|
|
|
 Re: حمد الريح قامة سامقة عظمة سايق بنطون والناس سايقة مراكب! الله يديك العافية يا أصيل! (Re: هاشم نوريت)
|
Quote: جنى اليومين ديل دايب دوبان
الله يديك العافيةوالتحية للفنان حمد الريح
رمضان كريم ياجنى |
..
ورمضان كريم أخ هاشم نوريت
خالص الدعوات للأخ جني بالصحة والعافية وإن شاء الله تاني ما إشوف شر
في رأي الشخصي أن الأخ جني أرهقه هم السودان ومآلات أحواله المرتقبة ..
فمن بلدنا المكلوم المسمى السودان لم يبق لنا غير لحن جميل يردده حمد الريح
أو غيره من أهل الفن ليبعث في نفوسنا الإحساس بانتمائنا لهذا السودان الكبير
..
الرحيل مهداة لجني
| |
 
|
|
|
|
|
|
|
|
Re: حمد الريح قامة سامقة عظمة سايق بنطون والناس سايقة مراكب! الله يديك العافية يا أصيل! (Re: طه إبراهيم عبد الله)
|
جني: رمضانكم كريم:
شفت الحلقة بتاعة حمد الريح واستغربت ...
كيف يحتمل انسان ترديد نفس الكلام لمدة قد تفوت التلاتين سنة؟
نفس اللحن !نفس الليركس! نفس الطلعة! نفس النزلة! نفس النفس! نفس الصولة!،
أكتر من تلاتين سنة يا جني!! تكرار نفس الغنية!،
لا أرض الجناين ياها أرض الجناين لا توتي ياها توتي، لا خضرة النيلين ياها خضرة النيلين.
يا أخي ده اكبر دليل علي انو الإنسان ده تكوينو غير مجدد وبالتالي غير مبدع ، أو يخاف التجديد وبالتالي غير مبدع :
الفن يا جني ما الحلقومجية: الفنان اذا ما كان قلق من شأن الجديد والإبتكار فعليه أن ياكل عيش في اسواق تانية فـ غنا أكل العيش و الفن لا يستويا في قفة واحدة يا جني (راجع مصطفى سيد أحمد)!!
| |
|
|
|
|
|
|
|
|
|
Re: حمد الريح قامة سامقة عظمة سايق بنطون والناس سايقة مراكب! الله يديك العافية يا أصيل! (Re: jini)
|
شكرا لكل الاحباب الذين مروا من هنا
اضافة واضاءة مهمة من بروفيسر عثمان سيداحمد
Quote: حمام الوادى يا راحل صغارك مشتهين ترجع تضم العش بحنية!
يا سلام عليك يا رمال حلتنا وانت تكتب عن الفنان الشامخ ابن توتى حمد الريح. لقد عاصرنا بدايات الفنان حمد و نحن طلاب فى جامعة الخرطوم العريقة حيث كان الاستاذ احمد يعمل موظفا فى مكتبة جامعة الخرطوم الغنية بأمهات الكتب فى شتى أنواع العلوم والاداب و التى لا شك ان الاستاذ حمد قد شرب من معينها مما انعكس فى ثقافته العامة و الفنية خاصة فى اختيار الاعمال و الكلمات المعبرة . لقد كان يطلق على حمد فنان الجامعة فى بداية عهده و لقد كان حمد فعلا فنان الجامعة و كثيرا ما أحيى حفلات غنائية لاتحاد طلاب جامعة الخرطوم و برفقة العندليب الراحل بادى محمد الطيب . أغنية حمام الوادى و يا حليل الراحوا خلو الريح تنوح فوق النخل . . . ( قصيدة رحيل اهل حلفا) لهما مكانة خاص فى نفسى و كثيرا ما كنت استمع لقصيدة الرحيل و انا فى اول ايام غربتى كطالب دراسات عليا بجامعة كلفورنيا فى أوائل السبعينات. رحم الله الشاعر سليمان عبد الجليل و أ طال الله عمر الأستاذ الكبير حمد الريح. أ تمنى ان يعى الجميع معنى قصيدتى حمام الوادى و الساقية
الساميتين. تحياتى يازول يا رائع |
جنى
| |
|
|
|
|
|
|
| |
jini
هاشم نوريت
فيس بوك
تويتر
انستقرام
يوتيوب
بنتيريست