|
ياحليوة يا روح القصيد
|
يا حليوة ياروح القصيد مابين لقاك واشتهاك باتقلى في جمر اشتياق ناره بتزيد اسرح واغازل القمرة والنجم البعيد يبرق بسيمك في الدجى يحرق قليبي المرتجيك تنداح رؤي تنسج جمالك بين مسامات الطيوف أنشودة للزمن السعيد أنا في هواك شاعر عنيد وترا مشبع بالحكايات الهيام حامل صباباتك غنا ومنحور وريد ويمتد بي نفق التغرب والبعاد ترحل سنين الالفة في السفر الاكيد لا ضفاف النيل تبلل للشجى لا حكاوي الليل تقرب للبعيد ونبقى موال في الزمن صايمين دهر لا وقفة لا عيدا يعيد دولابنا للزمن البراح والعشرة والناس السماح والبهجة والفرح الفريد مشتاق وحاتك لي حنينك وضمتك ريحة الدعاش البين بريقات بسمتك تشرح فؤا د عاشقا بريد في جوفه وكر رسمتك دوزن حروفك وعزتك اجمل نشيد وجريت وراك بين الفواصل كان رهاب ورجعت واتوجعت من وخزة الجرح المنوسر من غيابك وحزنت لي فرقة صحاب حلمت بالقمري المخرف في الصعيد والموية سيل تروي اليباب الغلة فيض ما قبيضة ايد صحاني صوت (يا الشايل الاحزان معاك بين مدامع جافة من يوم الرحيل اهجع كفاك مددت صبرك للمدى ردتت نمك زي صدى يا حليوة ياهمسة صفا يا طاعمة يا لمسة وفا يا عاقلة يا رايا سديد كم في هواك شلت المحنة جواز مرور لي مقلتيك وسرحت في شرف التوقع ومقلتيك وغرقت في الوله الشديد
|
|
|
|
|
|
|
|
Re: ياحليوة يا روح القصيد (Re: د.محمد حسن)
|
د. محمد
سلام مربع
يا زول الحتة دي :
Quote: أنا في هواك شاعر عنيد وترا مشبع بالحكايات الهيام حامل صباباتك غنا ومنحور وريد ويمتد بي نفق التغرب والبعاد ترحل سنين الالفة في السفر الاكيد لا ضفاف النيل تبلل للشجى لا حكاوي الليل تقرب للبعيد |
دي عاوزة ليها زول يرميها رمية طمبور في ليلة قمرية على ضفاف النيل
| |
|
|
|
|
|
|
Re: ياحليوة يا روح القصيد (Re: د.محمد حسن)
|
Quote: مشتاق وحاتك لي حنينك وضمتك ريحة الدعاش البين بريقات بسمتك تشرح فؤا د عاشقا بريد |
المطرة بتجيب الدعاش لمن تضم قلب الرمل والبسمة ما بتشرح فؤاد عاشقا بريد لو ما الحبيب يبقالو ضل
| |
|
|
|
|
|
|
Re: ياحليوة يا روح القصيد (Re: Dina Faisal)
|
دكتور محمد والله قصيدة في غاية الجمال والروعة وماخذة ليها تسلسل إيقاعي جميل
لم احس معها بالوقت , شكراً جميلاً وانت تقدم لنا هذه الرائعة بروح القصيد .
نأمل في المزيد من هذه الأعمال وأخوك مغرم بالشعر الجميل ومنكم نستفيد دكتور محمد
وبهذه المناسبة أدعوك لزيارتي في هذا المنبر وقصيدتي ( مشتاقين بالاكتر ) ونعرف
رايك في القصيدة الأولي والتي تليها .
| |
|
|
|
|
|
|
Re: ياحليوة يا روح القصيد (Re: د.محمد حسن)
|
Quote: أنا في هواك شاعر عنيد وترا مشبع بالحكايات الهيام حامل صباباتك غنا ومنحور وريد ويمتد بي نفق التغرب والبعاد ترحل سنين الالفة في السفر الاكيد لا ضفاف النيل تبلل للشجى لا حكاوي الليل تقرب للبعيد ونبقى موال في الزمن صايمين دهر لا وقفة لا عيدا يعيد دولابنا للزمن البراح والعشرة والناس السماح والبهجة والفرح الفريد
|
أشعلت نار الصبابة في القصيدة يا دكتور!
وكما قال صديقي أبوجهينة، الرمية عايزة ضو قمرة ويا ريت عند زمالنا الشمالية!
فتح الله عليك يا دكتور..
| |
|
|
|
|
|
|
Re: ياحليوة يا روح القصيد (Re: د.محمد حسن)
|
Quote: يبرق بسيمك في الدجى يحرق قليبي المرتجيك تنداح رؤي تنسج جمالك بين مسامات الطيوف أنشودة للزمن السعيد أنا في هواك شاعر عنيد وترا مشبع بالحكايات الهيام حامل صباباتك غنا ومنحور وريد ويمتد بي نفق التغرب والبعاد ترحل سنين الالفة في السفر الاكيد |
| |
|
|
|
|
|
|
Re: ياحليوة يا روح القصيد (Re: Muna Khugali)
|
Quote: لا ضفاف النيل تبلل للشجى لا حكاوي الليل تقرب للبعيد ونبقى موال في الزمن صايمين دهر لا وقفة لا عيدا يعيد |
ياسلااااااام ولا شليل لاقنو ولا التمساح عارفنو وين وراح
تسلم وتسلم حروفك
| |
|
|
|
|
|
|
Re: ياحليوة يا روح القصيد (Re: د.محمد حسن)
|
بسم الله الرحمن الرحيم
د. محمد حسن
قمةالروعة ... الوصف دقيق رقيق جميل
خايف عليك .. ومن نفس خوف الكلام ... يتنهّدك ... . آهات غنا ... وتراً أنين ... ويتشابى ليك .. خايف عليك من الخجل .. إتضارى بيك .. . فى عفتك ... وينادى ليك .. خايف عليك .. لمّن رموش العفة منك إتّكنْ ... إتوسدن إنسان عينيك .... يابنية جد .... . خايف عليك .....؟؟؟؟
وكتبتها قبل الآن في أحد البوستات ولكن لإحساسي الصادق بها حسيت روح التشابه في الوصف والدقة في تصوير المعاني حتى لتكاد أنك تلمسها وهذه للمبالغة طبعا...
قمة الروعة
ودي وصال عالم
| |
|
|
|
|
|
|
Re: ياحليوة يا روح القصيد (Re: وصال عالم)
|
د. محمد حسن !!!
القومة ليك أيها المبدع ,,, حقيقة إنت تنشر الندى و الأزاهر والرياحين في زمن اليباب والمحل فلك منا ألف باقة شكر وتقدير وتسلم يا الحبيب ..
| |
|
|
|
|
|
|
|