|
|
|
 Re: زبدة الكلام اى مغترب يا يقيف مع سودانيي الداخل يا يسكت على خيبته! (Re: jini)
|
حبابك استاذ جني
وكل محاولات الشقلبة والسحرة تعجز عن سد عجز
اجدع راتب لاسبوع فكيف كل الشهر ؟ و الرواتب الاصغر ؟ ..
خبرناكم والفيكم اتعرفت , ارحلوا !!
فالفشل مستمر
دعو لحواء الوالدة فرصة !!..
______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور
| |
  
|
|
|
|
|
|
|
|
Re: زبدة الكلام اى مغترب يا يقيف مع سودانيي الداخل يا يسكت على خيبته! (Re: وليد شريف)
|
Quote:
لان ماوصل اليه الحال فى السودان يتجاوز قدرة البشر على الاحتمال!
كيف تدرس طفلا ان هنالك ثلاثة وجبات فى اليوم تسمى الفطور والغداء والعشاء وهو بالكاد يتناول وجبتين فى اليوم ان لم تكن واحدة!
جنى
|
يااااه .... هو يا دوب عرفت إنّو الحال في السودان يتجاوز قدرة البشر علي الإحتمال؟؟!!
ياتو سودان ده؟
و كمان عايز تمارس ديكتاتوريتك علي المغتربين لإخراصهم لأن نار ( الغلاء) وصل ناس بيشبهوك؟؟؟
الآن أتفرج و أتابع حلقة لناشطات سودانيات يتحدثن عن مخاوف الإغتصاب في السجوت للمعتقلات ... و إن!و دي (حاجة غريبة علي المجتمع السوداني) ....
شايف يا جني .... في كم سودان ؟؟
سودانك ده .. يا هو البيقصدو بشاشا ... السودان المشفر .... الذي لا يعني أهل الشرق و جبال النوبة و دارفور .....
ما تقولوا لي ده ما وزقت الكلام ده ......
هل نحن مخلوقين من زلط؟؟!!!
| |
|
|
|
|
|
|
|
|
 Re: زبدة الكلام اى مغترب يا يقيف مع سودانيي الداخل يا يسكت على خيبته! (Re: Mohamed Suleiman)
|
الاخ محمد سليمان..
أنا من بداية المظاهرات دي بسال نفسي وين اهالي دارفور (اهل الحارة) من الحاصل دا؟
وين الأهالي العاديين ..هل كل دارفور في المخيمات والباقين في الحركات المسلحة؟
المحاولات العنصرية لتفريق الشعب السوداني سواء كانت من طرفكم ولا من طرف الحكومة مافي زول حيتجاوزا.
أنا رشا سالم (عشان مافي زول يجئ يقول لي ما تتكلمي بلساننا) أضع الحكومة والترابي وعلي الحاج وخليل
ابراهيم في نفس المركب،،ناس متبنين فكر إسلامي سياسي ضد مصالح الشعب السوداني (كل الشعب السوداني الشريف)
وباقي المنتفعين الكانوا مع الحكومة دي في بدايتها(جزء كبير منهم من دارفور) او انضم ليها أخيرا (الميرغني وآخرون ) او انسلخ
منها في النص لدواعي الانضمام لصف المنشية ضد القصر ،،،ديل كلهم باختلاف قبائلهم بتجمعهم الانتهازية وادعاء النهج الاسلامي
وهو منهم برئ..
أنا ضد فكرة كل المدردم طماطم..أنا ما طماطم..أنا سودانية (أبوي جعلي وأمي شايقية) ما اتعنصرت يوم ضد زول ولا أكلت حق زول
ولا ناصرت الظلم ولا ناصرت الكيزان...اي زول ما عمل الحاجات دي سوداني وأصيل ..وأي زول عمل الحاجات دي دخيل كان من الهامش
ولا من حوش بانقا ولا من قاردن سيتي..محاولات لخبتة الكيمان دي ما بتنفع وما بنسكت عليها.
| |
|
|
|
|
|
|
|
|
|
Re: زبدة الكلام اى مغترب يا يقيف مع سودانيي الداخل يا يسكت على خيبته! (Re: رشا سالم)
|
Quote:
الاخ محمد سليمان..
أنا من بداية المظاهرات دي بسال نفسي وين اهالي دارفور (اهل الحارة) من الحاصل دا؟
وين الأهالي العاديين ..هل كل دارفور في المخيمات والباقين في الحركات المسلحة؟
المحاولات العنصرية لتفريق الشعب السوداني سواء كانت من طرفكم ولا من طرف الحكومة مافي زول حيتجاوزا.
أنا رشا سالم (عشان مافي زول يجئ يقول لي ما تتكلمي بلساننا) أضع الحكومة والترابي وعلي الحاج وخليل
ابراهيم في نفس المركب،،ناس متبنين فكر إسلامي سياسي ضد مصالح الشعب السوداني (كل الشعب السوداني الشريف)
وباقي المنتفعين الكانوا مع الحكومة دي في بدايتها(جزء كبير منهم من دارفور) او انضم ليها أخيرا (الميرغني وآخرون ) او انسلخ
منها في النص لدواعي الانضمام لصف المنشية ضد القصر ،،،ديل كلهم باختلاف قبائلهم بتجمعهم الانتهازية وادعاء النهج الاسلامي
وهو منهم برئ..
أنا ضد فكرة كل المدردم طماطم..أنا ما طماطم..أنا سودانية (أبوي جعلي وأمي شايقية) ما اتعنصرت يوم ضد زول ولا أكلت حق زول
ولا ناصرت الظلم ولا ناصرت الكيزان...اي زول ما عمل الحاجات دي سوداني وأصيل ..وأي زول عمل الحاجات دي دخيل كان من الهامش
ولا من حوش بانقا ولا من قاردن سيتي..محاولات لخبتة الكيمان دي ما بتنفع وما بنسكت عليها.
|
يا رشا سالم قايلة نفسك جبتي جديد؟؟!!
الجديد إنك بتسألي وين ناس دارفور ؟؟!! .... كأنك عايشة في مجرّة في كون آخر ......
و كمان ترددي نفس الأسطوانة ..... ناس دارفور مع الحكومة ..... مع إنو ناس حكومة السجم و الرماد دي ... ناسها اليومين ديل طالعين في التلفزيون و بيعترفوا عديييل كدة إنهم قلبوها عنصرية و جهوية ..... طبعا ما جهوية شرقا و لا عنصرية حلفاويين او كبابيش ... ديل عملوها عديييل كدة دولة الجعليين و الشوايقة .....
الآن ... الثورة بقت ليكم إلزامية ... Mandatory .... و إلا الموت جوعا ......
البشير وصل الي آخر الدرب المسدود .... و السودان سوف لن يكون كسودان الماضي .......
و ما نراه الآن ..فقط مناظر لمخاض طويل ...... و في الخاتمة سيكون لأهل دارفور و كل الهامش ... الكلمة الفاصلة ... أو فراق (إحسان او شر) .....
عشان نرتاح من الإسطوانة المشروخة دي و الإستهبال الموروث منذ خروج الإنجليز .......
و كلام الملايين في دارفور و جبال النوبة و النيل الأزرق أكثر مرارة ...
| |
|
|
|
|
|
|
|
|
|
Re: زبدة الكلام اى مغترب يا يقيف مع سودانيي الداخل يا يسكت على خيبته! (Re: Mohamed Suleiman)
|
لو القصة بفهمك دا ،الثورة ما بتكون mandatory لي ،،لأني جعلية وشايقية وانت قلت الحكومة يأها حقت الجعليين والشوايقة
نحنا مع الثورة دي وضد العنصرية بتاعتك وبتاعت الحكومة..وبكرر ليك تاني كتار من ناس دارفور مع الحكومة دي ومنتفعين منها بالرغم من البتعملوا
في أهلهم ..هل انت داير الناس تسامحهم بس عشان هم من الهامش؟ أنا أبشرك الثورة دي لو نجحت لا بتعرف مركز لا هامش...بتعرف السودانييين
الوقفوا في صف الشعب السوداني كله لما كانت حكومة الإنقاذ دي شغالة في التمكين اوائل التسعينات ولغاية ما وصلنا ليوم الليلة والخيبة التقيلة.
مافي زول يكون مع الحكومة في بدايتها ومنتفع منها ويجي يتلب في قطر الهامش بعد ما شيخ حسن زعل من علي عثمان..
| |
|
|
|
|
|
|
|
|
|
Re: زبدة الكلام اى مغترب يا يقيف مع سودانيي الداخل يا يسكت على خيبته! (Re: رشا سالم)
|
رشا سالم:
Quote:
لو القصة بفهمك دا ،الثورة ما بتكون mandatory لي ،،لأني جعلية وشايقية وانت قلت الحكومة يأها حقت الجعليين والشوايقة
|
زي ما قال فيصل القاسمي (الإتجاه المعاكس): هو السودان كلو إنتفض و منذ سنوات .. الجنوب إنتفض و إنفصل ... دارفور إنتفضت .... جنوب كردفان إنتفض ....
و كنتي يا الجعلية و شايقية .. تتفرجي ....
في محاولاتنا المتواضعة لإقناع بعض الإعلام الأمريكي تغطية (الثورة في المركز) ... المهذبون كانوا يردون: It is not news worthy ... yet .... أي لا قيمة خبرية لهذه المظاهرات .. بعد
و الصريحين معنا يردون: come on guys, when you Google Sudan , the word "Genocide" pops up, now they are out in the streets protesting gas prices ??!! x
أي: خليكم جادين يا جماعة .. عندما تكتب إسم السودان في قوقل .. فإن كلمة "الإبادة " تقفز في مكنة البحث ... الآن السودانيون يخرجون إحتجاجا علي زيادة أسعار الوقود؟؟!!
منذ متي كانت قلوبكم علي أهل دارفور أو أهل جبال النوبة؟؟!!
Quote:
مافي زول يكون مع الحكومة في بدايتها ومنتفع منها ويجي يتلب في قطر الهامش بعد ما شيخ حسن زعل من علي عثمان..
|
مبروك عليك وظيفة " كمسارية قطار الثورة" .... لتفحصي هوية الركاب .....
كالعادة ... أنتم تختطفون الإستقلال و الإنتفاضة و الثورة و ... كرامة إنسان السودان ...
و شكرا يا رشا .... لأنّو عندنا ناس كتار عايشين في حالة نكران ... يحتاجون لمثل صفعاتك المركزية ليصحوا.
| |
|
|
|
|
|
|
|
|
|
Re: زبدة الكلام اى مغترب يا يقيف مع سودانيي الداخل يا يسكت على خيبته! (Re: رشا سالم)
|
الفاضله د.رشا سالم
سلامات
ودعيني افترض حسن النيه بسؤالك وفعلا طوال عضويتك هنا لم اطالع لك اي كتابات عنصريه و الحمد لله.
طيب يا غاليه.....خلينا في اسئلتك:
Quote: الاخ محمد سليمان..
أنا من بداية المظاهرات دي بسال نفسي وين اهالي دارفور (اهل الحارة) من الحاصل دا؟
وين الأهالي العاديين ..هل كل دارفور في المخيمات والباقين في الحركات المسلحة؟ |
السؤال ده عنده اجوبه كثيره...
لكن لو جاوبناهو بصراحه بالمناسبه قد تستفيد منه الحكومه.
طيب خليني اوضح لك اين ناس دارفور تحديدا من الحاصل:
1)للآن فوق ال 70% من المشاركين هم من اصول دارفوريه لعلمك.لكنهم من مجمل دارفوري العاصمه
هؤلاء ال 70% من المتظاهرين لا يعادلون ال 1% من المقيمين بالخرطوم! يبقى بحسبه بسيطه نحن لو اتحرك
10% فقد ممكن نقلبها.
2)هنالك حوالي ال 40% من اهل دارفور بالخرطوم حركات مسلحه او داعمين لفكرها ديل لسه ما طلعوا
ولا ناوين يطلعوا في تغير ما عارفين اوله من آخره ديل بيطلعوا باشاره من قياداتهم.
3)هنالك 59% من اهل دارفور بالعاصمه نصفهم مستلبين ونصفهم ما بيعرفوا دارفور وآخرين خلاص
تمركزوا اي استلفوا ادوات المركز في تحليل مشاكل السودان ديل ممكن تلقيهم يا في احزاب آخرى
يا في حزب البهجه و المسره.
لكن لعلمك حتى الآن نحن بالمعتقلات اكبر نسبه من اي اقليم سوداني آخر ونحن بمقابر المعتقلات
ايضا اعلى نسبه من اي اقليم آخر للاسف.
نجيء للكلام ده....
Quote: المحاولات العنصرية لتفريق الشعب السوداني سواء كانت من
طرفكم ولا من طرف الحكومة مافي زول حيتجاوزا. |
يا حبيبه من طرفنا ماها عنصريه
من طرفنا دي اسمها تبصير بالحقوق....يعني يا رشا سالم ايعقل تقبلي لاهل دارفور سنين دوائرهم
تجيب حزب زي حزب الامه امامه عامل معارض وابنه مستشار الرئيس؟! لما نصحي اهلنا ونقول ما تجيبوا
ناس زي ديل يغشوكم ولما تقيفوا لانفسكم يقولوا عنكم(سفاكي دماء كما يروج الصادق المهدي الآن)!
لما نعلم اهلنا الا يستغلهم ترابي ولا بشير ولا شيوعي حتى نبقى عنصرين؟!
لما نقول لهم ما تشاركوا في انتفاضه ما عارفين راسها من رجليها
وما حتعرفوا حتودي لوين ولا ممكن تجيب منو بعد تموتوا انتو ميتة الضان نبقى عنصرين؟!
لا دكتوره نحن فقط بنصحي في اهلنا لمصالحهم وكفايه استغفال.
و اتفق معك بانه ليس كل المدردم طماطم
| Quote: أنا ضد فكرة كل المدردم طماطم..أنا ما طماطم..أنا سودانية |
انت سودانيه وانا فخوره بسودانيتك....وخليك سودانيه دوما.
يا رشا يا حبيبه....يمين الله انا ومحمد سليمان ده لو بيدنا نمنع اي دارفوري ولا زول هامش يشارك
في هذه المظاهرات وقاعدين نزعل من رؤساء الحركات لما بيقولوا للمواطنين شاركوا عارفه ليه؟!
لاننا للاسف نحتك بالتجاوزات القانونيه في حقهم اكثر من رؤساء الحركات!
نحن يوثق لنا اهل الداخل مباشرة في ايميلاتنا ولا تتصوري كمية الفظائع التي نطلع عليها
ورؤساء الحركات لا يطلعون.
ما يحدث بالمعتقلات لاهلنا يفوق الوصف يا د.رشا
حدثني ثروت سوار الدهب عضو المنبر عن فظائع ما كان يتم امامهم في المعتقل تجاه اهل الهامش!
حدثني عن كيف شاهد القيد يدمي سيقان ابراهيم الماظ كلما طلب الذهاب للحمام؟؟
وحثني آخرين لا تعرفينهم عن كيف يعذب ود الهامش امام شباب المركز فقط ليخفيفونهم!
اي العذب مجرد رؤيته تخيف فما بالك من يتم عليه؟!
هل تعرفي كم معتقل مات تحت التعذيب من اهل الهامش؟!
يا رشا يا غاليه خليك من اي حاجه
بدعوك لمتابعة بوست لدينا خالد تتناول فيه تنفيذ حكم الاعدام بقاتل الطالبه بكلية الصحه
وستجدي ارقام مذهله عن كم الاعدامات التي نفذت في مهمشين بينما نفس الجرائم لو ارتكبها
زول مركز فانه لا يعدم فيها!!تخيلي وهذه شهادة زوله شماليه!!
يا رشا يا حبيبه ليس كل المدردم طماطم فعلا
لكن الامر يتطلب شجاعه كبيره لقول فداحة ما يحدث عندنا ببلادنا.
| |
|
|
|
|
|
|
|
|
|
Re: زبدة الكلام اى مغترب يا يقيف مع سودانيي الداخل يا يسكت على خيبته! (Re: Mohamed Suleiman)
|
الله.....الله.....
يا محمد سليمان....ماهو ده الفاقع مرارتنا....
Quote:
الآن أتفرج و أتابع حلقة لناشطات سودانيات يتحدثن عن مخاوف
الإغتصاب في السجوت للمعتقلات ... و إن!و دي (حاجة غريبة
علي المجتمع السوداني) .... |
بالله!!
عارف نحن ثورة....السجم دي ما بتمشي لقدام ليه؟!
لانه بينما امثال حواء صالح (جنقو) و التي هي بينهم الآن في واشنطون
وهي ضحيحه حقيقه للاغتصاب وغيره....يعمل ناس قرفنا بانهم لا يعرفونها!
يا كمان يعملوا اكثر استهبالا ويدعوا بانها ليست من الشباب بينما هي اصغر عمرا
من كثيرات....يتقدمن للحديث باسم ثورة الشباب وهم لا شباب ولا يحزنون حيث تعريف
شباب في الغرب يختلف تماما عن هذه الاعمار التي تخرج في الفضائيات.
نحن تعريف الشباب ده زي عايزين نعرفه؟! عشان فترنا من استهبال انتهازية الثورات.
| |
|
|
|
|
|
|
|
|
|
Re: زبدة الكلام اى مغترب يا يقيف مع سودانيي الداخل يا يسكت على خيبته! (Re: Tragie Mustafa)
|
الكوز محمد سليمان كعادته يشوت لصالح الكيزان لأن الكوزنة والفكر الشيطاني الاخواني
بيجري في دمه وحكاية حقوق دارفور واهل الهامش انتو يا ناس محمد سليمان اكثر الناس
الضيعتوها بكلامكم الذي تطلقونه على عواهنه لكل شخص ولا تفرقون بين ماهو مع او ضد
بعدين يا محمد سليمان يا مستهبل انت بتعرف عن دارفور شنو خليك يا خوي قبلك في امريكتك دي
وناس دارفور قادرين ياخدو حقوقهم ... كرهتنا يا كوز طبعاً المظاهرات وزنقة الحكومة دي حارقاك
وتاورك ضرس الكيزان تاني صاح ....
| |
|
|
|
|
|
|
|
|
|
Re: زبدة الكلام اى مغترب يا يقيف مع سودانيي الداخل يا يسكت على خيبته! (Re: وليد شريف)
|
يا وليد شريف التقدمي
قلت لي فاكر ب 6 سطورك دي خلاص اقنعتنا بانه محمد سليمان كوز؟!
Quote: الكوز محمد سليمان كعادته يشوت لصالح الكيزان لأن الكوزنة والفكر الشيطاني الاخواني
بيجري في دمه وحكاية حقوق دارفور واهل الهامش انتو يا ناس محمد سليمان اكثر الناس
الضيعتوها بكلامكم الذي تطلقونه على عواهنه لكل شخص ولا تفرقون بين ماهو مع او ضد
بعدين يا محمد سليمان يا مستهبل انت بتعرف عن دارفور شنو خليك يا خوي قبلك في امريكتك دي
وناس دارفور قادرين ياخدو حقوقهم ... كرهتنا يا كوز طبعاً المظاهرات وزنقة الحكومة دي حارقاك
وتاورك ضرس الكيزان تاني صاح .... |
يا زول اختشي بلا حركات اغتيال الشخصيه بتاعتكم دي يوم الجيلي احمد ويوم ابوبكر صالح
ويوم وليد شريف كلهم راكبين في سرج واحد ما اي كوز هنا للادعاء انه محمد سليمان كوز!
تقدر تقول لي البخليك انت ود.بيان في سرج واحد شنو غير عنصريتكم وعرقيتكم؟!
محمد سليمان ده يقعد في الكندشه ولا في المريخ ياهو اكثر زول مهموم باهله ولا يحتاج لشهادتك يا بطل.
وبعدين اذا تعني الطرح الديني مبروك لكم يا الشيوعين بقيتوا مهيتن ومبيتن في مسجد الانصار الا تستحوا؟!
من الحركات النص كم دي؟! قديتونا زمان بالعلمانيه لما غلبتكم بيقتوا بتاع ايمانيه؟!
| |
|
|
|
|
|
|
|
|
|
Re: زبدة الكلام اى مغترب يا يقيف مع سودانيي الداخل يا يسكت على خيبته! (Re: Tragie Mustafa)
|
الأخت الفاضلة تراجي
لك التحية و الإحترام
Quote:
لانه بينما امثال حواء صالح (جنقو) و التي هي بينهم الآن في واشنطون
وهي ضحيحه حقيقه للاغتصاب وغيره....يعمل ناس قرفنا بانهم لا يعرفونها!
|
إنهم لم يزوروا التاريخ فحسب .... بل الآن يزورون الحاضر و يحاولون إختطاف المستقبل.
من فرط غبائهم أنهم ظنّوا أن للعالم ذاكرة مثقوبة ....
في أيام قلائل فاضت الفضائيات بالناشطين و الناشطات من السودان .. خبراء و خبيرات .. يحملون شتي ضروب الدرجات العلمية و السياسية و الألقاب .... و فجأة ظهرت أعداد من منظمات نسائية سودانية و تزاحمت وجوه و غنطلقت ألسن فصيحة تدين إنتهاك حرمات النساء و تستنكر سوء معاملة النساء السودانيات بواسطة هذه الحكومة الشيطانية .. و و ..
بينما خرست هذه الألسن و توارت هذه الوجوه إبان إنتهاك حقوق نساء دارفور و الآن تعاني نساء جبال النوبة آلام رؤية أبنائهن يموتون أمامهن من التجويع المفروض عليهم بواسطة نفس هذه الحكومة الشيطانية (التي خرجت منهم) ...
هذا النفاق هو الذي أثار إشمئزاز الإعلام العالمي .. و كأنه يسألهم مستنكرا: كنتو وين عندما قاست نساء دارفور و جبال النوبة؟؟!!
ربما نتفق معهم في الرغبة في زوال هذا النظام ... و الذي تم تركيعه الآن بفضل ثورة الهامش .... لكن تظل تلك هي النقطة الوحيدة للإتفاق .....
ما سيأتي لاحقا ... لكن سيكون كما سبق .. إن شاءالله ....
و لن يملي أي أحد منهم قراره علي الهامش الحر ....
| |
|
|
|
|
|
|
|
|
|
Re: زبدة الكلام اى مغترب يا يقيف مع سودانيي الداخل يا يسكت على خيبته! (Re: jini)
|
| Quote: كيف تدرس طفلا ان هنالك ثلاثة وجبات فى اليوم تسمى الفطور والغداء والعشاء وهو بالكاد يتناول وجبتين فى اليوم ان لم تكن واحدة! |
اخى جنى سلامات صدقنى نحن نعيش الوضع فى السودان ساعة بساعة ويؤثر فينا بطريقة مباشرة وما يؤلمكم يؤلمنا بصورة مباشرة
ولو تابعت اخى جنى خروج المئات من الاخوة والاخوات فى مظاهرات وقوفاً مع اهلهم فى السودان ينادون بزوال هذا النظام ورفع الظلم عنهم
وهم ايضاً يدعمون اهلهم مادياً برغم ما يمرون به من ظروف قاسية فى الغربة
Quote: شايف يا جني .... في كم سودان ؟؟
سودانك ده .. يا هو البيقصدو بشاشا ... السودان المشفر .... الذي لا يعني أهل الشرق و جبال النوبة و دارفور .....
ما تقولوا لي ده ما وزقت الكلام ده ......
هل نحن مخلوقين من زلط؟؟!!! |
هسع يامحمد سليمان الراجل وين اتكلم عن سودان شمالى جنوبى غربى وله شرقى
انت فى المنبر دا بوليس وبتقيس سودانية الناس حسب هواك
ومنو القاليك انو جنى لا يهمه مايحدث فى دارفور جنوب كردفان وله النيل الأزرق
نوع فهمك الضيق دا ياهو الوصلنا للحاله النحنا فيها
كلامك عنصرى وجهوى وسطحى لا معنى له
| Quote: عارف نحن ثورة....السجم دي ما بتمشي لقدام ليه؟! |
ياتراجى يعنى الشباب الثائر دا وبيطالب بحياة كريمة سجم
يعنى لازم يشتأذنوك عشان يثوروا وعشان ترضى عنهم
الناس بتواجه الرصاص وكل يوم تعتقل وينكل بها وبأسرها من اجل الخلاص من الظلم والطغيان
وتجى انت المناضلة الكيبوردية الجثورة تقولى عليهم سجم
غايتو نوع كلامك انت ومحمد سليمان ياهو المأخر الثورة وبيخلى الناس تتوجس من التغيير
وبخافوا يغيروا الحال يجو ناس بى فهمك وفهم صاحبك العنصرى الفوق دا
عليكم الله اصمتوا ودعوا شباب الداخل يمارسوا حقهم فى مقارعة النظام وخليكم انتو تحت الكندشة وتطرقعوا وتقدونا بى كيبورداتكم العنصرية دى
عذراً جنى وتحياتى
| |
|
|
|
|
|
|
|
|
|
Re: زبدة الكلام اى مغترب يا يقيف مع سودانيي الداخل يا يسكت على خيبته! (Re: Rawia)
|
Quote: أنا ضد فكرة كل المدردم طماطم..أنا ما طماطم..أنا سودانية (أبوي جعلي وأمي شايقية) ما اتعنصرت يوم ضد زول ولا أكلت حق زول
ولا ناصرت الظلم ولا ناصرت الكيزان...اي زول ما عمل الحاجات دي سوداني وأصيل ..وأي زول عمل الحاجات دي دخيل كان من الهامش
ولا من حوش بانقا ولا من قاردن سيتي..محاولات لخبتة الكيمان دي ما بتنفع وما بنسكت عليها. |
الاخت رشا, دا كلام كويس و دا راي واعي و يحتاج لعمل كبير عشان يكون عام و يوحد السودان!
الحقيقة الحاصل الأن في الخرطوم دا جزء قليل من البيحصل في دار فور و جبال النوبة لأكثر من تسع سنوات و الشاهد إنه عامة الشعب " عشان ما نقول المركز" ما حسى " ما اكترث" للموضوع دا في أحسن الفروض بل و أنكره و سخر منه في مرات كثيرة و دا سبب حرقة رفاقنا تراجي و محمد سليمان!
بالنسبة للناس في الهامش, الحاصل الأن دا ذي السلخ بعد الذبح!
أنا ضد التنميط إنه كل الوسط ضد الهامش لكن كمان ضد إنه الإنقاذ دي من وزر الهامش كما هي وزر المركز!
| |
|
|
|
|
|
|
|
|
|
Re: زبدة الكلام اى مغترب يا يقيف مع سودانيي الداخل يا يسكت على خيبته! (Re: jini)
|
Quote:
كالعادة يا محمد سليمان لن تفهم حتى تحج البقرة!
بذات منطقك المتخلف ستزداد معاناة انسان دارفور ضغثا على ابالة الجحيم الذى يعانونه اصلا اضافة الى جحيم الاسعار!
لا مكان للشماتة يا محمد سليمان!
جنى
|
أولا يا جني: شوف وين فهمكم إنتو ودّانا .. السودان كلّو ....
ثانيا: منذ متي قلبك علي دارفور؟؟ ... ألم تستميت أنت هنا في هذا المنبر أنه طالما هناك ضخ للبترول الجنوبي و الغربي ... الباقي كلو أوكي ... (أنت أذكي من أن تطالبني أن آتي لك بكوت و كأننا في محكمة ).
ثالثا: أنا لست بشامت ... فقط أمسك المرآة أمامك و بدلا من تلوم صورة اعمالك .. تتهمني أنت بالشماتة علي قبح أفعالك ....
أتذكر تلك العبارة المطبوعة علي المرآة الجانبية للسيارة: Objects in Mirror Are Closer Than They Appear
| |
|
|
|
|
|
|
|
|
|
Re: زبدة الكلام اى مغترب يا يقيف مع سودانيي الداخل يا يسكت على خيبته! (Re: Omer Abdalla Omer)
|
| Quote: سودانك ده .. يا هو البيقصدو بشاشا ... السودان المشفر .... الذي لا يعني أهل الشرق و جبال النوبة و دارفور ..... |
قرقرقرقر!
ابوحميد، الجلابة ياداااااب جاعو، او يادوووب الحال بقي فوق طاقة احتمال الجلابة!
مع انو الي اللحظة مافي موت بالانتنوف في مدن او حلال، شندي، عطبرة، كريمة، مروي، دنقلا، عبري، او حلفا!
نعم، لاحظ ده نظامم هم، او دويلتم هم بعد ده كلو!
مضحك حقيقة منظر نفس الاباد ملايين من دون مايرمش، يسوي الان فطور!!
| |
|
|
|
|
|
|
|
|
|
Re: زبدة الكلام اى مغترب يا يقيف مع سودانيي الداخل يا يسكت على خيبته! (Re: Bashasha)
|
الفاضل بشاشا
لك التحية و الإحترام
Quote:
ابوحميد، الجلابة ياداااااب جاعو، او يادوووب الحال بقي فوق طاقة احتمال الجلابة!
مع انو الي اللحظة مافي موت بالانتنوف في مدن او حلال، شندي، عطبرة، كريمة، مروي، دنقلا، عبري، او حلفا!
نعم، لاحظ ده نظامم هم، او دويلتم هم بعد ده كلو!
|
يا عزيزي ... و تريد رشا سالم بعد كل الدم السال هناك في أرض الهامش و الصمود البطولي الذي أنهك حكومة المركز .. تريد رشا سالم الجعلية الشايقية أن تقف في بوابة الثورة لتفحص هويتنا لتقرر قبولنا أورفضنا الإنضمام للثورة ...
الثورة صنعت في الهامش ..
الإستعباد و الإبادة صنعت في المركز (الإسم المهذب لنوعية رشا سالم)....
السودان مقبل علي مستقبل مصيري ...
هذه الثورة هي رواية من عدة فصول ...
نحن لازلنا في الصفحة الاولي من المشهد الاول من الفصل الأول .....
و سوف لن يكون السودان في خاتمة الفصل الأخير ... كالسودان الآن ......
فالهامش هو 80% سكانا
و 100 % من المحاصيل النقدية التي تدر لخزينةالدولة الدخل القومي
السلاح المرفوع في الهامش هو الذي أنهك المركز و اركعه .....
فقط أرجو من أي مهمش أن لا ينسي نقاط قوته هذه .
| |
|
|
|
|
|
|
|
|
|
Re: زبدة الكلام اى مغترب يا يقيف مع سودانيي الداخل يا يسكت على خيبته! (Re: Mohamed Suleiman)
|
يا محمد سليمان انت النصبت نفسك كمساري في قطار الوطنية وتصنيف الناس لجلابة وهامش وكتاباتك كلها بتشهد عليك
وانا احمد الله وأكون من عباده الشاكرين المنبر دا يشهد على كل حرف كتبته واتحداك..أتحداك تجيب حرف واحد عنصري
لأني ما اتربيت على عنصرية ولا مارستها مرة في حياتي..وما تحاول تقولني كلام ما قلتو..أنا قلت ليك في ناس كتار كانو
تبع منظومة الكيزان دي واستفادوا منها ولما جأت المفاصلة اختاروا جانب الترابي وبعد داك مشوا نطوا في قطر الهامش
وعملوا الحركات المسلحة..الهامش دا ما قاعد من الله خلق السودان..وأنتوا مصرين ان دارفور هي بس الهامش ودا ما صاح
وما حقيقة وما بتبقى حقيقة عشان كترة تكرار كم ليها.
المركز البتقول أنا منو دا(حسب توصيفك المهذب) دا مركز متوهم عندك انت نحنا ما بنعرف مركز غير الخرطوم العاصمة الجوها
أهلنا نازحين من أطراف الهامش الشمالي..وفي كرش الفيل دي كل ناس الهامش موجودين وعندهم تمثيل فيهو..فرق هامشنا من
هامشكم انو ناسنا فايتنكم بالصبر.. وأننا في الشمالية ما عملنا حركات مسلحة والا كنا حنواجه بنفس العنف البيحصل في
دارفور وشهداء كجبار خير مثال على تعامل الحكومة مع اي زول يقيف قصادها.
انت مصر تفهم العالم انو الحكومة دي متعاطفة مع الشماليين وضد ناس دارفور ودي ما حقيقة،،الحكومة دي متعاطفة مع ناسها بس
اي زول بينتهج ملتها هو زولها وأي زول ما معاها الله قال بقوله..
برضه قصة الشر يعم دي ما بتنفع معاي..كل شاة معلقة من عرقوبها امشوا شوفوا الكتل الناس منو في دارفور وتعالوا حاكموهوا
موش عشان البشير جعلي يبقى الجعليين مدانين كلهم ولا عشان علي عثمان شايقي يبقى الشوايقة ابالسة.
| |
|
|
|
|
|
|
|
|
|
Re: زبدة الكلام اى مغترب يا يقيف مع سودانيي الداخل يا يسكت على خيبته! (Re: حسن حماد محمد)
|
يا حسن حماد يا عنصري انت
اها قلت لي شنو؟!(هههههههههههههههههههههههههههههههه)
بركه البقيتوا انتو اصدقاء سفارى الانقاذ انصار للثوره(ههههههههههههههههههه).
الا ما قلت لي انت دي نضمي كي بوردات ساي....اها ما قلت لي صور متظاهري نيويورك تخلوا دوما منك
ولا فكرنا ما مدققين فيها؟!(ههههههههههههههههه)
الخم ده تعلمه لناس جني ديل لكن ما لينا نحن....
Quote: | Quote: عارف نحن ثورة....السجم دي ما بتمشي لقدام ليه؟! |
ياتراجى يعنى الشباب الثائر دا وبيطالب بحياة كريمة سجم
يعنى لازم يشتأذنوك عشان يثوروا وعشان ترضى عنهم
|
حسن حماد يا مستهبل انت تعلم جيدا من اعني؟!
وبعدين لعلمك ديل مش عشان حياه كريمه ثائرين عشان حقهم في الحياه اولا و النظامك سلبه منهم
حيث يواجه اهلهم القتل العنصري.خليك من حناكيش الخرطوم الغالبيه اصلا من مناطق الحروب.
وبعدين انا ما بتلكم عن اصحاب الوجعه انا بحكي عن المتنطعين الزيك دي و الاتشعبطوا في الفضائيات
عاملين ثائرات مع انه اغلب العطاء هنا كان في الحب و الشعر و الفلسفه.
نعمه من الاه الاعترفت بالتنكيل اولا....كدي النشوف الباقي
Quote:
الناس بتواجه الرصاص وكل يوم تعتقل وينكل بها وبأسرها من اجل الخلاص من الظلم والطغيان
وتجى انت المناضلة الكيبوردية الجثورة تقولى عليهم سجم
غايتو نوع كلامك انت ومحمد سليمان ياهو المأخر الثورة وبيخلى الناس تتوجس من التغيير
وبخافوا يغيروا الحال يجو ناس بى فهمك وفهم صاحبك العنصرى الفوق دا
عليكم الله اصمتوا ودعوا شباب الداخل يمارسوا حقهم فى مقارعة النظام وخليكم انتو تحت الكندشة وتطرقعوا وتقدونا بى كيبورداتكم العنصرية دى
|
قلت لي نوع كلامي ومحمد سليمان ده الماخر الثوره(هههههههههههههههههههههه)
خليها تتأخر اذن. ثورتكم دي....لانه نحن ثورتنا بدأت ومستمره.
وانت عارفنا ما زيك فلا ترمنا بدائك وتنسل يا مرطب انت!
وانكرب وهز جيبك واتبرع بلا لغو معاك لدعم الثوره.
| |
|
|
|
|
|
|
|
|
|
Re: زبدة الكلام اى مغترب يا يقيف مع سودانيي الداخل يا يسكت على خيبته! (Re: abdelrahim abayazid)
|
Quote: أولا يا جني: شوف وين فهمكم إنتو ودّانا .. السودان كلّو ....
ثانيا: منذ متي قلبك علي دارفور؟؟ ... ألم تستميت أنت هنا في هذا المنبر أنه طالما هناك ضخ للبترول الجنوبي و الغربي ... الباقي كلو أوكي ... (أنت أذكي من أن تطالبني أن آتي لك بكوت و كأننا في محكمة ).
ثالثا: أنا لست بشامت ... فقط أمسك المرآة أمامك و بدلا من تلوم صورة اعمالك .. تتهمني أنت بالشماتة علي قبح أفعالك ....
أتذكر تلك العبارة المطبوعة علي المرآة الجانبية للسيارة: Objects in Mirror Are Closer Than They Appear |
انسان دارفور انسان سوداني ودارفور اقليم سودانى ولا داعى للابتزاز الكل من ذوى الضمير الحى هنا ادان محارق دارفور
يا سيدى كفى ما فرطنا فيه من اراضى سودانية تريد ان يستمر التفريط واهلل لهجليج ومزيدا من التفريط واهلل لفقدان ابيي هل انت طبيعى!
انا هنا ادنت الجنائية وكل يوم يثبت صدق رايي فماذا كانت نتيجتها غير شرنقة البشير وجعله مثل قط فى كورنر سيتحول لاشرس بشر فليس لديه ما يخسره ويقدم كل التنازلات من اجل البقاء!
امريكا تجبر سلفا والبشير جتى 2 اغسطس لحل مشكالهما وضخ النفط! لماذا لم تحدد ديدلاين لدارفور يا مسكين و تركتك محلك سر تهتم بالانتخابات الامريكية فى انتظار غودو او المسيح ! الانتخابات التى يتذكرها الامريكان كل اربعة سنوات انت تهتم بها اكثر منهم!
المنبر يشهد على احباطك!
انت تعبان !
الغرض من هذا البوست توبيخ من يدعمون النظام وهم يعيشون فى بحبوحة!
انت كفيتهم شر القتال ايها الهمام بمحاولة تدميرك للبوست ولم يصدق تابعك قفة بشاشا الطيرة المبارية السيرة الذى بالكاد تكفيه امكانيته العقلية لارتداء ملابسه!
جنى
| |
|
|
|
|
|
|
|
|
|
Re: زبدة الكلام اى مغترب يا يقيف مع سودانيي الداخل يا يسكت على خيبته! (Re: jini)
|
| Quote: المحاولات العنصرية لتفريق الشعب السوداني سواء كانت من طرفكم ولا من طرف الحكومة مافي زول حيتجاوزا. |
قرقرقر!
الشقيقة الجلابية رشا، عوافي!
شايفك قايمة بي نمرة 5!
اديها صنة شوية، او روقي الحلومر!
اها قتي لي "محاولات" تفريق الشعب "السوداني" عنصرية؟
اولا ما المقصود بي مفردة "سوداني" اعلاه؟
بمعني هل امثال محمد سليمان "سودانيين" برضو او كده، زيك انتي الجعلية او شايقة، في ان، معا، واحد؟
طيب نفس السؤال من مدخل اخر:
هل الشعب "السوداني" ياداب "محاولات" تفريقو بدات، ولا واقع التفريق ما بين "السودانيين" بي فهمي طبعا لي مفردة "سوداني" اصلا معاش منذ اكثر من نصف قرن؟
ثم هل صدفة واقع بهذه الضخامة ممتد بطول او عرض اكثر من نصف قرن، انتي الي اللحظة ما انتبهتي ليهو؟
طيب نفس الموضوع من مدخل ثالث:
في كم واحدة زيك، ابوها جعلي او امها شايقية، شغالة في كرتون حاج يوسف، الان تغسل في عدة سماية ناس ملوال؟
من الجانب الاخر، ياربي، ليه الخطرو بي بالك هم تحديدا علي الحاج، او خليل ابراهيم لما فكرتي في رموز نظامك الجلابي الحالي؟
مرة اخري هل ده صدفة؟
اها، في الشايفاهو "اهل" دارفور منتفعين من نظامك الجلابي ده؟
واضح انو الطماطم مدردم، او انك بدورك طماطماية والسلام!
لوما واضح ليكي استنتاجنا ده، فقط اسالي!
| |
|
|
|
|
|
|
|
|
|
Re: زبدة الكلام اى مغترب يا يقيف مع سودانيي الداخل يا يسكت على خيبته! (Re: Bashasha)
|
يا بشاشا أنا من الله خلقني قايمة بنمرة خمسة...
احمد الله عربيتي دي لا فيها خلف ولا فرملة..بنزين ونمرة خمسة طوالي.. وحلومر ذاتو يروقوهو ما عندي..
محمد سليمان مالو ما سوداني..ناقص شنو عشان يكون ما سوداني ؟ هو قال ليك انو هو ما سوداني؟
انت ليه اخترت محمد سليمان بالذات عشان تشكك في سودانيته؟أنا غايتو بقول انو سوداني الا لو انت ولا هو عندكم رأي تاني.
انتباهي للحاصل في السودان ما بحكيهو ليك ولا بيهمك ..ولا في زول مسئول انو يدي الناس صكوك الغفران من العنصرية..
والخطر ببالي هم علي الحاج وخليل ابراهيم لأنهم من دارفور وكانو راكبين مع حكومة الإنقاذ دي في سرج واحد ولما شيخ حسن
زاغ من الحكومة هم اتبنوا قضية دارفور..القضية الانت وانا عارفين انو ليهو عقود لكن مافي زول سمع بيها الا في 2000
الجماعة ديل ما كانو ماكلين وشاربين مع جلابة الحكومة وسمن على عسل.
وطماطماية تلقاها عند الغافل يا بشاشا.
| |
|
|
|
|
|
|
|
|
|
Re: زبدة الكلام اى مغترب يا يقيف مع سودانيي الداخل يا يسكت على خيبته! (Re: رشا سالم)
|
شكرا يا جني على النداء و التنبيه.
و تعليقا على كلام محمد سليمان و تراجي اقول أنو اي زول ما ادان استخدام الاغتصاب في دارفور كسلاح ضد العزل و لكسر عين
الثائرين هناك و اي زول ما ادان القتل المجاني و القصف العشوائي للآمنين في قراهم و أي زول بفتكر أنو المسؤولين عن البشاعات
دي مفروض تتم حمايتهم من المحاسبة و العقاب حقو يسكت ساكت، لأنو اي كلام و تباكي على حال الناس في الخرطوم و ضواحيها
بكون مستفز و بكون خصما على انسانية الانسان. يا تشيل القفة كلها يا تلبد و تمسك خشمك عليك. الثورة ضد النظام التي اندلعت في
الخرطوم و انحاء السودان قدمت فرصة للجميع ليعيدوا حسابتهم و يقيموا مواقفهم السابقة و يستعدلوها على ميزان الحق و العدالة.
المصطلح الكيزاني "رتق النسيج الاجتماعي" نحن احوج ما نكون لاعتماده مصطلحا و فكرا يعيد التواصل و يمسح المرارات.
| |
|
|
|
|
|
|
|
|
|
Re: زبدة الكلام اى مغترب يا يقيف مع سودانيي الداخل يا يسكت على خيبته! (Re: jini)
|
Quote: حبابك استاذ جني
وكل محاولات الشقلبة والسحرة تعجز عن سد عجز
اجدع راتب لاسبوع فكيف كل الشهر ؟ و الرواتب الاصغر ؟ ..
خبرناكم والفيكم اتعرفت , ارحلوا !!
فالفشل مستمر
دعو لحواء الوالدة فرصة !!..
|
استغرب كيف يدافع مغترب بقوم بتحويل قرابة ال 4000 دولار شهريا لابيه واشقائه كمساعدة بسبب غلاء المعيشة ويستنكر خروج الذين لا يتلقون اى مساعدات من مغتربين ضد هذا النظام الفاجر الظالم!!
جنى
| |
|
|
|
|
|
|
|
|
|
Re: زبدة الكلام اى مغترب يا يقيف مع سودانيي الداخل يا يسكت على خيبته! (Re: jini)
|
Quote: استغرب كيف يدافع مغترب بقوم بتحويل قرابة ال 4000 دولار شهريا لابيه واشقائه كمساعدة بسبب غلاء المعيشة ويستنكر خروج الذين لا يتلقون اى مساعدات من مغتربين ضد هذا النظام الفاجر الظالم!!
جنى |
في أحد الأعوام السابقة قابلت رجلاً مغترباً ... عاد للسودان بمبلغ يفوق الـ 250 ألف دولار أمريكي ودخل في عدة مشاريع وخسر بسبب تعدد الجبايات وعدم استقرار الأمور. عاد للاغتراب وجلس بدون عمل لمدة سنوات عديدة، لكن رغم ذلك يكاد أن يقتلك لو تكلّمت بكلمة سوء عن البشير او أحداً من أهل الحكم. ويمضي يومه كله في الغناء للحكومة.
| |
|
|
|
|
|
|
| |
jini
شهاب الفاتح عثمان
Mohamed Suleiman
رشا سالم
احمد محمد بشير
Tragie Mustafa
حسن حماد محمد
Rawia
Omer Abdalla Omer
Bashasha
saadeldin abdelrahman
abdelrahim abayazid
سيف النصر محي الدين
الرفاعي عبدالعاطي حجر
Hani Arabi Mohamed
فيس بوك
تويتر
انستقرام
يوتيوب
بنتيريست