نجري أعلاه أو مثْله -صدِقْني- لا يفْتِن "البدَوي" ويفْتِن "الحضري" ومُمْكِن يِروح فيها كمان، ومرد ها الفِتنة أن "الحضري" قد فقد "بكارة النظر" عِنْدما طغت على الأشياء ألوانٌ وإضافات.. ما عاد "الحضري" يعرِف حقيقة الجمال بالأسَود والأبَيض.. حتى أن تعريفُ الجمال إخْتلف عنده، فألوان ما ينظُر إلَيهِ عبر التِلْفاز هي التي أصبحت عُمْدتِهِ في التقييم والتحديد
11-21-2011, 01:04 AM
humida
humida
تاريخ التسجيل: 11-06-2003
مجموع المشاركات: 9806
جعلن الألوان، لَوْنَين فقط، لَون أساسي لا حيلةٌ لهُن فيه، ولَون تلاعبن بِهِ، أصبحنا اليَوم نرى "سوداء" و"ذات لَوْنٍ" ما كَدي ضِهبْنا فوقو، أصبح مِن العسير أن تُصنِف مِن النظرةِ الأولى نوع "إنْسان".. إنهم (أولاد/بنات) إشْتركوا في اللِبس والمكْياج.. أصبح مِن الصعب العثور على مُنْتج أصيل.. مُنتج <... وَصَوَّرَكُمْ فَأَحْسَنَ صُوَرَكُمْ> التغابن3 مُنْتج خالي مِن الإضافات..
يا عزام .. في بلاد الفرنجة التي تسمى استعباطا العالم الاول الناس يلبسون دلاقين لا ترتقي الي منزلة هدوم .. قالوا لينا كويس الجيتو في الشتا .. مستوي النظر صيفا من الصرة و لتحت .. و بعد دا الزغزللة حاصلة .. الحضري يفتنن بجودة الألوان .. و البدوي بنشده عديل .. كما يبدو لي ان الاتحاد الاوروبي الذي جلب السحنات الشرق اوروبية الي لندن زادها جمالا و اثارة .. بؤس حالهن و قساوة المدينة تجعلها مرتع خصب لثالثهم الشيطان .. في عموم الامر .. مدينة كل من فيها يحتاج الي دفء .. و بعد نظر لتجنب تبعيات مزاجات الخواجات في البشر .. من باب الخواجة ما عواف ..
11-21-2011, 05:19 PM
عزام حسن فرح
عزام حسن فرح
تاريخ التسجيل: 03-19-2008
مجموع المشاركات: 8891
Quote: حِكمتو بااااااااااااالغة .. ده حالتو من غير تركين ؟؟؟
قالت (التي أتت من المحس لنج): إنتو بتعْرِفو كيف تقولو [الشمس دي] مِن [الشمِس ده] قلت (وقد دهَوبني السؤال): قاصده شنو؟ قالت: يعني القاعِدة شنو؟ قلت (بعد تفكير): والله ما عارِف.. ما أظِن بكون في البال القواعِد حين الكلام قالت: طَيِب كيف الزول يتْعلما يعني؟ قلت: أظِن دي حاجة بتْتعلم مِن الطُفولة، يعني إكْتِساب وكِده وصابها هاء السكت
إنت عارِف يا ود يوسُف أنا قُبال ما أمشي البُطانة وأسْتقِر فوقا، حرم ما بفرِز التور مِن البقرة.. بس قُتْ يا ود يا عزام العرب ديل ما حتقدر تعيش بينُمْ عِلا تتعلم لغَوَتُمْ وتجيدا وتمحِنُمْ فوقا كمان
النص الفوق ده كتبتو لامِن مره شُفْت <فُلانة> لابسا ليها لبسه أدركت حينها معنى قَول يزيد بِن معاوية بِن إبي سُفيان أَغْارُ عَلَىَ أَعْطَافِهَا مِنْ ثِيَابِهَا إِذَا لَبَسَتْهَا فَوْقَ جِسْمٍ مَنَعَّمِ
والتقول "ثِيَابِهَا" حدرتني، ولِسان حالِها يقول لي: [شوقك.. شوقك] أنا كمان قتْ أمسِخ عليها مسها فقُلت ما قد قرأتُمْ
11-21-2011, 05:27 PM
عزام حسن فرح
عزام حسن فرح
تاريخ التسجيل: 03-19-2008
مجموع المشاركات: 8891
تسلم إنت يا رب.. كتر خيرك أكان بكري مُوقِفني.. ده ما زعلني والله.. الزعلني إنو بدرالدين الأمير هو الإتْوسط لي.. ياخ أنا وضعي كسِكرتير رابِطة "أبناء السَكود المحس" في قطر بقى في خطر
11-21-2011, 05:39 PM
عزام حسن فرح
عزام حسن فرح
تاريخ التسجيل: 03-19-2008
مجموع المشاركات: 8891
Quote: كما يبدو لي ان الاتحاد الاوروبي الذي جلب السحنات الشرق اوروبية الي لندن زادها جمالا و اثارة
جلبِن ليه؟ يعني مِن قِله النِسوان في الإتحاد الأوروبي!
ما مِن قِلَتِن.. بس أغلب نِسْوانُمْ بِقن مو نِسْوان مِن كتره الإضافات وغيرا (شعر/رموش/أطقُم أسنان/رجيم/السيليكون/شفط).. حتى أغلب شبابُمْ أكان ما حدرتا فوقُمْ زييين حرم تضهب
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة