|
Re: من الذي يكتب باسم "أبو الزهراء"!؟ (Re: قيقراوي)
|
الاخ العزيز هاني وضيوفه وكل العابرين تخياتي بالتاكيد دا مقلب من بلاوي قيقا الرهيب تعرف أهم حاجة في الصحافة السودانية أنك ما تكون جاد لانو لو بقيت زوال جادي مصيرك الي هلاك سريع لكين بس أهم حاجه الموقف المبدائي بتاعك يكون راسخ لكين تأكد أنو دا أبوالزهراء بشحمه ولحمه مرة يكون عاقل ومرات مجنون وعادي زي الزبادي
| |
|
|
|
|
|
|
Re: من الذي يكتب باسم "أبو الزهراء"!؟ (Re: زهير عثمان حمد)
|
سلام يا أبو الشوش،
تعرف يا أبو الشوش اليومين دي ما فاضي وجاري شديد مع المعايش، والله كنت عايز أفتح بوست أشكر فيهو أبو الزهراء ياخي أبو الزهراء دا راجل فاهم جداً وحنكو سنين شديد، وعجبتني كلمتو اللي قالها لمدير الإتصالات في وصف منبر سودانيز أون لاين، لكن يا أبو الزهراء إنت وكت كليم كدا وحنكك سنين ما بتعرف تحنك الجكس مالك؟! وقاعد بايركس لحدي هسى مالك؟!
| |
|
|
|
|
|
|
Re: من الذي يكتب باسم "أبو الزهراء"!؟ (Re: النذير حجازي)
|
يا محمد عمر بتاع (جمانة) داك قوقلتو في وقته ولقيته بتاع واحد اسمه (حسين بن حمزة) وختيت إنو أبو الزهراء نسى يشير للمصدر، لكن بتاع "لن ندفن أحياء..." دا قدر ما قولته وداني حتتين بس: منتدى رفاعة وبوردنا دا، والإتنين باسم "أبو الزهراء"
| |
|
|
|
|
|
|
Re: من الذي يكتب باسم "أبو الزهراء"!؟ (Re: Ashraf el-Halabi)
|
Quote: الاخ العزيز هاني وضيوفه |
في اللول يا ناس هوي: اسم هاني دا عجبني، تاني الما بناديني بيهو بعمل أطرش
Quote: لكين تأكد أنو دا أبوالزهراء بشحمه ولحمه مرة يكون عاقل ومرات مجنون |
لكن لقيتك صعب في الاستوســاخ يا أبو الزهراء! ياخي أكتب لينا بوستاتك بربع جودة المقال داك وأضمن ليك تتصدر عشرات البورد الحايمة دي!
| |
|
|
|
|
|
|
Re: من الذي يكتب باسم "أبو الزهراء"!؟ (Re: Ashraf el-Halabi)
|
Quote: لكن يا أبو الزهراء إنت وكت كليم كدا وحنكك سنين ما بتعرف تحنك الجكس مالك؟! |
فكرت في الحاجة دي يا النذير ووصلت لإنو أبو الزهراء لغته الفصحى أقوى من الدارجية عشان كدا لو جامعة أفريقيا فيها جكس ومشى حنك هناك قطع شك شركو بقبض من قولة تيت
| |
|
|
|
|
|
|
Re: من الذي يكتب باسم "أبو الزهراء"!؟ (Re: Ashraf el-Halabi)
|
سلامات يا اشرف وكل عام وانتم بخير تعرف للأمانة والتاريخ !! قبل كم سنه لا اذكر تحديدا شاهدت برنامج في قناة العالم كان احد ضيوفه الاخ زهير كان محور الحديث كتاب عن حرب دارفور والله الاخ زهير اجبرني علي متابعة البرنامج حتي نهايته بصراحه رجل يملك كل مقومات الصحفي الناجح بالاضافة لملكة الخطابة بصورة قد لا تتخيلها عموما كتابة الكيبورد ما بتوريك دائما الشخص علي حقيقتة او هكذا اعتقد تحياتي لك
| |
|
|
|
|
|
|
Re: من الذي يكتب باسم "أبو الزهراء"!؟ (Re: امين علي الشيخ)
|
اشرف الحلبي
سلام يا حاااااااقد يا أشرف الزول دا طلع زول جضيم ياخ لدرجة تفويضه من بورداب الخرطوم للتحدث نيابة عنهم مش كدا بس كمان اعترفوا بقوة منطقه وبراعة حجته فشنو؟ بطل حقد ياخ كل الحكاية نفس التوارد في الخواطر ونفس ارقام التذاكر البيها تم العلف
Quote: كما قال واحد صاحبنا مرة كدا "ثلاثة لا ثالث لهما": 1- أبو الزهراء يعلف من ورانا 2- هناك من يكتب باسم أبو الزهراء 3- أبو الزهراء مستوســخ منبرنا دا لذلك يكتب لينا البوستات برجله الشمال |
غايتو أنا شخصياً ارجح نمرة 3 دي
تحياتي
| |
|
|
|
|
|
|
Re: من الذي يكتب باسم "أبو الزهراء"!؟ (Re: امين علي الشيخ)
|
مرحبتين أمين والبورد نور
Quote: شاهدت برنامج في قناة العالم كان احد ضيوفه الاخ زهير كان محور الحديث كتاب عن حرب دارفور والله الاخ زهير اجبرني علي متابعة البرنامج حتي نهايته بصراحه رجل يملك كل مقومات الصحفي الناجح بالاضافة لملكة الخطابة بصورة قد لا تتخيلها |
معناتو ثبت شرعا إنو أبو الزهراء مستنملنا!
| |
|
|
|
|
|
|
Re: من الذي يكتب باسم "أبو الزهراء"!؟ (Re: Ashraf el-Halabi)
|
سلامات يا بشاري
Quote: غايتو أنا شخصياً ارجح نمرة 3 دي |
مع كلامك بتاع ترشيح بورداب الخرطوم ليهو كمفاوض رسمي أمام جهة سيادية وكلام أمين إنو شافو مجضم الحنك في فضائية ما، يبقى الأستاذ أبو الزهراء قايم في البورد بـ (نمرة 3)
طيب عندك فكرة يا بشاري قصة عزوبيتو المزمنة ديك حقيقة ولا هو محطم قلوب العذارى وقعد يكسر بيها الزمن مع ناس قيقا ساكت!
| |
|
|
|
|
|
|
Re: من الذي يكتب باسم "أبو الزهراء"!؟ (Re: Ashraf el-Halabi)
|
Quote: طيب عندك فكرة يا بشاري قصة عزوبيتو المزمنة ديك حقيقة ولا هو محطم قلوب العذارى وقعد يكسر بيها الزمن مع ناس قيقا ساكت! |
غايتو البتعرس زهير دا بختها والله صحي () الحكاية دي ما متأكد منها يا اشرف لكن متأكد من كلامي الكتبتو فوق دا
| |
|
|
|
|
|
|
Re: من الذي يكتب باسم "أبو الزهراء"!؟ (Re: Ashraf el-Halabi)
|
الاخ أشرف وضيوفه كل العابرين تحياتي في ألبداية أاسف لاني كتبت أسم غير أسم سعادتكم المهم البوست بقي يا شباب تشريح للأخ أبو الزهراء لكين ما مشكلة أنشالله تلقوا حاجة تفيد الاخ زهير في أصلاح ما أفسد بنفسه وكدره به الاخرون لكم كل الود
| |
|
|
|
|
|
|
|