|
|
 قولوا مبروك لأخيكم ودهارون عضوية معهد المديرين في بريطانيا
|
قولوا مبروك وألمسوا الخشب ....
يعني سودانيز أون لاين تغلغلت وسط صناع القرار في بريطانيا ...
اسم المعهد بالإنجليزي Institute of Directors in the UK
موقع المعهد : www.iod.com
أخوكم الإغيبش ودهارون سيحضر أول سمنار مساء اليوم من الساعة السادسة والنصف إلى الساعة التاسعة مساءاً
غايتو لو مسموح التصوير حا أنزل ليكم صور غداً ...
تحياتي
|
|
 
|
|
|
|
|
|
|
|
Re: قولوا مبروك لأخيكم ودهارون عضوية معهد المديرين في بريطانيا (Re: yaser mostafa)
|
Quote: دي لو اخوك كان بي هناك كان عملنا ليك العيزومة في مطعمكم الرهيب داك حيث كان سحور رمضان في رفقة الصحاب علي انغام مدايح الشيخ الزبلعي.
تحياتي للأسرة وكل الاصحاب. |
صديقي العزيز هشام هباني سلام
يا أخي تشكر على الطلة البهية والمداخلة الظريفة ... يعني رمضان دا ما حا نشوفك ولا ايييييييييييييييه!!
يا أخي قلنا نطعن ليكم كتف مع الخواجات ... البزنيس أخير من السياسة ...
تحيات أخوك ودهارون
| |
|
|
|
|
|
|
|
|
|
Re: قولوا مبروك لأخيكم ودهارون عضوية معهد المديرين في بريطانيا (Re: محمد مصطفي مجذوب)
|
Quote: مبرووووك يا قريبي ياخ
خبر يشـــرح الصدر بالجد
وأكيد رصيد كبير لينا في الكلكة
موفق يا حبيب |
قريبي ود البشاري حبابك
تشكر يا قريبي على التهنئة (الحامية) دي ... يا أخي الكلكة والدة زي ما قالوا وعيال وبنات الكلكة إقتحموا كل التخصصات وكل المؤسسات ... وسيكون لهم دور مشهود في رفعة السودان الوطن (الكان واحد) ...
يعني الرصيد ضخم جداً ... بس خليك ماسك الخشب ...
تحياتي
| |
|
|
|
|
|
|
|
|
|
Re: قولوا مبروك لأخيكم ودهارون عضوية معهد المديرين في بريطانيا (Re: Mohammed Haroun)
|
Quote: يا وليد هارون الف سلام
اهلنا قالوا (العريبي وكت يتمدن بسوي ليهو في العمة جيب)
النصيجة لله عضوية معهد المديرين في بريطانيا عمامة تطبق عمم ترباس وعوض خوجلي وزايدة كم متر لي فوق
عليم الله اولا لاني بعرف المعهد قلبه وعدله وعارف مدي تأثير ال Tink Tank وتانيا ياما كانت عندي فيهو صولات وجولات فيه علي الرغم من انني لم اتشرف بعضويته إللا انا مبسوط الفين بسطه انك كفكفت واتحكرت فيهو
ومين عارف يمكن القدرك تتوهط في (البال مال ) بدور يفتح لي سودان الجن ده سكك لانقاذ ما يمكن انقاذه . |
أووووووووه تشكر يا بروف على الكلام الحلو دا ... You made my day
يا أخوانا معليش كبارنا لازم نرد عليهم سريع ... هذه الشهادة قلادة في عنقي يا دكتور محمد مصطفى المجذوب ... كلام أهل الخبرة والباع الطويل ...
تحيات أخوك ودهارون
| |
|
|
|
|
|
|
|
|
|
Re: قولوا مبروك لأخيكم ودهارون عضوية معهد المديرين في بريطانيا (Re: عبد الواحد أبراهيم)
|
Quote: مبروك للعظيم ود هارون العضوية وعقبال الأستاذية
تستاهل ود هارون يا أخو الأخوان
أحمد الشايقي |
أوووووووه سعادة المستشار الأستاذ أحمد الشايقي سلام
شكراً يا صديقي ... العظمة لله وحده ... أخوك المسيكين ودهارون كعادته عافر وحاول لغاية ما الحكاية ظبطت ... بس إنتو لزوا لينا الجماعة من هناك عشان نستفيد من العلاقات والإمكانيات الجديدة دي ..
تحياتي
| |
|
|
|
|
|
|
|
|
|
Re: قولوا مبروك لأخيكم ودهارون عضوية معهد المديرين في بريطانيا (Re: محمد زكريا)
|
| Quote: الف الف مبرووووك و مزيد من النجاحات بآذن الله |
تشكر أخي الفاضل سبيل على المباركة الحلوة ... عضوية معهد المديرين ليست في غاية الصعوبة ولكن لابد من إستيفاء الشروط وهي:
1- أن تعمل مديراً لشركة في بريطانيا لمدة أقلها 3 سنوات ...
2- أن تكون عائدات مبيعات الشركة ربع مليون استرليني على الأقل.
3- أن تصل مدة عملك في الشركة أو في ذات (البيزنيس) 7 سنوات.
4- أن تدفع رسوم بطاقة العضوية .. سنة 500 جنيه استرليني ... سنتين 700 جنيه استرليني.
تحيات أخوك ودهارون
| |
|
|
|
|
|
|
|
|
|
Re: قولوا مبروك لأخيكم ودهارون عضوية معهد المديرين في بريطانيا (Re: Mohammed Haroun)
|
Quote: ألف مبروك، شد حيلك، بشعار ( إذا كنت في أمر مروم فلا تقنع بما دون النجوم)،
ومبروك زيادة للخواجة/ حامد وأخوانه وأخواته، وأمهم، ليكن هذا الشبل من ذاك |
أخي العزيز حماد الطاهر سلام
تشكر على المباركة والتشجيع المستمر ... غايتو سنظل نعافر وما دام الإنسان بعيد عن السياسة دائماً بيكون في السليم ..
تحياتي لك وللأسرة الكريمة وخاصة إبننا الجداوي أنس ...
أخوك ودهارون ..
| |
|
|
|
|
|
|
|
|
|
Re: قولوا مبروك لأخيكم ودهارون عضوية معهد المديرين في بريطانيا (Re: Mohammed Haroun)
|
تحدث أيضاً في السمنار النائب البرلماني الوزير (نورمان لامب) Minister for Employment Relations, Consumer and Postal Affairs
ركز السيد الوزير على دور الشركات الصغيرة والمتوسطة في خدمة المجتمع وخاصة ما قامت به بعض الشركات في تدريب وتوظيف المساجين بعد قضاء فترة سجنهم ... وتدريب وتوظيف الشباب صغار السن ودعم مشاريع ومنظمات الإحسان ...
الشركات الصغير والمتوسطة تشكل قوة هائلة تحرك كل طاقات البلد ...
تحياتي
| |
|
|
|
|
|
|
|
|
|
Re: قولوا مبروك لأخيكم ودهارون عضوية معهد المديرين في بريطانيا (Re: Mohammed Haroun)
|
Quote: ألف ألف مبروك الأخ الفاضل محمد هارون
على هذا الشرف العظيم والفخر الكبير، تستاهل كل خير.
لك التبريكات والتهاني بإنجازك العظيم منا جميعاً والأسرة في أميركا والسودان. |
يا سلام عليك يا دكتورة سعاد تاج السر ... الورد جميل والمباركة حلوة اووي أووي ..
هذا من أصلك الطيب الذي أعرفه جيداً ... وتمثل ذلك في أخلاق شقيقتك الدكتورة إنعام تاج السر التي شهدنا لها جميعاً بحسن الخلق وطيب المعشر ... تركت السندوتشات المجهبزة وأكلت معنا فتة العدس والفول ...
يا سلام أيام والله .... تحياتي لأسرتك الكريمة الممتدة من السودان إلى أمريكا مروراً بأوروبا ...
تحيات أخوك ودهارون
| |
|
|
|
|
|
|
|
|
|
Re: قولوا مبروك لأخيكم ودهارون عضوية معهد المديرين في بريطانيا (Re: Mohammed Haroun)
|
Quote: الاستاذ ود هارون والاسرة
الف الف مبروك يا مواطن ومزيد من الدرجات العلمية
ياحبيب وعقبال الولاد والاحفاد باذن الله
ونلتقى فى وطن خير ديمقراطى يسع الجميع |
أخونا معاوية تشكر كثيراً على التهنئة وإن شاء الله إنت كمان ربنا يوفقك ويسدد خطاك ...
يا سلام على الحلم العظيم ... وطن ديمقراطي معطر بعبق الحرية والعدالة والمساواة ...
تحيات أخوك ودهارون
| |
|
|
|
|
|
|
|
|
|
Re: قولوا مبروك لأخيكم ودهارون عضوية معهد المديرين في بريطانيا (Re: humida)
|
Quote: أراك يا ود هارون توطئ الكتف تواضعا هو قمين بالعلماء هذا التواضع المريح سوف يصعد بك لا محالة لتحلق بعيدا نجاحا تلو نجاح مؤكد وأكيد.
كل التبريكات . |
أخي فضل الصادق سلام
تشكر يا أخي جزيل الشكر على الكلام المسكر ... صدقني الحكاية ما عاوزة علم كتير خالص بس شوية ممارسة وخبرة ... يعني إذا عندك الحد الأدنى من المؤهلات العلمية الممارسة والخبرة بتم ليك الناقصة ..
تحيات أخوك ودهارون
| |
|
|
|
|
|
|
|
|
|
Re: قولوا مبروك لأخيكم ودهارون عضوية معهد المديرين في بريطانيا (Re: Mohammed Haroun)
|
Quote: احيييي انا .. دكوة ما تاكل ..
سمنار بتاع فنيلتك .. جيب صــور الجخنون بتاع الحرب العالمية الاولى داك ..
قال جاي صدفة ..
ناس ما تخجل .. |
صدقني يا حميضة لو ظبطت معاك عملية واحدة تآكل جوز ولوز مش (دكوة) بس ...
يا أخي حدد السؤال الجخنون أم الجحر؟؟ ... الإتنين عندنا ... يبدو لي إنت قاصد المطعم السوداني الملقب بالجحر حيث ألتقينا أمامه مرة ...
تشكر على المرور ونتمنى أن نراك قريباً ...
تحياتي
| |
|
|
|
|
|
|
|
|
|
Re: قولوا مبروك لأخيكم ودهارون عضوية معهد المديرين في بريطانيا (Re: Mohammed Haroun)
|
حينما ذهبت بالأمس إلى الإفطار الذي أقامته الجالية السودانية في لندن فجعني أحد الأصدقاء الدكاترة (حملة الدكتوراة) بسؤال عجيب ... قال لي هل هنالك شخص يعمل دعاية لنفسه؟؟
يعني بدل أن يقول لي مبروك أولاً ثم يعاتبني ... عاتبني أولاً ولم يقل لي مبروك مطلقاً ... عموماً الله يسامحه ...
الله يعينا إذا كان الدكاترة بتاعننا يحاولوا يكسرونا ويقللوا من قدرنا ومن إنجازاتنا البسيطة ..
تحيات أخوكم ودهارون
| |
|
|
|
|
|
|
| |
Mohammed Haroun
AMNA MUKHTAR
Ahmed al Qurashi
كمال ادريس
محمد المسلمي
حواء سليمان ابراهيم
هشام هباني
الامين موسى البشاري
الصادق ضرار
Muna Khugali
شهاب الفاتح عثمان
عمر صديق
خالد العبيد
إسماعيل وراق
محمد مصطفي مجذوب
Souad Taj-Elsir
عبد الواحد أبراهيم
الطيب شيقوق
محمد زكريا
Elmoiz Abunura
فضل الصادق
humida
بكري عباس علي
munswor almophtah
فيس بوك
تويتر
انستقرام
يوتيوب
بنتيريست