حكـايـات من الـوطــن .. كنت هنـاك .. تعـالـوا احكـي ليكـم !!!

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 14-12-2018, 03:03 PM الصفحة الرئيسية

مكتبة سناء جعفر(sanaa gaffer)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
21-04-2007, 05:03 AM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


حكـايـات من الـوطــن .. كنت هنـاك .. تعـالـوا احكـي ليكـم !!!

    كنت هناك ..
    في السودان ..
    مشيت اتجم في ضل اللمة ..
    واشرب موية جفاها الملح ..
    اشوف السما ..
    اشم الهوا بدون تعليب ...
    اشيل الشهقة كوم حنية ..
    اخت الزفرة بسمة رضية ...
    اقالد الود ..
    وبقولة لسان معدول ...
    انادي وارد ...

    كنت هناك ...

    وللحكايات بقية ...
                   |Articles |News |مقالات |بيانات

21-04-2007, 05:42 AM

معتصم دفع الله
<aمعتصم دفع الله
تاريخ التسجيل: 18-12-2003
مجموع المشاركات: 12683

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    حمد لله على السلامة يا سناء ..
    إفتقدناك كثيراً ..
    ننتظر حكاياتك عن الوطن وإنطباعاتك ..

    وإن شاء الله دائماً بخير ..
                   |Articles |News |مقالات |بيانات

21-04-2007, 05:51 AM

محمد مختار جعفر
<aمحمد مختار جعفر
تاريخ التسجيل: 15-11-2005
مجموع المشاركات: 4881

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: معتصم دفع الله)

    كنت هناك ..
    في السودان ..
    مشيت اتجم في ضل اللمة ..
    ـــــــــــــــ
    بداية جميلة وإستهلال موفق فى القصيد
    لك التحية ..

    محمد مختار جعفر
                   |Articles |News |مقالات |بيانات

21-04-2007, 07:22 AM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: محمد مختار جعفر)

    Quote: بداية جميلة وإستهلال موفق فى القصيد
    لك التحية ..

    محمد مختار جعفر


    الاخ محمد مختار جعفر ...

    السودان بلدنا الماهل الضاق بينا ..
    باعتبره اجمل بلد في الدنيا .. بكل حاجة فيه ..
    بعفاره وكتاحته .. بشمسه المولعة وحره القائظ ..
    بسمرة الناس والارض ...
    بزرقة السما والنيل ...
    ببيوت الطين وابواب الخشب ...
    ممكن انتقد واحتد واشاكل واعارض واتظاهر ...
    ممكن اقول (ما لم يقله مالك في الخمر ) ...
    السؤال هو : في النهاية عاوزة اصل لشنو ؟؟!!
    هل الكلام فض مجالس ولا رغبة في اني اشوف الوضع احسن ؟؟!!
    الاجابة : باتمنى اشوف السودان احسن بلد في الدنيا ...
    ولسبب اناني جدا ...
    عشان ارجع واقعد في حضن امي وابوي واخواتي واصحابي وجيراني واهلي ...
    عشان اعتزل الغربة واعاود استنشاق عطر الاماكن التي ادمنتها ...

    واتمنى لو كنت فعلا باكتب شعر عشان اقول فيهو اجمل القصايد...
    تحياتي ...
                   |Articles |News |مقالات |بيانات

21-04-2007, 05:54 AM

الشفيع عوض شوشتا

تاريخ التسجيل: 24-10-2006
مجموع المشاركات: 1655

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: معتصم دفع الله)

    سناء ..

    حمد الله علي السلامة ..

    وننتظر الحكي المعتق عن الوطن..

    ...

    لكـ العافية
                   |Articles |News |مقالات |بيانات

21-04-2007, 07:28 AM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: الشفيع عوض شوشتا)

    Quote: سناء ..

    حمد الله علي السلامة ..

    وننتظر الحكي المعتق عن الوطن..

    ...

    لكـ العافية


    شوشتا ...
    يا صديق الاصدقاء ..
    الله يسلمك ..
    والحكايات قادمة ..
    مسهبة ومختزلة ...
    تحياتي ...
                   |Articles |News |مقالات |بيانات

21-04-2007, 07:07 AM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: معتصم دفع الله)

    Quote: حمد لله على السلامة يا سناء ..
    إفتقدناك كثيراً ..
    ننتظر حكاياتك عن الوطن وإنطباعاتك ..

    وإن شاء الله دائماً بخير ..


    الله يسلمك يا معتصم ...
    مر الشهر كالبرق الخاطف ..
    كانت الحصيلة زاد من الحنين احمله في غربتي فيعينني على الاحتمال ...
    اتمنى انت كمان تكون دائما بخير ...
    تحياتي ...
                   |Articles |News |مقالات |بيانات

21-04-2007, 06:59 AM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    كنت هناك ..
    في السودان ...
    بلد الهجعة في ضل الوجعة...
    بلد الناس الشاردة .. من غير رجعة ...
    بلد الناس النست الفزعة ...
    بلد الزحمة المن غير رحمة ..

    كنت هناك ...
    في بلد التناقض ..
    بلد التخمة .. وبلد الجوع ...
    بلد الاكواخ والقصور ...
    بلد الحمام والنسور ...
    بلد السمسرة بالاديان ...
    بلد السنسرة بالانسان ...
    بلد التسامح في كل شئ..
    بلد التساهل بكل شئ..


    بلد البهرجة ..
    بلد الهرجلة ..
    بلد الفوضى ...
    بلد الناس الناسية حقوقها وضايعة وسط معمعة الحلة وكيس العيش ..
    حق الدوا وايجار البيت ...
    بلد الناس التعبت من كلمة ( ادفع ) ...
    رسوم بالكوم ...
    حق الدمغة ..حق النفايات ... عوائد .. ضرائب ..
    ما تنسى الدعم ... دعم شنو ؟؟ ما معروف .. دعم منو ؟؟ ما معروف .. بس بالتاكيد ما ليهم هم !!
    بقوا خايفين بعد شوية... حتى الهوا يكون برسوم ...

    بلد فيها الجمال الوان ..
    مدفون تحت الوسخ والضيق ...
    بلد اروع ما فيها الناس ...
    بس ما كل الناس ..
    لانو في ناس ... اسوا من خلق رب الناس ...

    كنت هناك ...

    وللحكايات بقية ...
                   |Articles |News |مقالات |بيانات

21-04-2007, 07:01 AM

ملكة سبأ
<aملكة سبأ
تاريخ التسجيل: 18-06-2003
مجموع المشاركات: 3853

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    ياسناء جعفر !!
                   |Articles |News |مقالات |بيانات

21-04-2007, 07:34 AM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: ملكة سبأ)

    Quote: ياسناء جعفر !!


    الملكة !!
    جاني صوتك زي حفيف نخلة بتعانق الريح ..
    هامس رقيق .. مليان حنين ..وريحة دعاش ..
    انتظرتك ..
    وطال غيابك ..
    ما زلت محتفظة برقم تلفونك .. اتمنى نتواصل قريب ...
    تحياتي ...
                   |Articles |News |مقالات |بيانات

21-04-2007, 07:19 AM

معروف حمدين
<aمعروف حمدين
تاريخ التسجيل: 16-07-2006
مجموع المشاركات: 1601

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    سناء جعفر
    عندما كنتي هناكـ
    فقد ازدان بك الوطن
    أحكي يا سناء
    فالخرطوم كما قال صديقنا ماسا
    ( تمنحك دوما الحزن طازجا )
                   |Articles |News |مقالات |بيانات

21-04-2007, 07:54 AM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: معروف حمدين)

    Quote: سناء جعفر
    عندما كنتي هناكـ
    فقد ازدان بك الوطن
    أحكي يا سناء
    فالخرطوم كما قال صديقنا ماسا
    ( تمنحك دوما الحزن طازجا )


    معروف حمدين ...
    التقينا هنا .. والتقينا هناك ...
    هناك .. للاشياء طعم آخر ...
    طعم تختلط فيه الحلاوة والعذوبة مع الالم اللاذع ..
    هناك عندما ضمتنا جلسة حميمة في منزل شعلة الامل ( غادة نوري ) ...
    كنا ننظر اليها بالم وهي تنظر الينا بامل ...
    كنا نحبس دموعنا وهي تشع بالضحكات ...
    ما زال الطعم عالقا في ذاكرتي ...
    حمد الله على السلامة ..
    هل يعتريك حنين الوطن مثلي ؟؟؟
                   |Articles |News |مقالات |بيانات

21-04-2007, 07:50 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    عجيبة
    اها وصلتي المنبر قبل ما تصلي بيتنا؟؟
    مواعييد عراقيب (زي ما بقولو العرب )
    احلفي " اقول الحق غير الحق " وفتيهو كلو
    ++++++
    بس ما تقولي بلدنا ما بتتصلح
    بتتصلح بتتصلح
    كان ما الليلة
    بكرة تتصلح
    ورغم الشين والشينيين بتتصلح
    منو البيقدر يقول ما بتتصلح
    عشان كية للعايزين يخومونا بتتصلح
    عشان سراقي الملح والطين
    وقاطعيين رزق مساكيين
    يهجو هربانيين بتتصلح
    بتتصلح بتتصلح
    +++


    اها واحد يقول رطان ما بنضم شعر .. اها جاكم منافس خطير يا فضيلي والملكة وكل العراريب

    شفتو كيف

    كية للعايزين يخومونا بتتصلح
                   |Articles |News |مقالات |بيانات

21-04-2007, 07:58 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: abubakr)

    حمدلله علي السلامه ..
    وبركه المشيتي اتمليتي بالسودان
    علشان تبدعي وتحكي لينا..

    تحياتي
                   |Articles |News |مقالات |بيانات

21-04-2007, 02:15 PM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    Quote: عجيبة
    اها وصلتي المنبر قبل ما تصلي بيتنا؟؟
    مواعييد عراقيب (زي ما بقولو العرب )
    احلفي " اقول الحق غير الحق " وفتيهو كلو
    ++++++
    بس ما تقولي بلدنا ما بتتصلح
    بتتصلح بتتصلح
    كان ما الليلة
    بكرة تتصلح
    ورغم الشين والشينيين بتتصلح
    منو البيقدر يقول ما بتتصلح
    عشان كية للعايزين يخومونا بتتصلح
    عشان سراقي الملح والطين
    وقاطعيين رزق مساكيين
    يهجو هربانيين بتتصلح
    بتتصلح بتتصلح


    صديقي العزيز ابوبكر سيد احمد
    ما انت كنت معاي هناك .. ولا نسيت ؟؟
    في المركز الثقافي الالماني ...
    لمن رن الهاتف وجانا الصوت مليان حنية ..
    قلت ازيكم .. ولف التلفون من ايد لايد ...
    حبة ملاسي ... حبة ماسا .. وكتير طلال عفيفي ...
    وتاني كمان ..
    لمن كنت هناك وسط الضرب العميان ...
    جاني صوتك القلقان ..
    يا بتي امرقي بروحك .. شنو الجابك وسط الغيلان ؟؟

    تعرف يا ابوبكر من اجمل امسياتي في الخرطوم لما اجتمعنا في منزل شقيقك الكريم الاستاذ عمر سيد احمدوحرمه المصون المضيافة(ايمان)...
    انا والبت الحلوة الظريفة سمرية ...
    معروف وماسا وملاسي وبانقا ...
    جلسة جميلة ..دسمة بنقاش متوازن في كل شئ ...
    شكرا لانك عرفتنا بعمر ...
    وشكرا لعمر وايمان على الدعوة ...

    وجاياكم قريب يا ابوبكر .. بس تعب الاجازة يخف شوية ...
    تحياتي لسامية والعيال ...
                   |Articles |News |مقالات |بيانات

21-04-2007, 02:26 PM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    Quote: حمدلله علي السلامه ..
    وبركه المشيتي اتمليتي بالسودان
    علشان تبدعي وتحكي لينا..


    الحبيبة منى خوجلي

    ما حتصدقي يا منى انا جيت مليانة قدر شنو !!!
    مليانة بتناقضات مستحيل تتجمع في مكان واحد !!!
    لكن سبحان الله سكنت جواي بتجاور سلس
    السودان ملاني فرح وغرقني بالحزن ...
    ملاني قنوط متلفح بالامل ...
    ملاني تحدي .. ملاني ياس ...
    ملاني محبة وحنين ...
    ملاني رفض وجنون ورغبة في التدمير والتعمير ..
    اتشحنت واحتشدت .. اتوارت جواي هموم واتولدت هموم تانية ...

    اقول ليك شنو ... ولا شنو ... ولا شنو ؟؟!!!
    بس تابعيني في حكاياتي .. يمكن تعرفي سر التناقض ...
    تحياتي ...
                   |Articles |News |مقالات |بيانات

21-04-2007, 02:44 PM

معروف حمدين
<aمعروف حمدين
تاريخ التسجيل: 16-07-2006
مجموع المشاركات: 1601

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    Quote: معروف حمدين ...
    التقينا هنا .. والتقينا هناك ...
    هناك .. للاشياء طعم آخر ...
    طعم تختلط فيه الحلاوة والعذوبة مع الالم اللاذع ..
    هناك عندما ضمتنا جلسة حميمة في منزل شعلة الامل ( غادة نوري ) ...
    كنا ننظر اليها بالم وهي تنظر الينا بامل ...
    كنا نحبس دموعنا وهي تشع بالضحكات ...
    ما زال الطعم عالقا في ذاكرتي ...
    حمد الله على السلامة ..
    هل يعتريك حنين الوطن مثلي ؟؟؟


    سناء جعفر
    وهل غاب عني الشوق يوما للوطن
    فدوما نحمله بدواحلنا
    بكل تلك المعاناة الرقيقة
    بكل ذلك العذاب الجميل
    فأحساسك كان صادقا ..
    ووصفك أدهشني
    وانتي تخرجين دواخلي أحرفا
    هكذا هو الوطن
    يبقي بنفس المذاق
    وذات النكهة
    ويظل الأحساس
    ولكن هيهات لي أن اعزف نفس ألحانك يا سناء ..
    لك الوطن والعافية ..
                   |Articles |News |مقالات |بيانات

21-04-2007, 02:45 PM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    كنت هناك ..جنب النيل ..
    ليله جميل .. نسيمه عليل ...
    قعدت براي اناجي الغيم...
    اشوف بجاي سمكة تنط ...
    ولقدام موجة تعافر وموجة تفط ...
    في وش الموية نور حيران ...
    عاكس ضله زي ثعبان ... مرة بيرقص ...
    ومرات ثابت بلمعان ...
    لمحت بعيد خيال مركب ماش تعبان ..
    شايل سخلة .. وقفة خضرة .. وزول طيبان ..
    سمعت بعيد صوت صرصار بيغني وحيد ..
    ورد عليهو حمار نعسان...
    جنب المرسى ملامح ناس ..تطلع وتنزل ..
    شايلة عشاها ..
    شايلة بكاها ..
    شايلة حنين للفرح الغايب ...
    الجو معطون بريحة الموية وهمس العشب ...
    وضحكة اطفال ..ونسة حبان .. وجلسة خلان ...

    وكنت هناك ...
                   |Articles |News |مقالات |بيانات

21-04-2007, 03:02 PM

صلاح محمد صالح عثمان
<aصلاح محمد صالح عثمان
تاريخ التسجيل: 27-04-2005
مجموع المشاركات: 241

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    الأخت / سناء
    واصلى فى حكاياتك ورجعى لينا بعض حكاياتنا
    على ذكرك عمرك سيد أحمد رجعت أيام البنوك
    قبل الفصل للصالح العام
    وشركة هيومافت وشقيقته صفية قبل الأغتراب والسفر
    ووالدتهم الحنونه 0
    واصلى ونحن فى الإنتظار بأى حكاية من الوطن رغم المرارات والألم00
                   |Articles |News |مقالات |بيانات

21-04-2007, 03:37 PM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: صلاح محمد صالح عثمان)

    Quote: الأخت / سناء
    واصلى فى حكاياتك ورجعى لينا بعض حكاياتنا
    على ذكرك عمرك سيد أحمد رجعت أيام البنوك
    قبل الفصل للصالح العام
    وشركة هيومافت وشقيقته صفية قبل الأغتراب والسفر
    ووالدتهم الحنونه 0
    واصلى ونحن فى الإنتظار بأى حكاية من الوطن رغم المرارات والألم00


    الاخ صلاح محمد صالح عثمان
    التحيات الطيبات
    عمر سيد احمد حاليا مدير بنك ابوظبي الوطني بالسودان ...
    وكمان اليومين دي موجود في الامارات بمعية الشقيق الاكبر لينا كلنا ابوبكر سيد احمد ...
    حكايات الوطن مزيح من الحلاوة والمرار ...
    كما هي الحياة بمجملها ...
    لك الود ...
                   |Articles |News |مقالات |بيانات

21-04-2007, 05:06 PM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    يا سناء ..
    انتي عارفة لخبتة المواعييد يعني شنو ؟ تقعدوني منتظر يوميين ؟ والشارقة بقت اقرب من بيتنا ؟

    يا صلاح الف تحية .. انا اصحاب اخواني هم اصحابي.. عمر في ابوظبي واكيد حاكلمو برسالتك يوم ما يرجع لدبي

    مودتي
    ابوبكر
                   |Articles |News |مقالات |بيانات

21-04-2007, 05:35 PM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    Quote: يا سناء ..
    انتي عارفة لخبتة المواعييد يعني شنو ؟ تقعدوني منتظر يوميين ؟ والشارقة بقت اقرب من بيتنا ؟


    ابوبكر ...
    لك العتبى حتى ترضى ..
    والله جيت بكحة عاتية معاها وجع حلق وزكام من تقلب اجواء السودان ..
    خفت عليكم من العدوى وقلت استنى لمن ابقى كويسة وبعدين اجيكم ...
    تحياتي لعمر ...
    ولنا لقاء قريب ...
                   |Articles |News |مقالات |بيانات

22-04-2007, 12:03 PM

انعام عبد الحفيظ
<aانعام عبد الحفيظ
تاريخ التسجيل: 07-12-2005
مجموع المشاركات: 8738

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    سناء جعفر

    فرصة جميلة كانت ولحظات مرت سريعة

    كنت أمني نفسي بتكرار اللقاء

    وأسفت جداً لأني لم ألتقيك ثانية

    فعذراً هي الدنيا ومشغولياتها ً


    وتجدينني ممتنة كثيراً لكي ولخالد ماسا

    لللقاء وعلى الإنسانة الكنز المتشبعة

    بجميل القيم الإنسانية التي تعرفت اليها
                   |Articles |News |مقالات |بيانات

22-04-2007, 12:26 PM

bayan
<abayan
تاريخ التسجيل: 13-06-2003
مجموع المشاركات: 15417

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: انعام عبد الحفيظ)

    العزيز سناء
    الف حمدالله على السلامة اتمنى تكوني
    اطمنتي على الاسرة والوالد..

    اجمل شهر في العام هو الذي اقضيه في السودان

    بكرة الجيتي ولسه متعشمين في الزيارة ...

    اشتقنا لقصصك...
    محبة
                   |Articles |News |مقالات |بيانات

22-04-2007, 03:47 PM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: bayan)

    Quote: العزيز سناء
    الف حمدالله على السلامة اتمنى تكوني
    اطمنتي على الاسرة والوالد..

    اجمل شهر في العام هو الذي اقضيه في السودان

    بكرة الجيتي ولسه متعشمين في الزيارة ...

    اشتقنا لقصصك...
    محبة


    الاخت الغالية نجاة ..
    تسلمي من كل شر ...
    شكرا لسؤالك عن صحة الوالد التي ما زالت تتراوح بين التراجع ... والتراجع ..
    نسال الله اللطف والرحمة .. وان يجعل مرضه كفارة لكل ذنوبه ..
    الاجازة في السودان هي قارورة الاوكسجين التي تهبني الحياة لبقية العام في غربتي القبيحة ...
    دعوتك الكريمة اثلجت صدري .. وماليزيا في البال والخاطر ...
    تحياتي ..
                   |Articles |News |مقالات |بيانات

22-04-2007, 03:41 PM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: انعام عبد الحفيظ)

    Quote: سناء جعفر

    فرصة جميلة كانت ولحظات مرت سريعة

    كنت أمني نفسي بتكرار اللقاء

    وأسفت جداً لأني لم ألتقيك ثانية

    فعذراً هي الدنيا ومشغولياتها ً

    وتجدينني ممتنة كثيراً لكي ولخالد ماسا

    لللقاء وعلى الإنسانة الكنز المتشبعة

    بجميل القيم الإنسانية التي تعرفت اليها


    الحبيبة انعام ...
    تعرفي اجمل شئ في الدنيا انك تلاقي ناس كانوا بالنسبة ليك مجرد حروف مشتتة في الفضاء ...
    وخلال اللقيا تكتشفي انهم اجمل بكتير من حروفهم....
    ما زالت ذكرى جولتنا في قاعات ( بابا كوستا) تراود خيالي ...
    المعرض الفني ... شكل اللوحات والمنحوتات ...
    الونسة الحلوة وضحكات ماسا ... احتفال الرابعة اف . ام ...
    يا الله يا انعام .. كانت لحظات قصيرة لكنها شحنتني بفيضان من الحنين لعالمكم الجميل ...
    شكرا ليك على اللقاء الممتع ...
    وشكرا لخالد ماسا لانه جمعنا ...
    تحياتي ...
                   |Articles |News |مقالات |بيانات

22-04-2007, 04:03 PM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    كنت هناك ...
    جنب بيت مناوي ...
    صوت الدانة طرشق اضاني ...
    الرصاص زي المطرة ...
    ريحة الخوف دعاش الجو ...
    عساكر ماشة ... عساكر جاية ...
    ناس الحلة جاريين ... خايفين ... شايلين اطفالهم حفيانين ...
    بيت الحركة في نص الحلة ...
    شكلة صغيرة ولعت النار في كل الحلة ...
    اولاد الماحي واولاد الحركة عملوا الحركة ...
    وشالوها ناس الحلة ...
    ومن البيت في نص الحلة ..
    ظهرت ترسانة.. وجيش ..
    رشاشات ومدافع هاون ..
    آر بي جي وكلاشنكوف ..
    وبقت الحلة الوادعة ساحة حرب ...
    كوركوا ليهم ... سلموا تسلموا ..
    ردوا عليهم بالمولوتوف ...
    حرقوا البيت بالناس الفيهو ...
    ماتوا حداشر .. ويمكن اكتر ..
    بقت الحلة الوادعة ساحة حرب ..
    ولهسة الشارع مقفول ..
    ولسة العسكر واقف طابور ...
    سؤالي بسيط ...
    يا ربي (العودة ) بقت (الغابة ) ولا شنو ؟؟؟!!!!
                   |Articles |News |مقالات |بيانات

23-04-2007, 11:17 AM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    كنت هناك ...
    في البلد الوسعت فيها الذمة وضاقت فيها الهدمة ...
    عاوز خدمة ؟؟
    رش رشة جريئة ...
    ما فهمت ؟؟؟
    يا زول معناها فتح مخك تاكل ملبن ...
    يعني شنو ؟؟
    بصراحة شديدة .. ادفع رشوة ...
    يا غبيان ..ما اسمها رشوة ..
    سميها هدية ..
    اكرامية ..
    او حتى مساعدة ... اجبارية ..
    ويا حليل العفة الرحلت وغارت ...
    حليل الايد الطيبة الكانت تدي بدون ما تشيل ...
    حليل اخلاقنا السمحة الكانت قصة معاشة ...
    وهسة بقت اساطير ...

    وكنت هناك ...
                   |Articles |News |مقالات |بيانات

23-04-2007, 11:26 AM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    ونجي للهدمة الضاقت تب ...
    اسكيرت مزحلق بالصابون ...
    بلوزة محزقة تقول لزقوها بالمعجون...
    ضراع مكشوف ..
    ساق محتار من طول الفتحة ... يقول للغاشي نادي الماشي وتعال شوف ...
    كتير تتحير من المنظر ...
    راس مربوط لزوم الحشمة ...
    وتحت الراس حاجة غريبة ... حاجة عجيبة ..

    يا زول هوي ... اياك تتكلم عن ( ضيق الهدوم في شوارع الخرتوم ) ...
    اتفرج ساكت .. ارقام ظاهرة .. وارقام مافي ...
    الغام ماشة .. برجلين ...

    وللحكايات بقية
                   |Articles |News |مقالات |بيانات

23-04-2007, 11:37 AM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    حقن السكري في البوتيك ..
    لزوم نظرية ( المرا كرعين )...
    البت تلقاها بالالوان ...
    وشها ابيض زي الفل ...
    الباقي خليط ... والوان طيف ...
    بني واسود ... مرة مخطط .. ومرات اصفر ضاربه الاحمر ...
    بت الجيران كانت خدرا ..
    رجعت لقيتها زي صفرا ...
    سالت اختها ..
    دة ياتو كريم ؟؟
    آمبي ؟؟ ديانا ؟؟ ولا كلير تون ؟؟
    ضحكت وقالت : ياي يا خالتو !! دي كريمات دقة قديمة !!!
    هسة بنعمل كريم اغادير ..
    والله يخلي البايو كلير والالترا فير ...

    سمح يا بنية والسرطان ؟؟
    ضحكت تاني وقالت لي :
    يا خالتي دي اشاعات ..
    لو كانت جد ؟؟!!
    نص السودان كان جاوا سرطان !!!
    سرحت بعيد وقلت اتاري ...
    نص السودان بقى بالالوان ...

    وكنت هناك ...

    للحكايات بقية ...
                   |Articles |News |مقالات |بيانات

23-04-2007, 12:03 PM

انعام حيمورة
<aانعام حيمورة
تاريخ التسجيل: 29-06-2006
مجموع المشاركات: 11083

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    سناء جعفر الف حمد لله على السلامة ... تحياتي للشايقية صديقتك ...
                   |Articles |News |مقالات |بيانات

23-04-2007, 02:19 PM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    Quote: سناء جعفر الف حمد لله على السلامة ... تحياتي للشايقية صديقتك ...


    الغالية انعام حيمورة ...
    وين يا ظريفة من ديك وعيك ؟؟

    الله يسلمك يا انعام ...
    الشايقية بخير وبتبلغك تحياتها ...
    كلام في سرك ؟؟
    ما تميت اسبوع واشتقت للسودان وناس السودان ...
    تحياتي ...
                   |Articles |News |مقالات |بيانات

23-04-2007, 03:53 PM

mamkouna
<amamkouna
تاريخ التسجيل: 05-12-2004
مجموع المشاركات: 2246

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)




    و أنا أقووووول..البلد كانت منورة مالها..؟؟!!!
    حمدلة على سلامة رجوعك يا سناء..
    و بركة الفارقتي أهلك طيبين..
    ربنا يطمنك عليهم..و يطمنهم عليك.
    مشتاقين لقصاصاتك و أخبارك.

    حقيقي..و ...بدون مجاملة..
    برجوعك..إزدان البورد.
                   |Articles |News |مقالات |بيانات

23-04-2007, 06:17 PM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    Quote: و أنا أقووووول..البلد كانت منورة مالها..؟؟!!!
    حمدلة على سلامة رجوعك يا سناء..
    و بركة الفارقتي أهلك طيبين..
    ربنا يطمنك عليهم..و يطمنهم عليك.
    مشتاقين لقصاصاتك و أخبارك.

    حقيقي..و ...بدون مجاملة..
    برجوعك..إزدان البورد.


    ممكونة!!!هو انتي في السودان ؟؟
    يا لسؤ حظي الما خلاني عرفتك هناك ولاقيتك ...
    البلد منورة بناسها السمحين الزيكم ...
    شكرا لسؤالك .. اتمنى نتواصل دائما ...
    تحياتي ...
                   |Articles |News |مقالات |بيانات

23-04-2007, 08:37 PM

مجدى عوض

تاريخ التسجيل: 02-02-2004
مجموع المشاركات: 39

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    ســـــــــــــــــــــلام

    نحن فى شوق الى حكاوى الوطن
                   |Articles |News |مقالات |بيانات

25-04-2007, 03:41 PM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: مجدى عوض)

    Quote: ســـــــــــــــــــــلام

    نحن فى شوق الى حكاوى الوطن


    الاخ مجدي عوض ...

    حكاوي الوطن
    تلقاها في بسمة طفل اسمر جميل ..
    وفي دمعة حبيبة سافر رجاها لبلد قاسي وبعيد ..
    تلقاها في ملامح توب ورسمة حنة وسط زحمة الغربة ..
    تلقاها في طرف القهاوي العاجة باهلي الغبش في كل منافي الدنيا وحدودها الممدة ..

    حكاوي الوطن تلقاها فيني .. تلقاها فيك .. وفي كل زول .. اسمو زول ...
    تحياتي...
                   |Articles |News |مقالات |بيانات

25-04-2007, 10:47 AM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    كنت هناك ...
    في النادي الدولي ...
    كان اسمه زمان ( الامريكي ) ...
    عالم خاص ...
    صفوة ناس ...
    محامي وقاضية ...
    دكتور ومهندسة ..
    مدير وسفير ووزير ...
    فيهو الناس تتكلم همس ...
    حبة عربي والباقي رطانة اشكال والوان ...
    كابتشينو ونسكافيه ...
    شيشة وشاي ...
    شيبس وكيتشاب ..
    شوكة وسكين ...
    لبس رسمي ..
    لبس كاجوال ..
    اطفال تلعب و( دادة ) تراقب...
    ضحكات ناعمة ...
    حكاوي ملونة ...
    النادي الدولي ؟؟؟!!!
    جد عالم تاني ...
                   |Articles |News |مقالات |بيانات

25-04-2007, 10:56 AM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    كنت هناك ...
    في سوق الناقة ...
    واطة مرملة ...نضيفة مرشرشة ...
    منقد كارب .. ناره ملهلبة ...
    لحمة معلقة .. زي ما عايز .. بس انت اختار ...
    شية مظبطة ..
    سلطة مشططة ..
    فاطمة تهبب نار المنقد ...
    وتقش عرقها بتوبها الاحمر ...
    تنادي ولدها ..
    تعال يا صابر زيد النار ...
    موية في جردل تلجها عايم ..
    كوز المنيوم .. بنبر واطي ... وعيش بالردة ..
    اكلت اكل ؟؟!!
    وكل شوية افتش منديل اقشقش بيهو دموع الشطة ...
    دهن اللحمة ملا كفوفي ...
    مافيش صابون ...
    ادعك ايدي بحبة رملة ..
    اشرب بالكوز لمن اروى ..
    واودع فاطمة بوعد الرجعة ...
                   |Articles |News |مقالات |بيانات

25-04-2007, 01:40 PM

سمرية
<aسمرية
تاريخ التسجيل: 16-01-2005
مجموع المشاركات: 2802

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    يا الللللللللللللللللللللله يا سناء !!
                   |Articles |News |مقالات |بيانات

25-04-2007, 01:52 PM

غادة عبدالعزيز خالد
<aغادة عبدالعزيز خالد
تاريخ التسجيل: 26-10-2004
مجموع المشاركات: 4806

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: سمرية)

    الأخت الكريمة
    سناء

    حمد الله على السلامة..
    تعرفى,
    كنت فى السودان منذ حوالى ثلاثة أشهر..
    و لازلت حزينة أشد الحزن على فراقه
    .
    .

    حاولت أن أكتب عنه
    و لكننى و لأول مرة,
    لم أجسر
    .
    .

    لربما فى يوم ما
    قريب

    كل المودة
    غادة
                   |Articles |News |مقالات |بيانات

25-04-2007, 02:35 PM

معاذ حسن
<aمعاذ حسن
تاريخ التسجيل: 14-11-2006
مجموع المشاركات: 3305

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: غادة عبدالعزيز خالد)

    الاخت سناء جعفر
    حمدا لله على السلامة

    قلتي:

    Quote: واتمنى لو كنت فعلا باكتب شعر عشان اقول فيهو اجمل القصايد...
    ...


    هو في شعر اجمل من كدا!!
    بوست مريييييح جدا.
    تحياتي.
                   |Articles |News |مقالات |بيانات

25-04-2007, 02:58 PM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    Quote: يا الللللللللللللللللللللله يا سناء !!


    يا الله يا سمرية ...
    قدر ما لاقيتك ... اتمنيت الاقيك تاني ...
    طلتك الحلوة .. واسلوبك الرقيق الراقي ...
    ابوابك القديمة ووجبة ذكرياتك الدسمة ...اشعلت جواي حمى ضجيج عاتية ...
    تصدقي فلم ( سويت نوفمبر ) من افلامي المفضلة برضو ؟؟
    الزخم العاطفي الحزين جواهو بيحسسني بانسانيتي ...
    وبيخليني افكر كتير لو كنت مكان ( سارة ) وعرفت مواعيد رحيلي بالتحديد كنت حاتصرف كيف ؟؟؟
    رسلت ليك مسج عشان تحتفظي بتلفوني ...
    تحيات زاكيات .. وشوق كتير ...
                   |Articles |News |مقالات |بيانات

25-04-2007, 03:15 PM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    Quote: الأخت الكريمة
    سناء

    حمد الله على السلامة..
    تعرفى,
    كنت فى السودان منذ حوالى ثلاثة أشهر..
    و لازلت حزينة أشد الحزن على فراقه
    .
    .

    حاولت أن أكتب عنه
    و لكننى و لأول مرة,
    لم أجسر
    .
    .

    لربما فى يوم ما
    قريب

    كل المودة
    غادة


    الحبيبة غادة ...
    الله يسلمك من كل رضّي ...
    اتمنى يجي يوم واقرا انطباعاتك عن زيارة السودان ...
    عندك اسلوب سلس ممتع في رصف الذكريات ..
    كنت متابعة كتاباتك عن كثب ...

    السودان ...
    حلمنا وجرحنا ... لمن يتمدد الحلم بنكتب ...
    ولمن ينزف الجرح بنسكت ...
    متاكدة انو حيجيك يوم يتمدد حلمك وتكتبي .. وتكتبي ... وتكتبي ...
    تحياتي ومودتي ...
                   |Articles |News |مقالات |بيانات

25-04-2007, 03:24 PM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    Quote: الاخت سناء جعفر
    حمدا لله على السلامة


    الاخ معاذ حسن ...
    الله يسلمك ...

    وفعلا يا معاذ كتير باتمنى لو باقدر اقول شعر ( حقيقي ) مش الارتجالات العشوائية بتاعتي دي ..
    يعني زي تماضر الخنساء كدة يعني ( والله ما حاسدة يا تماضر ) ... بقرانة بس من اسلوبك الحلو ...
    عشان اكتب عن السودان بالطريقة الانا باتمناها ...
    يا زول اقول ليك كلام ... انا باحب السودان بكل سجمه ورماده ... لانه الحاجات الحلوة فيهو بتغطي على الكعبة ...
    تحياتي...
                   |Articles |News |مقالات |بيانات

25-04-2007, 03:31 PM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    Quote: وكل شوية افتش منديل اقشقش بيهو دموع الشطة ...


    كورية سامية المليانة شطة برضو تخلصيها وتقولي تاني ما بتاكلي عندنا لا نو الشطة حارة وتمشي سوق الناقة تاكلي شطة لحدما تدمعي .. ارسي ليك علي بر بارد ما فيهو شطة ...

    (عدل بواسطة abubakr on 25-04-2007, 03:32 PM)

                   |Articles |News |مقالات |بيانات

25-04-2007, 05:01 PM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: abubakr)

    Quote: كورية سامية المليانة شطة برضو تخلصيها وتقولي تاني ما بتاكلي عندنا لا نو الشطة حارة وتمشي سوق الناقة تاكلي شطة لحدما تدمعي .. ارسي ليك علي بر بارد ما فيهو شطة ...


    يا ابوبكر لكن شطة سامية ما نار مولعة ...
    هي بتجيب شطة الهنود الصغيرة الحارة ديك اضافة للشطة السودانية وعاوزها ما تحرقني ؟؟؟
    لكن اقول ليك كلام ؟؟ شطة سوق الناقة رهيبة ... والشية روعة .. والقعدة البسيطة ما في احلى منها ...
    وتحياتي ليك ولعمر حتى نلتقي ...
                   |Articles |News |مقالات |بيانات

25-04-2007, 03:43 PM

عبد المنعم سليمان
<aعبد المنعم سليمان
تاريخ التسجيل: 02-09-2006
مجموع المشاركات: 12158

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    الاخت سناء


    تحياتي

    بالله كنتي في السودان



    اتلومو الما ورونا



    وناسف للتقصير الناتج من عدم معرفتنا لحضورك



    منعم
                   |Articles |News |مقالات |بيانات

25-04-2007, 05:44 PM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: عبد المنعم سليمان)

    Quote: الاخت سناء


    تحياتي

    بالله كنتي في السودان



    اتلومو الما ورونا



    وناسف للتقصير الناتج من عدم معرفتنا لحضورك



    منعم


    الاخ عبد المنعم...

    معليش اجازتي كانت قصيرة ومحكومة بظروف اسرية صعبة شوية ...
    جيت المركز الثقافي الالماني كم مرة بس لسؤ الحظ ما لاقيتك ...
    كنت اتمنى الاقي كل الناس ...اشوفهم واسالمهم ...
    والتقصير حصل مني انا ما من زول تاني ... فلك وللجميع العتبى حتى ترضوا ...
    انشاء الله الجايات اكتر من الرايحات ...
    تحياتي ومودتي ...
                   |Articles |News |مقالات |بيانات

26-04-2007, 04:39 AM

صبري

تاريخ التسجيل: 15-08-2002
مجموع المشاركات: 0

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    وانا كمان يا اخت سناء كنت في السودان وصلت يوم الاحد 22/4 وقضيت اسبوع سافرت لظروف عائلية بعد سنتين غياب من السودان ولكن الحقيقة الكلام الكنت بسمعه في الاعلام ومن الناس شئ والشفته بنفسي شئ غير تماما .......تخلف ورشاوي وفساد واخلاقيات تزكم الانوف وعدم حياء ......... اي مكان مشيت ليه ممكن احكي ليكم قصص عنها ..

    اجراءات جهاز المغتربين الشباك (الاولوية للمناديب ) السبب تمشي للمكاتب ناس المكتب يقاولوك عليك ضرائب وزكاة وخدمات كذا دولار وكذا سوداني تدفع لينا ناشر ليك بدون ما تدفع العليك وطبعا بالقسمة مع الجماعة الطيبين لو مشيت براك تعمل اجراءاتك يدوخوك عشان تزهج وتسلم نفسك للمناديب

    واخر يوم قلت لاخوي شوف مطعم كويس ناكل شية وكنا قريبين من مطعم الواحة نمرة 2 ضربنا شية ... وانبسطت تمام ولكن بعد ساعات دورت معاي من مطار الخرطوم والي ان وصلت مطار ابوظبي ما جلست في كرسي الطائرة الا اثناء الاقلاع والهبوط ... السبب تسمم حاد حتي اليوم الخامس باخد في العلاج.....
                   |Articles |News |مقالات |بيانات

26-04-2007, 09:38 AM

Bannaga ELias
<aBannaga ELias
تاريخ التسجيل: 24-01-2006
مجموع المشاركات: 192

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: صبري)

    ياسناء جعفر سلاما.. سلاما

    (ملاني فرح
    ملاني قنوط
    ملاني حزن .... ملاني أمل)
    وملاكي فيوضا من المشاعر، جعلت الكلمات تسيل من قلبك كالشربوت على حواف الزير، تنهمرين مدرارا ،حتى نتمنى أن لا تتوقفي في سردك، كأننا نرى انفسنا في المرآة وأنت تصفين مشوار الحياة اليوماتي في السودان، كأننا نسمعه للمرة الأولى فتتداعي ياسناء عل هذا يشفى بعض من يشتاق أن يزور السودان، ويمنحه مترا من الحلم و الحنان الذي يفتقده برغم القبح السائد يتفق ورد الجمال في النفوس حبا في الحياة الكريمة والمعافاة . لقد قذفت زيارتكم حجرا في بحيرة اعماقنا الساكنه التي مازالت تنداح بالأصداء سعادة. دامت لكم السعادة ومقدرة الإسعاد.
                   |Articles |News |مقالات |بيانات

26-04-2007, 12:10 PM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: Bannaga ELias)

    Quote: لقد قذفت زيارتكم حجرا في بحيرة اعماقنا الساكنه التي مازالت تنداح بالأصداء سعادة. دامت لكم السعادة ومقدرة الإسعاد.


    العزيز بانقا ...
    كان للزيارة طعما مختلفا لانني التقيتكم ...
    مجموعة من البشر مختلفة الاهواء والمشارب اجتمعت على حب الجمال الكامن في كل ركن في سوداننا...
    انتم .. يا من اخترتم البقاء في الداخل ومصارعة الظروف بكل شجاعة ...
    وما زلتم تحتفظون بقدرة على الضحك من الاعماق .. والاستمتاع بالتفاصيل اليومية الصغيرة ...
    انتم .. الذين تضيفون اللون والنكهة لزياراتنا ...

    لك التحية والود ...
                   |Articles |News |مقالات |بيانات

26-04-2007, 11:55 AM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: صبري)

    Quote: سافرت لظروف عائلية بعد سنتين غياب من السودان ولكن الحقيقة الكلام الكنت بسمعه في الاعلام ومن الناس شئ والشفته بنفسي شئ غير تماما .......تخلف ورشاوي وفساد واخلاقيات تزكم الانوف وعدم حياء ......... اي مكان مشيت ليه ممكن احكي ليكم قصص عنها ..


    تعرف يا صبري خلال السنة ونص الفاتو مشيت السودان تلاتة مرات لظروف عائلية برضو ...
    لكن اول مشية كانت الاصعب لانها تمت بعد غياب سنتين وزيادة ... لمن تغيب وترجع .. شكل الحاجات بيصدمك وبتشعر بمرارة شديدة ..
    بيتكون جواك رفض فوري لكل شئ لانك بتبدا تقارن بين المكان الانت قاعد فيهو وبين السودان ...
    انا اول زيارة بعد الغياب كتبت عنها بمرارة شديدة وانتقادي كان في منتهى القسوة ... كانت باسم حكايات من الوطن برضو ... بس اتنشرت في مكان تاني ...
    الزيارات المتتالية خلت سوسة التعود تنخر جواي وبقيت ما استغرب حاجات كتيرة ...وما بقيت اقارن ...

    Quote: اجراءات جهاز المغتربين


    البعبع ... الغول ... العاو ... ديوان شئون المغتربين العاملين بالخارج...
    والله لو عرفوا انو معظم المغتربين تعبانين قدر شنو ..كانوا حولوا وظيفة الديوان دي من الجباية .... الى دعم المغتربين ...

    Quote:
    السبب تسمم حاد حتي اليوم الخامس باخد في العلاج.....


    بنعاني من ازمة نضافة ؟؟؟ بالتاكيد ..
    لكن برضو في مطاعم على مستوى عالي جدا واسعارها برضو عالية جدا ...

    وحمد الله على السلامة يا صبري ....
    نصيحة صغيرة .. تاني ما تطول كتير ... عشان ما تشوف الحاجات صعبة شديد ...
                   |Articles |News |مقالات |بيانات

26-04-2007, 12:24 PM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    كنت هناك ...
    لما المخزن جن وفجر نفسه في العصرية ...
    صبغ السما بلون الليل ...
    عبق الجو بريحة النار والبارود ...
    فرغ احشاؤه في كل مكان ...
    صاروخ مجنون ضل طريقه لبيت المقبول ...
    خرم الحيطة ..
    وحضن الولد الراقد غافل ...
    كان حضن مميت ...
    شق الرقبة ... قد وريدها ...
    وسال الدم الطاهر وعبى الدنيا ...
    بكت الام .. والاخوات ... والخالات والعمات ..والجارات ...
    بكت الحجار على ( جاسم ) ولد امبارح ...
    النام حلمان ببكرة وبعده ..
    بقعدة وسط اصحابه ..
    ببيت وعروس ...

    منيرة الريقي الجدة المفجوعة ...
    حلفت الا تجرتق ولدها المغدور ...
    شالت صحن الحنة المعجون بدموعها...
    ومشت المشرحة ...
    اول مرة تشم المشرحة ريحة الحنة ...
    اول مرة تسمع زغرودة وتحضر زفة ...
    اصحاب المخزن رسلوا مندوب ...
    يقول انهم آسفين ...
    ما كان بايدهم ...
    ما المخزن جن براهو وفجر روحو ...

    سؤالي بسيط :
    ليه يبقى المخزن وسط الناس ؟؟!!!
    جنب الكوبري والداخلية ؟؟!!!
    ليه العشوائية ؟؟!!!
    ولمتين حنفضل امة غبية ؟؟!!!
                   |Articles |News |مقالات |بيانات

26-04-2007, 03:09 PM

الحارث سرالختم عبد الله
<aالحارث سرالختم عبد الله
تاريخ التسجيل: 28-12-2005
مجموع المشاركات: 602

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    عودا حميدا ياسناء ولكم اسعدنا سردك الممتع ويحرقنا الشوق واللهفه

    وفى نفس الوقت الخوف والرهبه من احب البقاع الى قلوبنا وندعو لمن

    سقطوا ضحايا الغفله بالرحمه والمغفره وواصلى سردك الممتع وفقك الله

    ابو ختم
                   |Articles |News |مقالات |بيانات

26-04-2007, 06:18 PM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: الحارث سرالختم عبد الله)

    Quote: عودا حميدا ياسناء ولكم اسعدنا سردك الممتع ويحرقنا الشوق واللهفه

    وفى نفس الوقت الخوف والرهبه من احب البقاع الى قلوبنا وندعو لمن

    سقطوا ضحايا الغفله بالرحمه والمغفره وواصلى سردك الممتع وفقك الله

    ابو ختم


    الاخ ابو ختم ...
    حبوباتنا بيقولوا مثل بينطبق علي حالتنا مع السودان ...
    ( لا بريدك ... ولا بحمل بلاك ) ...
    احنا البرة ما بنقدر نبعد فترة طويلة .. بنتمرجح بالشوق لمن راسنا يلف ...
    نحلف بعد كل زيارة اننا ما راجعين تاني الا بعد كم سنة ...
    لكن لو لقينا فرقة كم يوم بنلم عزالنا ونجري ...
    عليك الله احنا مش عالم غريب ؟؟؟

    اللهم ارحم عبدك جاسم نجم الدين زهير المقبول .. وتقبله قبول حسن .. اغفر له واحسن نزله ..
    اللهم الهم امه المكلومة الصبر والسلوان ..
    اللهم الهم جدته وجدتي (منيرة الريقي) الصبر والسلوان ..
    اللهم فاستجب ... اللهم آمين ...
    انا لله وانا اليه راجعون ...
                   |Articles |News |مقالات |بيانات

26-04-2007, 07:05 PM

عبدالله داش

تاريخ التسجيل: 17-02-2007
مجموع المشاركات: 1451

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    سنــــاء

    عوداًحميدا

    وتانى شئ
    ماتنسى لما الليل
    مع القمر الطشاش
    والمويه فى أيد البحر
    والصوت مزازيك
    والكلام النقرشه
    أحسن تعالى
    نجرتقك للروح

    ســناء
    فىالقيف أتابع
    إصديادك للحروف

    كل الود
                   |Articles |News |مقالات |بيانات

26-04-2007, 07:14 PM

Mohamed Abdelmotalib Hassan
<aMohamed Abdelmotalib Hassan
تاريخ التسجيل: 03-04-2007
مجموع المشاركات: 6824

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: عبدالله داش)

    سناء

    بعدين مع الغيبة الطالت؟
    قلمك المتفرد افتقده المنبر كثير,
    , لكن للصبر حدود , صبرناونولنا ,
    الواحد يقرا ليك وهو مطمن من حزم ابداع
    شايلة بعضها وتتسابق.
    الف سلامة بالعوده المجيده
                   |Articles |News |مقالات |بيانات

27-04-2007, 05:46 PM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    Quote: سنــــاء

    عوداًحميدا

    وتانى شئ
    ماتنسى لما الليل
    مع القمر الطشاش
    والمويه فى أيد البحر
    والصوت مزازيك
    والكلام النقرشه
    أحسن تعالى
    نجرتقك للروح

    ســناء
    فى القيف أتابع
    إصديادك للحروف


    داش ...
    ايها المبدع الجميل ...
    متذكر الكلمات دي ؟؟

    في غفلة من لحظة ضلام ...
    كلمني ليل حالك طويل ممعن سواد ...
    قال انو جد تعبان شديد من وحدته ...
    وعاوز يغير طلته ..
    قام مدّ ايده وغازل اطراف الفجر ..
    وقال كلام ...
    هامس رقيق ..
    ما بتسمع ...
    ما بتعرف ...
    واكيد كمان ما بتحكي ...
    كلام ملحّن زي مواويل العشق ...
    ممطوط طويل زي مسادير الحزن ...
    كلام دقاق ...
    مليان انين ..
    سري وحنين ...

    في غفلة من حلم الرحيل المستحيل ...
    اتمددت احزان عميقة ...
    ناوشت فرحي اليتيم ...
    نكشّت حسي المخدّر ومستكين ...
    ناضمت خوفي المحكّر من سنين ...
    خاصمت صمتي المسربل بالكلام ...

    في غفلة من لحظة صمود واصرار عنيد ...
    جاني طيفك زي كأنّو حامل اوزار البشر ...
    ممكون ومتكي على الصبر ...
    حفيان وتحته النار جمر ...
    عطشان بيهاتي .. حتى لنقطة مطر ...
    طيف الالم .. الجاني شايل الريد عشم ...
    خلاني اتهاوى وافزّ ...
    اكسر جدار الانعزال ...
    اجري اخترق الحصار ...
    واسرق تسابيح الخيال من المحال ...
    وارجع اطير ... مع الجمال ...

    يسعدني دوما ان اتواجد معك في نفس المكان ...
    لان وجودك يستفز حروفي ....
                   |Articles |News |مقالات |بيانات

27-04-2007, 06:45 PM

القلب النابض
<aالقلب النابض
تاريخ التسجيل: 22-06-2002
مجموع المشاركات: 8418

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    اتابع تداعيات الاشواق..

    اهطلي
                   |Articles |News |مقالات |بيانات

27-04-2007, 07:13 PM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: القلب النابض)

    Quote: اتابع تداعيات الاشواق..

    اهطلي


    سلامات يا قلب ...
    لتداعيات الاشواق حكايات طويلة ..
    مثل قصص الجدات القديمة في ليالي الصيف الحارة ...
    تاسرني التفاصيل الصغيرة ... تسكنني .. تتبعثر في مسامي ...
    ثم تتجمع في ذاكرتي .. كبركة عميقة ...ينتابها الحنين الى الفيضان ...
    وفي لحظة غفلة .. تتسلل القطرات ثم ينهار الجدار وينهمر سيل التفاصيل ...
    وتاتيكم الحكايات ...

    وبانتظار حكاياتك في عاصمة الضباب .. والبلدان ذات الشوارع العريضة ...
    مودتي ...
                   |Articles |News |مقالات |بيانات

27-04-2007, 05:57 PM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    Quote: سناء

    بعدين مع الغيبة الطالت؟
    قلمك المتفرد افتقده المنبر كثير,
    , لكن للصبر حدود , صبرناونولنا ,
    الواحد يقرا ليك وهو مطمن من حزم ابداع
    شايلة بعضها وتتسابق.
    الف سلامة بالعوده المجيده


    محمد اخوي ...
    كيفنك ؟؟
    الله يسلمك ويعافيك ...
    مرات بتتمرد علي الحروف ... بتزوغ مني وتتدسى .. عشان كدة باختفي ...
    بس لمن تمشي السودان لازم ترجع معبا ...
    في حاجات بتشوفها هناك تخلي الحجر ينطق ...
    حاجات جزء منها حلو ... وجزء منها مر ...
    حاجات تخلعك .. وحاجات تدهشك .. وحاجات تبكيك ...
    حاجات تخليك فخور بانك سوداني ...
    وحاجات تخليك تكره جنسيتك وتتمنى لو اتولدت في اي بلد تاني ...
    حاجات ... وحاجات ... وحاجات ...
    بس الله يدينا الصبر على كل الحاجات ...
    وكن بالف خير ...
                   |Articles |News |مقالات |بيانات

27-04-2007, 09:47 PM

عبدالله داش

تاريخ التسجيل: 17-02-2007
مجموع المشاركات: 1451

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    متفكرك كل الغنا
    الجدول محنن بالفراشات والخرير
    كان الوكــت جدا طروب
    متذكرك جننتى خلجان الحنين
    لو ما السمــا
    المنو الرهافه مع الهجير
    ماظنى فى الباقى
    الحكايات البديعات
    الجمالهن ما بيتوب
    من اعتراك ذكراك

    جد متذكرك
    سـناء
    ابدعت حد هنا
                   |Articles |News |مقالات |بيانات

28-04-2007, 06:29 AM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    كنت هناك ...
    في الالماني ...
    شباب من نور ...
    شايل هم الدنيا وحايم يجبر خاطر الفرح المكسور ...
    (محمد قاسم) .. (وود نابري) ...
    (طلال) حايم .. شايل قلقو ... وبسمة شقية ...
    (ماسا) .. (ملاسي ).. وناس تانيين ..
    اولاد وبنات ... عرب وخواجات ...
    ونسة بريئة ..
    ضحكة مضيئة ...
    احلام (افراح )...
    آمال (غادة) ...
    بارد وحار ..
    صينية مدورة زي حقت بيتنا ..
    فيها اكل اشكال والوان ...
    جبنة ومبخر وفول حجات ..
    ندوة وورشة ونقاشات ...
    الصحفي فلان شايل ورقو ...
    وداك علان سارح في ملكوت الله ...
    الساعة تمانية ...
    طفوا النور ...
    وبيتك بيتك ...

    حلات اللمة في الالماني ...
                   |Articles |News |مقالات |بيانات

28-04-2007, 06:50 AM

Nadia Elsir

تاريخ التسجيل: 26-12-2005
مجموع المشاركات: 1396

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    سناء جعفر رجعت و معك من الوطن لمحات ابصرتها عين لماحة
    فصاغتها حكايا فى حروف تقطر حنين للبلد و اهلها
    سناء العزيزة سعدت حقا بلقاءك الخاطف امنياتى بلقاءات ارحب !



    نادية السر
                   |Articles |News |مقالات |بيانات

28-04-2007, 06:17 PM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    Quote: سناء جعفر رجعت و معك من الوطن لمحات ابصرتها عين لماحة
    فصاغتها حكايا فى حروف تقطر حنين للبلد و اهلها
    سناء العزيزة سعدت حقا بلقاءك الخاطف امنياتى بلقاءات ارحب !


    الغالية نادية ...
    كان للقياك طعم الشهد ...
    وبرغم قصر اللقاء الا انه ترك ذكرى عطرة في خيالي ...
    ويا زولة شاي اللبن بالكيك كان لذيذ جدا ...
    المرة الجاية اكون طالباك عزومة الهلتون الما تمت ...
    تحياتي للوالدة الرؤوم ...

    (عدل بواسطة sanaa gaffer on 28-04-2007, 06:18 PM)

                   |Articles |News |مقالات |بيانات

29-04-2007, 03:42 PM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    كنت هناك ...
    جنب الحلة ..
    ميدان الليق ..
    ساحة المولد ...
    دخلت الخيمة والدكان ...
    عزلت عروسة ..
    وفارس في حصان ..
    حضرت الذكر ..
    صوت المداح عالي وصداح ...
    نوبة وطار .. ناس كتار ...
    صغار وكبار ...
    درويش غرقان ...
    بيلف تايه في كون تاني ...
    بياع موية ..
    الكوز بمية ...
    بتاع طبلية .. وست الشاي ...
    حلاوة قطن ...
    لكوم وهريسة ..
    سمسم وفول ..
    حمص وجوز ...
    جوطة لذيذة ...
    زحمة جميلة ..
    الله عالمولد في السودان ...
                   |Articles |News |مقالات |بيانات

02-05-2007, 12:36 PM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    انطباعات شخصية جدا جدا ... عمن التقيتهم من اعضاء سودانيز اون لاين بالخرطوم ...

    انطباعات قد يتفق معها البعض .. وقد يندهش آخرون ..

    نتجت عن لقاءات خاطفة .. او طويلة ...

    احيانا يكون الانطباع الاول هو الاصح ... اقول ( احيانا ) ...

    ولنبدأ ...
                   |Articles |News |مقالات |بيانات

02-05-2007, 12:45 PM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    مخلوقة رقيقة ..بعيون متلالئة كالنجوم ...وابتسامة كضؤ الشمس في يوم صيفي حار ...
    روح وثابة ... ارادة متحدية ...
    تشعرك بالالفة منذ اللحظة الاولى ...
    عندما احتضنتني ( بقلدة ) سودانية حميمة احسست بعظامها الهشة .. وخفت عليها من ثقل وزني ان زدت السلام ...
    بمرور اللحظات .. تدفقت صلابتها واكتسحت كل ظنوني ...
    كنت انظر اليها وانا اغالب دموعي .. فتدحر حزني بضحكة مرحة تنسيك كل شئ ...
    الا شعاع الامل الصادر من هذا الجسد الصغير الواهن ...

    انها غادة نوري ...
    فتاة الامل .. الذي قهر الالم ...
    فتاة النور ...
    التي اخرجت احسن ما فينا ...
    لكي التحية ... وعميق الود ... وكثير الامنيات ...

    وتخريمة صغيرة ...
    يا غادة ... علقت الايات القرآنية قدامي ... بترافقني في كل مشاويري ... وكل ما اعاين ليها بادعي ليك ...
    شكرا ... على كل شئ ...
                   |Articles |News |مقالات |بيانات

02-05-2007, 12:54 PM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    كتلة من الابداع القلق تتجول على قدمين ...
    كائن متململ .. يرفض البقاء ساكنا ...
    عندما تنظر اليه جالسا ... تاتيك على الفور ذكرى عصفور صغير محبوس في قفص يتوق للخلاص ويحلم بالحرية ...
    تنبعث من عينيه لمعات غامضة ... كأنها رسائل سرية منه ... اليه ...
    بوهيمي المظهر ..
    يتدفق منه حس انساني نادر ...
    وحس جمالي فريد ...
    تشعرك كلماته بانه شخص عرف كيف يتصالح مع ذاته ..بكل اخطائها وعيوبها ...
    وهزائمها وانكساراتها ...
    عفوي .. تلقائي ... صريح ...
    انه الانسان ...
    انه طلال عفيفي ...
                   |Articles |News |مقالات |بيانات

04-05-2007, 05:46 PM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    جادة الملامح ... ناعمة الطباع ...
    انيقة ... بسيطة ...
    تأسرك بحلو حديثها .. تبهجك بضحكتها ...
    واثقة من نفسها بلا غرور ...
    مجاملة بلا اسراف ...
    لكلماتها بريق ... ولهب ...
    انها مخلوقة يسعدني التواجد قربها لاطول فترة ممكنة ...
    انها سمرية ...
                   |Articles |News |مقالات |بيانات

04-05-2007, 05:53 PM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    فتاة ذات شخصية مضيئة ...
    نظرات متاملة .. ابتسامة شقية ...
    حركات نشطة ...ويحيط بها جو من الثقة والتحدي ...
    نموذج ناجح لفتاة سودانية واعية ومستقلة ..
    تجبرك على احترامها بحضورها الطاغي ...
    ودودة .. لطيفة .. مرحة ...
    انها انعام عبد الحفيظ ...
                   |Articles |News |مقالات |بيانات

04-05-2007, 06:00 PM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    ابتسامة وديعة ... ضحكة خجولة ...
    ثقافة عالية ... حديث متزن ...
    صوت خفيض ...ادب جم ...
    اناقة ملفتة تذكرك بنجوم السينما ...
    متباعد برغم الود ... غامض برغم الوضوح ...
    شخصية يفوح منها عطر الثقة ...
    وتهوى رسم الحدود اللامرئية ...
    هل عرفتموه ؟؟؟

    انه حسين ملاسي ...

    تخريمة صغيرة :
    يا حسين وصلتني صور الجلسة الجميلة الجمعتنا في بيت عمر سيد احمد ...
    بس عندي سؤال ...
    انت كنت قاصد ما تصورنا انا وسمرية ؟؟
    يا زول انا باهزر ... ما تفتح على النار ...













    الا انت كنت قاصد ؟؟

    (عدل بواسطة sanaa gaffer on 04-05-2007, 06:04 PM)

                   |Articles |News |مقالات |بيانات

04-05-2007, 06:16 PM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    شخصية تلقائية .. تفتح ابواب القلب وتدخل بلا استئذان ...
    تتحدث معها لاول مرة .. فتشعرك بانك تعرفها منذ الازل ...
    في عينيها لمعة ذكاء اخاذ ...
    وعلى شفتيها ابتسامة لا تعرف الفتور ...
    مثقفة بلا ادعاء ...
    مثال للفتاة السودانية الواعية ...
    انها نادية السر ...
                   |Articles |News |مقالات |بيانات

04-05-2007, 06:26 PM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    لطيف المعشر ... دمث الخلق ...
    يمتلك روح شابة متوثبة ...وعقل واع متفتح ...
    متواضع ... كريم ...
    يشيع حوله جوا من المرح والبهجة ...
    ويمتلك مكتبة غنائية ثرية يختلط فيها القديم بالحديث ...
    انه بانقا الياس ...
                   |Articles |News |مقالات |بيانات

04-05-2007, 06:59 PM

Adrob wad Elkhatib
<aAdrob wad Elkhatib
تاريخ التسجيل: 05-05-2003
مجموع المشاركات: 612

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    الاخت سناء ......تحياتى
    وانا كمان كنت هناك بعد عمر طويل وعشان مابعرف اكتب كلام جميل ذى ده اخدت معاى كميرا وصورت الحاصل
    هنا http://flickr.com/photos/[email protected]/
                   |Articles |News |مقالات |بيانات

04-05-2007, 07:04 PM

sanaa gaffer
<asanaa gaffer
تاريخ التسجيل: 16-11-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: حكـايـات من الـوطــن .. كنت هنـاك .. تعـالـوا احكـي ليكـم !!! (Re: sanaa gaffer)

    وتوقفت حكايات الوطن ...
    الى حين ...
    حكايات بعضها ملاني فرحا شرقت به ...
    وبعضها اورثني حزنا وشمني بعنفوان ...
    حكايات هي جزء صغير من قصة كبيرة ...
    قصة بلد توالت عليه الاحزان ...
    وغادره الفرح منذ زمن بعيد ...
    بلد يطرد ابناؤه ..
    ليجلب العمالة الوافدة ...
    بلد كل ما فيه مستباح ...
    بلد ادمن التدحرج ...
    ونسى معنى التحليق وروعة الارتفاع الى اعلى ...
    نسى ان يطعم شعبه ويوقف نزيفه ...
    نسي ان يوقف حربه ويسد منافذ دخول الثعابين .. والطامعين ...
    بلد اصبح كغانية لعوب ... تفتح ذراعيها لمن يدفع ...
    بلد عشقناه .. فكرهنا ...
    وتفنن في ابتداع الطرق لاقصائنا ...

    لكننا سنعود ...
    من كل الموانئ والارصفة ...
    من المنافي ... من اقصى البقاع ...
    سنخاصم مدن الراحة ... سنعتاد التعب ..
    تحرقنا شمسه الحارة .. يلسعنا برده الجاف ..
    فنستظل تحت خيم الرحمة في نفوس اهلنا ... ونتدفا بمشاعرهم الطيبة ...
    حتما سنعود ...
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de