|
Re: اهتمام امريكي غير مسبوق بجنوب السودان (Re: Deng)
|
Quote: طيب المشكلة وين هنا؟ |
دينق اخوى, دى شنو اللى بتقولو دى يا قريبى!!! دى لحظة بشاشية عندو اسم عند ناس علم النفس. دى بيقولو عليها الفلتة الفرويدية, نسبة للشيخ النمساوى سيغموند فرويد. يا اخوى, مشكلة النخب الشمالية مع افكار السودان الجديد موش مع محتوى الاطروحة, بل مع عرق و معتقد و التكوين الجغرافى لاصحاب الاطروحة. يا اخوى الحقيقة هى : فى السودان فى دولتين, موش نظامين, و رئيسين. دى ما بيهضمو إلا القلة, و من ضمن من يعارض هذا الوضع النيباشى,و هى الاغلبية, النخب التى تعارض النظام فى الخرطوم. فى ناس فى البورد دى بتشمت باخبار الموت و الكوارث فى الجنوب وجلهم معارضي الانقاذ.
(عدل بواسطة Zakaria Joseph on 06-08-2010, 04:16 AM)
| |
|
|
|
|
|
|
Re: اهتمام امريكي غير مسبوق بجنوب السودان (Re: الشامي الحبر عبدالوهاب)
|
الأخ الشامي الحبر عبدالوهاب لك التحية و الإحترام
Quote: الان لم يعد هناك وقت من اجل وحدة جاذبة ولكن الوقت لم يمض لتحقيق انفصال سلس او تفريق باحسان وهذا ما تراهن عليه الادارة الامريكية خدمة لاستراتيجيتها في المنطقة
|
يا عزيزي هذه الإدارة الأمريكية هي أضعف إدارة تمر علي الولايات المتحدة .. داخليا و خارجيا .. هذه الإدارة الامريكية إستراتيجيتها و في كل المعضلات تراهن علي أن المعضلات ستحل نفسها بنفسها و هي لا تفعل شيئا (عدا كلمات رنانة من البروفيسور الخطيب في البيت الأبيض) .. يا جماعة .. ماسورة محلوجة تلوث شواطئ أمريكا ... و صاحبنا عايز يسدها .. بكلمات ... ( دي ماسورة قزمت كل المواسير بسوق الفاشر).. يا جماعة .. كوريا الشمالية تضرب سفينة حربية لكوريا الجنوبية بطوربيد و تغرقها .. كوريا الجنوبية للتذكير حليفة أمريكا .. يا جماعة ... أحمدي نجاد مطمّن في مشواره لصنع القنبلة الذرية .. و البروفيسور يقول له: يا زول أخير ليك تنقرع .. يا زول اوعا .. يا زول إتقٍ غضب الحليم إذا غضب .. يا زول هوووي ترا !! يا دينق و زكريا جوزيف ... أخشي أن يمقلب أمريكا شعب الجنوب عندما تلجأ حكومة الخرطوم في ساعة الصفر الي تخريب الإستفتاء و شن حرب بالوكالة ... فيفعل البروفيسور ما إعتاد فعله في ساعة الأزمات ... لاشئ ..
| |
|
|
|
|
|
|
Re: اهتمام امريكي غير مسبوق بجنوب السودان (Re: Mohamed Suleiman)
|
Quote: يا عزيزي هذه الإدارة الأمريكية هي أضعف إدارة تمر علي الولايات المتحدة .. داخليا و خارجيا |
اخ محمد سليمان تحياتي لا اعتقد انها الاضعف ولكنها تقوم علي سياسة تختلف عن سابقتها وهي الدبلوماسية الناعمة فهي تريد ان تصل الي هدفها(لا طعنة لا فلقة) وهي الآن في سباق مع الزمن الا يحدث توتر جديد بين المؤتمر والحركة ينسف كل ما هو مخطط له ومن ضمن الآليات التي تسعي اليها امريكا ضبط النفس لدي الحركة حتي يكون التعبير الابلغ عبر صناديق الاقتراع والا يحول دون ذلك تصريح طائش علي الاقل من عند الحركة ومتطرفيها
| |
|
|
|
|
|
|
|