|
|
|
 Re: الغزو علي طريقة 2008 مستبعد (Re: الشامي الحبر عبدالوهاب)
|
العدل والمساواة لم تعد حركة منفردة كما كانت ولذلك فاي عمل تقوم به سيكون بلا شك بالتنسيق مع القوي المسلحة الاخري
فالهجوم من علي مسافات طويلة في غياب دعم دولة او اكثر من دوله اشبه بالانتحار ولا اظن ان العدل والمساواة يغيب عليها ذلك
| |
 
|
|
|
|
|
|
|
|
Re: الغزو علي طريقة 2008 مستبعد (Re: الشامي الحبر عبدالوهاب)
|
المؤكد ان العدل و المساواة تعني ما تقول و قليلاً ما تلجأ للمناورات كدأب ثوار الغرب و الهامش
بالنظر الى تاريخ الحروب و سلوكها لدي انسان الغرب و افريقيا هي حروب مفتوحة و معلنة و جهنمية
و خير دليل حرب اللاندكروزرات
عموماً الايام حبلى .. فالهدوء الذي ساد الميدان بعد عودة زعيم العدل لابد ان تعقبه عاصفة
| |
|
|
|
|
|
|
|
|
|
Re: الغزو علي طريقة 2008 مستبعد (Re: الشامي الحبر عبدالوهاب)
|
الأخ الشامي سلامات ..
العبرة ليست في من تحرك إلي أين وكيف ومتي !! .. السؤال هو : هل لأي من العدل والمساواة أو كل هذه القوي القبلية الجهوية المسلحة أي قبول وسط جماهير الشعب السواني؟؟!! هل تستطيع العدل والمساواة حكم شمال دارفور ساي؟ دعك من جنوبها وغربها .. هل تستطيع العدل والمساواة التحكم في قبيلة الزغاوة ذاتها؟ دعك من فصائل الزغاوة الأخري - زي ناس مناوي وغيره - ودعك من قوة الفور وناس عبدالواحد ورهطه.. ودعك من الأغلبية المتحالفة مع الحكومة زي الولاة القدماء - ناس كبر - وحديثاً التجاني سيسي .. ديل كوم والقبائل العربية الكبري المنتشرة في كل دارفور كوم تاني .. وهي التي تنافس قبائل التمرد في الأرض والوجود !!! ..
القصة التانية هي جنوب كردفان والنيل الأزرق : .. هل تظن أن النوبة يمكن أن ينجروا بسهولة لصف التمرد بقيادة الحلو ورهطه ويعادوا باقي القبائل عشان خاطر الحركة الشعبية التي أكلتهم لحم ورمتهم عضم؟؟ !! .. إذا كان المقصود - كما تفضلت - أن الغرض من هذه الفرقعات المنبرية هو التمويه والتغطية لقيام عمل داخل الخرطوم .. فهل تعتقد أن القوات المسلحة هشة ومنقسمة وتنتظر الإشارة من حركة العدل والمساواة لتنقسم جهوياً وقبلياً وتتشظي ليأتي خليل ابراهيم وأمثاله ليستولي عليها ويصبح أميرها؟؟ !!.. وفرضنا جدلاً أن هذه القبليات قهرت القوات المسلحة وسيطرت علي السلطة بالقوة ، فهل سيسكت الشعب السوداني - في كل أنحائه - علي أن تأتيهم قبائل من أطراف السودان الغربية - نصها سوداني ونصها أجنبي - لتحكمهم بالقوة ؟؟ !!.. لو أصلو الإشارات دي بتنفع لطابور خامس في الداخل كانت نفعت يوم غزوة الموز والتي هي أقوي من تحركات هنا وهناك في شمال كردفان .. فالمغزي من الغزو كان أن تنهض قوي مسلحة في العاصمة وتنضم للغزاة .. ولكن طبعاً كلنا شفنا هذه الوهمة اصطدمت بالواقع الظاهر للناس كعين الشمس ولكنه غير منظور للقبليين الذين لم يندمجوا في عمق الشعب ويفهموه ويعيشوا معه وفيه ..
فأنا ماعارف ليه كل مرة العدل والمساواة تفك بعض عساكرها عكس الهواء لقمة سائغة للقوات المسلحة لتبيدهم، عشان تاني يوم قادة الحركة يجوا يتباهوا بشجاعتهم وإقدامهم في سودانيزأون لاين و..و..و.. من الكلام المجان الذي يروح بسببه العساكر المغرر بهم تحت الرجلين ..!! ..
:
:
ألاّ تري عبثية هذه الحركات وعدم منطقيتها ؟؟ !! .. الناس دي ماقادرة تفهم الشعب السوداني ده واللا شنو ؟؟ !! ..
ما شايف الوهمة - وهمة كاودا - دي قدر شنو ؟؟ !!..
| |
|
|
|
|
|
|
|
|
Re: الغزو علي طريقة 2008 مستبعد (Re: Munir)
|
| Quote: العبرة ليست في من تحرك إلي أين وكيف ومتي !! .. السؤال هو : هل لأي من العدل والمساواة أو كل هذه القوي القبلية الجهوية المسلحة أي قبول وسط جماهير الشعب السواني |
جماهير الشعب السودانى دى ما فاهمتا :- لانو السودان قبائل ما كتله واحده
تحالف قوى الهامش يعنى :
شعب جبال النوبة شعب درافور شعب البجاء شعب شمال السودان (الرطانه) شعب النيل الازرق باقى ليك كم قبيلة
شوايقية جعلين وحبت ناس مع الحكومة ؟ خليك دقيق لمن توصف تانى او تكلم عن قبلتك
----------------
قال الشعب السودان الناس دى قايلن نحنا عبطاء ولا شنوا ؟
| |
|
|
|
|
|
|
|
|
|
Re: الغزو علي طريقة 2008 مستبعد (Re: amir jabir)
|
Quote: تحالف قوى الهامش يعنى :
شعب جبال النوبة شعب درافور شعب البجاء شعب شمال السودان (الرطانه) شعب النيل الازرق باقى ليك كم قبيلة
شوايقية جعلين وحبت ناس مع الحكومة ؟ خليك دقيق لمن توصف تانى او تكلم عن قبلتك
----------------
قال الشعب السودان الناس دى قايلن نحنا عبطاء ولا شنوا ؟ |
ردك ده يبين إنك فعلاً مافاهم حاجة وما فاهم السودان وتركيبته .. شعب جبال النوبة ده فيهو كم شعب؟؟ .. شعب دارفور ده فيهو كم شعب؟؟ شعب البجا ده فيهو كم شعب ؟؟ شعب النيل الأزرق ده فيهو كم شعب؟؟ شعب الشمال ده فيهو كم شعب؟؟
عاوز تقلبها رطَْانة وعرب؟؟ طيب قولها واضحة ومسموعة وأركز عليها ومافي داعي للمداراة ..
طيب نجي لدعاوي رطَّانة ضد غير رطَّانة ..
الشمال ده كم نسبة الرطانة للعدد الكلي؟؟ في الغرب كم نسبة الرطانة للعدد الكلي .. في الشرق كم عدد الرطانة للعدد الكلي وهكذا .. لاحظ إنو كلمة رطَّانة دي تشمل عدة رطانات منتافرة لا يجمع بينها شئ غير الما رطَّانة .. ولاحظ إنو الما رطَّانة ديل عبارة عن كتلة واحدة ذات هوية واحدة رطانتها اللغة العربية التي مكَّنتك من التواصل مع باقي رطَّانتك في كل الجهات .. كفاك واللاّ أزيدك ؟؟..
إنت أمشي اشتري الموز للعساكر المغرر بهم وزجهم لمحاربة الشعب السوداني، وإنت أقعد أضرب حلاوة لكوم في تركيا والبسفور ..
لاقيها مملَّحة ..
| |
|
|
|
|
|
|
|
|
|
Re: الغزو علي طريقة 2008 مستبعد (Re: Munir)
|
تحياتي اخي منير
وشكراً علي المداخلة القيمة
وخلينا نقتبس آخرها
| Quote: ألاّ تري عبثية هذه الحركات وعدم منطقيتها ؟؟ !! .. |
هذه الحركات في الغالب الاعم ورغم تكوينها القبلي فهي تعبر عن ايدلوجيات
وربما تكون ايدلوجيات متعارضة ولكن المصائب تجمعن المصابين
وان كنت اتمني ان تكون هذه الحركات تعمل في اطار سياسي اوسع اي ان تكون هناك رؤية سياسية غالبة
وجامعة لاهل السودان في غياب هذه الرؤية فان العمل العسكري وحده لن يكون مقنعاً
وعلي الله قصد السبيل
| |
|
|
|
|
|
|
|
|
|
Re: الغزو علي طريقة 2008 مستبعد (Re: الشامي الحبر عبدالوهاب)
|
الأخ الفاضل الشامي الحبر عبدالوهاب
لك التحية و الإحترام
Quote:
الغزو علي طريقة 2008 مستبعد
ولكن ليس من المستبعد ان تتم هجمات في اكثر من اتجاه لتنشيط تحالف كاودا
للتمويه لعمل يتم من داخل الخرطوم
|
أتفق معك تماما ....
اليوم لا نتوقع النجاح إلا لنقلة نوعية (و العمل التنسيقي مع كل أطراف تحالف كاودا في حد ذاته نقلة نوعية) ...
مجرد الإعلان عن تحرك حركة العدل و المساواة عسكريا ... قد أصاب حكومة البشير خسائر فادحة (الإستعداد و الترقب و شل الحركة المعتادة للحكومة و ربط مقدرات الحكومة ماليا و بشريا ... بالإضافة للعامل النفسي) ..
اليوم حكومة البشير في أسوأ أحوالها: سياسيا و ماليا و عسكريا ...
التململ وصل الي نخاع القوات المسلحة ..... و المعنويات في الحضيض ...
الوقت الآن في صالح الحركات المسلحة من دارفور الي النيل الأزرق .... و الوعي الشعبي في القمة ....
الأزمات المالية ستنافس المنصرفات العسكرية .....
وقود حروب البشير (المهمشين و القبائل العربية بالذات في خطوط التماس .. علي عكس تمنيات منير) قد وعت الدرس ... لذلك لا نري تلك المبايعات القبلية و قد دفعت هذه القبائل أزهر شبابها فناءا لتستيقظ أنهم ليسوا سوي أداة لحماية اولاد نافع و كرتي ليستمتعوا بالحياة في الخرطوم.
الإشارة الي المهدي و زحفه من كردفان تعني قطع كردفان عن العاصمة اليوم يعني قطع البترول و المنتوجات الزراعية التي هي شريان الحياة للعاصمة ....
أما خارجيا .. فحدث و لا حرج ...
و يكفي بدء دلائل تململ أمير قطر من الترلة (نظام البشير) ...
| |
|
|
|
|
|
|
|
|
|
Re: الغزو علي طريقة 2008 مستبعد (Re: Mohamed Suleiman)
|
| Quote: وقود حروب البشير (المهمشين و القبائل العربية بالذات في خطوط التماس .. علي عكس تمنيات منير) قد وعت الدرس ... لذلك لا نري تلك المبايعات القبلية و قد دفعت هذه القبائل أزهر شبابها فناءا لتستيقظ أنهم ليسوا سوي أداة لحماية اولاد نافع و كرتي ليستمتعوا بالحياة في الخرطوم. |
قبائل التماس دي في صراع من أجل البقاء والشعب السوداني حليف استراتيجي لها .. وهي منه وفيهو .. معركتها هي معركته .. فلا تحاولوا اللعب علي نغمة استغلالها وما أدراك .. فهي قبائل عربية إن كانت لها غبائن مع المركز فإنها مثل غبائن باقي السودان - مشاكل فقر وشظف العيش - ولكن مشكلتها مع التمرد هي مشكلة محو الهوية الثقافية العربية ليصبحوا تحت سطوة دعاة الأفرقة وطرد الهوية العربية .. فإن كنت تريد تحريضهم برغد عيش أولاد الحكام ، فأمشي أسأل المهندس ذو المواجهة المشهودة مع نافع وشوفه من وين ؟؟ ..
يازول تحليلاتك المهببة دي كلها ضاربة .. لو كانت واقعية كانت الحكومة دي انقلبت من زمان .. وأهو براك شايفك سيدك أوكامبو شالو الهوا والبشير قاااعد .. وهواء الربيع العربي ضارب في شراع الإنقاذ والإنقاذ تضري في عيشها .. وإنت تضرب أخماسك في سبعاتك .. وأوباما قطعها ليك فوق راسك .. تاني في شنو؟؟
مافي عضو كونغرس عنده لقاء معاكم قريب ؟؟ !! عشان تفتح لينا بيهو بوست كارب كده نصه عربي ونصه انقليزي ؟؟ ..
| |
|
|
|
|
|
|
|
|
|
Re: الغزو علي طريقة 2008 مستبعد (Re: Munir)
|
Quote: الغزو علي طريقة 2008 مستبعد
ولكن ليس من المستبعد ان تتم هجمات في اكثر من اتجاه لتنشيط تحالف كاودا
للتمويه لعمل يتم من داخل الخرطوم |
العاصمة بها قرابة الثمانية ملايين
الغالبية تعرف ان تحالف كاودا تحالف جهوى عنصرى
واذا ارتكب خطا استراتيجيا فانه لن يبقى منه من يخبر الاخرين بما حدث للغزاة!
جنى
| |
|
|
|
|
|
|
|
|
|
Re: الغزو علي طريقة 2008 مستبعد (Re: jini)
|
Quote: العاصمة بها قرابة الثمانية ملايين
الغالبية تعرف ان تحالف كاودا تحالف جهوى عنصرى
واذا ارتكب خطا استراتيجيا فانه لن يبقى منه من يخبر الاخرين بما حدث للغزاة!
جنى |
جني
الثوار قالوا ما كل مرة تسلم الجرة .
الجرة هي كرش الفيل
لذلك لابد لسكان العاصمة القيام بمسؤولياتهم في اسقاط النظام حتى تتحقق آمال الشعب السوداني جمعاً دون الانجرار نحو مزاعم النظام بجهوية و قبلية تحالف كاودا .
| |
|
|
|
|
|
|
|
|
|
Re: الغزو علي طريقة 2008 مستبعد (Re: الصادق ضرار)
|
| Quote: لذلك لابد لسكان العاصمة القيام بمسؤولياتهم في اسقاط النظام حتى تتحقق آمال الشعب السوداني جمعاً دون الانجرار نحو مزاعم النظام بجهوية و قبلية تحالف كاودا . |
النضال ليس فرض كفاية اذا قامت به العاصمة سقط عن باقي السودان
العاصمة ستدافع عن نفسها يا ضرار ولللاسف الانقاذ ستستغل هذا الوضع لضرب تحالف كاودا!
هل تعرف عدد الذين يسكنون العاصمة من لالذين تلقوا الخدمة الالزامية ويجيدون استخدام الرشاش!
جنى
| |
|
|
|
|
|
|
|
|
|
Re: الغزو علي طريقة 2008 مستبعد (Re: jini)
|
| Quote: النضال ليس فرض كفاية اذا قامت به العاصمة سقط عن باقي السودان |
لم اقل ذلك .. ما قصدته هو ان التحرك المدني و السياسي يجب ان يكون جنباً مع العمل العسكري ان قدر له ذلك .
| Quote: هل تعرف عدد الذين يسكنون العاصمة من لالذين تلقوا الخدمة الالزامية ويجيدون استخدام الرشاش! |
و هل تعلم ان الثوار لن يرموا بسلاحهم كما سبق بزعم تجنيب المواطنين . تجربة الثوار الماضية مريرة لذلك سيلقون بكل ثقلهم هذه المرة او هكذا يبدو لي .. بالتحرك المدني الداعم لخط الثوار ستنفرز الكيمان ليكون الذي مع الانقاذ في فوهة الثوار سواء من حمل الرشاش او ركب الدبابة .
| |
|
|
|
|
|
|
|
|
|
Re: الغزو علي طريقة 2008 مستبعد (Re: الصادق ضرار)
|
منير:
Quote:
يازول تحليلاتك المهببة دي كلها ضاربة .. لو كانت واقعية كانت الحكومة دي انقلبت من زمان .. وأهو براك شايفك سيدك أوكامبو شالو الهوا والبشير قاااعد .. وهواء الربيع العربي ضارب في شراع الإنقاذ والإنقاذ تضري في عيشها .. وإنت تضرب أخماسك في سبعاتك .. وأوباما قطعها ليك فوق راسك .. تاني في شنو؟؟
مافي عضو كونغرس عنده لقاء معاكم قريب ؟؟ !! عشان تفتح لينا بيهو بوست كارب كده نصه عربي ونصه انقليزي ؟؟ ..
|
قرقرقرقرقرقرقرقر !!!
بالله يا هو ده الهارد حشاك ؟!!
أولا: أوكامبو يكفيه فخرا أنه جعل الطغاة الذين إستأسدوا علي الضعفاء ... أصبحوا منبوذين (جربانين عديييل كدة الناس تفر منهم ). السفر بقي ليهم أكبر هم ... و اهو أوكامبو قبل أن يغادر ... وزير دفاعك القافل عليهو يحميك ... سيصبح مطلوب للعدالة .... و الدابي زاتو طلع مطلوب .. و هناك قائمة سرّيّة لمطلوبين من أهل الإنقاذ ....
ثانيا: بخصوص أوباما و الكونغرس و قائمة الدول الداعمة للإرهاب ..... نحن عملنا العلينا .. we put up a good fight .. و إن شاء الله مع زنقة النظام ... يجب ان لا تحلموا أنتم يا أنصار النظام الخفافيش ... بأن يتنفس نسيم أي إنفراج حتي زواله إن شاءالله ....
ده دم المظاليم يا منير ..... ما ممكن تقتل مئات الآلاف من البشر ... و تجي كمان تتظاهر إنو it is business as usual.
ثالثا: نحن لا نتوقع أن يسقط النظام فجأة هكذا (طبع أسباب بقائه مثلك مساهم فيه ) .... لكن صدقني حتي كان عاش .. حيعيش باقي عمرو كسيح كدة ... كان مات أخير من حي ..... إن شاءالله .... و إنت زاتك تكون ضايق الضيق ده و حتحس بعزلة النظام لأنك بقيت جزء منه ... وجدانيا و و و .. كلو حاجة ....
كويس الواحد يشوفك إنت و نظامك مخنوقين معلقين من عمود محكمة الضمير العالمي تتأرجحون و تفرفرون ... لا إنتهيتو و لا بقيتو زي الناس ...
جني نحن عارفنو من زمان عنصري .... فلا جديد لديه ...
| |
|
|
|
|
|
|
|
|
|
Re: الغزو علي طريقة 2008 مستبعد (Re: Mohamed Suleiman)
|
| Quote: قرقرقرقرقرقرقرقر !!! |
الشعب السوداني ناقش الفلم كله ولذلك خالِّي حبل الصبر ممدود .. لكين ساعة ينتق الحبل الله لا ورَّاك - ينتق معناها يشد الحبل فجأة بقوة -
أوكامبو موضوعه مطرشق عشان كده شايف الضحك الهستيري شارطك ..
قلت لي قرقرقرقرقرقرقرقرقر ؟؟.. أضحك يا ابني أضحك نفِّس عن نفسك .. نحن حاسين بيك ياخ ..
أمورك كلها مطرشقة وتجارتك الدنيئة كلها طلعت خسرانة :.
- أوباما جاكم .. في الآخر جيت تسب وتلعن فيهو ..!!
- بوارج حربية في البحر الأحمر ناسك طلعوا ليبيا ماقادرين يتدخلوا فيها ..!!
- هرَّبتوا اللاجئين لإسرائيل ، لموا فيهم تجار الأعضاء باعوهم أشلاء وذنبهم في رقبتكم ..!!
- والجماعة الوصلوا اسرائيل مشي سلفاكير إشتراهم رخيس - الراس بخمسمية دولار !!! ..
في المقابل:
- البشير مرقها في الصين وجاء راجع ومافي كديس هوَّب ناحيته .. الجنائية فالحة تهرش لينا في الدول الأفريقية - والأفارقة زاتهم عرفوها خيال مآتة ساي فعملوها ملطشة ..
- العرب وقطر شايفهم جارين علي الاستثمار في السودان ..
- أمريكا زاتها قالوا تحت تحت دايرة ليها عضة بعد ماشافت الصين دايرة تقوم بيها كلها .. وأفريقيا كادت كلها تتحول للصين ..
- سلام الدوحة ماشي كويس والناس بعد شوية حتكتشف إنكم رامينهم في الصقيعة وإنتو ضاربين الجو ..
- عقار والحلو وعرمان شاردين شردة الذين شردوا خلوا الواطة غبشاء ..
تاني في شنو؟؟
| |
|
|
|
|
|
|
|
|
|
Re: الغزو علي طريقة 2008 مستبعد (Re: Munir)
|
Quote: الشعب السوداني ناقش الفلم كله ولذلك خالِّي حبل الصبر ممدود .. لكين ساعة ينتق الحبل الله لا ورَّاك - ينتق معناها يشد الحبل فجأة بقوة -
أوكامبو موضوعه مطرشق عشان كده شايف الضحك الهستيري شارطك ..
قلت لي قرقرقرقرقرقرقرقرقر ؟؟.. أضحك يا ابني أضحك نفِّس عن نفسك .. نحن حاسين بيك ياخ ..
أمورك كلها مطرشقة وتجارتك الدنيئة كلها طلعت خسرانة :.
- أوباما جاكم .. في الآخر جيت تسب وتلعن فيهو ..!!
- بوارج حربية في البحر الأحمر ناسك طلعوا ليبيا ماقادرين يتدخلوا فيها ..!!
- هرَّبتوا اللاجئين لإسرائيل ، لموا فيهم تجار الأعضاء باعوهم أشلاء وذنبهم في رقبتكم ..!!
- والجماعة الوصلوا اسرائيل مشي سلفاكير إشتراهم رخيس - الراس بخمسمية دولار !!! ..
في المقابل:
- البشير مرقها في الصين وجاء راجع ومافي كديس هوَّب ناحيته .. الجنائية فالحة تهرش لينا في الدول الأفريقية - والأفارقة زاتهم عرفوها خيال مآتة ساي فعملوها ملطشة ..
- العرب وقطر شايفهم جارين علي الاستثمار في السودان ..
- أمريكا زاتها قالوا تحت تحت دايرة ليها عضة بعد ماشافت الصين دايرة تقوم بيها كلها .. وأفريقيا كادت كلها تتحول للصين ..
- سلام الدوحة ماشي كويس والناس بعد شوية حتكتشف إنكم رامينهم في الصقيعة وإنتو ضاربين الجو ..
- عقار والحلو وعرمان شاردين شردة الذين شردوا خلوا الواطة غبشاء ..
تاني في شنو؟؟ |
يا ناس أمريكا !!
تفقدّوا العنصري محمد سليمان فإنّ الآن قد يطق له عرق أو سكتة قلبية
نسيت فرحته بقرايشن يا منير
وفرحته بهلاري كلينتون
وفرحته ب....
كله مطرشق
| |
|
|
|
|
|
|
|
|
|
Re: الغزو علي طريقة 2008 مستبعد (Re: Mohamed Suleiman)
|
ولك عاطر تحياتي اخي محمد سليمان
وشكرا علي المرور الكريم
ودعني اقتبس هذه الجزئية
| Quote: اليوم لا نتوقع النجاح إلا لنقلة نوعية |
واذا لم يكن ذلك دائراً في خلد الخبراء العسكريين فان السيناريوات القديمة قد ثبت فشلها
كما ان النقلة النوعية في العمل العسكري تتطلب نقلة نوعية سابقة له في العمل السياسي
وهذه تحتاج الي وقت ولكن مهما طال الوقت فان العمل المتكامل دائما ما يكون انجح
| |
|
|
|
|
|
|
|
|
|
Re: الغزو علي طريقة 2008 مستبعد (Re: الشامي الحبر عبدالوهاب)
|
Quote: الإشارة الي المهدي و زحفه من كردفان تعني قطع كردفان عن العاصمة اليوم يعني قطع البترول و المنتوجات الزراعية التي هي شريان الحياة للعاصمة ....
أما خارجيا .. فحدث و لا حرج ...
و يكفي بدء دلائل تململ أمير قطر من الترلة (نظام البشير) ... |
وقطع البترول عن العاصمة هو قطع الدولار عن جوبا وهو ما لن يسمح به الغرب والشرق والشمال والجنوب يا صديقى
الغرب هنا يعنى امريكا وحلفاؤها
والشرق هنا يعنى الصين
والشمال والجنوب لا يحتاجان لشرح والمعنى واضح
جنى
| |
|
|
|
|
|
|
|
|
|
Re: الغزو علي طريقة 2008 مستبعد (Re: jini)
|
Quote:
و هل تعلم ان الثوار لن يرموا بسلاحهم كما سبق بزعم تجنيب المواطنين . تجربة الثوار الماضية مريرة لذلك سيلقون بكل ثقلهم هذه المرة او هكذا يبدو لي .. بالتحرك المدني الداعم لخط الثوار ستنفرز الكيمان ليكون الذي مع الانقاذ في فوهة الثوار سواء من حمل الرشاش او ركب الدبابة . |
هذه معركة غير متكافئة يا ضرار
الملايين ضد الالاف اناس تلقوا تدريب عسكريا محدودا دون ملاذ مؤونتهم الموز ودروعهم الحجبات ولك ان تتخيل النتيجة
جنى
| |
|
|
|
|
|
|
|
|
|
Re: الغزو علي طريقة 2008 مستبعد (Re: jini)
|
Quote: هذه معركة غير متكافئة يا ضرار
الملايين ضد الالاف اناس تلقوا تدريب عسكريا محدودا دون ملاذ مؤونتهم الموز ودروعهم الحجبات ولك ان تتخيل النتيجة
جنى |
جني في ثياب صلاح غريبة او بالعدم ود الباوقة
| |
|
|
|
|
|
|
|
|
|
Re: الغزو علي طريقة 2008 مستبعد (Re: jini)
|
Quote: هذه معركة غير متكافئة يا ضرار
الملايين ضد الالاف اناس تلقوا تدريب عسكريا محدودا دون ملاذ مؤونتهم الموز ودروعهم الحجبات ولك ان تتخيل النتيجة
جنى |
ياخوي سلاح الناس ديل كان ممكن تجعل العاصمة كلها خبر كان لو استخدموها في 2008م .. بعدين الناس ديل مدربين عسكرياً منذ نعومة اظافرهم .. طفل عمره 7 سنوات بيرمي كل انواع السلاح .. 2008م لو خلوهم يستخدموا سلاحهم لكان مرقوا البشير من جحره .
احترامي لك .
| |
|
|
|
|
|
|
|
|
|
Re: الغزو علي طريقة 2008 مستبعد (Re: الشامي الحبر عبدالوهاب)
|
Quote:
ياخوي سلاح الناس ديل كان ممكن تجعل العاصمة كلها خبر كان لو استخدموها في 2008م .. بعدين الناس ديل مدربين عسكرياً منذ نعومة اظافرهم .. طفل عمره 7 سنوات بيرمي كل انواع السلاح .. 2008م لو خلوهم يستخدموا سلاحهم لكان مرقوا البشير من جحره .
احترامي لك . |
وكأنك توفر للإنقاذ وتقدم لها الدليل بتجنيد الاطفال
جني
| |
|
|
|
|
|
|
|
|
|
Re: الغزو علي طريقة 2008 مستبعد (Re: jini)
|
اذا تحدث الترابي فصدقوه، من قبل قال ان الثورة ستاتي من الغرب فكانت ضربة 2003 لمطار الفاشر وايضا قال انه لا يؤيد تغيير النظام بالقوة وكان خارج الخرطوم فوقع ضربة 2008 ودخول العدل والمساواة امدرمان ، وايضا قال في الدوحة ان جنوب كردفان ستنفجر وهنالك جيش يضم 40 الفا من الجنود،واخيرا فان اعتقال ظله ابراهيم السنوسي وزيارته الى جوبا ونيروبي لا تنفصل عن هذا وربما يعتقل الشيخ ذاته.
قلنا ان الحل في الحوار ورد الحقوق لاهلها والتحول الديمقراطي وإلا سيكون الحل مفروضا من الخارج ولك دولة نموذجا من العراق الى مصر الى تونس الى ليبيا الى اليمن. والعاقل من اتعظ بجواره.
| |
|
|
|
|
|
|
| |
الشامي الحبر عبدالوهاب
محمد المسلمي
الصادق ضرار
Munir
amir jabir
Mohamed Suleiman
jini
Frankly
Faisal Al Zubeir
فيس بوك
تويتر
انستقرام
يوتيوب
بنتيريست