|
|
|
 Re: يا شعراء المنبر بالله تموا معاي معلقة (شذاذ الافاق)!! (Re: عبدالوهاب علي الحاج)
|
دي جاهزه لقيتها عند ناس شرارة في الفيسبوك...
شذاذ آفاق!!!
عشان كملنا صبر ايوب
عليك يمكن تؤوب وتتوب
ولو انو المعاهو عقل
عرف كيفن عليك مكتوب
من يوم جيتنا ناط بالليل
تلبس في النفاق كم توب
خيرا من وراك معدوم
ومنك أصلو ما مطلوب
انت وانت وانت وعيييييييييييك
وين حصر العليك محسوب
نمسك نسألك عن إيه
يا المسخرتا فينا شعوب
انت الخنت عهد الشعب
وجيت تلبت بالمقلوب
شردت اللي ماهو معاك
وقربت اللي ليك منسوب
أي كرامة منتهكة
ومالنا العام طلق منهوب
كم مسكين فقد رزقو
وامسى على الفقر مصلوب
كم بكيت عيون بالدم
وكم أدميت قلوب وقلوب
كم يتمت طفلة وكم
رملت العروس يا دووب
وكم عشعش علينا خيال
بيوت أشباح ودم مسكوب
كم هادي البلد بالخال
بعد سلمت مليتا حروب
أوسع حتة واطاتنا
وانت بترت أحلى جنوب
أخصب أرض أرضنا دي
ما نبتت عليها حبوب
وفي آخر مطاف الذل
بعتها ﻻبعقال محقوب
أشرف عرض عرضنا دا
وانت اﻻنتهكتو ذنوب
أكرم شعب شعبنا دا
وات خليتو قال الرووووووب
انت وانت وانت وعييييييييك
كيييف حصر العليك محسوب
شذاذ آفاق !!
ياخ بالله يا فاتك
قطر تضليلنا يا ترحل
يا ساعدنا بسكاتك
برانا بنجبرك ترحل
بعد ثورتنا دي الجاتك
حشود سلمية اصطفت
هتاف ضد كل سياساتك
واذا مافت تكون يا شاذ
براااااك جهجهتا باكاتك..
مشاركة من وليد الطيب
| |
  
|
|
|
|
|
|
|
|
Re: يا شعراء المنبر بالله تموا معاي معلقة (شذاذ الافاق)!! (Re: مريم بنت الحسين)
|
Quote: حت ات يا عوقة يا فنقوقة ياطنقوقه يا جلباق
يا سفاح ياحرامي يا دلدول يا خازوق يا افاق
يا عميل يا رعديد يا دلقان يا جربان يا لفاق
يا قرعوبة يا مخرومة يا ماسورة يا لقلاق
وبلا خجلة بتقول علينا نحن شذاذ افاق
|
لا عندك كلمة ولا بتبقي علي اتفاق
يا خائن العهد وناقض الميثاق
تتراقص فى الغناء وتتمايل بدون أخلاق
كملنا الصبر بحديثك ووعودك الكلو نفاق
أتمني أن لا يمر شعراء المنبر من هنا وتحديدا سوما 
| |
|
|
|
|
|
|
|
|
|
Re: يا شعراء المنبر بالله تموا معاي معلقة (شذاذ الافاق)!! (Re: Tumadir)
|
صلحتها شوية:
شذاذ آفاق
سمحين أخلاق
يملوا الآفاق
موكب دفاق
كل الألوان
كل الاعراق
وهتاف بنساق
من الاعماق
شاقينو غبار
وطريق دقداق
بمبمان غازات
رصاص طقطاق
قنابل تقصد عضم الساق
الشافو كتير ، اكتر من شاق
شايلين أشواق
جوة الاحداق
ما بخافوا وعيد بيشو السراق
مارقين قاصدين الخاين العاق
قاطع الارزاق
شذاذ آفاق
سمحين أخلاق
يملو الآفاق
| |
|
|
|
|
|
|
|
|
 Re: يا شعراء المنبر بالله تموا معاي معلقة (شذاذ الافاق)!! (Re: Tumadir)
|
| Quote: تنفخ جضوم السحت وقدومك الشين كلو بزاق |
اموووووووووونة كلامك الفوق ده بدورلو ليموووووونة والله صحي
أحيــــــــي يا بطني , كتلتني بالضحك الليلة
مهوية ياخ ده بوست تحفة داير قطع اخدر نضييييف وإحساس وجعة , في اللحظة دي الناس كلها بتبقى شعراء والله صحي
شكرا لأستاذ هباني والبداية البستاهلا اب جاكومة
طمطم يا حريفة
يا بت يا حديقة وظريفة
بطلي تواضع وإنتي ست الكلام والقول
امتعتوني والله
بجيكم صادة
خلوني اضحك شوية
قال شذاذ افاق قال
وحات الله ما بكون فارز معناها اتحدااااكم مو فارزو والله صحي
| |
|
|
|
|
|
|
|
|
|
Re: يا شعراء المنبر بالله تموا معاي معلقة (شذاذ الافاق)!! (Re: Tumadir)
|
ابشري بالخير يا تماضروف......بل وانجلا .قربت وقطع شك حناكل قريبا خروف الكرامة شية ومرارة في حضرة عيال شيخ الدين السمحين الزينين في الحوش الكبير وانا علي تمر كالفورنيا الغلاد داااك عشان ( الشربوت والنبيت) وقطع شك عبد اللطيف ومريم حيجيبوا منو ملوتين وربما ( كمال كيله)!!
| |
|
|
|
|
|
|
|
|
|
Re: يا شعراء المنبر بالله تموا معاي معلقة (شذاذ الافاق)!! (Re: هشام هباني)
|
العمده الهراش
| Quote: خالتي دي بت ناظر نظار بحر ابيض شرقا وغربا وبت عز ليها نحاس ارز من جبل اولياء للجبلين... هي محتاجة ليها لي عفينة وزارة زي دي وكمان في ولاية الخرتوم وكمان رئيسها الوالي المتعافن...افو افو..دي تستاهل تكون وزيرة صحة اتحادية تهز وترز ولا كمان سفيرة في امريكابالميت عشان تاني تلقي اخوووك ساكن السفارة عديل واقوموا اطلعوا ليهو جنسية وجواز سفر بدل الفاقد بتاع ليبيا ولاحمد ولدي كمان جنسية سودانية بعد الهملة دي! |
لو ما بتخاف مني وبترد علي كنت فتحت ليك بوست بالكلام دا
المره الجايه ليك صور كوزات آل هباني
هاك دي اتصبر بيها لمن نجيك بي قصيدة عسماء
| |
|
|
|
|
|
|
|
|
|
Re: يا شعراء المنبر بالله تموا معاي معلقة (شذاذ الافاق)!! (Re: عبدالعزيز حسين عبدالرحيم)
|
من رحم أصل بلادنا من طينه شهداؤنا يتجددون
كنجوم سعد في السماء تلألأوا يتوهجون
يستنهضون الوحي من ومض تأخر برقه
من صندل في جمرنا يتبخرون
والعطر ينشر في رياح تجدد الرؤيا بهم وبطيبه يتعطرون
مهما قتلتم يا طغاة فإنهم كعطاء نهر النيل قمحا ينبتون
وكنانة المهدي ان عجمت تزيد صلابة منهم
وفكر خطه القرشي مشكاة بها يتبصرون
من عبدالفضيل الماظ من رشاشه شيكان سيف النصر
قد ورثوه في ثقة به يتبخترون
وحدتم السودان في اعماقكم هبة له ارواحكم اثرت
الي ابدية علياء بطهر تصعدون
بأكفهم وضعوا خلاص مصيرهم في لهفة يتسابقون
لاقوا رصاص الجبن كانوا حزمة بصدورهم ودمائهم
كاصولهم لا ينتهون
حرب البسوس تجددت بقدومكم يا جبهة الانقاذ
ماذا تنقذون
من حجر أم دامع ؟ وأب تكبله السلاسل في السجون؟
يا ثورة الاحرار يومك قد اضاء النور .. فتحت العيون
يوم القصاص لقد اتي من كل صوب توفدون
انتم وقود جحافل السودان ثورات له عبر القرون
الانتفاضة قد بدت ويل لهم .. ويل لهم .. لا يشعرون
القاتلون تربصوا في كل حي مخبرون
داسوا بأحذية الهزيمة زرعنا في العيلفون
النيل والتاريخ والاشجار تشهد .. قاتلون
والنخل كان يطل من اعلي وكانوا يركضون
من خلفهم طلقات رشاش وجند حاقدون
والليل مشتعل بنار الحقد من اعلي السماء
وبإسمك اللهم قد قتلوا الصغار بذورنا .. سفكوا الدماء
وشبابنا وشيوخنا ونسائنا بدؤا المسيرة من ظلام للضياء
وتسربت كتل من الاضواء نحو قلوبهم بشعاعها رفعوا الحصار
والطلقة الاولي تناديكم متاريسا تريد الانتشار
شبابنا ونساؤنا رفعوا الشعار.. رفعوا الشعار
اقدامهم ودمائهم في الطين والانهار مد وانحسار
كشفوا كلاب الجبهة المسعورة الانياب في وضح النهار
كشفوا طقوس الافك ولحية الحجاج في وسط الدمار
ورأوا خناجر بلطجيتهم بدماءها حمراء تقطر في انتظار
يا ثورة الكتاحة كوني ليلة الاسراء نور فوق نار
كوني براقا للتحدي وانتفاضة شعبنا للانتصار
دوسي اراجيف الذقون واحرقي .. النار تبدأ بالشرار
| |
|
|
|
|
|
|
|
|
|
Re: يا شعراء المنبر بالله تموا معاي معلقة (شذاذ الافاق)!! (Re: AMNA MUKHTAR)
|
احد )شاذ أفقيآ زهجااان من الحكومة .. ماشي في الشارع وبيغني-:
عجبوني أوﻻد الكيزان
لبسوا البدل و القمصان
ركبوا الهمر و التوسان
سرقوا البلد من زمان
من نياﻻ لى قيسان
عجبوني الليلة جو
سرقوا البلد نضفو
عجبوني أوﻻد الوالي
نبشوني و شالوا حالي
سرقوني و رفدوا خالي
نهبوا البلد باللواري
و دقسونا بالكباري
هههههههههههههههههههههه
| |
|
|
|
|
|
|
|
|
|
Re: يا شعراء المنبر بالله تموا معاي معلقة (شذاذ الافاق)!! (Re: saif massad ali)
|
Quote: شذاذ آفاق
سمحين أخلاق
يملوا الآفاق
موكب دفاق
كل الألوان
كل الاعراق
وهتاف بنساق
من الاعماق
شاقينو غبار
وطريق دقداق
بمبمان غازات
رصاص طقطاق
قنابل تقصد عضم الساق
الشافو كتير ، اكتر من شاق
شايلين أشواق
جوة الاحداق
ما بخافوا وعيد بيشو السراق
مارقين قاصدين الخاين العاق
قاطع الارزاق
شذاذ آفاق
سمحين أخلاق
يملو الآفاق |
100%
| |
|
|
|
|
|
|
| |
هشام هباني
AMNA MUKHTAR
عبدالوهاب علي الحاج
مريم بنت الحسين
مها عبد الله
Tumadir
اسماء الجنيد
saif massad ali
عبدالرازق نقد
Al-Shaygi
فيس بوك
تويتر
انستقرام
يوتيوب
بنتيريست