|
|
 يوميات سيد نقة خلال شهر رمضان
|
للجميع التهنئة بقدوم الشهر الكريم وفقنا الله على صيامه وتقبله
الفكرة مجرد اجتهاد لكتابة يوميات سيد نقه خلال شهر الصيام وهو من فصيلة سيد جرسة حبيننا القديم الا ان سيد نقه له باع وهو وميع وحاوى فى مناقشة الامور مرغم بالسياسة حتى الرقبه وهاوى للرياضة بقدر شقوق رجليه التى تهوى الضب بالسكن متى كان نائما اما فى الاجتماعيات فالرجل علم فى رأسه شاكوش وبالانتقال الى الامور المتداومة فى حياتنااليومية نجده كالبرق فى نشر الشمارات .
وحتى لا اطيل عليكم سيد نقه هذه الايام فى بيات قصرى حتى بداية اليوم الاول لرمضان
امل ان اوفق فى سرد ايام سيد نقه الرمضانيةوعلى اسلوب الدعاية التلفزيونية هنالك العديد من المواضيع فى حينها خصوصا ان سيد نقه ملاح خطير فى اصطياد الاخبار عبر ترابيز نور عيونك بالمنشات فى ساحة الشهداء بامدرمان بجانب اختبائه تحت برندة الاورنيش المجاورة لاستراحة ركاب الشهداء التى تحولت بقدر قادر الى حراسة فالشمار بينى وبينكم هناك اخضر ومدقق ولو مامصدقينى تعالوا تذوقوا شاى الشهداء المعتق بروائح الكوشة الشهيرة والتى يختلط فيها الخضار ومابعد الاخراج والمياه الغازية بقارورات حامض البوليك للسواقين واندحيات الشماسة لطرد ما اتلهم من بقايا طعام كافتريات الشهداء المترامية المداخل نهارا ومعروضات مطاعمها الممتدة بين صفوف الحافلات ليلا
كده كفاية ابقوا مغنا
تحياتى
ابقوا معنا
ورضان كريم
|
|
 
|
|
|
|
|
|
|
 Re: يوميات سيد نقة خلال شهر رمضان (Re: بلدى يا حبوب)
|
فى ليلة تحرى الرؤية جلس سيد نقة اما الديجتال يسوط يمين وشمال بحثا عن اخبار ثبوت الشهر الى ان استقر به فى تلفزيون السودان وبيان لجنة الافتاء الصادر من شارع الجامعة على خطوات من كبرى المك نمر وطبعا لجنة تحرى او اكمال شعان 30 يوما ده حكايتها عجيبة فى 29 من شعبان كل عام يحضر ما طاب والذ من طعام وظروف بعد اذاعة البيان ومن ثم كل زول يشمى لحالة حتى ليلة 29 من رمضان ويمتلأ المكان فطور ماركة روتانا وكمان نفس الظروف كمان وبعدها تنفض اللجنة وهكذا دواليك وسيد نقة سجل البيان على شريط كاسيت بثوبت الشهر وبعده اتجه الى قناة الجزيرة وتفأجأ بثبوت الشهر فى اغلبية الدول العربية والمذيع يعدد الدول العربية التى ثبت فيها لشهر والتى لم يثبت ولم يسمع اسم السودان وبحكم الجينات التى ازدات نتيجة ثبوت الشهر اخذ يكيل ويسب جامعة الدول العربية وقناة الجزيرة على عدم زجها بالسودان فى قائمة الدول المثيته للشهر عربيا او المنحازا لاكمال شعبان 30 يوما سياسيا وانتظر حصاد الجزيرة الاخبارى ولا جديد السودان غي موجود فى خارطة الصيام العربية بل اخباره فى تقرير المصير تأخذ حيزا كبيرا فى الحصاد .
وفى اول يوم لرمضان سيد نقة ما اختزنه من اخبار حتما ستجد اليوم حظها فى كل مكان
نواصل
تحياتى
| |
|
|
|
|
|
|
|
|
|
Re: يوميات سيد نقة خلال شهر رمضان (Re: بلدى يا حبوب)
|
عندما اقول شمال السودان اعنى السودان بغربه وشرقه وشماله ووسطه ولان اخوتنا فى الجنوب اصبحوا عغاب قوسين او ادنى من تقرير المصير اما رضاءا بالحال او انفصال لا قدر الله وانا نظرتى للموضع تختلف عن ما يطرق فى الشارع وارى ان اتفاقية نيفاشا مهرت بين حكومة الشمال ممثلة فى المؤتمر الوطنى وحكومة الجنوب ممثلة فى الحركة الشعبية ويحمد لحكومة الجنوب تاكيد تقرير المصير بينما حكومة الشمال كان الاجدى بها ان تؤكد تقرير المصير للشمال فربما اختار الشمال الانضمام الى حكومة الجنوب او عمل شتات يا فردة من حكومة الشمال وحيننها لا تجد الانقاذ ما تحكمه
ده افكار سيد نقة فى اليوم الاول لرمضان
| |
|
|
|
|
|
|
|
|
|
Re: يوميات سيد نقة خلال شهر رمضان (Re: بلدى يا حبوب)
|
افكار سيد نقة عن تقرير المصير تبثق من اغنية الرائع الراحل ابراهيم عوض خاصة عندما يغنى
(ليه بنهرب من مصيرنا) مرورا (نحن عز الدنيا بينا ) حتى (تانى ما تقول انتهينا بنتهى جيل بنظر البنا بانى اماله علينا) ...... سيد نقه كعادته لا بد من طى الحروف وتمديد الكلمات وتحويل المعانى والجمل الى افدنة وكمان ترعتى كنانة والرهدالحارقه من يوم ما بدأ قطع القروش من مرتبه .
تقرير المصير واقع فرضته سياسة التمكين من الحكم بالنسبة للطرف الاول والرضاء بحكم الشمال وعليه استشهد سيد نفه بالبيت الاول اما فى البيت الثانى يرجع سيد نقه ويخاطب السودان الموحد ويقول للذين مهروا بنود نيفاشا السودان عزيز بوحدته وفى البيت الثالث يحمل الطرفين وطنى وحركة مسئولية اجيال ستاتى لتجد سودان ون وسودان2 ويطلب من المواطن الجنوبى ان يبعد السياسة جنبا ويوقع بعودة السودان الموحد .
لكنه لا يريد وحدة بدون اعطاء كل حقوق المواطنه وكل هذه الافكار النيرة ومازال النهار طفل مشلول يحبو ويأتى العصر وتبدا مكنات سيد نقه فى تكسير الزمن عبر الاندساس فى مكيفات جامع الخرطوم الفيه الناس بجوار احذيتهم تنوم واصوات وطلقات على وزن اغانى واغانى فى النيل الازرق والشىء المحيره حكاية قناة النيل الازرق بالله الناس ديل ما كضابين اليومين ده النيل بقى خاطف الوان واذا اردت ان تكتشف ذلك فعليك التوجه الى اى ماسورة فى السوق شرط الا ترتبط بموتور اما فى حالة الموتور فنجد النيل الازرق اصبح مصابا بالروماتزيوم الكبد الوبائى والبنكرياس متى حولت مياه الى معامل شارع المستشفى .
سيد نقه اخر ما توصل اليه رفع شكوى الى المحكمة الدستورية بالاحتيال الذى تقوم قناة النيل الازرق فى شعارها الغير امين ولان القناة تمثل السودان فى اقمار عربسات ونايلسات فلابد من تصحيح الشعار وتحويله الى
قناة النيل الخاطفة الالوان
نواصل
| |
|
|
|
|
|
|
|
|
|
Re: يوميات سيد نقة خلال شهر رمضان (Re: بلدى يا حبوب)
|
اليوم الثانى
سيد نقه فكر فى قضاء اليوم مكندشا وعليه اندس بين الملابس المستعلمة يبحث بين الجيوب ما نساه من فلوس وكانت المحصلة جنيهات يسد بها رمقه فى مجاراة ولاية الخرطوم البائعة للكندشة فى شوارع الخرطوم
وصل الى شارع القصر واصبح يراقب لافتات الباصات الاكترونية حتى ظفر بمقعد فى الثورة بالوادى وعند الصعود بضم العين لاحظ اغلاق الشبابيك وبعد الجلوس فكر فى حال ناس الصعود (التمباك) بعد الافطار وكيفية التخلص من المقذوفات الشلوفية الطائرة باستخدام السبابه والابهام وديل طبعا لو ودوهم مقياس ريختر اكيد فى حالة اصطدام المقذوف بالزجاج ستكون درجة الزلزال 6 درجات وبعد عبور كبرى النيل الاحمر (الابيض) لفت نظره عند فتح الابواب اندفاع الذباب القابع فى المحطات للداخل مع الركاب وفكر لماذا لا تستفيد ولاية الخرطوم فى فرض رسوم نفايات مع التذاكر لارتباك حركة الذباب نهارا بفتح الابواب والباعوض مساءا ولوكنت المسؤول عن ارتفاع قيمة التذكرة لاجبت السبب فى ذلك المواطن وما يتبعه من ذباب وباعوض فى بعض محطات ولاية الخرطوم مما يكلف الشركة مبالغا طائلة للوقود فى تكييف البص ليتعايش الانسان والذباب طيلة الرحلة بدون اى مضايقات
بنفس البص عاد سيد نقه وهو يغنى
يا حبيبى انا نهارى فات رحلة كانت مع الذباب والناس تلوح فى عذاب
وبعد الافطار جلس اما التلفاز ليجد اغانى واغانى وضحك كثيرا لوجود شبه بين باص الولاية وديكور البرنامج والقاسم المشترك الزحمة واتجه الى قناة السودان واندهش لوجود مايكل جاكسون (المذيع الطيب عوض الكريم )يقدم برنامه الخفيف مع اهل الفكاهة المهم قرب من التلفزيون وعاين وقال بسم الله انتو الاستنساخ وصل السودان والله ايه مايكل جاكسون ذاته فى قناة السودان والله مقدرة وعولمة وانداح مع البرنامج لا حبا فى الضيوف ولكن ليملا عينيه من مايكل جاكسون السودانى الاستنساخ
نواصل
| |
|
|
|
|
|
|
|
|
|
Re: يوميات سيد نقة خلال شهر رمضان (Re: بلدى يا حبوب)
|
مايكل جاكسون السودانى المقصود هو الطيب عبد الماجد المذيع السودانى الذى قد السلك وخطف معه المذيعة المودرن هبع المهندس ابان فترة النيل الازرق وكتين كانت قناة مابين مجموعة ART وتلفزيون السودان لكن الان حدث ولا حرج .
سيد نقةاليوم الجمعة كان اسير الفراش حتى الاذان الاول الاذان الاول وبعدها على طول الى مسجد الحى المكندش جلس فى انتظار نهاية الخطبة لعله يفوز بمتكأ امام اى مكيف وبعد نهاية الصلاة تحول المسجد الى صالة للتاكندو امام المكيفات واخيرا ظفر بمتكرفس .
بعد صلاة العصر والتى فيها بعض خلق الله تصلى دون وضؤ وطبعا ديل ناس الصلاة مع الصيام والتروايح
نواصل
| |
|
|
|
|
|
|
|
|
|
Re: يوميات سيد نقة خلال شهر رمضان (Re: بلدى يا حبوب)
|
سيد نقه اصبح من عشاق برنامج اغانى واغانى بالرغم من احتجاجه على مسمى قناة النيل الازرق ليكون لهااكثر من اسم حسب ظروف الخريف والصيف واتخيلوا معاى لو فى سائح فى الخرطوم اليويمن ده وقال ماشى اشوف النيل الازرق بحكم ماشاهد شاشة قناة النيل الازرق اكيد حيرجع بفكرة ما كويسة عن التسمية وحتى موقع القناة مافى النيل الازرق اى جوار نهر النيل والمسميات فى البلد ده بتكون بالمزاج يعنى شنو كافتريا فى شارع افريقيا بالخرطوم تسمى(امواج) لا جنبها شاطىء وحتى ترعة الصرف الصحى فى العمارات بعيدة منها مش كان احسن تسميتها ( جكناج ) وبصراحة يوم خم الرماد كانت امواج مسرحا للخماميين ناس من كل الفئات دقون ملسه ماركة تمكنا واخرى دعونى اعيش وثالثة ماتخاف ده لزوم المصلحة وسيجان الدجاج المايكروفيه ياما شكت وبكت من البروست ما يجى واحد من اهل العوض ويقعد يتفلسف ويضيف للبروست الف وتاء ويدخلنى فى مشكلة وبحكى ليكم عن طرفه حصلت فى مستشفى الخرطوم داخل عنبر جراحة اه تو A2 .
اتنين بتونسوا عن كافتريات الخرطوم واحد قال للتانى تعرف امبارح عمك ما قصر على بالطلاق عزمنى فى الداهى الجنب الطيارات قالوا مسمينه امواج ضربنا ليك بالبروست مالقيت نفسى الا ماشى على مستشفى سوبا عديل التانى رد عليه انت يا زول خجلان من اسمها والله شنو اسمها بروستات .ما كان احسن تعملها فى مستشفى الخرطوم المهم الجماعة طلعوا من النص وانا عملت شتات .
اما بعد الافطار سيد نقه كعادته يبحث عن اى برنامج دون التقييد لاحظ وجود كمال ترباس وبقية الجوقة لدرجة الاستاذ السر قدور بقى ذى حبل ملوص محل ما يمسك تكسب وفى ناس بتغنى بمزاجه وخاصة فرفور والله لو ما كنته قدام تلفزيون اقول انا راكب بنطون الدويم واحد ماشى واخر قاعد فى طرف الكرسى ودالك بيغنى رافعا صوته لزوم الظهور وحتى عمك ترباس كتير ما كمل دواسة البنزين للاخر لزوم اظهار الصوت
المهم انتهت الحلقة واجمل حاجة عجبت سيد نقه دموع ترباس فى لحظة صفاء وهو يدندن باغنية امى الله يسلمك ولا تنسوا ضحكة السر قدرور السلسلة النكهة بلغة المثقفاتية او الدسيده بلغة اياهم
وفىر مضان دعواتى لكل ام ارتحلت بالقفران ودخول الجنان وللاحياء طولة العمر ودافق السلام
نواصل
| |
|
|
|
|
|
|
|
|
|
Re: يوميات سيد نقة خلال شهر رمضان (Re: بلدى يا حبوب)
|
سيد نقه اصبح من عشاق برنامج اغانى واغانى بالرغم من احتجاجه على مسمى قناة النيل الازرق ليكون لهااكثر من اسم حسب ظروف الخريف والصيف واتخيلوا معاى لو فى سائح فى الخرطوم اليويمن ده وقال ماشى اشوف النيل الازرق بحكم ماشاهد شاشة قناة النيل الازرق اكيد حيرجع بفكرة ما كويسة عن التسمية وحتى موقع القناة مافى النيل الازرق اى جوار نهر النيل والمسميات فى البلد ده بتكون بالمزاج يعنى شنو كافتريا فى شارع افريقيا بالخرطوم تسمى(امواج) لا جنبها شاطىء وحتى ترعة الصرف الصحى فى العمارات بعيدة منها مش كان احسن تسميتها ( جكناج ) وبصراحة يوم خم الرماد كانت امواج مسرحا للخماميين ناس من كل الفئات دقون ملسه ماركة تمكنا واخرى دعونى اعيش وثالثة ماتخاف ده لزوم المصلحة وسيجان الدجاج المايكروفيه ياما شكت وبكت من البروست ما يجى واحد من اهل العوض ويقعد يتفلسف ويضيف للبروست الف وتاء ويدخلنى فى مشكلة وبحكى ليكم عن طرفه حصلت فى مستشفى الخرطوم داخل عنبر جراحة اه تو A2 .
اتنين بتونسوا عن كافتريات الخرطوم واحد قال للتانى تعرف امبارح عمك ما قصر على بالطلاق عزمنى فى الداهى الجنب الطيارات قالوا مسمينه امواج ضربنا ليك بالبروست مالقيت نفسى الا ماشى على مستشفى سوبا عديل التانى رد عليه انت يا زول خجلان من اسمها والله شنو اسمها بروستات .ما كان احسن تعملها فى مستشفى الخرطوم المهم الجماعة طلعوا من النص وانا عملت شتات .
اما بعد الافطار سيد نقه كعادته يبحث عن اى برنامج دون التقييد لاحظ وجود كمال ترباس وبقية الجوقة لدرجة الاستاذ السر قدور بقى ذى حبل ملوص محل ما يمسك تكسب وفى ناس بتغنى بمزاجه وخاصة فرفور والله لو ما كنته قدام تلفزيون اقول انا راكب بنطون الدويم واحد ماشى واخر قاعد فى طرف الكرسى ودالك بيغنى رافعا صوته لزوم الظهور وحتى عمك ترباس كتير ما كمل دواسة البنزين للاخر لزوم اظهار الصوت
المهم انتهت الحلقة واجمل حاجة عجبت سيد نقه دموع ترباس فى لحظة صفاء وهو يدندن باغنية امى الله يسلمك ولا تنسوا ضحكة السر قدرور السلسلة النكهة بلغة المثقفاتية او الدسيده بلغة اياهم
وفىر مضان دعواتى لكل ام ارتحلت بالقفران ودخول الجنان وللاحياء طولة العمر ودافق السلام
نواصل
| |
|
|
|
|
|
|
|
|
|
Re: يوميات سيد نقة خلال شهر رمضان (Re: بلدى يا حبوب)
|
والحديث لسيد نقة واليوم العاشر من رمضان
عدى اليوم ما بين الركظ وراء بصات الوالى المكيفة والجرى داخل البص من اجل الحصول على مقعد والمشكلة لو مالقيت ماعليك فى هذه الحالة الا النزول من البوابة الامامية ان كنت قد صعدت من البوابة الخلفية والعكس الكويسة انو شاعرنا الجميل اسحاق الحلنقى حدد مشكلته بذهاب القاش ولانو الراجل مترع فى الذكاء حتى النخالة ذهب بالقاش ويعلم جيدا القاش مستحيل يخلى مجراه لكن مشكلته انا العيون القاعده فى الباص تعاين يمين وشمال للزول الركب ومالقى ليه مقعد بس ذى حكاية النشال الدخل ايه فى الجيب وطلع بضربة كف وحين الوصول الى شارع الجمهورية هنا يبدأ السد دح ابوى وناس الحركة وصفوف الصرافة للمسافرين وطالبى الذكاة فى عمارة كوفتى والاحرى وامر روائح حامض البفوليك الناتج من مجموعات عمارة ابوالعلا للمفروشات الرجالية (احذية- شورتات - فنايل حملات- ومايوهات )
وينتهى العزاء بشارع القصر وتلال موقف ابو جنزير الحجرية ومابين الفنية والاخرى انبعاث روائح معجونات الشماسة القيصرية مابين التلال يعنى ببساطه شارع الجمهورية فى بلد لا تعترف بالجمهورية حسب ماعرفناه فى العالم وشارع القصر فى وطن محولين قصره بعد شهور .
عم المساء والرجعة بقت بالطريق الاخر عبر الدخول الى شارع الاوقاف وعمارة الدهب والاتجاه جنوبا مرورا ببرج الضرائب والمجننى الناس البتفرش تحت البرج كل شيء صينى والانجليزى المعروض على وزن المرحوم كان قدرك مات فى حرب الخليج بدانة او فى افغنستان بنيران صديقة وانا خايف المرحوم يكون مات بصوارخ القسام الحماسية وهنا مربط الفرس المرحوم اسرائيلى عايش بحارب فى الفلسطنيين وميت هدومه لابسنه سودانيين ترابيز هدوم المراحيم الخواجات تجدونها فى برج عمارة الضرائب (جنز- كوردايت-تيل )
فجأ وانت بين نفايات الصينين وتركات مراحيم الخواجات تجد نفسك محمول فى لفافة كبيرة يحملها اكثر من بائع كل الحصل انو لمن جات الكشة حظك وضعك وسط اللفافة ام اكثر من ضنب واحمد ربك ما يلموك مع العدة او الاحذية الامركصنية ام كضوم ولحين انتهاء الكشة عليك بالرضاء والاستسلام ومرات تلغى نفسك محمول بالبنطلون البتقيس فيه وده المشكلة كراع فى الجو والاخرى مجرورة مع كراع التربيزة ده كله هين الافزع ناس الكشة يلموك معاهم بحجة انك بائع غير مرخص بس الكشه فى السودان لا تحتكم الى الشريعة الاسلامية والتوجه الحضارى المزعوم فى العربية نسوان الشاى وبنات الحبشة وشماسة سوق الخرطوم وحاجات الملابس الرجالية الداخلية وشباب كل حاجة ب 3 جنيه يعنى خلوة حكومية ومحروسة بالسلاح
المهم ربنا ستر واتخارجت من هجمة الكشة وفى شارع السيد عبد الرحمن بداية بصينية الجندول والحكاية ايه الناس لسه بتقول عليها الجندول مع العلم انو الجندول طلع بتاع بنقو وازيل ليحفظ تحت مجهول
ندخل الى البوابة الشمالية اسوق جاكسون وهنا مليون صنف واقترح تمسيته بشارع المليون بليد ما ينط زول ويقول لى انت كده بتسىء كل الموضوع لو دخلت شوارع ميدان جاكسون وتعرضته لعفصة جزمة صينية خاصة بالاعمال الشاقة او مركوب نسى الصانع ان يزيل شوكة الاصلة فاصبحت كالمسمار وفى بعض المرات دفقة موية غسيل كمونية مطاعم جاكسون المطلة على الحمامات فى كل هذه المواقف متى تزمرت او احتجيت سيكون مصيرك الصعود الى نفق استاد الخرطوم والنزول راسا الى كبرى الانقاذ والانتظار امام مدخل نفق المهندسين املا فى ايجاد فضل ظهر بلغة التوجه الحضارى .
نواصل
| |
|
|
|
|
|
|
|
|
|
Re: يوميات سيد نقة خلال شهر رمضان (Re: بلدى يا حبوب)
|
سيد نقه انزعج لاخبار ارتفاع النيل والخوف من حدوث فيضان ولا ننسى سكنه على ضفة النيل الترابية ام ظلط منقر ذى الوش الضاربه جدرى وهى بيت المال وفى الصباح خرج ليرى ما وصلت اليه حالة الموية المتدفقة ووجد على مسافة منه كوم من الناس المتخوفين وبعد السلام قدم خطبة عصملية هاجم فيها المجلس البلدى (المحلية) والولاية على عدم الاستقادة من المويه البقت بتهدد المواطنيين واقترح ان يقوم والى الخرطوم بانشاء صهاريج فى الاحياء تحمل اسماء وزراء الحكومة المنتخبة وحتى يكون لكل مقال مقام صهاريج احياء امدرمان القديمة تحمل اسماء الوزراء الاتحاديين اما صهاريج الثورات تحمل اسماء وزراء الدولة الاتحاديين صهاريج امبدات تحمل اسماء كل وزراء الولاية والمعتمديين والمقربون اللذين يحملون صفات وراثية جعلتهم اقرب لفصيلة mo% الوزرائية وهى فصيلة حكومية صاحبها يمتص كل انواع الفصائل الاخرى ولكنه فى حالة حوجته عليه التوجه الى ماليزيا او الاردن . واكيد بعد ده ما بيكون فى حاجة اسمها فيضان يا معتمد امدرمان .
وتدخل احد الوقوف وكان عليه سمات الهبروا ملوا من جنس اللجان التشعبية وهى داء والعياذ بالله منه يصيب البعض ويجعل من المريض كثير الدوران واللف فى اسواق الحارة وهنا وقف سيد نقه ليسمع لا خوف ولكن ليبلع قليل من رقيقه كانت خطبة مسئول اللجان التشعبية وهو يعرف نفسه كممثل الحارة فى الشرطة الشعبية والقائم بامر تقسيم الذكاة والمعتمد من قبل نفايات المحلية والموزع لكروت التأمين الصحى والمنقذ لافران الحى فى حالة ظهور حالة نقص وزن ورفع شكوى من قبل المواطن ولان قانون الحكومة ارفع وارقى من شكوة فى الرغيف حول الشكاوى الى اللجان الشعبية وما تنسوا انو حكومة التوجه الحضاى عملا بعدم التحدث فى النعمة واستنادا الى المقولة التى تقول اكلوا اخوان واتحاسبوا تجار وفى نهاية خطبته وجه الى سيد نقة تهمة التنصل من مواجهة الفيضان واساءة ممثل الحكومة الفى الميدان وسيد نقة لم يصمت ولم تهتز له شعره بعد قام امس الاول بحلق راسه والجمهرة بتاعت الناس كبرت ازبد وارقى وهاجم كل من يقف مع الحكومة فى كبح الفيضان مهما كان لانو المشكلة الخرطوم فيها بيوت ما بتشوف المويه لمدة شهور حسه ناس الحلفاية بشتروا الموية من البكاسى فى رمضان لانوموية مواسيرهم لحقت حكاية الكلاب المتوحشة الاشتهرت بيها الحلفاية وناس الحلفاية ديل حكايتهم شنو كلابهم المتوحشة حسب كلام الجرايد شافوها بوزعها بالبكاسى وحسة البلد ملاينة موية وبشتروا فيهامن البكاسى بالله ده ما حرام اما عن ناس الثورات غرب الحارات ديل بقترح على وزير الصحة اقامة ملاحة تجارية بالقرب من صهاريج الابار الارتوازية وبعدين شنو حكاية عربات التراب البقت تكب الانقاض الترابية فى الضفاف ويقول عليها سواتر ترابية والله الوالى بقت عليه حكاية جى اكحلها عماها يعنى الاوساخ الفى تراب اللوارى تبلها المويه وتتحول الى حشرات وده البجيب للناس اسهالات ومارايات مش كفاية عليهم سهر الخوف من الامواج .
ولسه للقصة بقية
تحياتى
| |
|
|
|
|
|
|
| |
بلدى يا حبوب
اشرف السر
فيس بوك
تويتر
انستقرام
يوتيوب
بنتيريست