|
Re: مبروك اميره و كيكي المولود الجديد (Re: omer osman)
|
السيدة الفاضلة اميرة الف مبروك وحمدالله على السلاممة ويتربى في عزكم اما انت يا ايها المهندس نعرف بعد ما توزعوا الشربات لكن بنتلاقى تحياتنا وامنياتنا ومن المهندسين الكبار ماعارف الاسم الاخترتوا لكن من هسي لقبو كــنــتــور ود كيكي
| |
|
|
|
|
|
|
Re: مبروك اميره و كيكي المولود الجديد (Re: نازك يوسف)
|
هلا وغلا بالود
الامين عبدالكريم الامين
ولادة حمدات وحبو البلاط
الاف التبريكات لحاجة خديجة وحاجة مكة
وعم الامين وكل الاهل بسنار وود مدني والمجلد والخرطوم
مبروك دكتور عبدالله عبدالكريم
مبروك خليل تمساح
مبروك لي uncle صلاح واحمد
اميرة حمد لله علي السلامة
شكر ا عمر بوب
| |
|
|
|
|
|
|
Re: مبروك اميره و كيكي المولود الجديد (Re: saif massad ali)
|
ملايين التبريكات للعزيز كيكى وحرمه المصون قدوم الفارس الصغير جعله الله من الفالحين الناجحين البارين بأهلهم وأوطانهم , التهانى والتبريكات موصولة للأعزاء صلاح الأمين وأحمد الأمين ولكل الأهل والاصدقاء . شكرا يا بوب على الخبر المفرح .
| |
|
|
|
|
|
|
Re: مبروك اميره و كيكي المولود الجديد (Re: عبدالكريم الامين احمد)
|
ألف ألف مبروك وحمدا لله على السلامة وجعله الله من أبناء الوطن البارين بوالديهم وأهلهم
تعرف لو ما سبق السيف العزل كنت داير أقترح إسم (شرحبيل) ولكن مافي طريقة مع سمي جده إن شاء الله ياخ يحمل الإسم هيبة وجبرة أمينا على والديه والأهل والسودان والمبادئ والقضية إن شاء الله
| |
|
|
|
|
|
|
Re: مبروك اميره و كيكي المولود الجديد (Re: منتصر الامين)
|
ألف ألف مبروك يا كريم ليك وللمدام مقدم الفارس اللمين يتربى في عزكم ويجعله ربنا ليكم قدم سعد وسعادة وخير ويخليهو ليكم من النوابغ حملة نور العلم والمعرفة
وحمدالله على الســلامة..
وشكــراً بوب!
_____________
كنتا عاوز أطلب منكم ما تسموهو خالص كيتاً في السني ده إلع وكتين سميتوهو على جدو.. نقول طيب!
| |
|
|
|
|
|
|
Re: مبروك اميره و كيكي المولود الجديد (Re: Ashraf el-Halabi)
|
داليا الكباشي : أقترح أسم (فارس) .. فارس عبدالكريم :)
جني وجن الأسماء المابتكشف عن هوية حاملها وتجهجه الناس ياخ في ثقافاتنا الإسم مهم جدآ لأغراض التوضيح حين يحين وقت الأسئلة مثلآ الأسماء : سيدأحمد ، محمد الحسن ، طوالي بتظهر ليك شلوخ لي وراء بتاعت بني شايق الأسماء : الفحل ، المهل ، نمر ، البلولة طوالي تداهمك عرضة بني جعل الأسماء : ساتي ، زيادة ، ضرار/ درار تهبشك ميلوحة وتركين في روحك وترطن.. دناقلة يا رسول الله الأسماء : ادروب ، و أبو .... ( أي انثى ) اوشيك ، اوهاج ، ترتسم قدامك تفة وخلال وصديري وجبنة
ف يا دلوش ما تلخبطي لينا الرصة
وأهو فوق الجماعة تماهو مع الثقافة المحلية وإقترحوا : شرحبيل
يا أبشرا
| |
|
|
|
|
|
|
Re: مبروك اميره و كيكي المولود الجديد (Re: أبو ساندرا)
|
Quote: جني وجن الأسماء المابتكشف عن هوية حاملها وتجهجه الناس ياخ في ثقافاتنا الإسم مهم جدآ لأغراض التوضيح حين يحين وقت الأسئلة مثلآ الأسماء : سيدأحمد ، محمد الحسن ، طوالي بتظهر ليك شلوخ لي وراء بتاعت بني شايق الأسماء : الفحل ، المهل ، نمر ، البلولة طوالي تداهمك عرضة بني جعل الأسماء : ساتي ، زيادة ، ضرار/ درار تهبشك ميلوحة وتركين في روحك وترطن.. دناقلة يا رسول الله الأسماء : ادروب ، و أبو .... ( أي انثى ) اوشيك ، اوهاج ، ترتسم قدامك تفة وخلال وصديري وجبنة |
كاتب هذا الكلام هو ابو : ساندرا ومهيتاب وسولارا ودينا بينما بتول وست النفر وفرحين ومستوره بيعكسو نفس رؤيته عن اسماء الذكور فتأمل ولا المهم ايهم اقرب للتعبير عن الوضع
| |
|
|
|
|
|
|
Re: مبروك اميره و كيكي المولود الجديد (Re: خالد عبد الله محمود)
|
يا خالد سلامات
Quote: ألف مبروكـ يا هندسة أول التسجيلات الهلالية السنة دي ... |
انا لامن كتبت:
Quote:
وان شاء الله يكون سند للمهندسيين ولقوي السودان الجديد
|
كان في بالي انو الظرف الموضوعي ( زي ما بقولو اخوانا الشيوعين) لقيام السودان الجديد انو ما يكون فيهو اي مريخاب عشان كدا اي مولود ففي السودان الجديد هو هلالابي بس لانو دا الخيار الوحيد القدامو لو ما كدا احسن نقعد في سودانا القديم دا مع ناس طلحه وود القاضي ديل
| |
|
|
|
|
|
|
|