|
كتب الكاتب الفاتح جبرا المتوفرة بمعرض الدوحة
|
|
 Re: اندم علي الحلم اللي راح واطفي الشموع وابكي النهاية (Re: khaleel)
|
يوم في يوم غريب
فيهو الشمس لمت غروبها وسافرت
بانت نجوم متفرقه زي الدموع
فى خد حبيب ودع حبيبتو السافرت
والليل ضفاير حزنو مداها الألم
زي التقول عارف النهاية القاربت
والكون حزين خايف الهجير
شايف الربيع غابت شهورو وهاجرت
شفت الفريق ضامي الفرح
فى دار حبيب ضميتو في قلبي الحنين
ماتت خطاي ... ضاع الأمل
واحترت في خوفي الدفين
عاينت لقيت الحبيب في عرشو
في تاجو الحزين
حولوا العيون فيها الفرح
بس الفرح في عيونو ماقادر يبين
والدمعة في عيني بتودع طيف حبيب
خلاهو لي قدر السنين
واشتقت لي طيف الدموع
ومشيت طريق اسمو المصير
ودعت زهرات الأماني
ورجعت لي ألمي الكبير
حسيت شعور الراهب السار السنين
مشتاق يفتش ليهو دير
لمن تعب سالت دموعو علي الدرب
خاف الأمل كره المسير
يا حبي عيش
كلمات خطاب من الحبيب كان النهاية
حرفو الدموع سطرو النحيب
والحسرة كانت فيهو غاية
خلاني اغرق في المصير
وانا لسه عايش في البداية
أندم علي الحلم اللي راح
واطفي الشموع وابكي النهاية
| |
  
|
|
|
|
|
|
|
|
Re: اندم علي الحلم اللي راح واطفي الشموع وابكي النهاية (Re: معاوية الزبير)
|
هاردلك أبو خليل
فاليوم كان القدر قدرنا ، و الجرح عميق.
فعمق الجرح آتي من أن الفريق فعل كل شئ إلا أن الحظ عانده
و القائم نكره و الحكم ذبحه.
أما قدرنا أن يفرح الصهاينة أصحاب النجمة و يحزن الطيبون اصحاب الهلال.
و يا لها من بلاء، و البلاء يصاب بها النبلاء أصحاب الشدائد
فاصبر أخي فإن الفرح قادم بإذن الله
| |
|
|
|
|
|
|
|
|
|
Re: اندم علي الحلم اللي[B] راح واطفي الشموع وابكي النهاية (Re: khaleel)
|
هاردلك يا خليل..
الله يكفينا شر غبينتكم..
أعيب عليك وعلى جموع الأهلة..التسرع في الحلم..
لو فاكر قبل كدا قلت ليكم الهلالاب عاملين زي العانس الخطبوها..طوالي تاني يوم للخطوبة
اشترت ملابس المولود...
معاك يا خليل والله .. وحاسي بيك.. لأنه الفرصة كانت كبيرة ليس فقط لكسب هذه المباراة والتأهل
بل لكسب البطولة ... حيث أن الفتح الرباطي نكرة حتى على مستوى الكرة المغربية..
معكم نعض على أصابع يد واحدة ... بينما نضع الأخرى على قلوبنا خوفاً من لقائكم يوم الخميس
الله يسترها معانا..
ولو غلبناكم .. هاردلك مقدماً..
| |
|
|
|
|
|
|
|
|
|
Re: اندم علي الحلم اللي[B] راح واطفي الشموع وابكي النهاية (Re: khaleel)
|
| Quote: ماذا قدم الممتاز للكرة السودانية وما فائدته |
معاك حق يا خليل..
كمان ناس اتحاد عيسى حياتو زادوها عدم جدوى بإشراك 4 فرق من السودان..
يعني هلال مريخ طواااااااااالي حا يكونوا قادننا بخيبات الآمال العراض..
من الأبطال للكونفدرالية ... ويا قلبي لا تحزن..
هاردلك..
وياها حال كورتنا..
حاجة بنكهة سودانية خالصة..
تماماً زي لما تمشي مطعم سوداني وتقعد تطلب في المأكولات السودانية
وتتناولها بلذة وتاكل لما تعرق وتحمد الله..
في المقابل تجد نفسك مضطراً للذهاب إلى مطاعم فاخرة ومجبور تاكل فيها بالشوكة والسكين
طعام بمواصفات عالمية .. بينما يشتهي لسانك في ذات المطعم أم رقيقة والنعيمية وحتى أم فتفت ..
| |
|
|
|
|
|
|
|
|
|
Re: اندم علي الحلم اللي[B] راح واطفي الشموع وابكي النهاية (Re: khaleel)
|
الحقيقة المرة
ان الهلال لم يقابل فرق من الوزن الثقيل في هذه البطولة
جيش النيجر اتحاد ليبيا دجوليبا المالي في دور الثمانية
وهي فرق تعبانة
في دور 32 ايضا قابل فريق ضعيف ايضا
واتي المحك مع فريق قوي وهو الاسماعيلي
وهنا ظهر اننا بنيننا قصور من رمال
وهبط الهلال للكونفدرالية واليوم كان ايضا اختبار مع فريق قوي
وايضا فشل الهلال
وقبضنا الريح قبضنا الريح
| |
|
|
|
|
|
|
|
|
|
Re: اندم علي الحلم اللي[B] راح واطفي الشموع وابكي النهاية (Re: khaleel)
|
الاخ خليل
كفي حزنا اخي ،،،
ان العين لتدمع وان القلب لينزف ولكن ماذا عسانا ان نفعل ؟
تلك هي حال كرة القدم ، يوم لك ويوم عليك
ويوم بكرة جميل ابدا لا اتغرب لا مسافر باكر ضواي
ان كان الحزن كبيرا يااخي فذلك لان الامل كان اكبر
شكرا للهلال الذي اعطانا الفرح ولو الي حين
شكرا لفتية الهلال الذين يذلوا الغالي والنفيس لنثر الفرح المهاجر
هون عن نفسك اخي خليل ففريق القرن في افريقيا لم يصعد لمنصات التتويج الا في الثمانينات
وتذكر دوما ان الهلال قد زرع في نفوسنا الفرح والامل ورفع رأسنا عاليا
واصبح اسما معروفا في افريقيا وحتما سنعلوها هامة المجد
اما اولئك الشامتين فيومهم قريب ولن نتخلي عن الهلال ابدا
| |
|
|
|
|
|
|
|
|
|
Re: اندم علي الحلم اللي[B] راح واطفي الشموع وابكي النهاية (Re: عبدالله ابوشوارب)
|
استغفر يا خليل, انت ما مؤمن ولا شنو
..
كان لحظات حزينه جدا بالنسبه لى ..
ديمبا لو ختوها ليهو مية مره وقال ليهو ضيعها ما بقدر
بشه عمل اى حاجه وعدى من المدافع بى حرفنه عاليه ومفروض يختها فى الحته الفى مزاجو ..
البلنتى بتاع سادومبا مافى حكم فى الدنيا ممكن ما يعده
مهند الطاهر بيتمنى الكور الزى دى فى رجلو الشمال
كان مفروض الشعب السودانى يفرح شويه يا خليل ..
وكنا حنفرح معاكم ..
نستحمل لزوجة وعدم نكهة الغالب الاعم من الرشاشات ونفرح معاكم..
ولكن, وبعد ضياع الحلم بتاعكم
وللامانه كده
ما حنبكى معاكم موضوع النهايه ده
تحياتى وهاردلك
| |
|
|
|
|
|
|
|
|
 Re: اندم علي الحلم اللي[B] راح واطفي الشموع وابكي النهاية (Re: عبدالعزيز الفاضلابى)
|
هارد لك يا خلي ...
ده مستوى الكورة في السودان .. وبالرغم من كده .. الهلال هو أحسن فريق في السودان حالياً ..
الحظ عاند .. والتسرع والحماس الزائد أدى لضياع الفرص امام المرمى ..
واضح إنه الشباب كانوا مصرين على تحقيق الفوز .. لكنهم ما قدروا يستغلوا الفرص بشكل جيد ..
والجاي أحلى بإذن الله .. ما تفقد الأمل يا خليل ..
النتيجة الحقيقية للمبارة هي 4 - 1 لصالح الهلال ..
الهدف + ضربة الجزاء الواضحة وضوح الشمس + فرصتين دربكة داخل خط ستة ضاعوا من الهلال .. واحدة من المدافع المتهور .. والتانية من بشة .. ده غير كورة هيثم في العارضة ..
وقون الصفاقيسي كان مفروض يكون من الفرصة الضاعت من مهاجم الصفاقسي في بداية المبارة ..
وهي الفرصة الوحيدة ليهم طوال المبارة ...
الصفاقيسي كان في أسوأ حالاته امبارح .. كان منتهي ومستسلم عديل كده ..
وكانت الفرصة كبيرة لفتية الهلال .. لكن نقول شنو بس ... الله غالب ...
| |
|
|
|
|
|
|
|
|
|
Re: اندم علي الحلم اللي[B] راح واطفي الشموع وابكي النهاية (Re: khaleel)
|
والله يا خليل (دون شماته هي جوهر واصل بداخلي تجاه الهلالاب)
انت الوحيد التستحق الواحد يقيف ويقول ليك هاردلك لانو بالجد
انت الوحيد (برضو) الوقع ليك انو المشكلة مشكلة معرفة وتقدير
للمباريات الكبيرة (الادوار المتقدمة والنهائيات) ولانو برضو
حاسي (الله يعلم) بانو انكسار العشم وضياعو حار وحار جداً.
هاردلك يا صاحبي
وياخ ما تخليك رقيق كده
وحاة الله الهلال ده يكتلك .
| |
|
|
|
|
|
|
|
|
|
Re: اندم علي الحلم اللي[B] راح واطفي الشموع وابكي النهاية (Re: محمد الامين احمد)
|
Quote: للمباريات الكبيرة (الادوار المتقدمة والنهائيات) ولانو برضو
حاسي (الله يعلم) بانو انكسار العشم وضياعو حار وحار جداً.
|
سفيان
عيد سعيد وعمر مديد
الهلال عقدنا
87 تيم زي الرصاص تعثر في امدرمان مع الاهلي القاهري ورجع تعلل بي لاراش في القاهرة
92 صمود في المغرب وانهيار في اخر ثواني
هذا ما كان من امر النهائي
وفي دور الاربعة هذه (خبطة) تالتة
تعبنا ياخ من الهلال
| |
|
|
|
|
|
|
| |
khaleel
محمد المختار الزيادى
omer osman
فايزودالقاضي
محمد الامين احمد
معاوية الزبير
عبدالله الشقليني
عبدالكريم الامين احمد
Mahmoud Mustafa Mahmoud
السمؤال بدرالدين
عبدالمجيد المقابل
البدري عبد الله
محمد حيدر المشرف
عبدالعزيز الفاضلابى
عبد الله كسلا
منتصرمحمد زكى
عواطف ادريس اسماعيل
امير عوض الجمري
سفيان بشير نابرى
فيس بوك
تويتر
انستقرام
يوتيوب
بنتيريست