الشيخ فرح ودتكتوك رحمة الله عليه ...لمن سألوه .. من هي اسوأ النساء يا شيخ فرح ... فرد عليهم الشيخ: (الكفُوت اللفُوت انت جاي من الخلا وهي جاية من البيوت لا تديك مقوت ولا تخلي كلمتك تفوت)
تخريمه .. الله يكفيكم شر اللفوت وام لسان سنين ....
03-11-2007, 12:20 PM
SAMIR IBRAHIM SAMIR IBRAHIM
تاريخ التسجيل: 01-05-2007
مجموع المشاركات: 2628
ومن طرائف الضره ... في نكته شعبيه في السودان ... بتقول (( واحده شمتانه في صاحبتها لمن زوجها اتزوج عليها ... وجات عشان تواسيها .. وتكفر ليها ومبتسمه من الاضان للاضان ... الزوجه المسكينه .. قطعتوا في حشاها .. وردت علي صاحبتها : يعني شنو كان اتزوج ... اولادي في الزريبه وبقراتي في المدرسة )))
يحكي ان اختا سودانيه ... كانت تتحد زوجها من ان يتزوج عليها ... وفي مره من المرات الفاس وقعت في الراس .... ودخل عليها الزوج يخبرها بانه تزوج واليوم دخلته علي زوجته الجديده .....وودعها وخرج للذهاب لقضاء ليلة زفافه ... وبعد ان خرج بكم دقيقه .... التفتت وراءها وكان لها دجاجة بيضاء... ((حاضنه ليها كم بيضه ))) فخطفتها وجرت خلفة ، والدجاجة تكورك ... والاخت المسكينه تكورك ..وتستوقفه (اقيق اقيف هووووي يا راجل اقيف ..... ولما وقف والتفت اليها .... قالت ليهو : ...هاك انت نسيت عمتك ) .. المسكينة بقت عمياء وصماء .. لا شافت الدجاجه .. ولا سمعت ولا سمعت كوراكها .....
اولا لم تدعو عليه بل قالت له : بخيت وسعيد عليك انشاءالله ويبقالك عمار وبنين وقلبي انا خلي في اناتو وبعدك ياما راجيه انين
وبعد داك خاطبت قلبها وقالت له : ولو كان يا قلب حبيت بعد وبعد قسمت يمين انشاءالله ما يتم ليك مراد ولا دوق لا حلو ولا زين وعمرك ما تجيك سعادة ولا تتهنى قول يا امين وتاني الحب عليك حرمان وعد الحر امانة ودين
طلب من فضلك الود البغني ده اسمو منو وماشاءالله صوته رهيب ولو ممكن توفر لينا اللنك للحفظ
مع عاطر التحايا ناصر موسى
03-11-2007, 09:46 PM
SAMIR IBRAHIM SAMIR IBRAHIM
تاريخ التسجيل: 01-05-2007
مجموع المشاركات: 2628
Quote: طلب من فضلك الود البغني ده اسمو منو وماشاءالله صوته رهيب ولو ممكن توفر لينا اللنك للحفظ
الاخ ناصر موسي ..
صباحاتك مباركه ...
والله ما عندي فكره البيغني ده منو ... لكن بصراحه الولد ماهر وغناي وليهو مستقبل كبير .. وانا حاولت اتناول قضية الزوجه الثانيه او كما يسمينها ((( الضره ))) وفي نفس الوقت اقدم هذه الموهبه الواعد ...
وبعد داك خاطبت قلبها وقالت له : ولو كان يا قلب حبيت بعد وبعد قسمت يمين انشاءالله ما يتم ليك مراد ولا دوق لا حلو ولا زين وعمرك ما تجيك سعادة ولا تتهنى قول يا امين وتاني الحب عليك حرمان وعد الحر امانة ودين
يا اخوي ناصر دي انطبق عليها حال الشالت الجداده وجرت زوجها يوم دخلتو وقالت ليهو .. يا راجل هوي نسيت العمه .....
03-11-2007, 10:14 PM
محمد فرح محمد فرح
تاريخ التسجيل: 09-14-2006
مجموع المشاركات: 9222
والشكر ليك يا ود فرح ... وعلي مروركم الذي عطر سماءنا الاسفيري ...
قضايا الزوجه الاولي والثانيه والغيره ... تنتشر في الكثير من الدول ... علي مر التاريخ ... واخر قضيه كانت هنا في الولايات المتحده الامريكيه ... في ولاية نيويورك ... انتهت بسجن اخت سودانيه ..
قال العرب قديما لا تنكح من النساء ستة لا انــانة ، ولا منـانة ، ولا حنـانة ، ولا حـداقة ، ولا بــراقة ولا شـداقة. فالانانة هي الكثيرة الشكوى او المَريضة كما نسميها لا يمر عليها يوم الا ولها شكوى جديدة ، واما المنانة فهي التي تفاخر بالحق وبالباطل وتمنن بما فعلت وبما لم تفعل ولا سيما ان كانت صاحبة مال وكانت لها على زوجها يد ولم تكن اصيلة ومعروف ان المن يبطل المعروف ويثير الحنق ، واما الحنــانة فهي التي تحن الي زوج آخر او تباهي بما كانت فيه من العز والنعيم في بيت اهلها ، وربما فعلت هذا من لم يك لها بيت ولا اهل اصلاً ، مكابرة (وفوجاج بالفاضي) واما الحــداقة فهي التي تحدق وتشتهي كلما رأت شيئاً تمنته ولو وجدت حائطاًلامعاً نظرت الي وجهها فيه ، واما الشــداقة فهي الثرثارة وهي صفة اكثر النساء وقل ان تجد امرأة غير شداقة وهي أسوأ انواع النساء سوهي التي اذا لم تجد شيئاً تتحدث فيه تحدثت في لا شئ وصنعت من الحبة قبة فهذه تطير النوم من الجفون وتنعدم الراحة معها
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد فرح
فيس بوك
تويتر
انستقرام
يوتيوب
بنتيريست