|
|
|
 Re: دعوة للاستماع .. المبدع اباذر يطل عبر سودانيز اونلاين لأول مرة /خاصة للموسيقيين. (Re: ناصر الحاج)
|
من بلاد لى بلاد
ياريت الريح جنحات والغيمه جواد
متمنى اجيك فى اى ميعاد
الا ابيتى
وانت قسيتى
وزدت بعاد
وبعيد عنك بطول الليل وسهادى يطول
ولما انوم بحلم بوصول لى حضنك تانى
الدفيان باغانى وكلام معسول
وان طال اليل
فى حضنك داك
ان شاء الله يطول
يا شوق خلاص كفايه ما ليك ليه نهايه
ايامنا لسه جايه
ونعيد من تانى لينا كل الفاتنا
لا بنفوت بره البلد
ونقعد فيها للابد
لا بنسك عقد وزياره
لا بنقيف صف فى سفاره
والبد بنزيد عماره
والبلد بنزيد خداره
وبكره بتقيف الحرب
فى الشرق وفى الغرب
وفى الشمال وفى الجنوب
ياما تتوحد قلوب ولى بناك تنكرب
------------------
العمل من كلمات و الحان/ اباذر عبد الباقي.
توزيع/ محمد مكي.
| |
 
|
|
|
|
|
|
|
|
Re: دعوة للاستماع .. المبدع اباذر يطل عبر سودانيز اونلاين لأول مرة /خاصة للموسيقيين. (Re: Elmosley)
|
Quote: لطيف والله ابا ذر
عامل خلطة غنا بين الاصالة والمعاصرة
فاللغة الهرمونيه بسيطه ولكنها عميقة
واصبح الفلوت يلعب المحاور الاساسي
الذ حاجه عاجباني
فيهو
مره يكون ستيفي وندر ومر ه يكون بادي محمد الطيب
احببت هذا الكشكول و تلك الجرآة |
العزيز استاذ الموصلي
مع الكشكول ده احياننا بظهر برضو(باري وايت) .. بشكل واضح في اغاني تانية ح انزلها قريب. اباذر لصيق بكل انواع الغناء في السودان..يحب الغناء و المغنيين الشعبيين!.. يستمع للغناء القديم غنا الاصالة كما اسميته .. يحب الكاشف! .. يحب اغاني زهرمان و اغاني البنات عموما!.. و يحب ايضا يطور في اداءه و رؤياه .. ربما هذا هو سبب الخلطة !.
لك خالص الود استاذ الموصلي و نشكر مشاركتك اللطيفة.
| |
|
|
|
|
|
|
|
|
|
Re: دعوة للاستماع .. المبدع اباذر يطل عبر سودانيز اونلاين لأول مرة /خاصة للموسيقيين. (Re: ناصر الحاج)
|
ناصر سلام
شكراً
ياخي عمل مدهش ... مدهش ... مدهش
يا سلام يا أباذر يا سلام
لنك الحفظ يا ناصر أو رسل بالايميل ...
.
..
...
غاندي ده زول ولا ملاك؟؟
"كننو" الود ده مجتهد بتنفس موسيقى.
.
..
...
السؤال ... بعد تجربة أبوذر القصيرة في مداها المليئة بالمنجزات مع عقد الجلاد، وبالنظر لهذه الأعمال الجميلة تأليفاً وتلحيناً وغناءً، وبالنظر لتجربة الفنان الأستاذ حمزة سليمان الرائعة في التلحين والتأليف والغناء، هل ضاقت عباءة عقد الجلاد على بعض المبدعين الذين مروا على الفرقة ففضلوا الرحيل؟
| |
|
|
|
|
|
|
|
|
|
Re: دعوة للاستماع .. المبدع اباذر يطل عبر سودانيز اونلاين لأول مرة /خاصة للموسيقيين. (Re: نادر)
|
| Quote: السؤال ... بعد تجربة أبوذر القصيرة في مداها المليئة بالمنجزات مع عقد الجلاد، وبالنظر لهذه الأعمال الجميلة تأليفاً وتلحيناً وغناءً، وبالنظر لتجربة الفنان الأستاذ حمزة سليمان الرائعة في التلحين والتأليف والغناء، هل ضاقت عباءة عقد الجلاد على بعض المبدعين الذين مروا على الفرقة ففضلوا الرحيل؟ |
العزيز نادر
عقد الجلاد كما اسلفت كانت فرصة جيدة لكل الشباب الجدد، عرفتهم بأمكانياتهم الحقيقية من خلال احتكاكهم بخبرات موسيقيين امثال عثمان النو.. ربما فيما بعد كان عندهم وجهة نظر اخري!!.. انا ح اسأل اباذر و ارجع ليك بالاجابة.
خالص الود
| |
|
|
|
|
|
|
|
|
|
Re: دعوة للاستماع .. المبدع اباذر يطل عبر سودانيز اونلاين لأول مرة /خاصة للموسيقيين. (Re: ناصر الحاج)
|
.
ناصر كيفنك .. وينكم
تحياتي ليك وللعيال
مشتاكين يافردة .. لي لمة هناك .. حليل تلك الايام،
أنا سعيد أسمع أباذر من تاني، تجربة عقد الجلاد تجربة كبيرة تضاف لتجارب أباذر
وهو يتمتع بالنباهة الفنية والإستعداد والمقدرات الصوتية، ياخ من يستمع لأباذر في
غنا الحقيبة يكتشف قوة صوته وحلاوة التطريب فيه .. وانت سيد العارفين، في بالي دوما
رنة صوته في استوديوهات الكلية على الهواء .. علا الجنا دين حجر!
المهم عطرتا صباحاتنا.. وزكرتنا دار عبلة،
والمهم ليكم الاشواق
سيف اليزل
.
| |
|
|
|
|
|
|
|
|
|
Re: دعوة للاستماع .. المبدع اباذر يطل عبر سودانيز اونلاين لأول مرة /خاصة للموسيقيين. (Re: سيف اليزل الماحي)
|
Quote: ناصر كيفنك .. وينكم
تحياتي ليك وللعيال
مشتاكين يافردة .. لي لمة هناك .. حليل تلك الايام،
أنا سعيد أسمع أباذر من تاني، تجربة عقد الجلاد تجربة كبيرة تضاف لتجارب أباذر
وهو يتمتع بالنباهة الفنية والإستعداد والمقدرات الصوتية، ياخ من يستمع لأباذر في
غنا الحقيبة يكتشف قوة صوته وحلاوة التطريب فيه .. وانت سيد العارفين، في بالي دوما
رنة صوته في استوديوهات الكلية على الهواء .. علا الجنا دين حجر!
المهم عطرتا صباحاتنا.. وزكرتنا دار عبلة،
|
اهلاااااااان سيف اليزل !! .. اذكر فعلا كانت لمة و فترة جميلة في اقسام الكلية بعد الساعة خمسة و ساحات الكلية اباذر و مجاهد احياننا ، و عصام العاقب و كورال بلسم. (الجني الدين حجر ).. يلتقي الان بجمهوره القديم من جديد! .
تقبل تحياتي و تحيات (العيال ) .. و عطر الله صباحاتك دائما.
خالص ودي
ناصر
| |
|
|
|
|
|
|
|
|
|
Re: دعوة للاستماع .. المبدع اباذر يطل عبر سودانيز اونلاين لأول مرة /خاصة للموسيقيين. (Re: ناصر الحاج)
|
الشفيف ناصر مبروك لأبوذر ولي كل الناس البتستمتع بالغنى الجميل
| Quote: السؤال ... بعد تجربة أبوذر القصيرة في مداها المليئة بالمنجزات مع عقد الجلاد، وبالنظر لهذه الأعمال الجميلة تأليفاً وتلحيناً وغناءً، وبالنظر لتجربة الفنان الأستاذ حمزة سليمان الرائعة في التلحين والتأليف والغناء، هل ضاقت عباءة عقد الجلاد على بعض المبدعين الذين مروا على الفرقة ففضلوا الرحيل؟ |
فعلا يا نادر دا تساؤل مهم جداً مفروض ادارة واعضاء الفرقة يتساءلوهو
أبوذر خسارة كبيرة لعقد الجلاد
| |
|
|
|
|
|
|
|
|
|
Re: دعوة للاستماع .. المبدع اباذر يطل عبر سودانيز اونلاين لأول مرة /خاصة للموسيقيين. (Re: Mohammed Elhaj)
|
Quote: الشفيف ناصر مبروك لأبوذر ولي كل الناس البتستمتع بالغنى الجميل
Quote: السؤال ... بعد تجربة أبوذر القصيرة في مداها المليئة بالمنجزات مع عقد الجلاد، وبالنظر لهذه الأعمال الجميلة تأليفاً وتلحيناً وغناءً، وبالنظر لتجربة الفنان الأستاذ حمزة سليمان الرائعة في التلحين والتأليف والغناء، هل ضاقت عباءة عقد الجلاد على بعض المبدعين الذين مروا على الفرقة ففضلوا الرحيل؟
فعلا يا نادر دا تساؤل مهم جداً مفروض ادارة واعضاء الفرقة يتساءلوهو
أبوذر خسارة كبيرة لعقد الجلاد |
الشريف محمد الحاج شخصيا!
لك التحية و نورت المكان .. نفس سؤال الزرزرة لأباذر ح اجيك بي رده .. ترقب!
خالص ودي
(الشريف)= الشفيف+الوريف
| |
|
|
|
|
|
|
|
|
|
Re: دعوة للاستماع .. المبدع اباذر يطل عبر سودانيز اونلاين لأول مرة /خاصة للموسيقيين. (Re: ناصر الحاج)
|
الحبيب ناصر
فرقة عقد الجلاد بقيادة فنان وقامة موسيقية زي ود النو هي مدرسة غنائية يتعلم الكثير من الفنانين وتثقل مواهبهم
وتجاربهم واصواتهم داخلها وعندما ترحل هذة البلابل المقردة عن السرب الجلادي تضيف بعداً جديداً زاهيا للغنية
السودانية وعندما ننظر للرغي وبدايتة متمثلة في فرقة الويلارس الغنائية كانت تضم هذة الفرقة بوب مارلي بيتر توش
بوني ويلار ريتا ماري معندما حلقة كل واحد منهم في سمائة الخاص حاملاً في ملامحة موسيقي الرغي إستطاعو وبجدارة
فرض هذة اللون من الموسيقي في العالم لما تعلموة داخل الفرقة الأم فتجربة ابازر وإنشاء اللة تجربة عمر بنقا عندما تطرح
في سوق الغناء السوداني ستكون إنطلاقة جديدة لشكل الغنية السودانية نتمي لهم التوفيق والنجاح
| |
|
|
|
|
|
|
|
|
|
Re: دعوة للاستماع .. المبدع اباذر يطل عبر سودانيز اونلاين لأول مرة /خاصة للموسيقيين. (Re: نادر السوداني)
|
Quote: الحبيب ناصر
فرقة عقد الجلاد بقيادة فنان وقامة موسيقية زي ود النو هي مدرسة غنائية يتعلم الكثير من الفنانين وتثقل مواهبهم
وتجاربهم واصواتهم داخلها وعندما ترحل هذة البلابل المقردة عن السرب الجلادي تضيف بعداً جديداً زاهيا للغنية
السودانية وعندما ننظر للرغي وبدايتة متمثلة في فرقة الويلارس الغنائية كانت تضم هذة الفرقة بوب مارلي بيتر توش
بوني ويلار ريتا ماري معندما حلقة كل واحد منهم في سمائة الخاص حاملاً في ملامحة موسيقي الرغي إستطاعو وبجدارة
فرض هذة اللون من الموسيقي في العالم لما تعلموة داخل الفرقة الأم فتجربة ابازر وإنشاء اللة تجربة عمر بنقا عندما تطرح
في سوق الغناء السوداني ستكون إنطلاقة جديدة لشكل الغنية السودانية نتمي لهم التوفيق والنجاح |
اتفق معك تماما استاذ نادر السوداني (عندما ترحل هذه البلابل المغردة عن سرب عقد الجلاد) تستطيع ان تبدا مشورها الفني بثقة و تثري الساحة الفنية. الاحتكاك بموسيقيين و الممارسة و التعلم الذاتي يصنع ايضا موسيقيين جيدين خاصة للشباب الذين لم تتاح لهم الفرصة للدراسة في معهد الموسيقي زي ابا ذر و شبكة و الخير و اخرون في عقد الجلاد ، اما عمر بانقا فنحن في انتظار ابداعاته اكيد ح تعملوا لينا بوست خاص كده بأعماله الاخيرة .
نشكرك علي معلوماتك عن بوب مارلي و بيتر توش و بوني ويلار.
خالص الود
| |
|
|
|
|
|
|
|
|
|
Re: دعوة للاستماع .. المبدع اباذر يطل عبر سودانيز اونلاين لأول مرة /خاصة للموسيقيين. (Re: نادر)
|
من بلاد لى بلاد
ياريت الريح جنحات والغيمه جواد
متمنى اجيك فى اى ميعاد
الا ابيتى
وانت قسيتى
وزدت بعاد
وبعيد عنك بطول الليل وسهادى يطول
ولما انوم بحلم بوصول لى حضنك تانى
الدفيان باغانى وكلام معسول
وان طال اليل
فى حضنك داك
ان شاء الله يطول
يا شوق خلاص كفايه ما ليك ليه نهايه
ايامنا لسه جايه
ونعيد من تانى لينا كل الفاتنا
لا بنفوت بره البلد
ونقعد فيها للابد
لا بنسك عقد وزياره
لا بنقيف صف فى سفاره
والبد بنزيد عماره
والبلد بنزيد خداره
وبكره بتقيف الحرب
فى الشرق وفى الغرب
وفى الشمال وفى الجنوب
ياما تتوحد قلوب ولى بناك تنكرب
------------------
العمل من كلمات و الحان/ اباذر عبد الباقي.
توزيع/ محمد مكي.
اغنية رائعة جدا
يا نصورات يا رائع
| |
|
|
|
|
|
|
| |
ناصر الحاج
Azhari Nurelhuda
محمد مكى محمد
عصام عبد الحفيظ
wesamm
Elmosley
Mohammed Elhaj
نادر السوداني
Mannan
bayan
fadlabi
شهاب الفاتح عثمان
Ibrahim Algrefwi
HAMZA SULIMAN
فيس بوك
تويتر
انستقرام
يوتيوب
بنتيريست