|
|
 Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا (Re: Roada)
|
الاخت الحبيبة والعزيزة جداً رودا....
| Quote: حمدا لله على السلامه ، أو اقول أعاد الله غربتك؟ |
ال2 جايزين يا رودا...ولو سألتينى انا... بأقول ليك أطال الله غربتنا التى نتعلم فيها...
مازلت أذكر نصيحتك الذهبية لى بان اتعلم ما استطعت...فالسودان يحتاج الى علم...
أهديكى البوست يا رودا... بما فيه من صور... واتمنى ان تكتبوا عن الرهد وكل أماكن السودان...عشان يكون عندنا معلومة...
لك الحب يا رودا...
أنور
| |
 
|
|
|
|
|
|
|
|
Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا (Re: Raja)
|
العزيز انور
تحياتي
انت عارف جابني راجع كلام رجاء ده ، لانو انا قريت اسم الدوحة وارد في المحطات التي مررت بها ، لكن قلت اصبر لما اتأكد من الحاصل شنو ، وقلت طالما رجاء فتحت الباب ده احسن ادخل منو انا برضو، وحارسك انا لنهاية البوست حتي اتأكد من المعلومة ، وبرضو بستقصي بطريقتي الخاصة ، اذا تاكد انك مكثت في الدوحة ساعة واحدة ، شيل شيلتك بس غايتو ....
اها قاعد حارس البوست ده ماعندي موضوع غيرو شد حيلك بس ...
مودتي ....
| |
|
|
|
|
|
|
|
|
|
Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا (Re: محمد عبدالرحمن)
|
العزيزة رجاء والعزيز محمد...
والله جيتى للقاهرة كانت مأمورية سريعة جداً أستطعت بحمد الله انجازها فى يوم الاحد ورجعت فجر الاثنين...
مظفر ودكنور حيدر لقيتهم فى اليالى المظلمة شديد....
بالنسبة لترانزيت الدوحة يا محمد... فقدتا الاتصال بالناس كلها فجاءة كدا...بس الله يخلى جزيرة النخيل الجميلة دى...
وان شاء الله موعودين بجية تانية... وركّز فى موضوع السيرة دا كويس...
لكم العتبى والجايات أكتر...صدقونى...
أنور
| |
|
|
|
|
|
|
|
|
|
Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا (Re: AnwarKing)
|
الأخ الملك أنوركينج
أولاً ألف ألف مبروك فقد زفوا لنا أخباركم السعيدة
فابشر بخير ويتمم عليكم بألف هناء
هذه رسالة من زميلي المهندس بدر الدين بانقا ادريس (ابن البان) من عشاق الرهذ أبو دكنة ومحبي السيد الشريف الهندي
النص كالتالي:-
الكينــج
أتحفتنا بالصور الجميلة من البومك بتاع الرهد وأبرزت أشياء جميلة قد تكون قد اندثرت منها قبة الشريف محمد الأمين الهندي، عاوزين نعرف القصة كاملة لمقابلة الشريف والمهدي وبعدين عندي جزء منها إذا تطابقت فبها والا سأسردها لانه جزء من تاريخ مهم.... ناس الرهد حلوين وطيبين ومرة من المرات فاتني القطار فنزلت ضيفا على ثلاثة اسر ولما جاء مواعيد السفر جاء الرابع وقال يا زول ما اديتنا حق الضيافة وأخرني إلى القطار الآخر .. شكرا على ذوقك العالي الرفيع .....وسلامي لأهل الرهد.
أبن البان
| |
|
|
|
|
|
|
|
|
|
Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا (Re: ناجى الزبير الملك)
|
والله يا ناجى...تطابق اسماء دى يحلك منها الشديد القوى... وربنا ستر...
ياخى مشيت وزارة الخارجية عشان أوثق شهادة ميلادى...قال لى الشهادة دى قديمة...امشى بورتسودان وطلع واحدة جديدة فيها ختمين...
قلت للزول..يعنى هسع انا ما مولود ولا شنو؟؟؟
قال لى مولود...لكن ما مختوم... بى ختمين...
قادر الله...أنور عبد الرحمن قلبى معاهو وربنا يفك حيرتو... تطابق اسماء دا يا ناجى زى الزول القال لى ناس الكمبيوتر فى السودان ( انعن ابوكم)...
أو مافى كمبيوتر فى السودان...
غايتو كان فى شئ مطمنى... هو الكندشة الملازمة للكمبيوترات هناك دى... نبقا بيوض على قول اخوى الصغير...
لك الود..
أنور
| |
|
|
|
|
|
|
|
|
|
Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا (Re: AnwarKing)
|
رجاء
تحياتي ومشتاقين جدا جدا وحمد الله علي سلامة العودة ، وانت كما عهدناك لن تستطيعي كسر خاطر كل هؤلاء الذين يحبونك .....
والله يادوب جيت ماري بهنا ولقيت كلامك ده ، وفي الحقيقة انا مابغيب كتير من بوستات صاحبنا ده لاني شمتان فيهو ....من ماجا من السودان شغال ردود ، كلما يغيب ليهو ساعة اجي يلقي ليهو بوست جديد قام ، لكن بيني وبينك خلي يدفع ضريبة ( السماح ) ، هو ا لسماح قالوا بالساهل ...
طبعا اكيد الجماعة كانوا في الخرطوم لو في الدوحة ماظنيتوا يجي ماري مرور الكرام ده ، لكن زي مابقولوا اهلنا( كراع البقر جيابة )
ونحن عندنا اوراق الضغط الممكن نجيبوا بيها الليلة قبل بكرة ، لكن الكلام انت ...الله يعينك بس ...
رجاء خلاص انا ماشي الزول ده عملت ليهو (وجع وش) ،
اها بنتلاقي وكده
خالص مودتي ....
| |
|
|
|
|
|
|
|
|
|
Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا (Re: AnwarKing)
|
أنور يا ملك حمد الله على السلامة
ومشتاقييييييييين
ومبروك عليك سماح ومبروك عليها انت
اسعدني الحظ في السودان بمعرفة هذا الشباب الهميم بوطنه
الذكي حدا يبعثك على الاطمئنان ان مستقبل السودان بخير
الطيب, الخدوم, المبتسم دوما, الوناس, الظريف,
الشايل شنطة وراء ظهره طوال الوقت و الذي البيدخن بكثرة
شكرا لكل هذا الفهم الذي تحمل والتقدير لبورداب الخرطوم الرائعين
ساظلل عباراتك لانها اهم ما قيل بشانهم
Quote: انتوا لا تفوتوا...لا تموتوا...شايلين التقيلة فى ريسينكم.... تستقبلوا فى البورداب..دا ماشى ودا جاى... وتعملوا حفلات تكريم... و...,...و....,و....
وبعد دا كلو عليكم كل التكاليف من مرضى الى وفيات الخ............
وكانما هذا البورد هو بيتكم! ولا بيوت لكم... ولا أهل لكم... ولا ولا... أخخخخخخخخخخ يا عثمان..
لو كان البورد رجلاً لقتلته... حتى يوفيكم حقكم كاملاً...
ولو كنت قاطناً اماكن السياسة لعينتكم... والتجارة لاعطيتكم... والعلم لزودتكم...
لكن ما فات شئ... ساخرطمكم.... أون لاين...
لكم الف الف شكر على انكم انتم |
تحياتي
زولة123
| |
|
|
|
|
|
|
|
|
|
Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا (Re: zola123)
|
العزيزة الدكتورة الجميلة والرشيقة والأنيقة زولا123
والله كان لى شرف كبييييييييييير جداً بلقائك ولقاء الوالد عثمان...
وان شاء الله اللقاء دا يكون سنوى... ومن هسع دى...انا اللقاء الجاى ومناسبتو على... العرسسسسسسسسسسسسسسسسسس...ومافى أى اعذار للمغيب يا د. أيناس...
بالنسبة لبورداب الخرطوم... والله ناس اناناس .. وربنا يقدرنا ونرد ليهم بعض اللحظات الرائعة التى منحونا اياها...
تعلمى كم يصارع الناس الزمن فى السودان يا ايناس...وبورداب الخرطوم...يصارعوا فى زمنهم وزمن بورداب الاجازات أيضاً...من تنسيق ...الى استقبال الضيوف فى اثناء ساعات الدوام ( وهذه صعبة جداً لو الواحد زارك فى الغربة)...
لذلك المفروض شكرهم يكون ضعفين ...
الله يخليهم لينا وما يجى يوم شكرهم...
ما قلتى حاجة عن مأمون؟؟؟ ان شاء الله خير!
منتظر رجعتك...
أنور
| |
|
|
|
|
|
|
| |
AnwarKing
بدرالدين شنا
لؤى
Raja
محمد عبدالرحمن
أحمد الشايقي
...
elhilayla
zola123
فيس بوك
تويتر
انستقرام
يوتيوب
بنتيريست