|
|
|
 Re: صداح محمد الحسن شقيقي رزق بامورة اختار لها اسم سحر الف مبروك (Re: M A Muhagir)
|
Quote:
ألف مبروك لصديقي صداح محمد الحسن وامنياتي ان تتربي في عزكم وحمدلله علي سلامة المدام.........
والف مبروك لكل افراد الاسرة واخص بالتهنئة السمؤال .....ولك ياصبري |
ابراهيم النعمه
تعرف دايما اقرا لك وباعجاب تاريهو السر ان بيننا سموال شقيقي الشاعر الشفاف
بالله اتصل عليه في السودان تلفونه برسلو لك في الخاص
صداح بيقرا في البوست ويسلم عليك
| |
 
|
|
|
|
|
|
|
|
Re: صداح محمد الحسن شقيقي رزق بامورة اختار لها اسم سحر الف مبروك (Re: Sabri Elshareef)
|
Quote: تعرف دايما اقرا لك وباعجاب تاريهو السر ان بيننا سموال شقيقي الشاعر الشفاف
بالله اتصل عليه في السودان تلفونه برسلو لك في الخاص
صداح بيقرا في البوست ويسلم عليك |
الاخ صبري تحياتي مجدداً لك ولصداح ولصديقي الرقيق والمرهف سمؤال وليتك مديتني بتلفونه حتي استرجع ايامي الحلوات ........تعرف ياصبري صديقي صداح هذا جاء لنا بالقرية ،وهو أول زميل لصديقي وابن خالتي العليش حمدالنيل يزونا بالقرية ،ومنذ تلك الزيارة ظللت اتردد علي صداح حتي دون ان اساله عن عليش .........ورغم ان سمؤال صديقي بمصر ورفيق دربي ،فقد عشنا مع سوياً مزهوين بشبابنا وبفقرنا وظل يمتعنا بالابداع ويطرد عنا هم وغم الغربة والوجع....ورغم معرفتي المسبقة بصداح ، الا ان علاقتي بمسؤال كانت مفصولة تماماً عن صداح وبعد ان تعارفنا لمدة طويلة لاحظت من الاسم وبعض التشابه لا سيما في الصوت ، لاحظت ذلك بفراسة قروية ولن اقول فراسة عربية (هههههههه) استطعت ان اتلمس وجه الشبه فما ان سالته عن صداح فقد قال لي نعم لدي شقيق اسمه صداح واعرف العليش ومن ديك وعيييييييييك .......رضي الله عن سمؤال وعنكم جميعاً .......
مع تحياتي مجدداً والف مبروك العروسة
| |
|
|
|
|
|
|
|
|
|
Re: صداح محمد الحسن شقيقي رزق بامورة اختار لها اسم سحر الف مبروك (Re: Sabri Elshareef)
|
ابراهيم النعمه
رجوع لك علي سيرتك لاهلي وذكريات بعيدة مع عليش حمد النيل عن طريق صداح تعرفنا علي افضل الناس
اهل الموسيقي والغناء والمسرح والسياسة وتعرف كل زول فينا بكمل ناس ما عند الاخر .
لقد عرفنا عن طريق صداح اساتذه معهد الموسيقي ومنهم هاشم صديق وسعد يوسف واخرون
فكنا نذهب للمعهد اينما يذهب من العمارات الي امدرمان والمقرن وشمبات والي ان وصل الحلة الجديدة
ولا تعرف هذا المعهد اشبه بالمؤجر لييه بيت واصحاب الملك كل مرة يطالبونه بالرحيل
المهم عرفنا فيه يحي فضل الله وهادية بدر الدين محمد السني دفع الله وسوسن دفع الله قاسم ابو زيد
فرقة الاصدقاء كلها وفرقة عقد الجلاد كلها ومحمد محي الدين والفاضل كباشي لقيتو في هذه الاجازة
متابطا الصليب عمر السنوسي ومجذوب عيدروس ,,
غرفة صداح كان بها عبد العظيم محمد الطيب وعليش ومنير عبد الله لا زال قابض علي جمر القضية
وجيرانه فيصل سعد والحضري عمار النورابي رحمه الله وعبد الباقي مختار , حاتم محمد صالح ديرك الفريد سوزي وسطوح الداخلية بتاعت ناس الجزلي ليس بعيد واسامة سالم عذبنا بشيل الخبيز لاخوه يوسف سالم
توفيق صاحب لصداح براهو ما دخل فينا كثيرا لكن سلمي الشيخ سلامة وعشه بت جيرانا عشه بت فاطمة
مني صالح سهام الخواض وتماضر حبيب الله الشفا عبد القادر وتماضر شيخ الدين وكنا نعرف حتي من رحل الي برزخ اخر
او هاجر لمنفي اختياري او اجباري
عرفنا ناس المسرح ودخلنا مسرح الجزيرة كلما تكون مناسبة تحضر فرقة الاصدقاء للبيت
بدر الدين شنا ومحمد نعيم ومصطفي احمد الخليفة وجعفر ومنعم وامير عبد الله والسني والعميري
لاقينا مصطفي سيد احمد ولسه يا ضلنا ماسكه الجو ....
حكايات وحكايات ..
طويلة لا اريد ازحم القراء بذكري قديمة جميلة لي ولاسرتي
سمؤال في مصر التقيت باصحابه واصبحوا اصحاب لي
سوف يكون سعيد جدا بالاتصال سارسل لك الرقم
| |
|
|
|
|
|
|
|
|
|
Re: صداح محمد الحسن شقيقي رزق بامورة اختار لها اسم سحر الف مبروك (Re: محمد سنى دفع الله)
|
يا سلام علي السهروردي والله يا السني احسنت وامه الاختيار
تحياتي الكتيرة والله انا احب السهروردي جدا وان شاء الله يكون ولدك زي
ما سميت عليه واعتقد انك بكل نواحيك اهل لهذا القدر وايضا زوجتك
العظيمة احلام
يا زول السهروردي يهز ويرز وخليه بس يقطع الاطلنطي ما بتجيهو عوجه
بالمناسبة يا ريت تحاول تعمل حاجه وانت المبدع عن سيرة السهروردي في الاسلام
وهو عظييييم في التصوف وله درجه عاليه
صداح يسلم عليك وهبة
الجيه فريضة علينا لمقامك السامق يا السني
| |
|
|
|
|
|
|
| |
عبدالله عثمان
باسط المكي
معاوية عبيد الصائم
أسامة عبد الجليل
Mohamed Yassin Khalifa
بله محمد الفاضل
رهف
خالد العبيد
سلمى الشيخ سلامة
lana mahdi
العوض المسلمي
ايوب عبدالرحيم
ساميه حامد
Awadallah Bashir
أسامه الكرور
Elmoiz Abunura
أسامة خلف الله مصطفى
ibrahim alnimma
سيف الدولة كامل
عاطف مكاوى
M A Muhagir
فخرالدين عوض حسن
Abdlaziz Eisa
هشام هباني
محمد سنى دفع الله
فيس بوك
تويتر
انستقرام
يوتيوب
بنتيريست