|
|
|
 Re: الـحـقـو مُـسـتـشـفـى عـطـبـرة ... ضـب فـي بـطـن الـمـريـض ... (Re: معاوية المدير)
|
بنت أُختي بعد أن أكملت سني دراستها في كُلية الطب،
تمّ إستيعابها في مستشفى عطبرة، فحكت لي هذه البلِيّة
الشريرة التي أضحكتني من شِدّة شرها.
كان مسرح البليّة الشريرة غرفة العمليات بمستشفى عطبرة،
حيث كان المريض مستلقياً علي ظهره فوق طاولة العمليات،
وفي حالة تخدير كاااااملة. يعني ما جايب خبر للحاصل حوالينو،
والباقية عليهو. الطبيب الذي سيقوم بإجراء العملية والتيم المساعد
من ممرضين ومُحضري عمليات في غاية الإستعداد، والعِدة كلها
جاهزة.
غرفة العمليات في حالة كاملة من الجِديّة. العملية عملية فتح بطُن
ومافي أيّ مجال للهزار. المُساعد ناول الجرآح المشرط، والجرآح
قال بسم الله وكررررررر، راح فاتح بطن المريض وراح يعالج في
موطن الداء. بطن المريض فاتحة مُشرع، والمكان كله دماء وكل
أعضاء التيم منهمكين في العمل.
وفجأة !!!
| |
 
|
|
|
|
|
|
|
 Re: الـحـقـو مُـسـتـشـفـى عـطـبـرة ... ضـب فـي بـطـن الـمـريـض ... (Re: معاوية المدير)
|
فجأة ...!!!
من سقف غرفة العمليات ضب جُنبُلُغ وقع في بطن المريض، والظاهر
لما شعر بلزوجة المكان، أخد ليهو كم تفحيطة كدا في بطن المريض
وسط دهشة التيم البيعمل في العملية وتلّب من الطاولة في البلآط، وراح
فاتح طيران في أرجاء الغرفة. بعد أن فاق أعضاء التيم من الدهشة
التي عقدت لسناتهم، دخلوا في مطاردة عنيفة جداً مع الضب في أنحاء
الغرفة تاركين المريض وشأنه لتنتهى المطاردة بإنقشاط الضب في
جُحُر في أحد أركان غرفة العمليات، فرجع التيم بخُفي حنين ليواصل
العملية.
والله صحي...
| |
|
|
|
|
|
|
|
|
 Re: الـحـقـو مُـسـتـشـفـى عـطـبـرة ... ضـب فـي بـطـن الـمـريـض ... (Re: Ahmed al Qurashi)
|
والله يا معاوية ولأني من عطبرة وبربر بصدق الرواية دي وماخفي اعظم
مستشفي عطبرة ومستشفي بربر عبارة عن كوشة بتاعت اوساخ والاطباء الشغالين فيهن انا ما عارف قاعدين كيف؟ خليك من المرضي
واحد حلفاوي قال وزير الصحة دا اي زول زهجان منو بيقول ليهو امشي انتظرني هناك
ولو شفتو غرفة الانعاش؟
والله تحيرك غايتو غير مكيف عطلان وانبوبة هواء مصدية مافيها حاجة
غايتو الزول لو عيان ومشي هناك الا قنعان من روحو
ونوعية الدكاترة زاتا تحيرك النوع داك البقول ليك مشي الفطور
كمية ممن الديناصورات
الله يستر غايتو
| |
|
|
|
|
|
|
|
|
 Re: الـحـقـو مُـسـتـشـفـى عـطـبـرة ... ضـب فـي بـطـن الـمـريـض ... (Re: بكري الخير)
|
Quote: ههههههههههه
الحمد لله مادخل في جخانين البطن الكتيرة دي وخاصة المصارين
كان لليوم يفتشوا فيه وما يلقوه
يا معاوية أخوي دي حجرة عمليات ولا تٌكل
مودتي |
سلآمات يا دكتور أحمد.
المصارين هيّنة، يا أخي دا كان إنقشط في أُم فِت فِت،
إلا كان يدخلولو شطة وليمون.
جخانين: جمع جخنون وهو المارقون.
تُكُل: مُفرد تَكَلَة وهو الخُس.
تمّ شرح المفردات مراعاةً لناس البندر،
وحاملي الشهادات العربية.
كامل مودتي أخي أحمد...
| |
|
|
|
|
|
|
|
|
|
Re: الـحـقـو مُـسـتـشـفـى عـطـبـرة ... ضـب فـي بـطـن الـمـريـض ... (Re: بكرى اللبيب)
|
ألأخ/معاوية المدير السلام عليكم.
ضب فى بطن مريض..مقص .شاش معقولة..بلادى تفقد المقومات الدنيا من الصحة وبالطات فى ألأقاليم..صرصور قطة ضب فأر .والله دى مصيبة..على ألأقل غرفة العمليات دى تكون نظيفة ومهتمين بيها.
دى أرواح ناس مالعب.
Quote: والله صحى التكل ذاتو نادر مايقع ضب جو حلة الملاح ....
حاجة محزنة الاخ معاوية وآ آسفى على التدهور الوصلت ليهو مستشفيات الوطن.. |
ألأخت نجاة لك التحية...ممكن يكون وقعوا ريحة البنج حقوا يمسكوا الضب ذاتو يعملو ليهو عملية فى راسو ده..
تقديرى وإحترامى للجميع.
| |
|
|
|
|
|
|
|
|
|
Re: الـحـقـو مُـسـتـشـفـى عـطـبـرة ... ضـب فـي بـطـن الـمـريـض ... (Re: معاوية المدير)
|
Quote: مستشفي عطبرة ومستشفي بربر عبارة عن كوشة بتاعت اوساخ والاطباء الشغالين فيهن انا ما عارف قاعدين كيف؟ خليك من المرضي
واحد حلفاوي قال وزير الصحة دا اي زول زهجان منو بيقول ليهو امشي انتظرني هناك
ولو شفتو غرفة الانعاش؟
والله تحيرك غايتو غير مكيف عطلان وانبوبة هواء مصدية مافيها حاجة
غايتو الزول لو عيان ومشي هناك الا قنعان من روحو
ونوعية الدكاترة زاتا تحيرك النوع داك البقول ليك مشي الفطور
|
سلآمات يا بكري.
ذكرتني.
عارف، مرّة وآحد من أهلنا ناس الباوقة عيان وحولوهو مستشفى
عطبرة. أها، راح قابل الدكتور ورجع البيت. الوالدة الله يرحمها
ويرحمو، قالت لو: مشيت قابلت الدكتور ؟؟؟
قال لها: أيّ.
قالت لو: أها، الكتور قالك شنو ؟؟؟
قال لها: قال لي أمش قابل الجرآح !!!
قالت لو: أها، ومشيت قابلت الجرآح ؟؟؟
قال لها: لا !!!
قالت لو: لييه ؟؟؟
قال لها: يا بت همزة إنت جنيتي، بمشي اقابل الجرآح عشان يجرحني !!!
تعرف بعد فترة أنا إكتشفت إنوا قريبنا
دا كان حويّط جداً، جداً.
تحياتي...
| |
|
|
|
|
|
|
|
|
 Re: الـحـقـو مُـسـتـشـفـى عـطـبـرة ... ضـب فـي بـطـن الـمـريـض ... (Re: معاوية المدير)
|
Quote:
دي مش ياها المسشتفى ذاتا الإشتغل فيها بتاع الركشة داك طبيب لمدة سنة
حكايتكم شنو كل مرة ناطي ليكم واحد
الله يكون في عون الأهل في عطبرة |
سلآمات يا محمد علي.
ياها المستشفى زااااااتا الإشتغل فيها الطبيب طيّب الذِكر.
والزول اب عيوناً منططات دا يا هو الطبيب المعني.
نسأل الله ان يجعل إجتهادوا في ميزان حسناتو.
عليك الله ما كتّر خيروا القبِل يشتغل في مستشفى زي دي.
الحادثة دي تنم وتدل علي تفرّد لا يمكن تجدوا غير في
السودان، فهو البلد الوحيد الذي يمكن ان تجد فيه مثل هذه
الظاهرة التي يمكن أن نتحدى بها بقية بلدآن العالم.
مودتي...
| |
|
|
|
|
|
|
|
|
|
Re: الـحـقـو مُـسـتـشـفـى عـطـبـرة ... ضـب فـي بـطـن الـمـريـض ... (Re: معاوية المدير)
|
| Quote: نسأل الله ان يجعل إجتهادوا في ميزان حسناتو. |
ههههه
يا ود المدير وقوع الضب دا قضاء وقدر
لكن تقول شنو في الدكاترة البنسوا ويسرحوا؟
عان زي دا
في إجازتي الفاتت قلت لصاحبي عاوز أمشي لطبيب أسنان
قال لي نصيحتي ليك أوووعك تغمت ساعت القلع وشيل معاك مراية من البيت (:
قلت ليه لييه؟ قال لي كان عندي ضرس حاميني النوم شهور
وعشان بخاف من القلع كنت زايغ من حكاية الدكتور دي
ناس البيت لمن زهجو من آخ آآآخ كل يوم قالوا لي أمش أقلعوا عشان نقدر ننوم (:
قال لي لمن بقى ما في حل إتشجعت ومشيت وقلعوا لي الضرس
لمن صبحت الصباح لقيت الألم لسة في حالو، عاينت في المراية لقيت الدكتور قلع الضرس الجنب المسوس (:
| |
|
|
|
|
|
|
|
|
 Re: الـحـقـو مُـسـتـشـفـى عـطـبـرة ... ضـب فـي بـطـن الـمـريـض ... (Re: Ashraf el-Halabi)
|
Quote: والله صحى التكل ذاتو نادر مايقع ضب جو حلة الملاح ....
حاجة محزنة الاخ معاوية وآ آسفى على التدهور الوصلت ليهو مستشفيات الوطن.. |
سلآمات أُختي نجاة.
التدهور أُختي نجاة طال كل مرافق الوطن وتخطاها للمواطن في
ذآت نفسه حيث أصبح المواطن لا قيمة له.
تصدقي،
بت أُختي دي زآتا حكت لي حكاية حدثت في مستشفى عطبرة أغرب من
الخيال.
في عطبرة عندنا الكهرباء كانت دائماً تقطع، فحكت لي إنه في أثناء إجراء
عملية لمريض الكهرباء قطعت فجأة، وصارت غرفة العمليات تسبح في
الضلآم، فما كان من الدكاترة إلا الإستعانة بموتر فسبا تابع لأحد الدكاترة.
دوروهو ووجهوا النور داخل غرفة العمليات وواصلوا.
قلت ليها، والله العظيم حِلآقة ما ممكن يتموها بنور فسبا، خليك من عملية.
بكل أسف أُختي نجاة الحزن أصبح هو المسيطر.
تُرى أين يتعالجون ويعالجون فلزآت أكبادهم ؟؟؟
مودتي...
| |
|
|
|
|
|
|
|
|
|
Re: الـحـقـو مُـسـتـشـفـى عـطـبـرة ... ضـب فـي بـطـن الـمـريـض ... (Re: معاوية المدير)
|
Quote: جخانين: جمع جخنون وهو المارقون.
تُكُل: مُفرد تَكَلَة وهو الخُس.
|
والمعنى واضح..
يا عملات عبدالله الطيب
بعدين آجنا المَدير، الأخ ده
قصتو كانت حايمي هني وانا ما جبلها خبر؟
-
والله يا معاويه آخر مره شفت فيها مستشفى عطبره، في زياره للصديق د. السر بيْن، أوايل التمانينات..
يعلم الله كانت من أنضف ما يكون..
هسّع بعد القريتو وشفتو في مقطع الفيديو، ما أكعب ملاها إللِّي مستشفى الباوقه..
نسأل الله السلامه ياخ
| |
|
|
|
|
|
|
|
|
Re: الـحـقـو مُـسـتـشـفـى عـطـبـرة ... ضـب فـي بـطـن الـمـريـض ... (Re: Ahmed al Qurashi)
|
Quote:
لاول مرة اشعر بصعوبة التعليق علي موضوع مهم نضحك ام نبكي علي الحال
ربنا يلزم اهلنا الصبر و يعطيهم الصحة و العافية |
سلآمات يا حاتم.
يا حاتم أخوي أهلنا ديّل كان بقت علي الحكومات كان عِدموا
نفاخة النار. لكن ربنا كريم. المصايب الحاصلة ما تديك الدرب.
مرّة مشيت مستشفى بحري عندنا حبوبتنا كانت رآقدة. يا زول
لقيت لك العنبر متروس نسوان، والعيانات كل إتنين في سرير.
لآحظ مع تنوع المرض، وفيهِن المرضا مُعدي. الجايات زيارة
مترصات معاهن فوق العناقريب، والعنبر ما فيهوا لا ممرضة،
لا سِستر لا يحزنون. إتعجبت في الحاصل، وعامل فيها حريف
مشيت اتبرا أحكي لآهلي الشفتو وإنوا السرير مرقدين فوقو
اكتر من مرا. كان نطت أُختي قالت لي، وحات الله أنا القدآمك
دي رقدوني في مستشفي عطبرة عيانة. كان بعد شوية جابوا
راجل مرضان رقدوهو معاي في نفس السرير. قتلهم يهوووون
الله، كمان جانا دا ؟؟؟!!!، وقمت إتنفضت وخليت مرضي وعليك
يا أهلي.
أها شُفت نفر دا يا حاتم ؟؟؟
تحياتي...
| |
|
|
|
|
|
|
|
|
|
Re: الـحـقـو مُـسـتـشـفـى عـطـبـرة ... ضـب فـي بـطـن الـمـريـض ... (Re: معاوية المدير)
|
Quote: بعد أن فاق أعضاء التيم من الدهشة
التي عقدت لسناتهم، دخلوا في مطاردة عنيفة جداً مع الضب في أنحاء
الغرفة تاركين المريض وشأنه |
هم لكن فى الحالة دى يجروا ورا الضب واللا يطهروا بطن المريض قبل إنتشار الجراثيم والبكتيريا والفايروسات التى محتمل يكون شايلها معاه السيـد الضب، ويعيدوا تعقيم الغرفة وأدوات الجراحة..
مافى زول فى السودان بيعرف شغلـه؟
فى جهة اسمها أنيمال كنترول (او ايا كان اسمها) هى المسؤولة عن سك الثعابين والضببـة. الأطباء فى وسط العملية، والمريض فى life support ، وهم يسكوا ضب فى الحجرة زى الشفـع.
| |
|
|
|
|
|
|
|
|
|
Re: الـحـقـو مُـسـتـشـفـى عـطـبـرة ... ضـب فـي بـطـن الـمـريـض ... (Re: معاوية المدير)
|
Quote: في عطبرة عندنا الكهرباء كانت دائماً تقطع، فحكت لي إنه في أثناء إجراء
عملية لمريض الكهرباء قطعت فجأة، وصارت غرفة العمليات تسبح في
الضلآم، فما كان من الدكاترة إلا الإستعانة بموتر فسبا تابع لأحد الدكاترة.
دوروهو ووجهوا النور داخل غرفة العمليات وواصلوا.
قلت ليها، والله العظيم حِلآقة ما ممكن يتموها بنور فسبا، خليك من عملية. |
آآآآخ يامعاوية والله قلبى وجعنى من الكلام دا ....
غايتو ااتخيل لى نحن اتعس واطيب مخلوقات على وجه الارض والله صحي جدآ.
والعجب قريبتك الجابو ليها راجل يخمس معاها السرير دى حكاية عاوزة ليها كتاب بعنوان عليك الله يا الله ما أمرض فى السودان....
| |
|
|
|
|
|
|
|
|
 Re: الـحـقـو مُـسـتـشـفـى عـطـبـرة ... ضـب فـي بـطـن الـمـريـض ... (Re: محمد جلال عبدالله)
|
Quote: معاوية اخوي
والله غلبني التعليق انا كمان
ولكن.
دي مبالغة وكأني اسمع صوت الجمبلغ
والله السودان دا الا ياخد جائزة نوبل لعدم الاهتمام |
زمراوي أخوي،
سلآمات.
يا زمراوي أخوي جائزة نوبل لعدم الإهتمام الهيّنة دي !!!
كدي هاك الإقتباس دا وأُخُدلك جولة مع الرآبط المُرفق.
Quote: رحمه الله مستشفى عطبرة لكم موقف ربما كان اسوأ موقف
في مستشفى عطبرة رايته بعيني تم تصوير احدى عمليات الجراحة من
احد الاطباء القدماء بعطبرة واثناء الجراحة انقطعت الكهرباء المحزن ان
قام احد الجراحين الموجودين بزهج شديد بسبب الانقطاع برمي المشرط
في بطن الشخص الذي تجرى له الجراحة . منظر مؤسف للغاية ومهما
تتطورت المستشفى سوف تبقى هي مستشفى عطبرة. |
http://atbara.net/forum/index.php?topic=5291.0
عميق مودتي...
| |
|
|
|
|
|
|
|
|
|
Re: الـحـقـو مُـسـتـشـفـى عـطـبـرة ... ضـب فـي بـطـن الـمـريـض ... (Re: معاوية المدير)
|
Quote: بعد السلام طبعاً ..
عليك الله قول للدكتورة .. لازم تقبضوا الضب .. وتتأكدوا من ضنبو
.. مايكون خلاهو في بطن المريض .. ( خلي بالك ضبوبت الزمن ده مامضمونه ) |
وعليكم السلآم يا خالد.
صدقت يا خالد الشِفِت بيكون سآب العدة بتاعتوا
جوّه بطن الزول وإنكشح.
لكن الجماعة ديّل لوّمك بي ما بيقدروا يقبضوهو.
قول لي ليه ؟؟؟
عليك الله شوف المغزز إيدينوا دا بيقدر يساكك
ليهو ضب سريع زي دا ؟؟؟ يا زول دا علي
اليمين الضب يختها ليهو بالبيضة عدييييل كدا.
بالمناسبة الصورة دي من منزل السيّد الضب.
عليك الله الجماعة المبنجين ديل ما أرجل ناس؟!.
منتهى الفدائية.
والله صحي.
مودتي...
| |
|
|
|
|
|
|
|
|
 Re: الـحـقـو مُـسـتـشـفـى عـطـبـرة ... ضـب فـي بـطـن الـمـريـض ... (Re: معاوية المدير)
|
Quote: والله يا عطبرة فيك عجائب لا تنتهى...
شوف سقوف غرفة العمليات الراقية كيف........ |
سعد مدني،
ســلآمات.
يا سعد سقف غرفة العمليات الرآقية دا، صدقني بيكون فيهو ضب.
بس، ضب لضب يفرق. الجماعة ديل ضبهم ما بيقع نعمنو تريان
ورويان ومربى تربية صحيحة. عشان كدا ممكن من العلآلي بمزاج
يتفرج علي العملية وهو طابي ب######شاتوا في العرش و مطمئن غاية
الإطمئنان. لكن بتاعنا نحن الموديهو يتفرّج شنو؟؟؟ وهو عارف
إنوا حشراتنا البياكُلآ دي كلها عندها سوء تغزية وفاقدة فتمينات
وسوائل، وعارف إنوا عضلآت جسمو كلها تتركض زي الضارباهو
كهربا، وعارف إنوا هو وبني البشر من غير جنسه في بلدنا دايشين
وليسوا عايشين، وعارف البشتنة الحاصلة علي البلد، وعارف إنوا
دهاقنة البلد مستكترين عليهو وعليهم حتي فتات الفضلآت.
عليك الله البيوديهو يتفرج شنو؟؟؟ غير الشلآقة. بعدين الجماعة الفي
غرفة العمليات ديل يقبضوهو كيف وهُم زآتُن بتكون ريحة البنج
خدرتهم ؟؟؟. هسّع عليك الله كان ما حِرّة قلب منهم سااااكت يقعدوا
يساكِكوا في الضب واللآ يساكِكوا في معايشهم ؟؟؟
مودتي يا سعد،
ومشكور علي المرور...
| |
|
|
|
|
|
|
|
|
|
Re: الـحـقـو مُـسـتـشـفـى عـطـبـرة ... ضـب فـي بـطـن الـمـريـض ... (Re: حافظ انقابو)
|
معاوية يا دفعة كيفكـ
والظاهر كدا والله أعلم وراء كل مصيبة كبيرة ضب كبير
والله صحي
الضب موجود في عقليات من يديرون الحياة السياسية
هاكـ القصتين ديل عليكـ الله
أها قول واحد يا عمكـ
Quote: أثر توالد عدد كبير من القطط الضّالة بمستشفى امدرمان، قامت وزارة الصحة بحملة مطاردة لهذه القطط بعنابر المستشفى وغرف العمليات ، وأدى دخول بعض القطط الضالة إلى سقف غرف العمليات "المستعار"، أدى الى انهيار سقوفات غرف العمليات الشئ الذي أدى الى تلوث الغرف بالغبار والأتربة التي ملأت أنحاء الغرف بعد انهيار سقفها المستعار.
وقامت إدارة المستشفى بصرف جميع المرضى الذين كانوا في غرف الإنتظار لإجراء عمليات جراحية، مُعلنة توقفها عن العمل لمدة يومين ، بسبب مطاردة القطط . |
قول أثنين يا عمكـ
يومان فقط لمطاردة القطط الكبيرة
أها أنت أحسب الضببه (جمع ضب) عايزين ليهم كم يوم
تحاياي
| |
|
|
|
|
|
|
|
|
|
Re: الـحـقـو مُـسـتـشـفـى عـطـبـرة ... ضـب فـي بـطـن الـمـريـض ... (Re: حافظ انقابو)
|
Quote: تشكو ساكت ما جايبلين خبر ، تصدق الضب مرق يشكى للسحلية قاليها الليله
اكتشفت انو السودان ده اقــ ـذر مكان فى الدنيا ، عارفة يا اختى مشيت قلت الاقى
لي حته نضيفه اترمى فيها ، قلت مافى غير المستشفى وفى المستشفى اخترت غرفة العمليات
باعتبارها تكون نظيفة و معقمة قطاعتك تقطعنى يا السحليه من القــ ــذارة الفى الغرفة والريحة الكريهة
بطنى طمت و راسى داش وما اشعر الا بوردلب وقعت من فوق ووكتين صحيت القى روحى فى بطن
زول جيت امرق عترن لى المصارين بس ربك رب الخير ختفت كرعى وجرى وسكونى الدكاترة
البى سفنجه والبى برطوش والفكا فينى مشرط والجدعنى بى صحن حقن المهم اتخارجت وحلفت
وجزمت انا البلد دى مالى فيها قعدة ، وهسه بفتش لى فى تاشيرة لى اى مكان فى الدنيا دى اطير
عليهو، الله انعل السودان وسكنتو. تجى ياود المدير تشتكى من الضب هو المسكين الضحية مخير الله!!
وسكت الضب عن الكلام المباح،،،
|
كامل تضامني مع هذا ( الضب )!
سلام ود المدير معاوية
| |
|
|
|
|
|
|
|
|
|
Re: الـحـقـو مُـسـتـشـفـى عـطـبـرة ... ضـب فـي بـطـن الـمـريـض ... (Re: معاوية المدير)
|
Quote: ثقافة الإستهتار .. اللامبالاة ... التساهل مع عدم الكفاءة يدفع
السودانيون ثمنها أعماراً أقصر .. و الام أكثر ... موت مبكر ... و حياة أكثر معاناة
الجميع مشارك في الإثم ... لولا تساهل الناس مع هذا الإستهتار الذي يتخلل
جميع مناحي الحياة في السودان لما كان أن يستمر
الموضوع أكبر من تقصير حكومي أو طبي |
سلآمات أخي أمين.
نهديك هذا الرآبط :
http://www.sudanair.org/?p=8905
يا أمين أخوي، والله العظيم في أحد إجازاتي كنت ماشي مع ود أخوي في
سوق عطبرة ولآحظت إنوا في شبه فرحة كدا بادية علي وجوه الناس.
سألت ود أخوي من الحاصل؟؟؟ قال لي الجماعة قابضين المُرتبات. قلت
لهو كويّس إنهم قابضين مُرتبات تفرّح. قال لي يا عمّك دي مُرتبات شهر
خمسة الفات. هل تصدق الكلآم دا كان في شهر سبعة!!! يعني الجماعة
الفرحانين ديل قابضين مُرتب شهر خمسة في شهر سبعة، ولِسّع باقي ليهم
شهر ستة وسبعة !!!
مودتي...
| |
|
|
|
|
|
|
|
|
 Re: الـحـقـو مُـسـتـشـفـى عـطـبـرة ... ضـب فـي بـطـن الـمـريـض ... (Re: معاوية المدير)
|
Quote: يا ود المدير وقوع الضب دا قضاء وقدر
لكن تقول شنو في الدكاترة البنسوا ويسرحوا؟ |
سلآمات يا أشرف.
أُقسم بالله العظيم هذه قمّة المأساة.
تخيل الطفل دا لما يكبر ويعرف الحقيقة المؤذية دي
موقفو حايكون كيف ؟؟؟
غايتو بس، الله يكون في العون.
أغرب حاجة في التعليقات في ناس متعاطفين مع الطبيب !!!
هاك دا تعليق من أحد المعلقين:
Quote: الله يكون في عونك،أنا حصل لابن قريبي أسؤ من ذلك،مساعد طبي
اجري عملية طهور لابن قريبي هذا ،وبعد يومين حصل تيبيس بقضيب الطفل وتم
أحضاره للخرطوم ومقابلة أخصائي المسالك البولية
فأولي ببتر القضيب فورا حتي لا يحصل قرقرينة ،وبعد خمسة أيام من الطهور
تم بتر قضيب الطفل وعمره عشر سنوات،وتم إرساله للقاهرة ،للمسائل التجميلية
،والطفل الان عمره خمسة عشر عاما واصبح
يستوعب الذي حصل له واصبح عصبيا،ونسأل الله له الصبر |
بالله دي مُش حالة تقطّع نياط القلب ؟؟؟
| |
|
|
|
|
|
|
|
|
 Re: الـحـقـو مُـسـتـشـفـى عـطـبـرة ... ضـب فـي بـطـن الـمـريـض ... (Re: معاوية المدير)
|
Quote: في إستهتار حاصل، قريبي عندو عملية زايدة عملوا ليه
عملية بواسير عشان إسمه مطابق لي بتاع البواسير،، والمحيرني لحدي
الآن الزول ده عملوا ليه شنو في الشرج وهو أصلا ما عندو بواسير؟؟؟؟؟
رجاء للمتداخلين ما يظلموا الجزارين بوصف الأطباء بالجزارين |
يا الحلبي في التعليق دا الضحك قررررب يكتلني، وشر البلية ما يضحك.
يا أخي فعلاً السؤال البيطرح نفسو، الزول دا صاطوا ليهو شنو وهو العِدة
بتاعتوا بكامل صحتها العقلية ؟؟؟
صرآحة كدا، أنا بالجد محتااااااااار.
والله صحي...
| |
|
|
|
|
|
|
|
|
|
Re: الـحـقـو مُـسـتـشـفـى عـطـبـرة ... ضـب فـي بـطـن الـمـريـض ... (Re: معاوية المدير)
|
Quote: بعدين آجنا المَدير، الأخ ده
قصتو كانت حايمي هني وانا ما جبلها خبر؟
-
والله يا معاويه آخر مره شفت فيها مستشفى عطبره، في زياره للصديق د. السر بيْن، أوايل التمانينات..
يعلم الله كانت من أنضف ما يكون..
هسّع بعد القريتو وشفتو في مقطع الفيديو، ما أكعب ملاها إللِّي مستشفى الباوقه..
نسأل الله السلامه ياخ |
سلآمات يا المطرطش.
ويييين الحي بيك ؟؟؟
والله يا المطرطش، الجنا دا السواها في إستبالية اتبرا،
الـكـلـب في الخُمارة ما سواها يا قول أهلنا.
لكن نسوي شنو في الفوضى الحاصلة ؟؟؟
يا حليل مستشفى عطبرة يا محمد لمان كانت بتأخد حصتا كاملة من الألبان
والأ######## والبيض من معمل الألبان بعطبرة، وكانت الوجبات تقدم للمرضى
علي الدوآم. حليل مستشفى عطبرة يا محمد لمان كانت بتأخد حصتا كآملة
من الخضروات والفوآكه واللحوم من سوق عطبرة.
يا محمد أخوي، خليّك من مستشفى عطبرة. بتتذكر محطة عطبرة كيف كانت
نضيفة وجميلة، وكانت دائماً بتأخد جائزة أجمل وأنضف محطة في أفريقيا .
أخخخخخخخخخ يا محمد.
مودتي...
| |
|
|
|
|
|
|
|
|
|
Re: الـحـقـو مُـسـتـشـفـى عـطـبـرة ... ضـب فـي بـطـن الـمـريـض ... (Re: معاوية المدير)
|
Quote: قالت لي: عاد أكان إنقشط في بطن المريض إلا ندخِّل ليهو كديسة.
|
ولو الكديسة ما دخلت تجيبو ليهو ###### ناس بت السرة
ولو ###### ناس بت السرة ما طلع كمان ننادى ليهو شفع
وباقى الحلة ..,لو الشفعوناس الحلة ما طلعوهو ننادى البوليس
عساكر ومساخر ديل طلعو الناس من بلده ما يطلعو ضب
نوقف ليهو دفار بالكورنا بتاعتو جنب الكلاوى
ونحلى العربية اللاندكروزر تخش جوه فى الازقة
ونفك بنبان ..ولو ابدى مقاومة نفك عليهو رصاص مطاطى
أبدى مقاومة نكلم الضابط يرصصو بالزخيرة الحية ..
(هم بيتلفتو ) ماكل زول خارج على (قانونهم) بيرصصوه
ويهتف الهتيفة (كتلنا الضب ..كتلنا الضب) وتصدر
هيئة الدفاع عن الضبوبة بيان استنكارى وتخرج فى
مسيرات هادرة وتهت كتلو الضب ولا الكب
ولادالكب كتلو الضب..والاقيهم فى الطريق اقول ليم
كتلو ليكم ضب وعاملين الجوطة دى كلها (نحن كم كتلولينا روح)
إنتو ما سمعتو بعوضية أهانفس الغجر ديل كتلوها لينا
(من غير سبب واسباب) لادخلت ليها بطن زول ولا هتفت ضدمسئول
راقده فى عنقريبة وكتلوها العساكر ..انتو يامعشر الضب تدخلو
بطن زول وعايزين الناس (تسكت)...
يامعشر الضببة إنتم مستضعفون فى هذا البلد ولاحيلة لكم
إن أرض الله واسعة ,,بدين إنتو المقعدكم معانا شنو إنتو ماعارفين
الناس فى رقبته ما لاقية تاكل عارفين انتو رطل السكر بقى بكم
كيلو اللحمةبقى بي كم (والكيزان خامننا خم) عشان إنتو تقعدو
فى البلد دى لازم تشيلو الشيلة معانا لازم نغير الوضع الحاصل
وهتف الجميع فى لحظة واحدة (عاش كفاح الطبقة (الهاملة) عاش كفاح الطبقة الهاملة)
..كانت تجلس سحلية فى آخر الجمع عندما سمعت الاصوات بدأت ترتفع
والناس واقفه فى حتتها ..(طلعت لسانها ) ثم أدارت ظهرها وانصرفت
كل الناس كانت منهمة مع الجوطة وكنت وحدى أراقب تلك (لسحلية)
وعرفت إنها لما طلعت لسانه لم تكن (ترعى فى حشرات الارض)..
نزلته من المنبر بعد رسالة الاحباط التى تلقيتها من السحلية
وقلت للجمع الكريم ...يامعشر الانس والضب ..مقتل ضب مقتل امة
لكن لكن الضب غلطان على بنى الانسان إنتو كيف تدخلو بطن الزول
انتو غلطانين تب..ثم التفت الى معشر الانس وسالتهم ..
(ماذا ترونى فاعل لكم)..قالو جميعا دايرين بوسته ومدرسة وسطى
والشفخانة بديل النقطة ..قلت ليهم إنتو عندكم شفخانة ..
واحد ما قاعد يرتب كلامو وبقولالفى لسنو دى (ادبخانة ) ما شفخانة
ضب يدخلو فى بطن زول ..
معليش ياجماعة نحن قروشنا بندفعها (للعساكر ديل عشان يحمونا ويحرسونا)
واحد من وسط الحضور هتف يحمونا ويحرسونا والا يدقونا ويكتلونا ..
قلت الزول داير يجيب لى الهواء..وهممت بمغادرة المكان بعجل وقلت للحضور
ضب يخش فى انسان (ما مشكلة) (المشكلة)لو الانسان دخل فى الضب
**********************************************************************
شعبك أقوى واكبريابلادى
| |
|
|
|
|
|
|
|
|
|
Re: الـحـقـو مُـسـتـشـفـى عـطـبـرة ... ضـب فـي بـطـن الـمـريـض ... (Re: معاوية المدير)
|
Quote:
آآآآخ يامعاوية والله قلبى وجعنى من الكلام دا ....
غايتو ااتخيل لى نحن اتعس واطيب مخلوقات على وجه الارض والله صحي جدآ.
والعجب قريبتك الجابو ليها راجل يخمس معاها السرير دى حكاية عاوزة ليها كتاب
بعنوان عليك الله يا الله ما أمرض فى السودان.... |
سلآمات أُختي نجاة.
الجابو ليها راجل يخمّس معاها السرير دي أُختي شقيقتي عديييييل.
يا نجاة البلد ما عندها وجيّع، ووقعت تحت قبضة إنجس وأرذل
خلق الله.
ما علينا إلا أن ندعو الله يعجل برحيلهم ويرفع البلاء عن أهلنا.
لكِ كامل مودتي...
| |
|
|
|
|
|
|
|
|
|
Re: الـحـقـو مُـسـتـشـفـى عـطـبـرة ... ضـب فـي بـطـن الـمـريـض ... (Re: معاوية المدير)
|
Quote: تحياتي معاويه
والله البلد دا بقت عجيبه جدا وكل شي منوقع فيها
نسأل الله السلامه والعافيه وما تمشي ليك لي طبيب او مستشقي
اخطاء التشخيص حدث ولا حرج الاخطاء الطبيه علي قفا من يشيل وحاجات ومواقف عجيبه جدا عن العلاج
ورحلات ومعاناة المرضي الباحثين عن العلاج... |
الكباشي سلآمات.
يا زول وين الحي بيك ؟؟؟
التعليم والصحة والأمن كان إنعدمن في الدولة معناتا البلد صارت غير
مؤهلة كي يعيش فيها بني آدم، ودا الحاصل علي بلدنا بكل أسف
يا الكباشي أخوي. فعلاً البلد بقت عجيبة وكل شئ متوقع فيها وهذا
ما نأسف له، والأكثر اسفاً من كل هذا إنو البلد مافي زول باقي في دابا،
وصبحت ما عندها وجيع. مسألة الذهاب للطبيب أصبحت هاجس كبير
وكابوس مُرعب ومُخيف، فنسأل الله السلآمة، ونجأر إليه متضرعين
أن يرفع البلاء عن أهلنا ويصلح حال البلد.
مشتاقين...
| |
|
|
|
|
|
|
|
|
|
Re: الـحـقـو مُـسـتـشـفـى عـطـبـرة ... ضـب فـي بـطـن الـمـريـض ... (Re: معاوية المدير)
|
Quote: تشكو ساكت ما جايبلين خبر ، تصدق الضب مرق يشكى للسحلية قاليها الليله
اكتشفت انو السودان ده اقــ ـذر مكان فى الدنيا ، عارفة يا اختى مشيت قلت الاقى
لي حته نضيفه اترمى فيها ، قلت مافى غير المستشفى وفى المستشفى اخترت غرفة العمليات
باعتبارها تكون نظيفة و معقمة قطاعتك تقطعنى يا السحليه من القــ ــذارة الفى الغرفة والريحة الكريهة
بطنى طمت و راسى داش وما اشعر الا بوردلب وقعت من فوق ووكتين صحيت القى روحى فى بطن
زول جيت امرق عترن لى المصارين بس ربك رب الخير ختفت كرعى وجرى وسكونى الدكاترة
البى سفنجه والبى برطوش والفكا فينى مشرط والجدعنى بى صحن حقن المهم اتخارجت وحلفت
وجزمت انا البلد دى مالى فيها قعدة ، وهسه بفتش لى فى تاشيرة لى اى مكان فى الدنيا دى اطير
عليهو، الله انعل السودان وسكنتو. تجى ياود المدير تشتكى من الضب هو المسكين الضحية مخير الله!!
وسكت الضب عن الكلام المباح،،، |
أووووه جدو صديق.
سلآمات وإشتياقات.
الضب يا صديق الموج إن شاء الله يسكُت حِسو الغبيان. عليك الله أكان مو غبيان
يخلي بيوت الجماعة الفي كافوري والمنشية المجيهات، المكندشات، الممشهدات
ويمشي يسكن في غرفة العمليات محل الكدوب والعفن !!!. كلّم السحلية خلها
التقولو، ينسى حكاية التأشيرة دي ويتوجه فوراً لكافوري عشان يجدّع ويتنغنغ،
ويخلف كُراع فوق كُراع تحت المكيفات الصصصصاقطة، ووكت يبرد يقوووول
كدي يتكرفس جووووا الستارات الأمريكية، تضربوا ريحة العطور الباريسيّة، فينوم
نومة هنيئة لا ينعس بعدها ابداً. بعد يقوم يقول كدي يمشي علي سُباتة الوساخة يلقاها
مليانة جداد ولحوم، وفواكه، يترشد زييييين لآمن يِدشى، وبعد يلحس بواقي العصاير
والشايات يكووع فوق راس الإسبِلِت يقعد يشاهد في التلفزيون.
ما في سبب بيخليهو يفتش لتأشيرة، عِلآ يبقى كايسلوا إنطلآقة ساكت.
والله صحي.
مشتاقين...
| |
|
|
|
|
|
|
|
|
 Re: الـحـقـو مُـسـتـشـفـى عـطـبـرة ... ضـب فـي بـطـن الـمـريـض ... (Re: عماد شمت)
|
Quote: ضب ؟
معاوية ياخ مالك ؟
هسع يمكن الجماعة ديل عندهم تجارب .
و ياخ التجارب اسرار .
..
عاين يا معاوية !
الحمار العار من سيدو ودخل الصيدلية سمعتبو ؟؟؟ |
عثمان موسى،
سلآمات وإشتياق.
أيّ والله ضب يا عثمان، تصدق.
علي قولك نقول تجارب، والله يكضّب الشيّنة.
حكاية الحمار دي ما سمعتبا. لكن شوف عيني الصيدليات في السودان
بيبيعوا فيهن دويات الناس، ودويات الحيوانات مع بعض. يعني بالرآحة
كدا ممكن تلقى دواء ملآريا وجنبو جِزال بتاع شعرآنة.
والله صحي.
خبرك يا عثمان ؟؟؟
مشتاقين...
| |
|
|
|
|
|
|
|
|
|
Re: الـحـقـو مُـسـتـشـفـى عـطـبـرة ... ضـب فـي بـطـن الـمـريـض ... (Re: معاوية المدير)
|
Quote: سلامات ياود المدير
شوف عينى العصافير بقيادة ود ابرق تتفسح فى غرفة العنايى المركزة فى مستشفى سووووووووووبا التعلييىىىىىىىمى
وتدخل وتمرق على كيفها بكسرة فى الشباك
تقولى مستشفى عطبرة!
اللهم لطفك باهل السودان
تحياتى |
سلآمات أُختي مهيرة.
نسأل الله أن يلطف بأهلنا.
يظل الحال هكذا بينما أنجاس الأرض ينومون ويصحون علي مخدات الطرب.
ياريت يورونا هم وأُسرهم وأولآدهم قاعدين يتعالجوا وين؟؟؟. شيخ علي عثمان
دا قالوا عيّان، ياريت نعرف لو قاعد يمشي لمستشفى سوبا أو عطبرة عشان
يتعالج.
سيظل ود ابرك يسبح في فضاءات غرفة العناية المركزة بمستشفى سوبا، وسيظل
الضب يسرح ويمرح في أنحاء غرفة العمليات في مستشفى عطبرة طالما البلد تُحكم
بأفراد هذه العصابة الذين نُزعت الرحمة من قلوبهم، فتحجرت.
نسأل الله أن يجعل معيشتهم ضنكا ويحشرهم إليه عُميان.
مودتي أُختي مهيرة...
| |
|
|
|
|
|
|
|
|
 Re: الـحـقـو مُـسـتـشـفـى عـطـبـرة ... ضـب فـي بـطـن الـمـريـض ... (Re: معاوية المدير)
|
| Quote: الضب موجود في عقليات من يديرون الحياة السياسية |
سلآمات يا دفعة.
مشتاقين.
ما فيش عقليات يا دفعة بل روسين أ###### من المستشفيات، وأقذر من
غرف العمليات التي أصبحت ضالة لكل شاردة وواردة من حشرات
وهوام وحيوانات الأرض.
والله العظيم يا البشاري أخوي أنا كتير جداً بستغرب كيف الناس
ديل نفسهم تسمح لهم أن يكونوا في السُلطة !!!
والله صحي...
| |
|
|
|
|
|
|
|
|
|
Re: الـحـقـو مُـسـتـشـفـى عـطـبـرة ... ضـب فـي بـطـن الـمـريـض ... (Re: معاوية المدير)
|
Quote: واحد ما قاعد يرتب كلامو وبقولالفى لسنو دى (ادبخانة ) ما شفخانة
ضب يدخلو فى بطن زول ..
معليش ياجماعة نحن قروشنا بندفعها (للعساكر ديل عشان يحمونا ويحرسونا)
واحد من وسط الحضور هتف يحمونا ويحرسونا والا يدقونا ويكتلونا ..
قلت الزول داير يجيب لى الهواء..وهممت بمغادرة المكان بعجل وقلت للحضور
ضب يخش فى انسان (ما مشكلة) (المشكلة)لو الانسان دخل فى الضب |
سلآمات يا معتصم.
العسكر ديل يا معتصم الوآحد فيهم كان بيلقى الضب في سروالو ومرآت في شعر
راسو يطارد في القمُل. هسع لو شافو الضب في صورة الوآحد فيهم يقول يييييييييييياي
تصدق. دا طبعاً بعد ما حكمو الناس بالزندية ونهبو خيرات البلد وسكنو في الدُوّر
والعلآلي، وتنكرو لوطنهم وبني جلدتهم.
العنوهم لعنهم الله.
أقول قولي هذا واستغفر الله لي ولكم.
مودتي يا معتصم...
| |
|
|
|
|
|
|
|
|
|
Re: الـحـقـو مُـسـتـشـفـى عـطـبـرة ... ضـب فـي بـطـن الـمـريـض ... (Re: معاوية المدير)
|
Quote: الصب ده بكون شغال في المستشفي عامل نظافه ..
افتكر الجماعة خلصوا جاء نازل ...
الله يكون في عون البلد....
شكرا اخ معاوية |
سلآمات يا عماد.
الله يكون في عون البلد الما عندها وجيع يا عماد أخوي.
حليل عُمال النضافة يا عماد، وحليل البلد في عضُما
البقت محكومة بالنطيحة والمتردية وما أكل السبع. غايتو
ربنا إبتلآنا، ونسأله أن يرفع عنّا البلآ.
تحياتي ومودتي يا عماد...
| |
|
|
|
|
|
|
| |
معاوية المدير
ASHRAF MUSTAFA
Ahmed al Qurashi
ذواليد سليمان مصطفى
بكري الخير
محمد علي البصير
Nagat Sid Ahmed Elshiekh
حاتم تاج السر المبارك
بكرى اللبيب
ismeil abbas
Zomrawi Alweli
Khalid Saeed
سعد مدني
amin siddig
Ashraf el-Halabi
محمد عبدالرحمن محمد
وضاحة
Abureesh
محمد جلال عبدالله
صديق الموج
Osman Musa
omar arbab
حافظ انقابو
مهيرة
الامين موسى البشاري
مها عبد الله
معتصم مصطفي الجبلابي
عماد شمت
فيس بوك
تويتر
انستقرام
يوتيوب
بنتيريست