كتب الكاتب الفاتح جبرا المتوفرة بمعرض الدوحة
|
Re: جمعة لا لقهر النساء (Re: مريم الطيب)
|
الله اكبر الليلة بندوس على كل من كان قاعد يدوس الليلة سنينا لي راس الدبيب كل الفئوس الليلة بنسل الضرس لو كان منخور وكلو سوس الليلة يا عزة البطان حقك أقيفي عليه قوس باكر تزغرتي ليك و لي مرقت بلدنا كما العروس
امنة حسين محمد
| |
|
|
|
|
|
|
Re: جمعة لا لقهر النساء (Re: حجة امنة)
|
فهي لا لقهر النساء
لقد ذاق هذا الشعب الامرين من هؤلاء السفلة
ومعاناة المرأة في ظل هذا النظام كانت فادحة
القتل الاغتصاب الجلد السجن التشريد وقتل الابناء والقائمة تطول
ولاننسى ان شرارة هذه الثورة انطلقت من داخلية الطالبات
فتكريما للمرأة التي اهانها هؤلاء اللئام .....
اقترح ...
| |
|
|
|
|
|
|
Re: جمعة لا لقهر النساء (Re: مريم الطيب)
|
مرقنا خلاص وما راجعين ضد الظلم و تجارة الدين مرقنا خلاص وماراجعين ضد الهمباته الكذابين يا مانافع حتشوف اليوم لحس الكوعين
مرقنا خلاص وما راجعين تبا للخونة المتخازلين ارضنا اشرف من امثالك ارفع راسك من الطين
امنة حسين محمد
| |
|
|
|
|
|
|
Re: جمعة لا لقهر النساء (Re: مريم الطيب)
|
Quote: الله اكبر الليلة بندوس على كل من كان قاعد يدوس الليلة سنينا لي راس الدبيب كل الفئوس الليلة بنسل الضرس لو كان منخور وكلو سوس الليلة يا عزة البطان حقك أقيفي عليه قوس باكر تزغرتي ليك و لي مرقت بلدنا كما العروس
امنة حسين محمد |
تسلمي يا حجة امنة
وحتي يغسل هذا الشعب العملاق الابي
عار الصمت عن قهر النساء
اقترح
| |
|
|
|
|
|
|
Re: جمعة لا لقهر النساء (Re: مريم الطيب)
|
الأخت العزيزة مريم جرائم الإنقاذ عديدة ونقائصه لا حصر لها والقهر- وقهر النساء على راسه- من بينها. لكن قهر النساء تسبقه أولويات مثل دارفور وجبال النوبة وشهداء رمضان وشهداء العيلفون. لابد من ترتيب الاولويات. لو طلبوا مني تسمية جمعة لأطلقت عليها جمعة جبال النوبة لأنها وعلى الرغم من أنها مثل دارفور وجنوب النيل الأزرق لكنها ساخنة حالياً والأكثر تعرضاً للقهر فطائرات الانتينوف فوق الرؤوس تحصد النساء والأطفال والرجال ومن وصله الجنود من هؤلاء ولم يسارع بالاختباء في الكهوف ذبحوه.
| |
|
|
|
|
|
|
Re: جمعة لا لقهر النساء (Re: Bushra Elfadil)
|
الله الله يابشري مما يحدث في جبال النوبة
انه الالم بعينه ...
انه الحريق
اتفق معك تماما
علي الرغم من معاناة النساء والاطفال
ولكن الكل يحترق
لا اختلف معك فالجراح كثيرة ومريرة
فليرحل هذا الكابوس ونحن قادرين على رأب جراحنا
التي لاتحصى ,,,
شكرا بشرى
| |
|
|
|
|
|
|
Re: جمعة لا لقهر النساء (Re: مريم الطيب)
|
احكى ليك قصة كنت شاهد عيان فيها فى اثناء زيارة الراحل دكتور جون للقاهرة العام 1998 سالته لماذا ليس لدي النساء تمثيل فى التجمع الديمقراطى ؟
والله على ما اقول شهيد قال كل ما نكلم المهدى والميرغنى فى الحكاية دا الاتنين بقول "كلام حريم دا خلو شوية ؟
فياصديقتى سنظل اسرى القهر الى يوم لا اعرف متى ستشرق شمسه ؟ اتمناه قريب
ما رسلتى العنوان يا حبيبة اسرعى لو ثمحتى
| |
|
|
|
|
|
|
Re: جمعة لا لقهر النساء (Re: Souad Taj-Elsir)
|
Quote: احكى ليك قصة كنت شاهد عيان فيها فى اثناء زيارة الراحل دكتور جون للقاهرة العام 1998 سالته لماذا ليس لدي النساء تمثيل فى التجمع الديمقراطى ؟
والله على ما اقول شهيد قال كل ما نكلم المهدى والميرغنى فى الحكاية دا الاتنين بقول "كلام حريم دا خلو شوية ؟
فياصديقتى سنظل اسرى القهر الى يوم لا اعرف متى ستشرق شمسه ؟ اتمناه قريب |
كدي خلي الجماعة ديل يزيحوا من وشنا
بعدين بنتفاهم
تحياتي يا سلوم
| |
|
|
|
|
|
|
Re: جمعة لا لقهر النساء (Re: مريم الطيب)
|
Quote: كدي خلي الجماعة ديل يزيحوا من وشنا |
الجماعة ديل قاعدين ما مستعجلين..
و رجالكم (المناضلين) ياهو دا حدهم جعجعة و شعارات و بعدين زوغان .. ما بيحملوا الدرش
إذا عندكم رأي احسن تبدروا بيهو..
بالمناسبة وين المناضلة الجسورة (لبنى أحمد الحسين)
| |
|
|
|
|
|
|
Re: جمعة لا لقهر النساء (Re: نجلاء قرافي)
|
Quote: بس نحن برضو ماعاوزين نخصص لي نفسنا يوم برانا لانو شركاء في الهم |
العزيزة نجلاء
اتفق مع وجهة نظرك تماما
ولكن الاتتفقين معي علي الخجل الذل اصاب كل سوداني يحمل ضميرا حيا
حين امتلأت وسائل الاعلام العالمية بصورة المرأة السودانية وهي تجلد في قارعة الطريق
وتغتصب وتقتل رميا بالرصاص ,,,, هو فقط تعبير عن رفض هذا السلوك التبرؤ منه
لانه بعيد عن تركيبة مجتمعنا المميز ببعده عن هذه الممارسات التي ادخلها عديمي الاخلاق هؤلاء
تسلمي عزيزتي نجلاء
| |
|
|
|
|
|
|
Re: جمعة لا لقهر النساء (Re: Hashim Taha)
|
الاخت مريم الطيب تحية واحترام
المرأة هذا الانسان العظيم تم اضطهادها منذ عصور سحيقة حتى وصلت لمرحلة الخنوع والقنوت والاستسلام بل بعضهن اقنع الاخريات به وسار ركب الحياة على ذلك الى يومنا هذا في المناطق المتخلفة من العالم كل الاديان تكرم المرأة وتحترمها خاصة الاسلام ولكن العادات البالية القديمة التي توارثتها الاجيال تكبل المرأة وتقهرها واحيانا تربطها بالدين فتسئ لهذا الدين من حيث يدري المجتمع ولا يدري التركة ثقيلة وعلاجها صعب جدا لايمكن لجيل واحد تغييرها بل يمكنه المساهمة في حلها لاجيال قادمة ويبدأ ذلك بالتنشئة والتربية السليمة والبداية هي المرأة نفسها والتي التي تلد الرجل وترضعه وتربيه فلماذا لاتغرس فيه القيم النبيلة باحترام المرأة بل تقديسها ويشارك في ذلك الرجل الواعي لهذه القيم . . مريم الموضوع دا كبير خلاس كدي خلينا نقلبا اول حاجة ونقول هبوبك يا الله بعد كدا برنامجكم طويل يا استاذتي الفاضلة تحياتي
| |
|
|
|
|
|
|
Re: جمعة لا لقهر النساء (Re: عبدالله ود البوش)
|
Quote: مريم الموضوع دا كبير خلاس كدي خلينا نقلبا اول حاجة ونقول هبوبك يا الله بعد كدا برنامجكم طويل يا استاذتي الفاضلة تحياتي |
لافض فوك اخي عبدالله
نعم الموضوع جد كبير لكن الجماعة ديل سوا الفوت
وبالغوا في ازلال النساء
علي قولك خلينا نشم كلنا هبوب الله
في الاول
احترامي وتقديري
| |
|
|
|
|
|
|
Re: جمعة لا لقهر النساء (Re: مريم الطيب)
|
Quote: كدي يا هاشم طه
اتفرج في شذاذ افاق لندن ديل
ولي قدام |
يا مريم:
ناس لندن قشة ما تعتر ليهم ان شاء الله .. شايف والله ما شاء الله مبسوطين و يتبسموا الله يزيد الانبساط
شوفي ناس دبلن و برلين و سان فرنسيسكو كمان .. ما عندنا أي مشكلة!
بس ما عارف ليه انا اتذكرت نكتة قديمة حقت ود نفاش أو (ود نفاج)...
ضيع قرش في حتة ظلام .. و مشى في حتة تانية تحت عمود النور بقى يفتش سألوه بتفتش هنا و قرشك ضاع هناك
قال ليهم هناك مافي نور!
| |
|
|
|
|
|
|
|