الاخ معاويه يا أخي إنت بتاع مشاكل … و الله صحي... خليتنا نمشي نبحت http://www.youtube.com/embed/qQBkw427vGI يا خي الفيديو ده كلو كلام تحت الصره... (و العفش داخل البص علي مسئوليه صاحبه)... مولانا هنا رش ليهو واحد صلعه (يعني قرب يرشنا نحنا) .. سيدي الشعراني… قال الراجل رقد عريان جل ميطي لمن كان عاوز يخطب ليهو واحده… وقال لها قدام أبوها ده كفاك…. و واحد تاني كمان جر المركب ب …. و واحد تاني مدلدل …. يا خي الجوامع دي بقو يقول فيها كلام زي ده.. والله صحي
11-29-2011, 01:20 PM
nazar hussien
nazar hussien
تاريخ التسجيل: 09-04-2002
مجموع المشاركات: 10409
ود المدير عساك بخير مافى واحد كده يدق سدرو يشيلو لابتوب ويتوجه عدل على جامع الشيخ ده ويشغلو البوست ده ويقولو الجمعة الجاية جاييك يامولانا دايرلنا خطبة فى الموضوع الشفتو وقريته ده والله صحى مايبقى كمان يشوف فى الفيل ويطعن فى ضلو والله صحى اها من يتبرع بذلك ياترى وينالو مننا عظيم الثواب والله صحى
11-29-2011, 11:53 PM
عبد المنعم سيد احمد
عبد المنعم سيد احمد
تاريخ التسجيل: 10-13-2003
مجموع المشاركات: 11824
Quote: الاخ معاويه يا أخي إنت بتاع مشاكل … و الله صحي... خليتنا نمشي نبحت http://www.youtube.com/embed/qQBkw427vGI يا خي الفيديو ده كلو كلام تحت الصره... (و العفش داخل البص علي مسئوليه صاحبه)... مولانا هنا رش ليهو واحد صلعه (يعني قرب يرشنا نحنا) .. سيدي الشعراني… قال الراجل رقد عريان جل ميطي لمن كان عاوز يخطب ليهو واحده… وقال لها قدام أبوها ده كفاك…. و واحد تاني كمان جر المركب ب …. و واحد تاني مدلدل …. يا خي الجوامع دي بقو يقول فيها كلام زي ده.. والله صحي
سلآمات يا محمد شمس الدين.
يا محمد شمس الدين يا أخي عليك الله تابع معانا عن كثب. إنت ويييييي بِهايند. والله صحي. غـايـتـو الـبـلـد مـحـمـولـة بـالـحـيـل... والله صـحـي... فـيـديـو ... البوست ده هسّع في الصفحة التالتة، وراجين بتاع المركب يجرو للصفحة الأُولى، بس هسّع مشغول بيجرليهو في بساطين. البلد محمولة بالحيل يا محمد. والله صحي...
(والله حقو محمد مصطفي دا يعمل ليه تذاكر لي جامعو حا يجيب دخل اكتر من المسرح القومي
سلآمات يا نزار. يا زول الظروف ما مساعدانا. لو كانت مساعدة كان الوآحد يكون متفرجخ في الكنبة الأولي في كل عرض. هسّع شيخنا يقرأ المدآخلة دي يقول: ود المدير إن شاء الله يجي عشان نركبوا باسطونة. قايلني بدقس يا نزار. والله صحي...
طلع لينا عيون الصيد خفيفة و دا المهم بعد كدا إرش العايز إرشو
غايتو يا ود المدير زولك دا نرسل ليه قصيدة من قصائد بت الجنيد نخلي إرشها لينا
علشان نرقص و نغني شهرين متتالين .... و الله صحي
سلآمات يا ابو حسين. والله يا ابو حسين شيخنا تب ما قصّر معاك في عيون الصيّد، بس كان تمّ الناقصة وفلفل لينا نص من نصوص بت الجنيّد لوّمك بي البوست حدو المليون.
الأيام ديل زايغة من الحوش. والله صحي.
11-30-2011, 10:52 AM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
Quote: مايبقى كمان يشوف فى الفيل ويطعن فى ضلو والله صحى اها من يتبرع بذلك ياترى وينالو مننا عظيم الثواب والله صحى
سلآمات يا عبد المنعم. يا زول شيخنا ده وآصل تب، قاعد يتعامل مع السُلطات الأمنيّة، وعندو بطاقة كمان. الزول ده وآحد من السلطات الأمنية. إنت عايز تودينا في دآهية يا عبد المنعم ؟؟؟
11-30-2011, 12:27 PM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
هذا الذي يسمي نفسه بالشيخ يحمل الشباب تفاهاته المسماة محاضرات ويتداولونها كمحرم بينهم وبكامل السريةحتى لا يفتضح أمرهم
والله صحي
لكن البلد دي لو فيها بسطونات صاح جميع ما أنتجه من محاضرات يحمل في طياته مائة دليل ادانة وسب وانتهاك حرمات بل هو وهم يتلذذون بمثل هذه التفاهات والانحطاط
أتحدى أي سلفي لو عرف أن ابنته تلك المنقبة تستمع لمثل هذه التفاهات المسماة محاضرات لسفيه زمانه هذا
والله صحي
وما تسمع النفخ دا هم أكثر من مارس التقية منذ أن خلق الله التقية ويحملوها الشيعة افتراء والله صحي
ولن يستطيع لا هو ولا مشايخته من بني سليف أن ينطق بكلمة لا في غناء الرئيس ولا في رقيصه ولو أدخلهم الله النار عديييييييل كدا
والله صحي
منتهى السخف
والله صحي
11-30-2011, 09:43 PM
عبد المنعم سيد احمد
عبد المنعم سيد احمد
تاريخ التسجيل: 10-13-2003
مجموع المشاركات: 11824
يا ود المدير يازول حالتنا دى قنا سفرتنا الجاية عدل على جامعة مولانا نحضر لنا خطبة معاهو وسمح الكلام من خشم سيدو لكن مادام جابتلها بصاتين من المطار على الجزيرة عدل كفاية علينا الجليد الذى يلهب ظهورنا شهورا عدة والله صحى
11-30-2011, 10:02 PM
عبد المنعم سيد احمد
عبد المنعم سيد احمد
تاريخ التسجيل: 10-13-2003
مجموع المشاركات: 11824
Quote: شكرًا يا صاحب البوست دراما وكوميديا ممتعة لأبعد الحدود والله ضحكت كما لم اضحك قريبا شكرًا شكرًا
جعفر علي، سلآمات. تقول لي مدرسة المشاغبين ؟؟؟!!! يا زول أنا كان ما حضرت لي محاضرة وخطبتين بالليل ما بنوم. قال محاضرات و خُطب قال !!! يا زول قول مسرحيات. والله صحي...
12-01-2011, 01:21 AM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
Quote: ود المدير سلام الزول المعتوه ده جامعه ده رجالى صر واللا فى حريم بصلن معاهو؟؟ غايتو الله يرحم مشايخنا زمان،،،
سلآمات صديق الموج. في حريم تصدق!!! لكن الحاجة الكويسة فيهو لمان يكون دآير يرُش رش تقيل بنبهِن.
ده كلوووووو هيّن كدي أسمع الفيديو ده. بغض النظر عن كلآموا في الفيديو. الإعتدا علي أعراض الناس في ليهو داعي، هسّع الدخّل أُم حسن ساتي هنا شنو؟؟؟ يا أخي ده قال لحسن ساتي (سجم أُمّك) تصدق!!! والله صحي. قال تابع نهج السلف كمان!!! السلف ساروا علي نهج المصطفى عليه أفضل الصلآة واتمّ التسليم، وسُإلت السيدة عائشة عن خُلق النبي، فقالت: كان خُلقه القرآن. وين إنتهاك حُرمات الناس في خُلق النبي صلي الله عليه وسلّم ؟؟؟ كمان بسألوهو أسئلة فقهية ويجاوب. والله صحي...
12-01-2011, 07:26 AM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
Quote: كلمات اغنية اقيس محاسنك بمن اقيس محاسنك بمن ياالدرة الماليك تمن والله نور عيني نور الزمن ما شوفنا في طول الزمن سواك بدري في داخل كمن الانوار يتزاحمن في خدودك اخدن امن ومن فاهك يتقسمن بروق في بروق يتقسمن دي الدنيا أم جنة عدن شوفنا ملاك لابس بدن انسان لكن مفرداً حاز النور حاز اللدن غصنه مهفهف أملداً وهيبة اسد في عيون شدن يالجبرة المازجة العجن جبينك زي فلق الدجن وجسمك بالطيب أنعجن اذا النسمات بيك عرجن طبقات الجو يتأرجحن والانفس يتهيجن أنت نرجس من الوسن لعيونها الأعين جثن وأن آية الحسن الأسن وغصون الروض يتمايسن في ذاك الزي الحسن وكل حُسن مالك حَسن روضك زي عارضين صفن حلال سحرك ماسحر فن كواكب النور البلصفن بصفاتك ما أتوصفن بدور الكون لوينصفن يسجدن ليك مايكون وفن فيك عيون الرائين يرن محاسن بالحسن إزدرن ومهما أفكارهم يكبرن زي حسنك مايعبرن مع البدرين سيرك سرن ومن وزنك هن يقصرن
والله صحي جني
12-01-2011, 01:33 PM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
Quote: لكن البلد دي لو فيها بسطونات صاح جميع ما أنتجه من محاضرات يحمل في طياته مائة دليل ادانة وسب وانتهاك حرمات بل هو وهم يتلذذون بمثل هذه التفاهات والانحطاط
طيب يا شيخنا وكت ما عندك شغلة مع البنزين والكِسرة، وهي الشئون التي تهم الناس، ومرتبطة بحياتهم مالك شابكنا الغنا والرقيص، والمديح، وغيرها ؟؟؟!!! أها، ينعل شنو ؟؟؟ ما كان تتمها!!! كمان لعآن ؟؟؟ !!! الطافش ده بقى مع الحكومة قلباً وقالباً. كدي النشوفك إنت تاني بتقدر تتفاصح، واللآ تطراهو كان بخير واللآ كان بشر ؟؟؟!!! أمش إتفاصح تاني، أها...
بالله تابعوا الفيديو ده عشان تشوفوا الهرش علي أصله. والله صحي...
12-03-2011, 02:24 PM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
قال ليهم كل عشرة انفار يتشاركوا تمن جريد يقروها ... عشان الجرايد تخسر ويمشو يبيعوا طحنية ... والله صحي ...
... المهم ....
سلآمات يا تبارك. عليك الله شُفت نفر حسادة الزول ده !!! داير يبور الجرايد. والله صحي.
اخيراً الشيخ طلع بتاع دراما!!! والله صحي. طيّب يا شيخنا إنت وكت الدراما دي عاجباك ما كان تستمر فيها حاشرا لينا في الدين مالك ؟؟؟
أها، نحن أتكلمنا فيك، عليك الله أدرجنا مع السفلة. وين صبرك وهجرك الجميل يا شيخ ؟؟؟ بعدين شايفك كل زول خالفك و ما تابع لجماعتك رشيتو، يعني ما سلم منك إلا من هو سلفي مثلك!!! سبحان الله !!!
Quote: سلآمات أخي عبد الرحيم. كلآمك صحيح 100% والله صحي.
أخ معاوية السلام عليكم ملاحظة أرجو-غيرمأمور-الانتباه لها أن خيطك هذا وما سبقه انصبغ بصبغة تجمع بين الس خ ر ي ة و"التريقة" وكمان الطعن أعني للأخ محمد مصطفى وللسلفيين أحيانا على سبيل المثال.. محب التشيع :عبدالرحيم، صاحب المداخلة أعلاه-يقول لك "بني سليف"..يعني يطعن السلفيين سا خ را -وأنت تقول له: كلامك صحيح 100 % .. هل نحن نقرّ شيخ محمد مصطفى على أساليب غير مناسبة يستعملها في كثير من تعليقاته؟..نفترض ان الأخ محمد مصطفى شديد في أسلوبه على الأقل كنا نتمنى إبداء موقفكم في محتوى وحقائق ما يقول.. ومن حقكم أن تنصحوه-ولو كره- بأن ينتقي أحسن الطرق في توصيله لما أعتقد أنا أنه حق وحقائق وواقع بئيس. أراك أحي معاوية تداخلت في خيط د. محمد عبدالله الريح، وقمت بتعليق رد عليك حوله الأخ د. عارف الركابي وأبدى ملاحظات مهمة وأرى لو أنك انتبهت لها.. عموما الأخ محمد مصطفى ليس معصوما،وقد أرسلنا له نصائحنا، بل كتب الأخ د. عارف ردا عليه في معرض الرد على د. محمد عبدالله الريح، ولايزال الناس ينبهونه لمسألة أسلوب الدعوة وكنت أتمنى لو أن الناس تركز على هذا،مع تفهمها لما يعالجه من أمور وأخطاء هي موجودة في مجتمعنا لك مني خالص التقدير مع الدعاء
12-03-2011, 03:04 PM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
سلآمات أخي عماد. عفواً إن كان حصل إدراج لجماعة السلفيين في التعليق بغير قصد مني، فلك ولهم مني العذر حتي يرضو. لكن أخي عماد أنا لا أستطيع أن أحجر علي أحد إن جاء تعليقة جامع للسلفيين بأعتبار أنّ الشيخ أحد جماعتهم، وقد أكون في تعليقاتي قد بدر مني ذلك لكن أعلم أنني أشير إلي أنّ هذا الشيخ بغض النظر عن الجهة التابع لها فهو لا يلتزم ابداً بالكتاب والسُنّة في طرحه رغم انه يدعي انه منافح ومقاتل ومدافع عن الكتاب والسّنّة. الرجل هذا يجب ان يوقف عند حده.
لك ولجماعة السلفيين مني كامل الوّد...
12-03-2011, 04:17 PM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
Quote: يا ود المدير يازول حالتنا دى قنا سفرتنا الجاية عدل على جامعة مولانا نحضر لنا خطبة معاهو وسمح الكلام من خشم سيدو لكن مادام جابتلها بصاتين من المطار على الجزيرة عدل كفاية علينا الجليد الذى يلهب ظهورنا شهورا عدة والله صحى
أووووعك تغط تمشي هناك يا عبد المنعم. والله صحي...
12-04-2011, 04:38 PM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
نفترض ان الأخ محمد مصطفى شديد في أسلوبه على الأقل كنا نتمنى إبداء موقفكم في محتوى وحقائق ما يقول.. ومن حقكم أن تنصحوه-ولو كره- بأن ينتقي أحسن الطرق في توصيله لما أعتقد أنا أنه حق وحقائق وواقع بئيس
والله يا عماد، هذا الرجل لا يصلح، بأي حال، أن يكون داعياً، تحديداَ، لسنة رسول الله صلى الله عليه وسلم _ أستغفر الله لي ولك وكل عباد الله
قال أكبر مشكلة في العالم هي الصوفية. والله صحي. دحين أنسونا من مشكلة دارفور، الزول ده مالوا ومالآ ؟؟؟!!! حلو مشكلة الشرك عشان شيخنا يتفرغ لدارفور. أها يا شيخنا، اللخدر اللونو زرعي ده، رايك فيهو شنو ؟؟؟ يكون مكروه ؟؟؟ يكون شرك ؟؟؟ يكون بين بين ؟؟؟ كدي بالله نوم بالخيرة، وبكرة تعال ورينا.
معليش يا شيخنا، الظرطة العملتها بخشمك دي غلبني اكتبا. والله صحي. وظرط بخشمه ثمّ نزل من المنبر. والله صحي...
12-06-2011, 12:33 PM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
واها والزول النجل دا..وصل لي شنو..مع ختيبتو؟.... وافقت علي المقاس؟.... وسبحان الله خلا ابوها شاهد...عشان بعدين ما تتلولو عليهو......
سلآمات يا سجيمان. يا سجيمان تاني كان عندك مِرِق داير تجرو، واللآ بانطونكم وِحِل أدنا خبر. أما الزول المِيّطي ده كان عرفت خبر ختيبتو عليك الله ادنا خبر برضو، بالحيل بندور نعرف. غايتو يا سجيمان إنت البساطين معاك ما بينفعن، إلا يقيموا فوقك الحد. ايّ وآحد فيهن. والله صحي...
12-07-2011, 04:22 PM
عبد المنعم سيد احمد
عبد المنعم سيد احمد
تاريخ التسجيل: 10-13-2003
مجموع المشاركات: 11824
Quote: اها شوف الرش الصاح انجليزى تقيل شوف الاتنشن ده كيف يازول اترشو تقيل ومن كتبن زاته تابع هذا الخيط
سبحان الله يا عبد المنعم !!! الزول ده حجتو قويّة بالحيل. والله صحي. ما من سوداني إلا وله أُصول صوفية، لكن يا عبد المنعم مرآت عندهم شطحات ما بتتبلع تب. مرّة متابع وآحد منهم في برنامج في التلفزيون. الزول نضمو سمح بالحيل، وقعد يتكلم عن القهوة. فجأة سأل المذيع قائلاً: القهوة لمان يكبوها في الفنجان، مُش بيكون فيها كما يشبه نقاط زيت صغيرة ؟؟؟ المذيع أجاب: نعم. تصدق الزول قال ليهو، دا إسم الله الأعظم !!! فسقط في نظري، وقمت من قدآم التلفزيون...
12-07-2011, 05:22 PM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
Quote: نفترض ان الأخ محمد مصطفى شديد في أسلوبه على الأقل كنا نتمنى إبداء موقفكم في محتوى وحقائق ما يقول.. ومن حقكم أن تنصحوه-ولو كره- بأن ينتقي أحسن الطرق في توصيله لما أعتقد أنا أنه حق وحقائق وواقع بئيس
مُحومد جنا عبد الرحمن، نعلّك طيّب ؟؟؟ يا المطرطش، الزول ده إنتسب للجماعة وهو يافع، ثمّ شاب في داخلها، وشبّ ثمّ شاب علي هذا الأُسلوب الذي لا يخفى علي جماعته، ومن شبّ علي شئ شاب عليه. أهلنا قالوا: القرد العَوّد ما بتعلم الرقيص. والله صحي...
12-07-2011, 11:39 PM
اسماء الجنيد
اسماء الجنيد
تاريخ التسجيل: 03-31-2010
مجموع المشاركات: 4731
اسوي شنو انا هسه , اكتب ولا اضحك ,, غلبني اللسوي والله صحي بعدييييييييييييييييين يا ود المدير ماني عافية ليك آآي والله كيفن بتجيب شيخنا العلمنا قولة والله صحي وطلقها فينا طلقة نار في الهشيم وما بتناغمني , النعمنو الشيخ ده مشهورين بيه نحن تلاتة في حوش بكري ده , محتكرنه عدييييييييل اولا بالتبادي ود البشاري تانيا إت تالتا أختك بت الجنيد وجرينا معنا ناس ود الموج ومن لف عممهم وناس سامية بت حامد ومهوية يا حليى بت عبد عبد الله ومن لفت توبها اها عشان كده لازما ولا بد تناغمني لامن تجي حولية هذا الشيخ المتشويخ في الناس رجالة وضراع وفقه شمار قاطعه من سلكه العريان والله صحي
نجي لي ابو حسين قال شنو كمان
Quote: غايتو يا ود المدير زولك دا نرسل ليه قصيدة من قصائد بت الجنيد نخلي إرشها لينا
والله ارشوا ليك انا بي واحد هجاء اخليهو يشرب ما يروى والله صحي دحين يا ابو حسين جهز روحك إنت عليك اللحن لوولز
كلوووووووو كوم ورقيص الرئيس ونهزيه زي المدستر كوم تاني والله واجعني ومغاسني الطبالة البعرضوا فوق العوج . مخير الله عالم ما تعرف تقول عليهم شنو واللـــــــــــــــــــــــه صحي
12-07-2011, 11:46 PM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
البشاري يا دفعة، هاك الموضوع بتصرّف علي لسان دكتور بتاع سواسيو كارد دقنو، وما شادي حيلو. عبد الجبار المبارك قال هلك مع السلآمة !!! أمين حسن عمر بتاع كواريك. أوّعك يا البشاري تشتري جريدة الجرايد حرآم، و أوّعك تعمل ايّ حركة بتتحسب عليك. والله صحي...
أها يا شيخنا، تعال شوف الجماعة هنا مكنكشين كيف !!! ما تنسى جيب معاك البساطين...
12-08-2011, 03:08 PM
عبد المنعم سيد احمد
عبد المنعم سيد احمد
تاريخ التسجيل: 10-13-2003
مجموع المشاركات: 11824
Quote: بعدييييييييييييييييين يا ود المدير ماني عافية ليك آآي والله كيفن بتجيب شيخنا العلمنا قولة والله صحي وطلقها فينا طلقة نار في الهشيم وما بتناغمني , النعمنو الشيخ ده مشهورين بيه نحن تلاتة في حوش بكري ده , محتكرنه عدييييييييل اولا بالتبادي ود البشاري تانيا إت تالتا أختك بت الجنيد وجرينا معنا ناس ود الموج ومن لف عممهم وناس سامية بت حامد ومهوية يا حليى بت عبد عبد الله ومن لفت توبها اها عشان كده لازما ولا بد تناغمني لامن تجي حولية هذا الشيخ المتشويخ في الناس رجالة وضراع وفقه شمار قاطعه من سلكه العريان والله صحي
إخيتي بت الجنيد أعفي لي، والله ما كان القصد. علي أيّ حال الموضوع ما زال في بدايتو، ونحن في إنتظار إبداعاتك. والله صحي. الترتيب في قولة والله صحي كلآتي: 1 البشاري هو الإكتشف الشيح التُحفة، وجابو هنا. 2 ود المدير إستعمل العبارة في بوست (ذو اليد شاعر ميآدة). 3 بت الجنيد هي التي أختارتها كعبارة مفضلة لها، وقامت بنشرها علي أوسع نطاق حتي سارت بها الركبان. عشان تاني قيقراوي ما يجي يغالتني. بسبب غُلآتو يا بت الجنيد أخدت لي جولة مع 6 صفحات من الضحك المتواصل في بوست ذو اليد. والله صحي.
خليك قريبة بجاي عندنا فديوهات لشيخنا المكجن الغنايين والغُنا، ولرئيسنا المقطر البهجة للنهاية. والله صحي...
12-09-2011, 11:00 PM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
ياود الخال ياخي انا ساكي اليوتيوب اليومين ديل سك شديد قلت شيخنا دا يكون اتبين في ودخالي معاوية دا.
اديك دي النكتة وانا كنت شاهد عليها في قهوة النشاط في عام 1979 وفي ندوة ضخمة اها قام شيخنا داااك (المتحدث في الندوة) قام على العلماء قائلا: "تتصورورا واحد عالم بيتساءل عن ماهو حكم من توضأ وحمل قربة مليئة بالفساء" وهنا ضج الحضور بالأستفسار عن كلمة"فساء". فصاح فيهم الشيخ ضاحكا: " مليانة فسو فسو" والله صحي التعديل لاضافة"والله صحي"
أنا ما راضي يا جمال، دي حقارة. والله صحي. الزول ده يا أخي الجماعة بيجيبولوا الجرايد، وهو واقع رش من خلآلها. أنا جبت ليهو فديوهات عديييل كده، ومعاها صور بتاعة كنكشة، ولا هبب لي مع إني كنت منتظروا يجي طاير بالبساطين ويلبع من طرف. والله صحي. يا زول كان رشاني وجلّ الجماعة ديل أنا بخرخر. والله صحي.
يا جمال أووووعك تقرأ الجرايد. حرآم... والله صحي. إن كان ولا بُد إشتركا مع شباب الحِلّة.
12-12-2011, 00:55 AM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
Quote: ياود الخال ياخي انا ساكي اليوتيوب اليومين ديل سك شديد قلت شيخنا دا يكون اتبين في ودخالي معاوية دا.
يا إبن عمتي الزول ده ما بيتبيّن ده بيرش. يعني تقرأ جرايد يجي ينخلع فيك، وأوّل حاجة يمرقك من المِلّة عشان الرش يكون حلآل، وبعد دآك يحلّك الحلّ بلة. والله صحي...
12-12-2011, 01:29 AM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
اديك دي النكتة وانا كنت شاهد عليها في قهوة النشاط في عام 1979 وفي ندوة ضخمة اها قام شيخنا داااك (المتحدث في الندوة) قام على العلماء قائلا: "تتصورورا واحد عالم بيتساءل عن ماهو حكم من توضأ وحمل قربة مليئة بالفساء" وهنا ضج الحضور بالأستفسار عن كلمة"فساء". فصاح فيهم الشيخ ضاحكا: " مليانة فسو فسو" والله صحي التعديل لاضافة"والله صحي"
والله صحي
غايتو نُكتتك دي يا ود الشيخ إلا يجي يردليك عليها الشيخ بضرطة من خشمه. والله صحي...
12-12-2011, 04:40 PM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
Quote: سيك سيك معلق فيك اها شن قولك يا ود المدير وشن قول صاحبنا فى الكلام الفوق ده اها ده مابعلم بالغيب وله دجل منو ساى 35 سنة نحن ذنبنا شنو
سلآمات يا عبد المنعم. الأخ الأمين البشاري نزّل مقطع من الفيديو بتاع الدجال بلّة، السبب الخلآني مشيت بحبتت ليهو، ولقيت إنوا يستاهل نعمل ليهو بوست براهو، منفرد يعني. السيدان بلّة الساحر ومحمد مصطفى المتهور وجهان لعملة وآحدة الإتنين زي بعض، والبشير اظرط منهما جميعاً. والله صحي. البشير رجل في ظل الحكومة الإسلآمية أو كما يقول ويدعي يتعامل بالسحر ويؤمن بالمتشعوزين أمثال البلة. كدي حكاية الطشت بتاع العسل دي دايرالآ بوست براها. والله صحي.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة