تحذير علمي: ممنوع الإرتباط بالرجل الذي لا يقدر الهمزة !!! 11/03/2007
في حياة الرجل الكثير من المراحل التي يرغب بالظهور فيها أكثر تألقاً وأهم هذه المراحل هي فترة الخطوبة فيحاول الظهور بأنه حمل وديع حتي تقع المرأة في شباك حبه، وحتي لا تندب الفتاة حظها بعد فوات الأوان فعليها الانتباه جيداً لبعض الأمور التي تبدو بسيطة ولكنها تكشف عن شخصية خطيبها وأبسط هذه الطرق ما استخدمه الأوروبيون قديماً للكشف عن كفاءة الموظفين فما عليك إلا أن تستدرجي خطيبك لكتابة رسالة لك ولاحظي طريقته في كتابة الحروف ورسم الكلمات.
إذا كانت تميل الأسطر نحو اليمين أحياناً وتميل نحو اليسار في أحيان أخري، فأنت أمام إنسان غير مستقيم.
لو تميزت نهاية كلماته بذيول ويميل إلي الأشكال الدائرية في كتابة اللام والنون، فيدل ذلك على التواء شخصيته وأنه غير جدير بالثقة.
خطه جيد ويركز في ضبط أحرف الصاد والضاد والطاء والظاء فحب المظاهر من أكثر اهتماماته أما مغازلة البنات فتأخذ عنده حيزاً لا بأس به.
لكل من أحرف الـ(ح،خ،ج،م) أيضاً نصيب في معرفة شخصية خطيبك فإذا كان يقف كثيراً عند كتابتهم فهو متردد ويحب الخطط والمكائد. عندما تتميز كلماته بالتموج كلمة فوق وأخرى تحت فهو رجل متمرد وعنيف حاد المزاج يميل إلي الكآبة.
حرف الراء إذا كتب بعيداً عن الكلام فهو دليل علي أنك أمام شخص غيور، كما أن لصق الهمزة فوق الألف مباشرة تعني الغرور، وجود فوارق كبيرة بين السطور تدل علي الأنانية وعكس ذلك معناه أنه عدواني، ولكي تعرفي أنه شخص فوضوي واتكالي تستطيعين أن تكتشفي ذلك من خلال ترك هامش علي يمين الصفحة لا يترك مثله علي اليسار.
للملل أيضاً دلائل في طريقة كتابته فإذا كان يضغط كثيراً علي القلم ليكتب النقاط فهو إنسان ممل، وتدل عدم كتابة النقط علي الإهمال. (منقول من إيجبتي) بالله استعن بالورقة و القلم قبل التورط محبتي لنا
هسي يقروا الكلام دة والواحد يجري ياخد كورس خط عربي
بالغتي لكن,,, كدة برضو تكشفي ليهم الامتحان؟
دينا الحبيبة قتي كدي؟ غايتو اعتمدي على قصة التعليم في الكبر كالكتابة على الماء الأمخاخ بتكون تخنت الطبيعة جبل حبيبة راقبي الألفات و اللامات و الهمزات و هلم جرا
03-12-2007, 06:36 AM
fadlabi
fadlabi
تاريخ التسجيل: 12-13-2004
مجموع المشاركات: 4116
بالعكس دة يا حبيب سفر (دليل معرفة الحروف و الترتيب في اكتشاف خوابي الخطيب)
Quote: داخل النص
وماذا عن الإتجاه الآخر يعني البنت البتنطق الـ ( ث ) بدل الـ ( س )
شوف ياسيدي: إذا نطقت السين ثاءً واضحة لا لبس فيها فالخطيبة ساعتئذ ملامح النجاح المستقبلية تبدو عليهاجلية. وإذا نطقت الثاء مدغمة في السين فلم يتبين محدثها أهي ثاء واضحة أم سين فالخطيبة ساعتئذ سيدة صالونات لا يشق لها غبار أما لو كتبت الثاء سيناً فصفر من عشرة و اللي بعدو
03-12-2007, 07:53 AM
Raja
Raja
تاريخ التسجيل: 05-19-2002
مجموع المشاركات: 16054
تعرفي أنا خطي الناس بتقول عليه (Beautiful) لكني مقتنعة تماما إنه (Readable).. لكنه للأسف بقى لي مقياس لخطوط الناس.. خاصة الأولاد.. الزول الخطو أشنى من خطي ولا بعاين ليهو .. لووووووووووووول
بوست حلو.. خفف من الكآبة الواحد حاسس بيها..
تسلمي..
03-12-2007, 09:06 PM
lana mahdi
lana mahdi
تاريخ التسجيل: 05-07-2003
مجموع المشاركات: 16049
Quote: تعرفي أنا خطي الناس بتقول عليه (Beautiful) لكني مقتنعة تماما إنه (Readable).. لكنه للأسف بقى لي مقياس لخطوط الناس.. خاصة الأولاد.. الزول الخطو أشنى من خطي ولا بعاين ليهو .. لووووووووووووول
غايتو يا حبيبة إنتي حسمتي القصة من أساسا لا (راءات ) لا (همزات)و الإستاندرد عدييييييل
Quote: بوست حلو.. خفف من الكآبة الواحد حاسس بيها..
تسلمي..
كآبة شنو رجوية؟ مش كنا و لا زلنا رافعين لوجو (جميلة هي الحياة)؟؟
03-12-2007, 12:49 PM
Salah Waspa
Salah Waspa
تاريخ التسجيل: 11-21-2006
مجموع المشاركات: 1139
النبي فيك يا لنا انتي من زمن ناس كتابة الجوابات؟ اخر جواب انا استلمتوا من صاحبتي حبيبة قلبي شموس سنة 92
نفسي اجيني جواب بالخط انشاء الله الهمزة ملزوقة مع الالف
سودانية الغالية أختك من مشجعات الجوابات ايام الجامعة كان أسبوعياً بيصلني حوالي طاشر جواب من صاحباتي و الأهل و الأصدقاء عموماً و جيراننا و أهم جواب جواب أبوي بعزلو من وسطهم و أبدا بيهوـ و بيكون كم صفحة فلوسكاب و قرايتو مرات و مرات. بمناسبة الجوابات و مقالبها صحبتي شديد أيام الجامعة كتبت جوابين واحد لخطيبها وواحد لوالدها أها قامت ختت جواب الخطيب في ظرف و كتبت بالغلط عنوان الوالد و العكس بالعكس أبوها راجل ظريف جداً رد ليها بثلاثة كلمات مكتوبك ضل الطريق) بحب جداً و بتنعشني حاجتين ريحة حبر الجوابات و الظرف و ريحة حبر الكتاب لمن أبدأ أقراهو. برسل ليكي جواب بالخط و الهمزة ملزوقة مع الألف..أنفع؟؟
Quote: وناس الايميل والماسنجر والاس ام اس وهاللللو ديل يمشوا وين؟؟ وازاي نكتشفهم يعني ؟؟؟
ديل حقهم راح لأنو ح يتم التعامل معاهم بفهم المتهم مدان حتى تظهر ليهو قرائن براءة
بعد دا الا تغيروا استراتيجيتكم مع التلفونات و رسائل الجوال ، دا كان زمن (حبيبي أكتب لي و أنا أكتب ليك بالحاصل بي و الحاصل بيك)
قالوا زمن نميري الظروف بقت صعبة جدا و كل شي سوق أسود و بدأ المعارضون توزريع منشورات ضد النظام و ناس الأمن بدأوا البحث عن مصدر المنشورات و في مرة تم القبض على شخص و هو يوزع منشورات لكن المفاجأة انها كانت اوراق فاضية ما عليها كتابة و بتاع الامن بعد أن قبض على الشخص حاول المقبوض عليه أن يدافع عن نفسه بأنه يوزع اوراق فاضية فكان رد بتاع الأمن : تعتبر منشورات هي الحالة الحاصلة دي عليك الله عاوزه ليها كتابة؟
الحاج حمد الحاج
03-13-2007, 00:57 AM
lana mahdi
lana mahdi
تاريخ التسجيل: 05-07-2003
مجموع المشاركات: 16049
بعد دا الا تغيروا استراتيجيتكم مع التلفونات و رسائل الجوال ، دا كان زمن (حبيبي أكتب لي و أنا أكتب ليك بالحاصل بي و الحاصل بيك)
لكن يا حبيب الخطاب و الكروت الhard copy مافي زيها زي أيام خطوبتنا ما كان في جوال و دة من نعم الله على العبد لله و إلا كانت الشكلات لرب السما
Quote: قالوا زمن نميري الظروف بقت صعبة جدا و كل شي سوق أسود و بدأ المعارضون توزريع منشورات ضد النظام و ناس الأمن بدأوا البحث عن مصدر المنشورات و في مرة تم القبض على شخص و هو يوزع منشورات لكن المفاجأة انها كانت اوراق فاضية ما عليها كتابة و بتاع الامن بعد أن قبض على الشخص حاول المقبوض عليه أن يدافع عن نفسه بأنه يوزع اوراق فاضية فكان رد بتاع الأمن : تعتبر منشورات هي الحالة الحاصلة دي عليك الله عاوزه ليها كتابة؟
03-13-2007, 00:47 AM
lana mahdi
lana mahdi
تاريخ التسجيل: 05-07-2003
مجموع المشاركات: 16049
وماذا عن الإتجاه الآخر يعني البنت البتنطق الـ ( ث ) بدل الـ ( س )
لنا سلام...قطعا نحن ما معنيين بى بوستك ده بعد العمر مشى كده لاننا بقينا ناس معايش ساكت والخطاب كله ارقام لافيه لصق لاكوبى اند بيست..وبقروه من اعرفكم ولى تحت. لكن البنات البنطقن الجيم (شيم) ويعطشنها لما تعطش معاها ديل تصنيفهم وين والا ديل شهادة عربية ساكت. بوست حا امشى واجيه راجع متلاعب ليس الا ما موضع مطامع اقل شى استراحة من ساس يسوس شوية تسلمى،،،
03-13-2007, 01:01 AM
lana mahdi
lana mahdi
تاريخ التسجيل: 05-07-2003
مجموع المشاركات: 16049
وماذا عن الإتجاه الآخر يعني البنت البتنطق الـ ( ث ) بدل الـ ( س )
لنا سلام...قطعا نحن ما معنيين بى بوستك ده بعد العمر مشى كده لاننا بقينا ناس معايش ساكت والخطاب كله ارقام لافيه لصق لاكوبى اند بيست..وبقروه من اعرفكم ولى تحت. لكن البنات البنطقن الجيم (شيم) ويعطشنها لما تعطش معاها ديل تصنيفهم وين والا ديل شهادة عربية ساكت. بوست حا امشى واجيه راجع متلاعب ليس الا ما موضع مطامع اقل شى استراحة من ساس يسوس شوية تسلمى،،،
أصلاً يا حبيب البوست دة في إطار الهرب من ساس يسوس فالف مرحباً بك لاعب أساسي أو احتياطي هنا وحدثنا عن الخطابات المطلبية دي بالمزيد من التفصيل محبتي
.. . يعنى اى حرف يهبشو لازم يقع فى عيب دا كلام شنو يا لنا .. !!؟ اها المميزات شنو يعنى يكتب الحروف كيف بدل الناس ما تقراء كورسات تعدل حروفها والله الا كن يكتب ليكم الحروف ويرسمها بالالوان،
____________________
كدى ورونا انتو خطوطكم كيف حمراء ولا رمادية ؟؟
03-19-2007, 09:13 PM
lana mahdi
lana mahdi
تاريخ التسجيل: 05-07-2003
مجموع المشاركات: 16049
Quote: يعنى اى حرف يهبشو لازم يقع فى عيب دا كلام شنو يا لنا .. !!؟ اها المميزات شنو يعنى يكتب الحروف كيف بدل الناس ما تقراء كورسات تعدل حروفها والله الا كن يكتب ليكم الحروف ويرسمها بالالوان،
____________________
كدى ورونا انتو خطوطكم كيف حمراء ولا رمادية ؟؟
مستقيمة البوست دة ذكرني نكتة لو قمتي طلقانة لو قعدتي طلقانة
03-12-2007, 10:26 PM
محمد مكى محمد
محمد مكى محمد
تاريخ التسجيل: 10-13-2006
مجموع المشاركات: 4082
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة