|
|
|
 Re: أشرقت شمس نهار عثمان نهار في الخرطوم (Re: ناذر محمد الخليفة)
|
| Quote: أشرقت شمس نهار عثمان نهار في الخرطوم |
Quote: ملاسي سلامات ..
معليش أنا الظاهر طولت من البلد دي وعندي سؤال عشان ما أكون مسطح :
نهار عثمان نهار دا منو ؟!! |
و الله صحي قريت في الهند 
الزول الجا ده يا ناذر
اسمهو عثمان حااااااااف
العباره كالاتي
أشرقت شمس نهار السيد الفاضل عثمان نهارن في مدينة الخرطرم
و الله أعلم
أتمني أن يكون
عثمان هو عثمان محمد صالح
دي حتكون إحلوووت أوي يا ولاد
| |
 
|
|
|
|
|
|
|
|
Re: أشرقت شمس نهار عثمان نهار في الخرطوم (Re: Hussein Mallasi)
|
الف مرحب بيهو ..
و عودا حميدا ان شاء الله
...................
نهار عثمان يا ياناذر من شباب هذا الوطن الذين يحملون هم قضية السودان في دارفور
لم اتشرف بمعرفته عن قرب و اتمنى ذلك
ولكن اقرا له باهتمام
كتاباته جادة و تتسم بقدر وفير من الحكمة والموضوعية
قلم يجبرك على احترامه و لو اختلفت معه
و فكر ثاقب و حاضر ومقنع في كثير من اطروحاته
انا احترمه جدا
له التحية .. وحمد لله على السلامة
| |
|
|
|
|
|
|
|
|
|
Re: أشرقت شمس نهار عثمان نهار في الخرطوم (Re: Hussein Mallasi)
|
بعدين في حاجة تانية يا ملاسي ..
صورة البروفايل تبعك دي :
والله تخلق من الشبه سبعين لي واحد من كتاب المنبر المشهورين بالذات في صرة العين الشمال وتقاطيع الوجه وأي حاجة .. قد تكون بالضبط صورتو بعد عشرين تلتين سنة ..
والله اعلم .. مع إحترامي للشخصيتين ..
| |
|
|
|
|
|
|
|
|
|
Re: أشرقت شمس نهار عثمان نهار في الخرطوم (Re: Hussein Mallasi)
|
.
أستاذنا ملاسي
عساك بخير
إنتا لو بتعرف الزول دا أصلاً
تبقي دي قصة غريبة
و بالجد السودان دا ضيق
ولو ما بتعرفو ودي واحدة من حركاتك
تكون إنت زول ( شِفِّت )
( نهار ) دخلنا أنا وهو المدرسة لأول يوم سوا وهو كان يوم السبت 7/7/1977
نيالا الغربية الأيتدائية بنين ... أو نيالا الجماهير كما سماها نميري
أولي إبتدائي .
ومنذ 1983 إمتحان الشهادة الإبتدائية
تفرقت بنا السبل .
هو الآن في هولندا
وأنا وغيري من زملائه
في نيالا ( الآسية ) أو الخرطوم
مشتاق ليه شديد
______________________
آسف حسين علي التداعي
.
| |
|
|
|
|
|
|
|
|
|
Re: أشرقت شمس نهار عثمان نهار في الخرطوم (Re: معاوية كرفس)
|
نهار من أجمل الأسماء خاصة عندما يكون اسم رجل
و بالخصوص أكثر عندما يكون هذا الرجل بحصافة
و سعة إطلاع و سلامة طوية شاب خلوق مثل نهار
عثمان نهار.
.
.
دي كم سنة دي بالله يا نهار؟
من الخرطوم و الوطن العذاب؟
أرجو ألا تبخل علينا بالاندهاش!
حيثما تكون كن بألف خير..
.
.
ملاسي؛ يا زول إنت عزّال للأصحاب
و الحق يقال.
| |
|
|
|
|
|
|
|
|
|
Re: أشرقت شمس نهار عثمان نهار في الخرطوم (Re: Hussein Mallasi)
|
الغالي حسين
لك الشكر والتقدير علي هذا الترحيب الحار
انا في الخرطوم من يوم الاربعاء
لكن لاقريت جريدة ولا دخلت نت الا الان
وبالصدفة قامت الاخت الكريمة والصديقة العزيزة
الصحفيةأميرة الحبر بتنبيهي
لهذا الحفل الترحيبي علي النت
ساتيك لاحقا بانطباعاتي
لك الشكر مجددا
نهار من قهوة انترنت جمب ابو جنزير
| |
|
|
|
|
|
|
|
|
|
Re: أشرقت شمس نهار عثمان نهار في الخرطوم (Re: Hussein Mallasi)
|
الاخ الفنان ناذر
تحيات وسلامات
وحقيقة انا من المتابعين لكتاباتك في المنبر
رغم عدم وجود معرفة شخصية
انا ايضا مشترك في المنبر
بس الفترة الفاتت كنت شبه غايب عن المشاركة الفاعلة
بالكتابة لذا لم تسنح الفرصة لكي نتعرف علي بعض
لكن معرفة خير ياسيدي واتمني ان التقيك
وباقي الاخوة من بورداب الخرطوم
مع الود اجزله
| |
|
|
|
|
|
|
|
|
|
Re: أشرقت شمس نهار عثمان نهار في الخرطوم (Re: Hussein Mallasi)
|
الاخ الفاضل ناصر البطل
تحية وسلام
للاسف عثمان المقصود
ليس هو الاستاذ عثمان محمد صالح
لكن اسم لشخص اخر اللي هو انا
نهار عثمان نهار
هو فعلا اسم غير معروف لدي سكان الوسط
وتقريبا موجود في دارفور فقط في السودان
وعند قبيلة واحدة فقط
والله اعلم
مع التحية
| |
|
|
|
|
|
|
|
|
|
Re: أشرقت شمس نهار عثمان نهار في الخرطوم (Re: Hussein Mallasi)
|
العزيز
معاوية محمد عثمان كرفس
او هكذا تقول لي الذاكرة
عندما استحضر
نداء الاسامي عندما كنا في اولي ابتدائي
وصححني لو كنت غلطان في ذكر الاسم كاملا هكذا
وماتذكره من تلك الايام ايضا انك كنت اولنا في الفصل
ترتيبا
وكنت من هواة الحرب في حصة الفطور
ويشاركك في هذا الهواية اصدقاء اخرون اذكر منهم الان
قصي عثمان السماني
ياسر مختار بشير
عثمان محمد خير
وليد الاخر
ما وليد محمد بخيت
فريق السلام والهدوء
كان يضم زميلنا المرحوم
محمد المامون جعفر
محمد احمد الحسن-ابو الروس-
ويمكن ان احسب انا ايضا من حزب السلامة حينها
حيث كنت افضل قراة ماجد وميكي والالغاز
عوضا عن اللعب العنيف
تفرقت بنا الايام ايادي سبا
لكن تلك الذكريات الجميلة
هي وقود نا للعبور عبر دفة السنين
انا جد سعيد اخي بان الزمن
اعطانا بطاقة سماح للقاء مجددا ستجد تلفوني في البروفايل
علي امل اللقاء بك
نهار
يتبع مفاجاة
ستكون سارة لك
في شكل صورة
| |
|
|
|
|
|
|
|
|
|
Re: أشرقت شمس نهار عثمان نهار في الخرطوم (Re: Hussein Mallasi)
|
في هذه الصورة كنا في رحلة لتمبسكو لو تتذكر يامعاوية
الواقفون من اليمين
استاذ دقسه للاسف لااتذكر اسمو الحقيقي, استاذ الباقر سليمان, استاذ تبن والصديق نورالدين قسم الله عبدالمجيد
الجالسون من اليمين
الصادق , حاتم , معاوية , وليد , نهار
الماسك الغنماية تحت لو ما كضبتا اسمو خليل
ما كان في فصلنا
الصورة دي كانت لما كنا في سنة تالتة
علي ما اتذكر
نسيت اقول انو البعيد في طرف الصورة الايسر هو الاخ صبري بكرجعفر
وجنبو بت بتشيل موية من البير
(عدل بواسطة nahar osman nahar on 01-27-2007, 03:26 PM)
(عدل بواسطة nahar osman nahar on 01-27-2007, 03:34 PM)
(عدل بواسطة nahar osman nahar on 01-27-2007, 03:41 PM)
(عدل بواسطة nahar osman nahar on 01-27-2007, 03:44 PM)
| |
|
|
|
|
|
|
|
|
|
Re: أشرقت شمس نهار عثمان نهار في الخرطوم (Re: Hussein Mallasi)
|
الأخ نهار عثمان ..
Quote: الاخ الفنان ناذر
تحيات وسلامات
وحقيقة انا من المتابعين لكتاباتك في المنبر
رغم عدم وجود معرفة شخصية
انا ايضا مشترك في المنبر
بس الفترة الفاتت كنت شبه غايب عن المشاركة الفاعلة
بالكتابة لذا لم تسنح الفرصة لكي نتعرف علي بعض
لكن معرفة خير ياسيدي واتمني ان التقيك
وباقي الاخوة من بورداب الخرطوم
|
أرجو أن تعذر لي جهلي بمعرفتك ويبدو من مداخلة الأخوة في هذا البوست أنك شخصية معروفة للجميع ويبدو أيضا أن إنقطاعي الطويل عن البلد قد خلق فجوات بيني وبين الشخصيات العامة وبالطبع لا ألوم إلا نفسي وجهلي وعدم متابعتي ..
أرجو أن نلتقي قريبا ..
| |
|
|
|
|
|
|
|
|
|
Re: أشرقت شمس نهار عثمان نهار في الخرطوم (Re: Hussein Mallasi)
|
ابا عسل
كما كان يقولها استاذنا العلامة معتصم كرضمان
شوقنا محيط والله يا اخي
وحقك علي يا اخي في الانقطاع منذ اخر تلفون بينا
لاني بعد داك مشيت علي بريطانيا
وكنت مدروش شوية
والله يا ابو عسل بكون خجلان لمن زول يسالني
غبت كم سنة من السودان
الخرطوم غبت عنها كتير
لكن السنة الفاتت كنت في دارفور
في اماكن ماكان من الممكن ان اري فيها الاسرة والاحباب
عودنا وزي مابقولو العود احمد
والله يرجعك من ماساشوستس
للخرطوم التي تعشقها كما قرات في احدي كتاباتك
وانا متابع ليك
بشدة
تصدق كل اخواني بتذكروك حتي الكان عمرم تلاتة اربعة سنة
انت كمان عامل ليك
مفاجاة
لكن حتكون نص لانو مرة قلت ليك عنها
مع ودي
وخليني اللحق البحير
واجيك بالمفيد
نهار
| |
|
|
|
|
|
|
|
|
|
Re: أشرقت شمس نهار عثمان نهار في الخرطوم (Re: nahar osman nahar)
|
نهار
يا له من زمن جميل..
تفرقت الأيام و الأماكن بنا جميعا. فقط ما زلنا نحمل المكان الأصيل
بدواخلنا رمزا لتلك الصفاءات، و دهورا من الوفاء لرجال حفروا نقوشا
تالدة في عقولنا مثل معتصم كردمان، حسن التهامي، إبراهيم يمني، آدم
أبكر مصطفى، عبد الله خليل، الفاتح، نصر الدين علي جلي، و زملاء منهم من
مضى نحو السدم البعيدة مثل محمدالمأمون، و منهم من بقي تذكارالصور
يافعة كنا هي مثل محمد عبدالحميد ( ميدو) ، منصور الصويم،الهادي علي
راضي، تيسير حمري ،هاشم تنقم، محي الدين، حيدر برتاوي، و كثيرون
حتما ستسعفنا الصور و الذاكرة باسمائهم.
المهم أنك، أيها الصديق، عدت إلى ذلك الحب الذي لم يغادرك أبدا.
تحياتي لأيوب و جميع أشقائك و شقيقاتك و الوالدين، و للمفاجأة إن
كانت امرأة تستريح عندها روحك الجميلة .. و إن لم تكن كذلك فابحث
عنها تلك المرأة التي يحتمل حنوهامراسيك التعبة من الجمال.
الخرطوم مدينة أعشقها. فقط بقيت لي هي و الهلال، الذي ننحاز إليه معا،
من ذلك السودان القديم إضافة إلى جامعة الخرطوم.. سودان المركز.. يا
صديقي يجاهد ألا نجد منه فكاكا و قد كانت له أدواته التي عرفناها بعد
فوات أوانها. و ها هو يكاد يخفي أمسادا أخرى.
احك يا أخي عن نيالا و دارفور.. و لا تقلق لإنقطاع الهواتف فالأرواح
قسرا تتهاتف.. و ينثال منها الحب كما الرياح الدرتية.
| |
|
|
|
|
|
|
|
|
|
Re: أشرقت شمس نهار عثمان نهار في الخرطوم (Re: ابوعسل السيد احمد)
|
الغالي ابوعسل
ماطالبني حليفة
لكني والله لقيت وقريت ردك الان فقط
والعتب علي طريقة الترتيب
في المنبر لاني انظر دائما الي اسفل الصفحة
لقراة الردود الجديدة
وقد عزيت تاخرك في الرد لزحمة الحياة في الايست كوست
وربما لسبب اخر تجده في الماسنجر
اخي تجمعنا اطنان من الاشياء الجميلة منها الهلال
ماعدت متابعا للكرة كما كنت في زمن خلي
لكن يبقي عشق الازرق دائما في القلب
لايمحوه الترحال وتعدد المحطات
سازور الثورة المتوسطة واحكي لك عنها
وعن نيالا وعن من بقي من الاصفياء
لازلت ماخوذا بكل مااري
كالطفل الذي بدا يتعلم المشي
سالملم ما استطعت واتيك لنتكي معا
علي الماضي والحاضر والمستقبل
مودتي بلا حدود
نهار
| |
|
|
|
|
|
|
|
|
|
Re: أشرقت شمس نهار عثمان نهار في الخرطوم (Re: Hussein Mallasi)
|
الاخ الصديق محمد ادم
تحيات وسلامات ومن عبرك لكل شباب هاملتون انتاريو
التي قضيت فيها ايام جميلة معكم فيها
خاصة رمضان 2000
والله بورداب الخرطوم سمعمتم صندل بس
سوق الناقة او مايعرف بغندهار الان
ح يكون اكيد مربط الفرس
وانت عارف انحنا ناس دارفور علاقاتنا بالشية والمورين
ماجديدة
ساوافيك
بتفاصيل غزوة غنداهار عند وقوعها
الي لقاء
نهار
| |
|
|
|
|
|
|
|
|
|
Re: أشرقت شمس نهار عثمان نهار في الخرطوم (Re: Hussein Mallasi)
|
العـزيز الصديق نهـار، حمـدا لله على سـلامة وصولك للخـرطوم ولقاء الأهـل، وأرجـو لك إقامـة طيبة مليئة بالنشاطات العامـة والخاصة،، وبما أنك عـرفت حتى غندهـار دا معـناتا اتأقلمت خالص وبسـرعة رغم الغيبة الطويلة، وعليه فما تنسـونا من صالـح الشـيّات في غـزوتكم المباركة،، ولو اسـتمرت إجـازتك حتى تلاتة أسـابيع من الآن فقـد نلتقـي في الخـرطوم،، ولك التحـية.. والتحايا والشـكر أيضاً للأخ حـسين مـلاسي...
| |
|
|
|
|
|
|
|
|
|
Re: أشرقت شمس نهار عثمان نهار في الخرطوم (Re: Isa)
|
العزيز عيسي
رجل البلاد المنخفضة الفنان
كيف عامل وكيفم ناس بارن
لقد صرت متعدد الغياب موخرا عن
هولندا
اخي لقد كنت قبل ساعة في سوق ليبيا
لكن ماوصلت غندهار
قالو محتاجة لمرشد واعي وعارف
في الانتظار قاعدين نتصبر بالعصيدة
شبه اكيد ح نتقابل في الخرطوم انشا الله
تلفوني تلقاهو في البروفايل
تحياتي
نهار
| |
|
|
|
|
|
|
|
|
|
Re: أشرقت شمس نهار عثمان نهار في الخرطوم (Re: Hussein Mallasi)
|
.
نهـــــــــــار
كدي في البداية نشكر
أخونا ملاسي دا
يا أستاذنا ملاسي والله بعد مرات كدا إنت عندك
فلتات تجنن .
هسع في اللحظة دي أنا مبسوط
منك شديد ( ودا إحساس ما مفروض ندسو )
ليك كل الشكر و الحب .
___________________
عزيزي نهار
هو الإسم كما جادت به ذاكرتك
أصلاً أنا عرفتا إسمي معاوية
و والدي هو محمد عثمان كرفس
التاجر المعروف بنيالا
إلي أن أتي إمتحان الشهادة الإبتدائية
في 1983 لأكتشف أسماء أخر .
ظهر عباس بالقرب من إسمي الآخير
و أن ( محمد عثمان ) هو إسم والدي فقط
وهو لا يلبي حوجة ال ID في الأسماء و التعريف
و إكتشفت المدلولات الإجتماعية لتركيبة
إسمي كاملاً .
لكنك عداك العيب
ذو ذاكرة خرافية
وكمان مدعمة بالوثائق ( الصورة )
هو فعلاً إسمي ( الكامل ) الذي كنت أعرف به حينها .
Quote: وكنت من هواة الحرب في حصة الفطور
ويشاركك في هذا الهواية اصدقاء اخرون اذكر منهم الان
قصي عثمان السماني
ياسر مختار بشير
عثمان محمد خير
وليد الاخر
ما وليد محمد بخيت
|
وكمان الصادق ( إسمو الصادق منو ؟؟ ) هو موجود في الصورة
و وليد المعني هو وليد حسيب ( وليد محمد الحسن حسيب )
و نسيت كمان فاروق الغبشاوي صديقي الصدوق وكتيها .
Quote: فريق السلام والهدوء
كان يضم زميلنا المرحوم
محمد المامون جعفر
محمد احمد الحسن-ابو الروس-
ويمكن ان احسب انا ايضا من حزب السلامة حينها
حيث كنت افضل قراة ماجد وميكي والالغاز
عوضا عن اللعب العنيف
|
لقد فجعت في / محمد المامون جعفر أحمد خوجلي
لقد كنا من فرط تهذيبه و مثابرته
علي الدروس نتوقع له جميعنا
مستقبل باهر مشرق .
و كمان أذيدك في المعسكر دا
ياسر عبد الفتاح وعمار بدران .
بالجد يا نهار في اللحظة دي
مافي غير
Quote: تفرقت بنا الايام ايادي سبا
لكن تلك الذكريات الجميلة
هي وقود نا للعبور عبر دفة السنين
|
و في ما يختص بالصورة
حقيقي كانت مفاجئة كبيرة لي
رحلة بلبل تمبسكو
وهو أصلاً الزمن داك كان في تصوير ؟؟
حاجة عجيبة !!
تعرف لو لا تمعني في الصورة
وتعرّفي علي معظم الأشخاص
بما فيهم شخصي ( في منتصف الصف الجالس ) ، لأنكرتها .
لكن يبدو أنك ( حرفيّ في التوثيق )
بالجد يا نهار بي كلامك دا والذكريات الجبتها دي
والصورة و أستاذ الباقر وتبن
إنتا فتحت لي تاريخ عجيب .
يا زول لازم نتلاقي
دي 24 سنة فرقة
ليك وليهم كلهم
عاطر ودي
___________________
00249912227682
أو
00249122630484
.
| |
|
|
|
|
|
|
|
|
|
Re: أشرقت شمس نهار عثمان نهار في الخرطوم (Re: Hussein Mallasi)
|
الاخ ملاسي ..سلامات
عندما زار كبير المساعدين مناوي هولندا قبل وصوله الخرطوم وادائه
القسم عرفت من خلال تغطيتي الصحفية للزيارة ان نهار يقف علي كثير من تفاصيلها.. وادركت ساعتها انه اختار.
الاخ نهار..مليون مراحب
لا اعتقد انه يمكن اضافة المذيد لاحترام الجميع لك ..ولتبقي دائما كما انت.
اميرة
| |
|
|
|
|
|
|
|
|
|
Re: أشرقت شمس نهار عثمان نهار في الخرطوم (Re: اميرة الحبر ادريس)
|
الصديقة والصحفية المتميزة
اميرة الحبر
سليلة شيخي الارباب
انا امرؤ لديه هوي خاص لسادتنا الصوفيه
احبهم لله واحب من يحبهم
شكرا لك اولا علي تنبيهي لهذا الخيط
ولولاك لما علمت به الا بعد حين
دون ان يعلم الاخوة هنا انني مشغول بالزيارات
اتمني ان اكون عند حسن رجائك
وحقيقة انت رقم
في التغطية الصحفية المتميزة لدارفور
تحياتي لكل زملائك في الراي العام
علي امل بلقاء قريب
ودي الصادق
نهار
| |
|
|
|
|
|
|
|
|
|
Re: أشرقت شمس نهار عثمان نهار في الخرطوم (Re: معاوية كرفس)
|
الغالي معاوية
ابدا من حيث بدات
بتوجيه الشكر تاني وتالت ورابع
للعزيز حسين ملاسي
بحسابات هذا المنبر
وكومي وكومك المعروفة فيه
خاصة لشخص طول فيه
كان يجب ان يكون بيني وبينه ماصنع الحداد حسب المثل
لكن لكل قاعدة شواذ فنحن سمن علي عسل منذ اول يوم تقاطعت فيه اقلامنا
قبل سنوات خلت
كانت هناك مناكفات ومناوشات لكنها كانت دايما في اطار الاصول والاحترام المتبادل
وماحصل اي ضرب تحت الحزام
وللحقيقة والتاريخ الاخ ملاسي
هو الوحيد الذي فتح بوستا يسال عني
رغم ان لي الكثير من المعارف هنا
وهذا ليس لوما لاحد
لان الكثيرين قد نسوني لغيابي الطويل
واخرين لايعرفون بتواجدي هنا
لكن ذكرت ذلك في اطار
انصاف اصحاب الحق
انا من حركات دارفور التحررية
هو ابعد من ان يكون صديقا لنا علي الاقل سياسيا
لكن ده كلو كوم والعلاقات الانسانية كوم تاني
هذا قوس صغير وضعته لاقول ان السودانيين لازالو بخير اجتماعيا
رغم كل المياه التي مرت تحت الجسر
نجيك يامعاوية ولنيالا حين كنا فيها
وهذا حديث كما يقولون ذو شجون
والحكي ما ح ينتهي هنا
وانت عارف زحمة الخرطوم
ولزول غاب عنها مايزيد عن العقد
لذا دعنا نضرب موعدا للقا
لكن قبل كل ذلك سوف اغادر هذا الاسبوع الي نيالا
للسلام علي الاهل
وعند عودتي سوف نتقابل ونتقابل
سجلت تلفوناتك وتجد تلفوناتي في البروفايل
وبالمناسبة قابلت اليوم الاخ محمد احمد الحسن ابو الروس اليوم
في سوق ام درمان عريس جديد حنته لازالت سودا في يده
علي امل اللقا القريب
اعتذر لكل المتداخلين
علي ردي غير المنتظم
لعدم وجود نت لدي في المنزل
لذا ارد من قهوة انترنت
واسرق الوقت لفعل ذلك
تحياتي مجددا لك ياغالي
نهار
| |
|
|
|
|
|
|
|
|
|
Re: أشرقت شمس نهار عثمان نهار في الخرطوم (Re: nahar osman nahar)
|
مرحباً بك أخي العزيز..
كنت آمل أن أكون من أوائل مستقبليك، لكن الأشياء الجميلة دائماً ما لا تتحقق خاصة في بلاد مثل بلادنا، مثقل أهلها بالتعب والجري وراي اللاشئ!!
عموماً حللت أهلاً،، فمثلك لا تكفي عبارات الترحيب في إعطائه حقة..
وبالمناسبة من نحن حتى نرحب بك.. فأنت سيد الدار.. كنت فيها أم خارجها..
| |
|
|
|
|
|
|
|
|
|
Re: أشرقت شمس نهار عثمان نهار في الخرطوم (Re: nahar osman nahar)
|
نهار آل نهار
هكذا هي الحياة تعبث بنا في سجال أبدي بين جدها و مراوغتها.
و إذ أقرأ ردك هنا أقول لا تثريب عليك اليوم و غدا و كل الزمان.
فاكتب يا أخي متى ما تشاء. و إن شئت ألا تكتب فمكانك باق بين
الوطن و القلب و الأيام الخوالي.
قرأت في موضع آخر هنا أن الأخ أيوب صار أبا لتؤام جميل. أرجو
أن تبلغه سلامي و صادق أمنياتي بأن يحفظ الله له ابناءه و يجعلهم
من أصلح أبناء الوطن.
كما أرجو أن تأتي إلينا بانطباعاتك عن البحير و الثورة التي
حتى اسمها طالته غوائل الأيام. و لو أنك وضعت القديم ( قديمنا)
و الجديد ( هذا الحاضر) جنبا إلى جنب لما وجدت شبها إلا لماما.
و أغلب الظن ستجده قسرا عند ذاكرة متصالحة تحب التراب و الناس
و الحياة و الأصالة.
ودي لك حد الأبد
| |
|
|
|
|
|
|
| |
Hussein Mallasi
ناذر محمد الخليفة
ناصر البطل
الطاهر ساتي
معاوية كرفس
ابوعسل السيد احمد
nahar osman nahar
nazar hussien
سفيان بشير نابرى
Mohamed Adam
اميرة الحبر ادريس
Mohamed Suleiman
فيس بوك
تويتر
انستقرام
يوتيوب
بنتيريست