|
كتب الكاتب الفاتح جبرا المتوفرة بمعرض الدوحة
|
|
 Re: كيف بدت الخُرْطوم اليوم صبيحة أوّل أيّام الإسْتِفْتاء (صور) (Re: علاء الدين يوسف علي محمد)
|
يا علاء
الله يفتحها عليك دنيا وآخرة
قول آمين
الصور دي انا ختيتها في الباك قراوند بتاع الكومبيوتر (اي في الشاشة)
وكل ما انزل الويندوز تحت بلقي عندي نافذة مفتوحة من السودان
والله كأني في السودان وبكون متنشن وعايش اللحظة
انشاء الله ما نعدمك ياخ
ويمين اي صور تنزلها من الخرطوم بتفرحنا للطيش
انشاء زبالة في الشارع بنفرح بيها
والله صحي
ياخ ما شفت البرد والضباب عامل فينا شنو؟؟؟
شكرن يا علاء ومتابعين معاك
وقبل كده مشاقين والف حمدآ لله علي والدتنا
| |
  
|
|
|
|
|
|
|
 Re: كيف بدت الخُرْطوم اليوم صبيحة أوّل أيّام الإسْتِفْتاء (صور) (Re: ASHRAF MUSTAFA)
|
أبو الشُّوش يا حبيب
سلامات و كتّر خيرك على السُّؤال عن الوالدة
هي في أحسن حال الحمد لله تشْكُركم لدعواتكم لها
تعرِف يا أبو الشُّوش
لِسّع في كِميّة من الصُّور لكن فترتا عديييييييييييييل
ياخي في صور لإمتداد شارع النّيل الجّديد بعد الفِلل الرّئاشية و قُبالة بُرج الإتِّصالات و يظهر فيها نفق كُبْري المنشيّة الجديد
ياخ مُبالغة
لي وقت تاني إن شاء الله
| |
|
|
|
|
|
|
|
|
|
Re: كيف بدت الخُرْطوم اليوم صبيحة أوّل أيّام الإسْتِفْتاء (صور) (Re: علاء الدين يوسف علي محمد)
|
يا علاء ... هذا تبسيط مخل لحدث تاريخي سيتأثر به كل سوداني أينما كان ...
لا تنسي أقل ما يمكن ان يقال عن صورك هذه ... بعض الأسفلت في هذه الشوارع .. هو من زفت بترول الجنوب
هذه السيارات في الغالب أنها تسير ببترول من الجنوب
بعض هذه المباني قد نبتت بعوائد من بترول الجنوب ... و بعض هذه المنشآت .. بناها عمال من الجنوب ..
هذا إستفتاء ... و ليست قنبلة ذرية تهدم المباني بالخرطوم ....
لكن أثر هذا الإستفتاء و ما يليه من إستقلال دولة الجنوب .. له أثر أبلغ من إنفجار القنبلة الذرية .. لشهور و سنين و عقود قادمة ..
فاليابان علي صغرها كدولة .. تم ضربها بقنبلتين ذريتين .. و لم تتفتت أو تتشظي أو تنقسم ... و صمدت لتعود قوة إقتصادية عالمية ضاربة ..
الإستفتاء هو بداية تشظي و تفتت دولة السودان .. أكبر دولة في أفريقيا و العالم العربي ....
و لا يدري أي سوداني أين سيتوقف هذا التفتت ...
ربما ستظل جدر المباني بالخرطوم و شوارعها المسفلتة تجري فيها السيارات ...
لكن السودان سيتغير جذريا و الي الأبد .... بعد الإستفتاء ..
| |
|
|
|
|
|
|
|
|
|
Re: كيف بدت الخُرْطوم اليوم صبيحة أوّل أيّام الإسْتِفْتاء (صور) (Re: Mohamed Suleiman)
|
مُحمّد سُليمان
The blood Oil you mean
أو كما كان يُطْلق عليه
بعد أن أخفته أمريكا و أخرجته الإنْقاذ
البترول البتعيرنا بيهو دة صرفنا أضعاف أضعافه على الجّنوب وقت لم يكُن يملك غير ماء النّيل
أمّا أرضنا فيكفيك إن قُلت لك أن شركة واحدة إكتشتفت قبل أيّام في مكان واحد 60 طن ذهب و 300 طن نحاس
و بالأمس الحديد و الفوسفات 100 مليار طن بالشّماليّة
و عييييييييييييييييييييييييييك
و الكرّار علي جاييك بالزِّراعة
يا زول ما تشي همّنا
و ابْحث لك عن حِصان طراودة آخر
| |
|
|
|
|
|
|
|
|
|
Re: كيف بدت الخُرْطوم اليوم صبيحة أوّل أيّام الإسْتِفْتاء (صور) (Re: Mohamed Suleiman)
|
مُحمّد سُليمان
ستبور بِضاعتكم و ستخسر تِجارتكم
فرمالة الإبادة تاني ما بتشيل
ساعدتكم عليها الحركة قبيل لشيئ في نفسها حقّقته اليوم بعد أن إستغلّتكم إسْتغلال بشِع و نكّلت بِكم
و أهو تلفون كوكو قِدّامك و ركلها لسودانها الجّديد واضح للعيان
أمّا نغمة تقرير المصير
فدي تلعب غيرها يا حمادة
هذا الصّوت المبحوح لن يسمعه لك أهل دارفور أبداً
و تعلم أنّك لا تُمثِّل بكُل ثِقلك القبلي و الجّهوي إلا نِسْبة ضئيلة لن يعلو لك صوتاً بها
و لك أن تسمع حديث "شيخك" التُّرابي في بوست فتحته أنا اليوم
Re: تبكوا دمْعاً أو دماً ، أنْتُم في نظرِهمْ "مندو...يودُّون الخلاص مِنْك
أمّا خيراتنا فهي أمرٌ لا ريب فيه
ذهب يُكْتشف بعوامل التّعرية في كل أواسط و شمال و شرق السُّودان
و البترول مساجته أكبر من مساحة بترول الجّنوب
بالمُناسبة و الكلام دة بيني و بينك
دارفور لحدي هسِّي ما لقو فيها ولا برميل واحد من البترول
و لن نضِن عليهم به فهُم أهلنا شئت أم أبيت
حكاية الكديسة و المشعليب دي ذكِّرني ليها 2019 عليك الله
حينما لا يجد الجّنوب من مواد سائلة حوله غير مياه النّيل
| |
|
|
|
|
|
|
| |
علاء الدين يوسف علي محمد
مزمل خيرى
ASHRAF MUSTAFA
Mohamed Suleiman
محمد على حسن
السمانى عمارة
Ahmed musa
فايزودالقاضي
MOHAMMED ELSHEIKH
فيس بوك
تويتر
انستقرام
يوتيوب
بنتيريست