|
Re: عااجل .. صور من داخل هجليج و هي في قبضة قوات الحركة الشعبية .. صور (Re: محمد فرح)
|
محمد فرح:
Quote:
الصور دي لاتثبت إنو الجيش الشعبي دخل هجليج دي صور لهجليج وصور لجنود من الجيش الشعبي لكن لاوجود لصور جنود الجيش الشعبي (داخل هجليج) أرجو من بكري عدم التسرع في رفع البوستات عموماً دولة الجنوب أثبتت سوء النية بشكل واضح جداً وعليها أن تتهيأ لضربة (قاصمة)
|
حالتكم تحنن !!! الحركة الشعبية أخطرت حكومة الولايات المتحدة و الناشطين انها و بحلول الساعة 5 مساءا بتوقيت جوبا ... تسيطر علي كل حقول النفط بمنطقة الهجليج .... يعني صورة للمدخل الرئيسي للمطار لإدارة البترول ... و برضو ليست دليل علي سيطرة الحركة الشعبية علي منطقة الهجليج بعد أن فرّت كل قوي المؤتمر الوطني؟؟
| |
|
|
|
|
|
|
Re: عااجل .. صور من داخل هجليج و هي في قبضة قوات الحركة الشعبية .. صور (Re: Mohamed Suleiman)
|
سؤال للمصداقية :
هل هجليلج في قبضة قوات أخرى غير الجيش السوداني الآن
و لأسهل الأمر ..
أزعم الآن أنها غير واقعه في قبضة الحركة الشعبية الساعة الآن 12:65 ليلا بتوقيت السودان
الرجاء الإجابة .. لأن بوستك المرفوع هذا يوحي بكونها لا تزال في قبضة الحركة الشعبية بينما هو على أحسن الفروض يحكي وقائع قديمة حدثت صباح اليوم لا غير
أهدف في المقام الأول لطمأنة أسر العاملين بهجليج على إنتهاء القتال و في المقام الثاني لمصداقية البورد مادام البوست مرفوعا في أعلاه
و لا مصادر لدي و لا صور بل تأكد تام سيثبته يوم غد !! و إن غدا لناظره قريب ..
| |
|
|
|
|
|
|
Re: عااجل .. صور من داخل هجليج و هي في قبضة قوات الحركة الشعبية .. صور (Re: Mohamed Suleiman)
|
حمادة تش مُحاولة فطيرة و بائسة لا يُمكِن تمريرها على شُفّع روضة مُحاولة الهجوم كانت نهار اليوم لو إفترضنا أن إشتباكات وقعت بين جيشي دولتين حرب دوّرت منتصف النّهار هل يُعقل أن تُحسم عصراً و يقيفوا جنود الجّيش الغازي ممسّحين و ملمّعين و نايريييييييييييييييين و مركِّبيت سمّاعات الهيدفون يسمعوا في أنغام بوب مارلي أو مايكل جاكسون و لا موية ليمون لا هزّة كانون
لا حريقة لا دُخّان لا عرق لا تعب لا ###### لا غُبار
غايتو إلا جونا قالوا لي ناسنا هيييييييييييييييييييييييييييييييي و تاني هيييي قوموا حيلكم هييييييييييييييييييييييييي أمرقوا لينا من بلدنا دي يااااااااااااااااااااي
قاموا ناسنا جدّعوا ليهو الزّهور و الورد و فتحوا ليهم وقالوا ليهم واي واي واااااااااااااااااااااااااااااااااااي خُشوا ساي ساي ساي سااااااااااااااي
حمادة تش إتا قايل هجليج دي كانت حارساها كتيبة كديت؟
أمشي يا أخوي نوم نومك لحين موعِد الحلمة التّالية
| |
|
|
|
|
|
|
Re: عااجل .. صور من داخل هجليج و هي في قبضة قوات الحركة الشعبية .. صور (Re: محمد قرشي عباس)
|
محمد قُرشي سلام شوف صاحبك فوق بقا يرُد ويقول (أعتقد إنها للجيش الشّعبي)
لا حِظ يعتقِد
يا حبيب في هُجوم نعم لكن إحتلال لأ سُقوط لأ
قدلة يا مولاي حافي حالِق لي ناس مونج اللابسين لينا الشُّباطة و مركّبين سمّاعات الهيدفون ومظلِّلين العيون بي النضّارات الشمسيّة
ياخي عليك الله لو هجموا على روضة تحرُسها نِسوة معقول يدخلوها بدون زوبعة للدرجة دي
ألا تُفرِّق يا عزيزي بين الصُّور التّذكارية وصُور العمليّات الحربيّة؟
عربيّة بيضاء في حرِب؟
يمين دي الهنود في الأفلام ما عملوها
| |
|
|
|
|
|
|
Re: عااجل .. صور من داخل هجليج و هي في قبضة قوات الحركة الشعبية .. صور (Re: علاء الدين يوسف علي محمد)
|
Quote: ألا تُفرِّق يا عزيزي بين الصُّور التّذكارية وصُور العمليّات الحربيّة؟
|
علاءالدين سلام ..
أنا ما بتكلم عن صور الجنود (معاك بإنها ما موضوعية) أنا بتكلم عن تصوير المنشئات
هل دي صور صوروها في هجومهم الأخير و هل وصلوا لهذا الحد القريب فعلا ؟؟ أم أنها صور من أفراد العاملين هناك لها مناسبة ما ؟!!
لأنه لا يمكن التصوير من هذا القرب ما لم ينسحب الجيش فعلا من هجليج !!
هذا ما أردت الإستفسار عنه .. كمواطن سوداني لا يهمه الجنوب و لا حكومة السودان الحالية في شيء
| |
|
|
|
|
|
|
Re: عااجل .. صور من داخل هجليج و هي في قبضة قوات الحركة الشعبية .. صور (Re: محمد قرشي عباس)
|
Quote: لأنه لا يمكن التصوير من هذا القرب ما لم ينسحب الجيش فعلا من هجليج !! |
هلا يا محمد القرشي بل يمكن التصوير من قرب وفي استثناء حتى لعربات الحركة الشعبية كحزب ومدنيين للمرور وسط الحقول خليك من مرور جنود الحركة والكلام دة منذ اتفاق السلام والكلام دة ما نقلا او سماعا بل شوف عين ومعاصرة
ودي طريقتهم في أخذ الصور التذكارية وشكلها واضح جداً انو ديل ناس أبعد ما يكونوا عن جو الحرب
| |
|
|
|
|
|
|
Re: عااجل .. صور من داخل هجليج و هي في قبضة قوات الحركة الشعبية .. صور (Re: محمد قرشي عباس)
|
المجقلب علاءالدين يوسف:
Quote:
مُحاولة فطيرة و بائسة لا يُمكِن تمريرها على شُفّع روضة مُحاولة الهجوم كانت نهار اليوم لو إفترضنا أن إشتباكات وقعت بين جيشي دولتين حرب دوّرت منتصف النّهار هل يُعقل أن تُحسم عصراً
|
إنت عارف يا علاء ... ما تتخيل كميّة المصداقية التي أهديتها لهذه الصور ... أولا أنا عارفك إنت بتاع كمبيوتر (كتيبة الجهاد الإلكتروني ) .... و اكيد أول حاجة عملتها .. chكيت .. ( checked) تواريخ الصور (ديجيتا) و اوقات تصويرها .. و طبعا لقيت الصور مأخوذة اليوم ... و كمان الساعة خمسة عصرا ....
صحيح المعارك حول هجليج بدأت قبل أيام ... لكنها حسمت اليوم و حسب خطابات وز بيانات الحركة الشعبية .. أنه و بحلول الساعة خمسة مساءا اليوم .. تمت السيطرة بالكامل علي كل حقول النفط بمنطقة الهجليج و المقر الرئاسي للإدارة و المطار.... ده مقتطف من بيان للحركة الشعبية : Before I send out President Kiir's Speech during the Second Ordinary Meeting of SPLM National Liberation Council" which started today, let me say this "Our SPLA Gallant Forces Have Captured Heflig today at 05:00 PM South Sudan Local time" Heglig Now Is Under Full Control of SPLA
باقي كلامك ..... بلّو و أشرب مويتو
(ما تنسي تدي معاك محمد فرح و ود الباوقة.)
| |
|
|
|
|
|
|
Re: عااجل .. صور من داخل هجليج و هي في قبضة قوات الحركة الشعبية .. صور (Re: Mohamed Suleiman)
|
حمادة تش صدِّقني هسي إتّا بتكون بطنك فايرة وصوف راسك واقِف صوفة صوفة و ترجِف و إنتا في سريرك من دخلتي عليك و تخصُّصي في إفاقتك من حلماتك الز########ّة اللي ما انقطعت منذ تأريخ إشتراكك بالمنبر
لحقت قرنق أُمّات طه و شبكتنا الذِّراع الطّويلة لمّن قطعوها ليك و هسِّي حتجيب خبر ديل
ياخ إتّا كُج كُج كبير
أها أنا الموية الحأموص ليك فيها كلام ما بشرِّبك ليها لأ كالعادة بجي بقيف ليك فوق راسك و إتّا ممدّد على مرتبة أحلامك المُهترئة و مُتغطِّي ببطّانية آمالك المقدّدة و تتوسّد مخدّة أوهامك المنتّفة و أقيف ليك فوق راسك و ألشغا فيك شووووووووووووووووووووووووو
شان تصحى من النومة الز########ّة لتستعد لحلمة أُخرى أو بالأحرى لحملة مناميّة أُخرى يا ديجانقو الحصانو حُمار النّوم
| |
|
|
|
|
|
|
Re: عااجل .. صور من داخل هجليج و هي في قبضة قوات الحركة الشعبية .. صور (Re: علاء الدين يوسف علي محمد)
|
ليس هناك مايوحى من الصور بأن هجليج فى قبضة الحركة الشعبية
وفى صورة الجنود ..هناك من يرتدى (جاكت) عز الهجير
انا فى قمة جبل فى كولورادو مالابس مثل ها الملابس
عموما إذا إعتدت الحركة عن أراضى سودانية فهذا مرفوض
من قبل أى مواطن غيور على وطنه ..الحركة الشعبية
حددت خياره وماعاد التعاطف القديم موجود..
برغم كرهنا لحكومة الخرطوم لكن ده ما مبرر أن نناصر دوله أخرى على وطننا
إضافة لانو الحركة لو فعلا أقدمت على هذه الخطوة ..فستكون هى الخاسر الاكبر
وفى ظرفها الحالى ده شعرا ما عندها ليه رقبة ..وبتكون فتح عليها ابواب جهنم
ستفقد حتى التعاطف الدولى
ودى
| |
|
|
|
|
|
|
Re: عااجل .. صور من داخل هجليج و هي في قبضة قوات الحركة الشعبية .. صور (Re: Mohamed Suleiman)
|
Quote:
ده مقتطف من بيان للحركة الشعبية : Before I send out President Kiir's Speech during the Second Ordinary Meeting of SPLM National Liberation Council" which started today, let me say this "Our SPLA Gallant Forces Have Captured Heflig today at 05:00 PM South Sudan Local time" Heglig Now Is Under Full Control of SPLA
|
و الآن هي في قبضة الجيش السوداني .. إن لم تكن تعرف الوضع الآن لا تثريب عليك
فقط قل ذلك .. للمصداقية لا غير ..
لعن الله الحرب و من يشعلها و من يحتفي بها من الطرفين
| |
|
|
|
|
|
|
Re: عااجل .. صور من داخل هجليج و هي في قبضة قوات الحركة الشعبية .. صور (Re: محمد قرشي عباس)
|
محمد قرشي عباس:
Quote:
و الآن هي في قبضة الجيش السوداني .. إن لم تكن تعرف الوضع الآن لا تثريب عليك
فقط قل ذلك .. للمصداقية لا غير ..
|
يا محمد قرشي ... المسألة ليست غلاط ... الحركة الشعبية زعمت أنها طردت جيش المؤتمر الوطني (لم يعد هناك جيش سوداني ) من منطقة الهجليج و سيطرت علي حقول النفط .... و دعمت زعمها بالصور ..... من أجل المصداقية .... المطلوب .. كما تزعم انت .... أن تأتي بصور لجيش المؤتمر الوطني في نفس هذه المناطق التي صورتها الحركة الشعبية و بأنها أعادت السيطرة علي منطقة الهجليج و حقول النفط و المطار و الرئاسة .... بث ... بلا جدل بيزنطي ...
Quote: لعن الله الحرب و من يشعلها و من يحتفي بها من الطرفين
|
و إنت بس لمّا هبشوا البترول ياداب عرفت إنّو في حرب هناك و بديت تلعن فيها (إكليشيه منافق يردده كل الذين أدمنوا بترول أهل الهامش ) ....؟؟!!!
تأكد يا محمد قرشي ... حتي و لو صدقت فيما زعمت ... فليش ذلك خاتمة المطاف للأسف ... بل ستكون بداية حرب حقيقية و الآن ستكون بين دولتين ... و لماذا لم تلعن البشير الذي أعلن التعبئة العامة و الجهاد .... ليجعل أرض أهلنا في الهامش أراض لمعاركه فيموت أهلنا ..... و قرأت قلقك علي أهلك الذين يعملون في الهجليج (بالمناسبة تم إجلاء الفنيين و العاملين هناك) ...
| |
|
|
|
|
|
|
Re: عااجل .. صور من داخل هجليج و هي في قبضة قوات الحركة الشعبية .. صور (Re: Mohamed Suleiman)
|
طبعا يا حمادة تش الزغاوي
Quote: (لم يعد هناك جيش سوداني ) |
بتكون فاكر الجيش هو جيش اسرة خليل الجيش العنصري عنصريتك التي تستفرغها على صفحات هذا المنبر ولا يكاد تفكيرك الغث بلسانك النتن يخرج من ثوبك البالي اهلي واهلكم او بوضوح نحنا الغرابة وانتو ولاد العرب
Quote: و لماذا لم تلعن البشير الذي أعلن التعبئة العامة و الجهاد .... ليجعل أرض أهلنا في الهامش أراض لمعاركه فيموت أهلنا ..... و قرأت قلقك علي أهلك الذين يعملون في الهجليج (بالمناسبة تم إجلاء الفنيين و العاملين هناك) |
لذلك ستظل محلك سرك لن تتقدم قيد أنملة وكل ما تحاول ترفع راسك تلقانا فوقك ومن حولك
| |
|
|
|
|
|
|
Re: عااجل .. صور من داخل هجليج و هي في قبضة قوات الحركة الشعبية .. صور (Re: Mohamed Suleiman)
|
محمد سليمان
من الآخر و على بلاطه ..
عندي صديق عزيز هناك و إتطمئنيت عليه بالليل ده و كلامك حول إن هجليج الآن محتله غلط ميه في الميه و كان لازم أوصل لأهله سلامة المنطقة مادام بوستك ده مرفوع كده
لا بتهمني إنت و لا الجنوب في حاجه و البشير و رهطه عندي أسوأ بلاء مر بالسودان و تضررت منه شخصيا
لا إنت بتمثل اللي عانوا من النظام ده و لا البيوريك غلط معلوماتك بيدعم فيه
و قرأت في كلامك (مادام فتحنا مسألة النوايا) محاولة لتمرير خطاب إعلامي غبي حيستبين غلطه بكره القريبة دي و حتفقد مصداقيتك في الخبر ده
ما تحاول تتضارى ورا الإتهامات الغبية للآخرين إنتو و الحكومة ما بتقدروا تتعاملوا مع المواطن العادي زيي ده لأنو ما عندنا حاجه تمسكوها علينا .. لا قروش طايلانا و لا دم معلق في رقبتنا
خليكم في صراع الديكة بتاعكم ده و نحن بنعرف الصاح شنو من الأحداث بطريقتنا ..
بعدين للمعلومية صورك دي ما بتثبت أي حاجه مالم تجيب صور من داخل المقر الرئيسي للشركة (خليك عارف من شاهد العيان خاصتي إنو ده ما حصل أصلا) أنا أسي ممكن أجيب ليك صور لأي مصفاة نفط في سقط لقط و أقول إني إحتليت تكساس
سجن سجن .. غرامة غرامة !!
| |
|
|
|
|
|
|
Re: عااجل .. صور من داخل هجليج و هي في قبضة قوات الحركة الشعبية .. صور (Re: محمد قرشي عباس)
|
الأخ .. محمد سليمان
تحياتى
أولاً ... لتسقط حكومة السودان الشمالى ؛ التى مارست و لازالت تمارس القتل و التعذيب و كافة أشكال التعذيب النفسى و الجسدى بشكل واضح و مؤسس مع سبق الإصرار و الترصد لأهلنا فى كافة بقاع السودان و خصوصاً دارفور ؛ جبال النوبة ؛ النيل الأزرق و الأقليات الموجودة بالخرطوم ؛ حادثة إغتيال الشهيدة عوضية عجبنا ؛ فصل طالبات جنوب كردفان حبس الطالب جدو لفترة أطول من بقية المعتقلين كلها تصب فى مجرى واحد : و هو عنصرية النظام و القائمين على أمره . هؤلاء الأوباش أذاقوا شعبنا المر و سقوه الهوان ؛ كما بذروا شتول العنصرية البغيضة بين أبناء شعب عظيم و نبيل . سوف يهب يوماً و يقول كلمته : أن لا للعنصرية .. لا للقتل .. لا للتعذيب ... لا للإغتصاب .... لا ... لا .... للسفلة ؛ القتلة ؛ وساسة زمن الغفلة من معدومى الوطنية . لكن ... رغم الأحزان على الإنفصال و تمزق البلد ؛ رغم طيش السفاح البشير و زمرته من المأجورين , الوصوليين , المرتزقين . إلا أن هجليج أرض سودانية مثلها مثل حلايب , شلاتين و غيرها . ليسقط النظام من الداخل و لكلٍ رويته حتى و لو كانت البندقية ! أما أن نفرح و نهلل لأن السفاح الآخر سلفاكير ميراديت قد عبر الحدود و إغتصب أرضاً سودانية .... فلا و ألف لا تسقط الإنقاذ ... تسلم الحدود .... تعاد كل الأراضى المغتصبة ... و حتى ذلك الحين .... أعارض الإنقاذ و أعارض الغزاة أياً كانوا و المجد و الخلود للسودان .
| |
|
|
|
|
|
|
Re: عااجل .. صور من داخل هجليج و هي في قبضة قوات الحركة الشعبية .. صور (Re: عبدالرحمن عزّاز)
|
Quote: لكن ... رغم الأحزان على الإنفصال و تمزق البلد ؛ رغم طيش السفاح البشير و زمرته من المأجورين , الوصوليين , المرتزقين . إلا أن هجليج أرض سودانية مثلها مثل حلايب , شلاتين و غيرها . ليسقط النظام من الداخل و لكلٍ رويته حتى و لو كانت البندقية ! أما أن نفرح و نهلل لأن السفاح الآخر سلفاكير ميراديت قد عبر الحدود و إغتصب أرضاً سودانية .... فلا و ألف لا تسقط الإنقاذ ... تسلم الحدود .... تعاد كل الأراضى المغتصبة ... و حتى ذلك الحين .... أعارض الإنقاذ و أعارض الغزاة أياً كانوا و المجد و الخلود للسودان .
|
تأكيدا و إضافة للبديهي الذي تفضل به الأخ عبدالرحمن عزاز هذا ما كتبته في بوست مجاور قبل كلامك الأخير معي يا محمد سليمان
Quote: إلباس الأمر لبوس الإنقاذ الأولى سيهزم قضية السودان
أنا شخصيا أرفض بتاتا هذا الخطاب و لو إحتلت دولة جنوب السودان مناطق غير متنازع عليها فسيكون الواجب الوطني المقدس هو كنس الكيزان أولا .. ثم الدفاع عن الوطن ..
لا يمكن أن تسعر نار حرب بغباء الساسة و بنفس الشعارات الجابت التقسيم أولا ثم يكون من الوطنية أن يموت الأبرياء من الطرفين فداءا لأوهام نسفت بالسودان سابع أرض !!
لو فعلا الحكومة و من يناصرها حريصة على السودان عليها الإنصياع لجعل الشمال دولة ديمقراطية يتشارك فيها الكل فعلا قبل دق طبول الحرب .. أي شيء آخر سيكون مجرد الدفاع عن الحكومة بمبرر الحفاظ على الوطن و عندها سنخسر الوطن و لو بعد حين !!
لو كنت الحكومة وطنية و عاقلة فستصد الهجوم و تمضي في إبرام الإتفاقية و السلام فإن رفض الطرف الآخر .. ستكون الحرب فعلا مفروضة لكن الحكومة مستبده و غبية للأسف !!
|
Re: لبسنا الكاكي (3)
| |
|
|
|
|
|
|
Re: عااجل .. صور من داخل هجليج و هي في قبضة قوات الحركة الشعبية .. صور (Re: محمد قرشي عباس)
|
Quote: سوداني نت - وكالات: أصدر الناطق الرسمي باسم الحكومة وزير الإعلام المهندس عبد الله علي مسار بياناً دحض فيه دعاوى رئيس دولة جنوب السودان باحتلال منطقة هجليج مؤكداً جاهزية القوات المسلحة للحفاظ علي أمن وسلامة الوطن في كل حدوده . وفيما يلي نورد نص البيان : قال تعالى ( إن ينصركم الله فلا غالب لكم ) لقد تعرضت منطقة هجليج هذا اليوم لهجوم غادر ويائس من قوات الجيش الشعبي لحكومة جنوب السودان مدعومة بقوات من حركة العدل والمساواة وقد صدتهم القوات المسلحة الباسلة وكبدتهم خسائر فادحة في الأرواح والعتاد والممتلكات وردتهم علي أعقابهم خاسرين . إن تصريح رئيس دولة جنوب السودان بأن قواته قد إحتلت منطقة هجليج في عملية عسكرية ينم عن حقد دفين على السودان وشعبه والقوات المسلحة السودانية، إن الإتفاقيات التي وقعت في أديس أبابا والوفد الذي حضر إلى الخرطوم من دولة جنوب السودان كان كل ذلك خداعاً وتضليلاً، إن القوات المسلحة في جاهزية تامة للحفاظ علي أمن وسلامة الوطن في كل حدوده، إن القوات المسلحة حامية للأرض والعرض ستظل تدافع عن عرين هذا الوطن وتقدم في ذلك إرتالاً من الشهداء، ولن ينال منها أي معتد مهما كان جبروته وقوته. |
Game is over يا حمادة تش عُد إلى تابوتك أو كما قال عُثمان مُحمّد صالِح
| |
|
|
|
|
|
|
Re: عااجل .. صور من داخل هجليج و هي في قبضة قوات الحركة الشعبية .. صور (Re: علاء الدين يوسف علي محمد)
|
Quote: القوات المسلحة تدحر الهجوم الغادر للجيش الشعبي وفلول مرتزقة خليل على منطقة هجليج
الخرطوم 26-3-2012(سونا) أصدر العقيد الصوارمي خالد سعد الناطق الرسمي باسم القوات المسلحة بياناً الحاقاً للبيان الصادر مساء اليوم عن الهجوم الغادر للجيش الشعبي وفلول مرتزقة خليل أكد فيه صد المعتدين وحرمانهم من تحقيق أهدافهم في احتلال منطقة هجليج . وأضاف البيان أن القوات المسلحة تمكنت من دحر الهجوم الذي كان من محورين وتمكنت من تدمير عدد اثنين دبابة ت 55وستة عربات مسلحة بدوشكات ورباعي ومدافع ب10 وراجمة 1.7 وقتلت منهم أعداداً كبيرة غالبيتهم من ضباط وجنود الجيش الشعبي لدولة جنوب السودان مما ادى الى انسحابهم مهزومين مدحورين في اتجاه الجنوب . وفيما يلي تورد (سونا) نص البيان:
بسم الله الرحمن الرحيم يقول الله تعالى : ويمكرون ويمكر الله والله خير الماكرين . صدق الله العظيم أيها المواطنون الأحرار إلحاقاً لبياننا الصادر مساء اليوم عن الهجوم الغادر للجيش الشعبي وفلول مرتزقة خليل نؤكد للشعب السوداني أن قواتكم المسلحة الباسلة تمكنت من صد المعتدين وحرمانهم من تحقيق أهدافهم في احتلال منطقة هجليج والذي استخدموا في سبيله كل انواع الخديعة والغدر واستخدام السلام كمطية ففي الساعة الثامنة صباحاً دخلت قوة محدودة إلى داخل حدود السودان وطلبت مقابلة قائد الموقع الدفاعي في محطة التشوين على الحدود بحجة التفاهم حول مزاعم نوايا سودانية في التوغل داخل أراضيه وعند تحرك قائد الموقع لمقابلتهم انسحبت القوة وعادت في الساعة الثانية ظهراً بقوة اثنين كتيبة من الجيش الشعبي وهاجمت محطة التشوين حيث قاتلت القوات المسلحة ببسالة ثم تراجعت بعدها لموقع الشهيد الفاضل في الخلف والذي يبعد عن الحدود الدولية مسافة عشرة كيلومترات . بعدها اصدرت قيادة الجيش الشعبي أوامرها الى فلول مرتزقة خليل الذين كانت تأويهم في المنطقة بالاندفاع والمشاركة في الهجوم وتمكنت قواتنا من دحر الهجوم الذي كان من محورين وتمكنت من تدمير عدد اثنين دبابة ت55 وست عربات مسلحة بدوشكات ورباعي ومدافع ب10 وراجمة 1.7 وقتلت منهم أعداداً كبيرة غالبيتهم من ضباط وجنود الجيش الشعبي لدولة جنوب السودان مما ادى الى انسحابهم مهزومين مدحورين في اتجاه الجنوب داخل الاراضي السودانية وتتخذ القوات المسلحة السودانية الترتيبات اللازمة لطرد فلول القوات المعتدية والله أكبر والعزة للسودان . |
| |
|
|
|
|
|
|
Re: عااجل .. صور من داخل هجليج و هي في قبضة قوات الحركة الشعبية .. صور (Re: Nagi Ahmed)
|
إظهار الحقيقة يا ناجي الحقيقة لا غيرها
السّاعة الآن 04:28 ص حيث أنهيت مُكالمة هاتفيّة إمتدت لـ 18:05 إنتهت عند السّاعة 04:00 عندما وجدّت رِسالة من صديقي المُهندِس بآبار نفط هجليج بأن أتّصِل عليه إن كُنت مُستيقِظاً. تسابقت أصابعني نحو أزرار لوحة أرقام الهاتف، رن جرس هاتف صديقي، و أتاني صوته آمِناً مُطمِئناً ليبُث فيني ذات الطُمأنينة، سألته بدءاً عن حالِه: - كدي أوّل حاجة قول لي إتّا كويِّس؟ - قال نعم. - طيِّب و النّاس المعاك. - فأردف بنعمٍ أُخرى
ثُمّ ضحِك قائلاً في دُعابة أزالت كُل مخاوفي عليه وعلى المِنطقة: - يا زول المصحّيك لحدِّي هسِّي شِنو؟ فضحكت و قُلت له: - هو الليلة في نوم، كدي بعد ما إطمأنينا عليك أحكي الحاصل شِنو؟ فكانت منه هذه الإفادة: قال بمعزل عن التّفاصيل التي سبقت الهجوم ولا يُدركها أنّهم سمعوا بهجوم على هجليج جوالي الواحدة ظُهراً حينما أتاهم الخبر من مِنطقة (الحمرات) حيث كانت بعض المجموعات تقوم بمُعالجة مشاكل روتينيّة في الآبار في هذه المِنطقة جنوبي هجليج، و بعد السّاعة الثّانية ظُهراً سمعوا بوصول قُوّات غازية جنوبيّة بعد أن هاجمت نُقطة حدوديّة تبعُد ما بين 8 – 9 كيلو متر من هجليلج. قبل وصولهم وصلت آليّات عسكريّة دبّابات و مُدرّعات وتاتشرات تابعة لقُوّاتنا المُسلّحة، وما جاءت بغرض الهجوم أو الدِّفاع بل كان هدفهم إجلاءنا من المنطقة، و إجلاء آليّاتنا، و بدأت تخرج و في معيّتها العُمّال و الموظّفون، فظّن جيش الجّنوب أنّه الهروب و الإنسحاب لدرجة أن دبّابة تابعة لجيش الحركة خرجت عن مجموعتها و تابعت طوف القُوّات المُسلّحة لدرجة قاربتهم فداروا حولها و غنموها بعد أن فرّ قائدها مذعوراً و تركها سالمة مُستسلما. قال لي مُحدِّثي يبدو أن ظنّهم بانسحابنا هو ما نقلوه لسلفاكير المسكين (و أظُنّه يضرب أخماساً في أسداس بعد هذا المقلب وما بين القوسين لي أنا لا لمُحدِّثي) و استبسلت القُوّات المُسلّحة في إجلاء رعايانا براً وكانت الشّجاعة و الفِداء في إجلاء الأجانب بمروحيّتين إلى منطقة (نين). ثُمّ تفرّغت بعدها لرد الصّاع صاعين و قد كان فعادت لهم بدءاً العربات الخفيفة (تاتشرات) و مُشاة ثُم أروهم أصناف الرّدع من بعد ذلك ففرّوا مولين الأدبار بعد أن جعل الله كيدهم في نحرهم. بعدها عادت الحياة لهجليج حيث أقسم لي مُحدِّثي أنّه الآن في ورديّته الليليّة، وووصف لي كيف أن الشباب قد أصروا على العودة و العمل لقهر دولة العدو ورد كيدها و إغاظتهم بمزيد من التّجويد و الإنتاج، حيث عاد كل من أجلوهم لمناطق (نين) و (كيلك) و أكّد لي أن جُملة المُصابين من قُوّاتنا الباسلة لم يتجاوز الأربعة، ليس من بينهم حالة وفاة حتى اللّحظة. سألته عن الجّو حاليّاً في هجليلج فأكّد لي إنّه جو حار للغاية لدرجة أنّك إن راهنت أحدهم على أن يأتيك بورقة شجر مُخضرة لكسبت الرِّهان. و لنُقارِن ذلك مع صُورة الكذّاب حمادة تش وهو يجلب لنا صُورة يظهر جليّاً عليها أنّها لجنود يلتقطونها للذّكرى و التّأريخ، و أحدهم يتدثّر بملابس شتويّة و الخُضرة تبدو من خلفهم ما يدل على أنّها أُخِذت في موسمٍ خريفي و نحن في صيف قائظ.
و أكّد لي مُحدِّثي وهو يُقسم أن إنتاجهم لليوم بعد أن ضاعفوا العمل يكاد لا ينقص عن إنتاج الأمس إلا بشيء غير ملحوظ بسبب التّوقف المُؤقّت بعد الهُجوم الإنتحاري الفاشِل.
إنتهت المُحادثة و هجليج آمِنة مُطمئنّة في قبضة قُوّاتنا الباسلة والله على ما أقول شهيد
| |
|
|
|
|
|
|
Re: عااجل .. صور من داخل هجليج و هي في قبضة قوات الحركة الشعبية .. صور (Re: محمد إبراهيم علي)
|
شكرا يا محمود الدقم على الصور والتي أثبت كذب وإدعاء محمد سليمان وعليه أن يعتذر فوراً عن هذا التلفيق وعلى بكري أن يسحب هذا البوست فوراً أو ينزله من صدر المنبر وهذه تشكك في مصداقية هذا الموقع ويجعله غير أمين في نقل الأخبار وعلى بكري أن ينتبه جيداً وأن لا ينجرف مع هؤلاء الكذابين المضللين. وشكرا للأخ علاء الدين على التوضيح الشافي والاتصال بهجليج لتبيان الحقائق
| |
|
|
|
|
|
|
Re: عااجل .. صور من داخل هجليج و هي في قبضة قوات الحركة الشعبية .. صور (Re: محمد إبراهيم علي)
|
Quote: وبما ان الصورة ملفّقة فهذا يعني ان بقية الصورة ملفّقة، احترامي. |
هاهاهاهاهاها والله يا محمد سليمان تشرب وما تروى في البوست ده جايب ليك صورة ملفقة من ملكال في دولة الجنوب وتقول دي من هجليج سبحانك ربي .. الآن عرفت كيف هي اتصالاتك مع الكونقرس ومع الأيباك والمنظمات الصهيونية ويا دوب عرفنا بالجد نوع التقارير القاعد ترفعها للأمريكان فربك يا جنى فربك إن شاء الله تجي داخل أم درمان بي دبابة أمريكية بعد ده
| |
|
|
|
|
|
|
Re: عااجل .. صور من داخل هجليج و هي في قبضة قوات الحركة الشعبية .. صور (Re: وليد محمد المبارك)
|
حمادة تش غايتو تِعبتا معاي تاني في المنبر دة تعب و المكبشر بلا بصل تاني ياني المباريك بيهو لأُريك منو الحيموص و منو الحيشرب يالك من كذّاب أفّأك مُفبرِك
قُلتا لي الصُّور إتّخدت السّاعة مساء الأمس من هجليلج؟
إتا كان ما بليد تجيب لينا عساكِر ملمّعين و بياخدو في صُور تذكارية وكمان واحد لابس ليهو سويتر برد في عِز الصّيف الحارق في هجليج كان ماك مُنافق؟
أها جاييك راجِع بي رووووقة
ــــــــــ شُكراً لكل من تصدّى لنِفاق و هوس هذا البائس ويا شماتة أبلة طراجي فيك يا حمادة تش
وليد: البوست بالكامل تمت كبشرته لنضع له كذبه و نفاقه دوماً أمام أعينه التي لا تتمنى إلا أن ترى الفناء و الموت للشّعب السُّوداني البطل
| |
|
|
|
|
|
|
Re: عااجل .. صور من داخل هجليج و هي في قبضة قوات الحركة الشعبية .. صور (Re: محمد قرشي عباس)
|
يا محمد قرشي
محمد سليمان ده كوز قديم ... طبعا فعايلو وتصرفاتو يوميا بتاكد الامر ده
المهم
الزول ده قبل كده بعد احداث جون قرنك قال كلام سخيف وبشارات حاقدة زي الطرشها هسع دي
وبعد ما حدثت الهجمة المرتدة صحبة لحس كلامو
مشكلتنا ما حفظناهو .. لكن حفظناهو في ريسينا ديل
اها تااااااااااااااااااااااااني الليلة صحبك سايقاهو ام فريحانة جاي يلف الكلام ده اها الدور ده بنحفظها
| |
|
|
|
|
|
|
Re: عااجل .. صور من داخل هجليج و هي في قبضة قوات الحركة الشعبية .. صور (Re: وليد محمد المبارك)
|
Quote: اموس يدلين رئيس جهاز الاستخبارات العسكرية الإسرائيلية :
"لقد أنجزنا في السودان عملا عظيما للغاية فقد نظمنا خطا لإيصال السلاح للقوى الانفصالية في جنوبه ودربنا العديد منهم وقمنا أكثر من مرة بأعمال لوجستية لمساعدتهم ونشرنا هناك في الجنوب ودارفور شبكات رائعة وقادرة للاستمرار في العمل إلى ما لا نهاية ونشرف حاليا على تنظيم الحركة الشعبية هناك وشكلنا لهم جهازا أمنيا استخباراتيا". قصدنا في تل أبيب أحد ممثلي حركة تحرير السودان التي يتزعمها عبد الواحد أحمد نور. |
المصدر ابو ساندرا معارض قدر الليلة وبكره
ونشرنا هناك في الجنوب ودارفور شبكات رائعة وقادرة للاستمرار في العمل إلى ما لا نهاية اها ديل ياهم ناس محمد سليمان
| |
|
|
|
|
|
|
Re: عااجل .. صور من داخل هجليج و هي في قبضة قوات الحركة الشعبية .. صور (Re: وليد محمد المبارك)
|
Quote: عااجل .. صور من داخل هجليج و هي في قبضة قوات الحركة الشعبية .. صور |
بعد ان تم فضح التلفيق فى هذا البوست
يبقى ضرورة دراسة دلالات العنوان
لاحظوا قوات الحركة الشعبية ( ما المقصود بها) كتبت هكذا للتمويه حتى اذا سأل سائل يقال له التابعة لجناح الشمال. ومن حقنا ان نسأل صاحب البوست ومن والاه عن ابتهاجهم بهجوم جيش دولة على السودان ما هو مغزى هذا الابتهاج . ومن حقنا ان نسأل لماذا يصفون الجيش الوطنى السودانى بجيش حزب المؤتمر الوطنى ونحن نعلم تماما ان المؤسسة العسكرية تضم افرادا من شتى المنابت والاصول السودانية وغير منتمين الى الاحزاب وغير متحزبين حتى على مستوى هيئة الاركان المشتركة .
الاخ المهندس بكرى بقدر المستطاع يرجى المحافظة على مصداقية المنبر
| |
|
|
|
|
|
|
Re: عااجل .. صور من داخل هجليج و هي في قبضة قوات الحركة الشعبية .. صور (Re: محمد حامد جمعه)
|
غايتو اسوأ حاجة في البوست ده محمد سليمان - عنصري لدرجة القبح علاء الدين يوسف - منافق لدرجة قف محمد حامد جمعة - بياع كبير باع اهله للمجد الشخصي والاسوأ منهم جميعا من ادرج صورا مزورة يدعم بها سقوط هجليج في ايدي غير معروفة .... بهذه الطريقة الصومال حا تبقى احسن من السودان بعد اقل من ست اشهر .....
اصبحت اشك في ظلي واكره اي سوداني ...... عيب عليكم البتعملوه ده ... لا عندكم دين لا عندكم حياء ولا حتى خجل .... كرهتونا السودان بعمايلكم كلكم دي .... وليد شكلك حا تلحق واحد من المعسكرات الفوق دي .... اعمل حسابك يا شفت .... نحنا ( واقصد بها من يحبون السودان بدون كفيل ) لينا الله فقط الله وحده لا شريك معه ..... خسئتم وخسء وطن يضمكم جميعا .... قرف عليكم واحد واحد
| |
|
|
|
|
|
|
Re: عااجل .. صور من داخل هجليج و هي في قبضة قوات الحركة الشعبية .. صور (Re: Osama Mohammed)
|
برغم الزعيق يبقي السؤال: هل هجليج في يد جيش اللمؤتمر الزطني العنصري .... أم في يد جيش دولة جنوب السودان...
اليوم الثلاثاء .. قصفت طائرات المؤتمر الوطني أبار النفط في داخل دولة جنوب السودان (ولاية الوحدة) ... المتوقع أن تكون كل آبار البترول في جنوب كردفان و جنوب دارفور أهداف عسكرية إستراتيجية ....
(من المبكر جدا تكالب الزاعقين ) ....
هذه هي فقط بداية الحرب .....
(حترجعوا تركبوا حمير ) ...
| |
|
|
|
|
|
|
Re: عااجل .. صور من داخل هجليج و هي في قبضة قوات الحركة الشعبية .. صور (Re: هاشم نوريت)
|
هاشم نوريت:
Quote:
ارض جميلة معطاءة ربنا يهدء النفوس ويستقر السلام لكى ينعم السودان من نمولى الى حلفا بهذه الموارد وعلينا نقف صدا منعيا لمثيرى النعرات والعنتريات الفارغة لانهم امراء حرب يجنون من وراءها الاموال
|
نعم إنها أرض جميلة و معطاءة ... لكن من هو المستفيد من عطائها؟؟ أليس هو من يزعق هنا بينما أهلها لا يحق لهم حتي العمل كغفر في أبار البترول؟؟!! أليست هي نفس القصة القديمة المتجددة : الغريب الذي يأتي من بلاد بعيدة يقتل المواطنين و يبيدهم و ينهب خيرات هذه البلاد؟؟ الغريبة ليس في الغريب الذي يمص الدماء و الموارد .... الغريبة في وجود مستلبين أصحاب الأرض وسط هذه الجوقة الزاعقة ... و أهلهم يسرون حفاة عراة و لم يتكرم الناهب الخيرات ببناء مدارس أو شوارع ظلط كتلك التي بنيت من ريع بترولهم (شريان الشمال ).... لماذا لا يأتي هؤلاء و يحاربون في جنوب كردفان بدلا من إرسال المهمشين المقبوض عليهم بكشّات في شوارع السوق العربي بالخرطوم؟؟
النعرات القبلية يا هاشم نوريت هي واقع مفصّل في الخرطوم حيث هناك أمتين تعيشان في عاصمة واحدة: المستفيد من ريع هذه الأرض ... و الآخر الذي يعيش في الحزام الأسود في أطرافها...
كما قلت ... الآن الحرب تدخل مرحلة مهمة ... الجنوب ينتقل أكثر نحو الشمال .....
و إنها مسألة وقت فقط حتي يدفع مصّاص الدماء الثمن.....
| |
|
|
|
|
|
|
Re: عااجل .. صور من داخل هجليج و هي في قبضة قوات الحركة الشعبية .. صور (Re: Mohamed Suleiman)
|
خلونا بلا صور بال استهبال معاكم.....
حسه يا محمد قرشي الصرفته لينا عربي قدر الليله وبكره
اها طلعت هجليل في قبضة منو؟!
جوك بيونق كتبها لكم واضحه هجليج في قبضتنا
ومافي مخارجه ثاني؟!
ويا محمد قرشي الا تعرف انه صديقك في مناطق العمليات وعليه ان
يرد عليك حسب توجيهات العسكرين؟! يعني فاكره بيقدر يقول لك الحقيقه؟!
يبقى ما بتعرف عمليات يعني شنو؟!
البي بي سي اعلنت قصف حكومه الانقاذ لحقول النفط بهجليج؟!معناتها شنو؟!
معناتها هي في قبضة حكومة الجنوب؟!
اها يا علي جلاس خليك من تراجي ومحمد سليمان
وين اختنا جليله خميس المعتقله بزنازينكم؟! لما تعرفها وين حتعرف لاي وطن نحن ننتمي؟!
Quote: ده الكلام الما فيه لعب والسؤال الي أي وطن ينتمي محمد سليمان وتراجي وكل مخازن الأحقاد؟؟؟؟؟؟؟؟؟؟؟؟؟؟؟؟؟؟؟؟؟؟ |
قال السؤال قال؟!
اها لعلك عرفته الاجابه؟!
| |
|
|
|
|
|
|
Re: عااجل .. صور من داخل هجليج و هي في قبضة قوات الحركة الشعبية .. صور (Re: حاتم محمد حاج المهدي)
|
Quote: ويا محمد قرشي الا تعرف انه صديقك في مناطق العمليات وعليه ان
يرد عليك حسب توجيهات العسكرين؟! يعني فاكره بيقدر يقول لك الحقيقه؟!
يبقى ما بتعرف عمليات يعني شنو؟!
|
يا تراجي مصطفى
صديقي ما عسكري و لا بيأتمر بالعسكريين مدني عادي يعمل كغيره بشركات البترول بحثا عن الرزق
محمد سليمان جاب صور ثبت تلفيقها و أنا جبت ليك شهادة من داخل الحدث نفسه
ما معقول نقعد نتغالط في بديهيات !! أنا من الناس القضوا خدمتهم القسرية بالعمليات و خدمت الناس هناك من واو لراجا لأويل ما خليت لي مركز صحي و لا مستشفى إلا و مشيتها و ما كان مطلوب مني ده أساسا !!
عالجت ناس من أهلنا الجنوبيين ما حصل شافوا ليهم دكتور في حياتهم و عشت معاهم أجمل أيام عمري رغم الحرب و المعضلة المورطين فيها كلنا
ما ممكن تجي إنت القاعدة بره السودان و بجرة قلم تحددي لي أصدق منو و لا أنا ما بعرف شنو صديقي ده من نبرة صوته بعرفو مالو .. عشرة عمر !!
بعدين من الآخر كده : نشرة أخبار السودان نقلت بث مباشر من هجليج الليلة أها .. ديل كمان شغالين بتعليمات ولا شنو ؟؟!!
تحياتي
_________________________________________________________ كسرة ..
Quote: خلونا بلا صور بال استهبال معاكم.....
|
تلخيص جيد للبوست
| |
|
|
|
|
|
|
Re: عااجل .. صور من داخل هجليج و هي في قبضة قوات الحركة الشعبية .. صور (Re: محمد قرشي عباس)
|
يبقى علي القول بأنني حزنت جدا لقصف الجنوب بالذات بعد تأمين هجليج و السيطرة عليها
هذه الحرب بغض النظر عن الباديء فيها و حيثياتها لن تخدم سوى المؤتمر الوطني و الجناح الغبي و المتشدد فيه تحديدا و ستجر شعب الشمال و الجنوب لمآسي جديدة ..
للأسف مثل هذا التهليل لإعتداء دولة على أخرى مهما كانت مبرراته سيؤدي لتغييب صوت العقل الرافض لتصفية الحسابات السياسية عبر الحرب
أخطأ الجنوب بشن الهجوم مهما كانت المبررات و قد كاد السلام أن يحل بحرياته الأربع و أخطأت الحكومة (أو تعمدت) بتصعيد العمليات العسكرية ضد الجنوب لأن الحرب لن تحل المشكلة و أخطأ محمد سليمان بتجييش السودانيين ضد جارتنا التي كانت جزءا من الوطن قريبا
بأي حال من الأحوال لن يهلل الشعب السوداني بمركزه و هامشه لأي إحتلال من دولة أخرى و سيؤدي الخطاب المضاد الداعم للجنوب لهزم قضية المظلومين كلها بالمركز و الهامش إذ وجد الكيزان أخيرا بديلا جيدا لخطاب الدين و العنصرية .. للأسف !!
| |
|
|
|
|
|
|
Re: عااجل .. صور من داخل هجليج و هي في قبضة قوات الحركة الشعبية .. صور (Re: محمد قرشي عباس)
|
محمد قرشي عباس:
Quote: ما معقول نقعد نتغالط في بديهيات !! أنا من الناس القضوا خدمتهم القسرية بالعمليات و خدمت الناس هناك من واو لراجا لأويل ما خليت لي مركز صحي و لا مستشفى إلا و مشيتها و ما كان مطلوب مني ده أساسا !!
عالجت ناس من أهلنا الجنوبيين ما حصل شافوا ليهم دكتور في حياتهم و عشت معاهم أجمل أيام عمري رغم الحرب و المعضلة المورطين فيها كلنا
|
بالله ده كلام يقولوا سوداني عن الجنوب و كأننا ما عارفين تاريخ العنصرية التي يبجح بها مثلك و كمان دكتور؟؟ ألم تسأل نفسك لماذا أهل الجنوب لم يروا دكتورا في حياتهم .. و تأتي أنت مبعوث الرحمة من دولة أبارتيد السودان لتتكرم عليهم بالعلاج؟؟ هل تدري يا دكتور الآن الجنوب يعج بأبنائها المتعلمين في شتي التخصصات الذين و كغيرهم من كوادر الهامش لم يجدوا فرصة العمل كمواطنين في السودان الشمالي أو مورست ضدهم التفرقة العنصرية اللعينة من محاسيب أمثالك ؟؟!! يا أخي الخواجة الإنجليزي المستعمر كان خيرا بالهامش مليون مرّة ... فهو لم يسيّر جيوش إبادة تحرق و تقصف و تستخدم الإغتصاب كسلاح ؟؟؟ دولتك يا دكتور هي دولة طحلب تعيش علي موارد الهامش ... لذلك نري تكالبكم و عويلكم علي الهجليج و أوجابرة و المجلد و بشاير و كل مناطق الهامش ... هناك حقيقة (برغم كلامك اللزج عن لعنك لنظام الإنقاذ): البشير هو هتلر السودان و هو رئيس لفئتك أنت فقط .... حتي من تراهم هنا من المستلبين من الهامش .. هم يدركون أن أهلهم قد ساءت أحوالهم في ظل هذه الحكومة و كل الحكومات المركزيّة ... عكس ما كان اهلهم زمن الإنجليزي المستعمر ..... و هناك حقيقة أخري: برغم هذا الزعيق ... فإن ثورة الهامش مستمرة لتلحِق دولة أبارتيد بمثيلتها : دولة النازية و دولة أبارتيد جنوب أفريقيا.
Quote:
و سيؤدي الخطاب المضاد الداعم للجنوب لهزم قضية المظلومين كلها بالمركز و الهامش إذ وجد الكيزان أخيرا بديلا جيدا لخطاب الدين و العنصرية .. للأسف !!
|
ألم أقل لك أنه لا فرق بينك و بين العنصريين الآخرين ... فقط ربما بضع ملمترات من الجلد المغلف للعنصرية فوق السطح؟ هل تعتقد أن المظلومين ينتظرون مثلك ليقتنع و يصحو ضميره فيضع حدا للظلم العنصري المقنن؟؟ لا .... الثورة ماضية ...... و الدليل أنها تزداد نموا هو قربها لتهديد مصالحكم الحيوية .... (البترول يستخدمه جيش مليشيا دولتك للفتك بأهل الهامش ... من دارفور الي الأنقسنا).
| |
|
|
|
|
|
|
Re: عااجل .. صور من داخل هجليج و هي في قبضة قوات الحركة الشعبية .. صور (Re: ود الباوقة)
|
يا محمد سليمان ياخ بصراحة حركتك دي إستفزازية عديل كدا .. ما ممكن ياخ لما تكذب تكون كذبتك هشة ومكشوفة بالطريقة المستفزة دي إتا زول قاعد تكتب هنا لناس كبار وعندهم على الأقل الحد الأدني من الفطنة والمفروض لما تجىء تفكها تجتهد في الحبكة شوية إحتراما لعقولنا ياخ . غايتو لو منك كان أول حاجة إستعنت بخبير فوتوشوب جلبط لي وشوش العساكر الفوق دا وعمل حركة بتاعت شوية غبار في الجو وكم كوم حريقة هنا وهناك مع عربية تاتشر مقلوبة على جنبها وطالع منها الدخان.. لكن تجيبم لينا واقفين لصورة تذكارية عديل كدا فدي والله حقارة وإستهتار بشوية النباهة الفي دقنوسنا دي وتستحق بى سببا أن يقاطعك المنبر كلو أعضاء وقراء لغاية ما تحترم الناس بى كذبة معقولة .
| |
|
|
|
|
|
|
Re: عااجل .. صور من داخل هجليج و هي في قبضة قوات الحركة الشعبية .. صور (Re: الشفيع وراق عبد الرحمن)
|
Quote: إنت عارف يا علاء ... ما تتخيل كميّة المصداقية التي أهديتها لهذه الصور ... أولا أنا عارفك إنت بتاع كمبيوتر (كتيبة الجهاد الإلكتروني ) .... و اكيد أول حاجة عملتها .. chكيت .. ( checked) تواريخ الصور (ديجيتا) و اوقات تصويرها .. و طبعا لقيت الصور مأخوذة اليوم ... و كمان الساعة خمسة عصرا .... |
Quote: الصور مأخوذة اليوم ... و كمان الساعة خمسة عصرا ... |
كتب اخونا الدقم، مشكوراً
Quote: الصورة اعلاه اخذت في 13مارس 2011 بمدينة ملكال |
ثم كتبت تراجي:
Quote: خلونا بلا صور بال استهبال معاكم..... |
والله حتى ولو سقطت هجليج، فسقوطك كان اكثر دوياً نحمد الله ونشكر فضله ان فضحكم على الملأ والخلائق
| |
|
|
|
|
|
|
Re: عااجل .. صور من داخل هجليج و هي في قبضة قوات الحركة الشعبية .. صور (Re: محمد الامين احمد)
|
كتب حمادة تش الكضّاب المُزوِّر المفبرِك ليضحك على عقول القُرّاء و يُوهِمهم بأن الجّيش الشّعبي التّابع لدولة العدو الجّوبي قد إحتل هجليج ليُثبِّط المعنويّات و يُثبِّت مبدأه في عِشقه لإراقة دماء شعب الشّمال الذي لا يتمنى إلا فناءه، كتب العنوان الآتي مصحوباً بصورة من أرض هجليج (المُحتلّة) كما أراد أن يُسوِّق:
و كُنّا نعلم و لمعرفتنا بِما يُخرجه دوماً من كيره النِّتِن و مُنذ اللّحظة الأولى أنّ خبايا نفس الرّجُل العُنصري الحاقد الأمّارة بالسُّوء قد نوت التّلاعُب بأعيُن الأعضاء و القُرّاء و إيهامهم بهزيمة جيشنا الباسل كما يتمنّى و يعشق و يحلم دوماً في غقوتِه الـزلُّوطـيـّة
فجاء و كعادته عديم الحيلة يصُفنا بالجّقلبة و يُحاول حتّى إيهام نفسه بأنّه قادر على تمرير فبركاته و أكاذيبه و مُحاولاته الرّخيصة للنّيل من هيبة وسيادة جيش السُّودان الباسِل و دولته الأبيّة العصية على أمثاله من الخونة و المأجورين و المارقين
حتّى جاءه الخبر اليقين من أحد أعضاء المِنبر المُحترمين (محمود الدُّقُم)
و عُرِف مصدر صُورِته المفبركة، وإذا ما عُرِف السّبب بطل العجب فالعُنصري الحاقِد على استعداد لإراقة المزيد من ماء وجهه و مُمارسة الكذِب و التّضليل و المزايدات الرّخيصة و الأفعال الإنسان رخيصة و التّهديد و الوعيد وتغبيش الصُّورة على أرض الواقع لنيل مآربه الخبيثة التي لن يطالها إلا في أحلامه الـزلُّوطـيـّة وهذا حاله مُنذ انضمامه للمنبر و سيظل
هذه المُداخلة ستُلاحقك في كُل بوستاتك المهبِّبة
| |
|
|
|
|
|
|
Re: عااجل .. صور من داخل هجليج و هي في قبضة قوات الحركة الشعبية .. صور (Re: nazar hussien)
|
محمد سليمان ( باللاتيني ) :
حاسس و الله بـ ( عسر هضمك ) و متعاطف معاك للنهاية .. انت داير ليك طن من الاينو .. او الأندروس الزمااااان داك .. من ( البلع ) البلعوك ليه الجماعة هنا .. من هؤلاء أو اولئك .. و قالو البوست منقول للربع الجاي .. هاهاهاهاهاها غايتو .. سردب ساااااااي و ألبد .. عارفك ممسوخ .. بس ألبس ليك جلد ورل و اعمل نايم .. الشعب السوداني دا ترا طيييييييب .. و نسااااااي . ما تسمع كلام المتفلسفين ( التاريخ لا ينسى) و هاتيك العبارات .. برضو ما بسجل كل شي ..
أديها لبدة كدا اسبوعين و تعال مارق .. بس بدون صور ..
فتك عافية
| |
|
|
|
|
|
|
Re: عااجل .. صور من داخل هجليج و هي في قبضة قوات الحركة الشعبية .. صور (Re: Mohamed Suleiman)
|
محمد سليمان ..
طبعا بإعتبارك تلميذ بشاشا الحريف برضو بتتبع خطاه في المغالطة المنطقية المشهورة straw man argument
في مكان تاني ممكن أجي أحللها ليك و أوري الناس حرفنتك دي لكن حاليا هي طبعا مراقة من فضيحتك في البوست ده فقطعا ما حأديك فرصة تمرق بالدو من زنقتك دي !! (بالتأكيد ما بيهمني الدفاع عن نفسي قدامك إنت تحديدا كان قلت عنصري و لا نازي عديل)
بس كلامك ده فيه نقطة مهمة جدا جدا ..
Quote: (البترول يستخدمه جيش مليشيا دولتك للفتك بأهل الهامش ... من دارفور الي الأنقسنا)
|
دولة السودان هي فعلا دولتي و دولة الشفيع و عقار و الشهيد خليل و غيرهم نسبك للدولة لنا و ليس لك زلة لسان تكشف وعيك السياسي تماما !! أنا ما بفترض الغباء في المتصدي للشأن السياسي و البتعمل فيه ده من الواضح إنه محاولة لحشر كل أطياف السودان في مربع واحد و دفعهم للتماهي مع النظام الديكتاتوري الحالي و تاريخ السودان المعاصر
قطعا الهدف ليس السعي لوطن حر موحد و ديمقراطي و عادل بل هو السعي لإقتطاع دويلة جديدة و تبوء مركز ما فيها و في هذا أشهد لك بالحنكة السياسية تماما !!
بس يؤسفني أبشرك بأن التاريخ سيتغير و الوطن الحر سيأتي و الأجيال الجديدة ستنجز الحلم الكبير خصما على كل التاريخ كما فعلها الأفروأمريكان بأمريكا و الجنوب أفريقيين على قارتنا السمراء و ستنتهي كتاباتك كتأريخ يدرس على اللؤم السياسي المتمسح بالمباديء
و تعسا لها من تركة مستقبلية ..
_________________________________________ طبعا لو إفتراضي بذكائك و إنك عارف روحك بتعمل في شنو طلع غلط فتقبل إعتذاري لكونك مجرد أهوج سياسي لا يتمتع بالـ common sense
| |
|
|
|
|
|
|
|