنا شفته بعيوني وكنت شاهد على تلك العشوة التي دفع حسابها رجل أمن السفارة، وأنا زكرتها هنا لأن كاتب ومزور بيان سكرتارية ملتقى أيوا المدعو هشام عثمان، كان قد كتب شئ مشابه في بيانه المزور. أنا لا أدافع على كوستاوي ولكني أدافع على مواقفه الواضحة الشجاعة، التي لا تعرف الرمادية أبدا. بكلامك الأن عن زولك "المثقف" ده أنا عرفت أزمة الحزب الحقيقية جاية من وين. |
بدر الدين قادر على الإجابة على الكثير مما قلت يادينق !!!
أزمة الحزب التى ذكرتها تكمن فى (جبن ) الكثير من منسوبى الحزب فى الجهر وإنتقاد مواقف الحركة الشعبية ( كوعاء سياسى ) قابل للنقد
وهذا مايقوم به بدر الدين الذى كتب مرارا ان الحركة والمؤتمر الوطنى يتحملان سويا مسؤولية فصل السودان لدولتين عبر الشراكة بينهما وإقتسام السلطة والثروة دون تفويض ديمقراطي ...
مشكلة الكثير من اعضاء الحزب فى هذا المنبر هى الخوف من النقاش بعقل مفتوح وإنتقاد كل الكيانات وهذا مالم يفعله بدر الدين أحمد موسى ....
أكرر كودى وبدر الدين مؤهلان لحوار ( رأس رأس ) كمايقولون وسوف يصلان لاحقا لأرضية مشتركة وربما إعتذار متبادل من رجلين يمتازان بالشجاعة والثقافة والمرونة الفكرية
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: ihsan fagiri)
|
| Quote: بدر الدين اكثر شيوعيى بالمنبر شجاعة لانه ينتقد الحركة الشعبية جهارا حسب مواقفه وقراءاته علما ان الحركة الشعبية خط أحمر عند الشيوعيين بالمنبر ... |
احمد,
لا اتفق معك فى هذا الرائ. كتابات هذا الرجل عن حكومة الجنوب او الحركة الشعبية لا تتسم بالموضوعية بل غوغائية و برباقندا اشبه بالخط العام للاعلام الرسمى الخرطومى و هذا لا يمكن تسميته بالشجاعة إلا إذا كان مفوض من قبل الحزب الشيوعى السودانى و ان الحزب يتبنى اراءه.
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: احمد الامين احمد)
|
Quote: احمد,
لا اتفق معك فى هذا الرائ. كتابات هذا الرجل عن حكومة الجنوب او الحركة الشعبية لا تتسم بالموضوعية بل غوغائية و برباقندا اشبه بالخط العام للاعلام الرسمى الخرطومى و هذا لا يمكن تسميته بالشجاعة إلا إذا كان مفوض من قبل الحزب الشيوعى السودانى و ان الحزب يتبنى اراءه |
.
تحية زكريا
بدر الدين يكتب بإسمه الشخصى كعضو والحزب جل عضويته هنا لاينتقدون الحركة الشعبية
كما اسلفت رغم ان النقد سلاح للبناء ...
هنالك الكثير من أبناء الجنوب ينتقدون الحركة وحكومة الجنوب منذ قبل نيفاشا والادبيات كثيرة جدا مثل بونا ملوال ( فى فترة محددة وخلافه المعلن مع قرنق حسب ماجاء فى كتب الخاتم عدلان ) كذلك بالجنوب حتى الان بعض الجيوب المعارضة للحركة الشعبية
عليه بدر الدين ليس نشازا وسط ذلك بل ينتقد الحركة والمؤتمر الوطنى وغير ذلك ....
بدر الدين من اكثر أعضاء المنبر قربا إثنيا لإنسان جنوب السودان عبر مصاهرات ممتدة بين اهله وهم اهلى كذلك
ووجود روابط دم كثيرة جدا مع الجنوب ويهمهم تنمية الجنوب مثلما يهمه كذلك تنمية الشمال ...
***
يابدر الدين معذرة أصبحت ناطق بإسمك دون قصد فأرجو ان تاتى للحوار وثق لاتوجد مؤامرة لإبعادك من المنبر حسب عنوان البوست فقط حوار عنيف جدا يسود كثيرا فى فترات هذا المنبر الذى يصعب كبح جماحه أرجو ان تتحاور مع كودى تحديدا
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: احمد الامين احمد)
|
Quote: راجع بوستات صبري الشريف ونقاشه مع زولك ده حول الدولة العلمانية.
وشوف الأفلاس الذي وصل اليه وصار يشتم الأخ صبري من دون أي سبب.
زولك ده كوز عديـــــــــــــــــل. وده يعتبر وصمة عار على الحزب. |
وهل كل من يرفض مفهوم الدولة العلمانية
هو بالضرورة كوز
بدرالدين بيطرح مفهوم الدولة المدنيةوعندو فهم وانا قد اكون مختلف مع
بعض التفاصيل و القناعات حول مفهوم العلمانية معه
واتناقشنا فى ذلك وسنظل وهذه ظاهرة صحية وخصوصا اذا كنا فى اطار حزب واحد
ولكن هذا لا يعنى ان بدالدين مؤيد للدولة الدينية حتى يكون كوز
واقول ليك يادينق
ونيابة عن بدرالدين
افتح مع بدر نقاش هادى حول العلمانية
وناقشه وسنكون متفرجين
فهل انت مستعد
وبعد داك حا نعرف منو الكوز فيكم
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: عاطف مكاوى)
|
هلا يا عاطف وتحية للجميع
وبدر الدين يا عاطف مافى زول بقدر يهبشو ويبعدو من المنبر الا على ركام الكيبوردات بتاعتنا
ومتابع الكركبة الدورت وفى ظنى هى كركبة ودشمان مثلو ومثل الدشمانات العديدة التى يضج بها هذا المنبر وصارت سمة ملازمة للنقاش فيه
كلنا هنا عندنا ازمة حادة ومزمنة فى كيفية ادارة الحوار وتقبل الراى الاخر والخصلة الفينا دى اكلت الكثير من نقاش القضايا التى كان يتوقع لها ان تناقش فى منبر معنى بقضايا وطن يترنح مثل السودان الفضل...
عموما الكركبة وحسب متابعاتى حتى الان مقدور عليها وحتنقشع سحاباتها وحتنطوى
واتمنى ذلك حتى ييتفرغ الجميع للمعركة الكبيرة مع المرفعين الانقاذى القاااعد هناااااك فى الخرطوم
| |
|
|
|
|
|
|
|
|
|
شكرا بدرالدين .. هذا هو المختصر المفيد!! (Re: عبدالكريم الامين احمد)
|
Quote: الصديق العزيز عاطف مكاوي
تحياتي
يا عاطف انا ما مهم اني اكتب في المنبر او لا دا ما المهم
المهم يا عاطف ان يقوم الناس بواجبهم تجاه مؤسساتهم و مواقفهم
كان ممكن يكون الموضوع اقل حدة لو ابتعد الزملا من التمليس و الظرافة في مواقف مفروض يتخذوا فيها مواقف اكثر صلابة لانهم هم الذين اختاروا ان يكونوا في الحزب او الحركة الديمقراطية المرتبطة به و واجبهم هو الدفاع عن مواقف الحزب.
......
|
شكرا بدرالدين .. هذا هو المختصر المفيد!!
.....................................................
المجد لشعب السودان ... المجد لأمة السودان
يقيني بان أسوار الظلم مهما علت لن تقف في طريق إرادة الشرفاء
السودان لكل السودانيين
Sudan for all the Sudanese
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: عبدالكريم الامين احمد)
|
الاخ بدرالدين احمد موسى له مواقف وطنية ناصعة وهو يدافع عن خط الحزب فلقد ظل الاخ دينق ولو رجعنا لارشيف المنبر يشن حملة شعواء على الشيوعيين والديمقراطيين بالمنبر وخاصة التحالف الديمقراطي بمنطقة واشنطون ان الشيوعيين والديمقراطيين السودانيين قدموا الكثير من التضحيات من اجل الحرية والديمقراطية لذلك نرفض كل المحاولات التى تحاول النيل من الشيوعيين والديمقراطيين فى امريكا تارتآ ان الشيوعية غير مسموح به فى امريكا وتارتنا بوصمهم بالعمالة والارتزاق ان للشيوعيين والديمقراطيين تاريخ حافل بالنضال من اجل الديمقراطية والحرية فى السودان لذلك نقف مع الاخ بدرالدين فى الدفاع عن مبادئه مهما اختلفنا معه وماشين فى الثورة نمد وسوف نظل على مبادئنا من اجل سودان حر ديمقراطي ونرفض اي تخوين او استخدم لغة لارهاب و تخوين الشيوعيين والديمقراطيين فى امريكا وبالتحديد التحالف الديمقراطي والذي يتعرض لهجمة شرسة من الاخ دينق وسط صمت اعضاء التحالف فى هذا المنبر.
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: عبدالكريم الامين احمد)
|
جمعتني بيهو جلسة في بيت أحد الأصدقاء و تبادلنا الحديث و قد لفتت نظري لباقته و حرصه الشديد على تذبيج عبارات توحي بمعرفة و فلسفة عميقة.. وصل بنا الحديث عن خروف الضحية و أسباب إرتفاع أسعار اللحوم و المنتجات الحيوانية في السودان.. و فجأة قال محدثي و بدون سابق إنذار "السودان يا جماعة مستهدف من زمان.. هنالك مخطط من الدول الغربية لإبعاد السودان من صدارة قائمة الدول المنتجة للغذاء" .. الجمتني الدهشة لعدة ثواني و بعدها سألت محدثي "إنت البص بيجي من بورتسودان للخرطوم في كم ساعة؟"
الأخ عاطف مكاوي
كيف الواحد يقدر يضيف وش أخضر ضاحك في مداخلاتو؟
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: Hafiz Bashir)
|
سلام لعاطف مكاوي والمشاركين
أها أنا هسه:
1- ضد مفهوم الدولة المدنية .. ومع مفهوم علمانية الدولة.
2- ضد مفهوم الوطنية كمايطرحه بدرالدين.
3- ضد البيان الطلعو الحزب الشيوعي بمناسبة قصف مصنع اليرموك.
هل معنى بوستيك دا أقفل خشمي وإلا أكون داير أطرد بدرالدين من المنبر؟؟؟؟!!!!
_________________________________________________________________
النبذ والشتايم والضغائن عادي في المنبر دا الناس بي يبدوها ويربوها ويكبروها
وفي ناس مامنظمين وبرضو يحيروك في النبذ .... فشنو طالبوا بإدارة خلاف واعي في المنبر
وأشجبو النبذ والتشاتم و(البصق) كآلية حوار ..
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: aydaroos)
|
مافي زول بخطط لابعاد بدر الدين يا مكاوي
وان وجد فعلى جثث كيبورداتنا زي ما قال كيكي
-------
يا بدرنا لما تكون هايج كدا انا قاعد اخاف منك عديل كدا .. وانت عارف اخوك خواف ؤ ورانا كوم لحم كمان
لكن بدهشني سر انفعالك وخوف الغريب على الحزب الشيوعي دا
ياخي يعني شنو لو بصق خالد ول شعب الصين كلو على الحزب ماشي يتبلا يعني
المجاز ساي ما قادر تتحملو فيو؟
اها داير تغالط طبيعة الاشياء، وانو الناس بتختلف
كل مرة ح تعمل كدا!؟
كدي راجع نفسك في الحتة دي يا فردة
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: قيقراوي)
|
الاخ احمد الامين
لقد تحاملت علي كثيرا وانت لا تعفني وتحليلك غي سليم لي اتمني ان تعفني
بعدين اجع اقا جميع مداخلاتي ان وجدت اي شتيمة لي لساني يعف عن ان اشتم
مداخلاتي ورؤيتي شان يخصني
بدر الدين في بوستاتي هو الذي يشتم وانا لا ارد عليه الشتيمة ولن اردها حتي ولو كررها
في رؤيتي للعلمانية
ودي مش بتاعت جمهوريين
الجمهوريين يدعون الي الرسالة الثانية من الاسلام وتعاليم سيدي الاستاذ محمود انا امتثلها في ديني كمسلم وفقا للمنهج الجمهوري العظيم
لكن ظلمتني انا الوهابية وجماعات الهوس يكفرونني لا اشتمهم بل احضر احييهم واسلم عليهم واتمني لهم الهداية
عزيزي دونك مساجلاتي وانني احمد الله لم اوقف ولم انبه لاي سلوك من ادارة المنبر طيلة 8 سنوات
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: نبيل عبد الرحيم)
|
كتب صلاح بندر
Quote: كلو إلا الحزب الشيوعي...
التطاول عليه ......
أو المزايدة على مواقفه.....
أو الإساءة لرموزه....
الدكتور كودي ....
ممكن يقول رأيو في مواقف الحزب ...
وفي استراتيجيتة وتكتيكاته....
لكن الموضوع بتاع "ابصق" دا مبالغة...
انا شخصيا أطالبه بالاعتذار ....
.....
ومن جهة أخرى الرفيق بدر الدين قادر على الدفاع عن نفسه .....
وعن مواقفه ...
لكن قطعا لن نتخلى عنه ......
وسندافع عن حقه في الوجود في "حوش المنبر".... |
لأول مره تجدنى متفق معك
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: نبيل عبد الرحيم)
|
Quote: والاستاذ صبرى الشريف ( جمهورى حسب كتاباته الكثيرة جدا ) تجنح جميعها للتهاتر و إحتقار الرأى المخالف
رغم أن الأعضاء الجمهوريين بالمنبر من اكثر الاعضاء ثقافة وهدوء ومعرفة لكن كتابات صبرى الشريف
تبدو كأن كاتبها (كوز ) وليس ( جمهورى ) لانها تفتقر للعمق وإحترام المخالف وبها إثارة كثيرة جدا
راجع بوستات ومداخلات صبرى الشريف باى ربع تشاء وقارنها بكتابات اى جمهورى اخر تجد فرق شاسع ..
إذا وجدت جنوح من مداخلات بدر الدين فى بوستات صبرى راجع بوستات أقدم لصبرى وبدر الدين تجد الخلاف بينهما هنالك ..
لبدر الدين عيوب كثيرة جدا لكنه لا يبدأ الشتم مالم يتم شتمه |
الاخ احمد الامين
تحية طيبة
انا لم اقل في اي بوست او تعريف ان هذا هو خط الفكر الجمهوري اكتب واقف ضد الهوس الديني
وابشر بالعلمانية واعتبر ان الدعوة لدولة مدنية من الحزب الشيوعي هو هروب من كلمة علمانية وخط حديث جدا
انا ادعو للعمانية وفصل الدين عن الدولة واقود نقاش بهدوء دون شتيمة
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: بدر الدين احمد موسى)
|
احمد الامين احمد,
تحيات و احترام
يشرفني جدا يا احمد موقفك مني.
يا احمد, المدعو دنق محرش, و المحرش ما بكاتل. و بعدين صدقني الجاسوس الغواصة كوزتاوي بسجامتو دي احسن مليون مرة من دنق, كوزتاوي على الاقل مهندس و متعلم, مشكلته انه ماخد بمبة في نفسه و ما عارف عدوه من صليحه. دنق دا فاقد تربوي, يتحاور في شنو ولا على شنو?
بعدين خالد كودي زاتو سجمان ساكت, و كدي انا بفتش البوست الحصل اتناقشت معاه اظن حول العلمانية و الدولة المدنية عشان تشوف ضحالة كودي!
لو كودي بفهم اي حاجة عشان الناس يناقشوه فيها او عليها, كان فهم انه حق اصيل من حقوق الانسان سواء كفرد او منظومة سياسية او اجتماعية اوثقافية انها تكون لها مواقفها المستقلة, و من يختلف مع الفرد او المجموعة يجب في البداية يحترم ذلك الحق في الاختلاف. لكن لأن خالد كودي و كحربائي يتلون حسب البيئة التي يجد انها الافيد في جلب المنافع و الالقاب; كناصري سابق او عضو في تنظيم التحالف الذي كان يعذب حتى اعضاءه و الان عضو في الحركة الشعبية التي تعذب الناس في الجنوب و تقتل الابرياء في جبال النوبة و الانقسنا, و اكثر من كدة كواحد مشوش فكريا تخيل امس وجدت في قوقل انه عضو في مجموعة تروج للاعنف في الولايات المتحدة و تتخذ من مارتن لوثر كنغ رمز لها و هو وفي نفس الوقت عضو في الحركة الشعبية التي تعتمد السلاح كوسيلة واحدة و مطلقة في العمل السياسي هل هناك تشوش فكري اكثر من كدة ام هو النفاق و التلقيط من الموائد?!
لكن مع كل اللامبدئية و التشويش التي يعانيها, خالد كودي فاكر انه من حقه ان يجبر حزب مثل الحزب الشيوعي على دخول بيت الطاعة, و ليس بالفكر و الحجة و الاقناع و انما بالبصق على قيادة الحزب!
لخالد كودي ان يعلم انه لو قرر الحزب الشيوعي استخدام نفس العقلية سوف لن يكون وجود لا للحركة الشعبية و لا غيره, فما على الحزب الا ايكال الامر لزميل في الثانوي العالي ليعري افكارهم البائسة و لن يكون لهم لسان و لا فكر, فاحسن يقعدوا في علبهم.
لكل الاحزاب و التنظيمات الحق في صياغة ارائها و افكارها حسب مبادئ ترتضيها و من يختلف معها عليه الركون للحجة و الاقناع, لكن قلة الادب حدها ملحوق.
يا احمد شكرا جزيلا, و الله راسي في السما انه مثقف و مؤدب و مفكر مثلك يكتب ما كتبته عني.
----
(عدل بواسطة بدر الدين احمد موسى on 11-20-2012, 10:07 AM)
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: محمد البشرى الخضر)
|
مانعرفه عن كستاوي له علاقة حميدة مع بكري أبوبكر وبل مؤسس للمنبر وله مصلحة فيما يكتب بالمنبر من حقائق لا اتهامات وقولات,كستاوي له خياران أما الشجاعة أو الكذب, اذ اراد ان يختار الشجاعة عليه ذكر اسماء الشيوعيون الكتار القالوا بدرالدرين كوز ,حتى هذه اللحظة نتعشم بشجاعة كستاوي.
معقول مقارنة مابين شجاعة بدرالدرين وكودي,ندلل هنا بالمنبر عن كودي واستخدامه لاسم رودا موردا, لاخلاف حول اختياره لاسم حركى ليكتب به مايشاء من مواضيع, لاحظ عند كشفه لم يكن شجاعا للأعتراف بل وتبريره الخجول أي شجاعة يمتلكها كودي,قائدنا الراحل محمد ابراهيم نقد وفى فترة الأختفاء عندما كان يستخدم أسم عبدالرحمن كأسم حركى بعد الأختفاء وقبل الأنتفاضة بيوم مباشرة ذهب الى أطفال الأسر التى كان يختفي فيها وعرفهم بأسمه الحقيقى,هذا مانعرفه عن الشجاعة واستخدام اسماء حركية فى ظروف غير قانونية أي شجاعة يمتلكها كودي,
بدرالدرين أحمد موسي من خلال مايكتب بالمنبر أثبت انه مثقف شيوعي حقيقى غيور على الوطن والحزب وهنئا للحزب فى عضويته امثال بدرالدرين
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: عاطف مكاوى)
|
كلو إلا الحزب الشيوعي...
التطاول عليه ......
أو المزايدة على مواقفه.....
أو الإساءة لرموزه....
الدكتور كودي ....
ممكن يقول رأيو في مواقف الحزب ...
وفي استراتيجيتة وتكتيكاته....
لكن الموضوع بتاع "ابصق" دا مبالغة...
انا شخصيا أطالبه بالاعتذار ....
.....
ومن جهة أخرى الرفيق بدر الدين قادر على الدفاع عن نفسه .....
وعن مواقفه ...
لكن قطعا لن نتخلى عنه ......
وسندافع عن حقه في الوجود في "حوش المنبر"....
____________________________________________________________________________
تحية واحترام للزميل الصلد بدرالدين احمد موسى
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: محمد عبد الماجد الصايم)
|
ببالغ الحزن والأسي توصلت قبل شوية كده إنو أخونا دينق بجر بينا وبي أسئلتنا (الهواء) . من بداية خلافك مع بدر الدين وأنت تردد بمناسبة وبدون مناسبة انو بدرالدين ده كوز
قال ثم من قال : كوز قال ثم من قال : كوز قال ثم من قال : كوز ...... الخ
ترجيناك بإيراد إثباتات فشبكتنا بوست صبري الشريف ؟ سألناك عن جلب عينة من كوزنة بدرالدين وأراك تردد حتي الآن بوست صبري الشريف بوست صبري الشريف
الكوزنة والموش عارف ايه بتاعكم ده ماسلوك بالمناسبة بقدرما هو منهج تفكير يلازم خطاوي سلوك الفرد ، المنهج ده (القريد بيم) بتاعو يادينق عدم المصداقية وعدم الأمانة
والتعالي الأجوف وعدم إحترام الآخر والباقي كلو زيو وزي اي بنيان شوية طين علي شوية موية .
انت ماعندك حاجة واضحة علي بدرالدين يادينق ، وتأسيسك علي كوزنة بدرالدين من واقع خلاف في بوست هنا في تقديري أمر يستحق النعي ، نعي الموضوعية والنزاهة
والأمانة . نعي القيم والأخلاق والمثُل .
ـــــــــــــ
يا مكاوي ازيك
أنا شايف انو إثبات كوزنة بدرالدين من جانب دينق وكوستاوي أو نفيه هو المهم .
فعذراً يا صديق
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: خضر حسين خليل)
|
يا خضر حسين
ياخ أبعدنا من سؤالك الممل دا
ما تعمل فيها الولد خطير
It is your home work to get the answers for your question,
If you failed, then it is your problem
بدر الدين عضو في هذا البورد أكثر من سنتين
ما ممكن تطالب زول يجيب ليك (one كود)
عشان يثبت ليك معلومة معينة
لو بتعرف تعمل search في SOL و تجيب كل مداخلات بدر سوف تعرف ما عرفنا
* ملحوظة:
أجمل حاجة في البوست دا إنو شفنا مداخلة من أصدقاء ال 90th
الأخ سلطان sultan
لك و حشة يا زول
كيكي سلام
و أخو كيكي برضو سلام (إنتا مفتكر نفسك مثقف ياهههههههه زي قريبك)
البوست أصبح عكس ما ينادي به حزب الطليعة
أصبح بوست آل بيت بدر
على وزن آل بيت (زمبابوي)
محن
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: محمد عبد الماجد الصايم)
|
الأخ محمد عبدالماجد الصايم
أفيدك علماً بأنني ألتقي مع الأخ عيدروس فكرياً وسياسياً فيما يُمكن أن أُقدره ب 90٪
وكثيراً ما أُتابع مساهماته في البوستات المختلفة ... وفي الغالب الأعم أجد أنها مُفيدة
إلي كقارئ ومُتابع .... حتي في التي أختلف معه فيها .
فياخي خليك محضر خير ... فالذى بيننا إسفيرياً عامراً
ولا أعتقد بأن هذا البوست له علاقة ببوستات الإسكتشيهات.
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: عاطف مكاوى)
|
الملل هو ما تفعله يا كوستاوي
قصة اني اعمل سيرش عشان أشوف جنس الشفتوه ده ما شغلتي
ياكمان من الأول كان تنصحوا الناس بإنهم يراجعوا مداخلات بدرالدين
موش تدونا نتائجكم النهائية ومن ثم تطالبونا بإلإثبات من خلال الهوم ويرك
البتصرفوا لينا هسي ده .
غايتو حكمتو بالغة
قلت كلام محدد تبقي قدرو وتجي تورينا حكمك ده استندت فيهو علي اي اساس
أنت الأحق يا هجام بالسيرش
فأنت المطالب بالإثبات موش أنحنا
التذاكي في غير محله ما كويس ياهجام
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: محمد عبد الماجد الصايم)
|
خضر حسين والله انت تبكي و ما عارف الميت منو.
أكيد سمعت بنظية الدفاع بالنظر آسي كمان ظهرت نظرية النضال بالنظر. قال ليك دينق رأي بأم عينه الزول الزور خطاب سكرتارية ايوا يأكل الآنجيرة
و يضرب البيرة الباردة( عفوا الساااااااااقطة عشان النجرة تكون في محلها) في مطعم حبشي في فرجينيا و فينفس الوقت كوستاوي و أمثاله لاحظ
الكلام دقة وقت الانجيرة والبيرة كانوا بيتظاهروا قدام السفارة السودانية. والله دي نظرية (نجرة) دفاعية ممكن نصدر منها للجيران.
زي ديل حيقولوا ليك شنو غير آنه بدر الدين دة كوز والدليل علي كوزنته كلامه كلام كيزان و حركاته حركات كيزان و دة كله بالنظر لو داير تعرف امشي
كشف و قوقل و أي حاجة.
غايتو الناس ديل زي ما قال مرتضي المقبول (عاين لنفسك من جواك من معدتك)
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: محمد عبد الماجد الصايم)
|
محمد عبدالماجد الصايم
بطل ضحكونة معاك ههههههههه
المشكلة يا محمد اني ما عندي مشكلة مش مصيبة
يعني يجي واحد فاقد تربوي زي دنق dung
و للا واحد جاسوس و غواصة زي كوزتاوي مهما يقولو بتتخيل انه بهمني
لا و حياة خوتك انا لا اعيرهم انتباها و خاصة دنق
انا لو مشيت المحكمة الحكاية فيها سجن و غرامة اكييييد, لكن نحنا زي ما بقول دكتور صلاح بندر اننا سودانيين و حريصيين, مرات بنغتي العفن و نرش عطر عشان تمشي الريحة العفنة و ننسى انه مصدر العفنة هو الفطيسة!
المشكلة يا الصايم لما يتجسس مواطن على رفاقه بس لانه عايز يعمل فيها الالفا!
زمان انا اقتنعت بحاجة واحدة انه الاحسن تاخد حقك بأيدك و تخلي الظالم يشوف قصر ظله!
شعاريني :
الا لا يجهلن احد علينا......... فنجهل فوق جهل الجاهلينا(الملك الشاعر عمرو بن كلثوم)
و برضو
وَمَنْ لَمْ يَذُدْ عَنْ حَوْضِهِ بِسِلاحِـهِ
يُهَـدَّمْ وَمَنْ لا يَظْلِمْ النَّاسَ يُظْلَـمِ
وَمَنْ يَغْتَرِبْ يَحْسَبْ عَدُواً صَدِيقَـهُ
وَمَنْ لَم يُكَـرِّمْ نَفْسَـهُ لَم يُكَـرَّمِ
(زهير بن اب سلمى)
-----
يا جماعة انا مقدر ليكم مواقفكم و بكرة الزنقة بتكون اخف, حا اجي اشكركم واحد واحد و برضو أذكر التانين اننا بنواسي الفات الحد!
"بوصيكم على السيف السنين اسعوهو
بوصيكم على الفات الحدود واسوهو"
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: محمد عبد الماجد الصايم)
|
محمد عبدالماجد الصايم
قربت اكتب ليك المدعو هههههههههه
"| Quote: آآآمال بتقول للناس أمشو المحكمة لييييه؟؟ |
"
دا انا قلتو للناس البحرشو الناس انه بكري قاضي و حا يجيب ليهم حقهم!
دا زي عشم ابليس في الجنة.
الجرسة و الولولة ما يتنفع يا اما ترش طوالي او تمشي المحكمة.
انا زول رش, الضبان على الناموس كلهم بديهم D.D.T و خليهم العايز يمشي يشتكي لبكري اليشتكي
الحكمة مافي ولا واحد جاء قال لي كضاب ههههههههه
ياكلوها على اللباد و يقعدوا يبكوا و صاحبك بكري يشيل مقشاشتو و جري وراي!!!
ياخ قبل يومين حنني عديل كدة, فلبدت لما مشى نام, و طلعت البخاخة و رشيت بخيال فنان, لما جاء الصباح لقى الضبان و الناموس في الكوشة ههههههه
الله في يا محمد!
-
ياخ خليني اقرأ قرايتي بالله!
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: بدر الدين احمد موسى)
|
بالتأكيد الموضوع ما بيان الحزب حول اليرموك
البيحيرني الواحد يشتمك ويبصق في وشك ويقول ليك ما بتشبه الشيوعيين الانا بعرفهم
ياخي من الله خلقنا في منبر من لا منبر له دة
والناس شغالة شتيمة في الشيوعيين وحزبهم
ولو شيوعي ساكت رد
البكا والمخاخيت والشكية
الشيوعيين اتلموا فيني
والشيوعيين ارهبوني
والشيوعيين اغتالو شخصيتي
اها كمان لو جو الشيوعيين قشاشين الدموع البمسحوا البصاق من وشهم ويناضلو مع الزول الشتمهم
اها الشيوعي الاتجرأ ورد بيكون ما بيشبه الشيوعيين
زي الشيوعيين اللون الاحمر دة لابسنوا موضة ساي
يا جماعة الناس مفروض تكون واعية شوية
حزب برنامجو وادبياتوا في السهلة للغاشي والماشي
الداير ينتقد كان عندوا رقبة للشعر دة الينتقد
وأي حوار موضوعي ونقد بناء فيهو فايدة للحزب وللفكر السياسي السوداني كلو
أما مسألة انو زول يفتح بوست يشيل فيهو الفاتحة في الحزب
ولا يوصفوا بالحزب الشيوعي الاسلامي
او استخدم عبارات فضيحة وعار ومهزلة وغيرها وفي النهاية يبصق للناس في وشها
افتكر دة كلام ما في محلو
طبعاً ما بنصادر حق زول في انو يشتم زي ما عايز
ويبصق محل داير
لكن كمان ما نسمع بعدين النحيب ولطم الخدود
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: بشرى محمد حامد الفكي)
|
طبعاً مع انو موضوع الهامش دة الحزب الشيوعي اول حزب نظّر فيهو
الا انو هسي بقى زي التابو
ما تقدر تقول كلمة مخالفة لثوار منبر من لا منبر له
طوالي يطلعوك جلابي وعروبي
واذا كنت من الهامش
تطلع كوز
ارهاب فكري منظم
وفي بعض الاحايين مدفوع الاجر
وبعض المثقفين وربما بعض الشيوعيين رضخوا لهذا الارهاب
بدعاوى شتى
المهم أياً كانت هذه الدعاوى
يا ايها الشيوعيين المتقمصين شخص المسيح
يا تمتلكوا الشجاعة التدافعوا بيها عن حزبكم
ولا كمان امسكو خشمكم عليكم
لأنو سكاتكم يعتبر حكمة أكتر من دور الحكماء الدايرين تلعبوهو هنا
أها البدور الحوار الموضوعي حبابو
والبدور يشتم برضو حبابو
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: محمد البشرى الخضر)
|
تحياتى للجميع
المشكلة يا عاطف ما فى شخص عندو فكر يرتكز اليه فى الحوار ، الكل يتعامل بالفعل ورد الفعل فى الحوار ، ومشكلة السودان تكمن فى اعضاء احزابه ، ليس لديهم خطوط حمراء للسودان الوطن .
المؤتمر الوطنى هو الحاكم اليوم كل فعل يقوم به حتى ولو كان يجسد امانى الشعب السودان فهم ضده
اذا حكم اى حزب فى السودان لن يجد معاونة من الاحزاب الاخرى حتى لا يحسب انجاز للحزب الحاكم ، بل سيضعون العراقيل ويتآمرون ضد مصلحة المواطن السودانى حتى يظهروا من فى السلطة بانه يجب ان يرحل.
واذا قام حزب بتسجيل موقف ايجابى تجاه الحزب الحاكم ، او اتخذ موقفا وطنيا لتعضيد حالة السودان دوليا او ادانة عدوان وقع على السودان او ادانة العقوبات الاقتصادية (التى تثر على المواطن سلبا وعلى السودان الدولة وتؤخر نمائه) او اى موقف وطنى اخر ، تجد الاخرين قد شمروا اقلامهم باتهام ذلك الحزب بالتراخى والمهادنة والتخلى عن النضال والخروج عن الخط الوطنى ، اما فيما يتعلق بعضوية الاحزاب فيبدأ التصنيف بان هذا مدسوس على الحزب المعارض وينتمى للحزب الحاكم ومن امثلة ذلك تصنيف بدرالدين بانه كوز بالرغم من انه يقر بانتمائه الى حزب اخر.
والشىء المبكى حقيقة ان كل الحكومات التى حمكت السودان ديمقراطيا او عسكريا لا نعدد انجازاتها الا بعد رحيلها بل نبكى وننتحب ونمجد ايام حكمهم .
الامر الاخير هو طرح الدولة المدنية او العلمانية او الاسلامية ، لم اجد على الاطلاق مداخلات مؤيدة او منتقدة مبنية على مرجعية ، كل المداخلات غالبا ما تكون نتيجة تفاعل لحظى مع الحوار تنتج عنه افكار لا تستند الى العلمية او العقلانية ولا ترتبط مع الواقع التاريخى والديمغرافى والمعتقدات وليست لديها صلة بحركة التاريخ ، صحيح ان المواضيع المطروحة للنقاش هامة ولكن تجد ان المهاترات والشتائم خرجت عن الموضوع وصارت هى الاصل.
واخيرا اصبحت عضوية كل الاحزاب غير ملتزمة بتوجهات احزابها وبافكارها واراءها ، اصبح كل عضو ينتمى الى حزب معين له ارائه وتوجهاته وفكاره ولا يطرحها داخل اروقة حزبه لمناقشتها بل ينشرها فى العلن ويحارب حزبه علنا ، والمضحك انها افكار وتوجهات تنتمى الى الشللية والصداقات مع عضوية احزاب وتنظيمات اخرى حيث يتأثر العضو بمواقف اصحابه من المنتمين الى تلك الاحزاب والتنظيمات.
الكلام فى السياسة السودانية يطول ويطول ، اتهام الرأى الاخر ووصفه بعدم الوطنية موجود فى السياسة السودانية
د/ منصور خالد لديه كتاب يحمل عنوان النخبة السودانية وادمان الفشل تصدقوا ما زلتم تدمنون الفشل.
معليش ان لم اصب عين الحقيقة
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: صلاح الدين نزلاوى)
|
| Quote: الاخ بدرالدين احمد موسى له مواقف وطنية ناصعة وهو يدافع عن خط الحزب فلقد ظل الاخ دينق ولو رجعنا لارشيف المنبر يشن حملة شعواء على الشيوعيين والديمقراطيين بالمنبر وخاصة التحالف الديمقراطي بمنطقة واشنطون ان الشيوعيين والديمقراطيين السودانيين قدموا الكثير من التضحيات من اجل الحرية والديمقراطية لذلك نرفض كل المحاولات التى تحاول النيل من الشيوعيين والديمقراطيين فى امريكا تارتآ ان الشيوعية غير مسموح به فى امريكا وتارتنا بوصمهم بالعمالة والارتزاق ان للشيوعيين والديمقراطيين تاريخ حافل بالنضال من اجل الديمقراطية والحرية فى السودان لذلك نقف مع الاخ بدرالدين فى الدفاع عن مبادئه مهما اختلفنا معه وماشين فى الثورة نمد وسوف نظل على مبادئنا من اجل سودان حر ديمقراطي ونرفض اي تخوين او استخدم لغة لارهاب و تخوين الشيوعيين والديمقراطيين فى امريكا وبالتحديد التحالف الديمقراطي والذي يتعرض لهجمة شرسة من الاخ دينق وسط صمت اعضاء التحالف فى هذا المنبر. |
سيف الدين جبريل.
كلامك غير صحيح تماما. أرجوا أن تنقل لي بوست واحد شنيت فيه أنا حملة على الحزب الشيوعي كحزب!
أنا أنتقدت مواقف الحزب في بعض القضايا العامة وذلك شئ طبيعي جدا. ولقد أنتقدت مواقف بعض منتسبي الحزب بمنطقة واشنطن العاصمة. وذلك لأنهم تحالفو وعملو مع الكيزان في الجالية السودانية. وده شئ مثبت في أجتماع ومحضر رسمي وموجود كمان. لقد أنتقدت أيضا تلبية بعض المنسوبين للحزب دعوة عشاء أقامها لهم رجل أمن السفارة السودانية بواشنطن.
ولقد أنتقدت أيضا موقف الحزب في واشنطن من ما يسمى ب"اتحاد المنظمات و الجاليات السودانية الأمريكية" ووصفناه بأنه تجمع كيزاني يقف من خلفه الكوز الغواصة كرار التهامي رئيس شئؤون العاملين في الخارج. ومشكورين الأخوة في التحالف الديمقراطي بواشنطن أكتشفو حقيقة ذلك التجمع وأصدرو بيان وضح ذلك، ولقد شكرناهم على تلك الخطوة في حينها. وأنت طبعا يا سيف الدين جبريل كنت من مهندسي ذلك التجمع الكيزاني الذي أفشلناه لكم.
أما مسألة التخوين هذا فدعني أن أسئلك سؤال مهم جدا. أنت كتبت من قبل في هذا المنبر بأنه تم أعتقالك وأيداعك في السجن بأمريكا بوشاية من بعض الناس. وجهت أنا لك سؤال مباشر حينها عن الذين أوشو بك وفي ماذا! لكنك تهربت ولم تعد الى ذلك البوست، محاولا أن تمارس أبتزاز سخيف على الناس. فهل تتكرم الأن وتوضح لنا من هم الذين أوشو بك وأدخلوك السجن الأمريكي ونوع التهم التي وجهت اليك؟
ملحوظة:
موضوع سجنك ده من المفترض أن يكون خاص بك أنت فقط، ولكن عندما تأتي وتفتحه أنت في البورد وتوجه تهم للناس، فأنا أعتقد بأنه أصبح موضوع عام الأن.
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: Deng)
|
Quote: الشهادة لله وبغض النظر عن اي شي دينق بيشتم رائحة ( الكوز ) من علي بعد الاف الكيلومترات .
التحية ليكم جميعا |
عزيزي منتصر صلاح.
شكرا يا خي على المدح.
لكني دعني أقول لك. في الحقيقة أنا أتعلمت خاصية أكتشاف الكيزان، من بعض أصدقائي الشيوعيين، وأنا تشرفت فعلا بمعرفتهم وتعلمت منهم الكثير. يا عزيزي منتصر، أنا زول من كنت صغير شفت الشيوعية في ناس زي الأستاذ صلاح إسماعيل(رئيس الحملة الإنتخابية للأستاذ نقد بالديم والعمارات) رحمة الله عليه، وأيضا الدكتور الشهيد علي فضل رحمة الله عليه.
ديل ياهم اللي كانو من أفضل الشيوعيين الذين يقدمون أروع الأمثلة الجيدة للحزب ولكوادر الحزب. لن أزكر أخرين لأنهم أقربائي.
لكن الذي نراه اليوم لبعض كوادر الحزب لهو دهشة كبيرة بالنسبة لي.
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: Deng)
|
الشيوعيين الذين تجمعوا فى هذا البوست وغيره وبدأؤا بممارسة فن الإفلاس من تلفيق وبرطعه وماشابه ، كباركم وصغاركم بما فى ذلك دكتور صلاح البندر وعيدروس أيا كانوا، ونشمل فى الحسبة ايضا كل من إتفق معكم فى التبرير للبيان البائس ، كذلك نشمل كل من تصالح مع موقف الحزب الشيوعى السودانى الخائب من تدمير مصنع اليرموك للسلاح وإعتقد ان هذا الموقف مجرد إختلاف فى الراى ... مصنع اليرموك انتج من يقتل أهلنا وهذا إختلاف حول حق الناس فى الحياة فخسئتم ، لاتستحقوا سوى التحقير.
وبخنا هؤلاء التعساء علهم يعتذروا عن بيانهم الخائب قالوا اننا مرتزقه وخونه وجبناء وووووو
ياهؤلاء ، أنتم لاتخيفون نمله.
ولنتطاول عليكم قليلا علكم تفقهون !
بيان الحزب الشيوعى الذى أصدرته القيادة السياسية لهذا الحزب يستحق الاحتقار .
من صاغه أيا كان يستحق الاحتقار ومن أيده ومن يدافع عنه.... يستحقون الاحتقار!
هذا هو رابط هذا البيان هنا:
الحزب الشيوعي السوداني يدين اسرائيل لقصفها مصنع اليرموك ( بيان )
ودعونا نعلق عليه فقره بعد فقره، لتروا انفسكم ، كم أنتم ضئيلى الاخلاق .
يقولون فى البيان الاتى:
| Quote: في تجاوز فظ للقانون الدولي وكل الأعراف الدولية شنت دولة إسرائيل غارة عسكرية على عاصمة بلادنا. إننا في الحزب الشيوعي السوداني نرفض وندين هذا العدوان الإسرائيلي الغاشم ونحمل إسرائيل مسؤولية هذه الأعمال الطائشة التي درج الكيان الصهيوني على ممارستها ونرفع صوتاً قوياً مجلجلاً ضد العدوان الذي أقدمت عليه إسرائيل على بلادنا. |
ياقيادة الحزب الشيوعى ياهو، إن عاصمة بلادنا مغتصبة من الفاشى، بل كل بلادنا مغتصبة من الفاشى ...
قد سيطر الفاشى على الارض والمال والزراعه والصناعه والاعلام والتعليم و الصحه والاقتصاد ونهر النيل وسماء الوطن وهوائه ....
أى بلاد تملكون وأنتم لاتستطيعوا حتى كتابة جملتين خجولتين فى معارضة الفاشى فى عقر صحيفتكم الميدان!
بلادنا ياقادة الحزب الشيوعى الفاشلين ، وياذوى السقف الاخلاقى المنخفض مغتصبة ، لاسبيل لنا بها، فنحن مشردين ، المحظوط منا فى دول الغرب والغير محظوظ فى معسكرات اللجوء فى تشاد وجنوب السودان.
الانظمة الظالمه والطاغية والعنصرية مثل نظام إسرائل ياقادة الحزب الشيوعى السودانى لاتخضع للأعراف ولا للقوانين الدولية تماما مثل نظام اللانقاذ الفاشى الذى يقتل ويشرد ويجوع مواطنيه !
فيا قادة الحزب الشيوعى السودانى طائرات دولة إسرائيل قصفت معسكر للسلاح أنشأه النظام الفاشى ، فكيف صارت مصانع سلاح الفاشى هى وطننا ؟
هل ترون الصور اعلاه؟
هل لأعلاكم موقعا فى حزبكم أن يقف امامهم ليقول أننا ندين العدوان الغاشم على مصنع اليرموك؟
موقفكم كموقف حزبا ما ، أصدر بيانا يدين فيه غارات طائرات الحلفاء على مصانع سلاح المانيا إبان حكومة هتلر النازية، فموقف الحزب الشيوعى السودانى ومن يؤيد كلمات البيان اعلاه هى كوقف هذا الحزب! فالتسالوا انفسكم إن كان الشعب الفلسيطنى سيرفض ان تاتى اى جهة وتجرد النظام الاسرائلى من ترسانة اسلحته!
يقول بيان الحزب الشيوعى السودانى الاتى:
| Quote: لقد اتسم تعامل الحكومة مع هذا الحدث الخطير الجلل الذي يرقى لحالة الحرب- ليس بالضعف فقط وإنما بالغياب التام للترتيبات الطبيعية لأية حكومة في الذود عن حياض الوطن وصد العدوان بل أن الناطق الرسمي باسم الحكومة قد صرح بعد تكرار الهجوم الإسرائيلي على بلادنا للمرة الثالثة التي وصل فيها لعاصمة البلد تصريحاً متهالكاً مفاده أن السودان ليس دولة مواجهة مع إسرائيل. " حقاً من يهن يسهل الهوان عليه ما لجرح بميت إيلام ". |
قادة الحزب الشيوعى فى حالة تأليب وحشد للراى العام السودانى وشحذ الهمم الشعبية للدفاع عن مصاتع سلاح النظام الفاشى فى الخرطوم التى هى حياض الوطن! مصنع اليرموك هو أحد حياض الوطن ... يالخيبتكم ، فالعدو الصهيونى لم يقذف مدرسة الشجرة الثانوية ، ولامستوصف محطة اللفه ، ولا ملعبى الهلال والمريخ ولاحتى جامعة مامون حميده أو البنك الاسلامى العلانى... إنما قذف مصنعا للسلاح ، السلاح الذى يقتل اهلنا !
و لكن ماذا ينتج مصنع السلاح هذا بدء قبل ان يرقى تدميره من ايا كان الى حالة الحرب زودا عنه طبعا؟
ينتج المصنع سلاحا فتاكا يستعمل فى قتل الشعب السودانى!
ينتج مثل هذه الدانات:
وفيم تستعمل هذه الدانات؟
تستعمل فى مثل هذه العمليات تججاه الشعب السودانى:
وهنا النتيجة:
ويقول بيان الحزب الشيوعى السودانى:
| Quote: إننا نستصرخ شعب السودان لهبة واسعة للدفاع عن السيادة الوطنية ودفع العدوان الإسرائيلي ونطالب الحكومة باطلاع الرأي العام السوداني وأحزاب المعارضة على التفاصيل المرتبطة بالعدوان وإحاطة الجميع علماً بحقائق مصنع اليرموك وتسليط الضوء على الأسرار المتعلقة بهذا المصنع ودوره ومهامه بدلاً عن ترك الأمر للحدث والحرز والأقاويل. |
الزملاء: ( يدعوا لأندلس إن حوصرت عدن ) !
الزملاء وبدوخ حياء – هكذا وبدم بارد يستصرخوا الشعب السودانى لهبة واسعة للدفاع عن السيادة الوطنية متمثلة فى مصنع اليرموك للسلاح الذى يقتل به الشعب السودانى!! هل تريدوننا ان نبدأ فى جمع التبرعات لمجهود الحزب الشيوعى فى الهبة الديالكتيكية الكبرى للزود عن مصانع المؤتمر الوطنى لأنتاج السلاح الممتاز؟
يالخيبتكم، أيها المهزومين.
و الزملاء ، قادة الحزب الشيوعى السودانى لايعرفون الاسرار المتعلقة بمصنع السلاح السودانى ودوره ومهامه !!
الزملاء، قادة الحزب الشيوعى السودانى يريدون من الفاشى إرسال تقرير لمعاليهم حول تفاصيل منتجات مصنع اليرموك الذى إعترف الفاشى من تلقاء تفسه بأن ما ينتج فيه هى أسلحة تقليدية و... و ( قانونية) !
ولكن الزملاء لايعرفون ماذا ينتج فى هذا المصنع؟
الشعب السودانى يعرف!
لن ندعكم تنتظرون طويلا ، فهذه السيدة تعرف :
هذه الأشلاء تم إختراقها ب فخر صناعة مصنع اليرموك السودانية للسلاح الممتاز ... قطعت احشاءهم إربا أربا... ولكن الزملاء.... الزملاء لايعرفون !
هل تروا الان لماذا تستحقون الاحتقار والتوبيخ؟
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: Khalid Kodi)
|
Quote:
ياقيادة الحزب الشيوعى ياهو، إن عاصمة بلادنا مغتصبة من الفاشى، بل كل بلادنا مغتصبة من الفاشى ...
قد سيطر الفاشى على الارض والمال والزراعه والصناعه والاعلام والتعليم و الصحه والاقتصاد ونهر النيل وسماء الوطن وهوائه ....
أى بلاد تملكون وأنتم لاتستطيعوا حتى كتابة جملتين خجولتين فى معارضة الفاشى فى عقر صحيفتكم الميدان!
بلادنا ياقادة الحزب الشيوعى الفاشلين ، وياذوى السقف الاخلاقى المنخفض مغتصبة ، لاسبيل لنا بها، فنحن مشردين ، المحظوط منا فى دول الغرب والغير محظوظ فى معسكرات اللجوء فى تشاد وجنوب السودان. |
أنا أعترض على كلام د صدقى فى رد فعله المتاسمح مع شخص عديم الأخلاق كيف يستقيم النضال مع هؤلاء الأقزام وما طرشته هناإنما يدل على شخصيتك
بلادنا تباع لأنها تضم إناس يبعون وطنهم رخيص والمتاجرة بمعانات المهمشين ويتطاولون على من هم أعلى مقاما
ولن يستطيع مثلك المزايدة على مواقف الحزب تجاه قضايا الهامش
كان من الممكن تطرح وجهة نظرك وإنتقادك للبيان ولكن ليس لك الحق أن تقل أدبك
هل هذه أخلاق من يطرح نفسه مدافع عن قضايا الهامش ؟
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: نبيل عبد الرحيم)
|
Quote: أنا أعترض على كلام د صدقى فى رد فعله المتاسمح مع شخص عديم الأخلاق كيف يستقيم النضال مع هؤلاء الأقزام وما طرشته هناإنما يدل على شخصيتك
بلادنا تباع لأنها تضم إناس يبعون وطنهم رخيص والمتاجرة بمعانات المهمشين ويتطاولون على من هم أعلى مقاما
ولن يستطيع مثلك المزايدة على مواقف الحزب تجاه قضايا الهامش
كان من الممكن تطرح وجهة نظرك وإنتقادك للبيان ولكن ليس لك الحق أن تقل أدبك
هل هذه أخلاق من يطرح نفسه مدافع عن قضايا الهامش ؟ |
الأخوة فى الحزب الشيوعى،
السلام عليكم..
الحوار شكله الآن سلس جداً ، فأرجوا أن لا تجنحوا للإسائة، حتى تفشلوا و يذهب ريحكم. الحوار يدور حول محور أساسى و هام وهو عدم تأييدكم لضربة مصنع اليرموك الذى أسس بواسطة الإيرانيين و تديره الحكومة السودانية
بالوكالة و يتم داخله إنتاج أسلحة موت إستخدمت فى إدارة حروبات الحكومة فى دارفور و جنوب كردفان و النيل الأزرق و فى مناطق أخرى متفرقة فى السودان، فأرجوا أن تأتوا للنقاش حول هذه النقطة و أتركوا المواضيع
الجانبية حتى يتقدم النقاش ربما يقتنع عزيزنا القارئ بحججكم و أسانيدكم. د. صدقى كبلو لديه منطق سليم و متسامح تمنينا لو تركتم له الفرصة ليدير الحوار و لكنكم أسكتوه بقسوتكم عليه و فى المقابل تكيلون المدح لبدرالدين الذى لم يستطع
الخروج من مستنقع الإفتتان بالإنقاذ و نظريات الهوس الدينى!!
أتمناه حوار جاد وعميق و نترك معكم خالد كودى ونحن فى غرفة المراقبة.
_________________________
كل المقامات و الألقاب و الإحترامات محفوظة و الخوة فى مكانها.
والسلام.
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: نبيل عبد الرحيم)
|
Quote: وبخنا هؤلاء التعساء علهم يعتذروا عن بيانهم الخائب قالوا اننا مرتزقه وخونه وجبناء وووووو
ياهؤلاء ، أنتم لاتخيفون نمله.
ولنتطاول عليكم قليلا علكم تفقهون !
بيان الحزب الشيوعى الذى أصدرته القيادة السياسية لهذا الحزب يستحق الاحتقار .
من صاغه أيا كان يستحق الاحتقار ومن أيده ومن يدافع عنه.... يستحقون الاحتقار! |
مشكلتك تماديت فى التطاول لأن البعض أثر عدم الرد على التفاهات خاصة أصحاب النوايا العفنة
كان ممكن تنتقد بيان الحزب لأن الطبيعى أن كل ما يصدر من الحزب ينال رضى الجميع
وكان سيحترم رأيك والإستفادة منه من وجهة نظرك
لكن للأسف إنتقلت من خانة النقد لخانة التطاول والشتيمة وهو ما أضعف حجتك وبانت نواياك الغير سليمة
لو أردنا إزالة الإنقاذ يجب أن تصدق النواياووتوحد الصفوف والكشف عن أصحاب المصالح الخاصة الذين يتاجرون بهموم المواطن البسيط وقضايا الهامش .
الحزب الشيوعى طوال تاريخة وهو يدافع عن قضايا الوطن وساند قضايا الهامش ولن يستطيع نكرة طمس أو أخفاء إشاعة الشمس
التى كانت ومازالت تضئ الطريق لمجرد غرضا فى نفس يعقوب للنيل من تاريخة وحجتة إختذال مواقف الحزب الشيوعى فى بيان لا يعجبة
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: Khalid Kodi)
|
ياخالد كودى نقدك لبيان الحزب الشيوعى لاقيمة له وغير مفيد للحوار لأنه يستند وفقط على الإساءة والتجريح للحزب الشيوعى وأعضاءه . إذا كنت بتعتقد إنك أحرص من قيادة الشيوعى وكل المعارضين لنظام الإنقاذ من كافة اتجاهاتهم على المواطنيين السودانيين وفى كل مناطق السودان وعلى السودان نفسه عليك بمراجعة ماكتبت والإعتذار عنه لأن تزكية النفس والإدعاء بإمتلاك الحقيقة المطلقة وتحقير الأخرين والبصق عليهم لمجرد إختلاف وجهات النظر فى أمور الوطن نوع خطير من أنواع الفاشية يبدأ بالإدعاء الكاذب إنك أفهم وأفضل من كل الناس وحتما لن ينتهى بشى مفيد للوطن وأهله .
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: نبيل عبد الرحيم)
|
ازمة دارفور عندما كان الحزب الشيوعي يتحدث عنها فى الفترة الديمقراطية الثالثة وخاصة فى اصداراته الميدان وبل خصص لها صفحة بعنوان صوت الغرب, كودي كان فى احضان الناصرية العربية,وعندما الجنجويد والنظام يمارس فى القتل والأغتصاب لشعب دارفور كودي كان محتفل بوداع قائدة انور الحاج للمشاركة فى اجهزة السلطة الولائية التشريعية, أي اخلاق يتحدث عنها كودي للأنحياز لقضايا الهامش
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: elsharief)
|
الأخ الصادق الزين
تحية طيبة
من حقك والجميع مناقشة بيان الحزب ومواقفه الاتفاق أو الأعتراض عليها,بغض النظر عن الاتفاق وجهتك نظرك ونقدك للبيان فى البوستات السابقة كانت مقدرة ونابعة من اختلاف الأخر فى العمل السياسي, اما كودي لايستحق الا البصق فى وجهه, ولنا اراء أخري فى حالة نفاش أى زميل مع كودي حتى لو عضو لجنة مركزية, وهذا لايعنى اننا لا نتقبل الرأي الاخر, مانعرفه هنا عضوية كبيرة من اعضاء الحركة الشعبية قطاع الشمال مؤهلين فكريا واخلاقيا اكثر من كودي, راجع ارشيف كودي هنا لتعرف الكثير حول انحطاطه فى العمل السياسي
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: elsharief)
|
| Quote: الشيوعيين الذين تجمعوا فى هذا البوست وغيره وبدأؤا بممارسة فن الإفلاس من تلفيق وبرطعه وماشابه ، كباركم وصغاركم بما فى ذلك دكتور صلاح البندر وعيدروس |
دايرني أغشك يا خالد كودي
البصق بي يوازي جرائم الكراهية وبمارسوهو الفاشيين البي تتكلم عنهم ديل
والببصق في وشي الناس لو لقا بندقيه بي يقتلهم عادي
أقعد حاكي في جلادك .. لحدي ما تتحول إنتا لي الجلاد نفسو
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: عاطف مكاوى)
|
بعلم الوصول :
* يُمنع منعاً باتأً ( بيع الموية في حارة السقايين) .. من شاكلة :
1- لدى أصدقاء شيوعيين كُثر ... فنعم الأصدقاء ولكن (قيادتهم الحالية لا تُمثلهم)!
2- في أُسرتي شيوعيين يسدون (عين الشمس) .... ولكن قيادتهم الحالية تختلف عنهم وعن قياداتهم السابقة
3- يا حليل شيوعيين زمان !
4- ...... إلخ هذه الترهات التي لا يُمكن أن تُباع في (حارة الشيوعيين والديمقراطيين السودانيين).
وللجميع كامل الحق في أن يكرهوا الشيوعيين وحزبهم .... ولكن بدون تذاكي !
ولدى إعتقاد بأنني أُمثل في هذه المداخلة جميع الشيوعيين والديمقراطيين وأصدقائهم الفكريين والسياسيين.
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: Deng)
|
من الشيوعيين فى هذا المنبر نماذج حقيقةمحيره و مثيرة للشفقة،
إعوجاج وقصور رؤآها ميكافيليتها وإصرارها على تقديس قيادات بائسة حقيقة أمر يحير !
نقول لهم ان حزبكم اصدر بيانا خائبا وهاهو أمامكم، ناتى به ، ونوضح لهم لماذا بيان حزبهم خائبا،
فبدلا من يسائلوا قيادتهم عنه ويطالبهوهم أما بتصحيح موقفهم أو الاستقاله من قبادة الحزب ليتركوا آخرين لديهم مقدرة على إستيعاب مايمر به وطننا... بدلا عن هذا يكابروا، ويشحذوا سيوفهم الخشبية علينا ...
هنا نموزج لشيوعى مغلوب على أمره إسمه رؤوف جميل ،
فهو يرد على حديثنا على البيان بشان حادثة تدمير مصنع اليرموك كالاتى:
Quote: طيب
عندما دمر عبدالناصر جزء عزيز من الوطن يسىمى حلفا سكوت والمحس
والمحس وشرد اهلها واغرق تراثهم واهراماتهم وجدودهم وشتت شملهم
فى اصقاع السودان واجبرهم على العبش فى مناطق غريبة عليهم
لماذا لم تبصق عليه |
1/ ماعلاقة (تدمير ) عبد الناصر للجزء العزيز من الوطن وموقف الحزب الشيوعى من تجريد الفاشى من مصنع للسلاح الذى يقتل به الشعب السودانة اليوم وفى زماننا هذا ؟
2/ إذا سلمنا بما ترمى إليه ، هل يبرر هذا للحزب الشيوعى ان يشحذ الهمم ويدعوا الشعب السودانى أن يصطف للدفاع عن مصانع السلاح الوطنى الذى يقتلنا به الوطن؟
البيان امامك يارؤوف!
ومن الناحية الأخرى دعنى اقول لك ان عبد الناصر (دمر) وفقا لما وصفت، دمر جزء عزيز من الوطن يسمى حلفا سكوت والمحس ، وشرد أهلها وأغرق تراثهم ... الخ الخ... ولكنه وللتاريخ فعل كل هذا مستهديا بخبرة الرفاق الشيوعيين الروس، فهم مهندسى وخبراء السد العالى تخطيطا وتنفيذا. وقد وصف الرفيق نيكيتا خرتشوف السد العالى ب(عجب الدنيا السابع)! ونهديك هذه الصورة المعبره:
هل تدرى ماذا يفعل الرفيق خرتشوف فى هذه الصوره ؟
هل تدرى أين صنعت أصابع الديناميت التى أغرقت التراث والاثار التى تتحدث عنها وتحاول التبرير لبيان الحزب الشيوعى التعيس ؟
ولكن ماعلاقة هذا مع البيان الذى أصدره الحزب الشيوعى الآن حول تدمير مصنع المتفجرات التى تقتل أهلنا وتدمر زراعتهم وثقافتهم؟
ولنقل أن عبد الناصر فى العام 1964 قد ارسل لشخصى الضعيف وزير خارجيته كمبعوث خاص ليشاورنى فى امر تدمير الاثار وتشريد الناس، ولنقل اننى قابلت هذا الوفد الرفيع مرتديا محفة شخخت فيها لتوى بودمدنى - (فالعام 1964) ولنقل اننى وافقت على تدمير الاثار وتشريد الناس ... واليوم فى العام 2013 اننى لا اوافق على القتل والتشريد وتدمير الانسان وثقافته . .. الا يعنى هذا اننى تعلمت شيئا منذ 1964 الى الان؟
ماذا تعلم الرفاق؟
ماذا تعلم حزبك الشيوعى من هذا التاريخ؟
هل تدرى منذ منتصف الخمسينات الى السبعينات ، هل تدرى كم خزانا ومشروعا زراعيا وصناعيا ضخما أنجز فى الدول التى تبنت الشيوعية وهذه المشاريع ادت الى تشريد الناس وتدمير ثقافتهم؟
وهذا يشمل (الاتحاد السوفيتى) سابقا، وكل اوربا الشرقية (سابقا) وأمريكا اللاتينية وافريقيا ولاباس من إدراج الصيين هنا...
ماذا تعلم قادة حزبك من تاريخ إرث الأحزاب الشيوعية هنا وهناك؟
بناءا على ماأرى فى بيانه الذى امامى .... أجزم لاشىء. ؟
فهاهو السودان يمر يتجربة حكم فاشى بما يعنيه التعبير، وهاهى قيادة حزبك الشيوعى و علنا كمان لاتريد للفاشى ان يجرد من مصادر سلاحه بحجة أن من جرده من هذا السلاح (عدوا خارجبا غاشما) ... فقيادة حزبك تتساءل بغباء لاتحسد عليه ( ماذا يجرى فى مصنع اليرموك) وتطالب بغياء اكثر ، تطالب الفاشى بتمليك الحقائق للشعب السودانى!!! ولاتدرى ان الشعب السودانى يعرف ماذا يجرى فى مصنع اليرموك سلفا، بل وتدرى أنواع الذخيرة الممتازة التى ينتجها لأن هذه الذخيرة والدانات تقتل الشعب السودانى!
ويقول هذا الشيوعى العجيب رؤوف جميل الاتى:
Quote: يل وتبنيت افكاره وحمت بها فى منطقتك مستلبا وكافرا بثقافة اهلك ومبشرا بفكر جديد عليهم
يسمى العروبة والناصرية
عندما تبنيت ا انت العروبة كفكر مخلص لاهلك النوبة من وهدة تخلفهم كان الشيوعين يقيمون فى ديار النوبة
مع البسطاء يناضلون معهم وينشؤن اتحادات المزارعين والعمال وفصول محو الامية
بينما تبشرهم انت بالعروبة |
من يقرأ هذا الكلام قد يصدق ان كارل ماركس لم يطلق لحيته الا ليخفى شلوخه المطارق!
وإن المرحوم فلاديمير إيلتش لينين ولد بالدخينات من أم حلفاويه ووالد دنقلاوى !
ياللبؤس.
ويقول:
Quote: والان بعد عودة الوعى
تذايد بالحركة الشعبية التى يعرف قادتها من هم اصدقاؤها الحقيقيون
انت تبصق على سليمان حامد با للمهزلة
رفيق عبد الخالق والذى كان مطلوبا للاعدام بعد يوليو |
الذى نعرفه عن الشهيد عبد الخالق محجوب هو:
أنه رجل شجاع، مثقف ومفكر وطنى ذكى ولديه مقدره فذه على قراءة الواقع وإتخاذ مواقف تتوافق مع الزمان والمكان، ومستعدا لدفع ثمن مواقفه هذه.
لا أعرف عن على سليمان شيئا، ولكن إن كان هو من ضمن من اصدروا هذا البيان او من ضمن الذين وافقوا عليه وأيدوه، أو من ضمن الذين صمتوا عليه، أو من النوع الزيك ديل يحاولون التبرير للبيان والنيل من الذين عروه بدون هواده... إن كان من هؤلاء اليشوف ليهو شغلة تانية، لا إحترام له عند الشعب السودانى، الشعب السودانى الذى يعرف ماذا كان ينتج فى مصنع اليرموك... ولا إحترام له عندى.
ويقول رؤوف الاتى:
Quote: الا تدرى ان السبب الحقيقى لقيام انقلاب يوليو هو رفض ميثاق طرابلس العروبى الذىوقعه النمبرى والقذافى و السادات
الا تدرى ان الشيوعين كانت مشكلتهم الاساسيةمع الناصرين هى هذه العروية التى حاولوا
فرضها عبر انقلاب مايو
ارجع الى شريط محكمة عبدالخالق وستجد ان عبدالخالق رفض رالاعتراف برئيس المحكمة
لانه قومى عربى
وكل هذا المعارك قيادة الحزب الحالية كانت جزء منها
تبصق على وجها لمجرد اختلاف حول فهم مضمون بيان |
شوف ياإبنى، تاريخ السحل المتبادل بين القوميين العرب والماركسيين بانواعهم - الماركسيين العرب طبعا،
يمتد من المحيط الى الخليج ، ومن البحر الى النهر، وتداخل فيه (الوطنى ) والاستعمار ...... ويتغالط فيه القوميين العرب بانواعهم والماركسيين العرب بانواهم بما لاطاقة لك به... فركز فى بيان حزبك التعيس فى هذا المكان وفى زماننا هذا!
ثم ماعلاقة هذا مع البيان الصادر عن قيادة حزبك الحالى وهذا التاريخ المعقد؟
ثم هل تعتقد ان اتينا بعبد الخالق محجوب اليوم وفى ظرفنا الحالى هذا لكان قد اصدر مثل هذا البيان التعيس والمتوطىء مع الفاشى؟
... مالذى يدرينى بعبد الخالق محجوب؟
أجزم لكان قد ارسل بعضا من رفاقه الى حيث يموت الناس صبرا فى الكهوف إختباءا من منتجات نفس معصنع اليرموك للسلاح الممتاز جعلت منه قيادة الحزب الشيوعى الحالية رمزا للسيادة الوطنية ، واذى اصدرت بيانا تدوعوا الجماعير فيه للزود عن الوطن - مصنع اليرموك !
ويقول رؤوف:
Quote: راى الشخصى
اذا حاول اى شيوعى(والتشكيلين) فى منطقتك التعامل معك او التنسيق معك حول اى امر سياسى
او حتى التظاهر معك او حتى وضع يديه على يدك قيل ان تعتذر عن هذا الفعل الشين
يكون هذا الشيوعى قد بصق هو ايضا على حزبه |
وعلى كده يكون (عيشنا إنقطع)...
على الشيوعيين ان يجبروا حزبهم على أصدرا بيانا يعتذر فيه عن هذا الموقف المخزى الذى أعلنوه فى بيانهم الاول، عليهم ان يسالوا قيادتهم عن ماهذا الذى فعلوه، أن يختبروا إستيعابهم لطبيعة مايجرى فى السودان من أصلو، عليهم أن يحاسبوهم... وإن كانت قيادة الحزب الشيوعى السودانى تؤمن بماجاء فى هذا البيان ربما عليها ان تستقيل، فهم لايفهمون طبيعة مايجرى فى وطننا.
ومرحب بكل انواع الردود.
.
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: Khalid Kodi)
|
يقول عاطف مكاوى:
Quote:
سؤالان :
1- هل خالد كودى أحد الناطقين بإسم الحركة الشعبية قطاع الشمال بأمريكا؟
... وإذا كانت الإجابة ب (لا) هل يُعتبر من الكوادر (المُمثلة للحركة) وبالتالي تأخذ أقواله قوتها تنظيمياً وسياسياً أم لا ؟ |
عاطف مكاوى، لاتأخذك رأفة بى.
أنا أهاجم حزبك واوبخه باشد مالدى ومع سبق الترصد والاصرار بسبب البيان الذى اصدره، وهو امامك، فتفضل يازميل ، هات ماعندك .
هل انا ناطق بإسم الحركة الشعبية- شمال وليس (قطاع الشمال)...
الاجابه لا.
أنا امثل نفسى، واعبر عن ماأومن به...
هل أعتبر من الكوادر الممثله للحركة الشعبية وبالتالى تؤخذ أقوالى قوتها تنظيميا وسياسيا.... ؟
هذا سؤال كمونية.
انا ليس ناطقا رسميا بإسم الحركة الشعبية، وليس مفوضا منها لأدخل هذا الدافورى .
ماذا يظن الناس فى مااكتب هنا؟
يجب ان تسال الناس... ولاشنو؟
Quote: 2- هل الصادق الزين يُمثل حزب الأمة القومي الذى يرأسه (السيد الصادق المهدى) بأمريكا؟
... أم أنه (حزب أمة) ولكنه ضد (السيد الصادق المهدى) .. ومع (السيد نصرالدين) الذى أقاله
رئيس حزب الأمة (السيد الصادق) قبل أيام؟ |
نترك الرد للصادق الزين ، (وللركورد) موقف الصادق المهدى بدوره تعيسا، الفرق بين موقف سيدى الصادق والحزب الشيوعى هو ان الصادق المهدى نتوقع منه مثل هذه المواقف ، فقد ولد سيدى من المهد فاشلا ... والحزب الشيوعى نتوقع منه افضل من موقف قيادته الحالية البائسة التى اتت بهذا البيان.
------------------------
Quote: هذان السؤالان في غاية الأهمية .... حتي يتم التعامل معهما (إسفيرياً) بالطريقة التي نراها ونعرفها.
بمعني التعامل معهما كأشخاص عاديين أو أشخاص إعتباريين
وقد يقول قائل بأن كل شخص هنا يُمثل نفسه ... وهذا صحيحاً لدى الغالبية
ولكن بعض كوادر الأحزاب أعضاء المنبر لديهم شخصيات إعتبارية (حزبية وتنظيمية)
فهل خالد والصادق من هذه الشخصيات الإعتبارية ... أم أنهما مثلنا (أعضاء منبر سودانيزأونلاين) .... لا أكثر؟ |
عليك ان تتعامل معى كشخص (عادى).
ولقد بقى لك كرتين ياعاطف مكاوى فقط.
فقد إستخدمت وصبية حزبك كروت الارتزاق، والناصرية ، ورودا مردا، واليهود، والاستلاب ، وتبنى الافكار المستورده، والانحطاط، ,,,,وووو غيرهما كثير ... الكرتين هما (الجنون و الـلـواط) ... فتفضل/وا !!!
فهل ترى أو تعرف طريقة غير هذه؟
الحقيقة ستظل كالاتى:
إن كنت حريصا على حزبك ، عليك بقيادتك، عليك بتوبيخها وإجبارها على الاستقاله...
ده بيان يخرج من حزب يدعى انه مع الجماهير فى زمن نظام فاشى؟.
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: رؤوف جميل)
|
| Quote: بدر الدين أكرر دينق له محاسن كثيرة اقلها مناصرته الأقليات الافريقية بالسودان (وطننا الحبيب ) وارشيف البوست يشهد له بذلك والدفاع عن الأقليات بالسودان امر يهرب منه الكثير من متنطعى حقوق الإنسان |
اكثر حاجة حيرتني في هذا البوست هو استخدام الاخ احمد الامين احمد لمصطلح الاقليات الافريقية في السودان. كيف يصير هذا الكلام انو في هذا السودان يكون في الافارقة اقليات؟
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: Mahjob Abdalla)
|
"اكثر حاجة حيرتني في هذا البوست هو استخدام الاخ احمد الامين احمد لمصطلح الاقليات الافريقية في السودان. كيف يصير هذا الكلام انو في هذا السودان يكون في الافارقة اقليات؟"
انتهى الاقتباس
ياخى ما تكمل حيرتك وتلاحظ انو البدافع دة اسمو"دينق", يعنى المطلوب زول ده اسمو يدافع عن الاقلية الارمنية فى تركيا ولا شنو؟؟؟.
بعدين يا محجوب شوف الشيوعيين ديل حكاية ال"تفاف" دى مزعلاهم كيف؟؟؟؟!!!! انحنا الواحد امو حامت بيهو من "قدوم"فكى لاخر, خليك من ي"تف" ليك فنان عالمى.
# ياجماعة "وبخوا" وخلصونا
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: عاطف مكاوى)
|
دينق يتهمنا بالكوزنة انا افتخر بأننى كنت احد مهندسي اتحاد الجاليات ألذ لعبت انت دور كبير فى تخريبه وأنا افتخر بنفسي اننى مناضل حقيقى وليس مذيف انتظمت فى العمل العام منذ أن كنت يافعاً فى شتى المجالات رياضياً واجتماعياً وثقافياً فما هو عطاءُك انت يا دينق من انت ما هو تاريخك ومن الذي أعطاك الحق لتقيم الشيوعيين لنا أصدقاء كُثر فى منطقة الديم فخليها مستورة
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: عاطف مكاوى)
|
دينق يتهمنا بالكوزنة انا افتخر بأننى كنت احد مهندسي اتحاد الجاليات ألذ لعبت انت دور كبير فى تخريبه وأنا افتخر بنفسي اننى مناضل حقيقى وليس مذيف انتظمت فى العمل العام منذ أن كنت يافعاً فى شتى المجالات رياضياً واجتماعياً وثقافياً فما هو عطاءُك انت يا دينق من انت ما هو تاريخك ومن الذي أعطاك الحق لتقيم الشيوعيين لنا أصدقاء كُثر فى منطقة الديم فخليها مستورة
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: Deng)
|
يا دينق خليك من موضوع سجني انا ما سجنوني حرامي ولا لص هذا موضوع خاص بي انا فقط ما تخرج من موضوع البوست انت تشن حملة على الحزب الشيوعي والتحالف الديمقراطي الشئ الآخر من الذي أعطاك الحق لتنصب نفسك لتعطي وتصنف أن ذاك أو هذا كوز أو مناضل من انت وما هو تاريخك تعال ورينا انت شايت وين وهل تفتكر انو أي شخص لا ترضى عنه فهو غير مناضل من انت أعطينا إجابة ماهو تاريخك
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: Saifeldin Gibreel)
|
Quote: تعرف يا ود ابا, جيت ارد علي المقطع اعلاه لقيتك سبقتني بكلامك ده و انت كده You spoke my mind
|
يا محجوب عبدالله .. خليك حقاني وعادل
وفي فرق بين تفاف من تعتقد فيه البركة
وبصاق من يحتقرك، وخالد كودي عارف إنها جريمة عديل محل ماهو قاعد
وعلامة إحتقار في كل الثقافات
متين ناس البورد ديل يقولو لي الصاح صاح ولي الأعوج أعوج
(الببصق علي الليلة.. بكرة بي يصفيني بالبندقية)
فشنو.. حقو الناس تحترم عقول بعضها وتتناقش بإحترام
وزلكم دا بدل تنفخوه أقنعوه يعتذر
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: aydaroos)
|
أجمل حاجة إنو إنا إنتقدت البيان .. وفي شيوعيين في البوست دا ابدو عدم رضاهم من كلامي
جيت إنتقدت بصاق خالد .. قام شملني مع من خانو الوطن والمهمشين وعيييك
طيب نحنا تاني ننتظر الواحد يعمل بوست ونلم أصحابنا
وكل واحد يجي ردودنا تبقي بصاق في وجهو
الكلام دا ما ببقي
الحزب الشيوعي وكل الأحزاب قابلة للنقد
والبصاق ما نقد، البصاق فعل كراهية
وإصطفافكم دا من الجانبين هو ذاتو الإصطفاف القبلي في ثياب المثقفين
وعدو أخوي عدوي
القبليين عندهم ما يبرر ليهم.. إنتو مبرركم شنو؟؟؟!!!
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: Saifeldin Gibreel)
|
الاخ عيدروس
فقد سبقتني ايضا فقد كنت بصدد الرد لايضاح موقفي حول ما يجري في هذا البوست.
كنت قد رأيت هذا البوست قبل ثلاثة ايام تقريبا و حينها لم اكن ادري محتواه او ان هناك اكثر من بدر الدين واحد في هذا البورد فقد كنت علي علم بوجود بدرالدين الفكي الذي هو مع موقف الحكومة. و كنت في نفس اليوم رأيت بوستا اخر للسيد بدرالدين عن توزيع الشربات بمناسبة بدء الهجوم علي غزة فأيقنت انه بدرالدين الفكي.
و حينما رأيت هذا البوست قلت في نفسي عاطف الشيوعي ده جن و لا شنو بدافع عن بدرالدين الفكي. المهم عرفت ان هذا بدرالدين اخر و هو شيوعي علي السكين و كده و كمان قريب عبدالكريم كيكي و الحمدلله.
المهم ما علينا.
موقفي هنا من شقين:
بخصوص بيان الحزب الشيوعي فأنا ايضا ابصق علي هذا الموقف المخزي للحزب الشيوعي السوداني (اسفيريا علي الاقل).
الموقف الثاني هو حول ما قاله خالد. ايهما اكثر ضررا بين الموقف المخزي للحزب الشيوعي ام ما قاله خالد (الفرد) في وجه الحزب الشيوعي ام ما كان سيتخدمه عصابة الانقاذ في قتل المدنيين السودانيين في كل ركن من اركان السودان؟ و اجابتي هي انه الاكثر الما هو موقف الحزب الشيوعي و ليس كلام خالد و هذا في رأي الشخصي و لذلك اري ان هذا المعترك كله في الفاضي و لا يؤدي الي شئ.
اما محاولة البعض التعريض بموقف الحزب الشيوعي من قضايا السودان و لا اقول الهامش فذلك موقف لا غبار عليه حتي صبيحة اليوم الذي تلي ذبح اليرموك و حقيقة يجعل المزايده فيه في سياق (امس كنا) كالذي فقد رصيده و يريد الاستلاف من الماينس.
| |
|
|
|
|
|
|
|
|
|
Re: هنالك مُخطط لإبعاد الزميل (بدرالدين أحمد موسي) من المنبر! (Re: Mahjob Abdalla)
|
Quote: بخصوص بيان الحزب الشيوعي فأنا ايضا ابصق علي هذا الموقف المخزي للحزب الشيوعي السوداني (اسفيريا علي الاقل).
الموقف الثاني هو حول ما قاله خالد. ايهما اكثر ضررا بين الموقف المخزي للحزب الشيوعي ام ما قاله خالد (الفرد) في وجه الحزب الشيوعي ام ما كان سيتخدمه عصابة الانقاذ في قتل المدنيين السودانيين في كل ركن من اركان السودان؟ و اجابتي هي انه الاكثر الما هو موقف الحزب الشيوعي و ليس كلام خالد و هذا في رأي الشخصي و لذلك اري ان هذا المعترك كله في الفاضي و لا يؤدي الي شئ.
اما محاولة البعض التعريض بموقف الحزب الشيوعي من قضايا السودان و لا اقول الهامش فذلك موقف لا غبار عليه حتي صبيحة اليوم الذي تلي ذبح اليرموك و حقيقة يجعل المزايده فيه في سياق (امس كنا) كالذي فقد رصيده و يريد الاستلاف من الماينس. . |
الحزب الشيوعي كائن حي يا محجوب عبدالله، ينشط ويخبو نشاطه
يعمل الصاح والغلط وصاحه أكتر من غلطه
المهم أن له برنامج صاغه جماعة مخلصة من السودانيين لها رؤية لحل مشاكل البلد
بالنسبة للبيان إنتقده أول من إنتقده، شيوعيين
وفي يقينهم إنو دا ما الموقف الثابت الواضح والصحيح للحزب
وفي يقينهم إنو نقدهم مفيد
تأريخ الحزب في دعم المهمشين والمحرومين فايدتو إنو بوصلة ليس للشيوعيين فحسب
ولكن لكثير من الأحزاب الديمقراطية واليسارية ولكل من يقرأ دروس التاريخ.
طيب نجي لي حكاية البصق وقد أبديت رأيي فيها فوق
وأزيد ليك، زي ما الحزب الشيوعي بي يغلط
باقي الأحزاب والحركات غلطت وبي تغلط وحا تغلط
ببساطة لأنها عندها فعل سياسي، والفعل بي يستوجب الصاح والغلط
فهل نقف ونسكت عن النقد الهادف المفيد
ونبدأ في تجميع الشعب لحملات البصق الكبري؟؟!!!
| |
|
|
|
|
|
|
| |
عاطف مكاوى
الزبير بشير
فيصل محمد خليل
بدر الدين احمد موسى
Dr Salah Al Bander
احمد الامين احمد
Deng
Kostawi
Zakaria Joseph
خضر حسين خليل
عبدالكريم الامين احمد
sultan
Saifeldin Gibreel
Hafiz Bashir
aydaroos
قيقراوي
نبيل عبد الرحيم
محمد البشرى الخضر
elsharief
منتصر صلاح
خالد العبيد
محمد عبد الماجد الصايم
بشرى محمد حامد الفكي
صلاح الدين نزلاوى
Khalid Kodi
الصادق الزين
عمر ادريس محمد
عمر صديق
Mahjob Abdalla
فيس بوك
تويتر
انستقرام
يوتيوب
بنتيريست