كراع أنجلينا جولي الفي الصورة دي حقيقة ؟

ال Right Leg .
صورة انجلينا جولي وأقفة في حفل ال Oscar Fashions مع
Brad Pitt .
الناس العارفين قالوا كلام كتير عن طول كراع الزولة دي .

تابعت أخبار صباح يوم الليلة
عن الأوسكار فاشن .
أي زول كان متعجب في شكل الفستان المشقوق
وطول الكراع الأكثر وسامة في الشو .

يا عمك

لا شفنا كراع لا ضراع

وبعدين أرفع الفستان شوية ممكن تكتشف حقائق جديدة

يا عمك قالوا دي هي ال Mostbeautiful كراع في الدنيا .
الصور جايات

سلامات يا عثمان موسي

أمس القنوات كلها ماعندها شغلة غير كراع جولي .

تنفع كوارع لي حبيب نورة المسكين.

تحياتي

يا سيف الدولة
تنفع كوارع ولا محاية ؟

Quote:

Quote: يا عمك قالوا دي هي ال Mostbeautiful كراع في الدنيا .

ياخ معقول؟؟
العراقيب و السكاكات الفي الصورة ديل الموست بيوتيفول!!

موش بالله يا ود البشري
ذي دي عندنا تطعن حقن عشان كرعينها يبقن سمحات

غياتو الناس الدنيا ديل ما عندهم مواضيع بالجد

اريتها كراع العدو.

Quote: اريتها كراع العدو

و عدو مجاور

I wish she could put just one kg above the knee
عندها تشوفوا الجهجهة مع صديق الموج

عزيزنا سيف
سلامات
شنو رأيك في كلام صاحبك حبيب نورة ده عن بصل الحلة .
وشماعة الجزمة ؟

الحلّة بصل والمرَا كرعين :)

ههه..

والفول زيت!














________

تقولي شنو يا د. نجاة.. أهلنا ديل بيحبو الكوارع!

Quote: ذي دي عندنا تطعن حقن عشان كرعينها يبقن سمحات

انتو قايلين الخواجات ديل عارفين حاجة
ياخي ديل ما بيكون سمعوا بطبلية حامد برقو في سوق ليبيا و لا بالحقن النايجيرية
بس اتخيلوا






____________________________
العزيزة د. نجاة تحياتي

الجماعة ديل شوفهم طشاش



حامد برقو
وين الحي بيك

Quote: وين الحي بيك

يادكتور احمد ازيك
ياخي مشتاقين و نص
كدي تعال في المسنجر

عثمان موسى ازيك

وينك يا راجل

يا أخي ما لقيت ليك كلمة غير كراع تصف به الجمال دا

وين رجل وين ساق وغيرها

يا أخي الكراع دي استعملها وقت تجئ تتكلم عن السكاكات الموجودة عندنا

مودتي

Quote: يا أخي الكراع دي استعملها وقت تجئ تتكلم عن السكاكات الموجودة عندنا

نرفض و ندين تصريحات ممثل راغب علامة بالمنبر

Quote: نرفض و ندين تصريحات ممثل راغب علامة بالمنبر

عزيزي حامد

كان ذلك بداعي الفكاهة لا أكثر ولا أقل

لك كل الود والتقدير

Quote: عزيزي حامد كان ذلك بداعي الفكاهة لا أكثر ولا أقل لك كل الود والتقدير

اما انا كنت قاصد اخلق ليك مشكلة مع السودانيات عشان تطلع لينا من المنافسة و خاصة شماعتك كويسة
يعني حسادة مني






____________________________________
عزيزي احمد القرشي : ياخي انا ال بهظر

اظن دي الغنو ليها ناس الحقيبة

من يوم داك جاني الجاني ماشوفتوها ياخلاني

شوفت عيوني في سيقانا

دي ساق ما كراع يا اخوانا ساعدونا بالملافض الطيبة

غايتو الكيزان خلينا ليكم السياسة و البلد لكن انجلينا جولي دونها الارواح

يعني ح نكون فصيل متحد من قبل كل من القادة الميدانيين حبيب نورة - صديق الموج و اخرين (نحجب اسمائهم لأسباب متعلقة بسلامتهم العاطفية)
على ان يكون مراسل المنبر في هولي وود السيد عثمان موسى ممثلا لنا بالامم المتحدة

عِتمان،
اللافوق من الركبه ماني خابرو..
لاكين التِحِتا: أريتا كراع الجيتو!*

-
* قدرما باصرت أكتبا زيماب تتنطق غلبني، لاكين يبقالي في اتنين وِصْلتُنْ، نجاة واحدي من اللتنين

Quote: اما انا كنت قاصد اخلق ليك مشكلة مع السودانيات عشان تطلع لينا من المنافسة و خاصة شماعتك كويسة يعني حسادة مني

طيب يا حامد خلينا ليك السودانيات بس انت أطلع لينا من انجلينا جولي دي

وبعدين ما تنسى ساندرا بلوك دي انحن بنكتل فيها

لك كل الود

Quote: ظن دي الغنو ليها ناس الحقيبة

يا سيف مساعد شوف ناس الحقيبة غنوا للخلخال كيف في بوست محمد المرتضى دا
هذه هي الأغنية ..

Quote: لاكين التِحِتا: أريتا كراع الجيتو!

ياها زاتا كراع النيتو الوصفها بشارة..

كيف كراع النيتو؟؟!!
ود السقد السكيتو واتمطرق طالب بيتو..

محمد إزيك

Quote: ياها زاتا كراع النيتو الوصفها بشارة.. كيف كراع النيتو؟؟!! ود السقد السكيتو واتمطرق طالب بيتو..

يعني آجدو فَسَّرْ؟



-
دي أمي يرفعولا بيرق

عثمان

والله الكراع دى احسن منها سكاكات حبيب نورة/B]

عزيزتنا وضاحة
سلامات
يا وضاحة أها ولورا كايبيلر برضو عندك فيها كلام .
تحياتي

غايتو آمنت انه بعد القعدة في امريكا بجي للراجل منكم اختلال في وعيه الكرعيني ويتنازل تمام عن تصوراته الجمالية الموروثة والتوصيفات نوع والله مرة سمحة كراعها بس بمرة ولا الحلة بصل والمرة كرعين
ولا كرعينها ذي طفاية الهيلتون بقيتو يا كافي البلا وحايد االمحن من شدت ما مستلبين تعجبكم سكاكات نجوم هوليود

المفروض نهائيا وكلو كلو كراع ما محننة ما تلفت نظركم لكن ما خلاس عاد الاستلاب حصل
ولمعالجته نديكم من العم قوقول صور ترجعكم للقديم من فات قديمو تاه,
















_________________________________

حامد تخش بلدنا وما تتصل بينا بتاع الايمقريشن فضحك قالي مستر حامد برقو ليفت يستر دي.قلت ليه المرة الجاية احجزوا لينا

جست كيدنق يازول بالله لما تجي بجاي ابقى قول هلو,,

وسلامي ليك

Quote: طيب يا حامد خلينا ليك السودانيات بس انت أطلع لينا من انجلينا جولي دي وبعدين ما تنسى ساندرا بلوك دي انحن بنكتل فيها

غايتو ما بتنزل لي من الزور انجلينا جولي دي ولا أفلامها ولا بعشرة كبايات موية
لساندرا بولوك بنبصم بالأصابع العشرة..عسولة وأفلامها عسل وهي انسانة خالية من جرثومة التكلف
انجلينا فستانها ما حلو وتكلفها باخراج ساقها والفوق الساق والتحته أكيد بكون عمل ليها فكك في الحوض
بس الخواجات مفصومين بيها لأنها شطورة بتعرف كيف تخت نفسها في صفحة الأخبار بالاضافة لانها المحظوظة المسكت في براد بيت بسنونها لـ هسـه... وخلته يبقى محمول.. فيها صفات سودانية وكدا :)
أنا ما عندي راي في ساقها لكن عجبني للرجال صور الحنة الرهيبة .. الشافكم قهيتو فيها ونسيتو ساق انجلينا ما كذب :)

=

غايتوا كُرآع أُم جلينا دي ما لقيتلها شبه غير ديل.
والله صحي...

تحياتي وسلامات عزيزتي نجاة

Quote: المفروض نهائيا وكلو كلو كراع ما محننة ما تلفت نظركم

الجمال في الصور التي أنزلت ليس في الحنة ( فقط )
إنما في أن ( الكرعين ) في عضمهن زااااتو
مليانات
ويملأن العين
لوووووووووووول

عودك صبّ


ود الرضى
*****
عُودَكْ صَبْ عَدِيلْ نَافِى مِن سَلَبَانِ
تَبْرَه مَحَل مَحَل مِتْسَالْكَه خَاتِيه كَبَانِى
بِقِيتْ أنُوح وأسْهَر طَالْ عَلَى طَلَبَانِى
لَى طَمْيَه ونَشَب زَرِقْ شَمْبَانِى

تِلْيَتنْ فى الضُّرَاعْ عُنْقاً بِلاَ كَذِبَانِ
تَبْسِيمْ فَاطِرَك فَاق نَاقِعْ الألْبَانِ
مَمْزُوجْ خِدَيدَك بَى كُحُل رَبَّانِى
أمْرَد وفِيهُ هَدْلَه وتِحْتُه الفِوِيقِلْ بَانِى

Wrong leg in a nice lady... wishing her more fattttttttttttttttttttttttttttttttttttt

حقو يا اسامة ترسل رابط البوست لأنجلينا تشوف صور الرجلين الصاح عشان تلم سكاكاتها ديل عليها وتبطل تمرقن
او رسّلوا لبراد بت ههههههههههه

Quote: او رسّلوا لبراد بت ههههههههههه

غايتو في ناس بتحب الخراب كيف؟؟؟؟؟؟

نحنا مع فريق ساندرا بولك انجلينا دي بس شلاليف ساي

تستاهل يا بيان ما هي خربت على جنيفر انستون برضك

يبدو أنه بعد أن استنفذ بوست الشجر الكبار اغراضه نحن موعودون بفاصل "كرعيني" في هذا البوست.
__________________________________
انا غايتو لما تبقوا على العيون قولوا لي عوووك.

سيف النصر

Quote: انا غايتو لما تبقوا على العيون قولوا لي عوووك

اما انا طبعا شخص مؤدب و كدا - لما تجوا في الكلام عن خشم اجلينا كلموني اطلع من المنبر

عالم ج بان بشكل
قال عيون قال






____________________
دكتور سيف ياخي تحياتي

سيف النصر

Quote: انا غايتو لما تبقوا على العيون قولوا لي عوووك

اما انا طبعا شخص مؤدب و كدا - لما تجوا في الكلام عن خشم اجلينا كلموني اطلع من المنبر

عالم ج بان بشكل
قال عيون قال






____________________
دكتور سيف ياخي تحياتي

سيف النصر

Quote: انا غايتو لما تبقوا على العيون قولوا لي عوووك

اما انا طبعا شخص مؤدب و كدا - لما تجوا في الكلام عن خشم اجلينا كلموني اطلع من المنبر

عالم ج بان بشكل
قال عيون قال






____________________
دكتور سيف ياخي تحياتي

سيف النصر

Quote: انا غايتو لما تبقوا على العيون قولوا لي عوووك

اما انا طبعا شخص مؤدب و كدا - لما تجوا في الكلام عن خشم اجلينا كلموني اطلع من المنبر

عالم ج بان بشكل
قال عيون قال






____________________
دكتور سيف ياخي تحياتي

..غايتو أقول لأخوانا الرجال المنحازين للثقافة والعلم عند المرأة ، دون الجمال ومميزاته الجسدية فى المرأة
ما أظنكم تكون مقتنعين لو ما لقيتو فيها زي صورة د. نجاة دى وما تبعها من صور ساقين وليس كرعين ..

بعدين شويه شويه يا جماعة عشان ما يمشي الخور ..,!!!

بنحب من بلدنا و بث

ــــــــــــــــــ
الظلامية بيان .. دي صورة بجيبوها قبل صلاة الجمعة ؟!

فل ناكل مما نزرع

-----------
اهو اللحم البلدى اثبت تفوق فى المجالات العالمية

يا وضاحة القطن البين الأصابعين دا شنو؟

واللله بس ذكرني الحنوط. وغسل الجنازة

جقيقة لقد أفسد هذا الجمال

امانة ما رجل





-------------------------------
اسي الرجل دي جايبنه لي شنو

الظمبار عثمان موسى هرب وخلى الكريعات يتطاقشن.

ـــــــــــــــــــــــــــــــــــــــــــــــــــــــــــــــــــــــــــــــــ

ظمبارعلى وزن بربار أو عبار

Quote: Ahmed al Qurashi يا وضاحة القطن البين الأصابعين دا شنو؟ واللله بس ذكرني الحنوط. وغسل الجنازة جقيقة لقد أفسد هذا الجمال

لالا احمد

القطن علشان الحنة كل صباع يكون مرتب ما ملخبط بالحنة

رايك ايش فى الكراعين خلى القطن

عزيزتنا عفراء
سلامات
وألف شكر علي جلبك صورة جولي في ال Carpets الاحمر .
الامريكان جد عجيبين يا عفراء .
الليلة حديث الناس كلو اتحول من حديث عن منافسة في الفاشن أوسكار
الي حديث عن جراحة تجميل الكرعيين .
يازولة الكلام مضحك وعجيب .

Quote: .ياخي ديل ما بيكون سمعوا بطبلية حامد برقو في سوق ليبيا و لا بالحقن النايجيرية

اسع لو مشيت بطبليتك دي هوليود الا عاد نشوفك كل يوم تنظر متخصص كرعين في قناة الفاشون

عملية بالاف الدولارات حقن طبليتك تعمل العجب وقدر ظروفك كمان..

اكثر حاجة ضحكتني في الحقن في السودان البجبوهم من البطري..
ما علينا ما تجرجرونا في الكلام نكشف اسرار نسائية يبقى ضدي حزب النسوان كمان..



غياتو ما بسالكم بالله شوف الكرعين وحدن بين كل الوان الطيف في المنبر


يتخيل لي في مفاوضات البترول كان الكلام عن الكرعين كان اتحلت المشكلة.

Quote: رايك ايش فى الكراعين خلى القطن

قامت تريك خشية أن تصرما
ساقا بخنداة وكعبا أدرما

والساق البخنداة يا وضاحة هي الساق الخدلج

والمعنى واضح كما قال البروفيسور عبدالله الطيب

Quote: قامت تريك خشية أن تصرما ساقا بخنداة وكعبا أدرما والساق البخنداة يا وضاحة هي الساق الخدلج

عُنْقاً فَاق وَرِيدْ الزَّازَه شَافْلُو ضِلَيلْ
مَهْدُول الكِتَيفْ دِيسِكْ غَزِيرْ وضَلِيلْ
مَرْدَه وفَاقِلَه ضَهْرِك قَصِيفْ وقَلِيلْ
مَتْبُورَة القَدَم سَاقِك حَكَاهُ خَلِيلْ

عزيزنا محمد البشري
سلامات
في حاجات كثيرة في الساحة يا محمد بس الكراع دي
شغلت الدنيا اليومين ديل .
بعد العودة من الشغل بحكي ليك كلام ناس برنامج ال T M Z .
عن ما دار .

Quote: يعني آجدو فَسَّرْ؟ - دي أمي يرفعولا بيرق

بالحيل

كيفن ما فسَر؟؟

هسع ناسك ديل عارفين النيتو واللعيب وبشارة ؟؟!!




يا وضاحة صورتك دي كان قلنا لور ليمب إيديما

بقولوا حاقد لكن ظاهر عليها من تنفخ القدم والأصابعين

دا شغل حقن
mainly due to extravasation of fluids and Edema

والله كرعين غنم السيال

على قول أئمة المنبر ،
اللحم كتف والباميه شمار

لولا جولي ، لما تذكر القوم أرجل النساء وراجعوا يوم الخميس

Quote: جدو يا وضاحة صورتك دي كان قلنا لور ليمب إيديما بقولوا حاقد لكن ظاهر عليها من تنفخ القدم والأصابعين دا شغل حقن mainly due to extravasation of fluids and Edema

يا جدو لا

دا شغل نشاة حلبةخخخخخخخخخخخخ



مافى اجمل من كرعيين المراة السودانية

حنة ودخان يعطى لون وبريق خاص للكرعيين
ياخى نحن ربنا بحبنا اعطانا عادات وتقاليد ما موجودة عند نساء العالم تميزنا عنهم

Quote: بنحب من بلدنا و بث

بالله ؟ إنتا بقيت موريتاني و نحنا ما جايبين خبر









________________________________________________
الصادق ضرار سلامات
ياخي مشتاقين من طرف واحد

طبعآ أخوك من رواد متابعة الأوسكار كل عام و بإنتظام ,,
ودايما في إي مهرجان بيحصل حدث تتركز عليهو الأنظار ,,
السنة دي كنت حضورآ في فعاليات الجمعية العمومية للبيت السوداني بأريزونا والتي إنتهت في العاشرة مساءآ .. بعدها جيت جاري جري وصلت
البيت الساعة حداشر بالليل أها فتحت أل ABC لمتابعة بقية فعاليات الأوسكار فإذا بي أتفاجأ بالحديث والتعليقات عن كراع إنجلينا وخاصة عندما كررات ذات المشهد على الخشبة وأنجلينا تساهم في التقديم .. الأمر الذي حدا بالممثل Jim Bashi بطل 50/50 حينما جاء لإستلام جائزته أن يقلد أنجلينا حينما وضع يده على خاصرته وأمسك بجائزته على ساقه الممدودة على شاكلة أنجلينا فأثار ضحك الحضور.. المهم جريت ل twitter لقيت 7ألف تعليق في ظرف نصف ساعة على كراع أنجلينا ده كلو حاصل وسيادتو براد ماهاميهو يتبسم ساي لا غيرة ولا يحزنون أما راجل KO KO..
كنت عايز أفتح بوست اليوم التاني لكن قلت في نفسي عثمان موسى الكراع دي ما بتفوت عليهو .. وصدقت توقعاتي ... سلامات يا زول يا رائع.

الزميلة العزيزة د نجاة ..
في ذمتك الكرعين ديل جبتيهم من وين !

طبعآ دي جيتي من السودان .. تحياتي ليك

يا عثمان شوف
الكضب حرام والقبُر قدام
بالنسبة لي كرعين أنجلينا جولي وهكذا سكّاكات ديل ما بياكلن عيش في بلدنا دي إلا كان جات جرية
وديل ممكن نختهن تحت بند ولحم طير مما يشتهون عشان ما بتشابه عليك البقر ساهي ياخوي :)
هسه أول ما صور الكرعين الصحي صحي جابتن الدكتورة بيجاي سوّن فوق قلوبنا سُواة العاصفة بي ساق الشتيل النّي :)
وساندرا بولوك بالكاد تستطيع أن تسُد رمق عيوننا التي لن يملأها حتي التراب



سِف وقارن :)
عليك الله ده ما ساق الشتيل النّي ال ربنا خلقو ؟
وعليكون الله شفتوا وضاحة طلعت حريييييفة كيفن ؟ غايتو ود الرضي ده عجييييييييييب في أمرو
هسه شوفوا بيونسي دي عشان بت خالتنا برضو الكرعين عندها ومحل ما تمِد إيدك تحمد سيدك :)


النصييييييييييحة ولا كلمة

السيفُ في غمدهِ تخشي بواتره والنصيحة البت متمكّنة وعارفة قُدراتها كويس

ولئن شكرتم لأزيدنكم

عزيزتنا د / نجاة
سلامات
ياخ جولي جننت السجادة الحمراء جن .

Quote: يا وضاحة صورتك دي كان قلنا لور ليمب إيديما بقولوا حاقد لكن ظاهر عليها من تنفخ القدم والأصابعين دا شغل حقن mainly due to extravasation of fluids and Edema

اها الدكاترة ظهرو
كدا يا جدو نفهم ان مهنتك مؤثرة على نظرتك الجمالية؟


سلامات الاخ العزيز عادل
الف حمدالله على السلامة لقيت الاهل كيف؟

والله الصور ديل من قوقول بس تكتب كرعين سودانية (زول مدردق)

Quote: سلامات الاخ العزيز عادل الف حمدالله على السلامة لقيت الاهل كيف؟ والله الصور ديل من قوقول بس تكتب كرعين سودانية (زول مدردق)

قر قررر يا نجاة .. أنا خايف أستعمل الكي وورد بتاعك تجيني صور
كتاب دكتور سوس Sues (الأقدام) .. وتبقى دردكتيني صاح ,, بس ما قلتي لي
(كرعين سودانية) بالحنة ولا بدون حنة.
مشيت السودان ولقيت الأهل عال العال ولقيت أصحابي أولاد الدفعة مشوا فوق
كل واحد بقى مدير عام في بنك ولا نائب مدير والكعبين إتأخروا بقوا مساعديم مدراء وأغرب حاجة مالقيت من الحكومة إلا بوليس الحركة وبوليس الطوارئ في المولد .. ناوي أفتح لي بوست عن الخرطوم بس ال jet يفك مني لسة رابط معاي ,, يلا لي قدام

Quote: كل واحد بقى مدير عام في بنك ولا نائب مدير والكعبين إتأخروا بقوا مساعديم مدراء

نحنا الطلعنا فقدنا الكثير

تعرف انا مشيت قبل سنوات ازور الاخواتوالاخوان ناس المعهد في الحيشان التلاتة(الاذاعة والتلفزوين والمسرح)

صادف ظهور كشف ترقيات جماعتي مشو الدرجة الرابعة واي زول رقوه وفرحان شديد وانا اكتفيت بالفحرة لفرحتهم
ولكن حسيت بحزن شديد...
وحسيت باحلامي تبخرت منها اني اكون في لجنة النصوص ولا رقابة الافلام.

ننتظر بوستك بفارغالصبر انا جيت من السودان يوم 8 واحد

Quote: بس ما قلتي لي (كرعين سودانية) بالحنة ولا بدون حنة.

في كرعين سودانية ما فيها حنة؟

Quote: حبيب نورة هسه شوفوا بيونسي دي عشان بت خالتنا برضو الكرعين عندها ومحل ما تمِد إيدك تحمد سيدك :)

ايدك اريتا بالمشرط


بيونسيتك دى سمحة بس ما زى بنات بلدى

بناتنا جمال طبيعى وربانى مافية مكياج ولا شد
يشدوك فى قدر يغلى




ود البطانة قال في بناتنا

جله جلالو في صنعو وبرايو مصطر
فرا فوطرو كالبرق البعقبو تمطر
قلب عينيهو سالمني وقصدلي اخطر
مسو حريره اليمني المسالمو تعطر

Quote: بالله ؟ إنتا بقيت موريتاني و نحنا ما جايبين خبر ________________________________________________ الصادق ضرار سلامات ياخي مشتاقين من طرف واحد

يعني د. بيان طلعت ماسورة
لا لا لا دي كراع بلدنا مية المية
و تشكر لبيان ان اعادت الثقة فينا بعد ان كاد المستلب صاحب البوست ان يخمنا
بسواقين الكلجو كلجو تلك .

ـــــــــــــ
انت وين اختفيت الفترة الفاتت ؟

عزيزنا عاطف
سلامات
هههههههها عضمهن زأتو ؟

Quote: حامد تخش بلدنا وما تتصل بينا بتاع الايمقريشن فضحك قالي مستر حامد برقو ليفت يستر دي.قلت ليه المرة الجاية احجزوا لينا

انا ما قلت ليكم د.نجاة دي كان مع فلاديمير بوتن في الاستخبارات السوفيتية(КГБ ).اها بوتن بقى رئيس و هي زعلت من تصرف بوريس يلتسن و مشت ماليزياو منتظرة دورها في الخرطوم؟







___________________________________
العزيزة د. نجاة والله يشرفني
غايتو تاني لو وصلت كوالا لامبور ما ادخل يدي في صحن رز الا في داركم العامرة

غايتو وصف الكرعين الحقيقى قالو الفنان وردى بالرطانة:

اجول انقرين أوى جيتا دبسكن هوى
دلولو كوريسن نووى



لكن نوع سكاكاااات انجلينادى ما شفناها الا فى الوصفة المصورة لشوربة الكوارع

غايتو يا جماعة انا مع الاخت وضاحة دي في كل شي في كلامها وفي الصورة النزلتها كمان لانو دي مقاييس الجمال السوداني الاصيل الانحن بنعرفو من زمن اجدادنا بالله خلونا من الكوارع والعراقيب الإنتو جايبنها لينا دي ،، ومعليس يا اخ عثمان موسى انا المرة دي بختلف معاك في وجهة النظر وياخ انت مالك ما كنت كويس ؟؟
شكرا وضاحة على هذا الألق والحقائق الجميلة ,, وشكرا عثمان موسى على هذا الإستلاب الجمالي .. لووولز

تحياتي : ياسر العيلفون

احمد القرشي

Quote: وبعدين ما تنسى ساندرا بلوك دي انحن بنكتل فيها

ده تصعيد واضح للنزاع و استفزاز غير مبرر







_______________________________
و على قول الصوارمي نحتفظ بحق الرد

Oigaaaaa .... Oiga

Oigaaaaa .... Oiga


الاخ محمد عبد الماجد الصايم طالماجبت سيرة الاوى اذا حاوكل عليك ترجمة كلمات وردى النوبية فى وصف جمال الاوي :


اجول انقرين أوى جيتا دبسكن هوى
دلولو كوريسن نووى

تعرفي يا منار .. ساهل جدا الترجمة
لكن ح تكون حرفية ساي!!
جمال الكلام دا في لغتو ذاتا


هسي لو جيت صوّرت ليهم المنظر في أسمر اللونا
لما بوصف في سمرة وهي ماشة في القيف!!
كلام بتاع (مثقفاتية) ساي


لكن شوفي التعبير كيف بالنوبي:
سمرة شبشبا طار نكر قودو نقرشنتاني
كركوتي آلى واتيلا .. شبر مليقاإن قر قلب إنقرميّلن تان!!


أنسي بس!!

بعدين يا منار الكتابة بالعربي زاتو متعبة ياخ!!
في حروف كـدا ما تعرف تجيبنا من وين زاتو!!

يا حبيب نورة
ويا ود الخليفة
يا جماعة الكلام الحصل في الليلة ديك علي السجاد الاحمر
جرجر كلام كثير والكلام تفرع وتشعب من عرض لهدوم المشاهير
لحاجات لفتت نظر ناس القانون .
يا جماعة الناس بتتحدث عن طول الكراع
وعن جراحة العظام والشد والتطويل
وهل الكراع دي حقيقة كراع . ؟

عزيزنا حامد برقو
سلامات
عليك الله يا حامد شلوت الكراع دي الكان في الفيلم
الاخير شفتو ؟

غايتو انا من مشجعين ال British beef كدى عايتو ل Kate Moss

Quote: ر ما ادخل يدي في صحن رز الا في داركم العامرة

روز دا ما بنديك ليه نعمل ليك ملاح روب بعصيدة جير

بس انت كيف تزرونا..

Quote: غايتو انا من مشجعين ال British beef كدى عايتو ل Kate Moss

يا امين غياتو في علم الكرعنولوجي ديل اسمهم كجالات
اسع البيف وين؟؟؟؟
عكازين وربع كيلو لحم


الصادق ياخي دي كرعين لا شرقية ولا غربية سودانية مية المية

يا اميننا الذي هو معجب بسيريال كيلر

ياخي بالغت مرتين ..
مرة في beef دي التي توحي بانك جايب لينا صورة بابور فاهم لحيم تريان فإذا بها الخرتاية الكملانة من لحم الدنيا دي لو قلت meat ساي كان اظرف
و المبالغة التانية انو بعد ساريات البلنط و الرخام AKA طفايات قاعة الصداقة الوردن صورن اعلاه تجيب ليك صورة زي دي عايز تنافسن بيها
اي نعم هي احسن حالا من انجيلينا حيث سكاكاتها انعم ولا عروق او عضلات بارزة فيهن لكن يبقن في النهاية سكاكات

Quote: عكازين وربع كيلو لحم

محمد البشرى الخضر و د نجاة

سلامات

ياخ بتبالغو والله................باخ دا اسمو lean beef %95 lean meat and %5 fat.............يعنى صحى ما فيهو كولسترول و شحوم زى انتاجنا المحلى كمان من ميزاتو انو خفبف و flexible

غايتو أجمل شئ في البوست دا إنو فيه ناس ظهرت ليهم مواهب مدفونة .......

حبيب نوره بين بوست الشدر الكبار و البوست دا ..... هوي يا ليلى

عثمان وحبيب نورا
اها العربي ده كيف

عزيزنا محمد عبدالرحمن
سلامات
زولتك لا بتتنطق ولا بتتقابل
دي جولي يا صاحب

العزيز Ahmed Mohamed
سلامات
كلامك شنو يا دكتور في قصة جراحات التجميل دي ؟

عزيزنا أحمد القرشي
سلامات
شنو يازول ؟
ياخ البنت العجيبة لورا كايبير كانت هناك برضو .
الزولة يا أحمد جد أذهلت الحكام بداك الطول وداك الجمال وديك الكرعيين العجيبات
.. لورا يا أحمد في الاوسكار ما جات بنفس البكيني بتاع حفل المنتجع المشهور .
والله يا أحمد جد لورا تستحق لقب ملكة جمال 2012

عزيزنا سيف مساعد
سلامات
عليك الله يا سيف نوع الكراع الفنتاستك دي
حصل وقعت في عينك ؟

[IMG] http://www.m5zn.com/uploads/2010/4/25/photo/0...dmlpqt5en1lq.jpg[/IM

عثمان موسي انا لله....
عماد عبد الله وين عالم،،،،
انجلينا دي قاعدة ام فكو ساي وحاة ربي
ياخي انا قاعد في بلد الرجلين فيها سكاكات ابو جلوك ( ابو جلوك دي اسألو عنها الطيب شيقوق وود القرشي وواحد مسخوت اسمو حامد برقو)
د. نجاة الاخبار وليك وحشة انا قريب منك في تايلاند اول اجازة ح نصلكم ان شاء الله

Dr.Ahmed Boasch

Quote: ياخي انا قاعد في بلد الرجلين فيها سكاكات ابو جلوك ( ابو جلوك دي اسألو عنها الطيب شيقوق وود القرشي وواحد مسخوت اسمو حامد برقو)

عادة لا نرد على النيران الصديقة

قلت في تايلاند ؟

حبيبنا حامد برقو
تحيات نواضر عاطرات

والله محسوبك في بانكوك من زمن بكابس في الرزق مع اكلة التوميام وصاحبات السكاكات الغير مقنعات

انت في اي بلد غاتس؟؟؟

الأخوة الأحباب
قال إبن البادية مرة ...

المعايير ...... يا المعايير ...
أعمل إيه فيك يا المعايير ...!
الناس دي جادة ؟؟!
يخرب بيت كده .... على قول أخوانا في شمال الوادي ...!

Quote: ولا كرعينها ذي طفاية الهيلتون

أما أولاد الشعبية (بحري) مرضانين كورة و أي حاجة عندهم بمقاييس كروية عشان كده في الحالة دي بيقولوا ليك:
الكرعين زي باكات المانيا

عثمان موسى
تحياتي

غايتو يا دكتور احمد نهيت المعركة بالضربة القاضية بالقنابل العنقودية دي

اسع عثمان خلاص علق الراية البيضة

وعقدتني انا شخصيا..

Quote: د. نجاة الاخبار وليك وحشة انا قريب منك في تايلاند اول اجازة ح نصلكم ان شاء الله

نحنا بالاكثر.. بتي جات حداكم في اليو ام كلمتها بيك عشما في النصح والارشاد لكن قالت انك مافي..

بالله ما تفوتنا المرة الجاية لما تجي ما تبقى ذي اخونا حامد دا

عثمان دغيس

Quote: الأخوة الأحباب قال إبن البادية مرة ... المعايير ...... يا المعايير ... أعمل إيه فيك يا المعايير ...! الناس دي جادة ؟؟! يخرب بيت كده .... على قول أخوانا في شمال الوادي ...!

اجمل ما في النوعية دي من البوستات انها تلمك مع الناس الحلوين المتصالحين
تحياتي لجميع المتداخلين و كمان( الجبا نين) ال بعاينوا بالشباك

يا حامد برقو
جولي في شهر 4 عندها لفة في جهاتكم دي
لتصوير فيلم عن التجارة القديمة بين عدن والهند والصين
وبعض من ديك الجهات ويمكن تحتاج لبعض المساعدات . خليك متابع
بعدين هسع عليك الله يوم الاحتفال داك لو رفعت كتاب حبيب نورة دقيقة للحضور
مش كان حالتنا نعنشت

عزيزنا جدو
سلامات
النيتو عديل ؟
ياخ حرام عليك

كراع ما بطالة, لكن الركبة ما تريانة ... يااااااخي,

عتمان ... أبقى طيب يابا, مع تحياتي لضيوفك الكرام

سلام يا عثمان وضيوفه الافاضل.
انجلينا جولي دي ممثلتي المفضلة لكن الخبر الذي تناقلته الصحف أحزني جدا.
نص الخبر:

Quote: لوس أنجليس ـ يو بي اي: قال طبيب أمريكي يقدم برنامجاً تلفزيونياً أن النجمة أنجلينا جولي التي أثارت طلتها المثيرة خلال توزيع جوائز الأوسكار الأسبوع الماضي اهتماماً واسعاً في وسائل الإعلام، نحيلة جداً وهي تعاني من سوء التغذية. وقال الطبيب درو بينسكي، المشهور ببرنامجه 'دكتور درو' في إطلالة في برنامج 'ذا فيو' الدمعة 'تعبت من البقاء صامتاً حول هذه الأمور، صمت حيال العقاقير المهدئة وبدأ الكثيرون بالموت، والآن اشعر بالواجب أن أتكلم، إنها (جولي) تعاني من سوء التغذية'. وقال إن جولي امرأة جميلة 'ولكن يجب أن تتغذى بشكل أفضل'. وكانت جولي التي كشفت عن ساقها في وقفة مثيرة خلال حفل توزيع جوائز الأوسكار الأحد الماضي، قد تحولت إلى حديث وسائل الإعلام حول العالم، وأصبح لساقها صفحة خاصة على 'تويتر'.

المصدر:http://www.alquds.co.uk/index.asp?fname=today...\03\03-04\04z420.htm

Quote: و عدو مجاور I wish she could put just one kg above the knee عندها تشوفوا الجهجهة مع صديق الموج

حامد برقو قصدك زى دى؟؟

انا قصدى اورى حامد برقو عشان حبيب نورة وطارق جبريل ما يحرفوهو،،،

الاخ / عثمان موسى وضيوفه الكرام ،،

نحن ناس الضهاري ديل كرعين انجلينا كان حقيقة ولا مجاز مابمشوا عندنا
والصورة حقت الموج دي يمكن تكون معيار ياخي
نحن جماعتنا عندهم مقولة مشهورة يقولوا ليك :

المرا أم ساقاً ضعيف
إن ضربك الزيف
في خشم بيتها ماتقيف

عشان كده انجيلينا ماعندها حظ نكون من معجبين كرعيها ،،

غايتو الكرعين ان ما بقن تريانات ورويانات متل اللقيمات البكانبودرا زايد آآآبتريح
لكن «كروق» انجلينا ديل سليقي ما يسونها

طبعآ الكرعين الماظهرت كاملة دي لقوها ثوار ليبيا في ألبوم القذافي الخاص لكن ممكن تتموا الرؤية بي خيالكم!

Quote: ممكن تتموا الرؤية بي خيالكم!

ممكن توضح اكثر ؟

نطالب الاخ البكري بإلزام الاعضاء ال غير الواضحين

عزيزتنا Rummana
سلامات
يا بتنا الفستان ده كان حديث الدنيا من كلفورنيا
لي خميس مشيط .

جمعة مباركة

انتوا لى هسي ساكين الكراع هههههههههههههه

غايتوا لقيتكم فاقدين كرعيين

وشكلكم ممكونيين وصابرين

والله يا وضاحة يا اختي نحن ما فاقدين كرعين والكرعين عندنا والحمد لله لكن بس نحن ساكين الجمال والله جميل يحب الجمال فما بالك بنا نحن ,, وبعدين هسة شفتي ليك واحد شجع الكرعين الرقاق ديل غير صاحب البوست ( مع الإعتذار له طبعا )
كدي خلينا نحن ورينا وجهة نظرك انتي شنو في الكرعين الرقاق ديل لووووووووووولز

تحياتي : ياسر العيلفون

والله يا وضاحة يا اختي نحن ما فاقدين كرعين والكرعين عندنا والحمد لله لكن بس نحن ساكين الجمال والله جميل يحب الجمال فما بالك بنا نحن ,, وبعدين هسة شفتي ليك واحد شجع الكرعين الرقاق ديل غير صاحب البوست ( مع الإعتذار له طبعا )
كدي خلينا نحن ورينا وجهة نظرك انتي شنو في الكرعين الرقاق ديل لووووووووووولز

تحياتي : ياسر العيلفون

عزيزنا معاوية المدير
سلامات
هههههها ياخ حرام عليك .
حسب العنوان يا معاوية أنا قاصد أنشباكة النجمات الأمريكيات
في الجراحة الجديدة . جراحة تطويل ومط وتجميل الكرعيين .
بعد ظهور النجمة أنجلينا في الشو الناس أندهشت من طول الكراع .
كدي حاول أدي الكراع دي كحلة .

الاخ الكريم عثمان موسى

سلامى

ليس حجرا على حقك فى التعبير....
ولا مصادرة لحقنا فى التعبير....
لم يخطر فى مخيلتى أن يكون الحديث عن ساقى المرأة وبصور يكون مكانه المنابر العامة!!!

Quote: لم يخطر فى مخيلتى أن يكون الحديث عن ساقى المرأة وبصور يكون مكانه المنابر العامة!!!

الألفه ... أسامة خلف الله, تسلم,

أها يا الحبيب, نحن نعيش عالم اليوم
بكل معطياته ومرفوده للعام. شي كرعين
وشي ضلافين وشي وراكين, وحتى بيونسي قالوا
شافوها بترضع بنتها في مجلس عام. أها
{المافي شنو؟} على قول قيقراوي.

أخالنا نتداعى بأثر رجعي في إنفعاله
مع تباريح الهوى وثقوب الذاكرة ومستخلف
الشجون. فمن لا تحبب نفسه مثل هذا, فليركن
لما يطيب. وليترك { الغرباء } لحالهم الذي
يختارون. إمتحان أولى في معنى إحتمال الآخر.

كراع أنجلينا منسقة, لكن الإيريا حول الركبة
ما تريانة... وحيث بمقاييس جمالنا الشرقي,
نحب العضام مغمورة ما أمكن.

عتمان ... مشتاغون والله

يا حامد برقو
ياخ القصة المحزنة جد هي قصة دعوة المطربة
ويتني هيوستن لحضور حفل الأوسكار فاشون