|
|
 زواج "البتريدو وبريدك" احلى زواج
|
عطفا وسعياومحاكاة ملحة
للساير الأيام دى فى حكاية "زواج الشنو وشنو" والإقرار فى شكل جيبة الأكيدة
إنه هو الأحلى والأسمح والمرغوب
يخيل لى يقينا
وما عارف القناعة عن طريق الخيال دى بتكون يقين كيف
لكين برضو يخيل لى انه المعادلة ممكن تتوزن وتكون لو ما صاح تب
قريبة من الصاح لما تكون كده
زواج البتريدو وبريدك = احلى زواج
بغض النظر عن الجنسية زى ما هى فى الأوراق الرسمية ووفقا للحدود الجيوبوليتيكية الوهمية
وبغض النظر عن الإثنية
وكان كمان اتوفرت السودانية/السودانى
يكون ده عز الطلب
وغاية المنى والمراد
لأنه مع تحقق "اللحظة الريدية" دى
تلقائيا بتتحقق وتتوفر معينات توافقية مهمة جدا وبدون تعب
اقلها البيئة والمجتمع المشترك، الماعون البتحرك فيه الزول يعنى
ومجموع العادات والممارسات وحتى القناعات والمعتقدات كمان
دى كلها ممكن تجى مجانا وتتلقى من غير الناس ما يحسو او يقصدو
اعتقد انه المعادلة كده عادلة ومنصفة
ولا شنو ؟
|
|
  
|
|
|
|
أبوذر بابكر
فيس بوك
تويتر
انستقرام
يوتيوب
بنتيريست