راجل المرا ده عمل شنو في حياتو ؟؟؟

بمناسبة يوم المرأه العالمي ... وبمناسبة خالتو تراجي ما قادر تحفر ليها حفرة دخان في كندا ... ... وبتفتش ليها علي ((( بستله )))..


تخريمه ...


غايتو الزول ده عمل شنو في حياتو ما معروف ؟؟؟؟ عرس فيها ... كتبت فيهو قصيده ودعت عليهو دعوات يلحقن امات طه ...!!!!!

غايتو اي زول مفكر يعرس مره تاني الله يسترو من الحنك السنين دا ...

الشيخ فرح ودتكتوك رحمة الله عليه ...لمن سألوه .. من هي اسوأ النساء يا شيخ فرح ... فرد عليهم الشيخ: (الكفُوت اللفُوت انت جاي من الخلا وهي جاية من البيوت لا تديك مقوت ولا تخلي كلمتك تفوت)

تخريمه .. الله يكفيكم شر اللفوت وام لسان سنين ....

ومن طرائف الضره ... في نكته شعبيه في السودان ... بتقول (( واحده شمتانه في صاحبتها لمن زوجها اتزوج عليها ... وجات عشان تواسيها .. وتكفر ليها ومبتسمه من الاضان للاضان ... الزوجه المسكينه .. قطعتوا في حشاها .. وردت علي صاحبتها : يعني شنو كان اتزوج ... اولادي في الزريبه وبقراتي في المدرسة )))





يحكي ان اختا سودانيه ... كانت تتحد زوجها من ان يتزوج عليها ... وفي مره من المرات الفاس وقعت في الراس .... ودخل عليها الزوج يخبرها بانه تزوج واليوم دخلته علي زوجته الجديده .....وودعها وخرج للذهاب لقضاء ليلة زفافه ... وبعد ان خرج بكم دقيقه .... التفتت وراءها وكان لها دجاجة بيضاء... ((حاضنه ليها كم بيضه ))) فخطفتها وجرت خلفة ، والدجاجة تكورك ... والاخت المسكينه تكورك ..وتستوقفه (اقيق اقيف هووووي يا راجل اقيف ..... ولما وقف والتفت اليها .... قالت ليهو : ...هاك انت نسيت عمتك ) .. المسكينة بقت عمياء وصماء .. لا شافت الدجاجه .. ولا سمعت ولا سمعت كوراكها .....

الاخ /SAMIR IBRAHIM

اولا لم تدعو عليه بل قالت له :
بخيت وسعيد عليك انشاءالله ويبقالك عمار وبنين
وقلبي انا خلي في اناتو وبعدك ياما راجيه انين

وبعد داك خاطبت قلبها وقالت له :
ولو كان يا قلب حبيت بعد وبعد قسمت يمين
انشاءالله ما يتم ليك مراد ولا دوق لا حلو ولا زين
وعمرك ما تجيك سعادة ولا تتهنى قول يا امين
وتاني الحب عليك حرمان وعد الحر امانة ودين

طلب من فضلك
الود البغني ده اسمو منو وماشاءالله صوته رهيب ولو ممكن توفر لينا اللنك للحفظ


مع عاطر التحايا
ناصر موسى

Quote: طلب من فضلك الود البغني ده اسمو منو وماشاءالله صوته رهيب ولو ممكن توفر لينا اللنك للحفظ

الاخ ناصر موسي ..

صباحاتك مباركه ...


والله ما عندي فكره البيغني ده منو ... لكن بصراحه الولد ماهر وغناي وليهو مستقبل كبير .. وانا حاولت اتناول قضية الزوجه الثانيه او كما يسمينها ((( الضره ))) وفي نفس الوقت اقدم هذه الموهبه الواعد ...


لينك الحفظ .............................................

Quote: اولا لم تدعو عليه بل قالت له : وبعد داك خاطبت قلبها وقالت له : ولو كان يا قلب حبيت بعد وبعد قسمت يمين انشاءالله ما يتم ليك مراد ولا دوق لا حلو ولا زين وعمرك ما تجيك سعادة ولا تتهنى قول يا امين وتاني الحب عليك حرمان وعد الحر امانة ودين

يا اخوي ناصر دي انطبق عليها حال الشالت الجداده وجرت زوجها يوم دخلتو وقالت ليهو .. يا راجل هوي نسيت العمه .....

Quote: طلب من فضلك الود البغني ده اسمو منو

أخ ناصر
الفنان إسمو الشاب سعد وهو أحد النجوم الذين برزوا من خلال برنامج نجوم الغد الذي تصدره قناة النيل الأزرق وظهر في الموسم الفات ...

وفعلاً بالرغم من سنه الصغير إلا إنو بيحمل صوت جميل جداً .. أتمنى ليهو كل التوفيق إن شاءالله


والشكر لي صاحب البوست على الغنيه الجميله

والشكر ليك يا ود فرح ... وعلي مروركم الذي عطر سماءنا الاسفيري ...


قضايا الزوجه الاولي والثانيه والغيره ... تنتشر في الكثير من الدول ... علي مر التاريخ ... واخر قضيه كانت هنا في الولايات المتحده الامريكيه ... في ولاية نيويورك ... انتهت بسجن اخت سودانيه ..

تخريمه ... ضرتين اتشاكلن ... الاولي قالت للثانيه ..


- أنا الأولى .:. والأولى تحلى لو كانت وحله

ردت الثانيه ....

أنا الثانية: .. الأصغر والأجمل

الاولي بسرعه ردت عليها : كوني جميله واصمتي ...المثل بيقول ... كل جميلة غبية !!!!

الاخ محمد فرح

شكرا للمعلومة

ودي
ناصر موسى

من القوقل العربي ..........


قال العرب قديما لا تنكح من النساء ستة لا انــانة ، ولا منـانة ، ولا حنـانة ، ولا حـداقة ، ولا بــراقة ولا شـداقة.
فالانانة هي الكثيرة الشكوى او المَريضة كما نسميها لا يمر عليها يوم الا ولها شكوى جديدة ، واما المنانة فهي التي تفاخر بالحق وبالباطل وتمنن بما فعلت وبما لم تفعل ولا سيما ان كانت صاحبة مال وكانت لها على زوجها يد ولم تكن اصيلة ومعروف ان المن يبطل المعروف ويثير الحنق ، واما الحنــانة فهي التي تحن الي زوج آخر او تباهي بما كانت فيه من العز والنعيم في بيت اهلها ، وربما فعلت هذا من لم يك لها بيت ولا اهل اصلاً ، مكابرة (وفوجاج بالفاضي) واما الحــداقة فهي التي تحدق وتشتهي كلما رأت شيئاً تمنته ولو وجدت حائطاًلامعاً نظرت الي وجهها فيه ، واما الشــداقة فهي الثرثارة وهي صفة اكثر النساء وقل ان تجد امرأة غير شداقة وهي أسوأ انواع النساء سوهي التي اذا لم تجد شيئاً تتحدث فيه تحدثت في لا شئ وصنعت من الحبة قبة فهذه تطير النوم من الجفون وتنعدم الراحة معها