|
|
 اجازة جميلة...بورداب الخرتوم..الرهد ابو دكنة..واشياء اخرى..فى المنبر (الحر)
|
السلام عليكم...
أولاً التحايا للجميع....
ثانياً الاشواق للجميع وخصوصاً ناس الخرتوم الرائعين حقاً(المهندس-عاصم الحزين-أحلام"دريمز"- ملكة سبأ-ناجى الزبير الملك-سامى-HAMZA SULIMAN-تمبس سيستر-زولة123-بنت المطر وسمرية العزيزة)
...
ثالثاً يا ناس برّه (المغتربين) أمشوا جوه بالله عشان نقفل الباب دا...
رابعاً دارفور والجنوب ديل محلهم وين فى السودان؟؟؟....
خامساً احنا عليكم الله ما ناس هبل؟ المتهم والبذئ والقمئ وال.... دايماً فى المقدمة(الحكومة) ؟؟؟
سادساً للذين لا يعجبهم كلامى.... قولوا بوووووووووووووووووووووووووووع............
سابعاً وليس أخيراً....يا سودانيين حيرتونا معاكم...قولوا انتو دايرين شنو؟؟؟
ثامناً لسع ناس حليمة فى عوايدم وزكاتم القديمة البايخة وحزينة... لعن الله المنقة لمّا تعفن...
تاسعا لماذا يغطس بوست مأمون الطفل المعجزة الذى نشهد جميعا بنبوغه ونعرف انه يحتاج مساعدة كل منا...ويرتفع ويظل بوستات...هناى وهنايه........... فى الصفحة الاولى؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عاشراً سلام الى صديقى الهكر هوبفل...ود.بيان...ود.أمانى السنى...
مرحباً بالقادمين الجدد والقادمات...الاحياء منهم والاموات... ولو فى طريقة لعضوية جديدة من غير واسطة ادونا واحد زى بتاع البال توك...عشان عندى زول بيحب الشغب داير اجيبوا يتعلم معانا الديموقراطية هنا...فى المنبر (الحر)...سودانيز (أون لاين)...
معاً من اجل الديموقراطية والشفافية.....والمهازل فى بلد المليون موبايل...وبايل ايضاً...
ليكون السودان للجميع... سودان فور أول وكدا....
أنور....كوريا
ملحوظة...عجبتنى 
المميز دى...قلتا استعمله هنا...
دايرين مبدع برضو بالله...
|
|
 
|
|
|
|
|
|
|
 Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا (Re: AnwarKing)
|
الحبيب معتز...
والله مشتاقين يا حبيب.... انا رجعت قريب منك لبلدى الثانى الاول....
الرهد أبو دكنة... ذات الغابات الداكنة السواد...
والرهد أبو دكنة, المسكين ما سكنه...من الدكاكين الكثيرة...وهذه الرواية غير مرجحة لأن المدينة نفسها جديدة... تقع بين كوستى والابيض... 6 ساعات سفر من الخرطوم....
الطريق مسفلت ...نصو عملوه الامريكان...والنصف الآخر عملوهو الكورييين ولا الايطاليين ما عارف...المهم ما عملتو الشركات الوطنية (زى شركة المتعافى صاحب النجمة الانجازية)....
بلد جميلة فى الخريف.... التردة فى الخريف بطول 17 كلم وعرض 1 كلم... يشرب منها الناس...والحيوانات أيضاً...
وتنحسر صيفاً لتصبح 5 أو 6 كلم طولا و 500 متر عرضاً...وايضاً يشرب منها الناس والحيوانات...
لذلك فالصحة كما التعليم كما الكهرباء فى الرهد يا معتز لا أول لحكاياتها ولا آخر...
الموية تفتح من الساعة 5 الى 6:30 صباحاً...والموية جات فملوا الباقات...
أمأ رضى الله عنها الكهرباء...بتجى من الساعة 7:30 مساء الى الساعة 12:30 فى الليل يومياً...لذلك فكل الناس لديها ساتلايت رقمى,,, يلقط كل الدنيا...الا دارفور القريبة (3 ايام من الرهد)
مصدر كبير جداً للكركدى والصمغ العربى والثروة الحيوانية...
المراة فى الرهد عاملة...أحسن الف الف مرة ممن فتح الله عليهم بالقلم...
المجتمع فى الرهد مترابط....
سياسياً سكان الرهد اتحاديين... وفيها ضريح العارف بالله الشريف محمد الامين الهندى...الذى لاقى الامام المهدى بعد معركة غدير...
وبالقرب منها جبال المعارضة...قطن فيها كل من عارض الحكومة فى زمن السياسة...والمعارضين الذين يحتمون بالجبال...لا الفنادق...
هوايات الناس فى الرهد..الصيد...ولديهم معلومات كثيرة عن الحيوانات.... والموبايلات ايضاً رغم ان الشبكة لم تصلهم بعد...
غايتو.... الصور تحكى....
أنور
| |
|
|
|
|
|
|
|
|
|
Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا (Re: نصار)
|
الحبيب جداً نصار...
يا اخوى انا عارفك قاعد على الهبشة وداير زول يقول ليك ارجع...
والله دى نصيحة من أخو.... لو عندك أى سياسه ولا حاجة كدا ما ياها...خليك فى حتتك قاعد... اما لو داير تجوط مع الجايطين وما تهفم حاجة...ابقا راجع ساكت والجرى هناك ورا قفة الخضار والجرى من بواليس الحركة برضو...
غايتو البلد البعرفه انا...بقيت ما بعرفه... والله.... تخيل يا نصار..دايرين نعمل ندوة عن موضوع البحث العلمي بتاعى...ما قدرنا!!! ياخى زمان الندوات دى كان بنعمله ونستضيف كمان...
بعدين الله يعلم الجواسيس فى السودان حالهم واقف وممكونيين بالحيل...الله يكون فى عونهم يا رب...
شايلين التقيلة جوة وبرة....
الحمد لله على كل حال...
الانصاص الجميلة... وقل الكل الجميل... تعرفت على الرائعة احلام... دريمز...وياما تحت الاسماء الحركية عظماء وعظيمات... ياخى والله الزول ليهو زمن ما لاقى ناس جميلة كدا يا نصار...
نص آخر...عثمان المهندس.... ونص الكل عاصم الحزين...
اما ناجى الزبير الملك... فوالله مشتاقين يا...
وناس تانين... استميحهم عذراً فى عدم ذكر الاسماء...
وكلهم شافوها............
خطيبتى يا نصار... ربنا فتحها علينا بخطيبة... وشريكة حياة... وزى ما وعدناكم قبل كدا...
والله بحبها جنس حب... وربنا يتم مشوارنا للآخر...
الف مبروك يا نصار...بوست العرس وتعديل المواصفات غطس...
أنور
| |
|
|
|
|
|
|
|
|
|
Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا (Re: محمد عبدالرحمن)
|
محمد عبدالرحمن الوجيه النضيف زى ما بقول انا...
أولاً يا سيدى خلينى أعترف ليك بصداقتى ليك غصباً عنك... والف الف شكر على تلفون العزاء الذى أكد وجودكم أون لاين...
بالنسبة للجماعة(سماح)... مسكته فيهم انا والله...ولحدى خشم باب بيتهم وصلتهم... ولو دقسوا وحلفوا كان قعدت... اصلوا احنا البسفرنا البلاد البعيدة دى مش هم زاتهم...
يبقا لما نلقاهم نخليهم!!!
صحيح والله...عيييييييييينا للجنجويد... ونقول الامبرياليه الصهيونية المتأمركة....
بينا كل الود يا محمد...تعظيم سلام...
أنور
| |
|
|
|
|
|
|
|
|
|
Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا (Re: AnwarKing)
|
ما بين كوستى شمالاً والابيض جنوباً تقع الرهد...
استضافنا المحامى الشاب عبد الرحمن عبد القادر من ابناء الرهد فى صالونه العامر وحدثنا عن الرهد...
الرهد ابو دكنة... والدكنة المقصودة (داكنة السواد) هى غابات السنط التى عسكر فيها الامام المهدى قبل معركة شيكان...
قبائل جنوب السودان كلها موجودة... والشمال ايضاً... الغالبية جوامعة... ونوبة... زغاوة.. هوسا.. وتوجد احياء كاملة تسمى باسم القبيلة... حفيرة منوفلى تنسب للنوبة.... جبل سدرة الذى يأوى المعارضين من زمن الاستعمار...
حمدان ابو عنجة حارب معارضى المهدية فى هذا الجبل العجيب...
سكان الرهد أقل من 100 الف نسمة...
| |
|
|
|
|
|
|
|
|
|
Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا (Re: AnwarKing)
|
الخضرة فى كل مكان....
الايجار فى الرهد غالى جداً....
ويزرع الكركدى حول الرهد... واسمه زهرة الرهد...معروف عالمياً..الاسرة بكاملها تشارك فى زراعة الكركدى.. وايضاً نضافته...من الشرا (اشواك صغيرة اقل حجماً من الشعر) ((اب شرا..ان شاء الله راجل مرا))...
يزرع الصمغ العربى... ايضاً وسمسم ابيض... والذرة بانواعه المختلفة....
بالله اليشيل الصور دى يدينى خبر....عشان ما بتدقس ساكت...
| |
|
|
|
|
|
|
|
|
|
Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا (Re: AnwarKing)
|
انور ... ...
اولا والله مشتاقين ...
تانيا ..... الجماعة الدايرة تجيبهم ديل ....منو :
تالتا ...كلمة (الجنجويد) وكعادة الشعب السودانى الفضل اصبحت متداولة فى أوساط عدة لا يمر يوم واحد حتى تسمعها فى اكثر من موضع ,,مكان ,,,زمان ....بالمناسبة اصبحت تطلق ايضا على ناس المرور
D:
D:
D:...
لكن أعجبنى حديثك ....ربما لانه صاحب بعض التوثيق بالصور ...
او لاننى لم المح اى شخص عاد ....وكتب عن فترة حضوره هنا فى السودان ....الا من بعض المواضيع
على العموم واصل ....وانا بوراك ...
| |
|
|
|
|
|
|
|
|
|
Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا (Re: ناجى الزبير الملك)
|
ناجى الزبير الكينغ....
والله مشتاقين يا...
الجماعة يا ناجى... ناس النوباوية...
فى مطار الخرتوم... فى واحد قاعد فى البوابة بتاعة الصالة... لقبو..جنجويد... والله لما قالوا ليهو يا جنجويد...انا قربت اقع فى الارض من الضحك....
لانو هنا الواحد بيفتش للزواغة من الآتو دا... والآتو هارت... وأسود و شيرية يا ناجى...
لو اتاخرت شوية فى السودان يا ناجى...كان حضرت موضة التوب الجنجويد... وكمان رقصة الجنجويد برضو....
يا خى أرجع واقول... السودانيين ديل دايرين شنو بالضبط؟؟؟؟؟
أنور
| |
|
|
|
|
|
|
|
|
|
Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا (Re: abdalla BABIKER)
|
العزيز abdalla BABIKER...
الله يسلمك يا حبيب...
Quote: والله بلدكم جميلة جدا
|
بكل عنصرية أقول ليك بلدنا جميلة... وجميلة جداً كمان... أجمل مما تتصور...
الغريب انو ناس الرهد قالوا انهم ما من غرب السودان... كانما غرب السودان لعنة أو شئ مخجل...
غايتو الله لا يكسب الجلابة... محل ما مشوا أقنعوا الناس أنو لو ما جعلى ما تحمد الله!!!
وسودانكم ما جميل...
بس ما تخلوه فى حالو...
لك الودّ يا عبد الله...
أنور
| |
|
|
|
|
|
|
|
|
|
Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا (Re: AnwarKing)
|
هذه الشجرة تقع فى نهاية التردة...
التى التقى فيها الامام المهدى مع الشريف الهندى...وللموضوع حكاية مثيرة تدل على صوفية السودانيين وحبهم للصالحين....
وهذا هو ضريح الهندى...الذى غسله المهدى ودفن فى الرهد...
لا أعلم لماذا لم يذكر ذلك فى التاريخ... ووييييييييييين الاتحاديين ديل من ضريح الهندى... وويييييييييين السياحة....و ووووويييين الثقافة...و وويييين التوثيق والخ..........
توقعت ان يكون هناك بعض الملصقات أو المنشورات أو المعلومات عن هذه الاماكن...الا ان (علماء) بلادى وكعادتهم يفضلون الشفاهه وخصوصاً فى ال(قعدات)....
| |
|
|
|
|
|
|
|
|
|
Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا (Re: AnwarKing)
|
سليمان حامد... زوج بنت عمى...و ابن عمى...خريج علوم سياسية...ناس المغرب...لديه الكثير من الكلام المفيد...
قال لى فى مرة من المرات... الحمار... مؤشر أقتصادى مهم...!!!
ان كان الحمار فى مكان ما... وسيلة انتاجية وتجده فى كل مكان...يساعد فى المواصلات أو الحرث أو الزراعة...فاعلم ان هذا المكان متخلف...
وان كان الحمار وسيلة رفاهية... تجده فى حديقة الحيوان..أو فى افلام الكرتون كما فى شيرك تو..فأعلم انك فى دولة متقدمة...
الجدير بالذكر ان الحمار هو وسيلة المواصلات الاساسية فى الرهد... كما فى كثير من مدن السودان...
| |
|
|
|
|
|
|
|
|
|
Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا (Re: AnwarKing)
|
الناس فى الرهد عندهم المشاوير الطويلة والبعيدة بالنسبة لى ناس المدن.... بسيطة...
الزريبة بتاعة الشيخ البرعى... 3 ساعات من الرهد... (تسير العربة بسرعة 120 كلم فى الساعة)
الأبيض 45 دقيقة.... مشينا الابيض لمدة ساعتين... وعرفنا مشكلة المياة فى الابيض...وانا كنت قايل المشكلة دى فى بورتسودان بس...صحيح مافيش حد أحسن من حد....
على العموم... كلنا جنجويد... وسياسينا كلهم كيزان....
أنور
| |
|
|
|
|
|
|
|
|
|
Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا (Re: AnwarKing)
|
هواية الناس فى الرهد هى الصيد كما اسلفت...كل زول عندو بندقية خرطوش...
يصطادوا الطيور زى جداد الوادى والوزين والحبار...المنطقة ذاخرة بالحيوانات الوحشية....
الارانب البرية...
ويوجد فى جبال سدرة تنوع حيوانى عجيب... يوجد فيه البقر الوحشي "الجضلت" (المها)... وسمى بالبقر الوحشى فى الرهد لعدم معرفة السكان بالمها... لذلك لجئوا لتسميته بأقرب حيوان يعرفونه وهو البقر...
البقر الموجود فى المنطقة من النوع الكنانة....عند قبائل النوبة والبقارة ....
وتربى قبائل الشنابلة الابل والماعز....
وما لفت نظرى حقيقة هو هذا الشوك الذى قلع من ضهر أبو شوك...فى صالون بيته العامر
ويقول الاستاذ عبدالرحمن ان لحمه من أشهى والذ ما أكل من لحوم حتى الآن....
يوجد مورد آخر مهم فى اطار الثروة الحيوانية...وهى الاسماك... يوجد سمك موسمى اسمه ام كورو...يدفن نفسه فى الطين فى حالة عدم وجود ماء... وكانت هناك محاولات(فاشلة) لاستزراع الاسماك....
فاشلة لان المحاولات غاب عنها المتخصصون!!!
فالمتخصصون ما شاء الله...ملئوا الامارات العربية زراعة و تركوا للامطار المسئولية فى السودان!!!
| |
|
|
|
|
|
|
|
|
|
Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا (Re: AnwarKing)
|
الجميل أنور كنج
السلام عليكم ورحمة الله تعالى وبركاته
أنا دخلت البوست دا لي سببين الأول قولة حمدأ لله على سلامتك وعودتك لينا والسبب الثاني عندي زول رايح مني ليهو قرابة العشرين سنة من الرهد أبو دكنة إسمو (عبدالرحيم عيسى الأمير) كان زمان عقيد في البحرية وآخر معلوماتي أنه في الأمارات ولكني أحتاج وسلة إتصال به فأرجو إن كان بإمكانك ذلك
ومرة تانية بقول ليك مرحب بي عودتك يا شفيف
| |
|
|
|
|
|
|
|
|
|
Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا (Re: بدرالدين شنا)
|
الحبيب بدرالدين شنا...
الله يسلمك ...
عبدالرحيم عيسى الأمير... كان زمان عقيد في البحرية ... اكيد ناس الامارات ممكن يلقوهو بسهولة شديدة... بس خلى البريد الالكترونى بتاعك قريب هنا عشان لو فى زول لقاهو ولا بيعرفوا ما يكسل من مراسلتك...
الله يخليك يا استاذ بدرالدين... وشكلها المرة دى العودة ما حا تتطول... عندنا مشروع صفحة انترنت جديدة... سنستفيد من ماضى وغلطات المواقع السودانية الموجودة حالياً وعلى رأسها سودانيز (أون لاين)...
وأريد أختبار الديموقراطية ووحدة الاهداف ما بينى وبين أمناء المواقع السودانية  ...
أنور...
| |
|
|
|
|
|
|
|
|
|
Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا (Re: AnwarKing)
|
الأخ العزيز عبد المنعم....
لك الشكر على المرور... والبركة فينا وفيكم فى فقيدنا الاستاذ على ابو سن...
الاجازة كانت ممتعة وكلها سفر فى سفر...
من الخرطوم الى الرهد-الابيض-الخرطوم
ثم الخرطوم-القاهرة-الاسكندرية-القاهرة-الخرطوم
ثم الخرطوم-الدوحة وعودة الى بلدى الثانى الاول كوريا....
لاقيت الكثير ممن كنت انشد لقائهم... الدكتور حيدر ابراهيم على وحظيت بكتابه الجديد ( سقوط المشروع الحضارى- الجزء الأول عن السياسة والاقتصاد)...
لاقيت الدكتور جعفر ميرغنى فى الطيارة وهو متوجه الى كوريا لمؤتمر الثقافات المفتوحة 2004- World culture open 2004...
غايتو انا متعود على الزنقة... ومبسوط الحمد لله...
الرهد عندى فيها الدكتور البيطرى الأمير جعفر سعد وزوجته خالتى أمانى مأمون... سمو ابنتهم الصغيرة على اسم والدتى المرحومة إقبال...
الزيارة كانت 3 ايام بسفرها...لكن 3 ايام يحسبوا فى العمر والله...
التردة مليييييييييانة... والكركدى سعرو فى الارض الايام دى....
تحياتى لك وللاسرة الكريمة...
أنور
| |
|
|
|
|
|
|
|
|
|
Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا (Re: شرووم)
|
شرووم العزيز جداً...
أزيك يا حبيب...والله ليك وحشة يا خى...
واحد لاقانى فى الخرطوم...وقال لى انا كنت متابع موضوع الهكر زى شرووم...هاهاهاهها...
وزعلان منى قال لانو الموضوع انتهى نهاية بايخة...
هىههىهىههىىهى.... لعن الله الكوارع لما تبور...
قلت ليه...النهايات السعيدة دى تلقاها فى الابداع السودانى...وده رقيص ما عندى ليهو رقبة....
يا شرووم عليك الله السودانيين ديل دايرين شنو بالضبط؟؟؟؟
انا ما فاهم غايتو...
الله يبارك فيك...الخطوبة كانت جميلة... وأروع ما يكون.... كما المخطوبة....
الصور راااااااااااااااااقدة والله يا شرووم...
بس فى بعض منها...
حسادة ساكت ما بنزلها.... الا القى لى زول يحنسنى غايتو.... أصلو دا البقا فاضل قبل الوقوف اسبوع... أو سبعة أيام...
والله الواحد البيقيف أسبوع دا.... بيعرف تماماً ما معنى ( من لا يملك قوته...لا يملك قراره)...
أنور
| |
|
|
|
|
|
|
|
|
|
Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا (Re: degna)
|
أنور حمد الله على السلامة والبركة فيكم
تعرف عبدالرحمن عبدالقادر ده كان من اقرب الناس لى فى الجامعة، شخصية مرحة وواعية وكان شرسا فى نضاله ايام الجامعة الاسلامية، كانت ايام من اجمل ايام العمر، رافقنا فيها حينها طارق الجزولى، عزالعرب وعبدالرحمن حمدالنيل قوى، طارق منوفلى وبرضو من الرهد، منال وهويدا وايمان ونبوية،عفاف وابتسام وثويبة ياأأأأأه زمن صعب ان يتكرر مثله.
من الطرائف كان زملائى من شباب الرهد لزم يقضوا يوم معانا فى كوستى حتى لو انا ماكنت موجودة، فيهم من خلق علاقات طيبة مع والدى الذى كان يحبهم جدا ولكن يزعجه بانهم بكملوا ليهو الصعود بتاعهو وكان دائما يقول لى { اصحابك يابتى على العين والرأس لكن تمباكى ده مايهبشوه.
شكرا للسرد الجميل رغم انو ازعجنى جدا مسألة هواية الصيد دى، ناس الجمعية السودانية لحماية البيئة ماسمعوا بيهم، دكتور معتصم نمر الله يطراه بالخير بيموت لو عرف عدد ونوعية الطيور التى يصطادونها
على العموم تبقى محبتنا لناس الرهد ولوعندك تلفون عبدالرحمن رسلوا لى على العنوان التالى { ولا خوف من الهكر}
[email protected]
ولك الود وسنه موفقه
اشراقه
| |
|
|
|
|
|
|
|
|
|
Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا (Re: Ishraga Mustafa)
|
العزيزة أشراقة...
الله يسلمك والبركة فى الجميع ان شاء الله...
أستاذ عبد الرحمن من الشخصيات صاحبة النفوذ فى الرهد...وسعدت جداً بالتعرف عليه هناك... وان شاء الله لو فى العمر بقية الزول برجع يزورهم تانى...
| Quote: ناس الجمعية السودانية لحماية البيئة ماسمعوا بيهم، دكتور معتصم نمر الله يطراه بالخير بيموت لو عرف عدد ونوعية الطيور التى يصطادونها |
كان كدا اليموت قبل ما يعرف نوعية الطيور ... يا أشراقة لو جنبك ورقة وقلم... حررى شهادة وفاة لمنظمات المجتمع المدنى وعلى رأسها الاحزاب فى السودان...
الناس دى ما شوفناها هناك ابداً... وما سمعنا ليها خبر والله.... عشان كدا لما سألتا الاخ الطاهر عن القومييون العرب ديل..هو قايلنى بستهتر بيهم...
الناس بقت بتعرف زول وااااااااااحد بس...أسمو الحكومة... وكل يلف فى هذا الفلك...الما عندو ضهر.. يعمل ضهر...
والله يهون....
وين ناس البيئة... وين ناس العادات الضارة... وين الوين...
مشيت باركت لناس اهلنا... طهورة بتهم يا اشراقة... واتأكدت... انو لسسسسسسسسسسسع فى مكانك سرّ...
ما ننسى.. ولا نتناسى... يا ناس...
أنور
| |
|
|
|
|
|
|
|
|
|
Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا (Re: almohndis)
|
الحبيب جداً عثمان المهندس...
الف الف مبروك على عقد وليد...وعقبالى انا كمان على بت جيرانكم 
والله انتوا لا تفوتوا...لا تموتوا...شايلين التقيلة فى ريسينكم.... تستقبلوا فى البورداب..دا ماشى ودا جاى... وتعملوا حفلات تكريم... و...,...و....,و....
وبعد دا كلو عليكم كل التكاليف من مرضى الى وفيات الخ............
وكانما هذا البورد هو بيتكم! ولا بيوت لكم... ولا أهل لكم... ولا ولا... أخخخخخخخخخخ يا عثمان..
لو كان البورد رجلاً لقتلته... حتى يوفيكم حقكم كاملاً...
ولو كنت قاطناً اماكن السياسة لعينتكم... والتجارة لاعطيتكم... والعلم لزودتكم...
لكن ما فات شئ... ساخرطمكم.... أون لاين...
لكم الف الف شكر على انكم انتم...
أنور
| |
|
|
|
|
|
|
|
|
|
Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا (Re: AnwarKing)
|
ثم لقاء بورداب الخرطوم الجميل فى حديقة "الشهيد" المواجهة للقصر الجمهورى....
البيتزا جات بعد ساعة ضوئية... نطينا فيها جوز عجيب... والحشاش يملاء خشمو ...
كم انا ممنون لبورداب الخرطوم...
ناس قمة فى الجمال والروعة والمسئولية.... يبسّطوا ليك أى حاجة والله... وعلى فكرة... كل البورداب فى كل العالم كوووم... وبورداب الخرطوم كوم آخر...
الله يديهم العافية ان شاء الله ويقدرنا على مجازاتهم... والله مشتاقين يا...
ناس جميلة وجميلة....
وكدا....
وكداك....
سامى...والله شكلك شرامى يا مان....
أنور
| |
|
|
|
|
|
|
|
|
|
Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا (Re: AnwarKing)
|
قبل هذا اللقاء الجميل...
دعانا الأخ عثمان المهندس لحضور جلسة استماع للفنان حمزة سليمان.... وذلك فى ديوان أشراقة بمنزل الكتيابى العامر بمدينة أمدرمان...
مشينا...وحمزة ما جا...بغض النظر عن الملابسات أو مواعيد السودانييين....
أنقلبت الجلسة الى نقاش عن دارفور... ما يحيرنى فعلاً...هل قضية دارفور ثانوية لهذا الحد الذى يجعل منها موضوعاً ساخنا لأى برنامج مطرشق...
العتبى لى حتى أرضى..مع الاعتذار لاصحاب الاغانى المطرشقة....
أنور
| |
|
|
|
|
|
|
|
|
|
Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا (Re: Raja)
|
الغالية ونبع الحنان رجه ...
البركة فى الجميع ان شاء الله...
والله كان شفتى ونسة الجعانيين يوم اللمة بتاعة البورداب...تموتى بالضحك...الله يجازى البيتزا...
انا لو كنت مدير القعدة غايتو...كان عملتها بووووووووووووووش وكدا...
التخريمة الواجبة...
يوريكا... وجدت النصف الآخر يا رجاء...بل الكل فى الكل...
وبحبها حب....ما معقول....
ان شاء الله دايماً مبتهجة يا رجاء...
أنور
| |
|
|
|
|
|
|
|
|
|
Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا (Re: أحمد أمين)
|
العزيز أحمد أمين...
شكراً جزيلاً على التوقف ومعك اتمنى ان يوثق كل من يذهب للسودان...
مازلنا نحتاج مليون بنك معلومات لنستعد للمستقبل القريب جداً... عام 2005 سيشهد انقلاباً معلوماتياً كبيراً...
صرفت الدولة الكثير من الموارد فى مسميات فضفاضة...وفى كل مرة يفتح موضوع المعلومات بصورة جادة.. تصرف الانظار عن الموضوع الاساسي ويبداً الكلام عن مخصصات المسئولين...
أدعوكم لزيارة الاماكن التالية للوقوف على المعلومات :-
1- المركز القومى للمعلومات ( أخبرنى شخص يعمل هناك ان المركز محارب من الحكومة التى انشائته!!!)
2- مركز معلومات ولاية البحر الاحمر (شاهدت بأم عينى غياب المعلومات فى مركزها!!!)...
بالنسبة لبورداب الخرطوم... أعمامنا وعماتنا الشايلين همّنا كلنا...
أرى ان التعامل معهم يتم بصورة سخيفة جداً... متعودين على الرسائل السودانية البايخة...
وتعرّف كالاتى:
واحد أو واحدة يرسل ليك رسالة...أوله سلام..وأوسطها تعريف بنفسه وبورده.. وآخرها ودا المهم...طلب عاجل ويجب ان اعمله..
تعامل بورداب الخارج مع بورداب الداخل تماماً كتعامل السياسيين السودانيين مع اتباعهم...
لا اهتمام بالاتباع...فقط الاهتمام بالخصوم... ودايماً ضامننهم معانا...
وكنت أتمنى ان يتم موضوع المهرجان بتاع سودانيز أون لاين..عشان تشوفوا بعيونكم انا قاصد شنو...
العتبى لبورداب الداخل حتى يرضوا...واتمنى انو الناس تعرف انواع الهدايا البيفضلوها...عشان ما نمشى أيدينا فاضية تانى...
أنور
| |
|
|
|
|
|
|
|
|
|
Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا (Re: AnwarKing)
|
الاخ انور
حمد الله الف على السلامة وعلى زيارة بلدنا الجميلة الرهد اب دكنه مسكين ما سكنها
ابدعت في صور كانت ابلغ من اي وصف
ورجعتنا سنين طويلة لي بلد عشنا فيها صبا جميل ولعبنا في رمالها ومزارع الفاكهه فيها ما مشيت ليها ولا شنو الحقينه الجميلة .... والترده مع المغيب اياااااااااااااااااااااااام
واسمح لي احتفظ بي بعض الصور الجميلة دي
وعودة سالمة انشاء الله
عزه
| |
|
|
|
|
|
|
|
|
|
Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا (Re: AnwarKing)
|
بعد ذلك الوهج الجميل فى الخرطوم...
أتجهت بنا الطائرة الى القاهرة حيث أمضيت فيها ثلاث ليال, 2 منها فى الاسكندرية حيث المأمورية العاجلة... وليلة فى القاهرة فى رحاب مظفر حيدر (كابروس) ود.حيدر إبراهيم على...
حظيت بكتاب سقوط المشروع الحضارى...الجزء الأول منه(السياسة والاقتصاد)... وانصح الذين لم يحصلوا على نسخة منه بالتعجيل اليه... فمثل هذه الكتب التى توثق جزء هام جداً من مسيرة الاسلام السياسي فى بلادنا محكوم عليها بالمصادرة والمنع والخ... من أشكال الوصاية الدينية المعروفة لدينا...
الكتاب من ثمانية فصول هى:
الفصل الأول: معيار المصداقية
الفصل الثانى: تحدى الدولة والديموقراطية والمجتمع المدنى
الفصل الثالث: حقوق الانسان
الفصل الرابع: مؤشر الاخلاق ,مجتمع الفضيلة أم الانفلات الأخلاقى
الفصل الخامس: حكايات تديين الفساد
الفصل السادس: المعجزة الاقتصادية والجن المسلم
الفصل السابع: مؤشر أدب الخلاف والاختلاف
الفصل الثامن: التقييم الذاتى لمستقبل الحركة.
كتاب من الحكومة والى الحكومة... ولنا...
| |
|
|
|
|
|
|
|
|
|
Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا (Re: AnwarKing)
|
عودة الى الخرطوم مرة اخرى...
وفى آخر يوم لنا هناك أودع البورداب فى شخص الكريمة أحلام وكدا... وعاتب على كل من لم القاهم..علاء الدين شاموق... مكى الاحمدى... الكاملابى... خالد ابو القاسم وآخرون...
فى مطار الخرطوم... وبالشبه بس... لميت فى العريس البربراوى.... عماد بلاكة..الصحفى الوجية...
ورصدته الكاميرا وهو فى طائرة الخطوط القطرية...
الف مبروك يا عريس وبيت مال وعيال ان شاء الله...
وايضاً كان لنا عظيم الشرف بلقاء البوردابى الدكتور الروائى أمير تاج السر... فى نفس الطائرة...
وطبعاً لابد من مناقشة بوست الهكر واشياء أخرى تخص البورد وكدا...
شكراً لنسمة أرضكم...كم بلغت عنى التحية....لا غرو ان حفظت أحاديث الهوى...فى الزكية...
نفس الطائرة الكان فيها شيخكم القرضاوى....
كتب له الاستاذ محجوب فى الايام.... قضية دارفور... دوّلت... فرجاء لا تدينوها يا القرضاوى...
دولت... وتدينت... وامست واصبحت...ومايزال السكوت هو سيد الموقف... وكدا...
وتجار الحرب يبيعوا ويشتروا....
فى كل يوم تقام الالاف المذابح بأسم الفريى دم....أما الذبيحة فهى الفري دم.. (سرور)
أنور
| |
|
|
|
|
|
|
|
|
|
Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا (Re: AnwarKing)
|
العزيز انور الكينج دبايوا
عندي كذا زعلات صغيره وكبيره
اولا الكبيره
ارسلت ليك ايميل ولم اجد اي ردا لرسالتي التي ارسلتها لك
كنت اتوقع ان تراسلني وهذا من باب العشم ليس الا
وبعدين سفرييتك دي للسودان ماكلمتني بيها يعني الناس يمكن تكون عايز ترسلك او ترسل معك حاجه كده ولا كده للناس الحلوين هناك
الزعله الاخيرة
كيف ماتمشي بورتسودان ولا تزور ناس الحلوين ؟
يعني قررت تهميش بورتسودان زي ناس الخرطوم مابيعملوا ؟؟؟؟؟؟؟
يلا يازول الله مايجيب زعل
علي
| |
|
|
|
|
|
|
|
|
|
Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا (Re: degna)
|
العزيز على...
الله لا يجيب الزعل يا أخى...
أولاً يا ريت لو كان لدى القرار بأن أهمش أو أهتم ببورتسودان يا راجل... التهميش الفى بورتسودان دا ليس سؤال أو أجابة أختيارية لأهل المدينة الميتة...وانما غياب الارادة السياسية ومن قبلها الشعبية بأن يكون للمدينة شأن فى يوم من الايام...
فسياسي بورتسودان من كل صنوف البشر السودانيين لم يفتح الله عليهم بعد...
السفرية جات فجاءة...أسبوع من ما قلت داير أسافر لحد ما كنت فى أحضان الخرطوم... وجميع الاهل متواجدين بامدرمان فى الصيف..خصوصاً بعد عملية جدى مأمون الاخيرة...
حظينا بزيارات كل البورتسودانين لجدى فى أمدرمان... أولاد عمنا كباشى عيسي فى المقدمة....
بالنسبة للرسالة يا على... ان شاء الله الجايات أكتر يا حبيب...
بورتسودان : جوز الموية بالف وخمسمئة جنية يا على...
الكهرباء أحسن حالا مع دخول الجمرة الخبيثة وقالوا تفتح الفريزر...تلقى زول نايم جوه من السخانة ...
سمعت بشركة اسبانية قالوا حا تعمل تحلية للمياة بسعر دولار للمتر المكعب...ولكن الموضوع واقف فى أروقة الحكومة!
يلا نشوف شطارة الساسة البورتسودانيين فى تحريك الموضوع دا...
لك العتبى حتى ترضى...
أنور
| |
|
|
|
|
|
|
|
|
|
Re: Please add the remaining photos (Re: elhilayla)
|
ا لعزيز أنور كنج:
حمدا لله علي السلامه ..وإنشاء الله الأهل كلهم بالف خير ..والبركه فيكم في وفاة عمك نسأل الله له الرحمه..
إنشاء الله في الإجازه لميت في بت الحلال.. لمن شفناك إختفيت قلنا الزول دا دخل القفص الذهبي..
لك يا حبيب خالص الود.. مع أجل تحياتي...
| |
|
|
|
|
|
|
|
|
|
Re: Please add the remaining photos (Re: Ehab Eltayeb)
|
العزيز إيهاب الطيب...
أزيك يا راجل يا رائع... الله يسلمك ويبارك فيك ان شاء الله...
والله الحمد لله لمينا فى بنت الحلال... وودتنا القسمة بس...
انا لسع فى القفص الفضي...أن شاء الله ندخل الذهبى العام القادم...
لك جزيل الشكر...
أنور
| |
|
|
|
|
|
|
|
|
|
Re: Please add the remaining photos (Re: elhilayla)
|
فليبشر الاستاذ بدرالدين شنا .........
العزيز الحلايلة...
طيب ما تشركنا معاك فى ذكرياتك الجميلة عن الرهد أبو دكنة... المسكين (ما) سكنه...
انا قلت ليهم (ما) دى عاملة زى (ما) بتاعة "السمح ما آكّال"... يجوز فيها ما التأكيدية وما النافية... مع تغليب الاولى على الثانية على قول العلامة عبد الله الطيب...
المرّة الجاية ممكن نبرمج مع بعض ونمشى كوستى لناس أشراقة...نسف الحقة كلها ومن هناك على الرهد ابو دكنة... نشترى عسل من عمنا دا:
عسل أصلى...ولا التقليد...أخدتا منو معلقة فى الليل...والتانية على الريق...بطنى جرت جرى النيل... ونضفت نضافة مطابخ كلتوم بدارفور..........
ولا اللبن...
الجركن راجعة الابيض بعد ان شربها أهل الرهد...
ممكن تعيش ب1000 فى اليوم فى الرهد... يعنى 13 دولار أمريكي ممكن تعيشك فى الرهد أبو دكنة على حسب الأهالى هناك...
وان تعثرت المعيشة...فحتما سنجد من يساعد هناك... الأستاذ عبد الرحمن...رفض ان أخرج من ديوان بيتهم العامر ويدى فاضية...
أهدانى طبق... جميل...
عبد الرحمن عبد القادر الحاج...
فنان ورائع...
أنور
| |
|
|
|
|
|
|
|
|
|
Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا (Re: dreams)
|
أنور كنج
تحياتى ...نديات
عبد الرحمن عبد القادر (ديكو) ..والرهد
أبودكنة...يا أخى مالك على...
هل تعلم أن هذا الرجل صديقى بل (فردة جناحى)
الأولى منذايام الجامعة وحتى تاريخه...وصلت الى الخرطوم
ليلة البارحة وهاتفت عبد الرحمن قبل قليل وطالعت المنبر بعد
غيبة طويلة ووجدت هذا البوست الذى أثار الشجون
حديث اشراقة مصطفى عن تلك المرحلة (بسطنى) ولكن عبد الرحمن
ديكو يحتاج لأكثر من وقفة ...هى فرصة أقول الكلام الذى لم
أقله فى وجهه...هى فرصة اسجل فيها شهادتى...ولكن بعد حين..
مشاعرى شتات بعد غياب خمسة أعوام عن السودان واليوم هو يومى
الأول...سأعود لا محالة...
لكم الود
عبد الرحمن قوى...
| |
|
|
|
|
|
|
|
|
|
Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا (Re: AnwarKing)
|
أنور ألف حمد لله على السلامة
و باين الاجاوة كانت ممتعة جدا وسط خضرة حقول الرهد و روعة و أصالة بورداب الخرطوم
وأحي ياربي بتين أشوف الخرتوم
قدر حبة الصبر الكانت عندي حسه بعد شفت الصور دي خلاص راح، ما أقسى الغربة و البعد عن الأهل و الأوطان!
دي تخريمة سريعة كده بعد أن هدأت أحوال العمل مع نهاية اليوم.
واصل في كتابة انطباعاتك الذكية حتى يهون ربنا لي مخرج من زنقة الأعاصير و الفيضانات الأمريكية، و حتى ذلك الحين سوف أكتفى بالقراءة، ان كان لها سبيلا.
| |
|
|
|
|
|
|
|
|
|
Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا (Re: Nada Amin)
|
العزيزة الحبيبة ندى أمين...
الاجازة فعلاً كانت جميلة وممتعة... والحمد لله ما حرمت نفسى من التمتع ببلادنا الجميلة...
الكسل بيكون سيّد الموقف فى كتير من الاحيان يا ندى... ولولا انو الزمن كان ضيق جد..عندى مشية لنقعا والبجراوية والمصورات... مع ود عمنا...
بس الجايات أكتر من الرايحات... وربنا يدينا الصحة والعافية...
يا ندى ما تستعجلى على شوفت الخرتوم... لسع الشوارع ما اتصلحت كويس...قولى لى لييييييييه؟
قلتى لى ليييه: يا ستى فى عطائات بتاعة تصليح لشوراع الخرطوم... وقعت كلها لشركة واحدة...وعندها أمكانيات طيبة بفضل الله سبحانه وتعالى..الشركة تابعة لوالى المدينة المكرمة (الخرتوم) وحتى تفرغ الاليات من الشارع الاول... يقع على الشركة عطاء الشارع الرابع..
ويقع على الوالى وسام الانجاز بنجمة...!.
على أية حال..خلى الغبار ينزل الارض وبعدها يمكنك معرفة معالم الحضارة الجديدة...كمبنى بنك السودان... وبرج الفاتح و مشروع زايد المجابه لملتقى النيلين...
غرباء فى بلدنا يا ندى....
ربنا يستركم من الاعاصير والفيضانات يا ندى... بس الواحد مطمئن برضو... انو وسائل الاعلام معاكم..وفى صفكم... وستفضح الانتحابات الامريكية من المقصر فى حادثة الكلب الذى خمه الفيضان..
أما فى الخرتوم.... فلم أجد أجابة حتى الآن على هذا السؤال الكان قدام عينى:
لماذا تقع عربية سكودا المانية موديل 2004 فى حفرة موديل 1956... وقعت أمام ناظرنا فى شارع كونت مخلص فى قلب العاصمة صاحبة النجمة الانجازية...
يقل سعر العربة فى هذه الحالة...ليس كثيراً..وانما بضعة ملايين!
لك الحب يا ندى...
أنور
| |
|
|
|
|
|
|
| |
AnwarKing
معتز تروتسكى
...
المكاشفي الخضر الطاهر
نصار
ود حماد
محمد عبدالرحمن
سجيمان
mo
محمد الامين احمد
Agab Alfaya
بدرالدين شنا
أحمد الشايقي
osly2
شرووم
تولوس
راشد يحى مدلل
Mohamed Yousif Hamad
degna
Ishraga Mustafa
Deng
omer almahi
Raja
أحمد أمين
elhilayla
Ehab Eltayeb
Giwey
jini
فيس بوك
تويتر
انستقرام
يوتيوب
بنتيريست