|
|
 رضينا للصُلح ما لقينا البصالحنا !!
|
رضينا للصُلح...........ما لقينا البصالحنا !!
هاشم الإمام
لَيْ زمن بكوس للجنا الديّا مي الّلويخة دا ، برضو ليهو وحشة ، داير أقولو مالك فاكي فينا الزول العكليتة دا شابكني بشتكيك بشتكيك القانون الفدرالي الحكومة الفدراليّة الجيش الأمريكي وعيييييييييك كلامن كبار كبار ما ليهو حد وكمان معاهو حليفة ، والله أنا زمان قايل مافي ألتخ من الديامي دا لاكين الجنا العكليتة دا فات الكبار و القدرو ، الزول دا مكري وللا شنو ، اللكاكة دي ما ساكت أكيد ، عشرة في المية ، وراها سر !
بصِّح آجنا مشيت الجنوب ! بسوِّ شنو آلمايل ، كايسلك وظيفة عند ابطربوش ، عشم إبليس في الجنة ، والله برضك ما تيأس أخوانك الجمهوريين قالو إبليس ذاتو بدخل الجنة . قالو محتفلين بدولتكم الجديدة ( مبروك ) وهاجين وهايجين ، ومزيقتكم ضاربة ، ومريستكم ريحته تجيب الضهبان ، والجماعة سكرانين طلطميسة يتكلوهم تِتِكِل، نان مالك آسجمان ما سُقتَ معاك أصحابك ديل يهيّصو معاكم ، من هسع سليت ضنبك ، والله قريشات البترول ديل نصها تجقموها بوقنية ساكت ، والباقي نشيلو منَّكم ضرائب .
هسع خلو كلامي دا واسمع للكلام الكايسلك ليهو وكلمبو جماعتك ناس حِمبِّرَّة والغنَّامة ، باقي مطارق دار جعل جايين عليكم بدورو الصُلُح خايفين علي وليدُن العندكم دا ما يقوم العكليتة حقكم دا يودّيهو الظابطيّة ، هسع دي صوبنو هدّامن وظهّروهن ، العراريق طوال ، والسراويل خمج والتكك مكنتلة ، والتياب يجرجرن ، والعمم مزيّقة ، والمراكيب قطع الجنينة ، والعكاكيز مضببة والسكاكين في الضرعات، هيع أولاد جعل عافي منكن . لاكين الراجل سيد الحوش أبصلعة دا قبال ما يلمو فيهو الهكاكرة يهكروهو سدّد عليهم البيبان وحلف بالتحتحت شعيراتو الباقيات ديل شعرة شعرة ما يخليهن يدخلو بعكاكيزن وسكاكينن ، وهن كمان حلفو بالطلاق ما يخلو سلاحن وراهن وقالو دا بطال ، والطمبج الحكاية جايبين ليهن ضبائح قالو كرامة بعد يتم الصُلُح عاد لا فيهن عورة ولا عرجا ولا هزيلة ، سمان ومدوعلات مطوّلات ليهن زمن في الجزيرة أم طريفي يرعن سِعدة خدِّرة وعلوقن فتريتة ما دخل بطنن أُمباز ولا مُشُك تبّ عِز وللا مو عِز ! وعارف كمان جايي معاهن ( البِشيرة ) بدلوكتو وشتمو وحالف إلا يهبك الدلوكة ويغني " الحسن صاقعة النجم " و " الختم عثمان " تحت تمثال الحريّة وفي حدائق البيت الأبيض ، والداير البُطان يرجانا هناك، هيع كدي فوق أهلي الجعليين ، آها البرنامج دا كلو بكري أبصلعة طرشقو لينا شِن نسوِّي .
قلنا نشوف لينا زول عندو مفتاح لحوش بكري دا لقينا ود أخوي نزار حسين والجنا غير إنو ودأخوي جدو حسين ود الخضر من أعيان الحعليين راجلاً طويل وبدين وحافظ القرآن ومزواج عندو نسوان كتار وأولاد كتار ما شاء الله وقوي قوة خرافية وكلّام وزول مجالس يجوهو للجوديّة من بلاد بعيدة ، آها أكيد نزار فيهو جينات من جدو ، وأبوهو ذاتو مو راجلن هيّن متعلم وفنجري وعندو جنسية خليجية ، لاكين مشكلت نزار إنو جدو مارس التعدد ومكتّر من النسوان ، و عمو أحمد ( الدبوس ) باقي ريّس على جماعة بصبّحو النسوان بدقّة وبمسّوهن بواحدة ويقولولك : المرة الله يكرم السامعين ، و المرة بدون مؤاخذة ، آها الله اعلم اِمكِن جراهو عمو عليهو ، آها زي دا النسوان البعِرفِن ديل والجنوي البتبلبصولِن ديل ماظنو بقبلو جوديتون .
قلنا نشوف أسامة خلف الله نوسطو برضو الراجل ودّعمّي وحقاني وما بعجبو أنسجن في قضية رأي لاكين هو عاد ما متنتح في الديمقراطية دي حلف ما يدخل لجنة ما منتخبة قلنا ليهو بنسوّيلك انتخابات ، كمان الانتخابات عندنا قاسية ، وبنعمليك مفوضية ونشوف لينا أي واحد خُردة ( إن شا الله كوستاوي ) ونعملو رئيس ليها ، أها أبى و قال هووووووووووي يا ناس المؤتمر الوطني أختوني دايرين تريسوني وتّيسوني ، وتلحِّسوني وتفكوني عكس الهوا ، ألعبو غيرها ، هسع الجاب المؤتمر الوطني شنو اكّان مك خاتي ، آها زي الجِكنة دا يسولو شنو ، خليناهو .
قالو وكت أسامة ما رضا شوفو فكي المعارضة ، قلنا ياتو اِنَّعلو الفقيّر ، ترلة التجمع ، المديدة حرقتني ، قالو ياهو ذاتو كتلتو ، قلنا الفقيِّر دا ما بقدر على الشغلة دي ، دا فكي يصلح يكتب الرجال الطافشين من نسوانن ، وللا ينادوهو لصدقة ، قالو لي إنت طاشي شبكة وللا شنو ، الراجل دا من قعد يباري في منظمة المرأة والأخوان الجمهوريين بقى فكي مودرن حيرانو شكسي ومحايتو ببسي . لا لا مو لازمنا مو لازمن ، شوفو ليكم واحدن كُتُر .
كيف صاحبك دكتور تاج ؟ لا لا ، نصحني مليون مرّة أبعد من السفها وما سمعت كلامو أقوم هسع أوسطو يقول والله الجعلي دا جابلو رخوة .
ومالو صلاح الزين ما قُت ود أختك ، يا جماعة الخير قالو ودالأخت مُصْماص سِعِن لا بنشرب ولا بترضى تدفقو و إنتو عارفين صلاح الزين دا هسع يقوم يخلي الصلح ويتكلّم في فلسفة الصلح ، ويقول ليهم القراءة ما بتنتج معرفة ، ، وما قبل الحداثة وجنس الشغاليت دي ، وزولي أصلو معقّد يقوم يقول ليهو الحكومة الفدراليّة ، وكلامك الغامض دا استفزاز لمواطن أمريكي ، والقانون الفدرالي وبشكيك والله عِلا اشكيك ، والشمطة تقوم والصلح يطرشق ، ونبقى في صُلثح جديد !
قالو كيف قريبك راعي الليموزين ! قلنا دا مشكلتو إنو عندو عداوة مع مادة ص ل ح ومشتقاتها وتقليباتها ،قال أكّان التحالف الديمقراطي حكم ، الله يكضب الشينة ، بلغيها من المعجم ، تصدق عربيتو أكّان خسرت ما بصلحه ، وكراهتو في الدنيا صلاح بن البادية وصلاح أحمد إبراهيم والطيب صالح وصلاح السعدني ، وصلاح عبد الصبور وعندو قطعة أرض في صالحة باعه عشان ما يضطر ينطق الكلمة دي ، والحكاية دي عاملا ليهو مشكلة مع جدو ومع صلاح الزين وصلاح شعيب مو عارف يكرهم وللا يخليهم .
والمثقفاتيّة الموهومين بتاعين واشنطن ديل مالُن ، قلنا حاولناهم لاكين هم قالو الحكومة بتعتبر الناس البكتبو في سودانيزون لاين شماشة ساكت ، وخايفين إذا دخلو في الموضوع دا الحكومة تعتبرن شماشة وطبعاً باقي السبيرتو المغشوش قــــــــــــــــــــــاعد !
والنسوان أكّان بنفعن واسطة ما تشوف البنية الحميرة الدكتورة ، كمان قول برضها نطيحة ومتردية . لا لا حاشَ ماقتّ ، لاكين هي قالت أنا قُتّ النسوان ناقصات عقل ودين ، والله البنية بهتتني ، أنا صححت الرواية الشعبية الشائعة وجبت شرح الرسول صلى الله عليه وسلّم لمعنى نقصان العقل وهو النسيان وقلت النسيان ما عندو علاقة بالقدرات العقلية ، البنية مصنقعة وعاجباها روحه والكلام الفي راسه ما بتغيرو عشان كدي واسطتها مجروحة .
وطيّب بريمة مالو ! أريتكم بالملة هسع ماقتو حواري وأنا شيخو كيفن رضيتو بيهو وسيط ، وكمان صاحب الدعوى حذّرو وقالو أبعد بعيد ، البجيبو شنو .
آها ما تجرست وقلت الروب البحلني من الجنا المعسّم دا شنو .
غايتو مافي طريقة غير نعزم الجنا الجكنة دا في واشنطن يحضر معانا الليليّة ( مولد الختم محمد عثمان ) - ما يسمعونا أنصار السنة ، يوم الخميس ، و نبهل ليهو الشاي بالقرفة واللقيمات الكبار يمكن يتذكر جدو الخليفة ويتنازل من القضية ويجعل ثواب التنازل ليهو ،كمان أنا إمعاناً في إظهار حسن النية بتنازل ليهو من لوحي ( وأما نسبه صلى الله عليه وسلّم …..) وبخليهو يقرا دعاء الختمة ( ثم ارفعوا أيديكم يا معشر الحاضرين إلى التي هي قبلة الدعوات ) قصّرت معاهو يا جماعة الخير ، كمان يوم الجمعة بنسوّيلو جلسة مديح ونجيبلو الخليفة محجوب ود خال العيال قُتّ شنو آزول ما رضيت !
قالو امكِن الزول دا فيهو نفس جمهوري أرفعو عنو الصلاة ذات الحركات وشوفو لو طريقة لرمضان الجايين في الحر دا ، قلنا : لا حرّم إلّا دي ، يمشي المحكمة عديييييييييل! وخلو الرهيفة تنقد .
|
|
 
|
|
|
|
|
|
|
|
Re: رضينا للصُلح ما لقينا البصالحنا !! (Re: HAIDER ALZAIN)
|
هههههههههههههههه
يا مولانا ذكرتنا نكتة الإمام البلعب الحريق مع الجماعة و يخرتن قالهم بعد خطبة نجيضة هنا ابكيكم وهناك ابكيكم
يا ناس واشنطن واحد يفكك لينا شفرات المذكورين اعلاه غير اسامة خلف الله ما عرفنا زول
الديامي و اللكة و راعي الليموزين و الباقين ديل منو
| |
|
|
|
|
|
|
|
|
Re: رضينا للصُلح ما لقينا البصالحنا !! (Re: محمد البشرى الخضر)
|
يا حيدر الزين سلام
يا أخي أدبك ما ظاهر من ردودك السابقة ، ما بحتاج يرفعولو الضو ، وكفاية على المنبر مؤدب واحد ، اتنين بهكرو الموقع .
أنا ما بفتل الحبال ، لاكين بكرّب العناقريب ، ماعندك عنقريباً حبالو مرخيّة ، باقي السوق اليومين ديل واقف .
| |
|
|
|
|
|
|
|
|
|
Re: رضينا للصُلح ما لقينا البصالحنا !! (Re: Balla Musa)
|
أخونا الدكتور بلة سلام عليك
البشيرة ، بكسر الباء وإمالة الشين من الجوير ( جوير ود ضبعة ) بغني غنل الدلوكة والأيام دي ما في جعلي بعرس إلا بجيبو والبطان حار تاني ياناس الخرتوم شبال مجاني مافي ومافي داعي للإحراج .
| |
|
|
|
|
|
|
|
|
|
Re: رضينا للصُلح ما لقينا البصالحنا !! (Re: Hashim Elemam)
|
| Quote: يا النذير بهتني قُتّ لمنو ماشغال بيهو ، كلامو أليل الشكيّة دا مخوّفني بلحيل وقاطع قلبي ، إنت آلكلس ما تبقى واسطة خير وتصالحنا بدل التحريض البتسوي فيهو دا . |
والله يا شيخ هيشو ما عارفك جادي وللأ بتهظر
غايتو أنا رفضي لرفع قضية فيك رافضو جملة
وتفصيلاً، وحتى سجلت رفضي القاطع له في هذا المنبر، وصدقني
يا شيخ هيشو موضوع القضية التى سيرفعها فيك
حبيبنا محمد يس خليفة لو إتقدمت، ناس كتار
ح يدخلو أجاويد وأنا أولهم، وبالمناسبة أنا
حالياً خارج أمريكا، لكن جاييها في رمضان
في ولاية واشنطن استيت، لكن ناوي أصلي صلاة العيد
في دي سي، وإن شاء الله ما ح أقصر معاك، يعني
إنت لو سجنوك، نحن نشاكل منو ونشاغل منو في
المنبر دا، ياخي أنا بكويس لي اسمك دا كواسة
في المنبر دا
وتعرف يا شيخ هشو، ناس كتار ح يدخلوا أجاويد
ومعظهم إنت شتمتهم هنا، وهم: دينق، نور الدين
منان، كوستاوي، تراجي مصطفى، والقائمة تطول
تعرف يا شيخ هشو، في ناس كتار في دي سي
ماسكين عليهم أدلة (صورة وفيديو) بتدينهم
وبترحلهم من أمريكا، وبرضو ساكتين عليهم لأننا
ناس عندنا مباديء، ومن الأدلة على سبيل المثال
لا الحصر، ناس مقدمة للجوء السياسي في أمريكا
وسمن على عسل مع الحكومة وبتعشوا مع السفير
الزمااااااان داك اللي اسمو خضر هارون وللأ
منو كدا ما عارف،أها صورهم وفيديوهاتهم
وهم بضحكوا مع السفير كلها عندنا، بس مانعانا
المباديء من نشر غسيلهم الوســخ، على الرغم من أنهم
يكذبون في لجوئهم، وبطبلوا للكيزان، ويستحقوا
الترحيل عن جدارة.
تحياتي
| |
|
|
|
|
|
|
|
|
|
Re: رضينا للصُلح ما لقينا البصالحنا !! (Re: النذير حجازي)
|
Quote: قلنا نشوف لينا زول عندو مفتاح لحوش بكري دا لقينا ود أخوي نزار حسين
والجنا غير إنو ودأخوي جدو حسين ود الخضر من أعيان الحعليين راجلاً طويل وبدين
وحافظ القرآن ومزواج عندو نسوان كتار وأولاد كتار ما شاء الله وقوي قوة خرافية
وكلّام وزول مجالس يجوهو للجوديّة من بلاد بعيدة ، آها أكيد نزار فيهو جينات من
جدو ، وأبوهو ذاتو مو راجلن هيّن متعلم وفنجري وعندو جنسية خليجية ، لاكين
مشكلت نزار إنو جدو مارس التعدد ومكتّر من النسوان ، و عمو أحمد ( الدبوس )
باقي ريّس على جماعة بصبّحو النسوان بدقّة وبمسّوهن بواحدة ويقولولك : المرة
الله يكرم السامعين ، و المرة بدون مؤاخذة ، آها الله اعلم اِمكِن جراهو عمو عليهو
، آها زي دا النسوان البعِرفِن ديل والجنوي البتبلبصولِن ديل ماظنو بقبلو جوديتون |
جدنا بله ادريس الله يرحمو...كان قاعد في مجلس صلح في خلوة جدك
الفكي ابن ادريس...ومطرف بعيد من الناس البتحاورو في الصلح
ومجلس الصلح فيه كل اعيان الصفر والجوير...والعمد والمشايخ
بالمنطقة...وكل مرة يتكلم شخص في المنبر...
وبله زهج خلاص من الخطب دي...قالهم آناس هوي...الشمش دي غابت
دحين افرزوا لي ناسي النلقطن...وامشي في شغلتي...
هم ناس امريكا ديل فاضين للشكاوي...مفتكرين الشكاوي
دي بتقيف هناك بس؟؟؟
تحياتي لك ابن عمي هاشم الامام...لك وللاسرة...
ودمتم بكل خير...
الشغلانة كان جابت ليها دواس قول لينا عوك..
والله عندك ناس يفزعوك ...في بطن الحوت.
| |
|
|
|
|
|
|
|
|
|
Re: رضينا للصُلح ما لقينا البصالحنا !! (Re: Hashim Elemam)
|
مرحبتين يا شيخنا الامام..
| Quote: باقي السوق اليومين ديل واقف . |
السوق ان بقا واقف خلك من شد كرّاب العناقريب .. واشتغل حفّار ابيار..
بيعلمك الصبر .. وطولة البال ..
بس اعمل حسابك ان عتر ليك حجر.. حالك بيقيف وتقول اريتني كان اشتغلت ترزي :)
| |
|
|
|
|
|
|
|
|
|
Re: رضينا للصُلح ما لقينا البصالحنا !! (Re: Hashim Elemam)
|
يا النذير خوّفتني بالفيديو وعشا السفير خضر هارون عشان أنا كنت متحكّر فيهو وضارب الشية ، أوع يكون زولك دا داير يسويهن قضيتين ويرحلن من أمريكا ، قبال دا في واحد مهددني بالفيديو دا ، لاكين مسعول من الخير الزول دا بلقى قروش المحامي للقضتين ديل من وين ، امكن الديّامي دا لهف ليهو قرشين من أبطربوش في سفرتو دي ، كمان قالو الزول دا ظابط كبير خلاص في الديش الأمريكي وحلفو قالو أكّان داير يوديني غوانتمالا قبال الضحوة دي ما تكرب بقدر ، والأيام دي حايم في واشنطن العاصمة بجيها كل أسبوع والتاني ، آها دا كلو ما بخوّف . كدي أسعلو عن السجن قولو فيهو انترنت أكان في ، عوجة ما في تب ، واسأل بكري قولو بتشيل مني الباسورد إذا سجنوني ، أكان بشيلو دي العوجة .
| |
|
|
|
|
|
|
|
|
|
Re: رضينا للصُلح ما لقينا البصالحنا !! (Re: Hashim Elemam)
|
Quote: يا نزار كيف حالك وكيف الوالد وكيف الصّفارة في البحرين
أوع تكون صدقت إنو الجماعة ديل عندهم قضية ديل ناس مطرطشين ساكت
وشغالين إرهاب في الناس وابتزاز لاكين يشوفوها عند غيري |
الوالد بخير وكذلك كل الصفارة الهنا...
وعلي كل نحن حاضرين...وكان درت نحاس الحسن
ود ضبعة...بنقروا ليك في المنبر دا...
والرهيفة التنقد.
| |
|
|
|
|
|
|
|
|
|
Re: رضينا للصُلح ما لقينا البصالحنا !! (Re: Hashim Elemam)
|
| Quote: يا النذير خوّفتني بالفيديو وعشا السفير خضر هارون عشان أنا كنت متحكّر فيهو وضارب الشية ، أوع يكون زولك دا داير يسويهن قضيتين ويرحلن من أمريكا ، قبال دا في واحد مهددني بالفيديو دا ، لاكين مسعول من الخير الزول دا بلقى قروش المحامي للقضتين ديل من وين ، امكن الديّامي دا لهف ليهو قرشين من أبطربوش في سفرتو دي ، كمان قالو الزول دا ظابط كبير خلاص في الديش الأمريكي وحلفو قالو أكّان داير يوديني غوانتمالا قبال الضحوة دي ما تكرب بقدر ، والأيام دي حايم في واشنطن العاصمة بجيها كل أسبوع والتاني ، آها دا كلو ما بخوّف . كدي أسعلو عن السجن قولو فيهو انترنت أكان في ، عوجة ما في تب ، واسأل بكري قولو بتشيل مني الباسورد إذا سجنوني ، أكان بشيلو دي العوجة . |
سلام يا هاشم
يا هاشم لو إتعشيت مع السفير ما مشكلة لأنك أصلك مصنف كوز
وإنت دي ما داسيها، لكن العوجة تكون عامل لجوء سياسي وفي
نفس الوقت تتعشى مع السفير، والله دي عوجة تب لو طلعت لاجيء
سياسي، ودي ممكن بكل بساطة تتعرف بعد رفع القضية الأولى فيك
كلها ح تظهر في أوراقك الثبوتية، بأنك دخلت أمريكا لاجيء، وعلى
ما أعتقد لاجيء بتاع مؤتمر شعبي، بالمناسبة يا هاشم الموضوع
دا أكبر من الموضوع الأول، فيهو سجن وترحيل وغرامة كمان.
وبعدين يا هاشم شايفك مستهتر بموضوع السجن في أمريكا، شكلك كدا
ما إتعرفت على مساجين طلقاء أو ما قريت أو حضرت برنامج تلفزيوني
عن السجن في أمريكا، يا هاشم أكبر سمة لحالة السجن في أمريكا
هي القوي يأكل الضعيف ففيها إغتصاب عديييييييييييل كدا ومباح،
زمان قبل أحداث سبتمبر إلفين الأليمة، كان المسملين مدلعين فيهو
شوية، بحجزوهم مع بعض علشان كدا المسلمين كانوا غير معرضين للإغتصاب
لكن دا كلو إتغير بعد أحداث سبتمبر إلفين.
وعشان خايفين عليك من الإغتصاب في السجن، علشان كدا داخلين ليك
واسطة، ولو سجن أمريكا زي سجون السودان، ما كان في زول إتشتغل
بيك، وبالمناسبة يا هاشم، بعض السجون الأمريكية الحمامات لا مؤاخذة
مفتوحة كلها مع بعض، يعني السجين لو عايز يستحمى ح قلع عريان
ميطي أمام كل المساجين.
وبالمناسبة يا هاشم أنا ذكرت ليك موضوع العشاء مع السفير دا
موش عشان إستبزك، بالجد كنت ناسي إنك متعشي مع السفير، والشيء
الأهم ما كنت عارف إنك لاجيء سياسي في أمريكا، ياخي بعض الظن
إثمٌ.
تحياتي
| |
|
|
|
|
|
|
|
|
|
Re: رضينا للصُلح ما لقينا البصالحنا !! (Re: Hashim Elemam)
|
النذير اخوى
سلام
مالك على الإمام !! خلى الزول فى حالو يمكن ينفع فى نقل تكنولوجياصنع عناقريب Made in USA ويفتل فى الحبال ما يخلى شيتا اسمو عشميق... بس حيخلق كساد فى سوق العناقريب بالسجانة... اصلو جماعتو شغالين اليومين دول يطلعو فى كاشم خوفا من انتقال عدوى الثورات ليهم... وكدة كدة جاياهم... ويومها لن ينفع اخانا هاشم غير قسم الولاء للعلم والدستور الأمريكى!!!!!
بالمناسبة يا النذير الشيخ هاشم افتكرك يوما ما شقيقى الأصغر حسين منان الى ان عرف الحقيقة وابتلعها فى صمت...
تحياتى لك وللشيخ هاشم الامام الباحث عن الصلح... وإن جنحوا للسلم...
نورالدين منان
| |
|
|
|
|
|
|
|
|
|
Re: رضينا للصُلح ما لقينا البصالحنا !! (Re: Mannan)
|
Quote: هي القوي يأكل الضعيف ففيها إغتصاب عديييييييييييل كدا ومباح،
زمان قبل أحداث سبتمبر إلفين الأليمة، كان المسملين مدلعين فيهو
شوية، بحجزوهم مع بعض علشان كدا المسلمين كانوا غير معرضين للإغتصاب
لكن دا كلو إتغير بعد أحداث سبتمبر إلفين. |
!!
معقول هذه هذه هي أمريكا؟!!
"وشهد شاهد.."
هاشم ..السلام عليكم
كلامك الإفتتحت بيهو خيطك دا عايزلو جلسة خاصة
مع فنجان قهوة مكرّب..واستعداد في أي وقت لضحكة واثق مفاجئة
احدّي ما تدّفق القهوة زاتا!!
كلامك الواثق المتحدي دا ذكّرني بقصيدة لجرير يهجو فيها الفرزدق قائلا:
زعم الفرزدق أن سيقتل مربعا***فابشر بطول سلامة يا مربع
| |
|
|
|
|
|
|
|
|
|
Re: رضينا للصُلح ما لقينا البصالحنا !! (Re: عماد موسى محمد)
|
الأخ الكريم الأستاذ عماد
السلام عليكم
الجماعة ديل ياعماد لا بفهمو السطور ولا ما وراء السطور شغلن عك ساكت ، شوف زي البقولك " الباحث عن الصلح " دا يسوولو شنو يجيبولو فهّامة وللا شنو ، عالم يلهطو في مال دافع الضرائب ساكت ما فاضين عشان يقرو ويفهمو .
| |
|
|
|
|
|
|
|
|
|
Re: رضينا للصُلح ما لقينا البصالحنا !! (Re: Hashim Elemam)
|
يا النذير ........سلام
شايفك ياخوي زايغ من الواسطة ، وبعدين كتّر خيرك علي المعلومات عن السجن ، الكلام دا مو كلام سماع ساكت الكلام دا كلام تجربة ، لاكين مسعول من الخير إنت تجربتك دي في السجن قبال سبتمبر إلفن ولا بعدها ! بعدين حكايت الاغتصاب دي ما تهمك المهم تكون عندكم قضية ، وبالمناسبة إذا عايزين معلومات أوليّة جداً عني عشان ترفعو القضية ممكن أعطيكم ليها لأنو الظاهر إنكن مسطحين خالص زي العربي المصلبط في النوبة دا .
| |
|
|
|
|
|
|
|
|
|
Re: رضينا للصُلح ما لقينا البصالحنا !! (Re: ABDALLAH ABDALLAH)
|
وهابى ارهابى وحالف قسم الولاء للعلم والدستور الأمريكى ويكره امريكا وقلبه وهواه مع اعداء الوطن الذى يؤويه ويوفر له اسباب المعيشة... إنها الهشاشة التى تجمع بين النقيضين: طعام معاوية أدسم ... والصلاة خلف على أقوم... يا للهشاشة!!
نورالدين منان
| |
|
|
|
|
|
|
|
|
|
Re: رضينا للصُلح ما لقينا البصالحنا !! (Re: Mannan)
|
يا نور الدين منان لاحظ إنّك بديت معاي برنامج الشتيمة دي أها بتركز وللا بتفنجط وتقول بشتكيك ، وبعدين كلام العوام دا بتاع حالف تحترم الدستورالامريكي وبتكره أمريكا ما خليتو ولا كبرت مخك شوية أكره أمريكا ليه أنا ما جيته باختياري وإذا عايز أرجع برجع ، وإذا أخطأت أمريكا مع بلدي الأول أو غيره أنتقدها وعندي الحق وأنا ماجيت لاجيء سياسي فافهم .
| |
|
|
|
|
|
|
|
|
|
Re: رضينا للصُلح ما لقينا البصالحنا !! (Re: Hashim Elemam)
|
يا عبد الله مولانا أنا فعلاً راعيت خصوصية العلاقات وما كنت برد على مطاعناتك وتعليقاتك السخيفة ثم هروبك لكن أنت ما احترمت احترامي لهذه العلاقة وابيت أن تكف عن مطاعناتك وتأييدك لكل أفاك أثيم حتى عندما دخلت في نقاش مع ناس أساوا لله ورسوله برضو وقفت معاهم ووادتهم ، ارجع لكل البوستات التي فتحتها وانظر ماذا قلت أنت وهل أنا رددت عليك ؟ أنت الذي لا تراعي علاقة ولا تعرف أدب الخطاب .
أما حديثك عن حديث الرسول صلى الله عليه وسلم فارجع وافهم معناه فأيما رجل حاد الله ورسوله أو وادّ من حادّ الله ورسوله فلا غيبة له ، أما سمعت حديث المصطفى " من خلع جلباب الحياء فلا غيبة له "
وقف نساء ورجال وانتقدوا القرآن ######روا من حديث الرسول صلى الله عليه وسلم و قالوا إن الإسلام يظلم المرأة ويضطهدها ، وأنت موجود تسمع في كل هذا فما فتح الله عليك بكلمة ولا غرت على دين الله ، ولما وقفت أنا في وجههم وكتبت مقالات أرد عليهم ما ساعدتني حتى بالسكوت بل جعلت تطاعنني كما يفعلون فإن كنت توادهم خلافاً لقوله تعالى : " لا تجد قوماً يؤمنون بالله واليوم الآخر يوادون من حادّ الله ورسوله ولو كانوا آباءهم ......" فأنت مثلهم ولن ينفعك لقب مولانا بشيء . أنا لا أعيب عليك أن تتجه أية وجهة سياسية تريد فهذا شأنك و لا يهمني ولكن عندما يكون الكلام عن كتاب الله ورسوله ويستهزأ بهما أمامك فهنا يُطلب منك أن يكون لك موقف شجاع . راجع مواقفك منذ أن قلت لك أنا أحترم خصوصية العلاقة إلى أن فاض بي الكيل أخيراً ثم انظر هل رددت على طعنك وهمزك ولمزك مرّة واحدة ؟ ، أظنك صرت تنسى ، ثم راجع موقفك الديني وزن الأمور بميزان الشرع ، مرّة أخيرة أقول لك ليكن عندك مواقف ممن يهاجمون دين الله إن كنت أنصارياً حقاً أو كنت من أهل الطريق وسنلتقي عند الخليفة الطيب الجد إن شاء الله لأريه تنكرك لأبجديات أدب الطريق والسلام .
| |
|
|
|
|
|
|
|
|
|
Re: رضينا للصُلح ما لقينا البصالحنا !! (Re: Hashim Elemam)
|
يا مولانا اقرأ هذه المقالة وتدبرها ولا تكابر :
( 11 )
هاشم الإمام
كلما قام ناعق يدعو إلى بدعته ، أو ضال يروّج إلى ضلالته ، أو حاقد على دين الله ينفث حقده فتصدى له الغثيُرُ على هذا الدين فذمّوه وبينوا حاله ، تعرّض لهم أهل الأهواء والمداهنون والمغرّر بهم فسلقوهم بألسنة حداد متذرعين ببعض ما ورد في الكتاب والسنة من النصوص التي تحرّم الغيبة وقذف المحصنات المؤمنات ، فلبسوا بهذه النصوص على العامة فصدقوهم وأنسوهم بهذا التلبيس القضية التي من أجلها ورد الذم وحدث الشجار ، فهل لمن حادّ الله ورسوله وأنكر أحكاماً قطعيّة واردة في كتاب الله وسنة رسوله أن يتفيأ ظلال هذه النصوص ، ويحتمي بها من ضربات أقلام الدعاة إلى منهج الله ؟ والغريب أن هؤلاء القوم يسخرون من النصوص وينعتون أصحابها بالنصوصيين وينعون عليهم التمسك بنصوص عفا عليها الدهر وتجاوزها الزمان ، فإذا وجدوا فيها ما يحميهم من سخط المجتمع عضوا عليها بالنواجذ .
الغيبة كما فسرها النبي صلى الله عليه وسلّم " ذكرك أخاك بما يكره "قيل يارسول الله أرأيت إن كان في أخي ما أقول ؟ قال " إن كان فيه ما تقول فقد اغتبته ، وإن لم يكن فيه ما تقول فقد بهته "
بيّن النبي ، صلى الله عليه وسلم ، الفرق بين الغيبة والبهتان ، وجعل جهة التحريم كونه أخاً أخوّة الإيمان ؛ لذلك تغلّظت الغيبة حسب حال المؤمن ، فكلما كان أعظم إيماناً كان أغتيابه أشد .
وذكر الناس بما يكرهون كما ذكر شيخ الإسلام ابن تيمية-رحمه الله-هو في الأصل على وجهين ( أحدهما ) ذكرالنوع و ( الآخر ) ذكرالشخص المعيّن حياً كان أم ميتاً . أما الأول فكل شيء ذمه الله ورسوله أو لعنه يجب ذمه ولعنه ، وليس ذلك بغيبة ، فالله سبحانه وتعالى ذمّ الكافر والفاجر والفاسق والظالم والغاوي والضال والحاسد والبخيل والساحر وآكل الربا وموكله والسارق والزاني و المختال الفخور والمتكبّر الجبّار وأمثال هؤلاء. وأما الشخص المعيّن فيذكر ما فيه من الشر في مواضع : منهاالمظلوم فله أن يذكر ظالمه ، ومنها ذكرأئمة البدع من أهل المقالات والعبادات المخالفة للكتاب والسنة ، فإن تحذير الأمة منهم واجب باتفاق المسلمين ، قيل للإمام أحمد بن حنبل ، رحمه الله، الرجل يصوم ويصلي ويعتكف أحب إليك أو يتكلم في أهل البدع ؟ فقال : إذا قام وصلى واعتكف فإنما هو لنفسه ، وإذا تكلّم في أهل البدع فإنما هو للمسلمين ، هو أفضل ،فبين أنّ نفع هذا عام للمسلمين في دينهم من جنس الجهاد في سبيل الله .
وبعض الناس ليسوا من أهل المقالات الفاسدة ولا من أهل الكفر والنفاق ولكنهم سماعون لهم قد التبست عليهم هذه المقالات حتى ظنوها حقا فلا بُدّ من تحذيرهم بذكر أصحاب هذه المقالات وذمهم وتشديد النكير عليهم .
والعلماء متفقون على جواز الغيبة في حالين :
إحداهما : إذا أظهر الشخص الفجور مثل الظلم والفواحش والبدع المخالفة للسنة ، فمن أظهر المنكر وجب الإنكار عليه بحسب القدرة ، كما قال النبي ، صلى اله عليه وسلّم ، " من رأى منكم منكراً فليغيره بيده ل فإن لم يستطع فبلسانه فإن لم يستطع فبقلبه وهذا أضعف الإيمان " وأن يهجر ويذم على ذلك وهذا معنى حديث النبيّ صلى الله علي وسلذم "من ألقى جلباب الحياء فلا غيبة له "
والأخرى :أن يستشار الرجل في مناكحته ومعاملته ويعلم أنه لا يصلح لذلك ، فينصحه مستشاره ببيان حاله كما في الصحيح أن النبي صلى الله عليه وسلّم قالت له فاطمة بنت قيس : قد خطبني أبوجهم ومعاوية فقال لها "أمّا أبوجهم فرجل ضرّاب للنساء وأما معاوية فصعلوك لا مال له "فبين النبي حال الخاطبين للمرأة وهذه حجة الحسن البصري في قوله "أترغبون عن ذكر الفاجر !أذكروه بما فيه يحذره الناس ، فإن النصح في الدين أعظم من النصح في الدنيا ، فإذا كان النبي صلى الله عليه وسلّم نصح المراة في دنياها فالنصيحة في الدين أعظم .
ومن الناس من يحدثك عن الدعوة بالحكمة والموعظة الحسنة – وقد يكون صادقا في نصيحته – ولا يفرّق بين حال المدعوين فيساوي بين الداعين إلى هدم الدين على أعواد المنابر جهرة وغيرهم ممن لُبّس عليهم ، فالمجاهرون بعداوة الدين الداعون إلى إقصائه من الحياة لا بدّ من ذمهم والغلظة عليهم ، والله يقول لنبيه " جاهد الكفار والمنافقين واغلظ عليهم " في آيتين من كتابه أما عامة الناس فدعوتهم بالحسنى أفضل وأجدر أن تؤتي أُكلها .
وأصحاب النوايا الطيبة ممن يدعوننا إلى الرفق في القول لا ينظرون إلى ما قاله القوم من طعن وتجريح وسب فاحش وتعريض بالدين وأهله ولا يجد منهم هؤلاء كلمة ناقدة ولو على حياء لما يقولون كأن أعراضنا مباحة لكل راتع وأعراض غيرنا مصونة محفوظة لا تخترقها مقالة قائل .
وبعض الواعظين يضع ما قلنه في حق بعض الشيوعيات في واشنطن في خانة القذف ، ولا أعلم معنى للقذف إلا قذف المحصنات المؤمنات واتهامهن بالزنا فهل اتهمنا في مقالنا أية امرأة شيوعية كانت أو غير شيوعية بهذه التهمة البشعة ؟! إن حديثنا عنهن لم يخرج عن ذمهن بمشابهة البهائم في قلة الفهم وسوء المنظر ، وهذا ذم وليس قذفاً ولا طعناً في الشرف ولكن جهل بعض المعلقين وخبث بعضهم حمّل العبارة ما لا تحمله من المعاني فلبّس على القراء فذهبوا في تفسير العبارة كل مذهب ، والله المستعان .
| |
|
|
|
|
|
|
|
|
|
Re: رضينا للصُلح ما لقينا البصالحنا !! (Re: Hashim Elemam)
|
| Quote: وأنا ماجيت لاجيء سياسي فافهم . |
تصدق وتؤمن بالله، لو كنت جيت لاجئ سياسي كان أحسن. كان نورالدين منان ظبطك، واخترع ليك رواية تعذيب ما تخرّش الميّة، وكنت حتنال حق اللجوء السياسي، وكان نورالدين قبض منك اربعمائة وخمسين دولار، وكنت كسرت عينو، وتاني ما كان جا جنب بوستاتك.
يا نورالدين يا منان أخي ما تسيب الناس فى حالها. انت راجل عيان وقايم من عملية هارت. ما معقول كل مرة تجي تهابش من طرف واذا الناس عايزين يردوا عليك يجوا اصحابك واهلك يقولوا الراجل عيان وابعدوه عن التوتر عشان صحتو ..
عشان كدة قلنا ليك مية مرة قبل كدة امشي ابلع الحبوب حقتك ونوم وبطل الشوشرة البتعمل فيها دي ..
| |
|
|
|
|
|
|
|
|
 Re: رضينا للصُلح ما لقينا البصالحنا !! (Re: Abdelmuhsin Said)
|
| Quote: راجع موقفك الديني وزن الأمور بميزان الشرع ، مرّة أخيرة أقول لك ليكن عندك مواقف ممن يهاجمون دين الله إن كنت أنصارياً حقاً أو كنت من أهل الطريق وسنلتقي عند الخليفة الطيب الجد إن شاء الله لأريه تنكرك لأبجديات أدب الطريق والسلام . |
يامولانا هاشم
قميص الاسلام عندك ضيق شديد
وبيناسب ظروفك إنت وإنت بس
الشيوعيات ضايقنك يبقى ينشتمن باسم الاسلام
مولانا رد في بوستك رد ماعجبك يبقى ياخد محاضرة عن أدب السلام في الاسلام
هسة كان سألتك وبأسم الاسلام وكإمام للسودانيين
أنا ووالدتي جينا فرجينيا ووسطكم لينا حداشر شهر
قضت منهم امي في المستشفى سبعة شهور وسبعة عمليات
ماشفناك لييه؟
ماتقول لي ماسمعت
كلو سمع وكلو عارف
ودا ما لوم
لانك بتلوم صديقك, قريبك, أخوك
....لعلمك ناس المستشفى فتشوا لينا رجل دين أسلامي وجهودهم طلعت لينا بسيدة متدينة أمريكية جات قرأت قرآن لي أمي
في المستشفى وأهدتها مصحف وسبحة لانه كان لازم كجزء من العلاج
.. والله المستعان
______
آها ووكت دخلت ليك خليني أقولو كله وأطلع
* شتيمتك لي جورج كعبة وشينة ومسيئة وقميئة
وتاني كعبة ومحزنة ويعلم الله ماعندها أي علاقة بالدفاع عن الاسلام اللي هو مبررك لشتم الناس
*دخلت البوست دا تحديدا بسبب القطعة الفي بداية البوست دا أدب جميل وثر ومافيهو شتيمة ولا بعتبرو مطاعنة زي ما فهمها مولانا
وزاخرة بالتراث
*الاساءات البتوزعها بكرم على الناس بتحز في نفسي وبتزعلني بشكل خاص لمعرفتي وعلاقتي بأخواتك الاتنين .
* أخيراً سؤال ع الماشي كدا ....هل الغلطات الاملائية في البوست دا متعمدة ؟
الامضا
غنامة
| |
|
|
|
|
|
|
|
|
|
Re: رضينا للصُلح ما لقينا البصالحنا !! (Re: Rawia)
|
الأخت الكريمة الأستاذة راوية
السلام عليكم
أولاً : لا بأس على والدتك ونسأل الله أن يععل ما أصابها كفارة لذنوبها وأن يرزقها الشفاء العاجل .
ُانياً : سواء أكان كلامك عن عدم زيارتي لوالدتك من باب اللوم والعتاب ، وقد نفيت ذلك لأنني لست بأخ أو صديق أو قريب ، أو كان من باب التشنيع وإظهار تقصير من يدعي إمامة السودانيين ، فاعلمي أنني غادرت الولايات المتحدة في التاسع من مايو 2010 م ولم أعد إليها إلا في التاسع من يونيو 2011 م أي كنت غائباً ثلاثة عشر شهراً وهي الفترة التي جئت أنت فيها ووالدتك إلى فرجينيا فلا تلومينني على شيء لم أحضره وليس لي به علم ، وإذا كنت في المنطقة وتسمحين لي بالزيارة فسأزورك وربما صححت لك الزيارة بعض ما يشاع عمداً عني ، على كل حال ستجدين الإينيل فاكتبي موافقتك أو رفضك عليه ، كذلك أود أن أنبهك إلى أنني لست إمام السودانيين وما تسمعينه هو من باب المكايدة وليس للسودانيين إمام ولكن ربما كلفوني أحياناً بإمامتهم في الأعياد وليس ذلك مقصوراً علي .
ثالثاً : قميص الدين ليس ضيقاً عندي كما تقولين بل فيه سعة ولكن ليس فضفاضاً يسع الساخرين به ويدير لهم خده الأيمن ، وليس عندي والحمد للله ظروف خاصة أفصل وفقها معتقدي ولا عندي شيء خاص مع الشيوعيات حتى يضايقنني وعندي علاقات مع شيوعيين كُثر ولكن موضع خلافي معهن أنهن يسئن إلى دين الله ، فإن كنت في شك من ذلك فارجعي إلى تسجيلات الندوة وستري مصداق كلامي . هل يباح لهن أن يستبحن حرمة دين يعتقد فيه أكثر من مليار ونصف المليار ولا يلومهن أحد ثم تأتون وتلومونني على قلت انهن من المتردية والنطيحة وما أكل السبع ، ما لكم كيف تحكمون ؟
رابعاً : أنا لا أناقش جورج في أمور الدين والخلاف بيني وبينه لا علاقة له بالدين ، وأنت لا تعرفين تاريخ هذا الخلاف فقد كنت أكتب في هذا المنبر قبل أن أُعطى الباسورد وما كنت أعرفه فيدخل بعد كل مقال أكتبه ويشتمني ماشاء الله له أن يشتم وهو يعلم أنني لا أستطيع أن أرد عليه وحتى بعد أن حصلت على الباسورد لم يحصل أن بدأته بشتيمة ولكنه يصر أن يبادأني رغم أني حذرته وحذّرت أمثاله بأن لي فرساً للخير بالخير ملجم وأن لي فرساً للشر بالشر مسرج . أرجعي إلى مداخلات جورج ولاحظي كمية الشتائم التي يشتمني بها ونوعها ومدى علاقتها بالبوست الذي أكتبه وشتائم جورج لكل من يختلف معه أو مع الحركة الشعبية مشهورة ، وأنا اتحمل شتائمه وكثير مما أكتبه له ليس فبه جديّة وإنما هي ( مكاوه )
خامسا : لا أدري أية غلطات إملائية تقصدين ، هل يمكن التوضيخ ؟
كنت خارج منطفة واشنطن وجئت في الساعات الأولى من الصباح ولذلك جاء الرد متأخراً .فمعذرة ، أرحو أن يثصل الحوار بيننا حتى يكون لومك لي عن بيّنة لأني أراك لا تعرفين تاريخ هذه المناكفات كذلك لعلك لا تعرفين أن هؤلاء الذين يهاجمونني عصابة ما كتبت شيئاً إلا جاءوا بحرابهم هاجمين لا يكلفون أنفسهم قراءة ما أكتب وإنما ينظرون إلى الكاتب وتصنيفه عندهم ثم بمدحونه أو يذمونه .
| |
|
|
|
|
|
|
|
|
|
Re: رضينا للصُلح ما لقينا البصالحنا !! (Re: Hashim Elemam)
|
عليك الله يا شيخ هيشو، الشكلو بتاع سجون فينا منو؟!
كدي ورينا إنت مطرود من المؤسسات أدناه ليه؟!:
1) مطرود من العمل في السفارة السعودية
2) مطرود من العمل في السفارة الليبية
3) مطرود من العمل في الأكاديمية السعودية
4) مطرود من العمل في السفارة الإمارتية
موش بدل المرمطة دي أخير ترجع لشغل المزارع الدخلت
بيهو أمريكا؟!
| |
|
|
|
|
|
|
|
|
|
Re: رضينا للصُلح ما لقينا البصالحنا !! (Re: النذير حجازي)
|
Quote: عليك الله يا شيخ هيشو، الشكلو بتاع سجون فينا منو؟!
كدي ورينا إنت مطرود من المؤسسات أدناه ليه؟!:
1) مطرود من العمل في السفارة السعودية
2) مطرود من العمل في السفارة الليبية
3) مطرود من العمل في الأكاديمية السعودية
4) مطرود من العمل في السفارة الإمارتية
موش بدل المرمطة دي أخير ترجع لشغل المزارع الدخلت
بيهو أمريكا؟! |
النذير أخوي.
مالك على الضلالي هاشم الإمام.
أنت ح تقلب مواجع كتيرة، خصوصا موضوع طرده من الاكاديمية السعودية ده.
أحسن تخليهو شوية. لغاية ما نشوف نهايتو شنو.
| |
|
|
|
|
|
|
|
|
|
Re: رضينا للصُلح ما لقينا البصالحنا !! (Re: النذير حجازي)
|
كتبت الأستاذة صوفيا حسن مخاطبة الكوز الضلالي هاشم الإمام في موقع الجالية:
Quote: لاحظت ضيق فى الأفق من بعض من يتبرعون بتوجيهاتهم للآخرين . مثال هذا الأخير الذى لم يخجل من شتائمه التى وجهها للمرأة التى كرمها الله . إن كان يعرف طريقا لله وهو الذى يكيل السباب للمرأة لربما لعقدة ما يعلمها من يقيمون معه فى حيزه الجغرافى ! وأمثال هؤلاء من الذين لايعرفون كيفية إستخدام المواقع الإسفيرية وكيفية الوصول إلى المعلومة يعتقدون أن المقال الذى يتوارى عن الأنظار يضيع فى الزحام ! وأسأل هذا ، هل هذا الموقع خصص لسب البشر كما فعل من قبل ، أم لشكر آخرين ؟!" إن كان يريد منهم خدمة " وهذا ماتلمسته من موضوعه الأخير الذى جاء باسلوب من الماضى ، عندما كان الشعراء يمدحون فينفحونهم بضع دريهمات ! أم أخال هذا الأخير " الجبهجى " الذى ربما أضير من شباب قرفنا " أو لأننا لم نمدح البشير كما فعل هو " راجعوا ماكتبه فيه الأستاذ/ أسامه خلف الله فى هذا الموقع "
أنا أحترم ماجاء به الدكتور / البدوى الذى قدم للقارئ الشعر والأسفار والموسيقى . فماذا قدمت أنت لتخاف أن يختفى . كنت أتوقع كل النساء فى حيزك الجغرافى أن يردوا عليك لتعرف قدرك وتعلم أن هناك حرمة للبشر ! ولكن أقول لك أن لا أحد رد عليك لأن ماكتبته مردود عليك ، فكل إناء بما فيه ينضح .
أعلم أن قلمك لايخرج مدادا بقدر مايخرج سموما ولكن مرحبا بكم ـ فلابد أن يقف أمامك من يلقمك حجرا كى تخرس . فمرحبا بما سيخرج منك من بذاءة ! وأنا الذى بإذن الله سأدخلك إلقفص الذى سيتصعب عليك الخروج منه .
أرى أنك تتحدث نيابة عن إدارة الموقع ، وهنا أقول لكم الساحة لكم ومبروك عليك الموقع لتكثر من شكر الناس ربما تجد بغيتك ولكن حذارا من أن تصيب إمرأة بجهالة فتصبحوا على مافعلتم نادمين . فإن فعلت فستجد منا مايردك إلى حجمك الطبيعى . هداك الله ! أدعو لك بالرغم من علمى أن الله يهدى من يشاء .
لك الساحة لتمدح البشير أو أيا من تمدح ، ولكن عليك أن تعلم أن زمن العائد من المديح قد ولى. كما أن من يسود هذا الموقع بمدحه للبشير سنلقى عليه العديد من " صابون قرفنا " عله يتطهر !
إن عدتم ، عدنا . |
يا ربي عقدة شيخ هيشو من المرأة شنو؟!
وما هي الأسباب التى يعرفها الناس عن شيخ هيشو
ويقيمون في محيطة الجغرافي؟!
| |
|
|
|
|
|
|
|
|
|
Re: رضينا للصُلح ما لقينا البصالحنا !! (Re: النذير حجازي)
|
يا النذير ودينق في حاجة نسيتوها كمان مطرود من جامعة أم القرى بمكة ، ومعهد اللغة العربية والدراسات الإسلامية التابع لجامعة الإمام في فيرفاكس ، وبعدين يا عشا البايتات السجن والاغتصاب دا ماإنت القلتو لي خبارو حقك بقى نصيحة وحقي بقى شتيمة ، وحكاية العقدة ، من النسوان ،،ي والله فتشت جاي وجاي ما عرفت السبب لاكين أسعلو منها القالت الكلام دا امكن تفيدكم أحسن مني ، وحكاية المزارع دي باقيلك بقدر عليها بعد دا ما خلاص رطبت وبقى لي جضيمات زي صاحبك ، ما تشوفو لي أكّان يشوف لي واحدة من الوظائف الطردوه منها قبال كدي بعني قبال ما يمشي الديش ويبقى من الرموز التي إذا تعرّض لها أحد تعرّض للعقوبة بالسجن حسب القانون الفدرالي ( نسخة ود الخليفة ): السفارة السعودية ، قصر الأمير بندر ، شركة البسام لليموزين , وعدد من المطاعم والدكاكين يطول ذكرها . ظاهر ‘نو الايميل حقك الجديد والتلفون وصلن لدينق وتم التواصل لأنو المعلومة بتاعت المزارع دي ما بعرفه زول غيره والله ما عارف الديامي العفريت دا عِرِفه كيف مع أنو حسب رواية علاء الدين ما جا لجوء سياسي ولا على المزارع . بالمناسبة إذا عايز معلومة أسألني مباشرة بدل التخبط مرّة لجوء سياسي ( المؤتمر الشعبي ) ومرّة مزارع !
| |
|
|
|
|
|
|
|
|
|
Re: رضينا للصُلح ما لقينا البصالحنا !! (Re: Hashim Elemam)
|
| Quote: وسنلتقي عند الخليفة الطيب الجد إن شاء الله لأريه تنكرك لأبجديات أدب الطريق |
عموما لك الشكر يا هاشم لتطرقك بالحديث عن أبينا
الخليفه الطيب الجد الشيخ العباس . خليفة الشيخ العبيد ودريا الما بسوِى النيه
ديل أبواتى البيهم بباهى والبشتاق ديمه لى ليموم
ولى ليم أبايا شوقى بكت عينايا
الله يجازى اللى كان سبب فى إبتعادى من قربهم
فى سنة 1991 وعند هجرتى لأمبركا ودعت أبانا الخليفه عثمان وأتذكر آخر كلماته لى,
| |
|
|
|
|
|
|
|
|
|
Re: رضينا للصُلح ما لقينا البصالحنا !! (Re: ABDALLAH ABDALLAH)
|
أنت جيت البلد دي وحصلت على إقامة بها عن طريق ورق المزارع. وأنت لم تعمل من قبل في أي مزرعة.
يعني أنت حصلت على الورق عن طريق التزوير.
نعم أنت مطرود من الملحقية السعودية، السفارة الليبية. ودي معلومات أي زول في واشنطن عارفها كويس.
أم كيف ولماذا تم طردك من الاكاديمية السعودية. فهذا موضوع سنتركه كطلقة أخيرة. أنو لو فتحنا الموضوع ده أمريكا ما
ح تشيلك تاني. فمن الأحسن لك أن تبطل قلة الأدب.
| |
|
|
|
|
|
|
|
|
|
Re: رضينا للصُلح ما لقينا البصالحنا !! (Re: Deng)
|
يا لُكع القاليك منو أنا ما اشتغلت في مزرعة ، أنا أصلاً تربال كنت بزرع البصل وباكل أم شعيفة ، وأم تكشو ، وأم بقبق ، والبربورالمكشن ، بعدين مشيت الجزيرة بقيت ألقّط القطن و آكل الكول ، والويكاب ، إنت قايل براكم بتشتغلو الشغلات دي ! بعدين لما قالو لازم الواحد يكون عنده شهادة ثانوية عشان يهاجر لأمريكا قمت زوّرت لي شهادة زي ما إنت سويت وجيت كاسح ، بعدين أيّدت الحكومة الإرهابية في الخرطوم عشان يكون عندي بلد أرجع عليهو إذا اكتشفوا إني مزوّر شهادة ! عليك الله ماني شاطر .
جمهور القراء يطالبونك بالكشف عن أسباب طرد هذا الإمام الضلالي من الأكاديمية السعودية وكيف استطاع بعد ذلك أن يشتغل في المعهد السعودي ثمانية سنوات ثم السفارة السعودية ثلاث سنوات . الزول دا كجور وللا عندو عروق ! والله سلوكو القتو دا ما يشبه إلا سلوك الناس الأنجاس المناكيد !
| |
|
|
|
|
|
|
|
|
|
Re: رضينا للصُلح ما لقينا البصالحنا !! (Re: Hashim Elemam)
|
الكوز الضلالي. أنت ح تغضب وترد بي كلام فارغ، لكن بتلقاني قاااعد لك بالحقائق التي ترتعد منها.
ما بهمنا كنت شغال شنو في السودان. لكن البهمنا أنت حصلت على ورق عن طريق المزارعين بأمريكا.
ياتو يوم أنت أشتغلت مزارع بأمريكا أيها الإمام الغشاش المنافق؟ ياتو يوم؟
لو حادثة المدرسة السعودية لو كانت حصلت في مدرسة أمريكية لكان مصيرك السجن والتسجيل في ذلك السجل المرعب.
يا رجل أحسن لك تختشي وتحترم نفسك وتلم باقي كرامتك. ده لو فضل فيها حاجة أصلا.
| |
|
|
|
|
|
|
|
|
|
Re: رضينا للصُلح ما لقينا البصالحنا !! (Re: Deng)
|
وكت الحكاية دي بتودين السجن والتانية بتمرقني من أمريكا منتظر شنو ما ليكم زمن بتفتشو في شيتاً تشتكوني بيهو ماتراكم لقيتو منتظرين شنو يا وحيد أُمو ما تلكعو تشكوني .
نكرر طلبنا بفضح الإمام الضلالي وبيان سبب فصله من الأكاديمية .
| |
|
|
|
|
|
|
|
|
|
Re: رضينا للصُلح ما لقينا البصالحنا !! (Re: Hashim Elemam)
|
الأخت الكريمة الأستاذة راوية
رمضان كريم وكل عام وأنت بخير ، أرجو قراءة البوست الذي فتحته في منبر الجالية ( ساكدو ) وتعليق إحدى المتداخلات ، ثم نقل دينق هذا البوست إلى سودانيزونلاين ، فاقرئي ثم انظري هل هناك علاقة بين ما كتبته وبين المداخلات أم أنهم يسعون إلى الشتيمة وبس .
هذا الإيميل إن أردت التواصل :
[email protected]
| |
|
|
|
|
|
|
|
|
|
Re: رضينا للصُلح ما لقينا البصالحنا !! (Re: Hashim Elemam)
|
هسع دي يا مستر جورج بقى عندكم ثلاث قضايا خطيرة :
1- الإساءة للجيش الأمريكي ممثلة في الإساءة للجنرال دينق / سلاح الخدمة
2-العشاء في بيت السفير السوداني بواشنطن .
3- الدخول إلى الولايات المتحدة بأوراق مزوّرة .
أيّة قضيّة من هذه القضايا كفيلة بأن تريحكم مني فماذا تنتظرون ؟
| |
|
|
|
|
|
|
|
|
|
Re: رضينا للصُلح ما لقينا البصالحنا !! (Re: Hashim Elemam)
|
Quote:
هسع دي يا مستر جورج بقى عندكم ثلاث قضايا خطيرة :
1- الإساءة للجيش الأمريكي ممثلة في الإساءة للجنرال دينق / سلاح الخدمة
2-العشاء في بيت السفير السوداني بواشنطن .
3- الدخول إلى الولايات المتحدة بأوراق مزوّرة .
أيّة قضيّة من هذه القضايا كفيلة بأن تريحكم مني فماذا تنتظرون ؟ |
مالك نسيت أسئلتو عن اسباب فصلك من السفارة الليبية والسفارة السعودية والأكاديمية السعودية والمعهد الاسلامى؟؟؟؟
يا ملطشة السفارات العربية؟؟؟؟؟
يبدو إنهم ماسكين عليك حاجة تكسف...
وبعدين حكاية الشتائم انت البديتها قبل سنوات ايها الإمام الضلالى وتماديت فى شتائمك لذلك نذرت نفسى ان لا اتابع هترشاتك..
قال نطيحة قال!!! يا للفضيحة!!!
نورالدين منان
| |
|
|
|
|
|
|
|
|
|
Re: رضينا للصُلح ما لقينا البصالحنا !! (Re: Hashim Elemam)
|
مولانا هاشم
وتصوم وتفطر على خير إنت وأسرتك
وشكرا على الرد وفي غاية الاسف (دخلتني في ضفوري) لاني ظلمتك وتاني متأسفة ومرحب بزيارتك وأنا ووالدتي لينا عظيم الشرف
للاسف لضسق ظروفي الان مابقدر اسهب في الرد
لكن هاك دليل واحد بالنسبة لنقل ببوست منبر الجالية إنه مافي زول دخل ولا شارك فيه ودا رفض مؤكد للتصرف دا
| |
|
|
|
|
|
|
|
|
|
Re: رضينا للصُلح ما لقينا البصالحنا !! (Re: Rawia)
|
Quote: هسع دي يا مستر جورج بقى عندكم ثلاث قضايا خطيرة :
1- الإساءة للجيش الأمريكي ممثلة في الإساءة للجنرال دينق / سلاح الخدمة
2-العشاء في بيت السفير السوداني بواشنطن .
3- الدخول إلى الولايات المتحدة بأوراق مزوّرة .
أيّة قضيّة من هذه القضايا كفيلة بأن تريحكم مني فماذا تنتظرون ؟ |
الضلالي المنافق.
وجه كلامك ده للشخص الذي قال لك بأنه سوف يقاضيك.
أنا لا أنقل مثل هذا المواضيع وأناقشها بهذا البورد.
لأن هنا ليس مكانها.
| |
|
|
|
|
|
|
|
|
|
Re: رضينا للصُلح ما لقينا البصالحنا !! (Re: Abdelmuhsin Said)
|
ع بد "المحزن" ودملاح "الشرموط" ما كفاك الهبر من "سك" العملة ... حنكشف اوراقك يا عجوز "سك" العملة... لو جيت امريكا بترجم ليك وساختك وكضبك يا بتاع سك العملة... رمضان كريم...
انا وراك والزمن طويل وخلاص انقاذكم زمنو ولى ايها الكوز العجوز...
نورالدين منـــــــان
| |
|
|
|
|
|
|
|
|
|
Re: رضينا للصُلح ما لقينا البصالحنا !! (Re: Mannan)
|
Quote: ع بد "المحزن" ودملاح "الشرموط" ما كفاك الهبر من "سك" العملة ... حنكشف اوراقك يا عجوز "سك" العملة... لو جيت امريكا بترجم ليك وساختك وكضبك يا بتاع سك العملة... رمضان كريم...
انا وراك والزمن طويل وخلاص انقاذكم زمنو ولى ايها الكوز العجوز...
نورالدين منـــــــان |
الأخ نورالدين منان , رمضان كريم وتحياتنا لك وللأسره الكريمه.
عندما تمَ ضم دار سك العمله الى بنك السودان إنتدب الأخ العزيز والنقابى الكبير
أحمد عبدالله محمد خير كمدير عام وإختار معه عدد من موظفى البنك كان من ضمنهم
الأخ عبدالفضيل إبراهيم والموجود معنا حاليَا فى واشنطن.
أصبحت سك العمله واحده من إدارات البنك , وبحكم وضعى النقابى فى ذلك الحين
كنت أعرف جميع موظفى وموظفات البنك ودرجاتهم والوظيفيِه , أنت تقول عبدالمحسن
العجوز كموظف قديم فى سك العمله لا أتذكر شخص بهذا الإسم فى ذلك الحين.
إطَلعت على مداخلة عبدالمحسن فى هذا البوست والتى تطرقت الى شخصكم الكريم
بالهمز واللمز لكننى لم أستغرب لذلك فهذا واجبه والمفترض أن يؤديه
وعلينا أن نتحمل الأذى ونفوِض أمرنا لله فهو الحكم العدل.
ربنا يديك العافيه وينصرك على الظلمه والمعتدين.
| |
|
|
|
|
|
|
|
|
|
Re: رضينا للصُلح ما لقينا البصالحنا !! (Re: ABDALLAH ABDALLAH)
|
صديقنا العزيز عبدالله مولانا
قرأت كيف حاول الإمام الضلالى استرضاءك بالحديث عن اجدادك الميامين وتهديده المبطن لك بأنه سيقلب لك ظهر المجن..جاء ذات مرة عائدا من خرطوم الإنقاذ متوعدا لنا بأنه يحمل فى جعبته المثير الخطر وضحكنا عليه فقد عاد ب"صرماية" أقدم من خفى حنين وحاول بأقزامه من أمثال ع ـبد المحزن سعيد ودملاح الشرموط الذى يشير ملفه الى انه عمل بسك العملة ليردح ويؤلف القصص الباهتة كأحاديث امامه الوهابى الإرهابى ظنا منه انه سيقتل مربعا وخاب ظنه.. بعد نازلة الإنقاذ يا صديقى زحف هؤلاء القوم كالجراد على الأخضر واليابس وكان معمل سك العملة من الأماكن الخضراء التى زحفوا عليها عندما كان الدولار الأمريكى يساوى اربعا من جنيه السودان حتى وصلوا بالدولار الى اربعة آلاف (من اربعة الى أربعة آلاف)... حدث كل هذا عندما تسرب السوس والدود الى معمل سك العملة قبل عقدين من الزمان فصاروا يطبعون العملة على كيفهم ويغسلون اموال مخدرات افغانستان واموال المافياحتى صار السودان فى ذيل دول العالم فى قائمة الشفافية الدولية... سنكشف عورة نظامهم ولن يضير القافلة نبح الكلاب..
وفى انتظار هذا الع ـبد المحزن ود ملاح الشرموط بتاع "سك" العملة...وإمامه الوهابى الإرهابى الضلالى بتاع المتردية والنطيحة وما أكل السبع من نساء واشنطن!!!!!
نورالدين منان
| |
|
|
|
|
|
|
|
|
|
Re: رضينا للصُلح ما لقينا البصالحنا !! (Re: Mannan)
|
سلام يا منان، يا منان والله عجبتني بتأديبك لهذا النكرة المسمي نفسه عبد المحسن
فعلى ما أعتقد بأنه اسم وهمي ولا وجود له، ويسخدمه حثالة الكيزان للنيل من الشرفاء
فهذا العبد المحسن، دائماً يلاحق الشرفاء مثل المناضل على عجب.
تحياتي ورمضان كريم
| |
|
|
|
|
|
|
|
|
|
Re: رضينا للصُلح ما لقينا البصالحنا !! (Re: Mannan)
|
يحكى التاريخ ان القرامطة وزعيمهم حمدان بن قرمط أخذوا الحجر الأسود بالقوة الى اليمن واحتفظوا به اربعين عاما الى ان اعاده احد خلفاء بنى امية ومثله ناس "سك" العملة فى عهد الإنقاذ ...وبعد ان كان دور صك العملة محصورا فى صك العملات المعدنية وبعد وفاة العملات المعدنية من فئة المليم والتعريفة والقرش والفرينى (القرشين) والشلن والريـال ايام الطرحة بشلن... بعد موت العملات المعدنية فى عهد الإنقاذ بدأ الكيزان فى تحويل "سك" العملة الى طباعة العملة الورقية فبدأوا بالطباعة فى مليزيا ثم استجلبوا مكينات لطباعة العملة بدون رصيد من الذهب والعملات الصعبة وبدأ الطبع والتخزين فى منظمة الدعوة وبعدها أخذوا يتداولون الماكينة بالدور بين المسؤولين الكبار وهاك يا طباعة... ترى اين كان الفأر عب ــد "المحزن" سعيد ودملاح "ام رقيقة" - مجاملة لدكتور بلة موسى - وهل كان يعد فى العملات الورقية بعد موت العملات المعدنية التى اقيم من اجلها مصنع صك العملة؟؟؟؟؟ طبعا اصبح من سكان العاصمة ونسى اهله الطيبين فى قرية "شلعوها الخوالدة"... سبحان الله... الماكينات حترجع لمكانها زى الحجر الأسود ايها فئران الإنقاذ...
نورالدين منان
| |
|
|
|
|
|
|
| |
Hashim Elemam
HAIDER ALZAIN
محمد البشرى الخضر
Balla Musa
تبارك شيخ الدين جبريل
النذير حجازي
nazar hussien
Mannan
ABDALLAH ABDALLAH
Abdelmuhsin Said
Rawia
Deng
فيس بوك
تويتر
انستقرام
يوتيوب
بنتيريست