|
Re: الطيب شيقوق لقى سوقو فى السوق الخيرى بمسقط (Re: حيدر امين)
|
اي نوع من الأصباغ تستخدم
وصفها لعمر الجزلي والكابلي حقتهم بقت باهتا
والله لقيتا يا أب دويرجات هييييييع عرريب وفلح
والله لولا فكيت الحرف كان تكون مرمي تحت شدرة يفلو فيك من قمل الرأس والهدم يا مسنوح
تحياتي ومودتي حيدر جيب لينا جانب اخر يسر البال بعيدا من المسنوح دا
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: حيدر امين)
|
الطيب شيقوق . ده شنو ده يا أخوى ؟ يا الطيب حالف الا اكلم ليك عبدالماجد . بقيت تاكل عصيدة ناس العمارات كمان ؟؟؟ انا خايفك وكت تمشى البلد تقوم تطلب من ناس البيت عصير Strawberris فى الحواشة .. على كل حال يازول ينفعك . وكتير الاحترام لبورداب مسقط الكرام والعزاز .
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: Osman Musa)
|
الباشمهندس صلاح حسين والبورداب الاساتذه / مدنى العرضى , الزاكى عبد الحميد والطيب شيقوق بالله شوفوا العرريب قاعد كيف
ود اللمين
اولا شكرا علي هذا اليوست
ثانيا الجهاز شاديهو وحروفو انجليزية و ما قادر اكتب وحاسوبي اتعطل
ساعود لكل الاخوة المسانيح
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: الطيب شيقوق)
|
Quote: الشوووووووووووووووووم اختاني كان قبلت عليك هيييييييييييييييع
انت ما ادوك من ادب عثمان ود موسى دا ؟
مسنووووووووووووووووووووووووووووح |
ههههههههههههههههه بقيت فنجري وتأكل العصيدة في صحن صيني وكورية صينية فاضل ليك بعد كدي تركب في طاقيتك لمبة هيليوم وتسوي لي المركوب خطرات
هييييييييييييييع بلداً مافيها تمساح يقدل فيها الورل بي عباية
أقصد بس ناس مسقط ناس طيبين وأدوك راحتك يا مقطوع الطاري تيمس قدوم قصير
كان جيتك هناك بختك فوق علبك يا الشووووووووم
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: الطيب شيقوق)
|
Quote: ههههههههههههههههههههههههههههههههههههههههها مسنوووووووووووووووووووح
الشوم اختانا |
موجعاني بالحيل إتكأتك وفوجيجك وتضحك سنين سنين والله كان بي مرادي أهرس القهوة البتكب فيها دي
وعاين النضيرضرات شكيتك علي الله والله ما فاضل ليك إلا تشرب السجائر بعد دا
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: Osman Musa)
|
Quote: غايتو يا الطيب أخوى . لو دى طريقتك . الانتخابات البعد دى برشحوك عديل . |
ههههههههههههههه يا ود موسى عِتمان الزول ما إترشح سنة الإنتخابات التي عقبت إنفاضة أبريل
وسقط أشر سقوط
وأهل أمو كان دايرين يكتلو لآنو دافع عن قاتل ولدهم المحاكم لما مشى ليهم عشان يسندو الموية ماجابوها لي وقالوا لي : يا زول قوم سوق لوريك دا وإنقرع بقبال سكاكينا دي ما تأكل لحمك
خلي يتم ليك باقي القصة هههههههههههههههههههههههه
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: الفاتح ميرغني)
|
Quote: عاد أنا أبوالقاسم ولا محمد المرتضى عشان تحفظ تلفوني عندك أنت يا الشوم في الضلمة تحدر لي وكان لقيتني في النار بتزيدني حطب |
افو افو ديل عاد انت زيهم؟
ات انا عارفك من زمن بتشمى معانا المطعم وناكل الفول الرخيييييص وبعد نشبع تمشي الغسالة حقت القروانة البرة وتنتكي فيها نامن تكمل مويتها وصابونتها ورامي طرف عينك لحشرة يدينا في جيوبنا للسداد ....................... اتمها؟
داير تمثل رقبتك كمان بعثمان ود موسى يا سجم الرماد ؟
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: Osman Musa)
|
Quote: ياود شيقوق . أنت ود المنسي ده حاسدك مالو ؟؟؟؟. بس بينى وبينكم يا ناس مسقط ملاح التقلية حقكم اصلى . وبعدين ود المنسي فى دبى دى يا الطيب اظنو بس واقع الجداد كد جد . هناك مافى تقلية يا أخوى ؟ |
عليك الله يا عِتمان أحسد لي شنو ؟ بقى يتهوزز زي عنقريب العدة
وعيون تشبه وتسالم والرأس مدور
الزويل زمانو فات وغنايو مات بت زول ماسك قوي قايل عمرو 18 سنة
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: الطيب شيقوق)
|
Quote: يا الطيب . أنت ود القرشى . المولد ده فاتو كيف ؟ |
ود القرشي يا عثمان ما حائق قليع سنون واضراس وحقيبة ومقالات ادبية والفسحة مشاهدة كورة ( ليقا اسبانية وايطالية وانجليزية )
ويعدل في نضارتو مرة مرة يديها رفعا زي التتوري الداية في شندي عليها رحمة الله
تحياتي لود القرشي
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: حيدر امين)
|
بالجد ياود شيقوق سوق حار فوت الانتخابات دي ساكت
ولكن هذا الاجماع ما كان له ان يكون لولا المبدع / حيدر امين الذي اتحفنا بهذا اللقطات المميزة والمعبرة
ارى ان يمتد وصال الشكر للفنان حيدر والذي درج على ان يسجل بعدسته لحظات جميلة سيحفظها سجل الزمن
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: عبد الحافظ خضر)
|
عماد ود الشبلي
كيفك يا الحبيب؟
Quote: ود شيقوق الظاهر عليهو رجل خير ..
عشان كدي لقي سوقو في السوق الخيري !!! |
ات قايلني زى ود المنسي الكمّل عمرو كلو في تورق الخدرة وتقطع الويكييييييييييييي؟
عليك الله يا عثمان ود موسى جيب ليك طشت خدرة وقول لود المنسي ورقووووو شوف مهارة زولك فيها كيف - وحاة الله زى سرعة الجكس في الكتابة على الكي بورد
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: الطيب شيقوق)
|
Quote: لاقى سوقك حقو تترشح تانى قلت لى الفحامى ولا المحامى |
ود اللمين
ات عارف الفحامي ولا المحامي قالوها في منو؟
دا محمد احمد المحجوب لما جاء اترشح في دائرتكم ووعدتوهو تدوهو اصواتكم ولما فتحوا صندوق حلتكم المحجوب ما لقى منكم التكتحة
وقبل عليكم بقصيدته المعروفة.
دحين سمعت بيها ولا قادل بكميراتك ساى
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: حسن طه محمد)
|
Quote: ات قايلني زى ود المنسي الكمّل عمرو كلو في تورق الخدرة وتقطع الويكييييييييييييي؟
عليك الله يا عثمان ود موسى جيب ليك طشت خدرة وقول لود المنسي ورقووووو شوف مهارة زولك فيها كيف - وحاة الله زى سرعة الجكس في الكتابة على الكي بورد |
والله يا ودشيقوق أنتَ أظرف وأطعم زول قبل أيام كنت مع الجميل دكتور الضروس ود القرشي .. جات سيرتك يا المسنوح غايتو الكلام جاب الكلام وغلبنا من سيرتك نقيف .. فقال لي أحمد القرشي يا أخي شيقوق دا راجل رقيق ضحكت لما قربت إتشرق من العشراقة ... وقلت له قول ظريف قول طاعم وبتهضم قول قلبو ابيض بنقبلا لكن اتنين ما بناسبو شيقوق ( وديع أو رقيق )
ههههههههههههههههه تحياتي عتمان ودموسى
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: الطيب شيقوق)
|
والله دى جلسة ما منظور مثيلا . شوف . عاين شكل الكانون . والقهوة . والتقلية الما خمج . عليك الله يا الطيب يا أخى خلى ود حامد يشوف لينا عقد عمل والعقد يشمل بدل سفر وبدل سكن وبدل تقلية . وبدل التقلية أهم شىء . .. غايتو يا الطيب تانى ما بترجع البلد حتى لو طلع فيها بترول Venezuela زاتو
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: Osman Musa)
|
Quote: غايتو يا الطيب تانى ما بترجع البلد حتى لو طلع فيها بترول Venezuela زاتو |
أرجع وين ؟؟؟ دا لقى الكنتاكي والبرياني وواقع يلقف لقف النعاج لي الامباز
اللقمة ما بلزها بي موية بلزها بي اصبعو ويلحقا التانية والعيون مزرزرة زي كديس الخلا
هييييييييييييع فحل ومطلوق في جنينة سيدي يرعى
أنا الكوكو الفجخ الطين تعال قول شئ
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: خالد علي محجوب المنسي)
|
عثمان
المنسي
عليكم الله اختوا البوست دا كتلتوني بالضحك
عثمان
المنسي السجم دا ما بشبهك انت طيب وحنين ورزييييييين لكن قريبك دا خشيم لطمة
المسنوح دا من النوع البمشي ........ ول في طرف الصريف ويتناول ليهو درابة بادوبة عشان ...... ويجي راجع لناسو القاعدين تحت الراكوبة وعاضي التكة بسنونو والبادوبة في يدو شغالة Absorption وبحكي لناسو من بعيد وهو عاضي التكة حرف يسمعوهو منو وحرف يروح مع لواكة التكة نامن يصل يجدع ال absorber وكرررررررر يربط ...... ويتوهط وسط الناس عشان يعيد الفات .
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: الطيب شيقوق)
|
حولا يا الطيب . يا الطيب من كم يوم كدى كنت قاعد فى مكتبة منتظر ندوة عن كتاب عن أوبرا . فى بنت من الأسرة القاعدة جمبى سألتنى . كيف أتحصل على Application For Visa عشان اشوف السودان . وقالت جدها سودانى مصرى ليبى . قالت عايزين نتعرف على العالم الأفريقى وعايزين نشوف النيل والنخيل والتماسيح .. عليك الله يا الطيب زى دي ممكن تعرف الفرق بين البادوبة والكركجى والقحف ؟؟؟
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: الطيب شيقوق)
|
تمثل حالي بحالك في جهلك بتخيل فيك الآن وانت منطلق بي عراقي حق دمورية وسروال طويل يشبهن الواطا من وسخهن ( العراقي والسروال لو وقفتهم من الوسخ والعرق يقيفن بس عسكري واقف إنتباه براهن )
ولما تمص التكّا بتكون مالحة موش كدي ؟؟
وكنت متلقي حجج وفي نقل الاخبار زي شيحا وشقي ومسلط انا ود بندر شرابنا من الماسورة ونورنا باقي من يوم قمنا لا ولعت رتينة ولا نشلت من البير
وسعل يا جنى الخرتوم
نسيت عراقي الدمورية ماركة الدمورية وسنة صناعتها مكتوبة باللون الظهري ههههههههههههههه مدبوغة فوق ضهر القميص ( الخياط مسنوح )
أنتو مسعولين من الخير وين أخونا صاحب البوست ( حيدر ) نحن إستولينا علي كل حقوقه وشيقوق إتفوجج زي التقول فاتح البوست هو ويرد
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: Osman Musa)
|
Quote: وناس ود المنسى لا هسع فى ملح التكا . وخلال العتود . |
ونصرر ونحلب ونداير البقر ومرات لما بقرة جناها تموت يدخلونا فوق البو ( بتعرف البو يا شيقوق ) جلد ولد البقرة الميت بسلخو وندخل نحن جوّا ونرضع البقرة عشان تدر اللبن مرات بنرضع كتير يكفتوك في حنكك كفاك يا الشوم وما بنفك شطر البقرة )
وننورق ونطرد ونحرت ونعسق
ود موسى لقيتني كيف ؟ زي مابقول المطموس شيقوق البرم جنى الندم
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: خالد علي محجوب المنسي)
|
Quote: بتخيل فيك الآن وانت منطلق بي عراقي حق دمورية وسروال طويل يشبهن الواطا من وسخهن ( العراقي والسروال لو وقفتهم من الوسخ والعرق يقيفن بس عسكري واقف إنتباه براهن ) |
اما الكرعين خلهن ساكت.. يا ود المنسي براحه ياخي على شيخ العرب.. كتلتنا بالضحك .. لكن عندك ذاكرة ما شاء الله.. .. سوآل بالجنبه يا ود شيقوق.. السوق لى منو؟
امشي اتبخر عين ود المنسي دي ما مضمونه..
بوست ظريف . تحياتي لحيدر وزواره..
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: الطيب شيقوق)
|
Quote: ولما تمص التكّا بتكون مالحة موش كدي ؟؟ |
Quote: بطلاق تلاتة دي ما سبقك عليها زول |
حرم يالطيب إلع تخليهم ستة طلاقات ماكنات... بالتلاتة الليلي ديل الملعول المنسي ده كيبورده متبري منه عديييييييل!
يا أخوانا براحة علينا... أنا ما ضحكتا في حياتي ذي الليلة دي والدنيا عندنا نص الليل (03:00 صباحا)
والله دي المجادعة الصحي... بس نحنا الإتعورنا فيها بفليعكم لبعض ده إنشاء الله تسلموا يا حيدر والطيب والمنسي ومعاكم عتمان ولدنا
ودمتم...
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: Mohamed Yassin Khalifa)
|
Quote: ونصرر ونحلب ونداير البقر ومرات لما بقرة جناها تموت يدخلونا فوق البو ( بتعرف البو يا شيقوق ) |
زول بعرف الكنان ( تعرف الكنان انت يكنوك من ...) بغلبو البو يا الانسهكت راحاتك من غسيل توبك في القريرة ويا شرّار هدومو في فريع السدرة المنتكية على القيفة ويا صقّاع الجرّة زى عنبلوك الدرتية .
Quote: جلد ولد البقرة الميت بسلخو وندخل نحن جوّا ونرضع البقرة عشان تدر اللبن مرات بنرضع كتير يكفتوك في حنكك كفاك يا الشوم وما بنفك شطر البقرة ) |
هههههههههههههههههههههههههها
Quote: شيقوق البرم جنى الندم |
المنسي عتيّد البرمة
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: الطيب شيقوق)
|
الخال ود البوب - سلام
وكمان معاها تفكير عميق.( يا ربي في شنو ؟)
أفكر فيه وأتأمل أفكر فيه وأتأمل أراه اتجلى واتجمل هلالى الهل واتكمل تفاصيل قولى والمجمل سأصبر يا ود طه ايه أعمل؟
الساعة نوعا شنو يا شيقا؟؟؟
وحاة الله يا ود البوب ما عارفها كدى اشوفها لقيتها ليك جروفانا . دحين سمعت بيها؟
Quote: لقيتني كيف يا شيقا ( دي طبعا مسروقة منك بعد اذنك ). |
مفرهد ودمك رائق الليلة ما يدوك عين
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: سيف عبد العزيز)
|
ود شيقوق عليك الله عاين لى صاحبك ود المنسى شن بسوى . الناس يا الطيب هسع بتتعلم فى ال Art Of Writing وتشيل فى الكورسات وتتعب . وصاحبك ود المنسى عايز يعمل لينا تعليم الحليب والصرار ONLINE يعنى لو عايز تصرر نعجاتك وتخلل سخلاتك تقوم تدخل www. ما تعرف شنو . ودالمنسى . COM _ ده شنو ده ؟
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: Osman Musa)
|
Quote: امشي اتبخر عين ود المنسي دي ما مضمونه..
بوست ظريف . تحياتي لحيدر وزواره.. |
محمد طه الملك شوقنا ليك الشوق ومتشوق من أشواقو
عينا تسحر لي شنو كان زمان وجيه هسي الوشي إتفجخ بقى زي قوز المررو بتاع الحاجات مخفج وأغبش
والخدود مجاري الخريف متحدر علي الميعة
والكرعين سوك يزح زي العتود المبطل
زولك ما فضل في شئ بقى يتهوزز زي عنقريب العدة متكول علي الحيطة
فكني لي يا الملك ما تمسكني حالف ما أخلي في إلا عصبة الطمبور
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: خالد علي محجوب المنسي)
|
Quote: حرم يالطيب إلع تخليهم ستة طلاقات ماكنات... بالتلاتة الليلي ديل الملعول المنسي ده كيبورده متبري منه عديييييييل! |
محمد ودخليفة سلاااام زولك بهابش باقي هو زي العقرب أم نويويرة يلدغ ويلبت تحت الزير والعجب العحيب متفوجج وقاعد وحاكر الجمع وهو مابمرق منو يتيم ممسح ( قابض جب ) حق القهوة دي ما دفعوا بدي عينو السماء وكت الحساب ويرميها وفوق مولانا العرضي ( شيال التقيل إن مال )
لكن كان داير تعرف مقامك عندو بونسك ويضحكك
تحياتي ودخليفة وأدام الله البسمة وجعل كل ايامك فرح وافراح
مودتي
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: خالد علي محجوب المنسي)
|
Quote: زول بعرف الكنان ( تعرف الكنان انت يكنوك من ...) بغلبو البو يا الانسهكت راحاتك من غسيل توبك في القريرة ويا شرّار هدومو في فريع السدرة المنتكية على القيفة ويا صقّاع الجرّة زى عنبلوك الدرتية . |
[red]هههههههههههههههههههه نحن بنصقع الجرة نحمدو سيدنا حقتنا مليانة
نحن ولاد العز البنضرب الكأس البدورنا بندوروا والما بدورنا بنعمل لي دوماس
أنا عنبلوك الدرتية ههههههههههههههههه يا الضب الوقع في العجين
ودشيقوق ارعى بي قيدك أنا كان قبلت عليك بزعط صويفات حواجبيك
هييييييع أنـــأ ( بتعرفني براك )
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: خالد علي محجوب المنسي)
|
Quote: ود شيقوق عليك الله عاين لى صاحبك ود المنسى شن بسوى . الناس يا الطيب هسع بتتعلم فى ال Art Of Writing وتشيل فى الكورسات وتتعب . وصاحبك ود المنسى عايز يعمل لينا تعليم الحليب والصرار ONLINE يعنى لو عايز تصرر نعجاتك وتخلل سخلاتك تقوم تدخل www. ما تعرف شنو . ودالمنسى . COM _ ده شنو ده ؟ |
والله يا ودموسى لو بي يدي الداير أعلموا عبر الفضاء الأسفيري كتير الوليدات الصرار والحليب وقرع الموية وعزق الشدر يطردو كيف شتيت الماروق البنيات مشاط ( أحي حرقو ... الشباح .. وخش الروب في سعن معلق في الكشامبير .. ولبس السفنجة مقلوبة )
هههههههههههههههههههههههه الله ودشيقوق نازل منو ما نبذني
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: فيصل محمد خليل)
|
Quote: دحين وقت تمشي السوق مع ام اولادك بتمشي معاها جوة السوق الحجل بالرجل ولا بتفارقها وبتعاين ليها بالطوالة؟ |
ههههههههههههههههههههههه والله الخوجات خربونا تب كان شافني ابوي بتكيني وضبحني بقينا موش الحجل بي الرجل تمسكا زي العناق النكور من يدها
والله بكون ماشي وخايف ابوي يكون جا المجر هههههههههههههههههههههههههههههههههههههههه
أخير انا محتفظ ببعض عادتي فيسل صاحبك رمة تب مافضل لي إلا لحم الخنزير
دحين هسي يا ود شيقوق كان شقيت البردانة ماسك المراة من يدها بسوو لي شنو
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: الطيب شيقوق)
|
Quote: هههههههههههههههههههههههههههههههههههههههههههههههههها
بطلاق يسيروووووووووك سيرة ويهتفوا يقولوا
المردعاب المردعاب التابع لو ج ............اب |
وزفنّو الكلاب ما نالن إلا علال
وأنا سايق الفيات طبعاً هههههههههههههههه
فيسل يا أخوي قبل يومين كنت بتكلم معا مرتو قالت لي فيسل بقى زي كلب السرة يباري بي الحيط مابقدر يمشي برا
عمك كمال وين بقى غالي ودكبوشية
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: حيدر امين)
|
Quote: خلى صاحبك يبرطع شوية سوق وفرتق ولمينا كراسيه |
أنتو هناك يا حيدر لمو كراسيكم لكن الخيمة والكراسي هنا خليهم ( نحن بندفع حق الأيام الزيادة ) شيقوق العسل أنت قايل الناس بتلم في بي هين
بس خلي لينا أنا عاوز أنتف صوفهم هو وصاحبو عثمان موسى دا عرريب الاتنين ما بجو إلا بالعين الحمرا
تحياتي ومودتي
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: الطيب شيقوق)
|
Quote: هوى يا سجم الرماد عثمان ود موسى دا خط احمر اوعاك تهبشو - هسع اتكلم معاك ولا دمك فاير وسفليك غائر ؟ |
عثمان موسى خت أحمر ليه تكت سروالو فوقا لمبة ولا في راسو مركب أنتيل ( واير لس )
والله أقبل عليكم الاتنين ما أخلي فيكم إلا عصبة الطمبور
هيييييع أنا الكوكو الفجخ الطين أنا الضب الوقع في العجين
أنا أخو البنيات
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: Osman Musa)
|
Quote: باقى داير اجى أحضر سباق الهجن شهر 4 / 2011 فى دبى ورأس الخيمة . اها اليوم داك كلو على حسابى . الكلام ده جد جد |
ابصم يا عثمان بالعشرة بس خليها تكون خميس وجمعة وسبت وانا جادي = الشوم ما يجي معانا بخرب الونسة خماج الطين .
ود المنسي وعثمان بتعرفوا البرش الدقة والبرش الصارموجة والفارق بينهما؟
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: الطيب شيقوق)
|
Quote: Quote: باقى داير اجى أحضر سباق الهجن شهر 4 / 2011 فى دبى ورأس الخيمة . اها اليوم داك كلو على حسابى . الكلام ده جد جد
ابصم يا عثمان بالعشرة بس خليها تكون خميس وجمعة وسبت وانا جادي = الشوم ما يجي معانا بخرب الونسة خماج الطين .
ود المنسي وعثمان بتعرفوا البرش الدقة والبرش الصارموجة والفارق بينهما؟ |
مرحب حباب ودموسى السمتان جليس الردفوّلا عِقودا
مرحب حباب ودموسئ الكبير مو حاسي
خليني منو المسنوح النقيص مو وافي تعال حبابك أنت البحر وكرمك واجب
مابعرف قدر البحر شيقوق دا بس أدي برش وطلحة وشدرة ضرية أقضي امرك وأرجع لي تلقى نايم لي العصرية ديل عرريب ونحن ناس السمتا والمحرية دُق لي الدلوكة مابنزل يتوارّى بي بنلطون ضيّق تقول محوية دا خلا كار أهلو متبع دريب محامية
ولي قدام ..................... بروش : النطع
عيييييييك الخلا ولع والبحر جاب عيال الدندر
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: الطيب شيقوق)
|
Quote: افو افو افو ات ما سمعت بناس الدندر اظنك يا سجم الرماد ولا سمعت الغناي لما قال :
ما بتدبى للهاملة البشوفا غريبة الا السيدها في الدندر مسوي زريبة
ات يا الرماد ياكا البتتدبى لغنم الحلة ويكا السارح بالطارفة |
هههههههههههههههههههههههههه سويتو ليها زريبة وهذا زم في حقكم يا ناس الدندر
قلت لي كيف بهرد مصارينو بي الشاورما كان غلبني أكرمو بخلي يمرق في البلد بس يسوي لي شكلة ويزح منها بقطع دابر المشاكلو وبكرمو
عضتك شنو ياها حلل العضام عضمك يتخلخل الأصلو لحق الصح يا الفضية القزازا وقع وخشبا أكلتو الارضة
ابعد من ود موسى وماتجيب طاري جيبك فوقو عقرب وعلي إديتك خايف تكرم بي خشمك وبأبو الجورج ما بتجازف بتعرف أبوالجورج ( هو الدولار الذي عليه صورة جورج واشنطون ) هههههههههههههههههههههه أبعدي مني أنا ضُمة لا شايفك ولا بسمع
ابارو مشدوه بي ولدو الجديد ربنا يجعله من الصالحين وإلا كان ناديتو ليك يا مطر الشهفوفة ( ترمي البيوت )
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: الطيب شيقوق)
|
الطيب أخوى سلامات اها اجيك لقصة البروش . طبعن صناعة البروش عند اهلنا ناس المحمية فن . البروش لوحات لوحات وفى نوع برش بحوالى 300 دولار . احسن انواع البروش . برش الكركوج . وبرش الكركوج الاحمر هو لوحة عليها رسومات من بوص القمح والشعير اشكال والوان . والكركوج برش للأفراح للعريس نوع وللعروس نوع . وبعدين فى البرش الشعبى وده اسمو برش البشنتوق وده برش كتبلاص ساكت . وبجيك راجع للبروش وللكروش . تحياتى
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: إسحاق بله الأمين)
|
خلوني يا عثمان والمنسي ارحب ارحب بإسحاق ود فداسي الحديثو قاسي
Quote: حباب ناس الدندر الطيبين وزينين حباب أسود الخلا حاشاهم مو جبانين حباب ود شيقوق محامي الضعيف والمسكين حباب أب طبعا في الكرم راكز ومتين |
حبابك يا ود بلة حباب ود قلعة العلم والعلماء فداسي
تسلم من كل شر يا العشاء اب لبن السنة اخبار البصل كيف؟ دي ايام تخزينو شد حيلك املأ عبك فيهو شهر 8 سعرو بطير السماء
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: الطيب شيقوق)
|
ود موسي
Quote: طبعن صناعة البروش عند اهلنا ناس المحمية فن . البروش لوحات لوحات وفى نوع برش بحوالى 300 دولار . احسن انواع البروش . برش الكركوج . وبرش الكركوج الاحمر هو لوحة عليها رسومات من بوص القمح والشعير اشكال والوان . والكركوج برش للأفراح للعريس نوع وللعروس نوع . وبعدين فى البرش الشعبى وده اسمو برش البشنتوق وده برش كتبلاص ساكت . وبجيك راجع للبروش وللكروش . |
يطول عمرك وفيت وكفيت
ات ماك سمعت العربي البشكر في جملو .. قال شنو؟
قال
ود الحوري من كان سمينا ملجة يبس دورو بالبركة ورقاد الدلجة رقاد المراتب والبرش الضفيرتو العلجة منو ابعدنا للكباشي بلد ام فلجة
هيييييييييييييييييييييع تقول لي نازل مع السجم بياع الكمونية ؟
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: الطيب شيقوق)
|
Quote: الضريساء ولا شوق الكتر ولا الطلححححححححح؟
بالمنقاش عندو كماشات زي سنيناتك الما بحنن ديل يكجم ليك الشوكة وسرررررررررررررررر يجي ساليها ليك
.................... باع وضراع |
الضريسا دي انت ما بتكتلا ساكت وحايم بيها ما بتطلعها لكن الشوك الكبير كتر كان ولا طلح لما تكون غاتسّا شديد في اللحم وماتلقى طريقة تمسكها بي المنقاش بتسوي ليها شنو ؟؟؟
....................... اكيد بتفتحها بي الابرة وتخت ليها وسخ اضنيك ( الشمع ) بتجي ناطة براها
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: الطيب شيقوق)
|
ود شيقوق أمانة ماك أصيل بلحيل،التعليم ما مسخك زي بعض القرويين، مجرد الواحد فيهم اتخرج من الجامعة وبروز شهادته وعلقهاعلى الجدار، شاف نفسه واتكبر على أهله، وترك بنات عمو المتل الغزلان، وراح يفتش على شريكة حياته في البنادر. أبشرك البصل السنة دي ببدع، وكان عندك قريشات لزهن لي جاي عشان اشتري ليك داك يا البصل الممتل التفاح، وكان ربنا قوى نصيبك امكن من ربحه تنزل ليك دفار، عليك أمان الله يا ود شيقوق أخوي، واحد من جماعتنا السنة القبل الفاتت ربح 750 مليون من البصل، وعليك أمان الله الحرف يا داب افكه، شن فايدة غربتنا بالسنسن الطوال وما سوينا فيها شيء، عليك أما ن الله مسرة بصل واحدة تخليك راجل لي جنى الجنى
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: إسحاق بله الأمين)
|
بعرة الحمار فى الجرح ؟؟ يا الطيب يا أخى حرام عليك يا أخى خالد المنسى ده هسع فى البلد عندو الاسعافات بتاعت ال RED GROSS . يعنى الاسعافات حقت بعرة الحمار وشحم الورل والحاجات دى انتهت زمان . يا الطيب أخوى خالد صار زول بتاع FIRST AID أنت من زمن الناس بتتعالج بالحميض ؟ وقرقرقرقرقر
| |
|
|
|
|
|
|
Re: الطيب شيقوق لقى سوقو فى السوق الخيرى بمسقط (Re: Osman Musa)
|
استاذنا اسحاق ود اللمين
Quote: ود شيقوق أمانة ماك أصيل بلحيل،التعليم ما مسخك زي بعض القرويين، مجرد الواحد فيهم اتخرج من الجامعة وبروز شهادته وعلقهاعلى الجدار، شاف نفسه واتكبر على أهله، وترك بنات عمو المتل الغزلان، وراح يفتش على شريكة حياته في البنادر. |
وكمان واحدات يا ود اللمين يوم عرستها تتكامل بيك البنادر ويلموا فيك اهلها يحاصروك تاني كان امك مرضت ما برضوا تمشي تتطايبها - وعشان ما تجي ناطة فينا واحدة منهن هسع خليني اقول ما كلهن كدا فيهن واحدات هديات ورضيات لكن ما يندر
Quote: أبشرك البصل السنة دي ببدع، وكان عندك قريشات لزهن لي جاي عشان اشتري ليك داك يا البصل الممتل التفاح، وكان ربنا قوى نصيبك امكن من ربحه تنزل ليك دفار، عليك أمان الله يا ود شيقوق أخوي، واحد من جماعتنا السنة القبل الفاتت ربح 750 مليون من البصل، وعليك أمان الله الحرف يا داب افكه، شن فايدة غربتنا بالسنسن الطوال وما سوينا فيها شيء، عليك أما ن الله مسرة بصل واحدة تخليك راجل لي جنى الجنى |
والله شحتفت روحنا بالحيل لبصلكم دا - بس يا ود اللمين نحن في الدنادر بنخزن البصل مع الرشاش نجيب ليك بصل فداسي ونفرشوا في الجابرة ونقوم نعزل منو التالفة وندخلوا جوة المخازن او -القطاطي دا زمان - ونقوم نجيب القرض ونشتتوا فيهو لحمايتو من التلف - شايف انتوا بتقلبوا الشوال على خشيمو في الصقيعة ساااااااى دحين الطريقة دي ناجحة؟
فعلا مسرة بصل واحدة تخليك مشنق طاقيتك وتكوس لمجالس ناس ابو سنينة وخدر الديموقراطي زمان - هسع وانا بكتب ليك جاء داخل على صاحبي من اهلك الحلاويين من حتة اسمها الحليلة واتشاورنا في موضوعك دا بس الايام دي الاسعار كيف؟
اها يا ود المنسي خليك مع ضريساتك ومناقيشك انا تاني ماني زولك متكامل البصل عدل ومحل رهيفة تنقد
| |
|
|
|
|
|
|
|