والله يا مريم اختنا ده منظر محبط جدا وما فيهو اي بطولة بل عيب كبير انو الشباب الشجعان في العيلفون انجلدوا بالطريقة المهينة زي دي عقابا علي الموقف الثوري الواضح ضد الظلم وبكل سهولة كمان يخضعوا تاني. لنفس الجلاد الهرب منهم وانجلدوا زي الترتيب وتقعد بقية الاصحاب و الرجال فراجة عليهم لا فيهم واحد صاحب نخوة وشهامة اقوم اهجم علي العسكري الجلاد واشيل منو السوط وانجلد العسكري بن الهرمة بدات السوط قداام الناس شان نثبت انو نحن في ثورة وبنرفض الجلاد والكرباج مش بنخنع ونخضع لإرادة الجلاد..... طيب اكان كده الثورة وين راحت وفي الاساس ونحن ثرنا لايه! المهم اري انو فيديو مثبط للهمة والعزيمة لكتير من الشباب الثوار وبأكد علي سيكولوجية السوداني المقهور الماقاادر اتحرر حتى الان من الخوف من مجرد عسكري واطي زي ده في العيلفون الامبارح شفنا صورة جماهير شعبية ثائرة فيها احتلوا مركز الشرطة ومش عيال ديل كانوا رجال كبار.... معقولة ذات الثائر المقتحم دار الشرطة امبارح ارضي انجلد بسوط ذات العسكري السجمان الهرب من المركز خوفا من الثوار وانجلد كمان قدام بقية الرجالة وهم اعاينو اخوهم انهان قدر كده....ده مش جلد يااخوانا في بطان في عرس عشان نزغرد ليهو اخواتنا واماتنا ده جلد الادلال والمهاناات طبعا اشرف منو الموت بالشنق لان المشنوق بكون مكتف والشنق ليس مهينا مثل الجلد.... لا لا في حاجة غلط حاصلة؟؟
(عدل بواسطة هشام هباني on 06-27-2012, 00:31 AM) (عدل بواسطة هشام هباني on 06-27-2012, 04:58 AM)
06-27-2012, 02:53 AM
خالد العبيد
خالد العبيد
تاريخ التسجيل: 05-07-2003
مجموع المشاركات: 21983
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة