|
أم رشيرش
|
بسمع بام رشيرش ام رشيرش معناها شنو؟؟؟؟؟؟؟
صدق ما بعرف معناها وما عاوز اطلق كلمة انا ما عارف معناها الحقيقى............
|
|
|
|
|
|
|
|
Re: أم رشيرش (Re: بكري اسماعيل)
|
كتب بكري إسماعيل مخاطبا يا زولQuote: Quote: إحدى جوارى زمانها
هسي الجماعة كان جوك بتفصل يا هشام .. |
ثم
Quote: (عدل بواسطة يازولyazoalيازول on 31-03-2007, 04:02 م) |
الفصلة ما عندك يا عمك
| |
|
|
|
|
|
|
Re: أم رشيرش (Re: jini)
|
يا جنى تحياتى ياخى البورد ده فيهو حناكيش يعنى حسى متل فيصل نوبى نترجم ليه كيف
| |
|
|
|
|
|
|
Re: أم رشيرش (Re: waleed500)
|
Quote: ام رشيرش قالوا فنانه او غنايه ام درمانيه شهيره اشتهرت باغاني البنات او اغاني السباته ممكن تقولوا متل حواء الطقطاقه او حميرا عند اهلنا الجعليين لوووووووول |
ما قالو ،،،
بل هى ،، تسكن احد احياء امدرمان العريقة ،،،
واشتهرت باغانى ،، ربنا يرحمها ،،،،
| |
|
|
|
|
|
|
Re: أم رشيرش (Re: waleed500)
|
يا وليد العزيز، عاشت عشه ام رشيرش وحواا كلاب فى مدينة امدرمان فى فريق فنقر فى ام درمان كما حكى لى خالى ، كانت تبيع العرق وقد ذكرها الكاتب العظيم حمدنا الله عبد القادر فى مسرحية 0 )خطوبة سهير ) وكان البطل(خليل) يردد ( عشة ام رشيرش البوسطة حلت فى الروصيرص) كان يفد الى (حانتها ) الافندية فى الستينات ويبدو ان شهرتها فاقت فى تلك الازمان على نديداتها ، وتفوقت عليهن ربما لان الافندية كانوا يجدون راحة لديها ، مع الفارق من الصالونات الادبية ، لكن يمكن اعتبارها صاحبة صالون اذا علمنا ان الحضور من علية القوم من المتعلمين ولا نشك انهم كانوا يناقشون الكثير من الامور تحت جنح الغواية، اى غواية الحديث تحت تاثير الشرب ، عموما هى وحوا كلاب ، وعشه ووكر فى الديم كن يتميزن بانهن يبعن للافندية ما صنعت يداهن،وهنا نشير لكتاب الاستاذ الجليل الطيب محمد الطيب حول (الانداية ) لانها من انتجت الكثير من المغنيات والمغنيين، ولها خطابها الخاص وتناولها البارع فى تفكيك اواصر المجتمع الغنائى وحلولياته فى الخارج (خارج الانداية )حيث تحولت كثير من الاغنيات منها باتجاه الوسط الاجتماعى الذى كان يرفض كل (ام رشيرش وحوا كلاب وعشه ووكر )والله اعلم
| |
|
|
|
|
|
|
Re: أم رشيرش (Re: سلمى الشيخ سلامة)
|
Quote: يا وليد العزيز، عاشت عشه ام رشيرش وحواا كلاب فى مدينة امدرمان فى فريق فنقر فى ام درمان كما حكى لى خالى ، كانت تبيع العرق وقد ذكرها الكاتب العظيم حمدنا الله عبد القادر فى مسرحية 0 )خطوبة سهير ) وكان البطل(خليل) يردد ( عشة ام رشيرش البوسطة حلت فى الروصيرص) كان يفد الى (حانتها ) الافندية فى الستينات ويبدو ان شهرتها فاقت فى تلك الازمان على نديداتها ، وتفوقت عليهن ربما لان الافندية كانوا يجدون راحة لديها ، مع الفارق من الصالونات الادبية ، لكن يمكن اعتبارها صاحبة صالون اذا علمنا ان الحضور من علية القوم من المتعلمين ولا نشك انهم كانوا يناقشون الكثير من الامور تحت جنح الغواية، اى غواية الحديث تحت تاثير الشرب ، عموما هى وحوا كلاب ، وعشه ووكر فى الديم كن يتميزن بانهن يبعن للافندية ما صنعت يداهن،وهنا نشير لكتاب الاستاذ الجليل الطيب محمد الطيب حول (الانداية ) لانها من انتجت الكثير من المغنيات والمغنيين، ولها خطابها الخاص وتناولها البارع فى تفكيك اواصر المجتمع الغنائى وحلولياته فى الخارج (خارج الانداية )حيث تحولت كثير من الاغنيات منها باتجاه الوسط الاجتماعى الذى كان يرفض كل (ام رشيرش وحوا كلاب وعشه ووكر )والله اعلم |
ان كان الامر كما تفضل به السيد المحترم خال اختنا سلمى الشيخ سلامه فأنى ارى ان اطلاق هذا اللقب على زميلتنا تراجى مصطفى امر غير مقبول وذلك رغم انو مرارتى مفقوعه منها .. الا انو احترام بعضنا البعض واجب والا شنو ياشباب ؟؟
خارج النص : -
سلمى ياخى ماتكلمى لينا خالك دا يحكى لينا عن امدرمان القديمه وانتى حولى لينا الحكى دا لى بوستات رائعه عن امدرمان وناسها رايك شنو ..
| |
|
|
|
|
|
|
Re: أم رشيرش (Re: على محمد على بشير)
|
وبهذا ممكن نقول: أم رشيرش تأكل من (عرقِ) جبينها! أقصد أم رشيرش الأصلية، غير السايبيرية.
____ أرفعوا أيديكم عن الدكتورة المناضلة تراجي عمر مصطفى أبوطالب عبد المطلب مناف..
| |
|
|
|
|
|
|
Re: أم رشيرش (Re: waleed500)
|
الاخ محمدعلى ، ياريت لو كنت هناك فى السودان، لكين تعرف اصحابى العواجيز (معظم اصدقائى هم من فى سن الخال فما فوق )لكنى بعيدة فى البلد البعيد ومع ذلك لو سمح سيد البيت ممكن احكى ليك عن بعض الشخصيات فى امدرمان من الذين اعرفهم ، فقط انتظر موافقة سيد البيت حتى لا احرف مسار البوست ، عظيم امتنانى
| |
|
|
|
|
|
|
Re: أم رشيرش (Re: سلمى الشيخ سلامة)
|
استاذتى العزيزة سلمى الشيخ سلامة خوالص تحياتى وشكرى على المعلومة
Quote: ومع ذلك لو سمح سيد البيت ممكن احكى ليك عن بعض الشخصيات فى امدرمان من الذين اعرفهم ، فقط انتظر موافقة سيد البيت حتى لا احرف مسار البوست ، عظيم امتنانى |
عاد ده كلام ده يا استاذة ده انا بدفع قروش يوميا عشان اتابع حديثك فى جريدة الخرطوم وتجى لغاية عندى هنا وارفض البيت وصاحب البيت تحت امرك وسوف اكون فى انتظار اى حرف منك بلهفة اكيد شكرى وامتنانى وفى الانتظار
| |
|
|
|
|
|
|
Re: أم رشيرش (Re: waleed500)
|
أخ وليد شكرا علي البحيت البجيب الكتاحه والاستاذة سلمي ما قصرت في تقريب المسافه ليك وطبعا الاسم ده بحتو ناذر الخليفه وهسع شايفو لابد لكن قولوا العجاجه واصلاك وصلاك لو طرت السماء
| |
|
|
|
|
|
|
Re: أم رشيرش (Re: waleed500)
|
النقعد ليك يا وليد جيب البنابر والقهوة (قهوة سيدى الحسن ) وبتنتن البن والشرقرق جبتو من (سوق الملجة ) فى امدرمان والبن من دكان عمى على اليمانى قالت حبوبه (حنينة ست الصحة ) كانت حنينة ست الصحة اظنها اول امراة تركب العجلة فى حلتنا (العباسية ، حى الامراء)بتجى لحبوبة نفيسةفى الحوش ، بتكون لابسة عراقى وسروال وطرحة بيضاوعندها (حقة )فى جيبا بنمشى نجيب ليها السجار من دكان اليمانى الفى ركن البيت) ،لمن نجى من المدرسة تلاقينا بنطط فى الحجلة من دون خلق الله تنهرنى (يا بت نفيسة ، امشى البيت خلى الانطلاقة )واجرى ناحية البيت لانها عندها قرصة (فى الورك) بسموها (الفطيرة )اها حجة حنينة دى من الشخصيات الاصلا ما بتتنسى ، تجى البيوت تفتش البلاعات والحمامات، وبيوت الغنم والحمام، وتشاكل النسوان الما بنضفو البيوت دى ، كنا بنخاف منها لانها زولة صارمة وما بتديك ريق حلو اصلا ، لكين لمن تشوفا قاعدة مع امى نفيسة تشوف فرق كبير من الزولة الصارمة ديك تشرب فى القهوة وتدخن فى السجاير زيها وزى اى زول مدمن تدخين وتتونس (اعتيادى ) كانت عايشة فى حوش اسحق حمد النيل ، وحوش اسحق حمد النيل كان مسكونا بعشرات الاسر من اهله ومريديه تدخل من ناحية الجامع فى منتصف الزقاق ولا تخرج الا فى قبالة قبة الشيخ البدوى ، خرجت منه عشرات الشخصيات التى اثرت الحياة السودانية ( يوسف ابوعاقلة يوسف ) مولانا يوسف وزير الاوقاف فى فترة من فترات الستينات ) والعديد، منهم من رحل ومنهم من بقى علامة فى جببين التاريخ المعاصر، قبالة المسجد بيت ناس عم دراج وعم دراج منح البلاد اعظم الجراحين فى المخ والاعصاب الان ( دكتور مصطفى دراج ) اسرة بسيطة لكن لها يد فى تاريخ الطب البشرى الحديث ،من الناحية الاخرى للحوش تجد (عمك النصرى واخوته) كان اهلى ينادونهم (اولاد مهلة ) واشهرهم الطيب ود مهلة الذى كان من خريجى كلية غردون (ينطق اللغة الانجليزية كما ينبغى لها)لكنه حسبما تقول امى (مسحور ) كان قد وصل به الادمان مرحلة بعيدة اقعدته نهاية الامر ، والشخوص عديدة والحديث عنها ذو شجون ، لى قدام بنتلاقى
| |
|
|
|
|
|
|
Re: أم رشيرش (Re: سلمى الشيخ سلامة)
|
جبنا البنابر بس قالو قهوة سيدى الحسن قهوة قوية خلاص البشربه اليوم كان ما شربها بكرة وفى نفس المواعيد بردلب بقع من طوله عشان كده ما تقومى توكرينا بشاربها وتقومى ماتجى تانى هنا انا غايتو اتوكلت عليك ياربى ...انا عارف راسى خفيف وما بتحمل قهوة سيدى الحسن....تعرفى شربت لى قهوة فى القضارف من شهرين لغاية لحظتى دى بتزوق فى طعمها اظنها من احفاد سيدى الحسن.......
ده ما عرفتو ومصيبتى ما بخلى الشى الما بعروفو يعدى ساى ما اكون قطعتا ليك حديثك اجد نفسى مستمتع بصوره قد لا تخطر ببالك واصلى
| |
|
|
|
|
|
|
Re: أم رشيرش (Re: waleed500)
|
يا صديقى انتو ما تربية حبوبات نحنا قعدنا وسطهنن اكتر من عشرة حبوبات اخوات حبوبة وبنات خالا وبنات عمها وااااااااايك حلة راحلة ، الشرقرق ، عارف الجبنة بعملوها كيف ؟ اولك يا بادى بجيبو منقد ممكن يكون كبير وممكن يكون صغير ، البن طبعا يا برازيلى ولا حبشى ، الجبنة واحدة طين وواحدة صفيح، الشرقرق دا البعملو فوقو الجبنه ذاتا يعنى هو شكلو زى الحلة لكين عندو (قدوم ) ويد، القدوم دا بصفو بيهو الجبنة بعد البن ما يغلى مع الموية وبخلطو معاهو حبهان (هيل ) او زنجبيل ،الموية لمن تغلى بكبو البن المتنتن والبهارات القلناها ( حبوبة ) ماكنت تحب البن المخلوط بالخلاط تقول ليك البن دا كان ما تنتنو وغنيت معاهو ما بنفعنى ( تدق البن فى فندك خاص ويد الفندق ما بتعمل ببيها الا البن يعنى توم وغيرو ممنوع)،المهم الشرقرق وقع ليك ، اضافة صغيرة (حكى لى الفنان ابو عركى البخيت انه كان حدادا، فى ورشة ابيه فى مدنى وكانت تستهويه هذه الصناعة من ادوات القهوة الى السكاكين ولم يدخل المدرسة الا بعد ان تجاوز الثامنة من عمره )وبنتلاقى
| |
|
|
|
|
|
|
Re: أم رشيرش (Re: jini)
|
غايتو المنبر ده أول حتة الواحد يشوف فيها الرجال فاتو النسوان في القطيعة .
وليد 500 ... خلاص أكاذيب و إفتراءات الإنتباهة كملت ؟؟؟!!!
| |
|
|
|
|
|
|
Re: أم رشيرش (Re: Mohamed Suleiman)
|
الله يمتعك بالصحه والعافيه اختنا سلمى
وشكرا كتير على الاستجابه وفتحك لسحارة امدرمان القديمه الشخوص والامكنه بس انا شايف انك بخيله حبتين فى الحكى والسرد والا قصدك تشحتفينا شويه
على العموم انا مقيم هنا الا ان يقضى الله امرا كان مفعولا واقتراح تانى وكلاكيت تانى مره ياريت لو تحولى مداخلاتك الهنا دى كلها لى بوست جديد تقترحى عنوانو من عندك ونقوم نشكر لى وليد استضافته لينا وعلى قهوته الكاربه الما شفنا منها الا ريحتا بس .. رغما عن انو طلع ( حنكوش ) كبير وما بيعرف ( الشرقرق )
واقتراحى دا عشان ما يجينا واحد زى الكوز الشعبى محمد سليمان يجينا زى النبله ويقطع علينا الحكى الجميل دا بى كلام عنصرى بغيض وتصفية حسابات قديمه
اها انتى رايك شنو ؟
| |
|
|
|
|
|
|
Re: أم رشيرش (Re: على محمد على بشير)
|
سلمى الشيخ سلامة
أتاريك (حكونجية) زيى وكده
تسلمى يا سلمى فقد وضعت البوست فى مساره الصحيح وأصبح أحد أجمل البوستات التوثيقية عن شخصيات أم درمان
بالله عرجى لينا كده على ناس الهادى الضلالى ومن حذا حذوهم
تحياتى يا ود البشرى ، آى فصلت (عشان ترتاح)
| |
|
|
|
|
|
|
Re: أم رشيرش (Re: يازولyazoalيازول)
|
رشيرش وحواا كلاب فى مدينة امدرمان فى فريق فنقر فى ام درمان كما حكى لى خالى ، كانت تبيع العرق وقد ذكرها الكاتب العظيم حمدنا الله عبد القادر فى مسرحية 0 )خطوبة سهير ) وكان البطل(خليل) يردد ( عشة ام رشيرش البوسطة حلت فى الروصيرص) كان يفد الى (حانتها ) الافندية فى الستينات ويبدو ان شهرتها فاقت فى تلك الازمان على نديداتها ، وتفوقت عليهن ربما لان الافندية كانوا يجدون راحة لديها ، مع الفارق من الصالونات الادبية ، لكن يمكن اعتبارها صاحبة صالون اذا علمنا ان الحضور من علية القوم من المتعلمين ولا نشك انهم كانوا يناقشون الكثير من الامور تحت جنح الغواية، اى غواية الحديث تحت تاثير الشرب ، عموما هى وحوا كلاب ، وعشه ووكر فى الديم كن يتميزن بانهن يبعن للافندية ما صنعت يداهن،وهنا نشير لكتاب الاستاذ الجليل الطيب محمد الطيب حول (الانداية ) لانها من انتجت الكثير من المغنيات والمغنيين، ولها خطابها الخاص وتناولها البارع فى تفكيك اواصر المجتمع الغنائى وحلولياته فى الخارج (خارج الانداية )حيث تحولت كثير من الاغنيات منها باتجاه الوسط الاجتماعى الذى كان يرفض كل (ام رشيرش وحوا كلاب وعشه ووكر )والله اعلم
| |
|
|
|
|
|
|
Re: أم رشيرش (Re: عصمت العالم)
|
تحياتى استاذ عصمت
Quote: طقوس امسيات امدرمان فى تلك الفتره.كان له اسراره ...واسحاره.وخباياه.واستار سهر ليله الطويل..والمجتمع وقتها مرهون بظروف كانت تمنع سفور المراه والاحتكاك بها حتى فى بيوت الاعراس كن يجلسن على السباته. وظهورهن متجه على المغنيين..وكانت جملة الانفتاح المباشر بين الرجل والمرأه محرم ووممنوع. |
اظن الممنوع مرغوب حينما كان الانفتاح المباشر بين الرجل والمراه محرم وممنوع ظهر فطاحلة الشعر ونظمو ما نظمو من الشعر فى المراه بخلاف اليوم نجد الجلابية بيضاء مكويه ويا ابشره يا ابشره ان شاء الله راجل مراه وضاع الشعر وضاعت معاهو اشياء جميلة
Quote: عشه ام رشيرش كانت امراه رائعة الجمال فارعة الطول لها شلوخ نديانه ..ومسحة الجمال لا زمتها لزمن طويل.وهى صاحبة فكرة وتنفيذ المغنيات المعلمات للعرائس .وهى او من بدات هذا .وتعلمت وسارت على اثرها ..حواء بنزين.. وقسمه.ونصره..وخالده...وغيرهن..
|
(ام رشيرش) انا كنت بحسب الاسم جاى من الرشرش ..(الرموش والرشرش) اى المراه التى تمتلك رشرش كبير الذى بدوره يعطى جمال للعيون اكثر لك تحياتى اخى عصمت وشاكر مرورك
| |
|
|
|
|
|
|
Re: أم رشيرش (Re: waleed500)
|
شكرا يا خال على التوضيح والف شكر لان المعلومة التى عرفتها من الخال على عبد الله الحاج عليه الرحمة وكان زبونا ادئما (لتلك البيوت ) حتى توفاه الله ،والشاهد ان الخال نفسه كان من شخصيات العباسية اللطيفة ، كان يشتغل فى الخطوط الجوية السودانية لكنه مدمن ، على الشراب ، وهذا ما جعل له حضورا فى مجال النكتة ، ففى ذات مرة كان عائدا من احد (صولاته)وركب تاكسيا ولم تكن معه فكة والبيت قريب من المكان ولا يستحق مبلغ ( الطرادة وهى يا وليد الخمسة وعشرين قرش )اها بتاع التكس قال ليهو ما عندى فكة فقال ليهو ( كان البيت جمب دكان جعفر ، والمشوار من العباسية الفوق)خلاص وصلنى اللفة حقت الصينية ( فى المسافة بين البيت وشارع العرضة من امام مستشفى التجانى الماحى ( الارسالية سابقأ) وتعال بكون دا الباقى حقى )وقصص الخال عديدة المهم ان هذا الخال لديه عم كبير كان يداه ترتعشان وعمه ايضا كان شخصية مرحة فقد تربى فى مصر،وكان نجارا بارعا اهدى للامبراطور هيلاسى لاسى شطرنجا صنعه بنفسه من الخشب التيك،المهم ان جدى شيخ الدين وهذا كان اسمه والخال فى مواجهته وكان الاول يا كل ( حلو جلى)وكانت شائعة تلك النكتة فقال (يا عم شيخ الدين انت ترجف والملعقة ترجف جننت الجلى جن ) مرة اخرى شكرا ياخال على التوضيح الذى كاد ان يعصف بتاريخ امراة جليلة ، والان دعنى اطلب منك ان تحدثنا فى هذه المحلة بالذات عن عصابة (ود الجيمس )فى العباسية وساتحدث عن مريم سالمين الجميلة
| |
|
|
|
|
|
|
Re: أم رشيرش (Re: سلمى الشيخ سلامة)
|
Quote: ففى ذات مرة كان عائدا من احد (صولاته)وركب تاكسيا ولم تكن معه فكة والبيت قريب من المكان ولا يستحق مبلغ ( الطرادة وهى يا وليد الخمسة وعشرين قرش )اها بتاع التكس قال ليهو ما عندى فكة فقال ليهو ( كان البيت جمب دكان جعفر ، والمشوار من العباسية الفوق)خلاص وصلنى اللفة حقت الصينية ( فى المسافة بين البيت وشارع العرضة من امام مستشفى التجانى الماحى ( الارسالية سابقأ) وتعال بكون دا الباقى حقى ) |
| |
|
|
|
|
|
|
Re: أم رشيرش (Re: سلمى الشيخ سلامة)
|
فتح ملف العباسيه يحتاج..لمجموعه من المعارف المعرفه..واولهم الاخ الصديق شوقى بدرى..الموسوعه الامدرمانيه.وهو تربى فى العباسه ويعرف كل خباياها وزمنها وهمسها وشجونها وانسان نسامها..وليل امسايتها الدفيق اللصيق..وهو حجه فى هذا المجال..وارجو ان كان متواجدا هنا ان يفتى فى حالة ام رشيرش المستعصيه فهو النطاسى البارع فى الذكريات والتوثيق.وهو اقدر من ان يكتب عن امدرمان واحيائها وخاصة العباسيه...بما له من زخر معلومات وصفاء ذهن وذاكره متقده وواعيه وملهمه..
وشيخ الدين العم والخال عليه الرحمه هو جزءا من امتداد معارف وصبوة صفاء والفة زمن .سرحوا ومرحوا ومنحوا الدنيا زمن خطى ايقاعهم النفاذ..قد تختلف الروايات لكن لعظماء لهم اثرهم مثل شيخ الدين يجب ان نذكرهم بخيرهم.. سلمى العزيزه.. كم تمنيت ان تكتبى عن جعفر صاحب الدكان. وفاطمه احمد..وصلاح احمد ابراهيم.. ووفاء الفاضل الطيب للرشيد احمد..وكليهما رحلا.. وعن فخرى بابكر سلامه..ذلك الحافظ النقى المضياف.. وعن حوش الماذون.. وانتىصبيه عن نادى العباسيه لك الاشعاع من موقع ذلك الزمن واعيدينى لزمن الصبا...بحجول رنين ايقاعه.. لك الحب.والاعزاز ابنة الاخت المدى والروعه..
| |
|
|
|
|
|
|
Re: أم رشيرش (Re: waleed500)
|
Quote: غايتو المنبر ده أول حتة الواحد يشوف فيها الرجال فاتو النسوان في القطيعة . |
الكلام دا قولوا للكاتب القواد منعم سليمان! لعلمك القطيعة اشتهر بها الرجال اكثر من النساء بس الشينة منكورة! من يحرر صحف القطيعة والفضايح فى العالم ومن هم قراءها ومن الذين يسعون بالنميمة والقطيعة للحكام! النساء مفترى عليهن!الرجال يجيدون مهنهن اكثر منهن! انظر الى: الطباخة والكوافير والموضة والقوادة! جنى
| |
|
|
|
|
|
|
Re: أم رشيرش (Re: jini)
|
فوق من اجل العباسية ،،،،
يا استاذ عصمت ،،،،
الان لايوجد دكان جعفر ولكن للان الاسم موجود ،، يوجد محل اتصالات ،،،
وعمنا حاج جعفر ربنا يديه العافية بصحة جيده والحمدالله فى اخر زيارة لى فى عيد
الاضحى قابلته ،،،
والعباسية كما هى نفس حنيه الناس ونفس ترابط الناس بالرغم من توافد سكان فى الحى
ولكن تفضل العباسية نفسها لها طعما الخاص ،،
| |
|
|
|
|
|
|
|