|
كتب الكاتب الفاتح جبرا المتوفرة بمعرض الدوحة
|
|
 Re: الولايات المتحدة تتحدي الخرطوم و تخطط لعمليات إغاثة مكثفة و كبيرة (Re: Mohamed Suleiman)
|
و كل الكلام عن السيادة و و ووو ..... يبدو أن إدارة أوباما قررت تجاهل أي رد فعل لنظام الخرطوم ..... الموسم موسم إنتخابات .... و تشير الدلائل الي تخطيط عمليات كبيرة تنطلق من الجنوب و تعبر الي ولايتي جنوب كردفان و النيل الأزرق ..... و إيصال الإغاثة الي المتضررين في هذه المناطق في أماكنهم .... بالطبع إحتاطت الولايات المتحدة لكل الإحتمالات و ردود الافعال المتوقعة من جيش و مليشيات و طيران حكومة الإنقاذ ...
لذلك ... جاء كلام المسؤول بوزارة الخارجية الامريكية واضحا و قاطعا لأرلاكان النظام بالخرطوم .... بأن إدارة أوباما عازمة علي المضي قدما في هذه الخطة.. خطة إنقاذ السكان في ولايتي جنوب كردفان و النيل الأزرق ... بحسب كلام المسؤول:
"That's something that our government at the highest levels cannot let happen," said the state department official.
الترجمة:
و ذكر المسؤول بوزارة الخارجية: و ذلك أمر سوف لن تسمح حكومتنا و علي أعلي المستويات بحدوثه ... (أي المجاعة).
| |
  
|
|
|
|
|
|
|
|
Re: الولايات المتحدة تتحدي الخرطوم و تخطط لعمليات إغاثة مكثفة و كبيرة (Re: صلاح جادات)
|
الأخ الفاضل صلاح جادات
لك التحية و الإحترام
Quote:
وفقدان السيطرة علي اقليم دارفور ايضا قادم
التحرك الدبلوماسي نحو المعسكرات بدأ وسوف يعقبه التدخل
|
و تبعا لنظرية الدومينو ..... سوف لن يتوقف الامر علي فقط عمليات إغاثة ....
سيستمر الضغط .... خاصة علي صدي الإنتصارات التي حققتها الحركة الشعبية مؤخرا..... علي مليشيات البشير ...
البشير يمر أكثر و أكثر بعزلة و شح في التمويل ... تمويل حروباته العنصرية ....
و كل هذه الضغوط ستؤدي الي نهاية حتمية .... إما الإنفجار .. أو الإنهيار ...
و الغريق لسّة قدام
| |
|
|
|
|
|
|
|
|
|
Re: الولايات المتحدة تتحدي الخرطوم و تخطط لعمليات إغاثة مكثفة و كبيرة (Re: Mohamed Suleiman)
|
عزيزي أبوحميد..
كلمة تحدي هذة ليست في موضعها.. فالحكومة والشعب الامريكي قرروا تجاوز مجرمي الخرطوم
ونقل إغاثات عاجلة للمتضررين غصباً عن رأي حكومة مجرمي الحرب والإبادة، مفسدي الارض.
فهم من تسبب في هذة المأساة بجنجويدهم ومليشياتهم الآثمة!
وهم (حالياً) يرغبون في السيطرة على كل هذة الإغاثات لمصلحتهم ومنفعتهم الذاتية.
فمن قتل العالمين بالطيران وقاذفات اللهب، ومن إغتصب الأطفال والنساء لن يؤتمن على أكلهم!
طلبوا أن يتم إدخال الأعاثة عبر ميناء بورتسودان ونقلها بواسطة شركة نقل محددة
معروف أن صاحبها هو أحد مجرمي الحرب.. كما طلبوا أن يتم توزيعها بأشراف مجرميهم؟؟!!
معقول هذا...
والويل لهم إن حاولوا التدخل في هذا الامر، وقد أعذر من أنذر!
| |
|
|
|
|
|
|
|
|
|
Re: الولايات المتحدة تتحدي الخرطوم و تخطط لعمليات إغاثة مكثفة و كبيرة (Re: ABDALLAH ABDALLAH)
|
ولسه انت يا محمد سليمان، تتخيل وتتوهم، ثم تصدق اوهامك
لن تتجرأ امريكا على ادخال ذرة اغاثة لداخل الحدود السودانية دون علم وموافقة حكومة السودان
كل مرة تلفح ليك سطرين وتترجمهم على مزاجك وتجي جاري تفتح بيهم بوست
كدي اقرأ بقية التحليل والتصريح بتمعن:
| Quote: Khartoum has accused Juba of backing the rebels - a charge South Sudanese officials including the president, Salva Kiir, have repeatedly denied. But in a November 21 statement, the White House noted that Mr Lyman had discussed with South Sudan "the need to respect the sovereignty of Sudan, including by ending support for the Sudan People's Liberation Movement-North (SPLM-N) in Southern Kordofan and Blue Nile." The nature of that support "is both material as well as command and control", said the state department official. He added that the UN Security Council "is basically paralysed" because it does not want to intervene in Sudan, even on humanitarian grounds, while South Sudan is backing the SPLM-N. "I imagine that a number of council members will for now be reluctant to sanction any move that further infringes Sudan's sovereignty," said Aly Verjee, an analyst with the Rift Valley Institute. "The situation will probably have to deteriorate further before any real action is contemplated." |
ثم اقرأ:
| Quote: "We have made no decision to do that." |
ولن يحدث
كما ذكرت انت دي فورة انتخابات وحركات اعلامية فقط
الحكومة الامريكية لا يهمها اذا مات نصف الكرة الارضية الجنوبي او اختفى من ظاهر الارض، ما اهي شغالة ابادة وتقتيل في افغانستان ومن قبل العراق، الم يكونوا بشر؟
تحياتي لك ولمن دخل البوست وهو يحلم ويتوهم
| |
|
|
|
|
|
|
|
|
|
Re: الولايات المتحدة تتحدي الخرطوم و تخطط لعمليات إغاثة مكثفة و كبيرة (Re: ABDALLAH ABDALLAH)
|
| Quote: إنت فى رأيك الحكومه السودانيه حتوافق ولاَ بتخلى المساكين ديل يموتوا بالجوع؟ |
حباب الغالي عبد الله
وجمعتكم مباركة طيبة
انا اثق تماماً في الحكومة، ولا اثق في المنظمات الكنسية اليهودية
الحكومة لن تكرر ما حدث في دارفور
70% من تمويل الاغاثات في دارفور ذهب رواتب وحوافز ادارية لمن يقومون عليها
الحكومة من مصلحتها انتهاء الحوجة للاغاثة
المنظمات ممثلة في مديريها والقائمين عليها مصلحتهم استمرار الاغاثة، بانتهائها تتوقف رواتبهم ومخصصاتهم
لذا برامج الحكومة تتمثل في تفعيل المجتمع وانشاء الاسر المنتجة
والمنظمات الرديئة برامجها حق اليوم باليوم
ومحمد سليمان وربعه يدعو الله سرا وجهرا ان تستمر الازمات، حتى لا تنطفئ الاضاءة المسلطة ويطويها النسيان
هنا الفرق يا عبد الله
| |
|
|
|
|
|
|
|
|
|
Re: الولايات المتحدة تتحدي الخرطوم و تخطط لعمليات إغاثة مكثفة و كبيرة (Re: الشفيع وراق عبد الرحمن)
|
الشفيع وراق عبدالرحمن:
Quote:
ومحمد سليمان وربعه يدعو الله سرا وجهرا ان تستمر الازمات، حتى لا تنطفئ الاضاءة المسلطة ويطويها النسيان
هنا الفرق يا عبد الله
|
و شر البلايا ما يضحك ....
يا آخ شوف ردنا في الإرشيف علي كل من رمانا بتهمة (ديل تجار ببيعوا في قضايا اهلهم و ما دايرين مشكلة دارفور تنتهي) ...
ردنا لهم و لك: أوكي .... لو ما دايرننا نتاجر في قضايا اهلنا ... إنتو ما توفروا لينا البضاعة .... وقف القتل و الغبادة و الحروب و تشريد المدنيين و التنكيل بالمعتقلين ....
و لو ده حصل منكم ... الليلة قبّال بكرة حنكون آوت اوف بيزنس !!!
يا أخي البشير ده ما بوصّوه كيف يخلق أزمات و كلّو يوم داخل في مأزق جديد و و ورطة جديدة ....
تفتكر ليه هو من دون رؤساء العالم الحاكمين و في سدة الحكم ... هو البراهو مطلوب القبض PERIOD
و كمان مطلوب القبض عليه بجرائم بشعة ... جرائم إبادة و جرائم حرب و جرائم ضد الإنسانية ....
هسي ضربكم الفلس بقيتو تسرقوا بترول الجنوب و تساوموا الامم المتحدة و المجتمع الدولي علي ثمن إغاثة مواطنيكم !!!
هل هناك عار أكثر من هذا ؟؟؟
يا للفضيحة !!!
(بسسسسسست ... ما تردد تاني كلام عن حكاية منظمات اليهود و النصاري .... أمينة النقاش فضحتكم يا تجار الدين و الفلاشا ... و إنبراشات قبضتم الهواء ثمنا لها ... هُسسسسسس ).
| |
|
|
|
|
|
|
|
|
|
Re: الولايات المتحدة تتحدي الخرطوم و تخطط لعمليات إغاثة مكثفة و كبيرة (Re: الشفيع وراق عبد الرحمن)
|
الشفيع وراق عبدالرحمن:
Quote:
ولسه انت يا محمد سليمان، تتخيل وتتوهم، ثم تصدق اوهامك
لن تتجرأ امريكا على ادخال ذرة اغاثة لداخل الحدود السودانية دون علم وموافقة حكومة السودان
|
مبعوثة الأمم المتحدة فاليري آموس قالت إن حكومة السودان طلبت ان يسلموها الاموال و المواد الإغاثية ... و هي تقوم بتوزيعها بطريقتها ...
يعني .... الحكومة هي التي تشرف علي إغاثة من تسببت هي في المقام الاول في أسباب نكبتهم ....
الحكومة تستخدم الغذاء كسلاح لتركيع أهل جنوزب كردفان و النيل الازرق ... و فوق هذا تريد ان تغتني من آلامهم ...
قارن كلامك ده و تصرف حكومتك .. بكلام المسؤول الامريكي الذي قال: لن نسمح بالموت جوعا للمئات من الآلاف من سكان جنوب كردفان و النيل الأزرق ...
الحقيقة ... لو جا واحد من المريخ و قرأ الكلام الفوق ده .. سيعتقد أن سكان جنوب كردفان و النيل الازرق هم مواطنين امريكان تنقذهم الحكومة الامريكية .. و لإعتقد ان حكومة السودان إعتدت عليهم لانهم أعدائها .. و ليسوا مواطنين سودانيين كان من واجبها ان تحميهم ....
بعدين برنستون ده زول ديبلوماسي .... لازم يقول ديبلوماسي ...
بيني وبينك يا الشفيع .... المرّة دي ... الفاس في الراس ...
(ليست ضربة فجائية ... لكن وضع الفاس في الراس بنعومة ... ثم الضغط التدريجي حتي ينقسم نافوخ نظامك)
| |
|
|
|
|
|
|
|
|
|
Re: الولايات المتحدة تتحدي الخرطوم و تخطط لعمليات إغاثة مكثفة و كبيرة (Re: ABDALLAH ABDALLAH)
|
الأخ الفاضل عبدالله عبدالله
لك التحية و الإحترام
Quote:
نأمل من إدارة الرئيس باراك أوباما أن تقوم بعمل إيجابى هذه المره
تجاه المتضررين من السودانيين والمقهورين قبل فوات الأوان.
|
إن لم تتحرك إدارة اوباما لفعل شئ ما برغم غضب الخرطوم ... فإن أي كارثة إنسانية تضرب بولايات جنوب كردفان و النيل الازرق ... سوف تؤثر سلبا في إنتخابه .... لأن كل التقارير و الأخبار من هاتين الولايتين تفيض بحقيقة إستخدام حكومة البشير لسلاح التجويع و منع الإغاثة لسكان تلك المناطق.....
هناك تحركات عسكرية مصاحبة لهذه العملية الإغاثية .... التي ستكون محطات إنطلاقتها نيروبي و أديس أببا و كمبالا و جوبا.
| |
|
|
|
|
|
|
|
|
|
Re: الولايات المتحدة تتحدي الخرطوم و تخطط لعمليات إغاثة مكثفة و كبيرة (Re: Mohamed Suleiman)
|
يا محمد سليمان
شكرا لايراد الخبر فيبدو الحكومة الامريكية هي في مازق حقيقي
نحن بالمرصاد
سوف يكون لقاءنا يوم 7 فبراير امام الامم المتحدة لاظهار المساندة لتحركات سوزان رايس
ويكون شعارنا اوقفو سلاح الجوع والمرض ضد شعب جبال النوبة والنيل الازرق ودارفور
وسوف يكون نشطاء امريكان معنا من تحالف اكتفورسودان
الي الامام
بعدين ما مستبعد ان ادارة اوباما تستجيب للضغط دا وتعمل هوبة سريعة وتغير الخطة بتاعة عمل السودان
| |
|
|
|
|
|
|
|
|
|
Re: الولايات المتحدة تتحدي الخرطوم و تخطط لعمليات إغاثة مكثفة و كبيرة (Re: الشفيع وراق عبد الرحمن)
|
| Quote: لن تتجرأ امريكا على ادخال ذرة اغاثة لداخل الحدود السودانية دون علم وموافقة حكومة السودان |
لا حول ولا قوة إلا بالله!
هل نعشم في حليفة طلاق رئاسي بشيري تاني ذي ما حصل مع قوات الأمم المتحدة؟
أها المرة دي لازم يقول علي الطلاق (A) أو (B) ! يعني باسم المرة.. (1) ولا (2).
يالشفيع.. بصراحة متل كلامك ده هو الخلاني أقول لصاحبي محمد سليمان أنو أمريكا قررت إنها فعلاً حا تدخل الإغاثات دي عصباً عن نظامك المترهل والآثم. والموضوع هنا ليس تحدي.. فامريكا تتحدى العالم أجمعه لو أرادت. والسودان ليس بالدولة التي تتحداها أمريكا. فهي تفرض إملاءاتها على حكومة المؤتمر اللاوطني في القضايا السياسية. أما في مسالة الإغاثات وإيصالها فحكومة البشير لن تجرؤ على مخالفة التعليمات الامريكية لانها تعرف قوة أمريكا وتاريخها في إيصال معونات إنسانية لدول تحكمها أنظمة دكتاتورية رفضت إطعام شعوبها.. فعندما قامت القوات العسكرية الامريكية بايصال إغاثات، تم عزل وتغيير جذري لهذة الانظمة المستبدة. والتاريخ حافل بهذة الأحداث.
خلي الحكومة الجـبانة دي تعترض سير الإغاثات الجاية وتشوف الراجيها. وسماع اضاني الكبيرة دي من جوة الكونغرس، الناس ديل قالوا كفاية. وكفاية دي كلمة صعبة بالامريكي. أنا مرة سمعتها من الرئيس كلينتون الضرب معاها الطربيظة القدامو.. وعينك ما تشوف بعدها إلا النور. يعني ما تخدعك كلمة "تحدي" دي وتفتكر إنو النظام ده عندو قيمة عند الامريكان... ده قرار تم وسيتم تنفيذه بالحرف.
والويل لمن قال لاء!
هم ناسك ديل عاوزين ياكلوا في بيوتهم براهم والباقين يموتوا من الجوع؟
| |
|
|
|
|
|
|
|
|
|
Re: الولايات المتحدة تتحدي الخرطوم و تخطط لعمليات إغاثة مكثفة و كبيرة (Re: الشفيع وراق عبد الرحمن)
|
الشفيع وراق عبدالرحمن:
Quote:
Quote:
بعدين برنستون ده زول ديبلوماسي .... لازم يقول ديبلوماسي ...
|
محمد سليمان
تتذكر كلامك في سكوت غرايشون لامن تم تكليفه كمبعوث للسودان؟
دهـ طيار سابق وح يفرض حظر الطيران فوراً في كل سماء دارفور
انت احلم، ونحنا نتفرج
|
غريشن ده نحن بنغني ليهو زي ما بيقول وردي: وضعتك في مكانا ما مكانك ..... روح .. الغدر بي نفسو ما ببكوا عليهو
أوباما زاتو .. إلا يدفروهو دفر ......
و إنتو أعملوا حسابكم من زي أوباما ده ..... لمّا يقبّل عليكم .... يا ما حتندموا ....
يا الشفيع .... هناك خطة لإيصال الإغاثة خرجت من حيز التخطيط الي حيز التنفيذ .....
الضغوط علي الإدارة من كل الجهات ان تشرع في إيصال الإغاثة عبر الحدود دون مشورة حكومة السودان ... across the border aid
و مع هذه الخطة الإغاثية هناك ترتيبات عسكرية لمواجهة كل الإحتمالات ....
يعني لو تحامقت حكومتكم و إعترضت الإغاثة عسكريا .... يا ما حتشوفوا ...
طبعا إنتو عودتونا الإنبطاح قبل أن تدرك شهرزاد الصباح ....
و تطلعوا بكذبة إنكم إنتو العزمتو الامريكان لإيصال الإغاثة للسكان بجنوب كردفان .... و و و ... بلع شديد ..
| |
|
|
|
|
|
|
|
|
|
Re: الولايات المتحدة تتحدي الخرطوم و تخطط لعمليات إغاثة مكثفة و كبيرة (Re: عبدالمجيد صالح)
|
الأخ العزيز عبدالمجيد صالح
لك التحية و الإحترام
Quote:
شكرا لايراد الخبر فيبدو الحكومة الامريكية هي في مازق حقيقي
نحن بالمرصاد
سوف يكون لقاءنا يوم 7 فبراير امام الامم المتحدة لاظهار المساندة لتحركات سوزان رايس
ويكون شعارنا اوقفو سلاح الجوع والمرض ضد شعب جبال النوبة والنيل الازرق ودارفور
وسوف يكون نشطاء امريكان معنا من تحالف اكتفورسودان
الي الامام
بعدين ما مستبعد ان ادارة اوباما تستجيب للضغط دا وتعمل هوبة سريعة وتغير الخطة بتاعة عمل السودان
|
إدارة أوباما محاصرة بضغوط من عدة جهات .... و هذه هي نتيجة سياسة المهادنة مع نظام كالإنقاذ ..... مجرد ثلّة صعاليك مجرمين من الحفاة العراة تسلقوا في غفلة من الزمن جدار السلطة ... لا وازع اخلاقي او ديني أو إنساني لهم ..... يساومون المجتمع الدولي علي حياة مواطنيهم ..... باعوا كل شئ: الدين و الوطن و الإنسان و الاخلاق .... الحاضر و الماضي و المستقبل .....
| |
|
|
|
|
|
|
|
|
|
Re: الولايات المتحدة تتحدي الخرطوم و تخطط لعمليات إغاثة مكثفة و كبيرة (Re: Mohamed Suleiman)
|
سلام محمد سليمان وزوار البوست
قصة الغذاء يمر عبر الحكومة قصة طويلة ما ح تمر في المنظمات والمتبرعين والداعمين
فاذا كان الحكومة تقول انو المنظمات بتضيع الاموال في غير الغرض بالتاكيد الناس كلها متاكدة من انو الحكومة اكبر فاسد واشد فسادا من المنظمات ان وجد فساد فيها .
اما الموضوع التاني كررت الحكومة قصة انو المنظمات في دارفور فعلت وغيره ولكن الحكومة عينها علي الفيل وتضعن في ضله .....
الحكومة عارفة كويس انو المنظمات الغير حكومية حتي ان كان هناك اجندة اخري عندها فهي اقل في قصة التجسس مثلا او غيره من منظمات الامم المتحدة وقواتها البتعمل تحت ضو النهار
وسمع الحكومة في العمل العسكري بقواتها كنت احترم البشير بعد الطلاق لو منع كل المنظمات..... فالسيادة والتجسس اولي انويكةن بمنع قوات الامم المتحدة وجندها بعد الطلاق مش بمنع توفير العلاج والغذا وغيره
بواسطة منظمات معروفة بحياديتها وعملها تحت ضو النهار ولسنوات طويلة بل حتي انو الحكومة قامت بتقديم وسام الانجاز ليها
فيا الشفيع كيف تقوم رئاسة الجمهورية بتقديم اوسمة الانجاز لمنظمات انسانية معروفة بعملها ودقته ومن ثم تجي تلعب بطردها كرد فعل وضغط بتجويع وحرمان النازحين حقوق الغذا والعلاج
كيف تحكم في موضوع ذي دا ..
في 2007 قدمت الحكومة اوسمة لمنظمات ثم قالت بانه تلعب ادوار اخري في 2009 والتهمة موجهة ليها بقضية لاهاي الخلص التحقيق فيها عبر لجانها في 2005 ؟؟؟
-----------------------------------------------------------------------------------------------------------------------------------
الموضوع موضوع بزنس اكتر من قصة سيادة وتجسس واجندة اخري واوكد ليك يا الشفيع لو الناس دفعت مش يخش اليهود والكنائس وغيرها والله تباع ليهم الاراضي
لكن لانو المنظات كتير منها مبدئي في اوجه الصرف عشان كدا ما قبل انو يدي الحكومة فلس احمر دون مبرر ودا الخلا الجماعة زعلانين ..
تحية وتقدير للجميع
| |
|
|
|
|
|
|
|
|
|
Re: الولايات المتحدة تتحدي الخرطوم و تخطط لعمليات إغاثة مكثفة و كبيرة (Re: الفاتح سليمان)
|
الأخ الفاضل الفاتح سليمان
لك التحية و الإحترام
Quote:
الموضوع موضوع بزنس اكتر من قصة سيادة وتجسس واجندة اخري واوكد ليك يا الشفيع لو الناس دفعت مش يخش اليهود والكنائس وغيرها والله تباع ليهم الاراضي
|
يا أخي ديل تجار الأعضاء بمصر و بنغلاديش أرحم و اشرف منهم ....
دي حكومة كاملة تتسبب في شقاء و آلام مواطنين لها .... ثم عندما يأتي من يقدم الإغاثة ... تبدأ هذه الحكومة المساومة علي أرواح مواطنيها ....
ديل مصاصين دماء ...
لكن يبدو أن لعبتهم أصبحت مكشوفة و مقززة للمجتمع الدولي (أمريكا) ... لذا أرادت امريكا حسم الأمر رغما عن حكومة ناس الشفيع ..
و المصائب أكثر ... فلقد قررت حكومة الجنوب إيقاف ضخ البترول كليّا ... لأنها (حكومة الجنوب) تيقنت من سرقة بترولها بواسطة حكومة ناس الشفيع ....
بالله دي حكومة أم عصابة بلطجيّة ؟؟!!
| |
|
|
|
|
|
|
|
|
|
Re: الولايات المتحدة تتحدي الخرطوم و تخطط لعمليات إغاثة مكثفة و كبيرة (Re: Kostawi)
|
عاجل : جوبا تقرر أيقاف إنتاج النفط
شكرا يا كوستاوي علي الرابط ....
بالمناسبة يبدو أن ناس الإنقاذ لسّة لم ينتبهوا بعد الي (ربط) هذه النقاط .... They are not connecting the dots
هذه المسائل لها علاقة مع بعضها ... و إن بدت متفرقة و عشوائية ..
العمليات الإغاثية التي تزمع الإدارة الامريكية تنفيذها ... مدعومة عسكريا ....
و منذ مدّة هناك عدة قرارات عسكرية صدرت من واشنطن ( معلنة و سرّيّة) تخص منطقة جنوب السودان (الجنوب الجديد) و جمهورية جنوب السودان.
و قرار إيقاف ضخ النفط ... يعني توقف النفط كليّا عن الإنسياب الي الشمال ....
و هذا يعني أن هناك تجهيزا و تحوطا ... لأشياء كثر ....
و الغريق لسّة قدام
| |
|
|
|
|
|
|
|
|
|
Re: الولايات المتحدة تتحدي الخرطوم و تخطط لعمليات إغاثة مكثفة و كبيرة (Re: Mohamed Suleiman)
|
و رايس تتأبط (شيئا) في الامم المتحدة ...
و البشير دائما يكون بالضبط في المكان المرسوم له أن يكون فيه ... لأنه soooo predictable
طبعا حكومة ناس الشفيع ... اليوم طلعوا بتصريح بنفس كلام الشفيع ....
و ده بيضع البشير بالضبط ... في نقطة القنطرة:
Quote:
اغاثة بمناطق الحركة
الحكومة السودانية ترفض دعوة امريكا لانشاء ممرات لتوزيع الاغاثة بمناطق الحركة
الخرطوم فى 20/1/ (سونا) - اكدت الحكومة السودانية رفضها القاطع لاي محاولات لانشاء ممرات لتوزيع المساعدات الانسانية لولايتي جنوب كردفان والنيل الازرق بمعزل عن مشاركتها ومفوضية العون الانساني والمؤسسات الوطنية في توزيع المساعدات للمتضررين لضمان عدم وصولها للمقاتلين .
وشكك دكتور سليمان عبدالرحمن سليمان مفوض عام العون الانساني في تصريح (لسونا) في المعلومات التي صاغتها مندوبة امريكا في الامم المتحدة سوزان رايس حول الاوضاع الانسانية للمتضررين داخل المناطق التي تسيطر عليها الحركة الشعبية للولايتين.
وطالب المفوض العام رايس يتوضيح مصدر معلوماتها عن الاوضاع الانسانية التي تسيطر عليها الحركة الشعبية والجهات التي قامت بالمسوحات بجانب توضيح دوافع امريكا في توصيل المساعدات الانسانية للمتضررين بمعزل عن الحكومة السودانية والمؤسسات الوطنية ذات الصلة .
وشدد المفوض العام علي عدم تكرار سيناريو عمليات شريان الحياة التي اطالت امد الحرب في الجنوب قبل انفصاله .
ودعا دكتور سيلمان مندوبة الولايات المتحدة الامريكية الي تركيز جهود بلادها علي وقف العدائيات ووقف اطلاق النار لتوصيل المساعدات الانسانية ووضع حلول لجزور الازمة بدلاً عن التركيز علي تداعياتها .
|
| |
|
|
|
|
|
|
|
|
|
Re: الولايات المتحدة تتحدي الخرطوم و تخطط لعمليات إغاثة مكثفة و كبيرة (Re: Mohamed Suleiman)
|
| Quote: الموضوع موضوع بزنس اكتر من قصة سيادة وتجسس واجندة اخري واوكد ليك يا الشفيع لو الناس دفعت مش يخش اليهود والكنائس وغيرها والله تباع ليهم الاراضي |
مراحب اخوي الفاتح
يبدو ان هناك لبس فيما حاولت ايصاله لك وتوقعت ان تتبناه الحكومة
طالما هناك حوجة للاغاثة، لا اظن ان الحكومة تمانع في ان تصل للمحتاجين ومباشرة من المانحين
الاعتراض يا الفاتح على (طريق وطريقة) ايصالها
الحكومة ستضع خط احمر في محاولة ايصالها عن طريق دولة الجنوب، وهو ما تسعى اليه بعض المنظمات المدعومة امريكياً وهو موضوع البوست
تحياتي وودي
| |
|
|
|
|
|
|
|
|
|
Re: الولايات المتحدة تتحدي الخرطوم و تخطط لعمليات إغاثة مكثفة و كبيرة (Re: الشفيع وراق عبد الرحمن)
|
الاخ العزيز محمد سليمان، لك التحية...
مندوب السودان في الامم المتحدة قال للصحفيين معقبا علي حديث رايس حول تعمد الحكومة
منع وصول الاعاثة للمتضررين، قال بان الذين يذرفون دموع التماسيح ليسوا مهتمين بالسلام في المنطقة
Those who shed crocodile tears are not serious about security in the area
كدا نشوف الببلع كلامو وبنبطح منو...
هذا السفير يبدو انو يسير علي خطي سلفه المهرج سئ الذكر عبدالحليم عبدالمحمود صاحب عبارة (السياحة الجنائية)
نفس العبارات السوقية، البعيدة عن الدبلوماسية..
غدا سيخرج نفس المندوب -بعد الانبطاحة- ويخاطب الصحفيين بلغة ركيكة
Ah..h..yes ...well, we have never refused delivering aid to the people in Blue Nile and South Kordofan
but we refuse the use of aid as a tool for political goals
| |
|
|
|
|
|
|
|
|
|
Re: الولايات المتحدة تتحدي الخرطوم و تخطط لعمليات إغاثة مكثفة و كبيرة (Re: تاج الدين عبدالله آدم)
|
الأخ العزيز تاج الدين
لك التحية و الإحترام
Quote:
كدا نشوف الببلع كلامو وبنبطح منو...
|
هم ديل عودونا علي سرعة الإنبطاح بعد النفخ الغوغائي (تحت جزمتي ... و ألحس كوعك .. و يا امريكا لمّي جدادك) ....
بس المرّة دي .... الإنبطاح لن يشفع لهم ....
و بعد وقف ضخ البترول ... حتي السفينتين تلك الراسيات في الميناء ... سوف لن يجدوا من يشتري بترولها .... مال مسروق ....
و ستسمع بالأجاويد يطيرون الي جوبا و واشنطن .... و ربما الي تل أبيب!!
| |
|
|
|
|
|
|
|
|
|
Re: الولايات المتحدة تتحدي الخرطوم و تخطط لعمليات إغاثة مكثفة و كبيرة (Re: الشفيع وراق عبد الرحمن)
|
الشفيع وراق عبدالرحمن:
Quote:
نقدر نعيش بدونه، هل يستطيعون؟
حقنا ح ناخدهـ ناشف، والما عاجبه يشرب من البحر
|
يا أخي قوّة عين زي دي في حق الناس مما الله خلقني ما شفتها!!!!
ده ما حقكم يا نشّالين ..... متين نقل برميل واحد بتاع بترول بقي بنصف تمنو .. 32$ ؟؟؟!!!!
أهو هسي الجنوبيين وقفوا الضخ ... و ممكن ياخدو قروض لمدة عشرة سنوات بضمان البترول الفي جوّة ارضهم .... إنتو حتعملوا شنوووو ؟؟!!!!
إنتو أدمنتو مال البترول السايب ....
بس ما تتجرسوا و تجروا لأمريكا و تقولوا ليها: ما بنعيش بدونو!!! أوعا !!
غايتو يوم حتاخدو ناشف ... عكاز في نص الراس !!!
| |
|
|
|
|
|
|
|
|
|
Re: الولايات المتحدة تتحدي الخرطوم و تخطط لعمليات إغاثة مكثفة و كبيرة (Re: Mohamed Yassin Khalifa)
|
الأخ العزيز محمد يس خليفة
لك التحية و الإحترام
Quote:
أبوحميد شوف وأسمع التقرير ده.. وبالله عليك ركز في كلام مندوب المؤتمر
اللاوطني، وشوف الكبكبة الحاصلة ليهو وتعليق المذيع!
|
ده راجل فضيحة !!!
هذه الأيام النظام يهرول في كل الإتجاهات من أجل مخرج .... و بلع شديد...
مأزق الإنقاذ أنها تريد ان تستخدم الغذاء و الإغاثة كسلاح ضد أهل الهامش بحجة ان الغذاء و التموين سيقع في يد "المتمردين" ....
لكن هذا اخلافيا و سياسيا يضر بالإنقاذ .... و ربما قاد الي إتخاذ قرارات قاسية ضد الحكومة بواسطة الولايات المتحدة.
و لكن خوف حكومة الإنقاذ من العصا (كما عودتنا ) ... تحاول الخروج من المأزق بصور شكلية ... و وعود كاذبة ...
هذه المرّة .... ربما سبق السيف العذل .
| |
|
|
|
|
|
|
| |
Mohamed Suleiman
صلاح جادات
Mohamed Yassin Khalifa
ABDALLAH ABDALLAH
الشفيع وراق عبد الرحمن
عبدالمجيد صالح
Deng
الفاتح سليمان
Kostawi
تاج الدين عبدالله آدم
فيس بوك
تويتر
انستقرام
يوتيوب
بنتيريست