|
Re: صور حفل افطار بورداب جدة (فندق قصر المدينة) (Re: ادم شحوتاي)
|
شكراً لمن حضر ومن لم يحضر فهو بالخاطر , شكراً لك خالد الجزولي ولو ما جبت الكاميرا كان فطرنا دون توثيق لك التحية والتقدير , هذا الافطار كان بديع بوجوه جديدة وهي سودانييزاونلاين تجمع في معيتها الجديد والقديم وتتواصل العلاقات الجميلة كنا سعيدين بحضور الزول الجميل جنابو الطيب عثمان يوسف فكان نوارة الافطار وتمدد الفرح بحضور اسر جميلة وراقية عادل عبدالعزيز معاوية عبيد مجدي ابوقصي , بالطبع لو تحدثت عن جمال السنوسي فلربما اظلمه فالرجل قافلة جمال متحرك ما شاء الله عليه , فقد كان محرك للفرح وناثر للطرب وعبق من ابداع اذ كان الطاهر فنان الليلة مفاجاءة بحق وحقيقة كما مفاجآت جمال التي اعتدناها منه فلك الشكر يا اسم على مسمى ,,, كذلك كان حضور احمد هاشم ابوزيد كما يكون الحضور الالق , ازهري محمد موسى , العمدة شحوتاي وضيفه الباشمهندس الانيق يوسف على ما اذكر مجاهد عيسى , حسين يوسف وضيفه الكريم , عادل واسرته النبيلة , معاوية واسرة من ورود وابداع سارة او كما تحب سارا معاوية وقراءة للقدال , مجدي والاسرة الصغيرة الجميلة سعداء بمقدمهم تحديداً الدكتورة ندى حسن او كما يحلو له ام قصي , الوجيه عادل حسن بلال , الجميل خالد حامد الجزولي صاحب البوست , الانيق فنانا محمود مصطفى محمود اذ شدى كما الكروان عبدالدافع عثمان مرت الايام , نورالدين الفحل الزول الكلس , طلة اسعدت الجمع وجود الاخ الليندي بعد غياب وهو وفق الاصطلاح عمدة بورداب جدة بالاقدمية ,الباشمهندس احمد التجاني وابنه اللطيف الشاب الانيق الجميل معتز ماشاء الله على الادب والجمال يحفظه الله , كذلك حضور مبهج الدطتور بشير احمد قررررررررررررررب يغني الدموع السايلة مني اذ فطر معنا على طاولة واحدة وجاءت سيرة البحر فصرّح بما هو منهجي وفكري يعني يابشير كم لقاء كدا وتجيئ لصف الثورة السودانية كرب العناد واعمل حسابك فالطيب عثمان وازهري عادل عوض بلال محاورون من طراز الواقع فثمة تحولات في الطاولة كانت لتجرف بسيلها العرم عناد صديقي اللدود بشير لكن بجد افتقدنا لابننا احمد فهو عضو متواجد في مناسبتنا والعود احمد بحول الله ,الزول الرائع مجاهد عيسى وافتقدنا كذلك لصديقة مناسباتنا رهف ست البنات ,اساسي بهجة الحضور برغم التأخير لكن بصمته ملموسة وهو مثل الدعاش يجئ غافلاً فيسعد الروح شكراً ساسي البديع , كان هناك عدد من الشباب الجميل الذين استمتعوا وامتعونا ببراءة تطل كما فجر الصباح مليون سلام يابورداب جدة ونلتقي في الافراح وموعودون بحفل في العيد مفاجاءة ربما مذهلة فليكن الامل مرتجانا سلام شكراً لكاميرا خالد حامد الجزولي .
* افتقدنا اعضاء كثر لكن الجايات ارحب ورسالتنا ان سودانييز بورداب ومنبر لا يحتاجون عزومة ومنادي فالجميع يتنادى في مثل هكذا مناسبات فشكراً للجميع .
............................................................................................حجر.
| |
|
|
|
|
|
|
Re: صور حفل افطار بورداب جدة (فندق قصر المدينة) (Re: خالد حامد الجزولي)
|
ما شاء الله يا شباب دائما مجتمعين على الخير وما لينا في الطيب نصيب , وخيرها في غيرها
ذهبت لارتباط سابق لا سبيل الى التقاعس عنه كما ذكرت لكم في اعتذاري في البوست السابق وفي القلب شئ من حتى وأمنيات بالتواجد والحضور معكم .
والصور ما شاء الله رائعة تنبئ عن روعة اللمة والافطار أسأل الله أن يتقبل الصيام والقيام من الجميع وصياما متقبلا باذن الله
| |
|
|
|
|
|
|
Re: صور حفل افطار بورداب جدة (فندق قصر المدينة) (Re: خالد حامد الجزولي)
|
وصلة او مشاركة من محمود برغم الاحزان لكنا فرضنا عليه المشاركة فالتحية لمحمود مصطفى محمود ونسأل الله الرحمة والمغفرة لكافة موتانا .آمييييييين .
........................................................................................................................................حجر.
| |
|
|
|
|
|
|
Re: صور حفل افطار بورداب جدة (فندق قصر المدينة) (Re: خالد حامد الجزولي)
|
السلام عليكم الله قادر بورداب جدة غير حضور جميل وان غاب كثير من الاخوان عننا ولكن يبقى الحضور بهيا بمن حضر وجاء وشارك شكرا للقرقور خالد الجزولى صاحب العدسة الشقية شكرا للاخ حجر شكرا للازرق ود السنوسى فى الاعداد والاخراج ولابد من الاعداد لبرنامج حافل فى عيد الفطر يستوعب كل البورداب.
| |
|
|
|
|
|
|
Re: صور حفل افطار بورداب جدة (فندق قصر المدينة) (Re: نورالدين الفحل)
|
Quote: غايتو يا بورداب جدة كان ختييتو الرحمن في قلبكم صالون اساسي كان بيشيلكم براااحة .. |
طيب يا فارووووق لو مشينا صالون اساسي , اساسي يمشي وين ؟؟؟
شكراً لمرورك اللمة عندنا بالكيف ما بالكم يا ابن صديقي .
...........................................................................................................................حجر.
| |
|
|
|
|
|
|
Re: صور حفل افطار بورداب جدة (فندق قصر المدينة) (Re: Mahmoud Mustafa Mahmoud)
|
Quote: بعدين طبعاً تحت الضغط الشديد جداً جداً...اضطريت أمدح "مرت الأيام"...
أعمل ليك شنو لكن يا خالد الجزولي ياااااااااااخ؟؟؟؟ أحييييي أنا بس غايتو.. |
شكراً لك يااستاذ محمود ومقدرين والله ووجودك يعطر الامسيات بعبق من نور مودتي لك
...............................................................................................................حجر.
| |
|
|
|
|
|
|
Re: صور حفل افطار بورداب جدة (فندق قصر المدينة) (Re: ادم شحوتاي)
|
بكل تأكيد افتقدنا الاخ صابر الحواتي والوعد ان نلتقي في العد بحول الله على حفل كبير يحيه الفنان الكبير الاستاذ ابوعركي البخيت تحت راية سودانييزاون لاين
ومزيد من التقدم والحضور يابورداب ودي دعوة وقبلها سيكون هنالك ملتقى اُسري فيي العيد في استراحة نحضر لها من الان فكونوا حضور .
* يعني ما في زول يقول ما كلمتونا او ما سمعت .
.............................................................................................................................................حجر.
| |
|
|
|
|
|
|
Re: صور حفل افطار بورداب جدة (فندق قصر المدينة) (Re: خالد حامد الجزولي)
|
ليلة ..بين فكرة وحرف وتجُر شخيط اللهفة شوق تستفك حد الولف وتخلى احلامك وقووف!!
تلك هى ثنايا الامسية التى سعدت فيها بلقيا بعض الاحبة جميلة هى قلوبكم التى كانت اوسع من البراح الذى أمنا..
التحية عبركم لكل اصحاب الجمال حضورا وحرووف.. وللوطن المدعو السودان. يا ده الوطن مالك؟ صِبِحْ مهموم ولا ياكا كتير نأسف على حالك؟ عمق الروح بنلقاكا اذا م النيل صبح فالك نعاتب فيك و نهواكا.
| |
|
|
|
|
|
|
Re: صور حفل افطار بورداب جدة (فندق قصر المدينة) (Re: خالد درق)
|
سعدنا بيكم يا ناس جده لمه جميله ، ناس رائعه وضيوف راقيه
ليكم التحيه فردا فرد
بدون فرز
للجنه المنظمه كل التقدير علي المجهود وحسن التنظيم ، اكيد نتوقع منها الكثير في العيد شكرا خالد الجزولي و د. بشير اتحتوا لنا ان نشاهد اللحظات الرائعه ونعبي الذاكره. تحيه خاصه للشخص البشوش الطيب عثمان يوسف، ضيفنا زميل البورد من الامارات.
شكر للحضور الكريم
| |
|
|
|
|
|
|
Re: صور حفل افطار بورداب جدة (فندق قصر المدينة) (Re: محمد هاشم ابوزيد)
|
Quote: : كذلك كان حضور احمد هاشم ابوزيد
ابوقصي
Quote: محمد هاشم الهديه
الحكايه شنو؟ شيخ ابوزيد ، محمد هاشم الهديه و محمد هاشم ابوزيد
جهجهته الجماعه يا قيقراوي |
حبيبنا محمد هاشم أبوزيد طبعا ما خرجت من انصار السنة المحمدية بوحميد انا احسن من اخوي الكاشف رفاعي وديتك للهدية رحمة الله علية هذا الرجل كنت احبه لله
،،،،أبوقصي،،،،
| |
|
|
|
|
|
|
|