|
|
|
 Re: ساعدوني: أحتاج اتفاقيات البترول بين الحكومة السودانية وشركات البترول (Re: Nasr)
|
| Quote: هو الصحفي السر سيد أحمد |
نعم السر سيداحمد(يشاركني في اسم الوالد فقط ولكن لا علاقة اسرية بل اعرفه منذ السبعينات منذ جامعة الخرطوم وهو صديق لشقيقي الاكبر) صحفي متمرس ومؤهل ويكتب باللغتيين العربية والانجليزية وله اسهامات صحفية منذ سبعينات القرن الماضي داخل وخارج السودان ...واكييد ان كانت لدية معلومات فسوف لا يبخل بها علي محمد البشري ....
| |
 
|
|
|
|
|
|
|
|
Re: ساعدوني: أحتاج اتفاقيات البترول بين الحكومة السودانية وشركات البترول (Re: abubakr)
|
الاخوة ابوبكر وناصر
شكرأ علي الاهتمام والنصائح
| Quote: نعم السر سيداحمد(يشاركني في اسم الوالد فقط ولكن لا علاقة اسرية بل اعرفه منذ السبعينات منذ جامعة الخرطوم وهو صديق لشقيقي الاكبر) صحفي متمرس ومؤهل ويكتب باللغتيين العربية والانجليزية وله اسهامات صحفية منذ سبعينات القرن الماضي داخل وخارج السودان ...واكييد ان كانت لدية معلومات فسوف لا يبخل بها علي محمد البشري |
وقد بحثت عن ايميل السر في صفحة الرأي العام ولم اجده لذا سارسل
له بايميل الصحيفة عسى ان يصله ويرد معطيا ضوء اخضر لمراسلته
ولكم الود
ودالبشرى
| |
|
|
|
|
|
|
|
|
|
Re: ساعدوني: أحتاج اتفاقيات البترول بين الحكومة السودانية وشركات البترول (Re: Mohamed Elboshra)
|
الاخ محمد البشرى سلام وربنا يوفقك فى بحثك وبحثك
الاتفاقيات النفطيه هى صيغ قانونيه تحدد العلاقه التعاقديه بين طرفين ...واتفاقيات قسمة الانتاج ( ابسا ) هى صيغه عالميه متعارف على
هيكلها وتبويبها وتختلف فى تفاصيل بنودها من عقد لاخر ....وعلى الرغم من سياج السريه والتكتم المضروب على بعض بنود هذه الاتفاقيات
الا ان الكثير منها متاح ومفصح عنه فى دوريات الموسسه السودانيه للنفط مثلا. فالنجيضه على قول ود الصاثم احسن تحدد المدخل والاطار
الذى تود تناوله وبحثه فى رسالتك وانشاء الله يكون متاح والناس تقدر تساعدك ...
| |
|
|
|
|
|
|
|
|
|
Re: ساعدوني: أحتاج اتفاقيات البترول بين الحكومة السودانية وشركات البترول (Re: Mohamed Elboshra)
|
سلامين
على قول ودابراهيم على " السمك الكبار " ...
بغرض البحث ولكل الباحثين مرحبتين... وانت ابو العارفين فى القانون لما توقع على ورقة مهرت ب Confidentiality ""ما عنك طريقة تنشرها ...
توجد مجموعة من الاتفاقيات ببنود مختلفة لكل مربع او منطقة امتياز حيث يبلغ عدد المناطق الان 22 مربع مرخص منها 20 مربع يعنى 20 اتفاقية ... باطراف مختلفة ونسب مختلفة وحقوق وواجبات اكثر اختلافا .
- الاتفاقية الاولى بمربعات 1 و 2 و4 بحوض المجلد وقعت مع شركة النيل الكبرى ، وهى تعتبر اولى الاتفاقيات للمناطق المنتجة وبها عصارة تجارب نظرية تم تعديل كثير من بنودها فى الاتفاقية الثانية التى وقعت مع شركة بترودار بمربعات 3 و7 ، وهناك اتفاقية لمربع 6 مع الشركة الصينية ، هذه اتفاقيات المناطق المنتجة ، اما الغير منتجة فلك ان تخصم من 20 .
- بخصوص الاطلاع على الاتفاقيات ، مش لان بها بنود سرية ، لان الذى يطلع عليه اكثر من 4 اشخاص ويوقعون عليه لايعتبر سرا ، بل اتفاق ، هنالك اتفاق على حفظ حقوق الشركات فى خصوصيات التعامل التجارى ، وبمناسبة الحركة الشعبية ودس العقود " لو عندك تلفون لمنصور خالد " اديهو رنة ، ولو ما رد ليك " أسال السيد باقان أموم " التفاصيل عند السمك الكبار ...
على العموم نحن عند الطلب ، والمهندس محمد ابراهيم على بوصلك لينا " تب " ... بس حدد انت داير شنو؟ ... مشكلة البترول فى السودان وعقودو ومعلوماتو ناس كتار بيفتكروا انها خمس صفحات قابلة للنشر ، ولك ان تتخيل معلومات حفر بئر واحدة بتملى ضهرية وسقف تاكسى هشام هبانى ...
ولك الود كله .
| |
|
|
|
|
|
|
|
|
|
Re: ساعدوني: أحتاج اتفاقيات البترول بين الحكومة السودانية وشركات البترول (Re: هيثم بابكر)
|
امسك عندك يا ود البشرى شركك قبض حوتة كبيرة هيثم بابكر ده انا في الحسبة خالو
وهو قاعد محل الدهن واللحم السمين
ما دام ادانا الاذن ايميلي في البروفايل وزي ما بيقولو الشيوخ امرك مقضي تب بس زي ما قلت ليك شريكك 
ـــــــــ
جورج اخبارك والاهل يعني ما تجي الا بالشديد القوي
خلاص كلما ندور نشوفك هنا نفتح بوست باسم فداسي ولا نسال عن اتفاقيات البترول
اها عملتو لينا شنو في بترول الجزيرة اتاخرنا دايرين نعمل حركة مسلحة نقسم بيها الثروة السلطة خليناها ليكم وليهم
| |
|
|
|
|
|
|
|
|
|
Re: ساعدوني: أحتاج اتفاقيات البترول بين الحكومة السودانية وشركات البترول (Re: محمد إبراهيم علي)
|
وين يا خاال ؟
مشتاقين ..
بقينا برضوا نلقاك " اون لاين " يعنى على الخط ... بس ما تدخل خط " ستة " ... جكسا حيكسر ليك كراعك ... وما تطرف شديد تطلع ، اوف سايت ... وما تبارى الخط كتير ، بعد شوية بيلف وبتلاقيك العارضة ... الله يكفيك شر العارضات والعوارض ..
نحن بخير والحمد لله ...
بترول فداسى ، " فريق المحس " نتيجة التحليل الاولية أثبتت انو " Positive Show " يعنى بجد بترول ما دفاق غيار زيت لورى ... المربع تعمل به شركة سوداباك ، باكستانية مالكها اسمو " نصر الدين حشوانى " زول يعنى كده من بتوع الارانب الكبار لديها استثمارات فى العقار "لم فيهم ثعلب الغابة " فى ازمة العقارات الفاتت تاثر عملها ، لكن أصحابك اولاد .... شاركوهم بى " احمد هيكل " ود عمك محمد حسنين هيكل اشترى جزئ من نصيبهم وحيدعم شغلهم فى المنطقة ، يعنى ما عندك مشكلة كدى خليها ترسى على " وحدة ولا انفصال " ... حقك محفوظ ، وكان ما لحقت فيهو شئ قطعا وليداتك نصيبهم محفوظ ان شاء الله ، بس ما تبارى اللاين كتير ، وخليك تفتيحة ، قون المغربية أحسن من مية ...
ولك الود كله .
| |
|
|
|
|
|
|
|
|
|
Re: ساعدوني: أحتاج اتفاقيات البترول بين الحكومة السودانية وشركات البترول (Re: Mohamed Elboshra)
|
الاخوين
الودوالخال
اتعاقبنا في الرد وخاصة اني بكتب بي كيبورد حروفه "مسحوقة" زي "المليمة"الا تطهرها ب "ليمونة"
والخال شريك الوالد وانا حاشاركك يا باشمهندس واقسم معاك في ودأختك ...
ونحن حانجي نشارككم في "الثروة" لانو أهلنا ممتدين معاكم من اربجي للعيكورة
الباشمهندس عبد الكريم
شكرأ للمرور وبرضو محتاجين علمك المساحي عن مناطق "التماس" البترولية في أبيي وغيرها وخاصة بوادر الانفصال في الافق وبعض الحقول قدتكون مشتركة بين "دولتين" وهناك عقود وبنود خاصة لتنظيم مثل هذه الحالات وبوستك عن أبيي محفوظ في المفضلة ...تحاتي عبرك للاخ كمبورة.
ودالبشرى
| |
|
|
|
|
|
|
|
|
|
Re: ساعدوني: أحتاج اتفاقيات البترول بين الحكومة السودانية وشركات البترول (Re: محمد عبد الماجد الصايم)
|
الأخ ودالصائم
شكرا على المعلومة المهمة عن الأستاذ السر وسوف أقوم بمراسلته
وحقو الواحد رد جميل كده يرسل باقي نكتة المرأة الاكرمت جماعة البوكس بالماسنجر (زول متفنقل من الضحك)
| Quote: بالمناسبة .. حكاية الشرا دي شاور فيها ود عوج الدرب |
صاحــــــــــــ ود عوج الدربــــ ده ــبي اليومين ديــل مشغــول شديد بالمفاوضــات وإجتماعاتـــ متواصـــلة وانــا خاتيه لحـــاجة كبيره بعد مفاوضـــاتهم وحصــولهم على منصب نائـــب الرئيس زي وكــيل وزارة الطــــاقة والتــعدين
بـــــــس أطلعــــــوا منها إنــت وعـــمـــكــ نديــــد هشـام هبــاني داك
لـك الــــود
ودالبشـــــرى
| |
|
|
|
|
|
|
|
|
|
Re: ساعدوني: أحتاج اتفاقيات البترول بين الحكومة السودانية وشركات البترول (Re: هيثم بابكر)
|
الاخ هيثم
| Quote: - الاتفاقية الاولى بمربعات 1 و 2 و4 بحوض المجلد وقعت مع شركة النيل الكبرى ، وهى تعتبر اولى الاتفاقيات للمناطق المنتجة وبها عصارة تجارب نظرية تم تعديل كثير من بنودها فى الاتفاقية الثانية التى وقعت مع شركة بترودار بمربعات 3 و7 ، وهناك اتفاقية لمربع 6 مع الشركة الصينية ، هذه اتفاقيات المناطق المنتجة ، اما الغير منتجة فلك ان تخصم من 20 |
مامشكلة ...بس المتوفر ولو امكن من المنتج والما منتج وعارف انو ناس فداسي ديل ما بقصرو لانكم مشهورين " بضبح السمينة في
الليل ...وعشايين الضيوف والرجال نايمين" كما ذكر ودالامام
ودالبشري
| |
|
|
|
|
|
|
|
|
|
Re: ساعدوني: أحتاج اتفاقيات البترول بين الحكومة السودانية وشركات البترول (Re: Mohamed Elboshra)
|
Dear Mohamed
I haven't written in details about the current oil agreements but as a former senior economist at the defunct General Petroleum Corp during the period 1980- 1990, I have written a research about the oil industry in Sudan, and the production sharing agrement with Chevron in my MA paper " the Spot Oil Market, and Its implication for Sudan's Marketing Policy". This research was part of MA in Development Studies, Economic Policy and Planning concentration at the Institute of Social Studies in the Netherlands 1983- 1984. The Location of ISS is at The Hague, Den Haag, and I am sure there is a way to get a copy of my paper from the ISS. The marketing part of that paper has been published in the Oil Bulletin, October 1985 issue. I have un published paper which I am working on it at this moment named " The Political Economy of Oil, and conflicts in Sudan". You can drop me a line at
[email protected]
Wish you luck in your research
| |
|
|
|
|
|
|
|
|
|
Re: ساعدوني: أحتاج اتفاقيات البترول بين الحكومة السودانية وشركات البترول (Re: Mohamed Elboshra)
|
الاخوة الاعزاء
http://www.sudanupdate.org/REPORTS/Oil/21oc.html
بهذا الرابط وجدت بعض المعلومات المهمة ولكن احتاج لمصدر اخر للتأكد من سلامة وحيادية المعلومات
واذا كان اي من القراء الاعزاء بامكانه مدي باي مصدر اخر اكون شاكر ومقدر للجهد العظيم
Quote: 1992
Government begins forcible mass relocation of Nuba civilians to "peace villages" - displaced persons' camps.
January 92: Sudan signs Red Sea exploration agreement with Canadian International Petroleum Corporation (now Lundin) to undertake geophysical studies in a 38,400sq.km onshore and offshore concession between Tokar, 180km S of Port Sudan, and Halaib. Minister for Energy and Mines Uthman Abd al-Wahhab says prospecting can start immediately. Initial six-year agreement renewable for 25 years.
February 92: Dispute with Egypt over rights to Halaib area beside Red Sea: Cairo proposes to license a maritime area extending south to latitude 22oN, implying a territorial claim. Visiting Cairo, Sudanese RCC Deputy Chairman and Deputy Prime Minister Brig-Gen Zubeir Muhammad Salih raises the issue; Egyptian Oil and Mineral Resources Minister Hamdi Ali Abd al-Wahhab Banbi says region belongs to Egypt |
ودالبشرى
| |
|
|
|
|
|
|
|
|
|
Re: ساعدوني: أحتاج اتفاقيات البترول بين الحكومة السودانية وشركات البترول (Re: Elawad Eltayeb)
|
الاخ العوض الطيب
لك جزيل الشكر علي الاهتمام ورفع البوست في فترة غيابي عن البوست نسبة
لسفري للسودان للعزاء في وفاة شقيقي الاكبر والشكر لكل من واسانافي مصابنا الجلل
=====
حاولت اثناء تواجدي في السودان ان اتحصل علي اي صورة من (عقد) وتقدمت بطلب
لوزارة الطاقة وقابلت مستشاري الوزارة ولكنهم قالوا انها من (سابع) المستحيلات
وعندماواجهت مستشار الوزارة ان تلك العقود التي لا تريدون اعطاءها لي ...بدعوي
السرية معروضة للبيع فوق الانترنت ( http://www.barrowscompany.com )
فلم يصدقني وقال ان ذلك لن يكون صحيحا ولكن بعد فتح الموقع علي كمبيوتره ورؤيته
للعقود الموجودة في (دولابه) الحديدي معروضة للبيع ...احتار...وقال انهم سوف يرفعون
قضية علي الشركة الناشره ...
وقد قابلت زميل البورد هيثم الذي بخل بالعقود ولم يبخل بالمعلومة المفيدة
ولا زال البحث جاريا والعشم لم ينقطع
ودالبشرى
| |
|
|
|
|
|
|
| |
محمد إبراهيم علي
هشام هباني
سيف اليزل جعفر عبد الرحمن
قلقو
Nasr
abubakr
عبدالكريم الامين احمد
هاشم نوريت
abdalla elshaikh
محمد عبد الماجد الصايم
Elmoiz Abunura
Elawad Eltayeb
Salahaldeen Nadir
فيس بوك
تويتر
انستقرام
يوتيوب
بنتيريست