|
كتب الكاتب الفاتح جبرا المتوفرة بمعرض الدوحة
|
|
 Re: مساعدة عاجلــــة .. ( عشان العرس ).. (Re: tmbis)
|
والله
ما قصرتو معاي ..
من حتة لي كلام في الاضان .. لحدي الفندق 
باختصار جاهزين جدا والله وعجبتوني جدا .. لحدت ما حسيت اني العريس ذاتو ..
..
.
فكرت اغير عنوان البوست .. قلت ياخ ده بجيب لي هوا مع ( الحكومة ) .. الحكومة حقتي يعني .. لكن قلت مالو .. الواحد يجرب ضبحان الكديسة من حسع ..
يعني يضبحو ليهو الكديسة من حسع .. أحسن ما يضبحوها ليهو بعدين..
وعليك يا الله ..
.......................
المهم ياجماعة انا عاجز عن الشكر والله
المسالة اني بفتش لي .. اكسسوارات خاصة بالجرتق يعني صينية الجرتق
من سبحة
وحق .. وباقي الحاجات بتاعت العرس دي .. محتاج ليها في ( عمل تصميم )
بحثت عنها في اماكن كثيرة ما لقيته ( وعبد الرازق قوقل ) بيكون نائم
ومحتاج للصور دي علي وجه السرعة ..
قلت اشرك ليكم بي بوست العرس ده .. الناس العرست تجي تعيش ذكريات
والما ضاقوهو يارب يضوقوهو .. ويستعدوا ليهو من بدري ويدخلوا في الفورمه
فياريت
العندو اي صور بتتعلق بالموضوع ده ياريت يمدني بيها
اي موقع
اي صور واضح
والله العرس ما بناباهو
| |
 
|
|
|
|
|
|
|
|
Re: مساعدة عاجلــــة .. ( عشان العرس ).. (Re: Sobajo)
|
كيفك ياسوباجو
حمد الله على السلامة ..
كان مفترض اكون معاكم في القاهرة .. لكن المسالة كان فيها ( بيعة الرضوان )
لكن بيني بينك
بعد القالوهو لي الليلة .. وسمعتو بي اضاني اخير قعاد الرياض (  )
صاحبك ده جا من امس الرياض .. وقبيل جاني هنا عمل لي صداع
بلاي الواحد ليهو قرابة شهرين مرتاح منو
.
| |
|
|
|
|
|
|
|
|
 Re: مساعدة عاجلــــة .. ( عشان العرس ).. (Re: tmbis)
|
تمبس
خلي ياسر شابكك
أغني
أغني
من غير ما يقول ليك الاتفقنا عليهو:
كندا كخيار اول لشهر العسل
والباقي علي انا وود طيفور
وكان قصرنا
تراجي قطع شك حتقوم باللازم
مبروك
مبروك
مبروك
وطبعا دي ريدة لوجه الله يا تمبس
شمس الدين السنوسي
| |
|
|
|
|
|
|
|
|
|
Re: مساعدة عاجلــــة .. ( عشان العرس ).. (Re: Shams eldin Alsanosi)
|
Quote: كندا كخيار اول لشهر العسل
والباقي علي انا وود طيفور
وكان قصرنا
تراجي قطع شك حتقوم باللازم |
كدا تلاتة علي يا شمس الدين
عليك الله ده حسع يكون شهر عسل كيف ياخ
برد وتلج
وياســر طيفور + تراجي
طيب ما تقول لي مودنك ( الدفاع الشعبي) عديل كدا
والله يا شمس شكرا شديد .. بس اخوك جنو وجن البرد .. جنو وجن البرد
بعدين اديها صنة شوية ياخ على العرض ده
لسه ما دخلنا اللعب ..
عايزين ترجفونا من حسع مالكم
يعني الواحد اصلو ما يجيب سيرة العرس دي ؟
| |
|
|
|
|
|
|
|
|
 Re: مساعدة عاجلــــة .. ( عشان العرس ).. (Re: الملك)
|
صديقي العزيز تمبس
صباح الخير ، ، ،
يا أخوي غايتو بالشايفو أنا ده ما أظن فيها عرس تب ، إنت والزول القاعد يشخر قدامك ده ما خليتو ليكم صبوان حائم ذي الكراسي في كل صيوان قاعدين بس تكسروا في الثلج ساكت ، هسه غايتو الحمد لله البرد راح وح نرجع تاني لشراب الموية الباردة بالثلج . بس ما قلت لي الهن....... أخبارها شنو .
| |
|
|
|
|
|
|
|
|
 Re: مساعدة عاجلــــة .. ( عشان العرس ).. (Re: عماد محمود علي)
|
ياعماد محمود :
تعرف احسن حاجة تكسر تلج في كل الاتجاهات ـ تلقى ندوة تكسر تلج .. تلقى صيوان أي حاجة تكسر تلج
عارف تكسير التلج ده الحاجة الوحيدة الما فيهو مشكلة يعني اقصد أنك تمارس المسالة دي بي هدوء وفي كل الحالات بتكون كسبان ...
بالمناسبة
صاحبي ده قاعد يشخرلو فوق راي . ليهو يومين ما واقع لي ... على طول ماشي ( الدكتور ) يقول ليك انا ( عيان ) تسلم عليهو سلام الله ده يقوم يجيب ليك ( سيرة البحر ) 
تعال اللحق صاحبك ده .. انا هين ..
| |
|
|
|
|
|
|
|
|
 Re: مساعدة عاجلــــة .. ( عشان العرس ).. (Re: الملك)
|
ناجي ...
صباح الخير
الأيامات دي أخوك داخل ليهو في مشروع ( تسمين ) علشان كده الفيتنام متأخرة
( قبلك ) ياناجي .. دي حالة أخير منها ( العرس )
حاول أعمل لي ( رسم قلب ) ورسلو لي ( اتاشمنت ) يا اعمل ليهو ( داون لود ) هنــا
نوعيتك دي خطيرة علي البشرية
| |
|
|
|
|
|
|
|
|
|
Re: مساعدة عاجلــــة .. ( عشان العرس ).. (Re: tmbis)
|
Quote: ( قبلك ) ياناجي .. دي حالة أخير منها ( العرس )
حاول أعمل لي ( رسم قلب ) ورسلو لي ( اتاشمنت ) يا اعمل ليهو ( داون لود ) هنــا
نوعيتك دي خطيرة علي البشرية
|
.
.
"قبلى وحدى"
قبل كده عملت رسم قلب ,, كانت عندى طعنة غريبة كده بتجى كل مرة
اها يا سيدى "الدكتورة" بعد ما البتاع ده بدأ يرسم
مشت نادت الكتيبة المعاى وقالت ليهم تعالوا شوفوا الرسم ده ,,,انا ما مرت بى حالة زى دى
"أصلوا بعيد عنك كنت خايف أروح فى الكشف"اى زول ضرب لى كلمتوا ....وإتخيل العدد!!! الحضر
الكتيبة جات ,,, والحبيبة ما جات
تانى ما رسمت لا قلب لا لسان وخصوصا بعد ملحوظة الدكتورة
,,,
انك يا ناجى شكلك عندك قلبين
.
.
خلقة الله ,,!!
| |
|
|
|
|
|
|
|
|
|
Re: مساعدة عاجلــــة .. ( عشان العرس ).. (Re: احمد العربي)
|
استاذي العربي ..
| Quote: حرم الكوشه ما في زول يدخل فيها يدو |
والله ياعربي ده كلام زي الورد ... ودور المازون يادوبك ممكن نفعلو من جديد .. كدا الواحد ضمن الكوشة وشايف بي هناك في مشروع شنطة مدورة .. بس باقي ( العروس ) (  )
ياخ انتو ( موية نار ) عديل كده ..
| |
|
|
|
|
|
|
|
|
|
Re: مساعدة عاجلــــة .. ( عشان العرس ).. (Re: A.Razek Althalib)
|
أبورزقة
كدي دقيقة خليك من عواف دي .. (انقز ) لي جماعتك ناس القوقل ديل شوف لينا زيادة للعدة دي .. الليلة الصباح كنت عايز اصحيك الساعة تلاتة صباحا ..
والله لو عارف كده اكن صحيتك
خليك من صديق الموج اصلو بتاع توريط زي ما عارفو ...
كلو بي زمنو .. كدي خلينا ننتهي ليك من ناس شتات ديل في الاول ..
| |
|
|
|
|
|
|
|
|
|
Re: مساعدة عاجلــــة .. ( عشان العرس ).. (Re: ملكة سبأ)
|
| Quote: على فكرة انت بقيت ماببتغطي كويس |
عليك الله انا قاعد انوم زاتو
قايله بدوني فرصة .. ما ياهي الليلة بي ألف ليلي ..
على فكرة:
فطور العريس ما قاعدين يعملوا فيهو قراصة 
افتكر الكلام ده واضح ...
والله شكرا ليك ولي سوميتا .. حليتوني من ورطة شديدة خلاص
| |
|
|
|
|
|
|
|
|
|
Re: مساعدة عاجلــــة .. ( عشان العرس ).. (Re: tmbis)
|
في واحدة ابوها سوداني امو ايرلندية وامها مغربية
ابوها مغربي وامها من اصل اسباني وابو امها المغربي ده
ذاتو ابوهو مغربي لكن امو كولمبية من اصل لبناني جدها لبناني
كان عايش في الاكوادور وعرس ليهو واحدة كولمبية ابوها كولمبي و
امها اكوادورية .. والبت العروس ذاته عندها مربية موريتانية قرت
تدبير منزلي في البرتغال .. وعندهم سوّاق اريتري كان في ايطاليا و
عرس ليهو ايطاليا وولد منها بت ولمن كبرت صاحبت ليها ولد فرنسي كان
بقرأ معاها مرة جاء معاها البيت الاريتري زعل راح ضارب البت كف اصلو
هو كان عائش في السودان وعاشر السودانيين وشال منهم الحمشنة اها المرة
زعلت منو كيف يضرب البت قدام حبيبها الجايي معاها البيت عشان يقضو وقت ظريف
قامت بلّغت فيهو قاموا طردوهو من ايطاليا راح هرب مشى اسبانيا ومن هناك زاغ
جاء المغرب .. وفي المغرب لاقاهو ولد جيرانم الكان في ايطاليا الأبوهو برضو اريتري
كان عائش في السودان وامو ألمانية وعنده جواز ايطالي بالميلاد وجنسية ألمانية من بلد امو
وما فتش كتير على الجنسية الاريترية .. قال ملحوقة .. المهم هو الدلاهو على الجماعة ديل قال
ليهو في واحد صديقي من النمسا اختو بتقرأ مع (العروس) وقالت ليهو الجماعة ديل عايزين سواق
يكون طيب ومضمون .. وهو كان بعرف واحد ابوهو من كينيا وامه نيجيرية فلقاهو للأسف اشتغل قبل
كم يوم لكن برضو ده من حسن حظ الاريتيري ..
اها ده العرض العندنا .. وطبعاً اول حاجة يا اخوي ريحتك الخاتيها في صورتك الخايف عليها دي
ما بتلزم الجماعة ديل .. (آل فلير دمّر آل) ..
ويا زول اقول ليك كلام .. يا تمبس اخير ليك تمشي البلد عديييييييييل .
وناسي ديل دايرين ليهم مدرّب برازيلي ما دايرين ليهم عريس
| |
|
|
|
|
|
|
|
|
|
Re: مساعدة عاجلــــة .. ( عشان العرس ).. (Re: tmbis)
|
تمبس
سلام واشواق
كلامك واضح يا صاحبي
علا الاعراس عابقة في الديار
عشان كده الناس دي ناوي عليك
كدى اتفرج في ديل
أو دي
لو الحاجات دى عجبتك قول (عارفك ما فيك فائدة) بس عملاً في حق
الخوة البيني وبين عمار .
| |
|
|
|
|
|
|
|
|
|
Re: مساعدة عاجلــــة .. ( عشان العرس ).. (Re: سفيان بشير نابرى)
|
والله يا بتمبوشتي
عارف نحن عندنا بيت
بسموهو ناس الحلة المقر الدائم للحفلات!!
يعني ممكن نعمل حفلة في أيي لحظـة
والساوند من بيتنا ما بطلع بي أخوي و أخوك
و القونات راقدات
الا القونة فلانة الفلانية
دي لو قونة قونة لي روحا ولو شيخة شيخة لي روحا
انا البتقــيف قصــــادي لا أتخــــلقت لا ولدوها
يعني تختاها لي خالس خالس
| |
|
|
|
|
|
|
|
|
|
Re: مساعدة عاجلــــة .. ( عشان العرس ).. (Re: tmbis)
|
Quote: الكلام ده بالنسبة للناس العرست والما عرست ..
والعايزه تعرس.. |
العريس المرتقب تمبس ..
سلام كتير ..
في فئة رابعة ما ذكرتها::
الناس العرست وعاوز تعرس تاني
متواجدين على الخط الساخن ..
بضمن ليك على الأقل هجيج حتى الصباح ..
توكل على الله ماك صغير والله ..
وزي ما دعيت ليك دعاء الحبوبات يوم زواج محمد الشيخ (إن شاء الله يقيفوا ليك يوم جديدك يا وليدي) ..
الموضوع في منتهى البساطة يا بني ما هي إلا عكلة اليوم الأول إلا وتنجلي الأمور وتتمايز الصفوف ثم تضع الحرب أوزارها ..
تحياتي،،،
جاد
| |
|
|
|
|
|
|
|
|
 Re: مساعدة عاجلــــة .. ( عشان العرس ).. (Re: tmbis)
|
تمبوسه
مالك ماكنت هدي ورضي
البوديك للمشاكل بي كرعينك شنو
اختي الدرب ده
اسمع كلام ببكيك ما تسمع كلام بضحكك
تم قرايتك يا ولدي
وجهز نفسك
ما صغير وجاهل لسه
اسمع النصيحه دي
ولو عندك روح لي شحتافة الروح وخمة النفس امشي عرس
| |
|
|
|
|
|
|
|
|
|
Re: مساعدة عاجلــــة .. ( عشان العرس ).. (Re: abas)
|
مبديئا كدة اقدر أساعدك بنصيحة شخصيا باعتقد أنها مهمة لاى شاب بينوى الزواج
لكن قبل كدة خليني اعبر ليك عن مدى قلقى من عدوى الزواج التى اجتاحت البورد هذه الايام
فلا تدرى عزيزي ما نحمله لكم من إعجاب وكم انتم مصدر صمود وفخر لنا يا معشر الشباب بالبورد أل ( ( SINGLE
نصيحتى دى يا اخ تمبس بتنفع مع الزول اللى لسه فى المرحلة الاولى يعنى قبل الاختيار
فلو كنت لسة فى بر الامان اسمع كلامى دة كويس وخلى اى فلسفة وحداثة وخذعبلات بعيد وادينى اضانك
اما لو وقع المحظور وخلاص نمرت كلامى دة بيكون بندق فى بحر لكن ممكن يستفيد منه الاخرون
كقاعدة اساسية – التعليم لا يتعدى المرحلة الابتدائية لزوم تعلم القراءة والكتابة
تكون من مواليد الاطراف او الهوامش عشان لما تجيبها الرياض تكون حافظة ليك الجميل دة لسنوات
عديدة حتى لو سكنتها غبيرة ولا منفوحة
فى نصائح تانى كتيرة لكن خليها لقدام حسب متطلبات المرحلة
وقلبى على ولدى
| |
|
|
|
|
|
|
|
|
|
Re: مساعدة عاجلــــة .. ( عشان العرس ).. (Re: tmbis)
|
..
.
Quote: المسالة اني بفتش لي .. اكسسوارات خاصة بالجرتق يعني صينية الجرتق
من سبحة
وحق .. وباقي الحاجات بتاعت العرس دي .. محتاج ليها في ( عمل تصميم ) |
عليك الله يا تامبا
خجلتنى عديل
يعنى الهيصة والزمبريطة دا كلها عشان - صورة - عدة جرتق
وصبحية ..
ياخى انا افتكرت عايز تقول احجزو لى النادى .. اتفقو لى مع الفنان
.. ادونى دسكاونت فى السلام روتانا .. يا ناس دبي جبو لى اوفر للمالديف
ولا سيشيل ..
ياخى شرط عينا ..
اها لمن تشد حيلك للعرس .. نحن منتظرين..
سلام..
________________
تجى ولا ما بتجى !!
| |
|
|
|
|
|
|
|
|
 Re: مساعدة عاجلــــة .. ( عشان العرس ).. (Re: tmbis)
|
Quote: عليك الله انا قاعد انوم زاتو
قايله بدوني فرصة .. ما ياهي الليلة بي ألف ليلي .. |
كُر علي ..
وأدرك شهريار الصباح ؟
بتاعة الف ليلي وليلي برضو
Quote: على فكرة:
فطور العريس ما قاعدين يعملوا فيهو قراصة
افتكر الكلام ده واضح |
إفتكر كدا ليلتك حاتبقي كحلي
| |
|
|
|
|
|
|
|
|
|
Re: مساعدة عاجلــــة .. ( عشان العرس ).. (Re: الطاهر ساتي)
|
احيييييييييا انا منكم
قال المثنى قال
الاولى مالها؟ عميانة ولا مكسرة ولا رئتيها ما شغالات ذي
ما بتقدر تطلع كي ال سي سي
بس غياتو الواحد يستخسر فوقنا كل حاجة..
يازول تجيبو الحبوبة تقعد مع العيال
تجو شهر عسل تاني..
تفرح الاولى على استحمالها ليكم وفي حالتك انت على التركين والملوحة
خاصة لو كانت من عندنا الحاجات دي عرفتها عندكم...
منتظرينكم و مرحب بيكم.. نفرح بيكم
والدعوة عامة للناس الحلوين.
| |
|
|
|
|
|
|
| |
tmbis
صديق الموج
Yassir Tayfour
حبيب نورة
mamkouna
معتصم الطاهر
elhilayla
Sobajo
Shams eldin Alsanosi
وليد محمد المبارك
الملك
ابو جهينة
Abdelmuhsin Said
محمد سنى دفع الله
احمد العربي
A.Razek Althalib
Soumeta
.jpg)
.jpg)
ملكة سبأ
امير عوض الجمري
سفيان بشير نابرى
JAD
abas
abuguta
احمد التجانى احمد
الطاهر ساتي
هجو الأقرع
bayan
EMU إيمو
Moawia Mohammed
الحارث سرالختم عبد الله
فيس بوك
تويتر
انستقرام
يوتيوب
بنتيريست