|
Re: التشكيلي عمار منصور ( تمبس الصغير ) يتحدث بريشـته .. (Re: محمد المرتضى حامد)
|
مولانــا المرتضى .. الدعوات الجميلة دي ربنا ما يحرمنا منها.. ويديك الف عافية وتصحبك السلامة ( في حلك وترحالك ) .. تعرف جدنــا والد امنا عليه رحمة الله وكنا بنقول ليهو ( ابونــا الجزولي ) كان شيخ ورع توفى فوق للتسعين وكان يقيم صلواته في المسجد ويستمع إلى مدائح أولاد حاج الماحي .. ويستمع بصوفية مبالغة فيها للراحل خدر بشير .. أخبرني قبل وفاته التي نالت مني الكثير بأنه حريص في كل صباح ( وليلة ) أن يحصنا بما أوتي من آيات ذكر حكيم ولا يترك أحد من ابنائه واحفاده .. وأظن انا ما كان يخصنا به وهو تقي وورع .. عصمنا بفضل الله عن الكثير من أهوال الدنيا ومصائبها.. ورثنا عنه الكثير فهو فنان بطبعه وتطبعه .. عليه رحمة الله.. فكانت علاقته بنا مميزة وظهرت ملامحه حتى في الشكل في عمار وتطابق كربوني في سلوكياته..
| |
|
|
|
|
|
|
Re: التشكيلي عمار منصور ( تمبس الصغير ) يتحدث بريشـته .. (Re: محمد سنى دفع الله)
|
Quote: وتمبس الشاة الضالة فيهم |
قول فيل عديل كدا يا السني.. شاة ( بت الناس دي ) .. عموما زي ما قال عمار .. الموهبة بتحتاج لي تطوير .. وأحمد الله اني ساهمت كثيرا في تطوير عمار في مراحل متقدمة من حياتو .. ورجعت استمد منو قوتي .. وطاقتي .. وترتيبي العقلي في مراحل متقدمة من حياتي .. فدائما ألجا إليه ببصيرته المتفتحه والحمد لله برؤيته الثاقبة للامور .. وقربه للمولى عز وجل في تصريف أمور حياته ( ربما بشكل متطور واكثر مني ) فنزعته الصوفية ساعدته على رؤية الأمور بشفافية .. إضافة لحس الفنان الداخلي فيه..
لكن ما قلت لي يا سني ( البدلة ) بتاعت المرة الفاتت ما خلتك ( تأمن ) وتشتري ليك اتنين زيها.. المرة الفاتت لقيتني كيف عليك الله ؟؟
| |
|
|
|
|
|
|
Re: التشكيلي عمار منصور ( تمبس الصغير ) يتحدث بريشـته .. (Re: معتصم دفع الله)
|
يا سلاااااام عليكم ياخي
الزول دا الله يحفظوا.. أولا الحديث عن فهم الفن التشكيلي مدخل جميل لأمثالي ممن لا يففهون شيئا امام لوحاته ما لم يتبرع احد بشرح اللوحة.. البرنامج آسر جدا و الونسة الدقاقة و الخلفية الموسيقية (عازة) الهادئة و التناول الراقي لصورة فلكلورية بهذه الريشة الواعية بصراحة فتح الابواب امامي للإستمتاع بهذا النوع من الفن.. بعدين شكلو عمار دا تربية حبوبات اها كدا يا معتصم طلعت لينا تمبس -الما ساهل دا- اي كلام في بيتهم هههههه في انتظار تعليقات فناني المنبر حقيقي تسلموا يا معتصم
| |
|
|
|
|
|
|
Re: التشكيلي عمار منصور ( تمبس الصغير ) يتحدث بريشـته .. (Re: هاشم أحمد خلف الله)
|
تحياتي يا هاشم .. وألف مرحب بيك مرة تانية في بيتك .. حقيقي الفنون هي الوجه الجميل الذي نعكس بيهو ثقافتنا للشعوب .. وهناك الكثيرون الذين حملوا هذا اللواء وسيرتهم تتحدث عنهم .. وليتنا نشجع الشباب وكل صاحب موهبة لإبرازها على أرض الواقع .. ونكون بذلك خدمنا قضية هامة تهم النشء والشباب .. وأكيد نحن على موعد للقائك ..
كامل محبتي
| |
|
|
|
|
|
|
Re: التشكيلي عمار منصور ( تمبس الصغير ) يتحدث بريشـته .. (Re: فيصل نوبي)
|
كيفك يا نوبي .. مشتاقووووووون ياخ .. تعرف اليومين ديل الحالة بيات شتوي .. الواحد يجي يتاوق وأقرب ملف يكب الزوغة .. شغل..شغل..شغل .. ربك يعين بس .. قلت لي تمبس طلع زول ساي زينا كده وجاي .. عمار زول فنان شديد والعاجبني فيهو بيشق طريقه بثبات وصبر يحسد عليه .. ودي ميزة الفنان بيجود عمله عشان يخرج للناس بصورة حلوة .. ولكن الزينا دا يصبر على الحاجات دي لمتين .. يا ريت نشوف في كل ناصية شارع قاليري وفي كل (حِلة) مسرح ونادي ..
شكراً يا نوبي .. محبتي وتقديري ..
| |
|
|
|
|
|
|
Re: التشكيلي عمار منصور ( تمبس الصغير ) يتحدث بريشـته .. (Re: فيصل نوبي)
|
Quote: يا علاء ياخ قوم قد الزول ده طلعكـ بيش ساي |
يا فيصل اااي انا قاعد ساكت . لكن قدر الفي ده .. الواحد يجازف بيهو مع الأخوان
Quote: ما تزعل الزول ده خطف منكـ الاضواء عديــل كده |
خماني بي هناك برضو تصدق ..؟ زمان لما كنت بمشي ليهو الكلية .. كانو بقولو لي بلاي انت أخو عمار فيها نوع من التهميش كده طبعا.. لكن الحمد لله الواحد متصالح مع نفسو
| |
|
|
|
|
|
|
Re: التشكيلي عمار منصور ( تمبس الصغير ) يتحدث بريشـته .. (Re: osly2)
|
اوسلي 2 ..
Quote: قاصد تقول انو تمبس ذكاة البيت يا ابو السعود؟ |
زمان عندنا زول في حلتنا كان فاكيها فيني .. قاعد يقول لي أنو ( الورل ) هو بيض (التمساح ) الفاسد .. يعني بي فهم أنو بعد ما ( البيض يتمسح ) بتكون في ( حرباشات ) في شكل ( ورلالات ) الغريبة الحاجة دي كانت ماشة فيني لفترة طويلة.. غايتو عمار لحدي الآن طلعني الطيش.. ما تقومو تطلعوني ( وررل ) كمان
| |
|
|
|
|
|
|
Re: التشكيلي عمار منصور ( تمبس الصغير ) يتحدث بريشـته .. (Re: saadeldin abdelrahman)
|
تحياتي يا سعدالدين .. شكراً للمداخلة الجميلة .. الحديث عن الفنون جميعاً حديث شيق ويحتاج منا أن ندلف إليه وننتظر أهل الشأن في هذا الخصوص .. ونحن في المرحلة الإبتدائية في زمان سابق كانت هناك حصة للفنون يتبارى فيها التلاميذ ويظهرون إبداعهم في شتى مجالاته وهي محاولة للبحث داخل نفس الطالب الفنان وإعمال بصره على الأدوات المتاحة إليه وهي تمهيد جيد لموهبة قد تتفتح حين يكبر الطالب وبديهي سوف تكبر معه .. أظن هذه المادة لا وجود لها الآن في منهجنا الدراسي .. وفي إعتقادي البسيط أن حصة الفنون والموسيقى من أهم الحصص التي يجب أن نحث عليها الطالب لأنها مادة تفتح الأذهان وتشغله بما يفيد موهبته والتي قد تكون مكبوته أصلاً نتيجة لعوامل كثيرة .. في فترة تواجدي بالسودان كنت مداوم على زيارة كلية الفنون الجميلة بجامعة السودان وكنت أجد نفسي مرتاح نفسياً مع الأعمال التي تقدم فيها من جميع أنواع الفنون من تشكيل وخزف ونحت وخلافه .. نتمنى لأخينا عمار كل التوفيق في مشواره الفني .. كل الحب والتقدير لأسرة عمنا منصور أمد الله في أيامه ..
محبتي ..
| |
|
|
|
|
|
|
Re: التشكيلي عمار منصور ( تمبس الصغير ) يتحدث بريشـته .. (Re: saadeldin abdelrahman)
|
Quote: أولا الحديث عن فهم الفن التشكيلي مدخل جميل لأمثالي ممن لا يففهون شيئا امام لوحاته ما لم يتبرع احد بشرح اللوحة.. |
العزيز أبوالسعود .. أي مدخل لاي عمل اكاديمي اولا لابد من امتلاك ناصية المعرفة ولو بالقليل من المعطيات المتاحة الفن التشكيلي من ( اسهل واصعب ) ضروب الفنون وفي تساوى مع المزيكــا حسب فهمي التواضع لانها اشياء ارتبطت بالفطرة والموهبة الممنوحة من الخالق يعني ما من الاشياء الممكن نتحصل عليها عن طريق الاكاديميات بل بننميها.. الفن التشكيلي موجود اساسا داخل كل كائن والفرق بينو وبين الفنان هي الترجمة البتتم عن طريق ترجمة الرؤية ( والشوف ) إلى عمل واقعي متاحة فيهو الرؤية للجميع وشوفها كل حسب الفنان الجواهــو.. تبقى مسؤولية فتح الخطوط الاولية لا ستقبال العمل المترجم مشروطة بي اساسيات وابجديات العمل من فهم للخطوط واللون وزوايا الصورة .. ( الكلام ده طبعا حسب كلام عمار القالو والسبقوهو عليهو العديدين من المهتمين بالمسالة الفنية دي ) فياريت نستفيد من الامكانيات المتوفرة للمعرفة عن طريق اتباع السبل العلمية المتاحة ومتوفرة..
Quote: بعدين شكلو عمار دا تربية حبوبات |
.. بالضبط كدا .. بعدين في حاجة مهمة اتبعه الكثير من المهتمين بالفن التشكيلي في السودان وهي محاولة الاهتمام بموروثاتنا وفلكلورنا الشعبي الغني بالكثير .. من احاجي الحبوبات والاساطير القديمة جدا .. عمار محظوظ انو مجالو اتاح ليهو التنقل في مساحات كتيرة في السودان ووقف بي نفسو على الكثير من مخزونا السوداني .. من خلال الرحلات الدراسية أو مشاوير خاصة ليهو متعلقة بالبحث والتنقيب عن هويتنا السودانية الغنية .. بالاضافة للريشة ليهو كتابات جميلة تصب في نفس المجال.. غايتو كان ربنا سهل ليك وقعدته معاهو .. ح تتحول لي ( احبب واحد )
Quote: اها كدا يا معتصم طلعت لينا تمبس -الما ساهل دا- اي كلام في بيتهم هههههه |
انا تميته اغتراب يا سعد .. لحدي ما كنت في السودان ( والله ) كنت كويس
| |
|
|
|
|
|
|
Re: التشكيلي عمار منصور ( تمبس الصغير ) يتحدث بريشـته .. (Re: salma altijani)
|
ربنا يوعدك بيها يا سلمى .. كيف أخبارك سلام بالكووووم ..
Quote: لكن عليك الله ما ياها قرضمة تمبس ذاتا |
Quote: عمار واضح إنو بعمل في حاجة بحبها ومعرفتو عنهابتخلينا موعودين بفنان كبير |
حقيقي عمار مسكون بالابداع ودا من خلال مشاهدتي لأعماله ومقابلتي ليهو .. أمنياتنا ليهو بالتوفيق ..
شكراً جميلاً سلمى .. محبتي ..
| |
|
|
|
|
|
|
Re: التشكيلي عمار منصور ( تمبس الصغير ) يتحدث بريشـته .. (Re: salma altijani)
|
Quote: لكن عليك الله ما ياها قرضمة تمبس ذاتا |
مسالة القرضمة دي ( جينات ) يا سلمى .. وكان ما عندك مانع .. بنمد ليك منها ( سلك ) شان ( تتقرضمي ) معانا فوق ( قرضمتك ) دي
Quote: عمار واضح إنو بعمل في حاجة بحبها |
أي زول بيخلص للحاجة البحها اكيد بيصل فيها مراحل متقدمة .. عمار مجتهد جدا في تطوير نفسو وكنت بلاحظ المسالة دي في فترات متعددة واشادة كل الاساتذة حوالينو والزملاء الاتعاملو معاهو .. والحمد لله خطواتو متقدمه في ثبات وأكيد ربنا بوفقوا طالما اجتهد في التحصيل وفي تطوير نفسو..
| |
|
|
|
|
|
|
Re: التشكيلي عمار منصور ( تمبس الصغير ) يتحدث بريشـته .. (Re: معتصم دفع الله)
|
الأخ معتصم دفع الله ..
تحيات معطرة ..
كيف حالك يا سيد ..
الفيديو ما اشتغل معاي .. لكن ما هذا الفنان أخ الفنان علاء منصور فبالتأكيد سيكون أكثر من رائع ..
الله يحفظه ..
مع احتفاظي بالعشم في تمكيني من الرؤية غير الضبابية ..
التحية لك ..
التحية لتمبس الصغير ..
والتحية لسيد الاسم تمبس الأول ..
هبشة:
إن شاء الله وصلت سلامي وكفاراتي للعزيز شتات .. أرسل لي تلفونه الموبايل على المسنجر الداخلي ..
جاد
| |
|
|
|
|
|
|
Re: التشكيلي عمار منصور ( تمبس الصغير ) يتحدث بريشـته .. (Re: معتصم دفع الله)
|
العزيز معتصم.. سعيد مرة أخرى انك اتعرفت عن قرب عن مجتمعي الصغير عمار والاسرة . ودي معرفة امتدت عبر هذه المساحة سودانيز اونلاين وكانت جمعتني بك من قبل وبأخوة اعتز كثيرا بمعرفتهم وهم سند حقيقي لي هنــا عوضوني عن فقد وطــن بحاله ( وبيت ) رحيم أم وابو واخوان وأخوات ( وصغار ) شكلو بداخلي لوحة جميلة مما مدوني به من مقومات شكلت شخصيتي التي اعتز بها كثيرا.. أرجو أن يتواصل المد الاسري .. وأن نبحث في دواخلنا عن كل ما هو جميل ونطورو .. ونبحث عن كل ما هو سئ .. ونقوموا.. كنت اتابع الحلقة باعجاب وبعض من الدهشة واسترجع في سيرة عمار أخى وصديقي وصاحبي و( طريدي ) مدة الحوار في البرنامج اعادتني إلى لحظات سعيدة جدا اهرب منها كثيرا واتحاشى الدخول في مدارها وكما تعلم مر الذكريات مع جحيم الغربة.. اتصل بي العديد من الأخوة .. ممن انقطعت بيني وبينهم سبل التواصل: بلاي ده عمار اخوك..؟ طيب أنت ( معولق ) كدا مالك ؟؟
| |
|
|
|
|
|
|
Re: التشكيلي عمار منصور ( تمبس الصغير ) يتحدث بريشـته .. (Re: tmbis)
|
تحياتى اخى معتصم
تشكر على هذه المعلومات المضغوطة عن التشكيلى عمار الذى قدم بيان بالعمل
(لوحة بسيطة) ولكنها تدل على مدى تمكنه من ريشته ( بدون مجاملة )
نتمنى له التوفيق ومزيد من النجاحات ولك انت ايضا
والتحية موصلة عبرك لاخونا تمبس فهو ايضا فنان ولكن بدون ريشة
أحمد العمار
| |
|
|
|
|
|
|
Re: التشكيلي عمار منصور ( تمبس الصغير ) يتحدث بريشـته .. (Re: معتصم دفع الله)
|
شكر و تحية يا معتصم
حكى لي الصديق عمر منصور كتير حول تمبس و عمار و مواهبهم الفنية و ها أنت تحكي لي على طريقة "البيان بالعمل"..
سعدت جدا بمشاهدة عمار و تجاربه الإبداعية الواعدة و هو طبعا في محياه العام أقرب شكلا و وراثة مع الفنان الكبير عمر منصور..
أها تمبس ده ذآآآتو زول فنان و خطاط و حاجات تانية .. يعني ما شكال ساكت !
تحية خاصة إلي الفنان عمار و أمنياتي ليه بكل النجاح و الإبداع..
| |
|
|
|
|
|
|
Re: التشكيلي عمار منصور ( تمبس الصغير ) يتحدث بريشـته .. (Re: Elmuez)
|
العزيز معتصم لك التحيات الطيبات
والاشواق كميات يعلم الله
Quote: أسرة فنية بداية بالوالد منصور يونس أستاذ الموسيقى بالجيش والشرطة
|
ربنا يحفظهم وهذا الشبل من ذلك الاسد
Quote: وأحمد الله اني ساهمت كثيرا في تطوير عمار في مراحل متقدمة من حياتو |
عليك الله يا تمبس ما تفكها فينا خبرك جاءنا قالوا لا كفر ولا وتر
وبرضو الشوق قاتلنا اه عملت الموضوع ولا لسع
| |
|
|
|
|
|
|
Re: التشكيلي عمار منصور ( تمبس الصغير ) يتحدث بريشـته .. (Re: عبدالرحمن عزّاز)
|
وليك من الشكر أضعاف يا عبدالرحمن .. عمار لوحاته تشبهه جميلة وحلوة لذلك تدخل القلوب كما هو .. قبل هذه الحلقة قلت لي تمبس ياخي انا عايز أكتب عن عمار .. الحمد لله جات المناسبة لوحدها وكان أن تحقق الوعد لنفسي .. نتمنى ليهو التوفيق في مشواره الفني وأن نرى لوحاته في كل مكان ..
Quote: شوف ليك مكنة غيرها، معتصم صاحبك لكن والله حرقك عديييييل ، وجكس اليومين دى مفتح ركز فى حاجة تانية. |
الله يجازي محنك يا عبدالرحمن .. يعني صاحبي دا يفتش ليها مخارجة تانية ولا كيف .. يا تامبا ألحق نفسك بي أغنية أغنيتين يكون من النوع البوجع القلب داك .. ويكون البوست من الحاجات الحلوة الكنت بتنزله لينا ..
لك الود وكامل محبتي ..
| |
|
|
|
|
|
|
Re: التشكيلي عمار منصور ( تمبس الصغير ) يتحدث بريشـته .. (Re: Elmuez)
|
كيفك يا المعز .. تحيات كتيرة يا حبيب .. أكثر ما يريحك في علاقتك مع هذه الأسرة الجميلة كل شي فيها يتنفس فن .. تحس أنك في قاليري للجمال موسيقى وريشة وألوان .. ربنا يحفظهم ويخليهم .. بيني بينك تمبس فنان ما فيهو كلام لكن نقول شنو في وجع الضرس البقوم عليهو دا ..
دم طيب وبألف خير ..
| |
|
|
|
|
|
|
Re: التشكيلي عمار منصور ( تمبس الصغير ) يتحدث بريشـته .. (Re: walid taha)
|
وليك آلاف التحايا يا ولي .. ومثلها لعمار الفنان .. أقول ليك حاجة غريبة حصلت معاي .. قبل فترة شرفنا بوجوده بيننا الأخ عماد منصور المقيم بمكة .. قمت حفظت رقم تليفونه وبدلاً من كتابة عماد منصور كتبت عمار منصور .. وإلى الآن لم أقم بتغيير الاسم شفت المفارقة دي بالله .. التحايا لعماد الفنان برضو ..
والشكر لك يا ولي ..
| |
|
|
|
|
|
|
Re: التشكيلي عمار منصور ( تمبس الصغير ) يتحدث بريشـته .. (Re: DKEEN)
|
الحاج معتصم
تحية الفن والإبداع
فيا صديقي مادام تمبس الكبير وتلك الأسرة الكريمة مسكونة بالإبداع أكيد
لازم عمار أو تمبس الصغير يكون فنانا تشكليا مبدعا 00 ومن عاش وسط هذا
الخضم من الفنون لابد أن يولد فنانا 00
لك المحبة أخي معتصم وللفنان المحبوب علاء الدين أو تمبس الكبير 00
( بس يا معتصم لا تشكيلي ولا أشكليك 00 خليك تشكيلي زي تمبس الصغير )
مع مودتي 000
| |
|
|
|
|
|
|
Re: التشكيلي عمار منصور ( تمبس الصغير ) يتحدث بريشـته .. (Re: DKEEN)
|
كيفك يا دكوني .. ياخي أنا قعدت مع عمنا منصور وهو بحق أستاذ أجيال .. وكان الحوار معه شيق جداً حول الموسيقى السودانية وكيفية النهوض بها .. وكمان زول وناس وحكاويه عن الزمن الجميل لا تملها ربنا يديه العافية ويمد في أيامه .. عشان كده ليس بغريب أن يكون عمر وعمار وباقي الشباب في نفس الاتجاه .. أما سخطة تمبس دي بتكون بي سببكم انتو ديل ..
بعدين كسير التلج دا ما بحلك .. والله لابدين ليك لابدين شيل شيلتك بس ..
أرقد عافية يا صاحبي ..
| |
|
|
|
|
|
|
Re: التشكيلي عمار منصور ( تمبس الصغير ) يتحدث بريشـته .. (Re: طارق عبد اللطيف نقد)
|
عمارُ عمارٌ إذا إحتدم الإبداع
Quote: مدخل أخير .. شكراً عمار أن منحتنا هذه الفرصة لندلف لعالمك الخاص وبشرانا بفنان يشق طريقه للنجومية بثبات .. |
هذا مدخل أول و مدخل متواصل و مستمر طالما الإبداع ساكن في هذا العمار.
غايتو عمنا منصور دة فنان بالفطرة .. أهدانا فنانين و تشكيليين
تكويعة :
كدي نشوف تمبس تيرابو كيف ؟
شكرا معتصم
| |
|
|
|
|
|
|
Re: التشكيلي عمار منصور ( تمبس الصغير ) يتحدث بريشـته .. (Re: معتصم دفع الله)
|
انا من شفت التمبس المتمبس ده قلت الزويل ده مو هين وليه شان كبير اتاريهو سليل اسرة رويانة فن وعطشانه بيهو والفنون جنون (ولا اعني الجن البنعرفو داك) لكن اقصد بالجنون هنا انواع وتمبس فنان نستمتع بي فنو في هذا الفضاء الاسفيري البديع .. يعني مو شاةً ضالة يا السني .. الراجل ما مقصر معانا
معتصم يا حلو انت ذاتك فنان ويا ريت يا جماعة نبرز الجوانب المخفية الزي دي في حياتنا الأسرية وحرام نعرف تمبس الزمن ده كلو ونتفاجأ بأسرتو الجميلة والفنان الأدب والزوق عمّار في الآخر كده
تمبس طلّع المدكّن وبالمناسبة شكلك كده خطير في العزف على العود يعني جضومك ديل كان لصقتهن في ضهر العود ونقرشت والله (بشير عباس عديل) واتخيل لي في حبة شبه .. يعني حا تكمل
| |
|
|
|
|
|
|
|