|
|
 رحبوا معى بزوجتى امانى عثمان حامد عضوا بالبورد
|
وامانى لمن لا يعرفها
هى امانى عثمان حامد المحامى..والناشطة فى مجال حقوق الانسان
وهى منسق البرنامج العربــــى لنشطاء حقوق الانسان(السودان).
عضومركز الخرطوم لحقوق الانسان وتنمية البئية..
عضواللجنة التنفيدية للمجموعة السودانية لحقوق الانسان..
نائب رئيس منظمة السودان للتنمية الاجتماعية..
رئيس البرنامج الافروعربى لنشطاء حقوق الانسان..
وعضو الحزب الشيوعى السودانى..
حاصلة على ماجستير فى العلاقات الدوليةمن جامعة الخرطوم
وكان عنوان بحثها الدولة القومية وحقوق المواطنة فى عصر العولمة
والدى اتخدت فيه السودان كدراسة حاله (المثقفون_المراة_الاقليات)..
ونتمنى ان تكون مساهمة فى البورد فى قضايا(المثقفون والمراة والاقليات الخ...)
وشكارتا دلاكتا
|
|
 
|
|
|
|
|
|
|
 Re: رحبوا معى بزوجتى امانى عثمان حامد عضوا بالبورد (Re: Abdel Aati)
|
العزيز علي عمر علي
مرحب باماني
ويا بختك بزوجة مثل هذه
ويا خبتنا زميلة لنا بهذا الموقع:
Quote: وامانى لمن لا يعرفها
هى امانى عثمان حامد المحامى..والناشطة فى مجال حقوق الانسان
وهى منسق البرنامج العربــــى لنشطاء حقوق الانسان(السودان).
عضومركز الخرطوم لحقوق الانسان وتنمية البئية..
عضواللجنة التنفيدية للمجموعة السودانية لحقوق الانسان..
نائب رئيس منظمة السودان للتنمية الاجتماعية..
رئيس البرنامج الافروعربى لنشطاء حقوق الانسان..
وعضو الحزب الشيوعى السودانى..
حاصلة على ماجستير فى العلاقات الدوليةمن جامعة الخرطوم
وكان عنوان بحثها الدولة القومية وحقوق المواطنة فى عصر العولمة
والدى اتخدت فيه السودان كدراسة حاله (المثقفون_المراة_الاقليات)..
ونتمنى ان تكون مساهمة فى البورد فى قضايا(المثقفون والمراة والاقليات الخ...)
وشكارتا دلاكتا |
تراجي.
| |
|
|
|
|
|
|
|
|
|
Re: رحبوا معى بزوجتى امانى عثمان حامد عضوا بالبورد (Re: على عمر على)
|
على عمر نقول شنو مرحب بيها..لكن يازول انت جنيت فى زول بجيب معاه
محامى انا خايف بعد شويةتجيب معاك شانتير محامى..لانو فى بوستات كده
نحن بنقطع فى الحريم ديل لا حولة ولا قوة..ان شاء الله الترحيب ده قوام
يمشى بعيد عشان انا قلت للمرة قانون بكرى والمنبر ما بسمح لعضويين من
البيت الواحد..شوف جنس الفتنة العملتها دى..
امانى مرحب بيك ومنورة الدار لكن ما تكلمى اخواتك فاهمة،،،
| |
|
|
|
|
|
|
|
|
|
Re: رحبوا معى بزوجتى امانى عثمان حامد عضوا بالبورد (Re: صديق الموج)
|
مرحباً كتير امانى عثمان
اضافة حقيقة لهذا المنتدي
والشكر موصول ل
شكارتا دلاكتا(بالمناسبة اسم الهنود دا شنوا!)
تخريمات الى عادل عبدالعاطى و على عمر على
طبعاً انتو عارفين الزول ما بزعل زوجته اواهلها فحاسبوا
تخريمة2 الى على عمر وحده
طبعاً انت بتستفيد من تاريخ السودان الحديث
شيخ حسن الترابى ناسب الانصار برضه
| |
|
|
|
|
|
|
|
|
|
Re: رحبوا معى بزوجتى امانى عثمان حامد عضوا بالبورد (Re: على عمر على)
|
هدا ما كتبه wadalzain فى العام 2004 كان ما يكون غير رايو
Quote: الاستادالاستاذه امانى من الشابات السودانيات القليلات ذات همه عاليه فى العمل العام ومبادره فى مساعدة الآخرين سريعه عند الفزع وبطيئه عند الطمع , تجدها تتحرك جيئة وذهابا بمشيتها المميزه وهى تحمل معامله لشخص مسافر او شخص لديه معامله فى احد دواوين الحكومه , بصوتها الخفيض يمكن ان تهون عليك مصائبك . تتميز بسماحة نفس فى زمن تضيق فيه انفس الآخرين وتتجهم دنياهم .
وهى واحده من النساء السودانيات الذين اعتدى عليهن بالضرب نظام الجبهه وزبانيته وكلابه فى المسيره الشهيره الى مكتب الامم المتحده بالخرطوم واثارت هذه الحادثه الرأى العام واستقطبت تعاطف وتعاضد الناشطين فى مجال حقوق الانسان فى العالم وهى نفسها ناشطه فى هذا المجال مجال توفير الحريات العامه وحقوق الانسان . |
| |
|
|
|
|
|
|
|
|
|
Re: رحبوا معى بزوجتى امانى عثمان حامد عضوا بالبورد (Re: على عمر على)
|
.
العزيز/علي تروس
ياخي مشتاقين
و مرحب بينا كلنا في الجوار الإسفيري دا
وترحيب خاص بالأستاذة/أماني
و أصلاً ما غريب عليها إنو تكون أول مداخلة ليها
في المنبر هي إحتفاء بعودة صحيفة الميدان .
Quote: 5-03-2007, 07:15 م
امانى عثمان حامد
.
تاريخ التسجيل: 05-03-2007
مجموع المشاركات: 1
Re: عودة الميدان .. (Re: طلال عفيفي)
التحية لطلال
والتحية لكل الزملاء
عودا حميدا لزينة جرائد السودان
وامنياتنا لها بالتقدم
فهى التى تعبر عن هموم المواطن السودانى
والتعبير الحقيقى عن الالتزم..الاعلامى المميز
|
ودي
م.كرفس
| |
|
|
|
|
|
|
|
|
|
Re: رحبوا معى بزوجتى امانى عثمان حامد عضوا بالبورد (Re: على عمر على)
|
يا سلام علي بت كرام الناس اماني عثمان امراة
تسد عين الشمس ولها اسرة كبيرة وصغيرة وضغت بصملتها في نسيج العلاقات السودنية لا تتنسي
احمد ميرغني وعادل وخالتها واخواتها نساء ورجال يا لهم/ن من ناس
الله يزيدهم ويحفظهم
واماني انسانة نشظة وهي متسقة الافكار ولها انسانية ذات جذور راسخة من دنقلا
الي اي حته ممتدة زي عرق البطيخ لقد كسب المنبر عضو فعال وهو اضافة للقانونيين/ات
والحقوقيين /ات وكسبت المراة مدافعه جيدة لحق الانسان وعلي راسه المراة
وكسبان علي بان الله اعطاه زوجة بكل هذه الصفات ومليون سلام لك يا علي
ومرسل لك صديق جاي لغاية عندك
| |
|
|
|
|
|
|
|
|
|
Re: رحبوا معى بزوجتى امانى عثمان حامد عضوا بالبورد (Re: على عمر على)
|
زي ماقالت بيان فإن مقدم المناضلة أماني ونحن على مشارف الإحتفال باليوم العالمي للمرأة
أعده إحتفالية خاصة في المنبر العام
ف تحية مستحقة لأماني وعبرها للمرأة السودانية
وتحية أخرى لكونها بنتنا في الحزب وفي الحي
Quote: مكان الميلاد فى السودان: الديوم الشرقيه ..ديم التعايشه
|
ومتأكد جدآ أماني حاتكون إضافة ثرة للحوار ولقوى الإستنارة في المنبر العام
و للأخ علي عمر الشكر الجزيل لإحتفائه الجميل برفيقته
وياريت نحتفي معاه بمقدم شقيقتها الرائعة أميرة عثمان حامد
لتضفي على المنبر العام بهاء والق ووعي
| |
|
|
|
|
|
|
|
|
|
Re: رحبوا معى بزوجتى امانى عثمان حامد عضوا بالبورد (Re: على عمر على)
|
كتبت أماني عثمان حامد
في بوست الديم مستغلة حساب زوجها علي عمر
مايلي:
Quote: يابوساندار تحية والف سلام
نحنا دياما .. انا سعيدة جدا بالكتابة عن الديم..لانه مسقط راسى واعتز به ولا اساوم فيه
ادا اردت ان اكتب عن جمال الديم واهله الطيبيبن المترابطين كاسرة واحدة فى البد احى دلك الرجل المناضل العظيم الخال ابو الجورج (احمد ميرغنى بابكر) والدى تجده دائما مبتسما ومتسامحا ومحبا للجميع.. وبيته المفتوح للجميع فى كل الملمات السياسية منها والاجتماعية..حفظه الله وابنائه وجعلهم كلهم (على فضل)..والدى ساكتب عنه كثيرا.. دلك المناضل مفخرة الديم..ساكتب عن الديم كثيرا لاننى ديامية..فقط الان قلت اسلم عليكن..يادياما يالديدين
أمانى عثمان حامد..الديم مربع واحد منزل واحد وتلاتين |
أها بعد ما عملتي ليك حساب خاص ونلت العضوية
حاننتظر وعدك ب الكتابة عن :
الديم
الشهيد علي فضل
ابو الجورج
على أحر من الجمر
وما تنسي تدي أميرة الفرصة لتكتب عبرك حتى نراها بيننا
فهي صاحبة ذاكرة ارشيفية عن الديم
منتظرنك في بوست الديوم الشرقية
| |
|
|
|
|
|
|
|
|
|
Re: رحبوا معى بزوجتى امانى عثمان حامد عضوا بالبورد (Re: على عمر على)
|
Quote: هى امانى عثمان حامد المحامى..والناشطة فى مجال حقوق الانسان
وهى منسق البرنامج العربــــى لنشطاء حقوق الانسان(السودان).
عضومركز الخرطوم لحقوق الانسان وتنمية البئية..
عضواللجنة التنفيدية للمجموعة السودانية لحقوق الانسان..
نائب رئيس منظمة السودان للتنمية الاجتماعية..
رئيس البرنامج الافروعربى لنشطاء حقوق الانسان..
وعضو الحزب الشيوعى السودانى..
حاصلة على ماجستير فى العلاقات الدوليةمن جامعة الخرطوم
وكان عنوان بحثها الدولة القومية وحقوق المواطنة فى عصر العولمة
والدى اتخدت فيه السودان كدراسة حاله (المثقفون_المراة_الاقليات)..
ونتمنى ان تكون مساهمة فى البورد فى قضايا(المثقفون والمراة والاقليات الخ...)
|
ديسسسسسسسسسس ابو الكدس زاتو ...
ياخى دى سيرة تخوف عديل .. (تخصص حقوق انسان)
الواحد تانى يعمل الف حساب قبل مايجى يفنجط ويفلت هنا ..
مــــــــ 1000 ـــــرحب بيك ..
ونتشرف جدا بالتواجد في مكان واحد مع امثالك .
Quote: وعضو الحزب الشيوعى السودانى..
|
جاك بلا يا معتز قريش ..
معتصم عمر
| |
|
|
|
|
|
|
|
|
|
Re: رحبوا معى بزوجتى امانى عثمان حامد عضوا بالبورد (Re: عبد العظيم أرباب)
|
الف مرحب بالاستاذه امانى عثمان المحاميه والناشطه فى حقوق الانسان والانسان ، الكل فى وسط المحامين بالعاصمه يعرف الاستاذه امانى فهى ناشطه اجتماعيا وحقوقيا ، تقدم خدماتها للمحتاج دون من ولا اذى ، تبادر دوما فى مشاركة زملاء المهنه فى افراحهم واتراحهم ، تقيل عثرة المنكوب ، ولا انسى عطفها وانتشالها لذلك المحامى الرجل المسن الذى جرفته بنت الراح وكاد يفقد مهنته ولكنها قدمت خدماتها له وفتحت مكتبها له وقدمت له القضايا وصارت تتابع اخباره وتتفقد احواله حتى انتشلته من حافة الضياع وصار يحضر للمحاكم بانتظام بفضلها . بوركت الاستاذه امانى وشكرا لك يا عمر لتقديمك زوجتك بهذه الطريقه فلا يعرف الفضل الا اصحاب الفضل .
انا متأكد من الاستاذه امانى سوف تكون اضافه نوعيه قيمه لهذا المنبر، ولانها من اسره كريمه وذات تعليم حقيقى راقى انا متأكد ايضا انها لن تشارك فى اجواء المهاترات فى هذا المنبر التى اراد البعض ان يجرفنا اليها .
الف مرحب بها وتأكد يا عمر على عمر انى لم اغير رأى .
مع خالص تحياتى واحترامى
| |
|
|
|
|
|
|
|
|
|
Re: رحبوا معى بزوجتى امانى عثمان حامد عضوا بالبورد (Re: على عمر على)
|
الاعزاء
المشاركين فى البوست من الزملاء البوردابيين
ومن الزملاء..اصحاب امانى
جايكم واحد واحد كدى خلونى ابداء بنوسه وب صديق الموج
قبال ما يجى يوم 8 مارس. ويتلمو فوقى النشطاء..
قالت نوسه:
Quote: يا مراحب بيك يا أستاذة أمانى
و ما شاء الله فوق دة "زوجة" ربنا يديك الصحة و العافية و القدرة . |
وقال صديق الموج:
Quote: على عمر نقول شنو مرحب بيها..لكن يازول انت جنيت فى زول بجيب معاه
محامى انا خايف بعد شويةتجيب معاك شانتير محامى..لانو فى بوستات كده
نحن بنقطع فى الحريم ديل لا حولة ولا قوة..ان شاء الله الترحيب ده قوام
يمشى بعيد عشان انا قلت للمرة قانون بكرى والمنبر ما بسمح لعضويين من
البيت الواحد..شوف جنس الفتنة العملتها دى..
امانى مرحب بيك ومنورة الدار لكن ما تكلمى اخواتك فاهمة،،، |
ولكن ان قمت مشيت سرقتا من بوست ود شيخ الدين فى شكلتو مع اساسى ..وهى
اعتدار اساسي..عن عدم قدرتو فى الشكل متعللا بنظرية وافقه عليها هشام
بتشبه كتابات الاستادة حليمة..بس دى الفرق فيها اعترافات رجال..وهى:
| |
|
|
|
|
|
|
|
|
|
Re: رحبوا معى بزوجتى امانى عثمان حامد عضوا بالبورد (Re: على عمر على)
|
وكتب اساسى لهشام
Quote: هاك عشر فوائد للعرس يا هشام وصححني بالله لو غلط
اول حاجة بخلي بال الزول طويل وبتمر عليهو حاجات ما كان اصلا بتوقع انه يسكت فيها في يوم من الايام
تانيا الزول بتحنك (عيني عينك ) وبيكون فاصل وبتبسم
تالتا بتسوق العربية علي راحتك
رابعا بيعلمك المساومة والاخد والعطاء
خامسا غسيل ومكوة واكل (ما بتفكر فيهم)
سادسا ما بتجيك بت ابليس
سابعا بتشم ريحة حلوة (غير ريحة عرقك )
تامنن بتتخارج من صفات لازمتك في العزوبية زي ( الضهب والنحل الخ ..)
تازعا في السعودية بالزات بتدخل اماكن العوايل
عاشرا بتغض بصرك (غالبا ليس التزاما دينيا ولكن من الخوف ) |
حداشرا ستكون اضافة منى ولكن فى ردى على (الزميل )عبد العزيز حسن على
| |
|
|
|
|
|
|
|
|
|
Re: رحبوا معى بزوجتى امانى عثمان حامد عضوا بالبورد (Re: على عمر على)
|
تحية للتى اعلنت حبها الينا جميعا
تراجى بت المصطفى..
وتحية الى الاساتده :
حواء سليمان ابراهيم
عاطف عمر
شهاب الفاتح عثمان
اسماعيل محمد احمد عباس
ياخوانا ما قالو ليكن صوتو عشان نفصل من البورد ود المحرب
خلاس نحن خلونا نشكرو بعد داك كان دايرين تفصلوهو افصلوهو..
ونجيماتنا..المنى والماجده بنات خالتى جاره
والحبيب الجبلابى
ومنى احمد
حيدر حسن ميرغنى
عثمان موسى
وتاج راسى منعم ابراهيم راجل سمية قسم
وعصام وآمال (اريتنا بحالكم)
مجاهد عبد ةالله .. رغم كراهيتى(للجهاد) كعضو فى حزب ليبرالى ينشد السلم
الارباب عبد العظيم لا تخف بقليل من الصبر يمكننا ان نقنع
بكرى ابو بكر بان يجيب لينا البوست حقنا حق حماية البئية
| |
|
|
|
|
|
|
|
|
|
Re: رحبوا معى بزوجتى امانى عثمان حامد عضوا بالبورد (Re: عماد محمود علي)
|
تااااني يبدو انني من أهل الكهف...(والله ايام) اماني...اماني...معانا هنا...
وهسي وين هي؟ يعني هسي اقول ليكم مبروك الزواج...والله اقول ليكم شنو؟
أماني عثمان حامد...الكتابة عنها تحتاج لتجرد ونكران ذات لم اصلهما بعد...فهي دفعة
شاطرة ونشيطة -شهمة وحبوبة...جسورة وضاحكة...طاعمة وسخية...
تصوروا انا يا دوب هنا حا اتنفس كويس...واخلي الهظار البسوي فيه دا
وامكن اخلي الدوبيت زاتو...
طيب يا اماني ندي محمد احمد بخيت وهدي جحا والزين وعبدالمجيد...
وين هم؟
| |
|
|
|
|
|
|
|
|
|
Re: رحبوا معى بزوجتى امانى عثمان حامد عضوا بالبورد (Re: nazar hussien)
|
مرحب وألف مرحب بالأستاذه أماني
إضافة ثرة وعميقة لحوش بكري ،
وسوف نحظى منها بالكثير نظراً
لتعدد نشاطاتها وخبراتها في
كافة فعاليات المجتمع المدني .
أخونا الأستاذ حسين ملاسي قال يكفي فقط أنها
عضو في الحزب الشيوعي ليرحب بها .
وأنا أقول له أيضا : يكفي أن فنانها
المفضل مصطفى سيدأحمد لأرحب بها أنا
فوق كل ما ذكر عنها في سيرتها الذاتية
الذاخرة بكل ماهو كفيل بأن يجعلها بين
ظهرانينا إضافة فاعلة وموثرة .
شكراً أخي علي عمر ، ومرحب بأختنا (زوجتك) الأستاذة أماني بيننا .
( ليمو )
| |
|
|
|
|
|
|
|
|
|
Re: رحبوا معى بزوجتى امانى عثمان حامد عضوا بالبورد (Re: على عمر على)
|
دينا على الأعناق الترحيب بالزميلة والصديقة الرائعة أماني
شهادتنا فيها مجروحة لأننا زاملناها في مواقع عدة (طبعا نحن أكبر منهابكثير)
وللشهادة هي نموذج المرأة الإنسان والمناضلة التي تعرف ماتريد وكيف تفعل.
نفاخر بها وبمثيلانها وحق لنا أن نفخر. فهي بنت البيت المفتوح وملجأ ذوي الحاجة.
وهي المثقفة المستنيرة التي لاتساوم ولو منحوها الذهب. عرفناها محامية تحت التدريب، وخبرناها منافحة عن الضعاف والمحتاجين، ومدافعة عن حقوق الإنسان في إنتقال سلس مابين الفردي والجماعي ونكران ذات يؤسس لعلاقة واضحة تلخص جدل الخاص والعام وتنقله من واقع التنظير لواقع الممارسة.نذكرها بينناتتسربل بالتواضع مع شجاعة وقدرة على الصدام، ونرتبها أمامنا حين يأتي الحديث عن حقوق الإنسان.
باعدت بيننا ضرورات الشتات، كما باعدت بيننا وزوجها الحبيب الأستاذ/ علي ( لعله يذكر آخر لقاء لنا بدمشق)، ولكن المعزة والوديؤكدان لنا دوما أن الفراق هو أولى محطات الحنين.
لأماني الرائعة و الرائع علي كل الأمنيات بحياة هانئة وعذرا لتأخر التهنئة
ومليون مرحب ياأماني مع سلام أرجو أن يبلغ جميع الأحبة
| |
|
|
|
|
|
|
|
|
 Re: رحبوا معى بزوجتى امانى عثمان حامد عضوا بالبورد (Re: على عمر على)
|
الأخ علي عمر
تحية طيبة،
و مرحبا بزوجتك،
الأستاذة أماني عثمان حامد،
و ما كتب في بروفايل أماني كثير
و لكن ما لم يكتب..
بكلمات بسيطة، أماني،
تنبض بالوطن في كل حركة، و خاطرة
سودانية موجوعة بوجع الوطن، نقية
تربط قولها بفعلها، طيبة هميمة،
يستغرقها العمل العام أكثر من خاصها،
مثابرة و نشطة و متابعة لكل الأنشطة
في حقل حقوق الإنسان و الدفاع عن
ناشطي حقوق الإنسان. واضحة كالشمس
و لا تخشى في الحق لومة لائم..
معنية دائما بالجوهري، أماني
نموذج رائع نحبه للمرأة السودانية
مرحب بأماني و شكرا يا علي..
السموأل
| |
|
|
|
|
|
|
|
|
|
Re: رحبوا معى بزوجتى امانى عثمان حامد عضوا بالبورد (Re: على عمر على)
|
أبو التراوٍس، يا علي
سلامات ياخ
وآلاف مراحب بي (أماني عثمان حامد) عضواً بالبورد و إضافة لقوى النور فيه
و مراحب بيك إنت زاتك شعشاعاً بالنفحات التي إفتقدتك في ممرات (دعه يعمل و دعه يمر) و دهاليزها.
و مرحب بيك محروساً بالملائكة( كما لم تكن أبداً).
و تحيات لكما و محبات جسيمة و فخيمة
أسمع يا حبيب
أنا ما بعرف أماني، و أتمنى لو اعرفها قريباً خارج السيرة الذاتية وداخل السيرة ذاتا
و لكنني أعرفك
فعاوز أوصيك ياخ!!!
ما تسمع كلام عزيز
أسمع كلام ود العبيد..
و مبروك إجتماع الشمل في (سودانيز) ياأماني و علي
.....
.....
و لو كنت بتسمع معاي في الباسنكوب دا حسع...كان الكلام يكون تاني
| |
|
|
|
|
|
|
|
|
|
Re: رحبوا معى بزوجتى امانى عثمان حامد عضوا بالبورد (Re: هاشم الحسن)
|
الصديقة والأخت أمانى عثمان...
قبل كل تلك السيرة التى تضج بمآثر العام الحقيقية جداً وتلزم مشهد الواقع حقاً وفعلاً..أمانى عثمان (القدامية) فى عمل الخير وماكان هنالك مسعى أو نفير الا تقدمته ومعها الصديقة والأخت (سلوى السعيد) وكلاهما مع الأستاذه أميمه والخنساء كن فى أول مظاهره خرجت ضد أرسال الشباب للحرب فى الجنوب وحمكت عليهما المحكمة بالجلد مع أخريات فى سابقة غريبة على قضاء السودان..
أنا سعيد بقدوم المناضلة الحقيقية أمانى عثمان وياريت تشرفنا سلوى سعيد..
حاتم الياس
ومحمد محمود (فرح)
| |
|
|
|
|
|
|
|
|
|
Re: رحبوا معى بزوجتى امانى عثمان حامد عضوا بالبورد (Re: معتصم مصطفي الجبلابي)
|
الانسانة الجميلة بحق بلا تكلف اماني عثمان,,
ومرحب بيها وهي واحدة من أصدق المقاتلين في قضايا حقوق الانسان,,
ومرحب بطرحها الهادي الموضوعي,,
اماني محل احترام لكل من يعرفها لانها محترمة فعلا,,,
تروس,,
اسمع كلام ود العبيد
| |
|
|
|
|
|
|
| |
على عمر على
نوسة
Abdel Aati
Tragie Mustafa
محمد عكاشة
حواء سليمان ابراهيم
صديق الموج
عاطف عمر
شهاب الفاتح عثمان
ismeil abbas
خالد المحرب
معاوية كرفس
Hussein Mallasi
Muna Khugali
معتصم مصطفي الجبلابي
ماجدة عوض خوجلى
Raja
altahir_2
حيدر حسن ميرغني
HAYDER GASIM
Osman Musa
bayan
أسامة خلف الله مصطفى
أبو ساندرا
essam&amal
محمد الواثق
samo
wadalzain
ALGARADABI
Ishraga Haimoura
Yasir Elsharif
Adel Sameer Tawfiq
حليمة محمد عبد الرحمن
lana mahdi
خضر حسين خليل
خالد العبيد
omer almahi
Elmosley
خالدة البدوي
abdulhalim altilib
أحمد عثمان عمر
أبو الحسين
Samau'al Abusin
محمد فرح
عبدالرحمن عزّاز
هاشم الحسن
حاتم الياس
hanadi yousif
بكرى ابوبكر
Haydar Badawi Sadig
Omer Abdalla
osama elkhawad
فيس بوك
تويتر
انستقرام
يوتيوب
بنتيريست