|
كتب الكاتب الفاتح جبرا المتوفرة بمعرض الدوحة
|
|
 Re: كراع أنجلينا جولي الفي الصورة دي حقيقة ؟ (Re: hamid brgo)
|
غايتو الكيزان خلينا ليكم السياسة و البلد لكن انجلينا جولي دونها الارواح
يعني ح نكون فصيل متحد من قبل كل من القادة الميدانيين حبيب نورة - صديق الموج و اخرين (نحجب اسمائهم لأسباب متعلقة بسلامتهم العاطفية)
على ان يكون مراسل المنبر في هولي وود السيد عثمان موسى ممثلا لنا بالامم المتحدة
| |
 
|
|
|
|
|
|
|
|
Re: كراع أنجلينا جولي الفي الصورة دي حقيقة ؟ (Re: جدو)
|
غايتو آمنت انه بعد القعدة في امريكا بجي للراجل منكم اختلال في وعيه الكرعيني ويتنازل تمام عن تصوراته الجمالية الموروثة والتوصيفات نوع والله مرة سمحة كراعها بس بمرة ولا الحلة بصل والمرة كرعين
ولا كرعينها ذي طفاية الهيلتون بقيتو يا كافي البلا وحايد االمحن من شدت ما مستلبين تعجبكم سكاكات نجوم هوليود
المفروض نهائيا وكلو كلو كراع ما محننة ما تلفت نظركم لكن ما خلاس عاد الاستلاب حصل
ولمعالجته نديكم من العم قوقول صور ترجعكم للقديم من فات قديمو تاه,
_________________________________
حامد تخش بلدنا وما تتصل بينا بتاع الايمقريشن فضحك قالي مستر حامد برقو ليفت يستر دي.قلت ليه المرة الجاية احجزوا لينا
جست كيدنق يازول بالله لما تجي بجاي ابقى قول هلو,,
وسلامي ليك
| |
|
|
|
|
|
|
|
|
|
Re: كراع أنجلينا جولي الفي الصورة دي حقيقة ؟ (Re: د.نجاة محمود)
|
Quote: طيب يا حامد خلينا ليك السودانيات بس انت أطلع لينا من انجلينا جولي دي
وبعدين ما تنسى ساندرا بلوك دي انحن بنكتل فيها |
غايتو ما بتنزل لي من الزور انجلينا جولي دي ولا أفلامها ولا بعشرة كبايات موية
لساندرا بولوك بنبصم بالأصابع العشرة..عسولة وأفلامها عسل وهي انسانة خالية من جرثومة التكلف
انجلينا فستانها ما حلو وتكلفها باخراج ساقها والفوق الساق والتحته أكيد بكون عمل ليها فكك في الحوض
بس الخواجات مفصومين بيها لأنها شطورة بتعرف كيف تخت نفسها في صفحة الأخبار بالاضافة لانها المحظوظة المسكت في براد بيت بسنونها لـ هسـه... وخلته يبقى محمول.. فيها صفات سودانية وكدا :)
أنا ما عندي راي في ساقها لكن عجبني للرجال صور الحنة الرهيبة .. الشافكم قهيتو فيها ونسيتو ساق انجلينا ما كذب :)
| |
|
|
|
|
|
|
|
|
|
Re: كراع أنجلينا جولي الفي الصورة دي حقيقة ؟ (Re: عاطف عمر)
|
عودك صبّ
ود الرضى
*****
عُودَكْ صَبْ عَدِيلْ نَافِى مِن سَلَبَانِ
تَبْرَه مَحَل مَحَل مِتْسَالْكَه خَاتِيه كَبَانِى
بِقِيتْ أنُوح وأسْهَر طَالْ عَلَى طَلَبَانِى
لَى طَمْيَه ونَشَب زَرِقْ شَمْبَانِى
تِلْيَتنْ فى الضُّرَاعْ عُنْقاً بِلاَ كَذِبَانِ
تَبْسِيمْ فَاطِرَك فَاق نَاقِعْ الألْبَانِ
مَمْزُوجْ خِدَيدَك بَى كُحُل رَبَّانِى
أمْرَد وفِيهُ هَدْلَه وتِحْتُه الفِوِيقِلْ بَانِى
| |
|
|
|
|
|
|
|
|
|
Re: كراع أنجلينا جولي الفي الصورة دي حقيقة ؟ (Re: أنور أدم)
|
..غايتو أقول لأخوانا الرجال المنحازين للثقافة والعلم عند المرأة ، دون الجمال ومميزاته الجسدية فى المرأة
ما أظنكم تكون مقتنعين لو ما لقيتو فيها زي صورة د. نجاة دى وما تبعها من صور ساقين وليس كرعين ..
بعدين شويه شويه يا جماعة عشان ما يمشي الخور ..,!!!
| |
|
|
|
|
|
|
|
|
|
Re: كراع أنجلينا جولي الفي الصورة دي حقيقة ؟ (Re: Osman Musa)
|
Quote: .ياخي ديل ما بيكون سمعوا بطبلية حامد برقو في سوق ليبيا و لا بالحقن النايجيرية
|
اسع لو مشيت بطبليتك دي هوليود الا عاد نشوفك كل يوم تنظر متخصص كرعين في قناة الفاشون
عملية بالاف الدولارات حقن طبليتك تعمل العجب وقدر ظروفك كمان..
اكثر حاجة ضحكتني في الحقن في السودان البجبوهم من البطري..
ما علينا ما تجرجرونا في الكلام نكشف اسرار نسائية يبقى ضدي حزب النسوان كمان..
غياتو ما بسالكم بالله شوف الكرعين وحدن بين كل الوان الطيف في المنبر
يتخيل لي في مفاوضات البترول كان الكلام عن الكرعين كان اتحلت المشكلة.
| |
|
|
|
|
|
|
|
|
|
Re: كراع أنجلينا جولي الفي الصورة دي حقيقة ؟ (Re: Ahmed al Qurashi)
|
Quote: قامت تريك خشية أن تصرما
ساقا بخنداة وكعبا أدرما
والساق البخنداة يا وضاحة هي الساق الخدلج
|
عُنْقاً فَاق وَرِيدْ الزَّازَه شَافْلُو ضِلَيلْ
مَهْدُول الكِتَيفْ دِيسِكْ غَزِيرْ وضَلِيلْ
مَرْدَه وفَاقِلَه ضَهْرِك قَصِيفْ وقَلِيلْ
مَتْبُورَة القَدَم سَاقِك حَكَاهُ خَلِيلْ
| |
|
|
|
|
|
|
|
|
|
Re: كراع أنجلينا جولي الفي الصورة دي حقيقة ؟ (Re: Osman Musa)
|
Quote: يعني آجدو فَسَّرْ؟
-
دي أمي يرفعولا بيرق |
بالحيل
كيفن ما فسَر؟؟
هسع ناسك ديل عارفين النيتو واللعيب وبشارة ؟؟!!
يا وضاحة صورتك دي كان قلنا لور ليمب إيديما
بقولوا حاقد لكن ظاهر عليها من تنفخ القدم والأصابعين
دا شغل حقن
mainly due to extravasation of fluids and Edema
| |
|
|
|
|
|
|
|
|
|
Re: كراع أنجلينا جولي الفي الصورة دي حقيقة ؟ (Re: hamid brgo)
|
طبعآ أخوك من رواد متابعة الأوسكار كل عام و بإنتظام ,,
ودايما في إي مهرجان بيحصل حدث تتركز عليهو الأنظار ,,
السنة دي كنت حضورآ في فعاليات الجمعية العمومية للبيت السوداني بأريزونا والتي إنتهت في العاشرة مساءآ .. بعدها جيت جاري جري وصلت
البيت الساعة حداشر بالليل أها فتحت أل ABC لمتابعة بقية فعاليات الأوسكار فإذا بي أتفاجأ بالحديث والتعليقات عن كراع إنجلينا وخاصة عندما كررات ذات المشهد على الخشبة وأنجلينا تساهم في التقديم .. الأمر الذي حدا بالممثل Jim Bashi بطل 50/50 حينما جاء لإستلام جائزته أن يقلد أنجلينا حينما وضع يده على خاصرته وأمسك بجائزته على ساقه الممدودة على شاكلة أنجلينا فأثار ضحك الحضور.. المهم جريت ل twitter لقيت 7ألف تعليق في ظرف نصف ساعة على كراع أنجلينا ده كلو حاصل وسيادتو براد ماهاميهو يتبسم ساي لا غيرة ولا يحزنون أما راجل KO KO..
كنت عايز أفتح بوست اليوم التاني لكن قلت في نفسي عثمان موسى الكراع دي ما بتفوت عليهو .. وصدقت توقعاتي ... سلامات يا زول يا رائع.
| |
|
|
|
|
|
|
|
 Re: كراع أنجلينا جولي الفي الصورة دي حقيقة ؟ (Re: عادل نجيلة)
|
يا عثمان شوف
الكضب حرام والقبُر قدام
بالنسبة لي كرعين أنجلينا جولي وهكذا سكّاكات ديل ما بياكلن عيش في بلدنا دي إلا كان جات جرية
وديل ممكن نختهن تحت بند ولحم طير مما يشتهون عشان ما بتشابه عليك البقر ساهي ياخوي :)
هسه أول ما صور الكرعين الصحي صحي جابتن الدكتورة بيجاي سوّن فوق قلوبنا سُواة العاصفة بي ساق الشتيل النّي :)
وساندرا بولوك بالكاد تستطيع أن تسُد رمق عيوننا التي لن يملأها حتي التراب
سِف وقارن :)
عليك الله ده ما ساق الشتيل النّي ال ربنا خلقو ؟
وعليكون الله شفتوا وضاحة طلعت حريييييفة كيفن ؟ غايتو ود الرضي ده عجييييييييييب في أمرو
هسه شوفوا بيونسي دي عشان بت خالتنا برضو الكرعين عندها ومحل ما تمِد إيدك تحمد سيدك :)
النصييييييييييحة ولا كلمة
| |
|
|
|
|
|
|
|
|
|
Re: كراع أنجلينا جولي الفي الصورة دي حقيقة ؟ (Re: Osman Musa)
|
Quote:
يا وضاحة صورتك دي كان قلنا لور ليمب إيديما
بقولوا حاقد لكن ظاهر عليها من تنفخ القدم والأصابعين
دا شغل حقن
mainly due to extravasation of fluids and Edema |
اها الدكاترة ظهرو
كدا يا جدو نفهم ان مهنتك مؤثرة على نظرتك الجمالية؟
سلامات الاخ العزيز عادل
الف حمدالله على السلامة لقيت الاهل كيف؟
والله الصور ديل من قوقول بس تكتب كرعين سودانية (زول مدردق)
| |
|
|
|
|
|
|
|
|
|
Re: كراع أنجلينا جولي الفي الصورة دي حقيقة ؟ (Re: د.نجاة محمود)
|
Quote: سلامات الاخ العزيز عادل
الف حمدالله على السلامة لقيت الاهل كيف؟
والله الصور ديل من قوقول بس تكتب كرعين سودانية (زول مدردق) |
قر قررر يا نجاة .. أنا خايف أستعمل الكي وورد بتاعك تجيني صور
كتاب دكتور سوس Sues (الأقدام) .. وتبقى دردكتيني صاح ,, بس ما قلتي لي
(كرعين سودانية) بالحنة ولا بدون حنة.
مشيت السودان ولقيت الأهل عال العال ولقيت أصحابي أولاد الدفعة مشوا فوق
كل واحد بقى مدير عام في بنك ولا نائب مدير والكعبين إتأخروا بقوا مساعديم مدراء وأغرب حاجة مالقيت من الحكومة إلا بوليس الحركة وبوليس الطوارئ في المولد .. ناوي أفتح لي بوست عن الخرطوم بس ال jet يفك مني لسة رابط معاي ,, يلا لي قدام
| |
|
|
|
|
|
|
|
|
|
Re: كراع أنجلينا جولي الفي الصورة دي حقيقة ؟ (Re: عادل نجيلة)
|
| Quote: كل واحد بقى مدير عام في بنك ولا نائب مدير والكعبين إتأخروا بقوا مساعديم مدراء |
نحنا الطلعنا فقدنا الكثير
تعرف انا مشيت قبل سنوات ازور الاخواتوالاخوان ناس المعهد في الحيشان التلاتة(الاذاعة والتلفزوين والمسرح)
صادف ظهور كشف ترقيات جماعتي مشو الدرجة الرابعة واي زول رقوه وفرحان شديد وانا اكتفيت بالفحرة لفرحتهم
ولكن حسيت بحزن شديد...
وحسيت باحلامي تبخرت منها اني اكون في لجنة النصوص ولا رقابة الافلام.
ننتظر بوستك بفارغالصبر انا جيت من السودان يوم 8 واحد
Quote: بس ما قلتي لي
(كرعين سودانية) بالحنة ولا بدون حنة. |
في كرعين سودانية ما فيها حنة؟
| |
|
|
|
|
|
|
|
|
|
Re: كراع أنجلينا جولي الفي الصورة دي حقيقة ؟ (Re: hamid brgo)
|
Quote: بالله ؟ إنتا بقيت موريتاني و نحنا ما جايبين خبر
________________________________________________
الصادق ضرار سلامات
ياخي مشتاقين من طرف واحد |
يعني د. بيان طلعت ماسورة
لا لا لا دي كراع بلدنا مية المية
و تشكر لبيان ان اعادت الثقة فينا بعد ان كاد المستلب صاحب البوست ان يخمنا
بسواقين الكلجو كلجو تلك .
ـــــــــــــ
انت وين اختفيت الفترة الفاتت ؟
| |
|
|
|
|
|
|
|
|
|
Re: كراع أنجلينا جولي الفي الصورة دي حقيقة ؟ (Re: د.نجاة محمود)
|
Quote: حامد تخش بلدنا وما تتصل بينا بتاع الايمقريشن فضحك قالي مستر حامد برقو ليفت يستر دي.قلت ليه المرة الجاية احجزوا لينا
|
انا ما قلت ليكم د.نجاة دي كان مع فلاديمير بوتن في الاستخبارات السوفيتية(КГБ ).اها بوتن بقى رئيس و هي زعلت من تصرف بوريس يلتسن و مشت ماليزياو منتظرة دورها في الخرطوم؟
___________________________________
العزيزة د. نجاة والله يشرفني
غايتو تاني لو وصلت كوالا لامبور ما ادخل يدي في صحن رز الا في داركم العامرة
| |
|
|
|
|
|
|
|
|
|
Re: كراع أنجلينا جولي الفي الصورة دي حقيقة ؟ (Re: hamid brgo)
|
غايتو يا جماعة انا مع الاخت وضاحة دي في كل شي في كلامها وفي الصورة النزلتها كمان لانو دي مقاييس الجمال السوداني الاصيل الانحن بنعرفو من زمن اجدادنا بالله خلونا من الكوارع والعراقيب الإنتو جايبنها لينا دي ،، ومعليس يا اخ عثمان موسى انا المرة دي بختلف معاك في وجهة النظر وياخ انت مالك ما كنت كويس ؟؟
شكرا وضاحة على هذا الألق والحقائق الجميلة ,, وشكرا عثمان موسى على هذا الإستلاب الجمالي .. لووولز
تحياتي : ياسر العيلفون
| |
|
|
|
|
|
|
|
|
|
Re: كراع أنجلينا جولي الفي الصورة دي حقيقة ؟ (Re: Manar Mahsoub)
|
تعرفي يا منار .. ساهل جدا الترجمة
لكن ح تكون حرفية ساي!!
جمال الكلام دا في لغتو ذاتا
هسي لو جيت صوّرت ليهم المنظر في أسمر اللونا
لما بوصف في سمرة وهي ماشة في القيف!!
كلام بتاع (مثقفاتية) ساي
لكن شوفي التعبير كيف بالنوبي:
سمرة شبشبا طار نكر قودو نقرشنتاني
كركوتي آلى واتيلا .. شبر مليقاإن قر قلب إنقرميّلن تان!!
أنسي بس!!
| |
|
|
|
|
|
|
|
|
|
Re: كراع أنجلينا جولي الفي الصورة دي حقيقة ؟ (Re: Amin Salim)
|
| Quote: ر ما ادخل يدي في صحن رز الا في داركم العامرة |
روز دا ما بنديك ليه نعمل ليك ملاح روب بعصيدة جير
بس انت كيف تزرونا..
| Quote: غايتو انا من مشجعين ال British beef كدى عايتو ل Kate Moss |
يا امين غياتو في علم الكرعنولوجي ديل اسمهم كجالات
اسع البيف وين؟؟؟؟
عكازين وربع كيلو لحم
الصادق ياخي دي كرعين لا شرقية ولا غربية سودانية مية المية
| |
|
|
|
|
|
|
|
|
|
Re: كراع أنجلينا جولي الفي الصورة دي حقيقة ؟ (Re: Amin Salim)
|
يا اميننا الذي هو معجب بسيريال كيلر 
ياخي بالغت مرتين ..
مرة في beef دي التي توحي بانك جايب لينا صورة بابور فاهم لحيم تريان فإذا بها الخرتاية الكملانة من لحم الدنيا دي لو قلت meat ساي كان اظرف
و المبالغة التانية انو بعد ساريات البلنط و الرخام AKA طفايات قاعة الصداقة الوردن صورن اعلاه تجيب ليك صورة زي دي عايز تنافسن بيها
اي نعم هي احسن حالا من انجيلينا حيث سكاكاتها انعم ولا عروق او عضلات بارزة فيهن لكن يبقن في النهاية سكاكات
| |
|
|
|
|
|
|
|
|
|
Re: كراع أنجلينا جولي الفي الصورة دي حقيقة ؟ (Re: Osman Musa)
|
عزيزنا أحمد القرشي
سلامات
شنو يازول ؟
ياخ البنت العجيبة لورا كايبير كانت هناك برضو .
الزولة يا أحمد جد أذهلت الحكام بداك الطول وداك الجمال وديك الكرعيين العجيبات
.. لورا يا أحمد في الاوسكار ما جات بنفس البكيني بتاع حفل المنتجع المشهور .
والله يا أحمد جد لورا تستحق لقب ملكة جمال 2012
| |
|
|
|
|
|
|
|
|
|
Re: كراع أنجلينا جولي الفي الصورة دي حقيقة ؟ (Re: Dr.Ahmed Boasch)
|
عثمان موسي انا لله....
عماد عبد الله وين عالم،،،،
انجلينا دي قاعدة ام فكو ساي وحاة ربي
ياخي انا قاعد في بلد الرجلين فيها سكاكات ابو جلوك ( ابو جلوك دي اسألو عنها الطيب شيقوق وود القرشي وواحد مسخوت اسمو حامد برقو)
د. نجاة الاخبار وليك وحشة انا قريب منك في تايلاند اول اجازة ح نصلكم ان شاء الله
| |
|
|
|
|
|
|
| |
Osman Musa
حبيب نورة
سيف الدولة كامل
Afraa Sanad
محمد البشرى الخضر
سيف النصر محي الدين
Mohamed Yassin Khalifa
Dr.Ahmed Boasch
Ahmed al Qurashi
saif massad ali
محمد عبدالرحمن محمد
جدو
وضاحة
rummana
معاوية المدير
عاطف عمر
أنور أدم
محمد مختار جعفر
الصادق ضرار
amir jabir
Mohamed Foto7li
MOHAMMED ELSHEIKH
خالد علي محجوب المنسي
ياسر السر
محمد عبد الماجد الصايم
Amin Salim
حاتم محمد حاج المهدي
ABUHUSSEIN
فاروق عثمان
الحاج حمد الحاج
فيس بوك
تويتر
انستقرام
يوتيوب
بنتيريست