|
Re: فضيحة طالبة في الثانوية (Re: EMU إيمو)
|
Quote: راح ماجد ونزل زينب ورجعت البيت وهي خايفه بس مافي حد علم .. وكلمت ماجد على طول وقالت له ان والديها لم يدرو وطمئنته وسولفوشويه وقال ماجد أيه رايك اقابلك بكره قالت :لالالا مش كل مره تسلم الجره قال :المره دي جايب لك هديه ولا في الأحلام قالت :مر واشوف الوضع مر ماجد في الوقت نفسه وركبت عبير |
والله من البداية عرفت انه دي دعاية لوكس
| |
|
|
|
|
|
|
Re: فضيحة طالبة في الثانوية (Re: عبد المنعم سليمان)
|
المشكلة يانادر الاخ ايمو عاوز يسودن القصة وسمى البنت زينب لكن فى الحقيقة هى قصة وردت فى احد المنتديات الخليجية وليست باسم زينب ولو لقيت وقت اجيب ليكم القصة من موردها الاصلى يا اخى ايمو وبكل الروابط وكل المنتديات الخليجية التى وردت فيها..
عبد المنعم ملك عاوز تلحق الراجل امات..........
بس كان يا ايمو تقول منقول او تلمح اوتذكر المصدر للامانه فقط..
مودتى لكم جميعا
| |
|
|
|
|
|
|
Re: فضيحة طالبة في الثانوية (Re: عبد المنعم سليمان)
|
فضيحة طالبه سعوديه في الثانويه بعد التحية والسلام.... أعجبتني القصه وحبيت انكم تطلعون على القصه
....اليكم هذه القصة الغريبة التي يقشعر لها البدن
القصه تقول ان فيه بنت تدرس في الثانويه واسمها (عبير ) مره راحت السوق مع امها
وقابلت واحد ورقمها المهم اخذت الرقم واتصلت عليه تعرفت عليه وهو اسمه (خالد) تعرفو علي بعض وزادت العلاقه وقويت بينهم ... كلن منهم يبي يقابل الثاني ولا لقو طريقه وفجأه جت فكره لخالد...
قال اقول عبير ورا ما نتقابل عند المدرسه ..
قالت عبير:: كيف وضح؟؟؟
قال اسمعي انتي ابوك ينزلك الصباح ويروح الدوام صح؟
قالت :صح ..
قال انا امرك وتركبين معي
قالت بس المديره بتكلم على البيت
قال :: افصلي التليفون وارتاحي
قالت::بس خايفه اتوهق
قال جربي ونشوف
المهم راح ابو عبير ووصل بنته للمدرسه ومشى .. وثواني الا وخالد واقف وركبت
عبير بسرعه وراحوا افطرو في ذا الكوفي شوب الفخم وجلسو يسولفون ويوم تمت الساعه 12
راح خالد ونزل عبير ورجعت البيت وهي خايفه بس محد درى .. وكلمت خالد على طول وقالت ان اهلها ما درو وطمنته وسولفو شوي وقال خالد وش رايك اقابلك بكره
قالت :لالالا مو كل مره تسلم الجره
قال :المره ذي جايب لك هديه
قالت :مر واشوف الوضع
ومر خالد في الوقت نفسه وركبت عبير
المهم اخذو على هالحال اسبوع كامل من السبت الى الاربعاء ...
وجاء يوم السبت اليوم اللي نست فيه عبير تفصل التليفون.. وطلعت مع خالد ..
ولا التليفون يرن ..قامت ام عبير (يالله صباح خير)
ام عبير:الو
المديره ::الو السلام عليكم
ام عبير :عليكم السلام من تتكلم؟؟
المديره::انا الاستاذه هدى مديرة المدرسه اللي تدرس فيها بنتك
ام عبير::هلا عسى ما شر
المديره :لا ما فيه الا الخير بس عبير لها اسبوع ما داومت عسى ماهي مريضه ؟؟
ام عبير ::كيف ...((وصرفت الموضوع)) ايه الله يسلمك البنت مرضت شوي بس
المديره :: زين الف حمد الله على سلامتها مع السلامه ::
ام عبير دارت بها الدنيا وما تدري وش تسوي هل تعلم ابو عبير ولا تمسك البنت وتسالها ؟؟..؟؟
المهم قالت لابو عبير عن كل شيء وقال اسمعي لا تقولين لها اي شيء انا بشوف وين تروح...
ويوم الاحد وصل ابو عبير بنته ومشى شوي وصفط يمن الا هاك االلكزس تمر وتركب عبير بنته المهم اللكزس كانت مضللله ومشى وراها ابو عبير الين هاك الشقق ونزلت عبير وخالد ووقف ابو عبير ونزل ومسك راعي الشقق وقاله في اي شقه ؟ وعلمه شقه 14 وطلع ابو عبير وهو يرقى الدرج كان خالد نازل وما انتبه ابو عبير له المهم طق الباب وفتحت عبير وانصدمت
يوم شافت ابوها وضربها وهي هجت للمطبخ واخذت السكينه تبي تروع ابوها وغلطت وطعنته في صدره وطاح الابو مغمى عليه وجا خالد وشاف الموقف وقال لعبير بسرعه شيلي معي للحمام
وحطوه في ((البانيو)) وملوه مويه وحطو عليه صابون الغسيل عشان الرغوه وطلعو
ورجعت البنت للمدرسه وهي تفكر في اللي صار حقيقه والا خيال ..المهم طلعت من المدرسه ورجعت مع الباص وطقت باب البيت الا المفاجأه الغريبه ابوها فتح لها....
وصاااااااااااحت وقالت: ابوي مو معقول
البنت ماصدقت وتنظر يمين ويسار والاب مازال واقف عند الباب
رد أبوها :<
وبصوت عالي
مع تايد الغسيـــــــــل ما فيش مستحيـــــــــــــــــــــــل
iiiiiiiiiiiiiiiiهههههههههههiiiiiiiiiiiiiiiii
لا تسب اقول انت وياه ....
http://www.omranonline.net/forums/showthread.php?t=28641
وده زيادة
| |
|
|
|
|
|
|
Re: فضيحة طالبة في الثانوية (Re: عبد المنعم سليمان)
|
Quote: يعني كلكم بتاعين بنشات في الجامعة الأهلية خلف السلك تجد مقابر حمد النيل |
يا إيمو تحديد الموقع دا بيعني حاجة وااااااحدة
إنك زبوووون دائم للأمريكي ... والله يكرم السامعين
تخريمة :
بوووونكس ...
نظاااااااافة ...
ريحة ...
توفييييير ........ ههههههه ...
| |
|
|
|
|
|
|
Re: فضيحة طالبة في الثانوية (Re: EMU إيمو)
|
وين ايمو اللص
لص القصص
قصص الديم
ديم سلك
سلك العجلة
عجلة مدير الكرة
كرة القدم
قدم الانسان
الانسان الاول
اول الصف
صف جامعة الخرطوم
خرطوم الفيل
الفيل لاعب موردة عطبرة
عطبرة بلد الحديد والنار
النار بابور بلدنا
بلدنا الحبيب
الحبيب بورقيبة
بورقيبة رئيس تونس
تونس الخضراء
خضراء السيجارة
سيجارة اللص
لص القوقل
____
القصة من اجل القافية ورفع البوست ومنافعا اخري
| |
|
|
|
|
|
|
Re: فضيحة طالبة في الثانوية (Re: عبد المنعم سليمان)
|
إيمو قلت لي المسلسل ده اسمه شنو ؟؟؟ الله يجازي شيطانك ياشيخ والله اليومين ديل
كل شئي وارد , بس قصة مزعجة شوية ولا رايك شنو ؟؟ يعني إي واحد عندو بنت في مرحلة
متقدمة من مراحل التعليم يعمل حسابه , بس الما داخلة في راسي انو البنت تطعن
ابوها بالسكين , مش ترفع السكينة في وجه وخاصة البيت كما يبدو عليه الحال
محافظ يعني البت متربية ولا كيف ؟؟؟؟؟؟؟
| |
|
|
|
|
|
|
Re: فضيحة طالبة في الثانوية (Re: EMU إيمو)
|
دينا يا اختي نسيت ابارك ليك يوم المراه
امس والله جانا حرامي سرق ناس عمي قوقل جيرانا والله شال القصص المعلقة في الحبل كلها
والدولاب يا انتي غايتو قسمتنا نعمل شنو
بس والله اسمحي لينا لكن نجيكم في العيد الجاي .. عيد الام
| |
|
|
|
|
|
|
Re: فضيحة طالبة في الثانوية (Re: عبد المنعم سليمان)
|
Quote: مع صابون الغسيـــــــــل ما فيه شي مستحيــــــــــــل |
اتكيفت من الحنة ده شديد ومن الحبطة بتاعة الراجل ده .... لكن مرقتوها لينا من نفسنا ... وشايفها جابت ليها سرقات .. المهم : نقول لي صاحب القصة الاساسي .... ابداع عديل كده
| |
|
|
|
|
|
|
Re: فضيحة طالبة في الثانوية (Re: EMU إيمو)
|
Quote: انت العقوبة القوقلية شنوفى حالات الذى دى |
صديقنا سيليكون
حسب مجلس الافتاء الاسفيري برئاسة الشيخ عبدالكريم بن كيكي وعضوية فيصل بن نوبي
وعبدالمنعم بن سليمان العثيمين واخرون لا تعرفهم الله يعرفهم فان العقوبة القوقلية
وكما جاء في اثر عبدالرازق الطالب (صحيفة سوابق ص 93) فان المقوقل علية التوقف
بوس(ط)ين متتاليين او ذبح عنزة بيضاء او رؤية مجنون عاري في بوست هشام بن شيخ
الدين .
والله اعلم
عن المجلس / منعم
____
خارج النص
المقوقل ضرب مثل بوستو معجون بالعسل
ويا نسائم الليل جيبي ايمون وقول ليهو
قوقل يقول سلللللمي يا
| |
|
|
|
|
|
|
Re: فضيحة طالبة في الثانوية (Re: عبد المنعم سليمان)
|
انت عارف يا منعم انا ما محتار ومستغرب في القوقلة كثير انا مستغرب في صحبي (ضحية) غايب من المنبر ده شديد الليلة يا دوب عرفت انو الزمن ده كلوا قاعد يتحاوم في المنتديات العربية وبصفتي كنائب لعمليات مركز (القوقل) السودانيزي اون لايني اصدر التالي.. ترقية الكمندان منعم الي وظيفة (عاكش دولي) للقوقلة والارشيف .............................. الاخ ايمو مطالب بتوضيح واعتذار للقراء ولكل الاعضاء في هذا المنبر لهذه السابقة التي تبتزل الابداع وتساهم في تدني مستوي المسوولية الثقافية وتفتح باب لانعدام معايير كثيرررررة...ويجب ان يجد مثل هكذا الامر الادانة من الجميع...
...قوقلني بلازعل ياخ سامحني بلا خجل
| |
|
|
|
|
|
|
Re: فضيحة طالبة في الثانوية (Re: EMU إيمو)
|
Quote: Quote: فضيحة طالبة من الثانوية بقت فضيحة ايمو من القوقلاوية |
ياجماعة قالوا سارق الربع مغفور له متى احسن استعماله..لكن ايمو سرقه كله..فى الحالة دى افتكر نوقفه من خلاف يعى يوم يكتب واسبوع لا رايكم شنو فى حكم ابتكو ده؟
| |
|
|
|
|
|
|
Re: فضيحة طالبة في الثانوية (Re: EMU إيمو)
|
Quote: الزول ده خمسة سنين خدمة في الحوش |
انا ذاتي قلت كده
لانه عمايلو كبيرة خلااااس
____
زولك ده خدم في الاوف لاين برضو ضيف لي الخدمة يا منعم لانها حتنفعوا في المعاش
شكلوا كده اختار المعاش الاختياري
| |
|
|
|
|
|
|
Re: فضيحة طالبة في الثانوية (Re: EMU إيمو)
|
Quote: ياجماعة قالوا سارق الربع مغفور له متى احسن استعماله..لكن ايمو سرقه كله..فى الحالة دى افتكر نوقفه من خلاف يعى يوم يكتب واسبوع لا رايكم شنو فى حكم ابتكو ده؟ |
صديق والله زولك ده سرق الغنم وكتل الراعي
وقال شنو :
Quote: قصة تقشعر لها الابدان |
والله فعلا اقشعرت لكن ما من القصة .. من القصــــة
| |
|
|
|
|
|
|
Re: فضيحة طالبة في الثانوية (Re: EMU إيمو)
|
شكرا للترقية يا سيدي
Quote: الاخ ايمو مطالب بتوضيح واعتذار للقراء ولكل الاعضاء في هذا المنبر لهذه السابقة التي تبتزل الابداع وتساهم في تدني مستوي المسوولية الثقافية وتفتح باب لانعدام معايير كثيرررررة...ويجب ان يجد مثل هكذا الامر الادانة من الجميع...
...قوقلني بلازعل ياخ سامحني بلا خجل |
اوافقك تماما فندم
رقيب اول سابقا
عاكش دولي حاليا
منعم
| |
|
|
|
|
|
|
Re: فضيحة طالبة في الثانوية (Re: عبد المنعم سليمان)
|
رايكم شنو فى حكم ابتكو ده؟ موافقين يا خال..والقول ما قال ابتكو.. بس كدي شوف التيم العامل في لجنة العكش الدولية.. لاني طبعا جيت متاخر ولقيت (العكش) حصل اذن بكون عندي ربع صوت حسب قوانين ضبط القوقلة الاسفيرية المادة 251
| |
|
|
|
|
|
|
Re: فضيحة طالبة في الثانوية (Re: EMU إيمو)
|
Quote: اقترح مفاوضات مع ايمو |
لا بنسلم ولا بنبيع ولا بنرضخ للتطبيع
____
لا يا كيكي لا كفاية نيفاشا يا كيكي
كفاية نيفاشا .. كفاية نيفاشا .. كفاية نيفاشا
قوقل لا .. قوقل لا .. القرن لا .. يا البقرة القرن لا .. القرن لا
انزل الستار
THE END
| |
|
|
|
|
|
|
Re: فضيحة طالبة في الثانوية (Re: عبد المنعم سليمان)
|
Quote: قوقل لا .. قوقل لا .. |
ما دام ده كلامك يا ريس حاضرين ولا للتطبيع ... اذن غير الضغط الذي ياتي بالزيت ماعندنا (حل) مع المقوقل الاممي ده.. ..وكدي خلي البوست ده فوق لحدي ما نشوف الية جديدة وخلي ولي قوقلودام ما دام ايمو ما عايز يظهر ويعتذر للجمهور
| |
|
|
|
|
|
|
Re: فضيحة طالبة في الثانوية (Re: عبد المنعم ابراهيم الحاج)
|
Quote: 19-12-2004, 11:26 م
EMU إيمو
.
تاريخ التسجيل: 16-02-2002 مجموع المشاركات: 1757 Re: حملة لجمع مليون توقيع ضد ممارسات النظام في دارفور وايقاف نزيف الدم ! (Re: Abdel Aati)
محمد ادم - مهندس
مع فرض هيبة الدولة في دافور وضد جماعات النهب والسلب المتمردة هناك |
ــــــــــــــــــــــــ عيب ياباشمهندس
| |
|
|
|
|
|
|
Re: فضيحة طالبة في الثانوية (Re: عبد المنعم ابراهيم الحاج)
|
لا لو كده الموضوع ده مرق من حوش بكري ودخل حوش تاني.. الدرس الاخلاقي الاول المربوط بالعلوم الهندسية يذهب بعيدا في التحدث عن الامانة والصدق ...[/blue] لذا يا باشمهندس الرجاء وبحكم الامانة الاخلاقية لفلسفة هذه المهنة تعال ورينا ده شنو ده..!!
| |
|
|
|
|
|
|
Re: فضيحة طالبة في الثانوية (Re: EMU إيمو)
|
Quote: وكمان مسميها على اسمي حبوبتي (زينب ) |
وهو كان ما زول شليق الزمن العلينا ده ناس حبوبتك وحبوبتى زينب ديل فى زول بسمى عليهن..والله فراشة المدرسة بقى اسمها سلافة...وبدلعوها سوسو الله يحلو الزول ده من الربابيط ديل،،،،
| |
|
|
|
|
|
|
Re: فضيحة طالبة في الثانوية (Re: صديق الموج)
|
اها ياجماعة اصبحنا بالله والشيخ شكر الله وازمة (القوقل) لا زالت دون حل بذكر يعيد الامور الي نصابها (القانوني) والكمندان منعم الثاني غائبا ويبدو انه قد بلغ منه التعب ما تعب من (المساككة) في ازقات قوقل الوعرة.. واما منعم الاول فقد اوفي وكفي وعمل لينا (ربط) هندسي مباشر يعمق الازمة القوقلية ويعيدها الي خانة (اليك)... الخال صديق الموج حمامة سلام اوامره علي العين والراس ... ولكن نتمني من الاخ (ايمو) ان يستلهم قيم الشجاعة الادبية وروح المهنة التي ينتمي اليها والاعتذار للقراء اولا ولاعضاء هذا المنبر في هذه السابقة الخطيرة بكل المقاييس وتفتح باب لاشياء خطيرة من التهجين والاستنساخ السئ الصناعة والطبخ بايادي (خنباء) قادرة علي تحويل (عبير) الي زينب وتبديل انواع الصوابين بنوع اخر ثم اضافة (رد) بكل برود..... اتمني ان نسمع اقتراحات في اطار (ادارة الكارثة) حتي نساهم في حماية الموقع من مثل هذه الاشياء
| |
|
|
|
|
|
|
Re: فضيحة طالبة في الثانوية (Re: غباشي)
|
Quote: و الله شلتو حال الراجل و ندمتوهو اليوم العمل فيهو البوست ده |
سلام يا باشمهندس وايمو بيني وبينك (بالغ) عديل كده واتي بامر جلل... والترس والتتريس لو الزول اتجبر عليهو مفروض يجضموا صاح او يخليهو قاعد في محلوا... تستحضرني حادثة ترس شهير لاحدي المسائل في ايام الكلية للتيوتريال صعب خلاص كانت الاجابة (سيغما) (وهي للذين لا يعرفون رمز رياضياتي يشابة كثير الرقم ستة 6)....اها يا غباشي الجماعة شبكو المسالة ترسك ترسك ..اخر واحد في الترس تحولت الاجابة عندو بقدرة قادر الي (5.89).....
| |
|
|
|
|
|
|
Re: فضيحة طالبة في الثانوية (Re: غباشي)
|
Quote: والكمندان منعم الثاني غائبا ويبدو انه قد بلغ منه التعب ما تعب من (المساككة) في ازقات قوقل الوعرة..
|
منعم دة يكون لابد ليهو في "ابوجنزير"
والله ياعبد الكريم اخوي
الزول ده انا قانص ليهو
من الصباح ...
هسة قاعد يشوف في محنو العملا دي
اخير ليهو يجي يعتذر
او انشاء الله يقول
جهازي مهكور...
بدل ما يتبلد كدة
وممحن حنانو زاتو...
هسة الزول دة لو مهندس صحيح
ما قادر يرسم ليهو
زاوية منفرجة تمرقو من الورطة دي؟
يا ايمو الزوغة مابتحلك
انت ليك 5 سنين في جنة الحلوين
دي ...ولو جيت بعد 5 سنين
لي قدام شيتك الختيتو هنا ما بتنسي
احسن الفيك بدربو.
| |
|
|
|
|
|
|
Re: فضيحة طالبة في الثانوية (Re: عبدالكريم الامين احمد)
|
Quote: الراجل ما دام مهندس غير يعمل لينا زاوية قائمة 45 درجة ..ما عندنا ليهو حل.. .... |
اها ياايمو
شفت سماحة الناس كيف؟ ادوك زاوية قائمة مخفضة نص بالنص
انا خايف بكرة بكرة يعملوها 359درجة
اخير تجي...
هسة لو ماجبت حكاية الاهلية وحمد النيل ديك
كان قلنا
واحد من السعوديين ديل هكرك ...
لكن وقعتك سودة
| |
|
|
|
|
|
|
Re: فضيحة طالبة في الثانوية (Re: EMU إيمو)
|
Quote: اخر واحد في الترس تحولت الاجابة عندو بقدرة قادر الي (5.89)..... |
و الله يا باشمهندس انا خايفو يكون ده ايمو زاتو لأنو الفكرة مستوحاة من نفس الحادثة لكن الليلة يا ايمو الجماعة خلو خشمك بقى ملح ملح
| |
|
|
|
|
|
|
Re: فضيحة طالبة في الثانوية (Re: EMU إيمو)
|
وده البروفايل
Quote: محمد ادم - مهندس
مع فرض هيبة الدولة في دافور وضد جماعات النهب والسلب المتمردة هناك |
اعيد لينا هيبة المنبر اولا يا ايمو
لية كده يا ايمو .. ليه ؟
لكن برضو الدنيا جمعة وكه وبهديك اغنية
ما خلااااص ايمو انتهي
وطول عمري ما بحزن عليه
الاغنية مهداة لحبوبه زينب بوادي السيليكون من ايمو بالبقيع
ومن عبير بكاليفورنيا الي مستر قوقل مع كل الحب والتقدير
| |
|
|
|
|
|
|
Re: فضيحة طالبة في الثانوية (Re: عبد المنعم سليمان)
|
:D تخيل يا منعم عمك صديق الموج الليل ده يساكك لمن نفسو اتقطع..وايمو ماجاء ياسر طيفور اخد ليهو جكة جكتين...وايمو ما جاء منعم قام الليلة من الصباح وعلي غير العادة وعامل مكين ثلاثي وايمو ماجاء.. انا نومة الجمعة المشهورة حقتي طارت لي في راسي..وايمو برضو ماجاء.. غباشي مات من الضحك وايمو برضو مالوووو....ماجاء.. ..... وبالله امسك الوردية وحاول باصر الزول ده وجيبوا ياخي.. ولو طلع مساح وديني بالانتربول نجيبو
| |
|
|
|
|
|
|
Re: فضيحة طالبة في الثانوية (Re: EMU إيمو)
|
سلامات عبد الكريم عبدالمنعم * (إبراهيم + سليمان)
Quote: شفت سماحة الناس كيف؟ ادوك زاوية قائمة مخفضة نص بالنص |
بس لكن بشرطين كان في ورقة يرسمهما لينا بدون برجل ... وكان في الأرض يعملها لينا بالشريط بس ! وللا ما كدة يا كيكي
(صاحبكم الليلة يشرب ما يروى)
| |
|
|
|
|
|
|
Re: فضيحة طالبة في الثانوية (Re: EMU إيمو)
|
بحق قوانين المنبر
بحق من رفع السماء دون عمد
بحق الاخوة والصداقة
بحق بطرس من شفي الرجل الكسيح
بحق يوم الجمعة
بحق يوم الاحد والكنيسة والمسيح
بالله تعال يا ايمو وانسب القصة لاصحابا وامشي وتكون طالبنا اعتذار
_____
مثل جديد لنج : القصة في القوقل والشكر لايمو
| |
|
|
|
|
|
|
Re: فضيحة طالبة في الثانوية (Re: EMU إيمو)
|
الكمندان كيكي وغباشي ومنعم (ب) والموج وبقية تيم المباحث
صباح الخير
Quote: كان في ورقة يرسمهما لينا بدون برجل |
ده برجل الحكاية كلها يا هندسة وتقول لي برجل تاني
____
الموج يا اخوي الراجل دا مقوقلاتي ما ارهابي ياااخ
| |
|
|
|
|
|
|
Re: فضيحة طالبة في الثانوية (Re: EMU إيمو)
|
Quote: مثل جديد لنج : القصة في القوقل والشكر لايمو |
عبد المنعم انت عارف المثل الالنج من حقك ده شنو؟
تلاتة مابندسن القروش والقحة وسرقة القوقل
شكيت محنكم،،،،
| |
|
|
|
|
|
|
Re: فضيحة طالبة في الثانوية (Re: EMU إيمو)
|
Quote: تخيل يا منعم عمك صديق الموج الليل ده يساكك لمن نفسو اتقطع..وايمو ماجاء ياسر طيفور اخد ليهو جكة جكتين...وايمو ما جاء منعم قام الليلة من الصباح وعلي غير العادة وعامل مكين ثلاثي وايمو ماجاء.. انا نومة الجمعة المشهورة حقتي طارت لي في راسي..وايمو برضو ماجاء.. غباشي مات من الضحك وايمو برضو مالوووو....ماجاء.. ..... وبالله امسك الوردية وحاول باصر الزول ده وجيبوا ياخي.. ولو طلع مساح وديني بالانتربول نجيبو |
تمام يا فندم
وانا عندي شنو غيرو الليلة بث قول ربنا يسهل والهانق اوفر يخف شوية
يا ايمو سلم تسلم المكان محاصر
لو سلمت لاعطيناك 40 من قصص كيكي وزوجناك عبير ان هي قبلت
| |
|
|
|
|
|
|
Re: فضيحة طالبة في الثانوية (Re: EMU إيمو)
|
Quote: تلاتة مابندسن القروش والقحة وسرقة القوقل |
والهروب من المنبر يا موج
____
منعم
جنزرتو هو راضي يسلم نفسوا لمان اجنزرو
خارج القسم :
جنزرتو جنزرتو وناس القوقل يا حليلا
بريد ايمو
| |
|
|
|
|
|
|
Re: فضيحة طالبة في الثانوية (Re: EMU إيمو)
|
Quote: جوجل تجقلب زي الشرا في ايمو |
اتسوي ايمو في بوستيها يجيبا قوقل من نكسيها
_____
الموج والله اللي يشوفك بالعمة والجلابية في الصورة يقول مثل واحد ما عندك كلو كلو
| |
|
|
|
|
|
|
Re: فضيحة طالبة في الثانوية (Re: EMU إيمو)
|
الحضور الان بالمنتدى العام لسودانيز أون لاين دوت كوم 480 شخص » (42 )عضو و (438) زائرا
»Abdulbagi Mohammed »Abu Gaafar »Ahmed Alrayah »Ahmed Mohamedain »Ahmed Yousif Abu Harira »Alsa7afa_30 »Aymen Tabir »Azhari Nurelhuda »Bannaga ELias »doma »EMU إيمو »Fadel Alhillo »Isa »malik_aljack »Mohamed Suleiman »mohmmed said ahmed »Muna Khugali »Sana Khalid »sudania2000 »tmbis »waleed500 »Yasir Elsharif »أبوذر بابكر »احمد حماد ادريس »الجندرية »الرفاعي عبدالعاطي حجر »الزوول »اندرو كوات »تاج السر حسن »حليمة محمد عبد الرحمن »حيدر حسن ميرغني »خدر »سيف الدين حسن العوض »صديق الموج »عبد الله محمود »عبد المنعم ابراهيم الحاج »عبد المنعم سليمان »عبدالله شمس الدين مصطفى »غباشي »فيصل محمد خليل »نادر السوداني »هشام هباني هذه الصفحة يعاد
قبضت ليكم الزول وحاتكم قبل شوية كان مع المتواجدين
| |
|
|
|
|
|
|
|