Post: #1
Title: حمد الريح قامة سامقة عظمة سايق بنطون والناس سايقة مراكب! الله يديك العافية يا أصيل!
Author: jini
Date: 08-18-2010, 02:04 PM
حمد الريح
صوت جميل متفرد غاية فى الحنية عشقناه منذ نعومة اظفارنا حيث كانت غالبية اناشيدنا المدرسية والتى كنا نسميها المحفوظات فى مراحل الدراسة الاولى تستوحى الحان حمدالريح . حمد ساهم فى صياغة وجداننا الغنائى منذ نعومة اظفارنا القمنا الحنية امتدادا لتلك التى رضعناها من اثداء امهاتنا فصارت الحان حمد كطبيخ الام نحن الى مذاقه حيثما ذهبنا!
قضيت سنين الطفولة الباكرة فى المحطات بين قضبان السكة الحديد وصافرات قطار البخار الحنينة حيث درست الابتدائية حيث حفظنا اناشيدنا المدرسية بترنيمات ورتم صوت حمد فغدا صوته امتدادا لتلك النوستالجيا وخلقية لبانوراما الطفولة الرائعة التى شكلت وجدانني العاطفى ووجدان ابناء جيلى!
عشنا زمنا طويلا على امتداد سنوات العمر وصوت حمد يجمل حياتنا تضج به ميكرفونات المهرجانات وصالات السينما والمقاهى واكشاك المرطبات حتى البصات والحافلات والبكاسى ترى ركابها مسترخيين يداعب النعاس عيونهم وكانهم تحت تأثير هدهدة ولولاى أمهاتهم!
حمد كان و لازال يحترم معجبيه وينتضى لهم ما فوق النجوم غنى للشابى ولنزار قبانى ولصلاح احمد ابراهيم ولعثمان خالد ولعمر الدوش ,ولاسماعيل حسن على سبيل المثال لا الحصر أحب اهل السودان وأحبوه تغنى لهم فى كل منعطفات حياتهم فى سرائهم وضرائهم غنى لهم انت كل زينة يوم كان السودان كله زينة وغنى لهم يوم عضهم الدهر الساقية لسة مدورة احمد وراء التيران يخب يفكر منقلب فى المصاريف والكتب ويوم اختاروا الغربة حلا غنى لهم حمام الوادى يا راحل صغارك مشتهين ترجع تضم العش بحنية!
غاية ما تمنى ان يحفظ لنا الله حمد والسودان ليعود السودان مرة اخرى شكل منقة وشبه منقة وكله زينة فيغرد حمد ويصدح بافراحتنا مرة اخرى!
امد الله فى ايام حمد ومتعه بالعافية
|
Post: #2
Title: Re: حمد الريح قامة سامقة عظمة سايق بنطون والناس سايقة مراكب! الله يديك العافية يا أصيل!
Author: jini
Date: 08-18-2010, 05:59 PM
Parent: #1
يا حمد انت جيل ليس له قطع غيار!
فيك عبق كرومة وسرور والكاشف
جنى
|
Post: #3
Title: Re: حمد الريح قامة سامقة عظمة سايق بنطون والناس سايقة مراكب! الله يديك العافية يا أصيل!
Author: هاشم نوريت
Date: 08-18-2010, 06:08 PM
Parent: #2
جنى اليومين ديل دايب دوبان
الله يديك العافيةوالتحية للفنان حمد الريح
رمضان كريم ياجنى
|
Post: #4
Title: Re: حمد الريح قامة سامقة عظمة سايق بنطون والناس سايقة مراكب! الله يديك العافية يا أصيل!
Author: manal eltahir
Date: 08-18-2010, 06:26 PM
Parent: #3
التحيه للفنان العملاق حمد الريح ابن بلدتي الجميله وكروانها المغرد ولك مني jiniمثله من الود.
|
Post: #5
Title: Re: حمد الريح قامة سامقة عظمة سايق بنطون والناس سايقة مراكب! الله يديك العافية يا أصيل!
Author: Salah Abdulla
Date: 08-18-2010, 08:04 PM
Parent: #4
| Quote: امد الله فى ايام حمد ومتعه بالعافية |
آمــــــــين..
----
( رأي شخصي جداً ) على كبار فنانينا التوقف عن الغناء في مرحلة معينة من العمر، حفاظاً على تاريخهم الفني..
|
Post: #6
Title: Re: حمد الريح قامة سامقة عظمة سايق بنطون والناس سايقة مراكب! الله يديك العافية يا أصيل!
Author: طه إبراهيم عبد الله
Date: 08-18-2010, 09:06 PM
Parent: #3
Quote: جنى اليومين ديل دايب دوبان
الله يديك العافيةوالتحية للفنان حمد الريح
رمضان كريم ياجنى |
..
ورمضان كريم أخ هاشم نوريت
خالص الدعوات للأخ جني بالصحة والعافية وإن شاء الله تاني ما إشوف شر
في رأي الشخصي أن الأخ جني أرهقه هم السودان ومآلات أحواله المرتقبة ..
فمن بلدنا المكلوم المسمى السودان لم يبق لنا غير لحن جميل يردده حمد الريح
أو غيره من أهل الفن ليبعث في نفوسنا الإحساس بانتمائنا لهذا السودان الكبير
..
الرحيل مهداة لجني
|
Post: #7
Title: Re: حمد الريح قامة سامقة عظمة سايق بنطون والناس سايقة مراكب! الله يديك العافية يا أصيل!
Author: mutwakil toum
Date: 08-18-2010, 09:23 PM
Parent: #6
جني: رمضانكم كريم:
شفت الحلقة بتاعة حمد الريح واستغربت ...
كيف يحتمل انسان ترديد نفس الكلام لمدة قد تفوت التلاتين سنة؟
نفس اللحن !نفس الليركس! نفس الطلعة! نفس النزلة! نفس النفس! نفس الصولة!،
أكتر من تلاتين سنة يا جني!! تكرار نفس الغنية!،
لا أرض الجناين ياها أرض الجناين لا توتي ياها توتي، لا خضرة النيلين ياها خضرة النيلين.
يا أخي ده اكبر دليل علي انو الإنسان ده تكوينو غير مجدد وبالتالي غير مبدع ، أو يخاف التجديد وبالتالي غير مبدع :
الفن يا جني ما الحلقومجية: الفنان اذا ما كان قلق من شأن الجديد والإبتكار فعليه أن ياكل عيش في اسواق تانية فـ غنا أكل العيش و الفن لا يستويا في قفة واحدة يا جني (راجع مصطفى سيد أحمد)!!
|
Post: #8
Title: Re: حمد الريح قامة سامقة عظمة سايق بنطون والناس سايقة مراكب! الله يديك العافية يا أصيل!
Author: Abdulmageed Gorashi
Date: 08-19-2010, 07:20 AM
Parent: #7
حمد الريح فنان مبدع و ثابت فى زمن متغير...
شكل وجداننا الغنائى منذ ذلك الزمن الجميل...
له كل الود والاجلال
|
Post: #9
Title: Re: حمد الريح قامة سامقة عظمة سايق بنطون والناس سايقة مراكب! الله يديك العافية يا أصيل!
Author: Abdulmageed Gorashi
Date: 08-19-2010, 07:22 AM
Parent: #8
حمد الريح فنان مبدع و ثابت فى زمن متغير...
شكل وجداننا الغنائى منذ ذلك الزمن الجميل...
له كل الود والاجلال.
|
Post: #10
Title: Re: حمد الريح قامة سامقة عظمة سايق بنطون والناس سايقة مراكب! الله يديك العافية يا أصيل!
Author: jini
Date: 08-20-2010, 03:00 PM
Parent: #2
شكرا لكل الاحباب الذين مروا من هنا
اضافة واضاءة مهمة من بروفيسر عثمان سيداحمد
Quote: حمام الوادى يا راحل صغارك مشتهين ترجع تضم العش بحنية!
يا سلام عليك يا رمال حلتنا وانت تكتب عن الفنان الشامخ ابن توتى حمد الريح. لقد عاصرنا بدايات الفنان حمد و نحن طلاب فى جامعة الخرطوم العريقة حيث كان الاستاذ احمد يعمل موظفا فى مكتبة جامعة الخرطوم الغنية بأمهات الكتب فى شتى أنواع العلوم والاداب و التى لا شك ان الاستاذ حمد قد شرب من معينها مما انعكس فى ثقافته العامة و الفنية خاصة فى اختيار الاعمال و الكلمات المعبرة . لقد كان يطلق على حمد فنان الجامعة فى بداية عهده و لقد كان حمد فعلا فنان الجامعة و كثيرا ما أحيى حفلات غنائية لاتحاد طلاب جامعة الخرطوم و برفقة العندليب الراحل بادى محمد الطيب . أغنية حمام الوادى و يا حليل الراحوا خلو الريح تنوح فوق النخل . . . ( قصيدة رحيل اهل حلفا) لهما مكانة خاص فى نفسى و كثيرا ما كنت استمع لقصيدة الرحيل و انا فى اول ايام غربتى كطالب دراسات عليا بجامعة كلفورنيا فى أوائل السبعينات. رحم الله الشاعر سليمان عبد الجليل و أ طال الله عمر الأستاذ الكبير حمد الريح. أ تمنى ان يعى الجميع معنى قصيدتى حمام الوادى و الساقية
الساميتين. تحياتى يازول يا رائع |
جنى
|
|