الطيب شيقوق لقى سوقو فى السوق الخيرى بمسقط

Post: #1
Title: الطيب شيقوق لقى سوقو فى السوق الخيرى بمسقط
Author: حيدر امين
Date: 04-16-2010, 08:58 AM

الباشمهندس صلاح حسين والبورداب الاساتذه / مدنى العرضى , الزاكى عبد الحميد والطيب شيقوق
بالله شوفوا العرريب قاعد كيف

شوفوا جنس اللهطى ده

ومنتظر القهوة ويعزم عليها

اشترى الطاقية الماشه مع الجلابيه هلا هلا حيدر ود اللمين سوقكم سمح

Post: #2
Title: Re: الطيب شيقوق لقى سوقو فى السوق الخيرى بمسقط
Author: حيدر امين
Date: 04-16-2010, 09:02 AM
Parent: #1

والله با شيقوق تكتر كلامك كده ولا كده الفيديو بتاع الباشمهندس صلاح حسين الا ينزل هنا

Post: #3
Title: Re: الطيب شيقوق لقى سوقو فى السوق الخيرى بمسقط
Author: حيدر امين
Date: 04-16-2010, 04:23 PM
Parent: #2

http://www.sudaneseclub-oman.com/vbforum/showthread.php?t=666

Post: #4
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-16-2010, 04:36 PM
Parent: #3

اي نوع من الأصباغ تستخدم

وصفها لعمر الجزلي والكابلي
حقتهم بقت باهتا

والله لقيتا يا أب دويرجات
هييييييع عرريب وفلح

والله لولا فكيت الحرف كان تكون مرمي تحت شدرة يفلو فيك
من قمل الرأس والهدم يا مسنوح

تحياتي ومودتي حيدر جيب لينا جانب اخر يسر البال بعيدا من المسنوح دا

Post: #5
Title: Re: الطيب شيقوق لقى سوقو فى السوق الخيرى بمسقط
Author: حيدر امين
Date: 04-16-2010, 05:29 PM
Parent: #4

Post: #6
Title: Re: الطيب شيقوق لقى سوقو فى السوق الخيرى بمسقط
Author: حيدر امين
Date: 04-16-2010, 05:35 PM
Parent: #5

Post: #7
Title: Re: الطيب شيقوق لقى سوقو فى السوق الخيرى بمسقط
Author: Osman Musa
Date: 04-16-2010, 06:39 PM
Parent: #6

الطيب شيقوق .
ده شنو ده يا أخوى ؟
يا الطيب حالف الا اكلم ليك عبدالماجد .
بقيت تاكل عصيدة ناس العمارات كمان ؟؟؟
انا خايفك وكت تمشى البلد تقوم تطلب من ناس البيت عصير Strawberris فى الحواشة
..
على كل حال يازول ينفعك .
وكتير الاحترام لبورداب مسقط الكرام والعزاز .

Post: #8
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 04-16-2010, 07:54 PM
Parent: #7

الباشمهندس صلاح حسين والبورداب الاساتذه / مدنى العرضى , الزاكى عبد الحميد والطيب شيقوق
بالله شوفوا العرريب قاعد كيف

ود اللمين

اولا شكرا علي هذا اليوست

ثانيا الجهاز شاديهو وحروفو انجليزية و ما قادر اكتب وحاسوبي اتعطل

ساعود لكل الاخوة المسانيح

Post: #9
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-16-2010, 07:56 PM
Parent: #7

يا ودشيقوق
تأكل الأكلتو النعجة ورقدت

يا يابا متفوجج قدر كدي مالك
قادر الله الخلق ودباشري

Post: #10
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 04-16-2010, 08:06 PM
Parent: #9

Quote: تأكل الأكلتو النعجة ورقدت

يا يابا متفوجج قدر كدي مالك
قادر الله الخلق ودباشري

الشوووووووووووووووووم اختاني كان قبلت عليك هيييييييييييييييع

انت ما ادوك من ادب عثمان ود موسى دا ؟

مسنووووووووووووووووووووووووووووح

Post: #11
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-16-2010, 08:22 PM
Parent: #10

Quote: الشوووووووووووووووووم اختاني كان قبلت عليك هيييييييييييييييع

انت ما ادوك من ادب عثمان ود موسى دا ؟

مسنووووووووووووووووووووووووووووح

ههههههههههههههههه
بقيت فنجري وتأكل العصيدة في صحن صيني وكورية صينية
فاضل ليك بعد كدي تركب في طاقيتك لمبة هيليوم
وتسوي لي المركوب خطرات

هييييييييييييييع
بلداً مافيها تمساح يقدل فيها الورل بي عباية

أقصد بس ناس مسقط ناس طيبين وأدوك راحتك يا مقطوع الطاري
تيمس قدوم قصير

كان جيتك هناك بختك فوق علبك يا الشووووووووم

Post: #12
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 04-16-2010, 08:55 PM
Parent: #11

Quote: هييييييييييييييع
بلداً مافيها تمساح يقدل فيها الورل بي عباية

ههههههههههههههههههههههههههههههههههههههههها مسنوووووووووووووووووووح

الشوم اختانا

Post: #13
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-16-2010, 09:03 PM
Parent: #12

Quote: ههههههههههههههههههههههههههههههههههههههههها مسنوووووووووووووووووووح

الشوم اختانا

موجعاني بالحيل
إتكأتك وفوجيجك وتضحك سنين سنين
والله كان بي مرادي أهرس القهوة البتكب فيها دي

وعاين النضيرضرات شكيتك علي الله
والله ما فاضل ليك إلا تشرب السجائر بعد دا

Post: #14
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 04-16-2010, 09:09 PM
Parent: #13

Quote: موجعاني بالحيل
إتكأتك وفوجيجك وتضحك سنين سنين
والله كان بي مرادي أهرس القهوة البتكب فيها دي

الشوم كتلتني بضحكة ما لقيت تلفونك

Post: #15
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-16-2010, 09:14 PM
Parent: #14

تلفوني
عاد أنا أبوالقاسم ولا محمد المرتضى عشان تحفظ
تلفوني عندك
أنت يا الشوم في الضلمة تحدر لي
وكان لقيتني في النار بتزيدني حطب

تلفوني ودي اخر مرة
00971501546277

Post: #16
Title: Re: الطيب شيقوق لقى سوقو فى السوق الخيرى بمسقط
Author: Osman Musa
Date: 04-16-2010, 09:16 PM
Parent: #14

غايتو يا الطيب أخوى .
لو دى طريقتك . الانتخابات البعد دى برشحوك عديل .

Post: #17
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-16-2010, 09:25 PM
Parent: #16

Quote: غايتو يا الطيب أخوى .
لو دى طريقتك . الانتخابات البعد دى برشحوك عديل .

ههههههههههههههه
يا ود موسى عِتمان
الزول ما إترشح سنة الإنتخابات التي عقبت إنفاضة أبريل

وسقط أشر سقوط

وأهل أمو كان دايرين يكتلو لآنو دافع عن قاتل ولدهم المحاكم
لما مشى ليهم عشان يسندو الموية ماجابوها لي وقالوا لي :
يا زول قوم سوق لوريك دا وإنقرع بقبال سكاكينا دي ما تأكل
لحمك

خلي يتم ليك باقي القصة
هههههههههههههههههههههههه

Post: #18
Title: Re: الطيب شيقوق لقى سوقو فى السوق الخيرى بمسقط
Author: سيف الدولة كامل
Date: 04-16-2010, 10:24 PM
Parent: #17

والله لقيتا يا المسنوح . اقدل يا العريريب .

Post: #19
Title: Re: الطيب شيقوق لقى سوقو فى السوق الخيرى بمسقط
Author: Osman Musa
Date: 04-16-2010, 10:50 PM
Parent: #18

ياود شيقوق .
أنت ود المنسي ده حاسدك مالو ؟؟؟؟.
بس بينى وبينكم يا ناس مسقط ملاح التقلية حقكم اصلى .
وبعدين ود المنسي فى دبى دى يا الطيب اظنو بس واقع الجداد كد جد .
هناك مافى تقلية يا أخوى ؟

Post: #20
Title: Re: الطيب شيقوق لقى سوقو فى السوق الخيرى بمسقط
Author: الفاتح ميرغني
Date: 04-17-2010, 01:18 AM
Parent: #19

"طق طرق يا بُن القهوة كيف ومزاج
خلي النعدل الراس ونحصل الترماج"
سلامات يا شيقا

شكرا حيدر

Post: #21
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 04-17-2010, 04:16 AM
Parent: #20

Quote: عاد أنا أبوالقاسم ولا محمد المرتضى عشان تحفظ
تلفوني عندك
أنت يا الشوم في الضلمة تحدر لي
وكان لقيتني في النار بتزيدني حطب

افو افو ديل عاد انت زيهم؟

ات انا عارفك من زمن بتشمى معانا المطعم وناكل الفول الرخيييييص وبعد نشبع تمشي الغسالة حقت القروانة البرة وتنتكي فيها نامن تكمل مويتها وصابونتها ورامي طرف عينك لحشرة يدينا في جيوبنا للسداد ....................... اتمها؟

داير تمثل رقبتك كمان بعثمان ود موسى يا سجم الرماد ؟

Post: #22
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 04-17-2010, 04:25 AM
Parent: #21

Quote: "طق طرق يا بُن القهوة كيف ومزاج
خلي النعدل الراس ونحصل الترماج"

Quote: ود الميرغني
ود الكامل
عثمان ود موسي

با اخي انا ما عندي حروف عربية بفتش للحرف زى الاعمي اليوم الدخلة بفتش في التبروقة للصلاة !!!!

Post: #23
Title: Re: الطيب شيقوق لقى سوقو فى السوق الخيرى بمسقط
Author: Osman Musa
Date: 04-17-2010, 03:48 PM
Parent: #22

يا الطيب .
أنت ود القرشى . المولد ده فاتو كيف ؟

Post: #24
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-17-2010, 04:02 PM
Parent: #23

Quote: ياود شيقوق .
أنت ود المنسي ده حاسدك مالو ؟؟؟؟.
بس بينى وبينكم يا ناس مسقط ملاح التقلية حقكم اصلى .
وبعدين ود المنسي فى دبى دى يا الطيب اظنو بس واقع الجداد كد جد .
هناك مافى تقلية يا أخوى ؟

عليك الله يا عِتمان أحسد لي شنو ؟
بقى يتهوزز زي عنقريب العدة

وعيون تشبه وتسالم
والرأس مدور

الزويل زمانو فات وغنايو مات بت زول ماسك قوي
قايل عمرو 18 سنة

Post: #25
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 04-17-2010, 07:58 PM
Parent: #24

Quote: الزويل زمانو فات وغنايو مات بت زول ماسك قوي
قايل عمرو 18 سنة

الشوووووووم الشوامة ال ..............

Post: #26
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-17-2010, 08:25 PM
Parent: #25

Quote: يا الطيب .
أنت ود القرشى . المولد ده فاتو كيف ؟

ود القرشي يا عثمان ما حائق
قليع سنون واضراس وحقيبة ومقالات ادبية
والفسحة مشاهدة كورة ( ليقا اسبانية وايطالية وانجليزية )

ويعدل في نضارتو مرة مرة يديها رفعا زي التتوري الداية في شندي عليها رحمة الله

تحياتي لود القرشي

Post: #27
Title: Re: الطيب شيقوق لقى سوقو فى السوق الخيرى بمسقط
Author: عماد الشبلي
Date: 04-17-2010, 08:40 PM
Parent: #26

حيدر كيفك والمسقطين

ود شيقوق الظاهر عليهو رجل خير ..

عشان كدي لقي سوقو في السوق الخيري !!!

بوست ظريف ..

Post: #28
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-17-2010, 08:45 PM
Parent: #27

أنت ياودشيقوق وجيهك دا حكيتو بي
حيمورة طوبة

Post: #30
Title: Re: الطيب شيقوق لقى سوقو فى السوق الخيرى بمسقط
Author: حيدر امين
Date: 04-17-2010, 08:54 PM
Parent: #28

لاقى سوقك حقو تترشح تانى
قلت لى الفحامى ولا المحامى

Post: #29
Title: Re: الطيب شيقوق لقى سوقو فى السوق الخيرى بمسقط
Author: عماد الشبلي
Date: 04-17-2010, 08:50 PM
Parent: #27

لكن جلابيتو دي مالا لونا سمني ؟؟
اوع يكون دفق فيها السمنة !!!

Post: #31
Title: Re: الطيب شيقوق لقى سوقو فى السوق الخيرى بمسقط
Author: حيدر امين
Date: 04-17-2010, 09:18 PM
Parent: #29

الفحامى ولا المحامى ؟؟؟؟

Post: #32
Title: Re: الطيب شيقوق لقى سوقو فى السوق الخيرى بمسقط
Author: عبد الحافظ خضر
Date: 04-18-2010, 05:26 AM
Parent: #31

بالجد ياود شيقوق سوق حار
فوت الانتخابات دي ساكت

ولكن هذا الاجماع ما كان له ان يكون لولا المبدع / حيدر امين
الذي اتحفنا بهذا اللقطات المميزة والمعبرة

ارى ان يمتد وصال الشكر للفنان حيدر والذي درج على ان يسجل بعدسته لحظات جميلة
سيحفظها سجل الزمن

Post: #33
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 04-18-2010, 06:06 AM
Parent: #32

عماد ود الشبلي

كيفك يا الحبيب؟

Quote: ود شيقوق الظاهر عليهو رجل خير ..

عشان كدي لقي سوقو في السوق الخيري !!!

ات قايلني زى ود المنسي الكمّل عمرو كلو في تورق الخدرة وتقطع الويكييييييييييييي؟

عليك الله يا عثمان ود موسى جيب ليك طشت خدرة وقول لود المنسي ورقووووو شوف مهارة زولك فيها كيف - وحاة الله زى سرعة الجكس في الكتابة على الكي بورد

Post: #34
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 04-18-2010, 06:38 AM
Parent: #33

Quote: لاقى سوقك حقو تترشح تانى
قلت لى الفحامى ولا المحامى

ود اللمين

ات عارف الفحامي ولا المحامي قالوها في منو؟

دا محمد احمد المحجوب لما جاء اترشح في دائرتكم ووعدتوهو تدوهو اصواتكم ولما فتحوا صندوق حلتكم المحجوب ما لقى منكم التكتحة

وقبل عليكم بقصيدته المعروفة.

دحين سمعت بيها ولا قادل بكميراتك ساى

Post: #35
Title: Re: الطيب شيقوق لقى سوقو فى السوق الخيرى بمسقط
Author: حسن طه محمد
Date: 04-18-2010, 07:28 AM
Parent: #34

ود شيقوق
هنيئا لك

وأكيد بعد فنجان الجبنة .. منتظرين منك درر

شي دوبيت .. شي ادب ...شي قانون ..

وما زلت منتظر منك القونقليز.

شكرا استاذ حيدر وامسكو في الفنجري دا قوي

Post: #36
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-18-2010, 11:38 AM
Parent: #35

Quote: ات قايلني زى ود المنسي الكمّل عمرو كلو في تورق الخدرة وتقطع الويكييييييييييييي؟

عليك الله يا عثمان ود موسى جيب ليك طشت خدرة وقول لود المنسي ورقووووو شوف مهارة زولك فيها كيف - وحاة الله زى سرعة الجكس في الكتابة على الكي بورد

والله يا ودشيقوق أنتَ أظرف وأطعم زول
قبل أيام كنت مع الجميل دكتور الضروس
ود القرشي .. جات سيرتك يا المسنوح غايتو الكلام جاب الكلام
وغلبنا من سيرتك نقيف .. فقال لي أحمد القرشي يا أخي شيقوق
دا راجل رقيق ضحكت لما قربت إتشرق من العشراقة ... وقلت له
قول ظريف قول طاعم وبتهضم قول قلبو ابيض بنقبلا لكن اتنين ما بناسبو
شيقوق ( وديع أو رقيق )

ههههههههههههههههه

تحياتي عتمان ودموسى

Post: #37
Title: Re: الطيب شيقوق لقى سوقو فى السوق الخيرى بمسقط
Author: طارق جبريل
Date: 04-18-2010, 11:49 AM
Parent: #36

والله المسنوح دة انا عارفه بيجيبلنا كفوة

Post: #38
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 04-18-2010, 01:00 PM
Parent: #37

ود اللمين

بختك جاك الخال المستشار حسن طه ود البوب

Quote: وأكيد بعد فنجان الجبنة .. منتظرين منك درر

شي دوبيت .. شي ادب ...شي قانون ..

وما زلت منتظر منك القونقليز.

شكرا استاذ حيدر وامسكو في الفنجري دا قوي

خليك متابع بس انت يا زعيم

Post: #39
Title: Re: الطيب شيقوق لقى سوقو فى السوق الخيرى بمسقط
Author: Osman Musa
Date: 04-18-2010, 06:18 PM
Parent: #38

والله دى جلسة ما منظور مثيلا .
شوف .
عاين شكل الكانون .
والقهوة .
والتقلية الما خمج .
عليك الله يا الطيب يا أخى خلى ود حامد يشوف لينا عقد عمل والعقد يشمل
بدل سفر وبدل سكن وبدل تقلية .
وبدل التقلية أهم شىء .
..
غايتو يا الطيب تانى ما بترجع البلد حتى لو طلع فيها بترول Venezuela زاتو

Post: #40
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-18-2010, 06:24 PM
Parent: #39

Quote: غايتو يا الطيب تانى ما بترجع البلد حتى لو طلع فيها بترول Venezuela زاتو

أرجع وين ؟؟؟
دا لقى الكنتاكي والبرياني
وواقع يلقف لقف النعاج لي الامباز

اللقمة ما بلزها بي موية
بلزها بي اصبعو ويلحقا التانية
والعيون مزرزرة زي كديس الخلا

هييييييييييييع فحل ومطلوق في جنينة سيدي يرعى

أنا الكوكو الفجخ الطين
تعال قول شئ

Post: #41
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 04-19-2010, 06:22 AM
Parent: #40

عثمان

المنسي

عليكم الله اختوا البوست دا كتلتوني بالضحك

عثمان

المنسي السجم دا ما بشبهك انت طيب وحنين ورزييييييين لكن قريبك دا خشيم لطمة

المسنوح دا من النوع البمشي ........ ول في طرف الصريف ويتناول ليهو درابة بادوبة عشان ...... ويجي راجع لناسو القاعدين تحت الراكوبة وعاضي التكة بسنونو والبادوبة في يدو شغالة Absorption وبحكي لناسو من بعيد وهو عاضي التكة حرف يسمعوهو منو وحرف يروح مع لواكة التكة نامن يصل يجدع ال absorber وكرررررررر يربط ...... ويتوهط وسط الناس عشان يعيد الفات .

Post: #42
Title: Re: الطيب شيقوق لقى سوقو فى السوق الخيرى بمسقط
Author: Osman Musa
Date: 04-19-2010, 01:26 PM
Parent: #41

حولا يا الطيب .
يا الطيب من كم يوم كدى كنت قاعد فى مكتبة منتظر ندوة عن كتاب
عن أوبرا .
فى بنت من الأسرة القاعدة جمبى سألتنى . كيف أتحصل على Application For Visa
عشان اشوف السودان . وقالت جدها سودانى مصرى ليبى .
قالت عايزين نتعرف على العالم الأفريقى وعايزين نشوف النيل والنخيل والتماسيح
.. عليك الله يا الطيب زى دي ممكن تعرف الفرق بين البادوبة والكركجى
والقحف ؟؟؟

Post: #43
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 04-19-2010, 07:25 PM
Parent: #42

Quote: .. عليك الله يا الطيب زى دي ممكن تعرف الفرق بين البادوبة والكركجى
والقحف ؟؟؟

خليها تجي يا عثمان اخوى بس دي بتكون طويعمة ما تركبها بصات ابو رجيلة وقت الزحمة

Post: #44
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-19-2010, 08:09 PM
Parent: #43

تمثل حالي بحالك في جهلك
بتخيل فيك الآن وانت منطلق بي عراقي حق دمورية وسروال طويل
يشبهن الواطا من وسخهن ( العراقي والسروال لو وقفتهم من الوسخ والعرق يقيفن
بس عسكري واقف إنتباه براهن )

ولما تمص التكّا بتكون مالحة موش كدي ؟؟

وكنت متلقي حجج وفي نقل الاخبار زي شيحا
وشقي ومسلط
انا ود بندر شرابنا من الماسورة ونورنا باقي من يوم قمنا
لا ولعت رتينة ولا نشلت من البير

وسعل يا جنى الخرتوم

نسيت عراقي الدمورية ماركة الدمورية وسنة صناعتها مكتوبة باللون الظهري
ههههههههههههههه
مدبوغة فوق ضهر القميص ( الخياط مسنوح )

أنتو مسعولين من الخير وين أخونا
صاحب البوست ( حيدر ) نحن إستولينا علي كل حقوقه وشيقوق إتفوجج زي التقول فاتح البوست
هو ويرد

Post: #45
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 04-19-2010, 08:20 PM
Parent: #44

Quote: ولما تمص التكّا بتكون مالحة موش كدي ؟؟

بطلاق تلاتة دي ما سبقك عليها زول - يا اخي كلما اتحواك بقدام القاك قادل قدامي

ات يا وليد full option?

Post: #46
Title: Re: الطيب شيقوق لقى سوقو فى السوق الخيرى بمسقط
Author: Osman Musa
Date: 04-19-2010, 09:28 PM
Parent: #45

ابو رجيلة وقت الزحمة ؟؟؟
والله يا الطيب ده كلام .
ياخى دى ولا حتى ال Metrobus وقت الزحمة ما شافت دربو .
.. يا الطيب فى ناس ما شافوا حشرة فى الدنيا دى الا فى ال Video .
وناس ود المنسى لا هسع فى ملح التكا . وخلال العتود .

Post: #47
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-19-2010, 10:54 PM
Parent: #46

Quote: وناس ود المنسى لا هسع فى ملح التكا . وخلال العتود .

ونصرر ونحلب ونداير البقر
ومرات لما بقرة جناها تموت يدخلونا فوق البو ( بتعرف البو يا شيقوق )
جلد ولد البقرة الميت بسلخو وندخل نحن جوّا ونرضع البقرة عشان تدر اللبن
مرات بنرضع كتير يكفتوك في حنكك كفاك يا الشوم وما بنفك شطر البقرة )

وننورق ونطرد ونحرت ونعسق

ود موسى لقيتني كيف ؟
زي مابقول المطموس
شيقوق البرم جنى الندم

Post: #48
Title: Re: الطيب شيقوق لقى سوقو فى السوق الخيرى بمسقط
Author: محمد على طه الملك
Date: 04-19-2010, 11:21 PM
Parent: #47

Quote: بتخيل فيك الآن وانت منطلق بي عراقي حق دمورية وسروال طويل
يشبهن الواطا من وسخهن ( العراقي والسروال لو وقفتهم من الوسخ والعرق يقيفن
بس عسكري واقف إنتباه براهن )

اما الكرعين خلهن ساكت..
يا ود المنسي براحه ياخي على شيخ العرب..
كتلتنا بالضحك ..
لكن عندك ذاكرة ما شاء الله..
..
سوآل بالجنبه يا ود شيقوق..
السوق لى منو؟

امشي اتبخر عين ود المنسي دي ما مضمونه..

بوست ظريف .
تحياتي لحيدر وزواره..

Post: #49
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 04-20-2010, 04:19 AM
Parent: #48

Quote: ابو رجيلة وقت الزحمة ؟؟؟

آآآآآآآآآآآآآي يا عثمان ود ابوي موسى

Post: #50
Title: Re: الطيب شيقوق لقى سوقو فى السوق الخيرى بمسقط
Author: Mohamed Yassin Khalifa
Date: 04-20-2010, 07:54 AM
Parent: #49

Quote: ولما تمص التكّا بتكون مالحة موش كدي ؟؟

Quote: بطلاق تلاتة دي ما سبقك عليها زول

حرم يالطيب إلع تخليهم ستة طلاقات ماكنات... بالتلاتة الليلي ديل
الملعول المنسي ده كيبورده متبري منه عديييييييل!

يا أخوانا براحة علينا... أنا ما ضحكتا في حياتي ذي الليلة دي
والدنيا عندنا نص الليل (03:00 صباحا)

والله دي المجادعة الصحي... بس نحنا الإتعورنا فيها بفليعكم لبعض ده
إنشاء الله تسلموا يا حيدر والطيب والمنسي ومعاكم عتمان ولدنا

ودمتم...

Post: #51
Title: Re: الطيب شيقوق لقى سوقو فى السوق الخيرى بمسقط
Author: حسن طه محمد
Date: 04-20-2010, 08:46 AM
Parent: #50

يا خوانا ماشفتو لفة العمة دي كيف
في بروفايل الجميل شيقا

وكمان معاها تفكير عميق.( يا ربي في شنو ؟)

برنجي بس

الساعة نوعا شنو يا شيقا؟؟؟

اظن من رولكس ولفوق..

برضو تستاهل والله

ودحرا لاصحاب الكاسيو

لقيتني كيف يا شيقا ( دي طبعا مسروقة منك بعد اذنك ).

Post: #52
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 04-20-2010, 08:51 AM
Parent: #50

Quote: ونصرر ونحلب ونداير البقر
ومرات لما بقرة جناها تموت يدخلونا فوق البو ( بتعرف البو يا شيقوق )

زول بعرف الكنان ( تعرف الكنان انت يكنوك من ...) بغلبو البو يا الانسهكت راحاتك من غسيل توبك في القريرة ويا شرّار هدومو في فريع السدرة المنتكية على القيفة ويا صقّاع الجرّة زى عنبلوك الدرتية .

Quote: جلد ولد البقرة الميت بسلخو وندخل نحن جوّا ونرضع البقرة عشان تدر اللبن
مرات بنرضع كتير يكفتوك في حنكك كفاك يا الشوم وما بنفك شطر البقرة )

هههههههههههههههههههههههههها

Quote: شيقوق البرم جنى الندم

المنسي عتيّد البرمة

Post: #53
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 04-20-2010, 08:55 AM
Parent: #52

المانجل ود المك

كيفك
..
Quote: سوآل بالجنبه يا ود شيقوق..
السوق لى منو؟

السوق دا كلو مضروب ومزور زى الانتخابات

Quote: امشي اتبخر عين ود المنسي دي ما مضمونه..

المنسي عينو تضرب على الوصف يا ود الملك

Post: #54
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 04-20-2010, 08:58 AM
Parent: #53

محمد يس

كيفك يا امير

Quote: حرم يالطيب إلع تخليهم ستة طلاقات ماكنات... بالتلاتة الليلي ديل
الملعول المنسي ده كيبورده متبري منه عديييييييل!

ما براهو سفليهو متحرك اليومين ديل يا ود الخليفة

Post: #55
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 04-20-2010, 09:10 AM
Parent: #54

الخال ود البوب - سلام

وكمان معاها تفكير عميق.( يا ربي في شنو ؟)

أفكر فيه وأتأمل أفكر فيه وأتأمل أراه اتجلى واتجمل هلالى الهل واتكمل تفاصيل قولى والمجمل سأصبر يا ود طه ايه أعمل؟

الساعة نوعا شنو يا شيقا؟؟؟

وحاة الله يا ود البوب ما عارفها كدى اشوفها لقيتها ليك جروفانا . دحين سمعت بيها؟

Quote: لقيتني كيف يا شيقا ( دي طبعا مسروقة منك بعد اذنك ).

مفرهد ودمك رائق الليلة ما يدوك عين

Post: #56
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 04-20-2010, 09:16 AM
Parent: #55

Quote: صاحب البوست ( حيدر ) نحن إستولينا علي كل حقوقه وشيقوق إتفوجج زي التقول فاتح البوست
هو ويرد

صاحب البوست نصب نفسو مركز كارتر

Post: #57
Title: Re: الطيب شيقوق لقى سوقو فى السوق الخيرى بمسقط
Author: سيف عبد العزيز
Date: 04-20-2010, 02:24 PM
Parent: #56

أخونا الطيب ود شيقوق

والله عجبتنى القعده والعصيده والونسه وانشاء الله ايامكم كلها أفراح
بس رسلوا لينا معاكم صحن عصيده اسفيرى كده انشاء الله بدون ريحه وبوخ

شكرا للاخ حيدر أمين على الصور والبوست

Post: #58
Title: Re: الطيب شيقوق لقى سوقو فى السوق الخيرى بمسقط
Author: Osman Musa
Date: 04-20-2010, 03:32 PM
Parent: #57

ود شيقوق
عليك الله عاين لى صاحبك ود المنسى شن بسوى .
الناس يا الطيب هسع بتتعلم فى ال Art Of Writing وتشيل فى الكورسات وتتعب .
وصاحبك ود المنسى عايز يعمل لينا تعليم الحليب والصرار ONLINE يعنى لو عايز
تصرر نعجاتك وتخلل سخلاتك تقوم تدخل www. ما تعرف شنو . ودالمنسى . COM _
ده شنو ده ؟

Post: #59
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-20-2010, 09:18 PM
Parent: #58

Quote: امشي اتبخر عين ود المنسي دي ما مضمونه..

بوست ظريف .
تحياتي لحيدر وزواره..

محمد طه الملك
شوقنا ليك الشوق ومتشوق من أشواقو

عينا تسحر لي شنو كان زمان وجيه
هسي الوشي إتفجخ بقى زي قوز المررو بتاع الحاجات مخفج وأغبش

والخدود مجاري الخريف متحدر علي الميعة

والكرعين سوك يزح زي العتود المبطل

زولك ما فضل في شئ بقى يتهوزز زي عنقريب العدة متكول علي الحيطة

فكني لي يا الملك ما تمسكني حالف ما أخلي في إلا عصبة الطمبور

Post: #60
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-20-2010, 09:25 PM
Parent: #59

Quote: حرم يالطيب إلع تخليهم ستة طلاقات ماكنات... بالتلاتة الليلي ديل
الملعول المنسي ده كيبورده متبري منه عديييييييل!

محمد ودخليفة سلاااام
زولك بهابش
باقي هو زي العقرب أم نويويرة يلدغ ويلبت تحت الزير
والعجب العحيب متفوجج وقاعد وحاكر الجمع
وهو مابمرق منو يتيم ممسح ( قابض جب )
حق القهوة دي ما دفعوا بدي عينو السماء وكت الحساب
ويرميها وفوق مولانا العرضي ( شيال التقيل إن مال )

لكن كان داير تعرف مقامك عندو بونسك ويضحكك

تحياتي ودخليفة وأدام الله البسمة وجعل كل ايامك فرح وافراح

مودتي

Post: #61
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-20-2010, 09:37 PM
Parent: #60

Quote: زول بعرف الكنان ( تعرف الكنان انت يكنوك من ...) بغلبو البو يا الانسهكت راحاتك من غسيل توبك في القريرة ويا شرّار هدومو في فريع السدرة المنتكية على القيفة ويا صقّاع الجرّة زى عنبلوك الدرتية .

[red]هههههههههههههههههههه
نحن بنصقع الجرة
نحمدو سيدنا حقتنا مليانة

نحن ولاد العز البنضرب الكأس
البدورنا بندوروا
والما بدورنا
بنعمل لي دوماس

أنا عنبلوك الدرتية ههههههههههههههههه يا الضب الوقع في العجين

ودشيقوق ارعى بي قيدك
أنا كان قبلت عليك بزعط صويفات حواجبيك

هييييييع
أنـــأ ( بتعرفني براك )

Post: #62
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-20-2010, 09:44 PM
Parent: #61

Quote: ود شيقوق
عليك الله عاين لى صاحبك ود المنسى شن بسوى .
الناس يا الطيب هسع بتتعلم فى ال Art Of Writing وتشيل فى الكورسات وتتعب .
وصاحبك ود المنسى عايز يعمل لينا تعليم الحليب والصرار ONLINE يعنى لو عايز
تصرر نعجاتك وتخلل سخلاتك تقوم تدخل www. ما تعرف شنو . ودالمنسى . COM _
ده شنو ده ؟

والله يا ودموسى لو بي يدي
الداير أعلموا عبر الفضاء الأسفيري كتير
الوليدات الصرار والحليب وقرع الموية وعزق الشدر يطردو كيف شتيت الماروق
البنيات
مشاط ( أحي حرقو ... الشباح .. وخش الروب في سعن معلق في الكشامبير .. ولبس السفنجة مقلوبة )

هههههههههههههههههههههههه
الله ودشيقوق نازل منو
ما نبذني

Post: #63
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 04-21-2010, 04:22 AM
Parent: #62

Quote: فكني لي يا الملك ما تمسكني حالف ما أخلي في إلا عصبة الطمبور

هههههههههههههههههههههههههههههههههها

كدي قرّب وحاة الرسول اصقعك بالكندف دي هسع ت............ شرررررررررررر في الواطة

شوف الوليد سراق قروش دفتر البكاء دا

Post: #64
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-21-2010, 04:29 PM
Parent: #63

Quote: شوف الوليد سراق قروش دفتر البكاء دا

هههههههههههههههه
أنا كدي يا عتيد الرماد
كان قالوا التُس الأكل اللحمة وخلا الرز
تقول هوووووووو جايِّ

عاين العوينات الزي قدود الجلد الضباحو ما حريف

Post: #65
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-22-2010, 04:17 PM
Parent: #64

لحيـــن ميسرة

Post: #66
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 04-22-2010, 05:04 PM
Parent: #65

Quote: أنا كدي يا عتيد الرماد
كان قالوا التُس الأكل اللحمة وخلا الرز
تقول هوووووووو جايِّ

دحين وقت تمشي السوق مع ام اولادك بتمشي معاها جوة السوق الحجل بالرجل ولا بتفارقها وبتعاين ليها بالطوالة؟

Post: #67
Title: Re: الطيب شيقوق لقى سوقو فى السوق الخيرى بمسقط
Author: فيصل محمد خليل
Date: 04-22-2010, 05:19 PM
Parent: #66

دا وش والا اقوم جاري

Post: #68
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-22-2010, 05:25 PM
Parent: #67

Quote: دحين وقت تمشي السوق مع ام اولادك بتمشي معاها جوة السوق الحجل بالرجل ولا بتفارقها وبتعاين ليها بالطوالة؟

ههههههههههههههههههههههه
والله الخوجات خربونا تب
كان شافني ابوي بتكيني وضبحني
بقينا موش الحجل بي الرجل تمسكا زي العناق النكور من يدها

والله بكون ماشي وخايف ابوي يكون جا المجر
هههههههههههههههههههههههههههههههههههههههه

أخير انا محتفظ ببعض عادتي فيسل صاحبك رمة تب مافضل لي إلا لحم الخنزير

دحين هسي يا ود شيقوق كان شقيت البردانة ماسك المراة من يدها بسوو لي شنو

Post: #69
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 04-22-2010, 05:47 PM
Parent: #68

عيييييييييييييييييك فيصل المجرابي جاْء

الدار خربت طااااااب

وين عمو كمال مفقود بالحيل

Quote: دحين هسي يا ود شيقوق كان شقيت البردانة ماسك المراة من يدها بسوو لي شنو

هههههههههههههههههههههههههههههههههههههههههههههههههها

Post: #70
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-22-2010, 06:09 PM
Parent: #69

Quote: هههههههههههههههههههههههههههههههههههههههههههههههههها

بطلاق يسيروووووووووك سيرة ويهتفوا يقولوا

المردعاب المردعاب التابع لو ج ............اب

وزفنّو الكلاب
ما نالن إلا علال

وأنا سايق الفيات طبعاً هههههههههههههههه

فيسل يا أخوي قبل يومين كنت بتكلم معا
مرتو قالت لي فيسل بقى زي كلب السرة يباري
بي الحيط مابقدر يمشي برا

عمك كمال وين بقى غالي ودكبوشية

Post: #71
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 04-22-2010, 06:34 PM
Parent: #70

Quote: بطلاق يسيروووووووووك سيرة ويهتفوا يقولوا

المردعاب المردعاب التابع لو ج ............اب

الكلام دا خمشتو من وين آآآآآآآآآآآ الشوم؟

Post: #72
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-22-2010, 06:39 PM
Parent: #71

Quote: الكلام دا خمشتو من وين آآآآآآآآآآآ الشوم؟

إخمشك يا يابا
الخمش حوا بت ملين

هههههههههههههههههههههه
خمشا كلب قرب يلحقا الصح وناس قالوا سعرت

Post: #73
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 04-22-2010, 09:59 PM
Parent: #72

Quote: إخمشك يا يابا
الخمش حوا بت ملين

يخمشك يا يا بعود طلح يخلي ..............في السماء

Post: #74
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-22-2010, 10:03 PM
Parent: #73

Quote: يخمشك يا يا بعود طلح يخلي ..............في السماء

أمش ليك كدي
وأنت جاري علي الطلح

الطلح يا بابا اليوايكوك بي في الحفيرة

ههههههههههههههه

Post: #75
Title: Re: الطيب شيقوق لقى سوقو فى السوق الخيرى بمسقط
Author: Osman Musa
Date: 04-22-2010, 10:08 PM
Parent: #73

يا ناس .
القرقراب فى السوق الخيرى شنو ؟

Post: #76
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-22-2010, 10:40 PM
Parent: #75

Quote: يا ناس .
القرقراب فى السوق الخيرى شنو ؟

دا زولك دا
الجن طلح
التقول مولود تحت شدرة سنط

تقول 2 ×2 = كم
يقول ليك طلح

Post: #77
Title: Re: الطيب شيقوق لقى سوقو فى السوق الخيرى بمسقط
Author: حيدر امين
Date: 04-23-2010, 02:19 PM
Parent: #76

Quote: أنتو مسعولين من الخير وين أخونا
صاحب البوست ( حيدر ) نحن إستولينا علي كل حقوقه وشيقوق إتفوجج زي التقول فاتح البوست
هو ويرد

خالد ود المنسى

خلى صاحبك يبرطع شوية سوق وفرتق ولمينا كراسيه

Post: #78
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-23-2010, 03:35 PM
Parent: #77

Quote: خلى صاحبك يبرطع شوية سوق وفرتق ولمينا كراسيه

أنتو هناك يا حيدر لمو كراسيكم
لكن الخيمة والكراسي هنا خليهم
( نحن بندفع حق الأيام الزيادة )
شيقوق العسل أنت قايل الناس بتلم في بي هين

بس خلي لينا أنا عاوز أنتف صوفهم هو وصاحبو عثمان موسى دا
عرريب الاتنين ما بجو إلا بالعين الحمرا

تحياتي ومودتي

Post: #79
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 04-23-2010, 06:39 PM
Parent: #78

Quote: هو وصاحبو عثمان موسى دا
عرريب الاتنين ما بجو إلا بالعين الحمرا

هوى يا سجم الرماد عثمان ود موسى دا خط احمر اوعاك تهبشو - هسع اتكلم معاك ولا دمك فاير وسفليك غائر ؟

Post: #80
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-23-2010, 10:04 PM
Parent: #79

Quote: هوى يا سجم الرماد عثمان ود موسى دا خط احمر اوعاك تهبشو - هسع اتكلم معاك ولا دمك فاير وسفليك غائر ؟

عثمان موسى خت أحمر ليه
تكت سروالو فوقا لمبة ولا في راسو مركب أنتيل ( واير لس )

والله أقبل عليكم الاتنين ما أخلي فيكم إلا عصبة الطمبور

هيييييع
أنا الكوكو الفجخ الطين
أنا الضب الوقع في العجين

أنا أخو البنيات

Post: #81
Title: Re: الطيب شيقوق لقى سوقو فى السوق الخيرى بمسقط
Author: Osman Musa
Date: 04-23-2010, 10:17 PM
Parent: #80

قرقرقرقر

Post: #82
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-23-2010, 10:23 PM
Parent: #81

Quote: قرقرقرقر

أقعد قرقرقرقر
أنت من يوم باريتلي السجمان شيقوق أنا رميت خيتك
بس امروقو لي جاي
أنا صقر الجو البخوي
برقدم سلطة

Post: #83
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-23-2010, 10:36 PM
Parent: #82

ود شيقوق
وشيشك بقيت تشبه صديق سرحان

هههههههههههههههههه

Post: #84
Title: Re: الطيب شيقوق لقى سوقو فى السوق الخيرى بمسقط
Author: Osman Musa
Date: 04-24-2010, 00:14 AM
Parent: #83

يا الطيب ويا خالد
أنشاءالله . شهر 4 / 2011 عازمكم ملاح تقلية زى دى .
فى دبى .
باقى داير اجى أحضر سباق الهجن شهر 4 / 2011 فى دبى ورأس الخيمة . اها
اليوم داك كلو على حسابى . الكلام ده جد جد

Post: #85
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 04-24-2010, 06:27 AM
Parent: #84

Quote: باقى داير اجى أحضر سباق الهجن شهر 4 / 2011 فى دبى ورأس الخيمة . اها
اليوم داك كلو على حسابى . الكلام ده جد جد

ابصم يا عثمان بالعشرة بس خليها تكون خميس وجمعة وسبت وانا جادي = الشوم ما يجي معانا بخرب الونسة خماج الطين .

ود المنسي وعثمان بتعرفوا البرش الدقة والبرش الصارموجة والفارق بينهما؟

Post: #86
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-24-2010, 08:38 AM
Parent: #85

Quote: Quote: باقى داير اجى أحضر سباق الهجن شهر 4 / 2011 فى دبى ورأس الخيمة . اها
اليوم داك كلو على حسابى . الكلام ده جد جد

ابصم يا عثمان بالعشرة بس خليها تكون خميس وجمعة وسبت وانا جادي = الشوم ما يجي معانا بخرب الونسة خماج الطين .

ود المنسي وعثمان بتعرفوا البرش الدقة والبرش الصارموجة والفارق بينهما؟

مرحب حباب ودموسى السمتان
جليس الردفوّلا عِقودا

مرحب حباب ودموسئ
الكبير مو حاسي

خليني منو المسنوح النقيص مو وافي
تعال حبابك أنت البحر وكرمك واجب

مابعرف قدر البحر شيقوق
دا بس أدي برش وطلحة وشدرة ضرية
أقضي امرك وأرجع لي
تلقى نايم لي العصرية
ديل عرريب ونحن ناس السمتا والمحرية
دُق لي الدلوكة مابنزل يتوارّى
بي بنلطون ضيّق تقول محوية
دا خلا كار أهلو متبع دريب محامية

ولي قدام
.....................
بروش :
النطع

عيييييييك الخلا ولع والبحر جاب عيال الدندر

Post: #87
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 04-24-2010, 09:18 AM
Parent: #86

Quote: ديل عرريب ونحن ناس السمتا والمحرية
دُق لي الدلوكة مابنزل يتوارّى

افو افو افو ات ما سمعت بناس الدندر اظنك يا سجم الرماد ولا سمعت الغناي لما قال :

ما بتدبى للهاملة البشوفا غريبة الا السيدها في الدندر مسوي زريبة

ات يا الرماد ياكا البتتدبى لغنم الحلة ويكا السارح بالطارفة

والله يا ود موسى تنزل عندو يهرد حشاك بالشاورما وكمان يبجيبها ليك مصيريرة في يدو زى الشايلو ............ ويمكن تكون محولة جوة التلاج . ابعد آآآآآآآآ الشوم داير تسمم ود موسى الجاييك من سقط لقط .

تعال بجاى تلقى العضة والكدة والمصعة اكان بقيت كمان زولا دوماتك خارة

Post: #88
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-24-2010, 09:31 AM
Parent: #87

Quote: افو افو افو ات ما سمعت بناس الدندر اظنك يا سجم الرماد ولا سمعت الغناي لما قال :

ما بتدبى للهاملة البشوفا غريبة الا السيدها في الدندر مسوي زريبة

ات يا الرماد ياكا البتتدبى لغنم الحلة ويكا السارح بالطارفة

هههههههههههههههههههههههههه
سويتو ليها زريبة
وهذا زم في حقكم يا ناس الدندر

قلت لي كيف بهرد مصارينو بي الشاورما
كان غلبني أكرمو بخلي يمرق في البلد بس يسوي لي شكلة ويزح منها
بقطع دابر المشاكلو وبكرمو

عضتك شنو ياها حلل العضام
عضمك يتخلخل الأصلو لحق الصح يا الفضية القزازا وقع وخشبا أكلتو الارضة

ابعد من ود موسى وماتجيب طاري
جيبك فوقو عقرب وعلي إديتك خايف
تكرم بي خشمك وبأبو الجورج ما بتجازف
بتعرف أبوالجورج ( هو الدولار الذي عليه صورة جورج واشنطون )
هههههههههههههههههههههه
أبعدي مني
أنا ضُمة لا شايفك ولا بسمع

ابارو مشدوه بي ولدو الجديد ربنا يجعله من الصالحين
وإلا كان ناديتو ليك يا مطر الشهفوفة ( ترمي البيوت )

Post: #89
Title: Re: الطيب شيقوق لقى سوقو فى السوق الخيرى بمسقط
Author: Osman Musa
Date: 04-24-2010, 12:56 PM
Parent: #85

الطيب أخوى
سلامات
اها اجيك لقصة البروش .
طبعن صناعة البروش عند اهلنا ناس المحمية فن . البروش لوحات لوحات وفى نوع
برش بحوالى 300 دولار .
احسن انواع البروش . برش الكركوج . وبرش الكركوج الاحمر هو لوحة عليها
رسومات من بوص القمح والشعير اشكال والوان .
والكركوج برش للأفراح للعريس نوع وللعروس نوع .
وبعدين فى البرش الشعبى وده اسمو برش البشنتوق وده برش كتبلاص ساكت .
وبجيك راجع للبروش وللكروش .
تحياتى

Post: #90
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-24-2010, 03:22 PM
Parent: #89

Quote: الطيب أخوى
سلامات
اها اجيك لقصة البروش .

اها جراك علي درب البروش
بعد شوية بدخلك في الطلح
وتاني الله يمرقك بس
دا زول مسنوح ومقطوع بركة ما تباري

Post: #91
Title: Re: الطيب شيقوق لقى سوقو فى السوق الخيرى بمسقط
Author: إسحاق بله الأمين
Date: 04-24-2010, 03:59 PM
Parent: #90

حباب ناس الدندر الطيبين وزينين
حباب أسود الخلا حاشاهم مو جبانين
حباب ود شيقوق محامي الضعيف والمسكين
حباب أب طبعا في الكرم راكز ومتين

Post: #92
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 04-24-2010, 06:42 PM
Parent: #91

خلوني يا عثمان والمنسي ارحب ارحب بإسحاق ود فداسي الحديثو قاسي

Quote: حباب ناس الدندر الطيبين وزينين
حباب أسود الخلا حاشاهم مو جبانين
حباب ود شيقوق محامي الضعيف والمسكين
حباب أب طبعا في الكرم راكز ومتين

حبابك يا ود بلة حباب ود قلعة العلم والعلماء فداسي

تسلم من كل شر يا العشاء اب لبن

السنة اخبار البصل كيف؟ دي ايام تخزينو شد حيلك املأ عبك فيهو شهر 8 سعرو بطير السماء

Post: #93
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 04-24-2010, 06:48 PM
Parent: #92

ود موسي

Quote: طبعن صناعة البروش عند اهلنا ناس المحمية فن . البروش لوحات لوحات وفى نوع
برش بحوالى 300 دولار .
احسن انواع البروش . برش الكركوج . وبرش الكركوج الاحمر هو لوحة عليها
رسومات من بوص القمح والشعير اشكال والوان .
والكركوج برش للأفراح للعريس نوع وللعروس نوع .
وبعدين فى البرش الشعبى وده اسمو برش البشنتوق وده برش كتبلاص ساكت .
وبجيك راجع للبروش وللكروش .

يطول عمرك وفيت وكفيت

ات ماك سمعت العربي البشكر في جملو .. قال شنو؟

قال

ود الحوري من كان سمينا ملجة
يبس دورو بالبركة ورقاد الدلجة
رقاد المراتب والبرش الضفيرتو العلجة
منو ابعدنا للكباشي بلد ام فلجة

هيييييييييييييييييييييع تقول لي نازل مع السجم بياع الكمونية ؟

Post: #94
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-24-2010, 07:51 PM
Parent: #93

Quote: هيييييييييييييييييييييع تقول لي نازل مع السجم بياع الكمونية ؟

أنا بياع الكمونية

يا بياع الطايوق وطايوقتك سايلة تحت نخرتك

شيقوق لما كنت سغيييير كنت بطلع الشوك من كراعك كيف ؟

Post: #95
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 04-24-2010, 08:16 PM
Parent: #94

Quote: شيقوق لما كنت سغيييير كنت بطلع الشوك من كراعك كيف ؟

الضريساء ولا شوق الكتر ولا الطلححححححححح؟

بالمنقاش عندو كماشات زي سنيناتك الما بحنن ديل يكجم ليك الشوكة وسرررررررررررررررر يجي ساليها ليك

Post: #96
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-24-2010, 08:43 PM
Parent: #95

Quote: الضريساء ولا شوق الكتر ولا الطلححححححححح؟

بالمنقاش عندو كماشات زي سنيناتك الما بحنن ديل يكجم ليك الشوكة وسرررررررررررررررر يجي ساليها ليك

.................... باع وضراع

الضريسا دي انت ما بتكتلا ساكت وحايم بيها ما بتطلعها
لكن الشوك الكبير كتر كان ولا طلح لما تكون غاتسّا شديد في اللحم وماتلقى طريقة تمسكها بي المنقاش
بتسوي ليها شنو ؟؟؟

.......................
اكيد بتفتحها بي الابرة وتخت ليها وسخ اضنيك ( الشمع ) بتجي ناطة براها

Post: #97
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 04-25-2010, 07:40 AM
Parent: #96

Quote: اكيد بتفتحها بي الابرة وتخت ليها وسخ اضنيك ( الشمع ) بتجي ناطة براها

دى صدقت فيها يا مسنوح - بس انتوا لما الشوكة تطلع وتجيب الدم بتتناولوا بعرة الحمار تختوها في الجرح وتعصروها تتتتتتتتتتتتر نامن تنشّف الجرح .

Post: #98
Title: Re: الطيب شيقوق لقى سوقو فى السوق الخيرى بمسقط
Author: إسحاق بله الأمين
Date: 04-25-2010, 02:25 PM
Parent: #97

ود شيقوق أمانة ماك أصيل بلحيل،التعليم ما مسخك زي بعض القرويين، مجرد الواحد فيهم اتخرج من الجامعة وبروز شهادته وعلقهاعلى الجدار، شاف نفسه واتكبر على أهله، وترك بنات عمو المتل الغزلان، وراح يفتش على شريكة حياته في البنادر. أبشرك البصل السنة دي ببدع، وكان عندك قريشات لزهن لي جاي عشان اشتري ليك داك يا البصل الممتل التفاح، وكان ربنا قوى نصيبك امكن من ربحه تنزل ليك دفار، عليك أمان الله يا ود شيقوق أخوي، واحد من جماعتنا السنة القبل الفاتت ربح 750 مليون من البصل، وعليك أمان الله الحرف يا داب افكه، شن فايدة غربتنا بالسنسن الطوال وما سوينا فيها شيء، عليك أما ن الله مسرة بصل واحدة تخليك راجل لي جنى الجنى

Post: #99
Title: Re: الطيب شيقوق لقى سوقو فى السوق الخيرى بمسقط
Author: Osman Musa
Date: 04-25-2010, 03:01 PM
Parent: #98

بعرة الحمار فى الجرح ؟؟
يا الطيب يا أخى حرام عليك
يا أخى خالد المنسى ده هسع فى البلد عندو الاسعافات بتاعت
ال RED GROSS .
يعنى الاسعافات حقت بعرة الحمار وشحم الورل والحاجات دى انتهت زمان .
يا الطيب أخوى خالد صار زول بتاع FIRST AID أنت من زمن الناس بتتعالج
بالحميض ؟

وقرقرقرقرقر

Post: #100
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 04-25-2010, 05:53 PM
Parent: #99

استاذنا اسحاق ود اللمين

Quote: ود شيقوق أمانة ماك أصيل بلحيل،التعليم ما مسخك زي بعض القرويين، مجرد الواحد فيهم اتخرج من الجامعة وبروز شهادته وعلقهاعلى الجدار، شاف نفسه واتكبر على أهله، وترك بنات عمو المتل الغزلان، وراح يفتش على شريكة حياته في البنادر.

وكمان واحدات يا ود اللمين يوم عرستها تتكامل بيك البنادر ويلموا فيك اهلها يحاصروك تاني كان امك مرضت ما برضوا تمشي تتطايبها - وعشان ما تجي ناطة فينا واحدة منهن هسع خليني اقول ما كلهن كدا فيهن واحدات هديات ورضيات لكن ما يندر

Quote: أبشرك البصل السنة دي ببدع، وكان عندك قريشات لزهن لي جاي عشان اشتري ليك داك يا البصل الممتل التفاح، وكان ربنا قوى نصيبك امكن من ربحه تنزل ليك دفار، عليك أمان الله يا ود شيقوق أخوي، واحد من جماعتنا السنة القبل الفاتت ربح 750 مليون من البصل، وعليك أمان الله الحرف يا داب افكه، شن فايدة غربتنا بالسنسن الطوال وما سوينا فيها شيء، عليك أما ن الله مسرة بصل واحدة تخليك راجل لي جنى الجنى

والله شحتفت روحنا بالحيل لبصلكم دا - بس يا ود اللمين نحن في الدنادر بنخزن البصل مع الرشاش نجيب ليك بصل فداسي ونفرشوا في الجابرة ونقوم نعزل منو التالفة وندخلوا جوة المخازن او -القطاطي دا زمان - ونقوم نجيب القرض ونشتتوا فيهو لحمايتو من التلف - شايف انتوا بتقلبوا الشوال على خشيمو في الصقيعة ساااااااى دحين الطريقة دي ناجحة؟

فعلا مسرة بصل واحدة تخليك مشنق طاقيتك وتكوس لمجالس ناس ابو سنينة وخدر الديموقراطي زمان - هسع وانا بكتب ليك جاء داخل على صاحبي من اهلك الحلاويين من حتة اسمها الحليلة واتشاورنا في موضوعك دا بس الايام دي الاسعار كيف؟

اها يا ود المنسي خليك مع ضريساتك ومناقيشك انا تاني ماني زولك متكامل البصل عدل ومحل رهيفة تنقد

Post: #101
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 04-25-2010, 05:58 PM
Parent: #100

Quote: يا الطيب يا أخى حرام عليك
يا أخى خالد المنسى ده هسع فى البلد عندو الاسعافات بتاعت
ال RED GROSS .
يعنى الاسعافات حقت بعرة الحمار وشحم الورل والحاجات دى انتهت زمان .
يا الطيب أخوى خالد صار زول بتاع FIRST AID أنت من زمن الناس بتتعالج
بالحميض ؟

سلامة المجرية شبعتو امبسلين وبنسلين نامن اتدشى

Post: #102
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-25-2010, 06:33 PM
Parent: #101

[سلامة المجرية شبعتو امبسلين وبنسلين نامن اتدشى

.............................................................................................

يا جنى البانسلين اليلحقك امات طه شيقوق سمعت بي أغنية البنسلين يا تمرجي ونادو الحكيم يا تمرجي قلتا لي كيف نكمد الجرح بي بعرة حمار دا ماعندنا نحن عندنا لما الجرح ينوسر بنشيل الجمرة حمرا وندقها والهبوت حقها بنختو في الجرح

Post: #103
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-25-2010, 06:33 PM
Parent: #101

[سلامة المجرية شبعتو امبسلين وبنسلين نامن اتدشى

.............................................................................................

يا جنى البانسلين اليلحقك امات طه شيقوق سمعت بي أغنية البنسلين يا تمرجي ونادو الحكيم يا تمرجي قلتا لي كيف نكمد الجرح بي بعرة حمار دا ماعندنا نحن عندنا لما الجرح ينوسر بنشيل الجمرة حمرا وندقها والهبوت حقها بنختو في الجرح

Post: #104
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-25-2010, 06:33 PM
Parent: #101

[سلامة المجرية شبعتو امبسلين وبنسلين نامن اتدشى

.............................................................................................

يا جنى البانسلين اليلحقك امات طه شيقوق سمعت بي أغنية البنسلين يا تمرجي ونادو الحكيم يا تمرجي قلتا لي كيف نكمد الجرح بي بعرة حمار دا ماعندنا نحن عندنا لما الجرح ينوسر بنشيل الجمرة حمرا وندقها والهبوت حقها بنختو في الجرح

Post: #105
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-25-2010, 06:33 PM
Parent: #101

[سلامة المجرية شبعتو امبسلين وبنسلين نامن اتدشى

.............................................................................................

يا جنى البانسلين اليلحقك امات طه شيقوق سمعت بي أغنية البنسلين يا تمرجي ونادو الحكيم يا تمرجي قلتا لي كيف نكمد الجرح بي بعرة حمار دا ماعندنا نحن عندنا لما الجرح ينوسر بنشيل الجمرة حمرا وندقها والهبوت حقها بنختو في الجرح

Post: #106
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-25-2010, 06:36 PM
Parent: #105

عفواً للتكرار لكن مافي مشكلة بزيد عدد المداخلات يا السجم

Post: #107
Title: Re: الطيب شيقوق لقى سوقو فى السوق الخيرى بمسقط
Author: ممدوح أبارو
Date: 04-25-2010, 06:41 PM
Parent: #106

Quote: سلامة المجرية شبعتو امبسلين وبنسلين نامن اتدشى

قرقرقرقرقرقر

ريحتني الله لا يريحك يا منحوس

Post: #108
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 04-25-2010, 07:03 PM
Parent: #107

ابارو ضحية الاربعين كيفك؟

مبروك المولود عليك النبي سميهو عثمان موسى والله يصبرك يا يا ابارو

باقي لي المنسي اتهكر الحقوهو بقى يكرر

Post: #109
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-25-2010, 07:28 PM
Parent: #108

مبروك المولود عليك النبي سميهو عثمان موسى والله يصبرك يا يا ابارو

باقي لي المنسي اتهكر الحقوهو بقى يكرر
......................................................................................................

اسمو أبوبكر
أبو بكر أبوالقاسم الفحل

انت عثمان موسى شن طعمكم يسمي عليك

يهكرك أب ناجمة يا سجم الرماد
أنت كان بي مرادك بتهكرني عشان ترتعع زي تيس ناس بلول

Post: #112
Title: Re: الطيب شيقوق لقى سوقو فى السوق الخيرى بمسقط
Author: Osman Musa
Date: 04-25-2010, 08:13 PM
Parent: #109

ود المنسى .
يا أخى حرام عليك . الطيب شيقوق زى تيس ناس ود بلول ؟
عديل كدى ؟
يا أخى الطيب ده احسن زول يفهم فى قوانين البورصات الدولية .
هسع الزول ده لو رجع السودان تانى منو البفهم فى ال Margin Call . يا ود المنسى
الطيب ده زول خترى .
بعدين مالو يعنى كان . كان بيحلب ويصرر ولا يبيع الجداد ؟
أى زول حر فى صرار نعاجو .
يا ود المنسى الديمقراطية فى الحليب والتخليل والتصرير دى أهم شىء .

Post: #110
Title: Re: الطيب شيقوق لقى سوقو فى السوق الخيرى بمسقط
Author: ممدوح أبارو
Date: 04-25-2010, 07:56 PM
Parent: #108

Quote: ابارو ضحية الاربعين كيفك؟

مبروك المولود عليك النبي سميهو عثمان موسى والله يصبرك يا يا ابارو

باقي لي المنسي اتهكر الحقوهو بقى يكرر

الله يبارك فيك
عثمان موسي زولاً كلس علا مغشوش فيك يا سجم
غايتو نحنا نحاول نستقطبو في المعسكر التاني عشان نقص شوكتك يا مسنوح
حسي إت ما بتكرر في وزل سعلك؟
Quote: يا يا

المنسي ابقي عشرة الدبيب لا يستفردبك أنا ماش أشوف الشافع وأجي

Post: #111
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 04-25-2010, 08:10 PM
Parent: #110

Quote: أنا ماش أشوف الشافع وأجي

اخخخخخخخخخخخخخخخخخخخخخخخخخخخخخخخخخ يا ابارو العب بعيييييييييييييد

قال اشوف الشافع

سراق يا مسنوح

Post: #113
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 04-25-2010, 08:24 PM
Parent: #111

عثمان

Quote: منو البفهم فى ال Margin Call ؟

اخخخخخخخخخخخخخخ عافي منك - بس كلامك دا كنان التيوس وصرار الغنم دا ما فاهمو

Post: #114
Title: Re: الطيب شيقوق لقى سوقو فى السوق الخيرى بمسقط
Author: إسحاق بله الأمين
Date: 04-26-2010, 03:22 PM
Parent: #113

مولانا ود شيقوق
عوافي آ زول
والله كلامك سمح خلاص والغربة الرذيلة خربت طبعنا يا ود شيقوق أخوي، هسه متل الكلام الطاعم دا، ما بفرق علينا كتير في غربة السجم والرماد دي، الزراعة يا خوي زيها ما في، وربنا كان قسم ليك منها مسرة واحدة تخليك خالف كراع فوق كراع وسيجارتك قصبة وطاقيتك مشرنقه للحاجب، وتقعد تدوبي كمان. هسه نحنا كان قلنا بسم الله وختينا الرحمن في قلوبنا وتوكلنا على الله وادينا غربة الشوم دي ضهرنا، وعملنا خروج بلا عودة لبلدنا(ما تسمعني أم أحمد)، وقعدنا في الواطة وفكرنا بي رواقة، وشلنا طوارينا وملوداتنا وواسوقاتنا وجرايتنا وسلوكاتنا ومناجلنا ونجاماتنا ، وقبلنا على أرض أجدادنا وأبهاتنا كان كانت حواشات ولا بلدات(كمدوب)، ولا جروف ولا تجارب( يا هي دي المخصصة وسمحه خلاص لزراعة البصل يا مولانا) ، ما كان بقينا رجال يا ود شيقوق، وكان عملنا الكناتر والدفارات والهايلوكسات، وحتى العربات الركوبة كنا سعيناهن، ولاّ رايك شنو يا أخوي؟

عليك الله يا الطيب ماك متقريف ليك لعصيدة بايتة(بريده)، وإت قاعد ليك فوق ضهر ترعة، وجنبك غنيماتك يرعن، وبهماتن إنططن، وبي هناك تشوف ليك طيرا راكي فوق ضهر شاة، والقمري يقوقي سوي القوق، وريحة اللوبا والشطة الخضراء والنعناع ترد الروح وتعدل الكيف وتروق المزاج، ومنظر الزراعة يمتع العين، ومن بعيد تشوف ليك غبار شابي من تحت كرعين مراح وارد الترعة بعد ما شبع قش أخضر وتبر وعليف، وصوت راعيا مبسوط وغنيماتو ولدن تيمان تيمان، وجاي شايل السخلان والعتان فوق كتفه، ويلفت انتباهك صوت جملا يرغي، وسيدو ختّ فوق ضهرو رحل قطن (شوالين قلاد) ، وبعد شوية يجيك صوت المحلي (القطر) يدقدق دق دق دق، وتشوف الجنيات جاريين ناحيته ومادين ايديهم ، والركاب يرموا ليهم الرغيف، والشفع اتسابقوا واتخاتفوه وياكلوه كأنما حيزت لهم الدنيا بحذافيرها. الكلام كتير يا ود شيقوق ، والدوام انتهى والشفع منتظرين الخبز والحليب، الله افكنا من غربة الشوم دي، هسي الشفع ديل كان في البلد كانوا قبيل أكلوا ليهم عصيدة حآآآآآآآرة بوخه يلوي بملاح روب حامض مكبوب عليهو سمن بلدي تشم ريحته كان كنت مزكوم. ونواصل يا العشاي
أها أخوي ودعتك الله

Post: #115
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 04-28-2010, 07:15 PM
Parent: #114

الطيب ده زول خترى .
بعدين مالو يعنى كان . كان بيحلب ويصرر ولا يبيع الجداد ؟
أى زول حر فى صرار نعاجو .
يا ود المنسى الديمقراطية فى الحليب والتخليل والتصرير دى أهم شىء .
............................................................................................
............................................................................................

ختري علي منو ؟؟؟؟

هو في مسقط مفقوه وحرم مافي زول بعرفو
اي زول جا من مسقط سألتو منو
قال لي أطرشني في أسم زي دا

زول هبوب ساكت مشهور بي الفصاحة هنا في المنبر

والله ياها دي خدمتو
والفات كارو الرماد كالّو
وكارو صرار وحليب ونشل موية من البير

لي هسي الجلابية تلقاها زي الورد والسروال الطويل زي الواطا لونو القتول مغسلو في موية ميعة في طرف الحلة

الزول زولي وانا البعرفو يا ودموسى ماتشكر لي الراكوبة

Post: #116
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 04-28-2010, 08:00 PM
Parent: #115

ود اللمين يا رائع

Quote: والله كلامك سمح خلاص والغربة الرذيلة خربت طبعنا يا ود شيقوق أخوي، هسه متل الكلام الطاعم دا، ما بفرق علينا كتير في غربة السجم والرماد دي، الزراعة يا خوي زيها ما في، وربنا كان قسم ليك منها مسرة واحدة تخليك خالف كراع فوق كراع وسيجارتك قصبة وطاقيتك مشرنقه للحاجب، وتقعد تدوبي كمان. هسه نحنا كان قلنا بسم الله وختينا الرحمن في قلوبنا وتوكلنا على الله وادينا غربة الشوم دي ضهرنا، وعملنا خروج بلا عودة لبلدنا(ما تسمعني أم أحمد)، وقعدنا في الواطة وفكرنا بي رواقة، وشلنا طوارينا وملوداتنا وواسوقاتنا وجرايتنا وسلوكاتنا ومناجلنا ونجاماتنا ، وقبلنا على أرض أجدادنا وأبهاتنا كان كانت حواشات ولا بلدات(كمدوب)، ولا جروف ولا تجارب( يا هي دي المخصصة وسمحه خلاص لزراعة البصل يا مولانا) ، ما كان بقينا رجال يا ود شيقوق، وكان عملنا الكناتر والدفارات والهايلوكسات، وحتى العربات الركوبة كنا سعيناهن، ولاّ رايك شنو يا أخوي؟

عليك الله يا الطيب ماك متقريف ليك لعصيدة بايتة(بريده)، وإت قاعد ليك فوق ضهر ترعة، وجنبك غنيماتك يرعن، وبهماتن إنططن، وبي هناك تشوف ليك طيرا راكي فوق ضهر شاة، والقمري يقوقي سوي القوق، وريحة اللوبا والشطة الخضراء والنعناع ترد الروح وتعدل الكيف وتروق المزاج، ومنظر الزراعة يمتع العين، ومن بعيد تشوف ليك غبار شابي من تحت كرعين مراح وارد الترعة بعد ما شبع قش أخضر وتبر وعليف، وصوت راعيا مبسوط وغنيماتو ولدن تيمان تيمان، وجاي شايل السخلان والعتان فوق كتفه، ويلفت انتباهك صوت جملا يرغي، وسيدو ختّ فوق ضهرو رحل قطن (شوالين قلاد) ، وبعد شوية يجيك صوت المحلي (القطر) يدقدق دق دق دق، وتشوف الجنيات جاريين ناحيته ومادين ايديهم ، والركاب يرموا ليهم الرغيف، والشفع اتسابقوا واتخاتفوه وياكلوه كأنما حيزت لهم الدنيا بحذافيرها. الكلام كتير يا ود شيقوق ، والدوام انتهى والشفع منتظرين الخبز والحليب، الله افكنا من غربة الشوم دي، هسي الشفع ديل كان في البلد كانوا قبيل أكلوا ليهم عصيدة حآآآآآآآرة بوخه يلوي بملاح روب حامض مكبوب عليهو سمن بلدي تشم ريحته كان كنت مزكوم. ونواصل يا العشاي
أها أخوي ودعتك الله

والله والله يا اسحاق اخوي انت رسمت لوحة انكأت الكثير من الجراحات فكلما حاولت اقتبس منها مقطع للتعقيب عليه وجدت من الصعب تجزئتها.

ات عارف يا اسحاق انا حسيت من كلامك بوجود تقارب بين طفولتنا وطفولتكم في كل هذا التفاصيل الماثلة امامي

هههههههههها صحيح ام احمد ما تسمعك وربما كمان البنات الكبرن في الغربة ما يسمعنك الموضوع صار حقيقة ورطة لا فكاك منها -

ونحن الان نتاسف على الماضى اللى ولى وراح على الفرقة الزمانها طويل على الأسف اللى عشناه مع طول الالم والليل و يا حليل ايام كنا بنشيل الود وندى الود وفى عينينا كان يكبر حنانا زاد وفات الحد و زمان ماعشنا فى فرقة ولاقاسينا نتوحد وهسع رحنا نتوجع نعيد فى الحسرة نتأسف على الماضى اللى مابرجع صحيح انو الزمن غلاب لكن نحنا عشناه ومشيناه على عذاب وعذاب دروبنا تتوه ونحنا نتوه ونفتح للأمل ابواب .

جاييك لزمن الطفولة يا اسحاق اخوى خليك مرابط معانا

Post: #117
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 04-28-2010, 08:16 PM
Parent: #116

Quote: هو في مسقط مفقوه وحرم مافي زول بعرفو
اي زول جا من مسقط سألتو منو
قال لي أطرشني في أسم زي دا

زول هبوب ساكت مشهور بي الفصاحة هنا في المنبر

والله ياها دي خدمتو
والفات كارو الرماد كالّو
وكارو صرار وحليب ونشل موية من البير

لي هسي الجلابية تلقاها زي الورد والسروال الطويل زي الواطا لونو القتول مغسلو في موية ميعة في طرف الحلة

الزول زولي وانا البعرفو يا ودموسى ماتشكر لي الراكوبة

جاييك آ شوم كتبت ليك كتير الجهاز خزلني بقفل براهو وضيع الكتابة ما عارف اظنك صقعتني بعين آآآآآآ الشوم

Post: #118
Title: Re: الطيب شيقوق لقى سوقو فى السوق الخيرى بمسقط
Author: إسحاق بله الأمين
Date: 05-01-2010, 03:53 PM
Parent: #117

الأخ الأصيل / الأستاذ الطيب
أولا في التبادي مبروك عليكم نجاح ابنكم محمد، ربنا يديكم الصحة والعافية وتفرحوا بنجاحه وتشوفوا جديده.
ثانيا: الغربة أخذت منا الكثير، أخذت زهرة شبابنا، "وفكتنا" عكس الريح عليك الله يا الطيب أخوي، هل حصل ضحكت ليك ضحكة صافية من جوه طوال سنين الغربة الغشاشة دي؟

كتبت خاطرة ذات مرة عن الغربة أوردت فيها :
"وإن كانت الغربة مفتاح لتحقيق بعض الأحلام والآمال، إلا أنها في الوقت نفسه مقبرة لوأد كثير من الطموح والتطلعات، فالمرء فيها خاسر وإن جنى من ورائها الذهب الخالص".

عليك الله يا الطيب وكتين يجيك خبرا شين، أو خبر وفاة عزيز لديك، ما بتكره الغربة ؟ شن فايدة الغربة والزول مخلي عقابه بي وراه ويكون أبوه أو أمه في أشد الحاجة لوجوده معهما وقد بلغا من الكبر عتيا.

يا الطيب أخوي نحن قريبين من بعض وطباعنا متشابهة وثقافتنا ثقافة دواوين، والـ لقيناهو في الدواوين ما حصلناه في فصول الدراسة، لأن الدواوين كانت مكان اجتماع أهلنا الكبار في مناسباتهم المختلفة، فيها تلقى الخبرة والحكمة من ناس خبروا الحياة وخبرتهم.

الطيب أخوي، أهديك هذه الخاطرة ، وبقينا عايشين على أيام زمان والذكريات الجميلة اللي كانت مع أهلنا الطيبين الذين حرمتنا منهم الغربة اللعينة:

ما أجمل الحياة وسط أهلنا الطيبين البسطاء الذين لم يعرفوا زخرف الحياة الدنيا ورضوا بالقليل فيها فعاشوا سعداء . تلك أيام خلت ليتها تعود. عاش العم " تقدو" في قطية في حوش ناس بابكر ود اللمين إلى أن توفاه الله ولم نره يوماً مرتديا جلابيه ، كانت كل زينته في هذه الحياة الدنيا عراقي وسروال دموريه قصير. هؤلاء البسطاء يا أخ الطيب جاءوا إلى الدنيا ورحلوا عنها كما جاءوا ولم يتشبثوا بزخرفها الزائل وزينتها الخادعة ، هؤلاء هم الذين كنا نسعد بوجودهم ونرى الحياة جميلة بقربهم فما أجمل الحياة لو عشناها كما عاشها هؤلاء البسطاء الأنقياء . فما كان يدور من ونسة في دكان الهادي ود أحمد والقوم جلوس على عنقريب هبابي وبرش سعف جالبو إبراهيم ود أحمد من الصعيد وبليلة لوبا جديد ما هو عاول تشم ريحتها من بعيد وعصيدة دخن أصفر كله صحة وعافية بلبن بقر صافي ومقنن تزيل الجوع وتشد الحيل وتجيب العافية. يا حليله أيام زمان .. أيام حبوبتنا بت كمبو وملاح لوبا بمرس جالباهو عمتنا السرة بت نورالدين من مكوار ، وكول جايباهو عمتنا العناية بت نور الدين من سنار ... وشرموط لحم غزال جايبنو ناس عمنا حدباي من الغرب .. وقنقليس وعرديب وصمغ هشاب جايبنو ناس أبوي وحاج الصادق من تندلتي .. وطماطم حمراء شوفتها تسر العين وريحتها ترد الروح من جرف ناس عم حسن ود فارس ... وسمن ماعز بلدي إنتاج "القريقريب" ، وملاح شرموط خالدي أبيض بفلفل أسود من حلة عمتنا بخيتة بت الخضر تأكل فيهو وما تشبع وتأكل فيهو وما تشبع وتأكل فيهو وما تشبع ، يا حليل أهلي ويا جمال ديل أهلي ويا حليل أيامنا الجميلة الكانت مع ديل أهلي ، وكيف حالنا نحنا الآن بعد أن أخذتنا الغربه وغادرنا الديار ونسينا بساطة أهلنا وواقع حياتنا البسيطة الـ عليها تربينا وكنا فعلاً سعداء وماعرفنا سعادة تاني بعد أن تنكرنا لواقعنا وشدينا الرحال وهجرنا الأرض وبعدنا عن الديار وبدل أكل الدوم أكلنا التفاح وبعد ملاح الشرموط أكلنا التونة والقشطة ، وبدل العراقي والسروال لبسنا البدلة والبنطال ، فهل بعد كل المسخ دا تاني في سعادة بأي حال؟ السعادة كل السعادة في البساطة وأن ترجع حليمه لعادتها القديمة ولكن هيهيات.

تسلم يا عشاء البايتات

أخوك ود بله ود اللمين
الرياض 1/5/2010م

Post: #119
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 05-01-2010, 06:31 PM
Parent: #118

استاذنا اسحاق ود الفقراء

سلام

Quote: أولا في التبادي مبروك عليكم نجاح ابنكم محمد، ربنا يديكم الصحة والعافية وتفرحوا بنجاحه وتشوفوا جديده.

الله يخليك ويحفظك وعقبال لعيالك بالنجاح

Quote: ثانيا: الغربة أخذت منا الكثير، أخذت زهرة شبابنا، "وفكتنا" عكس الريح عليك الله يا الطيب أخوي، هل حصل ضحكت ليك ضحكة صافية من جوه طوال سنين الغربة الغشاشة دي؟

الكثيرون اخي اسحاق ظلوا يشكون في مصداقية ابتسامات الغربة تلكم الابتسامات التي صارت واحدة من ادوات الاستثمار والتصيد من بلهاء الاغتراب .

يا حليل جلسة الضحوية في حدبة الجزارة والطماطم والفجل والبصل كيمان كيمان كل واحد ماسك لو قشة يجرجر في الواطة ويحكوا بفلان المسّر وفلان الصفق وبفلان الخطب بت فلان وود فلان الماخد شاكوس من بت فلان ومرات كمان فلان العينو حارة صقع فلان و لزمو السرير شهرين . يا حليل وقتين الجلسة دى يجيك لوري فلان السايقو فلان تسمع كوزو من جوة الحلة وجاى عاصر ابنصيهو ومعشق في الخيران الجوة الحلة وتسمع واحد في الحدبة دي يقوم ناطي يصيح للنسوان البعاد منو ومنتظرات العربية تجي توديهن السوق هوى يا فلانة وهوي يا فلان سامع لي صوت عربية جاياكم اكان ما تكون ملانة طوب او شاحنة بصل تكويشة . والناس من بعيد تعاين للعربية الجاية وبعد شوية يظهر ليهم رويس المساعد ود الصعيد الراكب في التندة وشوية شوي تظهر العربية والناس الفي الحدبة تقيف كلها ونامن العربية تصل ويقوم السواق يدوس الفرملة ومعاها ابنص نامن العلال يعكل في السماء ولسان حال السواق يقول للناس عشان تامنوا. والناس جاسين في حدبتهم وفي كويماتهم تقوم العربية تشحن ركاب والسواق يرمي الكلتش للاقلاع والناس تشوف ست فلانة المدرسة الغريبة في الحلة جاية من هنااااااااااك شايله شنطتها ماشة لاهلها والناس تصحيح وقف وقف وقف والسواق يعاين ويشوف ست فلانة السمحة ويقوم يبطل العربية ويحنس واحد من الراكبين قدام عشان ينزل وتركب هذه المعلمة .......... ( ما تسرح ود اللمين خليك معاى)

Quote: كتبت خاطرة ذات مرة عن الغربة أوردت فيها :
"وإن كانت الغربة مفتاح لتحقيق بعض الأحلام والآمال، إلا أنها في الوقت نفسه مقبرة لوأد كثير من الطموح والتطلعات، فالمرء فيها خاسر وإن جنى من ورائها الذهب الخالص".

هذا كلام لا يختلف حوله اثنان يا اسحاق اخوى

Quote: عليك الله يا الطيب وكتين يجيك خبرا شين، أو خبر وفاة عزيز لديك، ما بتكره الغربة ؟ شن فايدة الغربة والزول مخلي عقابه بي وراه ويكون أبوه أو أمه في أشد الحاجة لوجوده معهما وقد بلغا من الكبر عتيا.

ودي بالضبط الحالة الفيها انا يا اسحاق - ارسل اليهما الفلوس ولا يعبرون لي عن سعادتهما بوصولها وانما السعادة بالنسبة اليهما هو انت داخل عليهم وطالع منهم.

Quote: يا الطيب أخوي نحن قريبين من بعض وطباعنا متشابهة وثقافتنا ثقافة دواوين، والـ لقيناهو في الدواوين ما حصلناه في فصول الدراسة، لأن الدواوين كانت مكان اجتماع أهلنا الكبار في مناسباتهم المختلفة، فيها تلقى الخبرة والحكمة من ناس خبروا الحياة وخبرتهم.

احسنت يا ود اللمين

Quote: الطيب أخوي، أهديك هذه الخاطرة ، وبقينا عايشين على أيام زمان والذكريات الجميلة اللي كانت مع أهلنا الطيبين الذين حرمتنا منهم الغربة اللعينة:

ما أجمل الحياة وسط أهلنا الطيبين البسطاء الذين لم يعرفوا زخرف الحياة الدنيا ورضوا بالقليل فيها فعاشوا سعداء . تلك أيام خلت ليتها تعود. عاش العم " تقدو" في قطية في حوش ناس بابكر ود اللمين إلى أن توفاه الله ولم نره يوماً مرتديا جلابيه ، كانت كل زينته في هذه الحياة الدنيا عراقي وسروال دموريه قصير. هؤلاء البسطاء يا أخ الطيب جاءوا إلى الدنيا ورحلوا عنها كما جاءوا ولم يتشبثوا بزخرفها الزائل وزينتها الخادعة ، هؤلاء هم الذين كنا نسعد بوجودهم ونرى الحياة جميلة بقربهم فما أجمل الحياة لو عشناها كما عاشها هؤلاء البسطاء الأنقياء . فما كان يدور من ونسة في دكان الهادي ود أحمد والقوم جلوس على عنقريب هبابي وبرش سعف جالبو إبراهيم ود أحمد من الصعيد وبليلة لوبا جديد ما هو عاول تشم ريحتها من بعيد وعصيدة دخن أصفر كله صحة وعافية بلبن بقر صافي ومقنن تزيل الجوع وتشد الحيل وتجيب العافية. يا حليله أيام زمان .. أيام حبوبتنا بت كمبو وملاح لوبا بمرس جالباهو عمتنا السرة بت نورالدين من مكوار ، وكول جايباهو عمتنا العناية بت نور الدين من سنار ... وشرموط لحم غزال جايبنو ناس عمنا حدباي من الغرب .. وقنقليس وعرديب وصمغ هشاب جايبنو ناس أبوي وحاج الصادق من تندلتي .. وطماطم حمراء شوفتها تسر العين وريحتها ترد الروح من جرف ناس عم حسن ود فارس ... وسمن ماعز بلدي إنتاج "القريقريب" ، وملاح شرموط خالدي أبيض بفلفل أسود من حلة عمتنا بخيتة بت الخضر تأكل فيهو وما تشبع وتأكل فيهو وما تشبع وتأكل فيهو وما تشبع ، يا حليل أهلي ويا جمال ديل أهلي ويا حليل أيامنا الجميلة الكانت مع ديل أهلي ، وكيف حالنا نحنا الآن بعد أن أخذتنا الغربه وغادرنا الديار ونسينا بساطة أهلنا وواقع حياتنا البسيطة الـ عليها تربينا وكنا فعلاً سعداء وماعرفنا سعادة تاني بعد أن تنكرنا لواقعنا وشدينا الرحال وهجرنا الأرض وبعدنا عن الديار وبدل أكل الدوم أكلنا التفاح وبعد ملاح الشرموط أكلنا التونة والقشطة ، وبدل العراقي والسروال لبسنا البدلة والبنطال ، فهل بعد كل المسخ دا تاني في سعادة بأي حال؟ السعادة كل السعادة في البساطة وأن ترجع حليمه لعادتها القديمة ولكن هيهيات.

الله يسنحك اكان عايز تخليني اقبل اهلي من باكر

يطول عمرك

Post: #120
Title: Re: الطيب شيقوق لقى سوقو فى السوق الخيرى بمسقط
Author: حيدر امين
Date: 05-01-2010, 06:53 PM
Parent: #119

Quote: ود اللمين

ات عارف الفحامي ولا المحامي قالوها في منو؟

دا محمد احمد المحجوب لما جاء اترشح في دائرتكم ووعدتوهو تدوهو اصواتكم ولما فتحوا صندوق حلتكم المحجوب ما لقى منكم التكتحة

وقبل عليكم بقصيدته المعروفة.

دحين سمعت بيها ولا قادل بكميراتك ساى

مالك ياخوى حولت الموضوع ,,, من الدندر لبرى ,,,,المحجوب ده هيلنا من الهاشماب اهلنا وكان اترشح فى برى
كان بدوه,,,,, سألتا وقالوا طيلة حياتو ما اترشح فى برى

ولا عشان شايفنا صغار وما حضرنا انتخابات ولا ثورات قبل 89 عايز تتفسح فينا

جيب القصيده كان عندك!!!!!!

Post: #121
Title: Re: الطيب شيقوق لقى سوقو فى السوق الخيرى بمسقط
Author: حيدر امين
Date: 05-01-2010, 06:53 PM
Parent: #119

Quote: ود اللمين

ات عارف الفحامي ولا المحامي قالوها في منو؟

دا محمد احمد المحجوب لما جاء اترشح في دائرتكم ووعدتوهو تدوهو اصواتكم ولما فتحوا صندوق حلتكم المحجوب ما لقى منكم التكتحة

وقبل عليكم بقصيدته المعروفة.

دحين سمعت بيها ولا قادل بكميراتك ساى

مالك ياخوى حولت الموضوع ,,, من الدندر لبرى ,,,,المحجوب ده هيلنا من الهاشماب اهلنا وكان اترشح فى برى
كان بدوه,,,,, سألتا وقالوا طيلة حياتو ما اترشح فى برى

ولا عشان شايفنا صغار وما حضرنا انتخابات ولا ثورات قبل 89 عايز تتفسح فينا

جيب القصيده كان عندك!!!!!!

Post: #122
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 05-01-2010, 07:05 PM
Parent: #121

ود اللمين

Quote: جيب القصيده كان عندك!!!!!!

امشي عمك قوقل واكتب قصائد المحجوب عشان تشوف العجب

Post: #123
Title: Re: الطيب شيقوق لقى سوقو فى السوق الخيرى بمسقط
Author: إسحاق بله الأمين
Date: 05-02-2010, 03:43 PM
Parent: #121

الأستاذ / الطيب
سلام وشوق واحترام

وعشان أخليك من باكر تشوف ليك حجز للسودان( وأخاف تعمل خروج بلا عودة) ، أهديك "ونسة أهلك الطيبين في دكان الهادي ود أحمد"، وأكيد عندكم في الدندر متلهم كتير

ما أحلى السمر في دكان الهادي ود أحمد

أكملت الحياة دورتها ... وتقاعد الجميع عن العمل بعد أن بلغوا سن الستين.. جميعهم أبناء مهنة واحدة ... أمضوا عمرهم المديد بين البساتين والحقول .... فما وهنوا يوماً وما استكانوا وما عجزوا عن زراعة أراضيهم الخصبة التي هي الحياة في نظرهم .... وهاهم بعد التقاعد وقد أصابهم الملل وبدأ الكسل يدب في نفوسهم النشطة التي ما ألفت الخمول والقعود عن العمل.. ولكنها سنت الحياة ...( فلن تجد لسنة الله تبديلا.... ولن تجد لسنة الله تحويلا).

بعد شروق الشمس كل صباح اعتاد محمود ود خوجلي وإبراهيم المحسي والهادي ود أحمد وعبد الله ود نور الدين الذهاب إلى سوق القرية الذي يؤمه الرجال والنساء الصغار والكبار لشراء احتياجاتهم من لحم وخضار.. كما يؤمه البعض بغرض التسلية والترفيه بالنظر والتعليق على المارة والزبائن وباعة الخضار وما يدور بينهم من شجار ومشاحنات ... وبعد الصلاة العصر يجتمعون في خور عمر ، حيث سوق بيع اللبن والعلف والفول والطعمية ، إذ يجتمع كثير من كبار السن والمتقاعدون للتسلية والترويح عن أنفسهم بلعب الضمنه والطاولة والطاب.... وبحلول وقت الغروب يحين موعد اللقاء والسمر في دكان الهادي ود أحمد...حيث يكون للسمر هنا متعة خاصة... وللأنس نكهة وطعم ...

يحلو اللقاء بالنكات التي يحكيها إبراهيم المحسي الذي اشتهر بخفة الدم والدعابة والتنكيت والسخرية .. . ومحمود ود خوجلي توأم روحه ورفيق دربه الطويل وجاره في الحقل والسكن المشهود لهما بفصاحة اللسان وحلو الكلام ... ويشاركهما بالتعليق الوقور الرزين عبدا الله ود نورا لدين وبالضحك الهادي ود أحمد الذي طابق إسمه مسماه .

ويستمر مجلس الأنس ومحمود ود خوجلي يحكي عن أيام شبابه الباكر الذي أمضاه أنيقاً مرفهاً ، بينما يبكي إبراهيم المحسي على ماضيه الذي عاشه عزيزاً مكرماً مع أهله التجار في أم درمان ... ويعتز عبد الله ود نور الدين بأيامه الطيبات التي قضاها مع والده في الزراعة التي لم يقعده عنها إلا الكبر، أما الهادي ود أحمد فلا هم له غير الضحك والضحك المتواصل.

ويزيد من حلاوة السمر سخرية إبراهيم المحسي من الوهن الذي أصاب صديقه محمود وحتى يستخرج منه روائع الدرر وحلو الكلام كان يذكره بقوته وفتوته أيام شبابه الباكر وكيف أنه كان يستطيع حل " الصامولة" بأصابعه دون الحاجة إلى مفتاح وكيف كان يصمد بشجاعة منقطعة النظير للضرب بالسوط على ظهره العاري في حفلات الرقص التي تقام في مناسبات الزواج دون أن يحرك ساكناً أو يرمش له رمش ، وكيف كان يقوى على الزواج من أربع نساء ... إلا أن محمود الذي ورث فصاحة اللسان عن جده أحمد ود خوجلي لا يترك صاحبه المحسي يسخر منه دون أن يسخر هو الآخر منه فيذكره بأيام العز الذي عاشها منعماً مدللاً تحت كنف والده التاجر بأم درمان وما آل إليه حاله أخيرًا كمزارع حياته كلها تعب ونصب في مزرعة صغيرة بقرية وادعة تضارع في التعليم المدن الكبار...فما يلبث أن يقوم عبد الله ود نور الدين بالتعليق بقوله: "كل أول ليهو آخر" (وكل دور إذا ماتم ينقلب) ... بينما يتواصل ضحك الهادي ود أحمد من كل كلمة تقال ....

وبعد لحظة صمت قصيرة، أراد إبراهيم المحسي أن يخرج صديقه محمود ود خوجلي من صمته فداعبه قائلاً: ما سمعت الخبر الجديد؟ خبر شنو؟ قالوا أي مزارع ما يسدد الديون والمتأخرات اللي عليه حيقلعوا "حواشته" ، دحين يا خوي يلاّك من دربنا دا نمشي نسدد ديونا. فرد محمود عليه: أمشي أنت "براك" وسدد ماعليك ، أما أنا علي الطلاق ما في واحد يقدر يقلع "حواشتي" ، فضحك المحسي ضحكته الساخرة المعروفة مخاطباً صديقه: يا محمود أخوي مكتب الزراعة جاد في كلامه وما تنسى قبل اليوم قلع "حواشة" (فلان) وجنينة( علان) وزي ما أنت عارف ديل ناس "جعاص" فهل يغلبه نزع "حواشتك" أنت المسكين دا؟! فأطرق محمود رأسه ملياً وقال لصاحبه: صدقت والله المكتب دا ما عنده لعب ولا "هزار" ، يلاّ "ورحك" من دربنا دا نمشي نسدد الديون اللي علينا . وما إن انتهى محمود من كلامه حتى انفجر الهادي ضاحكاً حتى فاضت دموعه ، أما عبد الله ود نورالدين اكتفى بالتعليق : دا مكتبنا القوي الماعنده لعب ولا هزار البقدر عليه "منو؟!" ويستغرق الهادي ود أحمد في الضحك.

وبينما هم منهمكون في أوج الأنس والسمر فإذا بصوت بائع اللبن يقطع عليهم عذب حديثهم منادياً إبراهيم المحسي من على ظهر حماره " داير" كم رطل فيجيبه المحسي ماداً إليه إناءًا كبيراً أملأه حتى يتدفق يريد بذلك إغاظة صاحبه محمود ليرى كيف تكون ردة فعله، فيضحك محمود ود خوجلي شامتاً متهكماً ومخاطباً صديقه المحسي : " هلا هلا يا أخوي عشنا وشفناك تشتري اللبن بالرطل بعد أن كنت تحلبه من ضرع أبقارك الكثيرة وتوزعه مجاناً على أصحابك وجيرانك المساكين، والله فعلاً يا دنيا ماليك أمان ، فيرد عليه صديقه المحسي : هكذا حال الدنيا يوم فوق ويوم تحت ويوم متعشي ويوم بايت القوى ( وتلك الأيام نداولها بين الناس) وبعدين يا محمود أخوي ما تفتكر اللبن البنشتريه بالرطل فيه فائده تذكر، ده لبن عرب مغشوش وغير صحي و نصه "مويه"، فلو كان فيه فائدة لما أصاب مرض ( البهاق) أخونا (فلان) الذي كان يشرب اللبن بالجردل الكبير "، وما أن أكمل المحسي كلامه حتى طاح الهادي ود أحمد على الأرض من شدة الضحك.

وهكذا يظل الأصحاب يتسامرون ويضحكون إلى ما بعد صلاة العشاء، ثم يتناولون وجبة العشاء التي يصر الهادي ود أحمد على تقديمها إليهم والتي غالباً ما تتكون من بليلة اللوبا العدسي بالسمن البلدي وعصيدة الدخن باللبن البقري ( إنتاج أرضهم الخصبة التي زرعوها بسواعدهم القوية التي ما شكت يوماً تعباً وسقوها بعرقهم قبل سقيها بالماء فبادلتهم عطاءًً بعطاء وجادت عليهم بالرزق الكثير والخير الوفير) ، مما يحفزهم على الحضور ويغريهم بالمزيد من تبادل النكات والطرف والضحك المتواصل متناسين بذلك الدنيا وهمومها بعد أن أكملت دورتها وأحالتهم إلى سن التقاعد الجبري الذي يشعر معه الإنسان بقرب انتهاء دوره ودورته في الحياة.

* رحم الله عمنا عبد الله ود نورالدين، الرجل الصالح،الهاديء ورزين، جمل الشيل. توفى قبل عشرة أيام ليلة الخميس وصبحانه الجمعة، ميتة تتمنى، رحم الله أمي بت ود فضل الله كانت تدعو دبر كل صلاة وتضع يدها على رأسها وتسال الله : يا الله تديني ميتة الخميس وصبحانة الجمعة، فاستجاب الله لدعائها وسلمت الروح لبارئها فجر الجمعة الموافق 14/4/1978م، اللهم أرحمهم واغفر لهم واسكنهم فسيح جناتك يا رحيم، ووفقنا للبر بهم بعد مماتهم يا كريم

أشوف وشك على خير يا دراج العاطلة

أخوك ودبله
الرياض 2/5/2010م

Post: #124
Title: Re: الطيب شيقوق لقى سوقو فى السوق الخيرى بمسقط
Author: إسحاق بله الأمين
Date: 05-03-2010, 03:29 PM
Parent: #123

الأخ الفاضل / أستاذ الطيب

عوافي آ زول

على طاري كيمان الفجل والبصل في جزارتكم الفي حدب حلتكم، تعال ياخوي نوديك لطرف حلتنا الشمالي بالقرب من "خور دفار" حيث موعدنا مع "الخدرجية" وبائعي "الكمونية" في جزارة حاج عبدالله ود الفضل رحمه الله.

لم يكن بيتنا بعيداً عن (جزارة) حاج عبد الله ود الفضل رحمه الله، ولم نكن نستيقظ على صوت السيارات كأصحاب المنازل المجاورة لشارع الظلط، بل كنا نصحو على صوت خوار الثيران التي كان يسوقها "رحمتو وجابدين" للذبح كل صباح. وكنت أجد متعة في " ضجة" الزبائن الذين يأتون للجزارة بعد صلاة الفجر مباشرة ، وكان أول من يأتي للجزارة المرحومة خديجة بت نابري التي لم أر قط من هو في نشاطها وكان حاج عبد الله يكن لها احتراما وعناية خاصة مقدراً تبكيرها بالحضور من ذاك المكان البعيد بالرغم من مجاورة بيتها لجزارة العم الشهم أحمد ود عثمان. جلبة الزبائن التي اعتدت عليها كانت تمتعني وأصبحت جزءاً من البرنامج اليومي.

كان ذبح الثيران يتم بعيداً في الخلاء ويؤتى باللحم بعد تجهيزه إلى الجزارة. يطربك سيمفونية صباحية وكورال مؤلف من أصوات الرجال والنساء والأطفال " عبد الله أديني نص كيلو، عبد الله ربع كبده، أديني من السنكيت، ما تديني عظم الضهر، عبد الله ما تديني أنا جيت من الفجر، عبدالله ما طولنا، عبدالله فوتني أنا عندي مدرسة ألخ ...".

إمتاز حاج عبد الله بالنظافة المتناهية وعطره (المايقوما) المميز ، وملابسه البيضاء النظيفة ويذكرني هنا بالقصابين اللبنانيين في معاطفهم الناصعة البياض كأنهم أطباء، إذ لا ترى أثراً لدم أو بقع عليها. وكان العم عبدالله سريعاً في تقطيع وتكسير اللحم ويؤدي عمله بمهارة فائقة ويوفي الميزان حقه بل يزيد ، وكان كريماً شهماً ، إذ يفطر عدد كبير من بائعي الخضار وبعض الزبائن معه. وكان عطوفاً يراعي ظروف الناس فيعطي بعض زبائنه اللحم مجاناً ويزيد زنة الميزان للفقراء ، كما كان يبيع معظم زبائنه بالدين وهنا تحضرني نكتة عم عبد الله (كريشاوي) عندما سأله والدي عن صحة ذهابه للجزارة كل صباح لسؤال الناس ( وشحدتهم)، فرد عم عبدالله بسرعة بديهته المعروفة( ها بله أخوي إشحدو منو في الجزر كل واحد شايل نوتو ودفترو ويصيحوا عبدالله قيد لي، عبدالله سجل لي)( أي كل منهم يشتري بالدين) فضحك الوالد ولم يسأله بعد ذلك. كان حاج عبدالله صبوراً طويل البال، يتحمل الزبائن على اختلاف طبائعهم وأمزجتهم، فيسمع عتاب من هذا وملامة من ذاك فلا يغضب ولا ينفعل ويقابل كل ذلك بابتسامة وضيئة.

لا زلت أذكر رائحة البخور الذي يعطر غرفة الجزارة الممتزجة بعطر حاج عبدالله الشهير، فيمنحك شعوراً بالإرتياح وسط هذا العدد الكبير من الزبائن الذين يتدافعون للوصول إلى الشباك ليحظوا بحصتهم من اللحم البقري السمين.

ساحة الجزارة كانت عامرة "بالفريشة" الذين يتنافسون في بيع خضرواتهم، على الجانب الشرقي تلمح حاجة ريا رحمها الله وقد فرشت طماطمها الحمراء التي تسر الناظرين، وعلى مقربة منها تبصر "كيمان" البصل الكبيرة الذي تخصص في بيعه كمال ود الدبزاوي من العامراب. وفي الجهة الشمالية المقابلة لخور "دفار" إعتاد بائعو الخضار الذين يأتون من القرى المجاورة بيع الملوخية والبامية والرجلة والبصل الأخضر والفجل. أما الأخ الساخر أحمد " زقد" فقد تخصص في بيع الجوافة والمنقه (المانجو)، ودائماً ما تسمع صوته عالياً متشاجراً "ومكاجراً" لمنافسيه بشير ود القاضي وعلي ود الملك، في حين تجده متصالحاً ومتبادلاً النكات مع صديقه الأستاذ مبارك عبد الله (الفراش) الذي تجده في كامل أناقته و"ثيرمس" الشاي بجانبه ويقصده كثير من الزبائن لخفة دمه وطول لسانه.

الكمونية وما أكثر زبائن الكمونية، فقد تخصص في بيعها ميرغني ود الدبزاوي وأحمد ود الخضر. كان أستاذ (...) يقف بعيداً عن الناس ويتفاهم مع حاج عبدالله بالإشارة، وبينه وبين حاج عبدالله إتفاق مسبق على كمية اللحم الذي يريد ولا يرغب في أن يعرفها أحد، فيسارع عبدالله بتلبية طلبه ويرجح له كفة الميزان، فيذهب الأستاذ "مبسوطا " وقد شمله عبدالله بكرمه وحسن معاملته.

رحم الله حاج عبدالله فقد كان شهماً كريما، ولا أنسى دعوته للخواجة الفرنسي الذي رافقته من الخرطوم إلى مدبغة الجزيرة بود المجدوب ، وجئت به لقريتنا وذهبت به إلى العم عبدالله إذ كان يرغب في معرفة أسعار الجلود والطريقة المتبعة في عملية دبغها، فأصر حاج عبدالله على دعوة الخواجه لتناول الفطور عنده. أقام حاج عبدالله وليمة كبيرة عامرة بأطايب المأكولات والمشروبات ، فاندهش الخواجة وتعجب من كرمه الحاتمي، وهمس في أذني قائلاً( Il est tres generoux) أي أنه كريم جدا، فقد شهد على كرم حاج عبدالله الخواجات وكان صديقي الفرنسي كلما أرسل إلىّ رسالة يسال عن حاج عبدالله واصفا إياه بالكريم.

تسلم من كل بلاء

أخوك إسحاق بله الأمين
3/5/2010م

Post: #125
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 05-03-2010, 04:29 PM
Parent: #124

الاخ الكريم اسحاق الامين

رحم الله الولدة واسكنها فسيح جناته مع الصديقين والشهداء وحسن اولئك رفيقا

لك خالص الشكر فقد امتعتنا بالسلوبك الروائي المتميز المتعمق في الاصالة والمحكم اللغة والموغل الحنية

دعنى ايها الحبيب اعود بك مرة اخرى الى ايام الطفولة البريئة، فما تفضلت به انت من تفاصيل حياة بعض رموز وظرفاء القرية يخاطب دون شك وجدان الكثيرين من متابعي هذا البوست .

يا اسحاق اخوي أهلنا الطيبون كانوا زمان بيعتقوا ليك بت عمك من تتأتى ( المتاتاة هى اول حركة للطفل على رجليه) بقولوا دى من الآن حقت فلان وتانى مافي حد بيقرب ليها وكانت بت عمك دى تحبس معاك الطير في البلدات وتطلع معاك في الحاحاية ( الحاحية لاهلنا الما بيعرفوها راكوبة صغيرة بيعملوها جوة البلاد بعد العيش يلبّن عشان يطلعوا فيها الوليدات والبنيات ويحاحو الطير من العيش اما بالصياح او بالفرطاق والفرطاق بيعملوهو من الزعف يشبه سوط العنج عندما تضربه بيعمل صوت زى الصاقعة بهوّب الطير) وعادة تمشى انت ومعاك اخواتك وبنات عمك حتى المعتوقة ليك لمحاحات الطير وبنكون شايلين لينا مخلاية فيها كسرة حامضة وحلوة معاها زيت وبصلات بس ودى في الخلاء الحاجات دى احلى من البيتزا والكنتاكي ليها طعم لذيذ يا اهلي . مرات أنا بشيل معاى كراس المذاكرة بحب دائما اشيل الاناشيد بتاعة الجغرافيا البتقول :-

في القولد التقيت بالصديّق انعم به من فضل صديق
ووكذلك - من هناك قمت للجفيل ذات الهشاب الناضر الجميل
وطوالى انا بنشد وصوتى حلووو زمان حتى كنت بلحن الأناشيد لاخواني في المدرسة ولا انسى أن اجمل لحن قدمته هو لانشودة ( طائر يشدو على فنن .....)

كنت بحب سورة الفجر وليال عشر والضحى والليل إذا سجى وحفظت سورة الإنسان ذات الإيقاع الجميل قبل أن تدرس و كنت أرتل بصوت عالي وأنا في الحاحاية واخواتي يتلون خلفي و كنّ يحفظن القران بدون مدرسة .

وا حسرة الجيل الذي لم يدرس من تلك المناهج الحلوة . كنا نترنم بالاناشيد في الخلاء بصوت عالي وأخواتي وبنت عمي( معتوقتي) بيشيلوا معاى كورس وهم في الحاحاية والصوت بهوّب الطير وبيطير من الزراعة بيمشى بعيد ويعود تاني تاني .

بعد الدنيا تبقى عصر بنمشى نجمع العنكوليب والتبش والبامية ونشيلها في المخالي ومرات نلقى لينا حميضات قايمات بروس عشان نفرّح الاطفال و يتلقونا مــن طرف الحلة مبسوطين وفرحانين . بس الاطفال كانوا ما بطلعوا من طرف الحلـــــــــــة بعيد لانهم سامعين في الدماسات ( الزمن بين المغرب والعشاء) السوابح والشواطين بيطلعوا .
بطرف حلتنا في عرديبة كبيره من زمن جدودنا الزمااااااااااااااان بسموها المدقة عشان بالليل قالوا بسمعوا الشواطين فيها بيدقوا حاجة زى البن والعرديبة دى انا لحدى هسه ما بقدر امشى تحتها بالليل . وقت الصبان ( انقطاع المطر) ناس حلتنا بتجمعوا بالنهار تحت ظل العرديبة دى وبيتلوا القران وبسوا كنيش كنيش ( بليلة عيش) وبيعملوها كيمان كيمان للاطفال عشان ربنا يجيب المطر.

اها يا اخواني انا كبرت شوية وشامة بت عمى كبرت شوية . انا بقيت في رابعة اولية في السلم التعليمي الزمان ( يا حليل زمن رابعة اولية زمان الخريج منها افهم من حامل شهادة الدكتوراة اليوم وخطاطين الواحد اكان كتب ليك سطر تعاين ليهو يمين وشمال من جماله) . فزت في الامتحان وقالوا بودونى مدينة القويسي (ده اسم مدينة الدندر القديم الموجود الان على خريطة العالم وبتلقوهو في القوقل ايرس حاليا ) وكمان قالوا بسكنوني الداخلية مع اولاد البندر النضاف كانت الداخلية بتجمع اهلنا اولاد قبيلة رفاعة ومعاهم اولاد السوكى وكركوج بلد الشريف محمد الامين وكساب السكن فيها زمان الشاعر اسماعيل حسن ايام كان بيعمل في مشاريع ناس ابو العلاء عندنا هناك . اتحزمت واتلزمت وابوى حاج مضوى اكان عنده عربيه تيمس . قال للسواق دور اها ركبنا انا وابوى وعمى ابو شامة – معتوقتي- بقدام ودورنا . العربية أكان فيها لحافي الجديد وملاية جديدة واشتروا لى اول مرة في حياتي صباعين معجون ابو وردة وزمان كنا في الحلة بنسوك بالشاو والاراك مسواك الرسول (ص) . المسافة كانت كلها عشرة كيلو من حلتنا البردانة لمدينة القويسى وكانت عيون الاهل تزرف الدموع على فراقي وامى اسبوع ما أكلت وخالاتى وعماتي واقفات جنب العربيه يبكن ويعصرن لى بحنية الريال و الشلن في جيوبي والحبوبات الكنت بنــوم معاهن بهبابي الصغير المفروش بالبرش الدقة برضو بيبكن لانى كنت اكثر الاطفال سماعا لحجاويهن واكثرهم رعبا من بعض احاجيهن متل ود النمير وود ام بعلو والدودو وكنت بترسل ليهن في الهجعة للدكان اجيب ليهن زيت المسوحة وجاز اللمبة والكبريته .

السواق زمان كان نضيف ومهندم زى مدير الجامعة اليوم وما بجالس الا الموظفين الكبار . اها دور وانا بعاين ليهو بدور كيف وبعشق كيف وبفرمل كيف واتمنيت لو بقيت سواق كمان . السائق زمان كان ما بدوهو الرخصة الا يشتغل مساعد عربيه عشرة سنوات حتى يتعلم يفك الماكينة ويحل ويربط اى جهاز في العربية وكمان يتعلم كيف يجامل الناس . رخصنا زمان في الخارج ببدلوها طوالى بدون تردد .

اها وصلنا المدينة وقالوا يفطرونى ويودونى الداخلية فطرنا زيييييييييييييين ومشينا على الداخلية . بوابة المدرسة كبيرة ومحروسة وما بخلوك تدخل الا بعد إبراز شهادتك الدخلت بيها . طلعت الشهادة والحارس عاين فيها وعاين لى وعاين في ابوى وعمى وابتسم وقال اتفضلوا معاى . تبعناهو ودانا مكتب المسجل (زمان المدارس الوسطى فيها مسجلين زى الجامعات هسه )

المسجل قرا الاسم ولقيناهو عنده قوائم لتوزيع الطلاب على الداخليات التلاته (الدندر والرهد وعطبرة) ولقيت نفسي في داخلية الرهد و اى داخلية كان عندها رئيس وهو عادة اكبر طالب فيها . المسجل نادى رئيس الداخلية وقال ليهو استلم عندك الطالب ده وقال لابوى وعمى انتظروا هنا ولدكم بيمشى وبيجيكم . مشيت الداخلية و كان في داخلية كل حاجة جاهزة لحافي رجعوهو لاهلي وادونى سرير سمّح مفروش ومعاهو بطانية انجليزية من الصوف ودولاب ملابس ومكتبه . رجعت لابوى وعمى وودعتهم وانا ابكى (كلها عشرة كيلو)

كان من ضمن الطلاب الذين تم قبولهم معى من اهلي اخي ابن عمي دكتور البدرى بابكر احمد (امبلي) والذى لديه مسيرة حياته الخاصة من البادية الى لندن حيث يعمل الان طبيبا للنساء والتوليد ببريطانيا . كنا كابناء قرية واحدة نمثل مجموعة تتميز بثقافة فريدة داخل المسرح المدرسي . كنا نحاول ان ننأى بانفسنا عن ابناء المدينة الذين يقيمون معنا في الداخليات وكان لدينا راى في طريقة حديثهم وملبسهم وسلوكهم . كان هاجسنا الوحيد ان نكون في غرفة واحدة وقد كانت بداية المواجهة مع ادارة الداخلية هو كيفية ايجاد غرفة تجمعنا لوحدنا .

لم تبدا الدراسة وقتها بصورة منتظمة في بداية العام الجديد لان الحشائش كانت تغطى مساحة كبيرة جدا من حرم المدرسة وقد جرت العادة علـــى ان تستنفر طاقات الطلاب للنظافة في بداية العام وكان لايسمح لاى طالب ان يخرج من سور الداخليات الا بعد الحصول على اذن من الرئيس العام للداخليات ولفترة زمنية تحدد من قبل الرئيس . كان همنا في الايام الاولى هو الذهاب الى السوق لشراء ملابسنا وكانت المتعة في الخروج تتمثل في امكانية مقابلة بعض من الاهل الذين ياتون للسوق اما للتسوق او لعلاج مريض في مستشفى المدينة او للحصول على عمال للعمل في مشاريع اهلنا الزراعية ومجموعة من اهلنا تاتي المدينة لشربة عبار او عبارين من المريسة وعادة تعود هذه المجموعة الأخيرة الى القرية في العصريات وكنا نجلس تحت سنطة ظليلة في لحظة عودتهم الى القرية مرورا بمدرستنا لنشاهد هولاء وهم عائدون يترنحون يمينا ويسارا ونجد فيهم ، رغم انهم هكذا ، حنان الأهل وربما يتبدد جزء من مآسي الغربة بمشاهدتهم وربما يكونوا وقتئذ مادة للحديث عنهم إلى أن يتوارون عن أنظارنا .
كنا ننظر لعصافير الخريف تشقشق على اغصان الشجر ونلومها في البقاء هنا في المدينة طالما لديها الحرية والحركة للذهاب الى الريف .

في الساعة الثامنة مساء يوم الجمعة الموافق للأول من يوليو لعام 1969 م رن جرس الصفرة إيذانا بحلول ساعة وجبة العشاء . كنا وقتئذ لابسين( كاجوال) عراقي ساكوبيس شفاف بلون ابيض ناصع و سراويل طويلة وطواقي مطرزة باليد . كان أبناء المدينة يلبسون الأردية والقمصان الجميلة وأحيانا بناطلين مصنوعة من مادة الترلين الأملس خالص . كان هاجسنا هو كيف نتعلم لبس الأردية ورباط الأحزمة بل حتى كيف نكشف عن ساقينا .

كانت وجبة العشاء دسمة للغاية فيها الخبز وفيها العدس وفيها الفول وفيها الجبنة وفيها الطحنية والمربة . حسبناه يوما لاستضافتنا ولكننا أدركنا أخيرا أن الحال ستبقى هكذا . كانت بالفعل لحظة فرحة يبدد سعدها تارة العودة بذاكرتنا للريف وللوالد و الأم كيف لهما ان يجدا من ينش أغنامهما من الصباح الى المدرسيب ( محل تجمع أغنام القرية ) من سيرسلا صباحا لشراء السكر والبن ومن سيجدا ليحمل الماء على ظهر الدابة إلى عمال الزراعة ومن يحمل الكورة (نعومة) وهى مليانه بالسمن النقي لشيخ الطريقة ليعود بها مليانة محاية تكف العين وتدفع الاذى وتفتح الذهن ومن يلحظ ناقتهم الولودة وهى ترعي باطراف القرية ومن يسجل لهم اسماء النساء اللائي يشترين الزعف- تجارتهم الرئيسية منذ اكثر من خمسين عاما وحتى يومنا هذا – ولا يدفعن كل أو بعضا من القيمة ومن ومن ...
بعد العشاء مباشرة عدنا لعنابرنا التي كان تضاء بالفوانيس وقتذاك . كانت حركتنا ليلا مابين العنابر والحمامات لكثرة الثعابين في ذلك الموسم (الدرت) فالارض طينية سوداء عادة يتصدع صطحها محدثا شروخا دافئة تمثل بيئة ممتعة للثعابين لا سيما الوشاش وابي درقة وغيرها من الحيوانات السامة ولهذا كنا نلزم اسرتنا في انتظار الساعة العاشرة مساء حيث يرن جرس النوم ليحرم بعد ذلك اى طالب من التحرك من سريرة الى اى موقع اخر . انتابنا احساس بكراهية للمدرسة وللمدنية وللتمدن وكان كل همنا محاولة الهروب ( الفزيز) من هذه البيئة لنعود لحياتنا الطبيعية في الريف حيث لا قيود على الحركة ولا تحديد لساعة النوم . تعودنا في الريف ان نسهر مع اخواننا نلعب هو لبب وشليل وين راح والرمة الحباسة دقوها في راسها لنعود بعد ذلك للنوم مع حبوباتنا في عناقريب القد الوهيطة .

اشرقت شمسنا رتبنا امورنا و لبسنا الاردية المصنوعة من الكاكي التخين والاقمصة الناصعة البياض كان منظرا ننظر فيه بكثير الحياء والكثير من الالم لكنه داء المدنية الذى صار شرا لابد منه .

رن جرس الطابور ليصطف جميعنا في اربعة اشرطة ترتدى زي واحد الرداء والقميص . كان الطلاب في قمة الانضباط . كان يتوسط الطلاب استاذ طويل القامة يرتدى اجمل الملابس ربما يكون اكبر شخصية شهدتها في حياتي وقتئذ.

بعد التمام انصرفنا بهدوء تام الى الى قاعات الدراسة . كانت مكتملة البنيات . لأي منا كرسيه ودرجه وما بينها مساحات مهولة . كنا نتلفت يمين وشمال داخل القاعة فوجدنا انفسنا محاطين بابناء البندر .

دخل علينا مدير المدرسة احسسنا فية الهيبة والجبروت . حيا الجميع وبدأ حديثه بتقديم خلفية عن المدرسة . احسست فيه شموخا وهو يتحدث عن انجازاتها في السنين الماضية كانت تضاهي كاب الجداد ولم تخرج قط عن قائمة العشر الاوائل من مدارس السودان كافة . حكى لنا كيفية انشائها وعلمنا ان للامبراطور هيلاسلاسي دوره المقدر في تاسيسها قال لنا المدير:

كان هيلاسلاسى من حكماء القارة كان متواضعا يحب مخالطة العامة والبسطاء وكان كثيرا ما يزور الدندر فى رحلاته للصيد ..وفى احدى زياراته للدندر كان مسار موكبه - بالشارع الوحيد بالمدينة - فى طريقه للمجلس الريفى ومن ثم لمنزل الناظر يوسف العجب ويمر الموكب بالمسجد الذى كان مبنيا من القش فاصدر ضابط المجلس توجيهاته بازالة المسجد واعادة بنائه بعد انتهاء الزيارة ، واظن ان الضابط هو الريح الامين، فغضب عبد الماجد فرج - من مواطنى الدندر -غضبة مضرية واستل المسلول مدافعا عن حرمة المسجد وتمت تسوية الموضوع وذلك بان يقوم المجلس بتغطية كل المسجد بقماش الدمورية وزن عشرة واعطت المسجد شكل قبة رائعة الجمال ومنذ تلك اللحظة بدا التنفيذ فى بناء المسجد بالمواد الثابتة . لقد تمت الدعوة لجميع قبائل رفاعة لتناول الغداء مع جلالة الامبراطور فى قرية البردانة (قرية الطيب شيقوق) وكان يوما مشهودا وتبرعت قبائل رفاعة بعدد مائة بعير لجلالته . تاثر الامبراطور تاثيرا كبيرا بهذا التبرع وطلب من الناظر يوسف العجب ان يوافيه باحتياجات المنطقة العاجلة فكان رد الناظر باننا فى حاجة الى مدرسة ومستشفى وتبرع هيلاسلاسى بالمئة ناقة واكمل عليها ما تبقى من اموال وكانت بحق اعظم هدية للمنطقة لم نجدها حتى من حكامنا الوطنيين . والزائر لمدينة الدندر اليوم وفى شمال المدينة وشمال السكة حديد مباشرة يشاهد مبنى المدرسة الوسطى ومبنى المستشفى وكانهما ديدبانات واقفة لحراسة ذلك السهل الخالى من التخوم والمعالم..
لم تكن الثنائية بين المدرسة الوسطى والمستشفي عبثا بالنسبة لي . فالمستشفي هي الوحيدة وما زالت في منطقة لا تقل مساحتها عن دولة الكويت . كانت المستشفى تجاور المدرسة الوسطى وتطل عليها من جهة الشرق والإنداية من السافل لتكتمل أضلاع المثلث بثالثة الاسافي وكان الشارع الرئيسى مملوك على الشيوع بين رواد المستشفي والانداية وعادة يكون دائم الحركة حتى ساعات الصباح و يمر به القاصدون الدواء والمتشوقون للمريسة والارزونا والعسلية ومستلزماتها المرخص بها ....... قبل قوانين سبتمبر 1983. ثمة فئة أخرى من الرومانسيين والرومانسيات الذين يجدون في حرم المستشفى مساحة ارحب للتلاقي والتلاطف فأما أن يكونوا قد رتبوا للتلاقي هنا سلفا أو كان اللقاء مجرد صدفة ، في رحابها ، تصلح أن تكون بادرة لعلاقة قد تكون مستدامة أيا كان الشكل المستدام الذي يتراضى عليه الطرفان ......
كنا نذهب للمدرسة عند الصباح وبعد انتهاء الحصص نعجل الى الصفرة لما بها من طعام لم نجده عند اهلنا الا في مناسبات الاعراس وربما احيانا في السمايات . لم نكن ندري ان حليب البقرة المرئي وسمنة البخسة ( بضم الباء) التى تصنعها امهاتنا ، ولحمة عبد الجليل ، والدواجن التي تلتقط من حب الذرة والسمسم والدخن المشتته في حيشاننا تحتوى على مادة غذائية اجود واصح من الجبنة الهولندية والمربة البلجيكية وما كنا ندري ان وزارة التربية والتعليم بعد التشاور مع وزارة الصحة قد اختارت اغلب اغذية الداخليات لما تحتوية تلك الاغذية من مواد تقلل من عنفوان الرجولة .....

بعد تناول وجبة الغداء يعود اولاد المدينة عادة الى عنابرهم للراحة اما نحن فنذهب للجلوس تحت ظل السنطة المجاور لشارع المستشفي علنا نقابل او نشاهد اى من اهلنا قادما من المستشفى او الانداية . كان الفاصل بين الشارع والمدرسة سور من السلك الشائك ولذا كنا نلحظ حركة المارة ونميز ملامحمهم . وكنا لا نبادر بالسلام على اى عابر الا بعد ان يبادر هو بالاقتراب من السور ومناداتنا وذلك لاننا نعلم بان الطالب وهو مصنف هكذا – ومهما كان الوضع المالي لاسرته - يعنى طالب العلم الذىمن واجب اهله ان يجودوا عليه بعطاياهم عله يتخرج ويرد الجميل في الوقت المناسب .

وقد لاحظنا ان القادمين من الانداية يتميزون بالسخاء الينا اكثر من غيرهم و ادركنا ايضا ان ذلك لم يكن لعدم اتزان في التصرف وانما لان الحياة علمتنا ان كرم وشهامة ومروءة هولاء قد تصل الى حد تنكيس الراية او قلب الصحن ( تنكيس الراية كناية على الجود الفائت حده لدرجة استحواذ كل مافي الانداية والتكرم به لكل من وطأت قدماه تلك البقعة) ( وقلب الصحن كناية على رفض ابي العريس النقطة والنقطة هى الخته في كشف العرس) لقد كانت مجالس البهجة اكثر ثراءا بالادب والشعر ولا غرو فاغلب من صنعوا تاريخنا الادبي والثقافي والفنى قد تشكلوا في تلك المجالس وصاروا اسماءا في حياتنا .

كان الفنان زيدان ابراهيم في اوج سمعته الفنية لا يشدو الا لاسر الراسمالية الوطنية وقتذاك والتي صارت اليوم اثرا بعد عين امثال ابي العلاء وخليل عثمان ومحمد احمد ملاح و وعبد ربه في بورتسودان والنفيدى وهو وقليلون من الذين لم يهزهم ريح التغلبات السياسية ربما لان لديهم اجهزه للانذار المبكر .....

لقدر درجت ادارة مدرسة الدندر الوسطى على اقامة احتفالات لاستقبال الطلاب الجدد على خشبة المسرح وكان لديها من فائض الاموال المخصصة لها ما يكفي لتغطية نفقات دعوة كبار الفنانين السودانيين من الخرطوم الى الدندر . ولا ننسى ان فاتورة الفنان القادم الينا تقدر بمقدار المسافة وما اذا كان الطريق معبدا ام ترابي . وحتى ان كان ترابي فان موسم الرحلة مهم جدا في زيادة او تخفيض تلك المصاريف . فالطريق الينا من الخرطوم تزيد وعورته في اعقاب موسم الخريف مباشرة لكثرة المجاري التى يسببها اثار الجمال او التراكترات ابان موسم الامطار . وليكون الدندر جاذبا لهولاء الفنانين فقد كان الاغراء الذي يقدم من قبل المدرسة هو ، بالاضافة الى المبلغ المهول المتفق حوله ، زيارة حظيرة الدندر التي تعتبر الاكبر من نوعها في العالم من حيث المساحة وطبيعة الحيوان البرى المتواجد آنئذ .

تمت دعوة وجهاء المدينة لحضور ذلك اليوم التشريفي وبالطبع فان المقاعد الامامية للحفل تخصص للناظر يوسف العجب ناظر عموم قبيلة رفاعة الشرق والمقربين اليه الذين اعتاد التشاور معهم في كل كبيرة وصغيرة امثال الحاج محمد عبد الرحيم والحاج فضل الله والعمده حجر جد الاستاذ احمد حماد ادريس الذى يتواصل معنا على دوام بكتاباته عبر هذا المنبر والحا ج الطريفي من قرية نور الجليل وهذا الاخير هو جد الشهيدة التاية ابو عاقلة الطريفي التى اقتالتها رصاصة الامن الاثمة بجامعة الخرطوم في عام 1991 .

استهل الحفل بكلمة من ناظر المدرسة مرحبا فيها بناظر القبيله ورفاقه وجميع الحضور ويكون خطابه بمثابة تقرير سنوى عن انجازات المدرسة خلال العام المنصرم . بعد انتهاء كلمة الناظر تمنح الفرصة لناظر القبيلة ليحيي فيها ناظر المدرسة سليمان محمد احمد المنصور رحمه الله وبقية المعلمين وجميع الحضور وبعد انتهاء كلمة الناظر يغادر الناظر ورفاقه الحفل دون الانتظار لسماع الاغاني ولانهم يعتقدون ان مشهادة الفنان وهو يتمايل تقلل من شانهم .

اعلن المايكرفون بداية الغناء وتقدمت فرقـــة الاوركسترا واخذت تعزف اغنية باب الريده انسد واكثر ما اعجبني فيها المقطع البيقول ( تمر ايام وتتعدى بالصورة الرائعة التي يطوع فيها زيدان صوته) ويقيني ان اغلب ابناء ذلك الجيل تشجيهم هذه الاغنية وتعود بذاكرتهم الى اجمل محطات مسيرة حياتهم .

بعد ذلك ظهر الفنان الشاب الانيق زيدان والذى يوحي لك شكله وتوحي اليك هندمته بانه فنان بكل ما تحمل هذه الكلمة من معنى وقد كان مبتهجا وكانه في دمشق وقاصرينا اعجبه الحضور الذى كان يتمنى ان يشاهد فنانا يسمع صوته على الدوام في الاذاعة ولكن لم يراه الا في هذا الحفل . انحنى زيدان محييا جمهوره وكان التصفيق لا التهليل !! يهز جنبات المدرسة الاربعة .

كنا نحن ابناء الريف اكثر جسارة من ابناء المدينة في اقتحام المواقع الامامية من المسرح بعد ان انصرف الوجهاء وناظر المدرسة . اخذ ابناء المدينة يتمايلون مع الاغنية وهم في كراسيهم وكنا نلحظ ذلك باستغراب . كان طلاب الصف الرابع اكثر انضباطا والصف الثاني والثالث اكثر تهريجا .

بدأ الطلاب الصعود بلا حياء الى حلبة الرقص وكان ابناء السوكى وسنار واقارب المعلمين من الطلاب - الاكثر تمدنا - هم الاكثر ابداعا في فنونه خاصة رقصة رجفة الكتف ( الحت) وكان بعض من الجالسين يصرخون في الراقصين يلا ( حتو ) وحتو تعنى زمان (زيد من ايقاعك الرقصى) ونحن نعاين ساى مبسوطين لكن !!!!! لاننا شعرنا باننا قد بدانا نُحاصر بمفاهيم المدينة .

انتهى الحفل الجميل ولا ندرى كيف الترتيب لراحة الفنان لينام هادئا من كثرة الباعوض هناك الذى لم تق منه حتى الناموسيات لاسيما وان الفنان المبتهج !! يحتاج لاكثر من طلعة للحمام ليلا.

لم يكن ناظر قبيلة رفاعة – يوسف العجب - يولي اهتماما بزيارة اى فنان لمدينة الدندر شانه في ذلك شان بقية زعماء الادارة الاهلية في السودان . كانوا يهتمون بزيارة الروؤساء والسياسين ويصرفون على استضافتهم الغالي والنفيث وينادون لاستقبالهم عمد ومشايخ ووجهاء المنقطة . وكان اكثر العمد نفوذا وقتذاك العمدة محمد بشير ابو جن والعمدة الجعفري عمد قبيلة الحمدة والعمدة حجر عمدة قبيلة القواسمة والعمدة محمد الامين الزلغم عمدة الحلاويين . وكان من الشيوخ الشيخ المقبول و الشيخ عبد الغنى شيقوق شيخ قرية البردانه التى تعتبر اكبر قرى منطقة الدندر ويسكنها ما لا يقل عن 8 الف نسمه ينتمون لجد واحد ولحزب سياسي واحد هو الاتحادي الديموقراطى ويعرف عن هولاء التطرف في مناهضتهم لنظام الادراة الاهلية ويعود هذا الى ارتفاع عدد الخريجين فيها . من هولاء الخريجين دكتور امبلي عبد الله عجب نائب والى ولاية سنار سابقا ومولانا امبلي بابكر احمد رئيس الجهاز القضائي لولاية سنار حاليا ودكتور طه امبلي اختصاصي النساء والتوليد والاستاذ بجامعة امدرمان الاسلامية والباشمهندس ابراهيم احمد البشير شيقوق ( ابراهيم شخصية) ودكتور البدري بابكر الذى يعمل طبيبا ببريطانيا حاليا . يشتهر اهل هذه القرية بالملاحة وسرعة البديهة وتحمّل الشدائد اذ يعمل عدد لا يستهان به من شبابها الذين لم يجدوا حظا في التعليم في الزراعة في موسم الخريف والطوب على شاطي نهر الدندر وكذلك الخروج في مجموعات للعمل في الفحم في منطقة الدماذين لانعدام غابات الطلح والهجليج في منطقتهم .

اما الوجهاء الذين اعتاد الناظر دعوتهم لاستقبال الرؤساء فهم المرحوم مبارك عبد القادر الخبير رجل البر والاحسان وهو رجل حاضر في ذاكرتي بالكثير من المواقف الرائعة . يحضرني ان قاضى المديرية زار مدينة الدندر للوقوف على تشكيل المحكمة الشعبية بالدندر وقد ورد اسم المرحوم مبارك عبد القادر الخبير من ضمن المرشحين لعضوية المحكمة وقد حاول أن يناي بنفسه عن عمل القضاء لانه يعتقد ان ( قاضيان في النار وقاض في الجنه ) وفي وقوله (ص) (لو علمتم ما في القضاء لما قضيتم في بعرة ) . و بعد محاولات مضنية قبل العم مبارك ، على مضض ، ذلك التكليف .

كان القانون الجنائي السوداني المطبق وقتها هو قانون 1925م . ووفقا لاحكام ذلك القانون فان المواقعة الجنسية بين الرجل والمراة الراضيين البالغين وغير المتزوجين لا تعد جريمة ولا يحاسب عليها قانون الا اذا كانت ماسة للحياء العام .

رتب العم مبارك جميع اوراقه ليجلس على كرسي القضاء وكان يظن ، من فرط عفته وبراءته ، ان القضايا التي تنظرها المحكمه هي قضايا نزاعات الاراضى والسرقات والتلف والمشاجرات . لقد نادى حاجب المحكمة على اطراف اول قضية تعرض على العم مبارك الخبير وقد كانت الشاكية امراة والمتهم رجل . وعادة تبدا المحكمة بسؤال الشاكية لعرض قضيتها . ادعت الشاكية انه في يوم كذا حضر اليها المتهم وطلبها في نفسها مقابل مبلغ طراده ( 25 قرش) وبعد الانتهاء طالبته بالمبلغ الا انه تمنع عن السداد . احتار العم مبارك من طبيعة الشكوى وخر ساجدا على طاولة المحكمة واصابعه في اذنيه ولملم جميع اوراقه وغادر المحكمة بلا عودة .

كان الحاج محمد عبد الرحيم لحكمته وادبه ورزانته هو مستشار ناظر القبيلة . يحكى عنه انه عندما قرر النميري الغاء نظام الادارة الاهلية واقالة زعماء القبائل من مناصبهم ان قال للناظر لا تكترث ، سيدي ، لهذا القرار فانت كالوادى ان امطرت السماء وسالت ماؤه فهو وادي وان امسكت السماء ماءها ولم تمطر فهو ايضا هكذا.

كان عمنا يوسف كسلا - طيب الله ثراه - القطب الاتحادي الديموقراطى - اكثر مواطنى الدندر شراسه في مواجه الناظر يوسف العجب غير ان الاخير كان يحبه ويحرص على دعوته في كل المناسبات . والراي عندى هو ان زعماء القبائل هم اكثر حكمة ودبلوماسية مع من يجاهرون بمواجهتهم ومناصحتهم .

مضت عشرون يوما ونحن على عامنا الدراسي وكان اليوم العشرون يوم خميس وهو اول يوم يسمح لنا فيه الخروج لقضاء عطلة نهاية الاسبوع مع اهلنا بعد ان كان الاسبوعان الماضيان من حظ طلاب داخليتي الدندر وعطبرة . كانت تغمرنا الفرحة ونحن نرتب لزيارة اهلنا الذين يقيمون على مسافة عشرة كيلو فقط من مدينة القويسى . كنا اكثر حرصا على عدم اضاعة ثانية في المدينة من الساعات المخصصة لنا لقضائها مع اهلنا في الريف . لم نجد عربة لتقلنا الى اهلنا ولم يكن في وسعنا الانتظار فقررنا السفر على رجلينا بشارع التقاطع وهو اقصر شارع بين المدينة والقرية عصي على العربات لتقاطعه مع نهر الدندر في اكثر من منعطف . وقد كان توقيتنا مناسبا لان مياه نهر الدندر التى تنحدر من الهضبة الاثيوبية كانت وقتئذ داخل حظيرة الدندر على بعد 120 كيلو من القرية وربما يستغرق اسبوعا يمر خلاله بقري الدندر الواقعة على ضفته الشرقية و هذه القري ابقرة ونور الجليل ( قرية الشهيدة التاية ابو عاقلة الطريفي) وام عقرب وود التاي ودبركي والملاسي وام ضهير والتكمبري والدقاق وود دودة وحلة فايدة وود ابو تفه وام دمور والتكينة و عمارة مشايخ الابيضاب حيث القطب الديني الذى يسلك عليهم اهلنا الطريقة القادرية وهي اى العمارة هي البقعة المباركة التى يلتقي في مسيدها جميع سكان هذه القري ايام الاعياد . وقرية ود منصور وحيواء -حيث يوجد اول كبري يربط بين الشرق والغرب -ومنها مدينة الدندر .

اما قرى الدندر الغربية التى يمر عبرها نهر الدندر فهي ابقرة غرب والشبعانة وعبد البنات ودرابة وبيضاء وام نمل وابو هشيم ( وقد كانت خدمات التلفون تصل لهذه القرية من اوائل الخمسينات ) و ابو البنات وحلة بلة وكامراب وخميسة وود بابو ونجم الدين وعمارة ود الصديق وكسيد وكاكوم (دى فيها فلاتى كارب بيكتب للنسوان عشان ما يعرسوا فيهن تاني وانا من ضحاياه ) وقرية اللويسة والبردانة (ام القرى) ثم قرية التكينة ومنها مدينة الدندر .

يخرج مواطنو هذه القري عادة لمشاهدة مياه نهر الدندر وهى منحدرة في طريقها لتلتقي بمياه النيل الازرق في قرية الربوة شرق واد مدنى . وعادة يقل تفاؤل اهل اى قرية ، بخريف وافر الخيرات، عندما تاتيهم مياهه نهارا وهذا سبر توارثوه من الاجداد .

هنالك قرى تابعة لنظارة الدندر ولكنها تقع شمال المدينة اشهرها جهة غرب نهر - ام عرديب والسريفة ( قرية الاستاذ احمد حماد ادريس) والقلة وجليدات واخرى شرقه اشهرها ام حنطور وحدية وطابت حلة الشيخ السماني .

اغلب سكان هذه القري ينتمون الى قبائل رفاعة (القواسمة والحمدة والحلاويين والغلاتيين والعقليين) بالاضافة الى الكواهلة والصواردة والضبانية الذين ينتمى اليهم الشيخ محمود ود زائد الذى تنسب اليه (تومات ود زائد) واحسب انهماهجليجتان معمرتان موجودتان في منطقة شمال شرق القضارف .

خرجنا من الداخلية و لا بد لنا من دخول سوق المدينة لشراء بعض هدايا الاطفال مما وفرناه من الخمس وعشرين قرشا – مصاريفنا لثلاث اسابيع . كنا اكثر ميولا لشراء حلاوة (بلي) لانها تباع بكميات مهولة وباقل تكلفة وترضى اكبر عدد من الاطفال الذين يستقبلونا فرحين بعودتنا اليهم . كان كبارنا من النساء والرجال لا يرجون منا الا عودتنا سالمين واسعادنا لاطفالهم بحلاوة بلي . فمن اعطيت ابنه حبة منها وهرول فرحا لابلاغه بها فقد نلت رضاه بل ربما رضاء كل افراد الاسرة .

بعد شراء حاجياتنا تحركنا راجلين الى القرية . كان الطريق عبارة عن دوداب تصله اشعة الشمس فاترة وربما لا تصله احيانا لانه محمي منها بالاشجار الضخمة التي تتصافح هاماتها في رؤسنا و نمشى فيه وكاننا نمشى داخل الانفاق . كنا نجد حبات اللالوب والنبق متناثرة على الطريق ناكل منها الجزء الذى لم تكن عضته القرود والكاكي (ابلانج) . وما كنا نابه لتجميع شيئ من هذه الثمار لاطفال اهلنا حتى لا نبدد عشمهم في اسعادنا نحن القادمين من المدينة بخيراتهم من هذه الثمار !!

عبرنا نهر الدندر بعد ان قطعنا حوالى الاربعة كيلو مترات من المدينة ولا بد ان نعبره مرة اخري قبالة المشرع الذى كان يرد فيه اهلنا . كانت المسافة بين المشرعين حوالى الست كيلو مترات مشيناها في اقل من ثلاثين دقيقة . وصلنا مشرع القرية الذي كان يلامس خصرها من الجهة الغربية . كانت لنا الكثير من الذكريات والخواطر هنا في هذا المشرع . كنا اكثر تشوقا لسماع جرس الحصة الاخيرة في المدرسة لنخرج منها بكثير من الضجيج . لم يكن هذا الضجيج لدوابنا عبثا لانها تدرك تماما ان وقت سقائها في المشرع قد حان . كنا نخرج من المدرسة منشدين قصائد اليوم وكانت اجمل الاناشيد التى خلدت في ذاكرتي :
بلادى بلادى فداك دمى
وهبت حياتي فدى فاسلمي
غرامك اول ما في الفؤاد
ونجواك اخر ما في دمي
ساحلف باسمك ما قد حييت
تعيش بلادي ويحيي الوطن
وكذلك انشودة ( علمي انت رجائي ......) وقد كنت اكثر ابداعا في اداء مقاطعها التي تقول (لونك الاخضر زرع لونك الاصفر ارض لون الازرق ماء) .

وبعد ان نصل الى بيوتنا نعلق حقائبنا على المسامير المخصصة لها على امينة المنزل ، ان كان من الطوب او الجالوص او شعبة القطية ان كان البيت من النال . كان يمكن ان تقرأ من حجم وشكل الحقيبة الى اي مرحلة دراسية ينتمى التلميذ ، فان كانت مليئة نافخة كراساتها جميع الزوايا وبها براقع من الحبر الازرق فهذا دليل على ان التلميذ في ثالثة اورابعة ويمكن ان يعهد اليه كتابة الرسائل المنمقة كما ويمكن اجلاسه في عنقريب قعدات العرس جوار العريس لتسجيل النقطة ( النقطة هى ما يساهم به كل من اهل القرية لوالد العريس)

كنا بعد الدروس وبعد الغداء نركب الدواب لنسقيها في المشرع وكانت كلابنا هى الاخري الاكثر سعادة وهى تلهث خلفنا للمشرع . كان المشرع مجمع يلتقى فيه اغلب اهل القرية للغسيل و حمل الماء للبيوت وصيد السمك احيانا . كنا بعد الوردة نذهب لالتقاط اجود واحلى ثمار النبق الناضجة والتي تتساقط تحت ظلال اشجار السدر الضخمة التي تنمو على شاطى النهر . كان رعاة الابل من اهل البادية الذين ياتون ايام الضمئ يتركون ابلهم على مناخها ( بفتح الميم) لأن ينجموا في ظل هذه الاشجار يتسامرون بالدوبيت والمسادير الحنينة .

بعد أن تدحرجنا من المدلية ( حافة النهر ) لاحت إلينا مشاهد أهلنا من بعيد ، بعض يغسل في ملابسة واخرون يسقون دوابهم ومجموعة أخرى من الأطفال يلعبون على كثبان الرمال . وبعد أن تقاربت المسافة ، وتعرفوا على وجوهنا صاحوا فرحين بعودتنا. بعض من هولاء الأطفال لم ينتظر لملاقاتنا بل هرول إلى الحلة لإبلاغ الأهل بعودتنا ، واخرون منهم تناولوا منا حقائبنا وهم اكثر تركيزا بعيونهم في وجوهنا التي بدت تأخذ من سمات المدينة .

عندما كنا على مشارف القرية لاحظنا أطفالا آخرين قادمين من داخل الحلة لاستقبالنا مبتهجين بقدومنا بعض منهم حافي القدمين لا يأبه لطعنات الضريسة المسمومة(الضريسة هي نوع من الشوك ينمو نباته جوار القرى)
لم يكن شوقنا لابقارنا واغنامنا وكلابنا اقل شوقا من شوقنا لاهلنا . كنا نسال عن قمرية وحورية وسرية والمنادهيب ( جمع مندهوب وهي العجلة التي اقتربت من سن العشار) . كانت امي الجالسة بجواري في الهباب المفروش بالدقة ( البرش الدقة هو اجمل واغلى انواع البروش المصنوعة من الزعف) قد همست في اذني تذكرني بالعم الرضى والطيب وعبد الغني وابراهيم كبار الحلة وطلبت منى الذهاب اليهم لانهم متلهفون لرؤيتي ولكنهم بسبب العمر يصعب عليهم الوصول الى منزلنا . ذكرتني امي بالعمة زينب وشروقو وفاطمة وام الحسن ولم يكن قد غبن عن بالي لاني لا انسى الكعك والتمر والحلاوة التي يملان بها جيوبي في مناسبات اعياد رمضان والاضحى .
طلّعت العراقي الابيض الجميل من حقيبتي وكذلك السروال الطويل والفنيلة ذات الأخرام المتوازية الاضلاع . خرج من كان معي من الغرفة الى البرندة ليفسوا لى المجال حتى اغيّر ملابسي واحضروا لـــى الجردل مليان موية والطشت والليفة للحمام داخل الغرفة نفسها . تركشت الباب بالعود ، وبعد الحمام اتهندمت كويس وفتحت الباب وعاد من كان في البرندة مرة اخرى ومعهم امي التى احسست ان خوفا علىّ محبوس في احشائها ....... . اخرجت امي فتيل بت السودان من سحارتها ( السحارة هي صندوق من الخشب يستعمل لتخزين الاشياء الخاصة) . وقد تعطرت بها جبرا لخاطرها . ولإظهار شيئ من المدنية طلعت فتيل فلير دمور الاصلي من حقيبتي وقد فاحت رائحته ليتنسمها حتى من كان خارج البيت .

تحركت مع اصدقائي لاسلم على اعمامي وعماتي كبار السن . كنا اينما جلسنا لابد من تناول كباية شربات من الليمون ، الذى قد يكون احيانا معطر ببت السودان نفسها ، لزوم المغالاه فـــي اكرامنا . كان اصدقائي الذين يرافقونى للسلام على الاهل يضحكون ويلعبون وهم يمشون معى بعفوية من بيت لاخر . لم استجب لحركاتهم وضحكاتهم تلك بل صار ينتابني احساس بالسخرية وعدم الرضا من تلك التصرفات ولكنه احساسا ظل حبيسا بدواخلي ..... صحيح انها ملابس المدنية الزائفة .

انصبت على مجموعة من الأسئلة المتكررة من أعمامي وعماتي وكأنهم اتفقوا أن توحد أسئلتهم . كيف يا ولدى المدرسة وبتسكنوا كيف وتنوموا كيف وبأكلوكم شنو في الدوخولية ؟ وبعد هذه الأسئلة يأتي السؤال الصعب - بعد صمت ونظرة الى سقف المنزل ( حيث تعلق تواريب التبش والعشريف وقناديل العنكوليب وربما النجامة والسلوكة وتوابيرهم ( ازيارهم يعنى ) تنقع طق طق طق ) واصابعهم تعبث بالمسبحة مع همس تتحرك فيه الشفتان مع المسبحة للإعداد لذلك السؤال . ( اها يا ولدى نحن كبرنا ومتمنيين نحضر جديدك وجديد بت عمك شامة شن قولك أنت ؟
( أدونى يا عمي مهلة شوية المغرب أبوي ذاتو قال عندو معاى كلام وما عرفتو يمكن كلامك ده)

عميق ودي

Post: #126
Title: Re: الطيب شيقوق لقى سوقو فى السوق الخيرى بمسقط
Author: إسحاق بله الأمين
Date: 05-04-2010, 04:02 PM
Parent: #125

ذكريات الزمن الجميل

الأستاذ / الطيب

سلام وشوق واحترام

لافض فوك، وصح لسانك يا ود شيقوق أيها الأخ الأصيل.
ماتتصور مدى سعادتي وأنأ أقرأ بتلهف واستمتاع ما خطه يراعك المموثق، ولامن قلت ليك يا أصيل، تراني كنت صادق، لأنني ظللت أتابع ما تكتب هنا وهناك، فوجدت فيك صدق الأستاذة أسماء الجنيد، والأستاذة سمية بت الشيخ الحسن طلحة، اللتان تكتبان بصدق، فتأتي كتاباتهما متميزة. فالكاتب عندما يطلق لنفسه العنان ويكتب بدون تكلف، يجد القبول لدى القراء، خاصة إن كان الموضوع توثيقي كالذي بين أيدينا . أكيد استمتع غيري كثير بهذا الموضوع المتميز، وأشد ما أعجبني فيه درجة الصدق العالية والأصالة الباينة، وسحرني استخدامك لكلمات مثل الحاحاية والهواب، وقد مست شغاف قلبي ودغدغته خاصة هذه الأيام شهدت هطول أمطار ما ألفناها من قبل هنا في الرياض، وأجواء تذكرك بأيام خريف الستينات: سماء غائم، والعفرت في تحركه يجعلك تشرد بعيد هناك في البلد، وتفتش للطورية والكوريك وتسابق نزول المطرة عشان تفتح الجراي، وتجري بسراع ناحية الإنداية باحثا عن ود أم بشارة عشان يطلع فوق راس البيت ليسد القدود ويردم الجهة المايلة بالتراب: وتفرح لامن تلاقيه وتقوم تقول ليهو يا الله يا ود أم بشارة عجل ورح معاي وخلاص المطرة قربت وبيتي مقدد و قش السقف مكشوف ، يا الله هيا عشان تردمه لي: يقوم يعاين ليك بسخرية، ويرد عليك: إن شاء الله بيتك اتهد، هسي عليك الله دي نعمة بتنفات، ودلق المريسة قدامه زبدته طافحة ، وريحة العطرابة والشية ما تديك الدرب، والكمونية والمصارين يجقجقن، وديك يا السمحة تشيل وتعبي العبار وتناول المبتهجين البخسة يمين وشمال . ومن ميسك تغادر الإنداية وتلعن اليوم الجابها للحلة وخلت كتير من الناس عطالة.

وحتى أشاركك الذكريات العذبة الجميلة، ذكريات الزمن السمح( ترى يا ود شيقوق نحن أولاد حفرة واحد)،ذكريات تسجيلي بالمدرسة الأولية التي تم قبولي فيهاعام 1964م، أهديك هذه الذكريات:

يوم في الذاكرة
وتمر السنون وتبقى الذكريات الجميلة.مازلت أذكر ذلك اليوم من عام 1964 م وما زالت تفاصيله عالقة بالذاكرة كأنها حدثت بالأمس القريب. لم أنم ليلة ذلك اليوم وظللت أرقب الصباح و أتحرق شوقاً للذهاب إلى المدرسة وقد أكملت عامي السابع وزدت عليه بإسبوع، مما يهيئ لي فرصة أكبر للقبول. أشرقت شمس ذلك الصباح الجميل وكأني أراها تشرق لأول مرة وقد طالت ليلتي تلك أرقب شروقها. لبست جلبابي الأبيض وحذائي الجديدين وعلقت شنطة الدمورية التي فصلها لي العم عبد الله ود نور الدين في كتفي وانطلقت أختال مزهواً إلى مدرستي.

لا أنسى القرش الذي دسته أمي في يدي ولسانها يلهج بالدعاء أن يتم قبولي في المدرسة وأتعلم وأحقق أمنيتها في أن تراني سفيرا كبيراً، يا ترى ما الذي جعل أمي تتمنى أن أصير سفيراً، وكانت أمنية معظم الأمهات إن لم يكن جميعهن أن يرين أولادهن "دكاترة قدر الدنيا".

في ذلك الصباح الجميل ذهبت إلى المدرسة في رفقة أبي والفرح يغمرني وتراءت لي أحلامي. في فناء المدرسة الرحيب، ألفيت التلاميذ يتصايحون وينشدون ويلعبون وقد تم تسجيلهم. وكان زملاء دفعتي إن لم تخني الذاكرة من فداسي والقريقريب وهم: عبد الرحمن أحمد، والدر ديري الأمير وحسن عبد الله وأزهري الطيب وأزهري عبد الرحمن وأبو القاسم يوسف وعماد عمر والسيف أحمودي وعثمان الطيب وعمر يسن وأحمد محمد يوسف (الحبر) وعمر مدني ومبارك القاسم والسماني علي وبابكر البدري ومعتصم محمد عبد الله وجلال حسن محمود ومبارك أحمد يوسف (الريلة) وصلاح الجد وعبد العظيم محمد عبد الرحمن وصلاح بخيت وحيدر عمر إبراهيم والثاقب عوض بشير والتاج يوسف وعصام الجيلي والمرحوم عبد الرحمن مصطفى خليل ومبارك محمد علي خليل وعصام عثمان( أبو شيبة) وسعد أحمد حسنين ومحجوب عبدا للطيف وحيدر عباس ومن قرية القريقريب المرحوم محمد علي محمد عثمان وزهير علي البنا وعزام بله وكمال محمد صديق وعبد العاطي عبدالله وعلي أحمد عمر وعبد الله عوض الكريم والتاج محمد دفع الله وعبد الرحمن سعيد وعبد الله محمد صديق. ولا أنسى صديقي محمد محيسي ابن الحكيم الذي كان يعمل في الشفخانة.

بعد التسجيل أرشدنا الأستاذ أحمد الأمير إلى فصلنا وعلى الفور زودونا بالكتب والكراسات والأقلام مما أدخل السرور على أنفسنا. رجعت مسروراً إلى البيت حاملاً كتبي وكراساتي ووجدت أمي تنتظرني على أحر من الجمر، وما إن رأت شنطتي معبأة بالكتب والكراسات تهلل وجهها وفتحت "محفضتها" وأعطتني ريالاً كاملاً هدية قبولي بالمدرسة. أخذت الريال وانطلقت إلى دكان العم ود أبوسن واشتريت حلاوة بيض ما زلت أذكر لونها الأخضر الفاتح المظلل وحلاوة لكوم واحتفظت بباقي الريال الذي صرفته في شراء الزلابية واللقيمات وسلطة الروب من الخالة ست النفور والخالة الدلسة يرحمها الله فقد كانتا لنا أمين حنونين أطعمتانا من لذيذ لقيماتهما في فناء المدرسة وتحملتا شقاوتنا ومكرنا ولم يكن قصدهما الربح بل إسعادنا وإضفاء البهجة والسرور علينا ، أسأل الله أن يجزيهما عنا خير الجزاء وأن يجعل حسن معاملتهما لنا في ميزان حسناتهما.

صحوت من النوم مبكراً صبيحة اليوم الثاني وحملت شنطتي وذهبت برفقة أخواني عبد المنعم نور وأحمد حاج الصادق وشرف مبشر إلى المدرسة. دق جرس الطابور ولأول مرة أقف مصطفاً في طابور وكان المنظر مهيباً وجميع المدرسين كانوا حاضرين: أستاذ الفاضل ناظر المدرسة ،والأساتذة أحمد الأمير مدرس (الدين) التربية الإسلامية ، محمد طه الأمين(أربجي) مدرس اللغة العربية وعمر دفع الله (رفاعة) مدرس الحساب، هجانه بله، عبدالسلام محمد عبد السلام، التيجاني محمد أحمد ، ماتيه، باصرو، وعمر بابكر. دخلنا الفصل ودخل علينا الأستاذ أحمد الأمير وكانت أول حصة للتعريف وكلام جميل عن أهمية التعليم والحرص عليه واحترام المعلم والعناية بالنظافة.

أخوك ود بله
الرياض 4/5/2010م

Post: #127
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 05-04-2010, 05:42 PM
Parent: #126

استاذنا اسحاق ود الصالحين - سلامي

جاييك بالمهلة بس اتصلت عليك على رقم تلفونك القديم فوجدته تعذر وحاولت اكتب اليك رسالة عبر المسنغر فوجته معلول لا يقبل الارسال .

Post: #128
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 05-05-2010, 12:52 PM
Parent: #101

سلام

جاييك يا ود اللمين بس شوية مشغوليات

Post: #129
Title: Re: الطيب شيقوق لقى سوقو فى السوق الخيرى بمسقط
Author: إسحاق بله الأمين
Date: 05-05-2010, 04:25 PM
Parent: #128

ثقافة شعبية
شيخنا الطيب
نحمد الله أن جعلنا قرويين ومشبعين بالأصالة والكلام الذي إن سمعته يطربك

الليلة يا ود شيقوق أخوي داير أكلمك عن عمي أحمد ود أمحمد ود فاطنة، رفاعي حر من قرية قريبة مننا، ولامن تجيب طاري الشيخ يوسف ود جميل، تجيه هوشة ويقوم يقمز لي فوق ويتب لامن فردة مركوبه (الله يعزك) تطير لا فوق، لم أر من هو في مثل ذكائه وحسن تدبيره وتصريفه للأمور، وكان مزارعا ناجحا يرجع إليه كبار خبراء الزراعة الأكاديمين لاستشارته، وكان يعتز بذلك كثيرا ويقول بفخر: أنا خبراء الزراعة اتخذوا مزرعتي حقلا تجريبيا، وكان كسائر أهل قريته صاحب حلال، وكان موفقا في "سعيته"، وكان يقول لي: والله يا ولدي الواحد كان من الدغش ما شم ريحة الحلال وكراعو غاصت في الزبالة داخل الزريبة، يشعر بأنه محروم مهما أوتي من خير وثروات، وهذا إرث ورثوه عن آبائهم وأجدادهم. وكان العم أحمد نشطا، متقنا ومجيدا لأعماله، فتعجب عندما يحدثك عن بنود ميزانيته التي يوزعها كالتالي:
- بند المعيشة
- بندالإجتماعيات ( وهذا هو أكثر البنود إرهاقا للميزانية على حد قوله لأنه يتضمن المجاملات التي لا تنقطع في مناسبات الأفراح والأتراح) .
- بند الطواريء ( يدخل تحته المرض خاصة الملاريا)
- بند الطيش والإهمال
فتعجبت من تسمية هذا البند الأخير فسألته ماذا يقصد بالطيش والإهمال؟ فقال: سؤالك وجيه، يدخل تحت هذا البند( إذا تركت الزوجة أو الأولاد العناقريب والأسرة المجلدة بحبال النايلون في وسط الحوش مما يعرضه لأشعة الشمس فتتقصف حباله، فهذا طيش وإهمال). وإن تركت المرأة أو الأولاد باب المخزن مفتوحا ثم جاءت البهائم فدخلت وأكلت الذرة والقمح واللوبيا، فهذا طيش واهمال).

وكان عم أحمد ملما إلماما جيدا بفقه العبادات، فعندما يحدثك عن الصلاة ، فكأنك تستمع لفقيه عارف ، وحينما يحدثك عن توزيع التركات ، تتيقن أنك أمام قاضي مجيد لتخصصه، والعجب عندما تسمعه يحدثك عن الشعر والشعراء، وكان معجبا غاية الإعجاب بالشاعر الكبير ودالبناء، وكان لا يفوت مجلسه كلما جاءهم زائرا أخوانه بقريتهم. قال لي ذات مرة وهو يحدث عن ذكاء الشاعر ود البناء ، وحكى أن الشاعر ذهب ذات مرة إلى مدينة الفاو، وفي مكاتب الزراعة، جلس موظف مرموق يدخن في حضرة الشاعر ولم يعطه حقه من الاحترام والتقدير، فغضب الشاعر ود البناء وعزم على أن يلقنه درسا لا ينساه أبدا، فسأل عن اسم هذا الشخص، فقيل له أن اسمه الفاضل وهو كبير المفتشين الزراعيين، فقال للحاضرين: يا جماعة عندي ليكم سؤال عاوزكم تجيبه عليه: فقال: الكلبة( الله يكرمكم) عندها كم شطر فقالوا : ثمانية ، فقال طيب لو عندنا كلبة ولدت ليها تسع جروات وكل جرو مسك ليهو شطر ، أها " الفاضل" دا نعمل ليهو شنو؟ فقالوا: نرميه، أو نطرده عشان ما يعمل مشكلة، ففطن الباشمفتش وعرف بأنه هو المقصود، وأدرك أنه أخطا في حق الشاعر الكبير، فقام واعتذر للشاعر (وحب راسه على قول الخليجيين).

وعن نوادر الشاعر ود البناء حكى لي عم أحمد الله يرحمه أن الشاعر ود البناء كان يحب ركوب الجمال، فسالوه لماذا تكثر من ركوب الجمال؟ فقال: أن هناك هواء عليل بين السماء والأرض لا يستنشقه إلا راكبو الجمال. ومن نوادره أيضا حكى لي عم أحمد رحمه الله أن الشاعر ود البناء كان يكره شخصا ما ولا يطيق رؤيته، فقابله ذات مرة فسلم عليه فرد عليه: أهلا بمن حبا ودبا وبذيله الأرض تبتبا( وهذا فعل الكلب الله يكرم السامعين).

وكان العم أحمد معجبا بفداسي وأهلها وكان يقول فداسي هي عاصمة لقرى منطقتنا، وأهل فداسي يتفوقون على أهل القرى بالمنطقة بالتعليم والثقافة، إلا أننا نتفوق عليهم بالثقافة الشعبية، فقلت له: وما هي الثقافة الشعبية؟ فقال: سؤال جميل ، إذا لاقاك واحد من ناس فداسي عنده شاة رايحه ، يسلم عليك ويقول : يا عم أحمد عندي غنماية رايحة دايرك تفتشه لي: تقوم تقول ليهو: وصفها لي، يقوم يقول ليك: غنماية زرقاء ، اضنينه بيض، تقوم تقول ليهو: لان دا ما وصف بجيب ليك رايحتك. لكن لو دا واحد من حلتنا كان قال ليك : شاتي عيداكابية، اضنيها طوال، مجدعة محاحير وفي اضانه القضفه والضبانة، إت لامن تسمع وصف زي دا لامن تجيك هوشه وحرم بوصفه دا أطلع شاته من كب الغنم، كان كان مراح فيهو ألف راس. فهذه الثقافة الشعبية التي نتفوق فيها على أهل فداسي.

رحم الله عمنا أحمد ود أمحمد الذي إن أردت التحدث عن ذكائه وقصصه ونوادره لما وسعني الوقت
ودمت بألف عافية يا ود شيقوق أخوي.

أخوك ود بله
الرياض 5/5/2010م

Post: #130
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 05-05-2010, 06:16 PM
Parent: #129

اخي اسحاق

شكرا على هذا الاسلوب الروائي الممتع لحقائق ومعطيات تتشابه بكل تفاصيلها مع واقع اهلنا في الدندر كما لدينا رموز اجتماعية متميزة مثل العم حاج احمد يلتف حولهم الضيوف القادمون لمشاركتنا افراحنا واتراحنا .

وعلى ذكر بداهة العم احمد في توصيفه لقوائم ميزانيته بما فيها بند الاهمال والتقصير وكذلك روايته عن الذكاء الشعبي الذي يميزهم عن الذكاء التعليمي لدى اهله ناس فداسي وتوصيف اهله اصحاب الذكاء الشعبي لوسم البهيمة الضائعة (طباعة ومحارة وشخلوب) هذا الذكاء الشعبي ذكرني برواية حقيقية بطلها واحد من اهلنا العرب الرحل يحتاج فهمها لقدر من التركيز.

الحاصل يااسحاق اخوى انا زمان لما كنت محامي في الدندر كانت اغلب القضايا التي اتولى الدفاع فيها هى قضايا اهلك العرب الرحل لا سيما تلك المتعلقة بالتعدي على حظيرة الدندر من قبل رعاة البهائم .

كان ، وما زال ، قانون حماية الحياة البرية ينص على مصادرة 50% من عدد اى بهائم تدخل حظيرة الدندر سواء اكانت ابل او اغنام او ابقار . وقد شهدت فترة عملي بالمحاماة هناك مجموعة لا يستهان بها من تلك القضايا للدرجة التي جعلت العرب يستوعبون قانون الحياة البرية والعقوبات التي تحكم بها المحاكم في حال القبض عليهم وإدانتهم . ومعلوم أيضا أن حظيرة الدندر وتسمى احيانا ( المنطقة المقفولة ) واسعة جدا وغير محاطة باسوار ويحرسها جنود عادة متواجدون رواكيب ( تايات) في الاطراف المتاخمة للاراضى الزراعية الخاصة بأهلنا مزارعي الدندر . الشاهد هو انه من الصعب لاى انسان ان يدرك الحد الفاصل بين الاراضى المحمية واراضى المزارعين الا بالتغيير التدريجي في كثافة الاشجار ولهذا يكون اغلب اهلنا العرب ضحايا اهمال الدولة في تحديد فواصل معلومة . وقد لاحظت ان اغلب الرعاة يسربون ليلا بأغنامهم وأبقارهم او قد تسرب منهم بهائمهم وهم نيام وتدخل الحظيرة لانه كما اسلفت لا توجد فواصل مانعة واضحة بينها واراضي المزارعين . وللاسف بل المحزن حقا ان يتم القبض على الرعاة والبهائم ويحكم عليهم بالسجن مع مصادرة نصف البهائم الممسوكة كما يخصص عائد بيع تلك البهائم لصالح شرطة الحياة البرية ولهذا كنت كمحامي عنهم مواجه بتحديات وصلت الى درجة التهديد بالقتل من قبل شرطة الحياة البرية لا سيما وانني احيانا انبرى للدفاع عن بعض منهم داخل المحكمة دون ان يدركوا من هو هذا الشخص الذى يدافع عنهم . وعادة اطلب من المحكمة السماح لي بتمثيل المتهمين تبرعا كما اطلب التاجيل لساعة او ساعتين لاخطار المتهمين بأنني محام متبرع للدفاع عنهم . لم يكن هذا اخوتى هو نوع من الدعاية فانا ما عدت محاميا ولكنها خلفية ينبغي على جميع الاخوة المطلعين ادراكها . ومن المهم جدا ان يدرك الجميع ان الأحجام التي يتم القبض عليها تتجاوز احيانا عشرات الألوف .

هنالك قصص وحكاوي في قضايا اهلنا العرب وخاصة في القضايا المتعلقة بمخالفات قانون حماية الحياة البرية واليكم – أخي إسحاق - هذه الرواية التي اقرب للخيال من الواقع .

في يوم من الأيام حضر إلى في مكتبي واحد من اهلك عرب كنانة يرتدى ثوبا من الدموية . لاحظت أن هذا البدوي يتمتع بذكاء خارق من خلال حركاته ونظراته .

كان سؤاله الاول لي إت ود شيقوق ؟ قلتلو أي نعم يا ابوى حبابك . قال لي انا جاييك مضيوم بالحيل . قلت ليهو ابشر يا ابوى ما فيش عوجة شنو الحاصل؟

قال لي انا عندى ستة الف راس من الضان رعياني دخلوا بيها الحظيرة وتم القبض عليها من قبل شرطة الحياة البرية وهى الان هناك محجوزة داخل الحظيرة محبوسة في خراشة حقت كتر. .

وقال لي انا جيتك وما عايز منك كلام كتير في المحكمة ولا عايزك تحاجج لي القاضي في قضيتي دي . قلت ليهو اها طلبك شنو ؟ قال لي طلبي واحد بس طالما القانون بصادر نصفها وبسلمنى نصفها ارجوك تقدم طلب للقاضى تقول ليهو سلمنا النصف التاني هسع واترك النصف الاول للمحاكمة اكان رجع لي الحمد لله واكان صادرتوهو يكون ربنا مو جاعل لي فيهو قسمة – والجاتك في مالك سامحتك .

كان الطلب منطقي للغاية ولا يتعارض مع الإجراءات القضائية ورغم انه أول طلب من هذا النوع يقدم للمحكمة الا ان المحكمة قد وافقت عليه فورا لكونه طلبا وجيها ولا يتعارض مع القانون.

كتبت الطلب ملتمسا من المحكمة فك الحجز عن 50% من الضان على ان يظل النصف التاني رهن المحاكمة وقدمته للمحكمة وقبلته المحكمة بدون تردد حيث جاء الامر القضائي كالاتي :

امر:

أولا : يفك الحجز عن 50% من الأغنام والتي تعادل ثلاثة ألف رأس ضان للمدعو ...... على ان يبقى الباقي رهن إجراءات المحاكمة .

ثانيا : يكتب خطاب للمدير الاقليمي لشرطة الحياة البرية بالدندر لتنفيذ هذا الامر .

صدر تحت ختمي وتوقيعي
.......................

قاضى محكمة السوكي

شلت امر القاضى ووديتو لعمك الذي كان في انتظاري في مكتبي وعرضته عليه الأمر لم يبد عمك اهتماما ظاهر ا بذلك الامر بل عاجلني بسؤاله ( هذا الأمر يا ود شيقوق لا يمكن تنفيذه الا يمشي معاى موظف تابع للمحكمة لتنفيذة ) سالته لماذا يا عمي ؟ صمت وعاين للسماء وعاد ليقول لى انا قلت ليك داير لي موظف وانا مستعد اجيهو ليك طاب من جميع ما يلزم و بالفعل انا اتصلت بضابط تنفيذات اوامر المحكمة و شرحت له الحاصل والموظف على الفور ابدى موافقته للذهاب مع العربي لمتابعة تنفيذ ذلك الامر القضائي .
طبعا المحكمة الاصدرت الامر في مدينة السوكي على بعد 24 كيلو من مدينة الدندر والمدير الاقليمي لشرطة الحياة البرية والموجه ليهو الامر القضائي كان مكتبه في مدينة الدندر والبهائم محجوزة مسافة 120 كيلو من الدندر اي في الحظيرة جوووووة في حراسة جنود عاديين مغلوب على أمرهم .

عمك ملأ لموظف المحكمة جيبو كنجالات والدنيا كانت رمضان الموظف كسر رمضان وطبق عمك مشى بيهو مدينة الدندر لمقابلة المدير الإقليمي عشان يديهو الامر القضائي اول حاجة وبالفعل حصلوا المدير والمدير الرجل الطيب طوالى مسك جهاز اللاسلكي واتصل بجنوده في حظيرة الدندر قال ليهم الزول دا من ال 6 الف ضانية المحجوزة فكوا ليهو 3 الف وخلوا التلاته الف الباقية لحدى ما يصدر فيها حكم من القاضي بالمصادرة او فك الحجز عنها وتسليمه إياها .

فعلا العربي وموظف المحكمة شافوا ليهم برينسة نضيفة مزينة بريشتين حقات نعام في رويسها وانعدلوا متجهين الحظيرة مسافة 120 كيلو كما اسلفت . وبعد يومين جونى راجعين مبسوطين لكن موظف المحكمة طرّف بي بعيد من عمك قال لى يا اخوى تعال نكلمك قلت ليهو خير قال لي والله يا ود شيقوق اخوى انا مشيت انفذ الامر بتاع القاضى عشان استلم 3 الف واترك تلاته الف لكن انا بعد حسبت التلاته الف وسلمتها لعمك ما لقيت باقي الضان وشايف الجنود مصنقرين في الواطة
متحيرين . انا قلت لموظف المحكمة كيف الكلام ده قال لي انا مسكت واحد من الجنود ديل مشيت بيهو بعيد وسالتو قلت ليهو مالكم متمحنين قال ليهو اسكت ساى يا اخوى العربي دا سدد بيوتنا وملأ خشومنا طين مرة واحدة موظف المحكمة قال لى قلت للعسكري شنو الحصل . موظف المحكمة قال لي العسكري دنقر في الواطة
خجلان واتلفت يمين وشمال وقال لموظف المحكمة تديني الأمان؟ الموظف قال ليهو بالحيل كلمنى انا حالف طلاق لا اكلم قاضى ولا اى مسئول . العسكري قال للموظف والله البهائم دى من يوم قبضناها جوة الحظيرة وفتحنا بلاغ بالستة الف القاضى علم والبوليس علم والنيابة علمت بيها ستة الف . اها العربي ده – الحديث للعسكري - بعد ايام وقبل يمشى للمحامي جانا راكب جمل وسالناهو قلنا ليهو وين ماشى العربي قال ليهم انا رايغ لي لابل مسروقة وكان العربي يدخن في سجاره برنجي ونفيستنا وقعت في سجايرو شحدناهو سجارة سجارة وادانا علبة علبة وحلفنا عليهو يفطر معانا ويمشى في رواغته وبالفعل جاء وفطر معانا والضان بتاعو المحجوز بواسطتنا كان قريب منه لكن اول مرة ما اهتم بيهو كتير شغال في نضميهو معانا ويبخبخ في سجارتو . بعد فطرناهو سمّح سالنا قال لينا البهائم الممسوكة دى حقت منو؟ قلنا ليهو والله دى محجوزة في مخالفة للقانون وقبضناها وبلغنا بيها القاضى .والشرطة والنيابة قال – والكلام ما زال للعسكري - العربي قال لينا البهائم دى انا بعرف سيدها رجلا خيّر وبركة دحين اكان في طريقة انا بجيب ليكم منو الساهلة فكو ليهو نصفها وامسكوا النصف التاني عندكم . العسكرى قال قلنا ليهو ونحن نضمن ساهلتو كيف؟ قال ليهم انا بضمنو ليكم ولو بتخافوا منو انا عندى قريشات بديكم ليها والباقي بجيبو ليكم منو . العسكرى قال الزول وثقنا فيهو استلمنا المبلغ العندو وفكينا نصف البهائم وقلنا لو سألونا الضباط قالوا مشت وين بنقول سربت باليل وراحت ما لقيناها .

يا ود اللمين اخوى - من رواية ضابط المحكمة ( الحالف طلاق ما يتكلم ) تبين لى لماذا كان اصرار العربي ، لما اتاني اول مرة في المكتب ، على استصدار الامر القضائي لاستلام نصف بهائمه . والحقيقة التي ادركتها لما كان بيطالب بذلك الامر هو سلفا قابض التلاته الف الاولى ولما ذهب موظف المحكمة لاستلام التلاتة من الستة لم يجد غير التلاتة الفضلت . طبعا الجنود ما قدروا يقولوا العربي رشانا بل كتلوا الموضوع في بضونهم .

العربي بعد استلم التلاتة الف وباقية تلاتة ( لكن - لاحظوا - على الورق او محاضر المحكمة فقط لانو شالها سلفا ) جاني في المكتب تاني قال لي اها يا ود شيقوق امشى للقاضى وحدد جلسة لمحاكمة التلاتة المحجوزة وشد حيلك ( طبعا كلامو نظريا صاح ) وانا المسكين قلت ليهو ابشر انشاء الله زى ما خارجنا بهائم فلان وفلان وفلان تلاتك دى نخارجها ليك .

طبعا من ناحية قانونية يجوز لى انا كمحامي اطلب من المحكمة تحريك الاجراءات لمحاكمة التلاتة الف ( الاصلا ما موجودة لكن في الاوراق الرسمية مثبتة يا اخوانا ) ويمكن ان يصدر امر قضائي بتبرئتها وفك الحجز عنها قانونا وتسليمها لصاحبها ومن ثم يكون عمنا قبض 9 الف بدل الستة الف . لكن بعد علم رئاسة شرطة الحياة البرية بالقصة كلها لم يستطيعوا متابعة البلاغ حتى تم حفظه ونسيانه ولكن تمت إجراءات إدارية فصل فيها عدد من الضباط والجنود وعمك بعد ضمن تاني لا انا ولا القاضى ولا ناس شرطة الحياة البرية عرفناهو مشى وين .

Post: #131
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 05-05-2010, 06:42 PM
Parent: #130

ما كت بدور أجيك
لكن لما شفت عمتك المحدرها زي وقاية الجبنة دي قلت الندخل
وأقول الفي راسي
أصلو رمة ومرمي الله مابترفع

ولتعلم
أني لا أضع سيفي حيث يكفيني سوطي
ولا أضع صوطي حيث يكفيني لساني
ولو أن ييني وبين الناس شعرة ما إنقطعت
إذا شدوها أرخيتها وإذا أرخوها شدتتها

والبيني وبينك شعرة متينة لكن أنتّ بتقطعا يا الشوووووووووم

تحياتي ومودتي مع حدرة وجيه

Post: #132
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 05-05-2010, 07:39 PM
Parent: #131

Quote: والبيني وبينك شعرة متينة لكن أنتّ بتقطعا يا الشوووووووووم

تحياتي ومودتي مع حدرة وجيه

احسن لك تبعد آآآآآآ جني

كان قبلت عليك هسع بوريك النجم بالنهار آآآآآآآآآآآ الشوم

Post: #133
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 05-05-2010, 08:26 PM
Parent: #132

حسن لك تبعد آآآآآآ جني

كان قبلت عليك هسع بوريك النجم بالنهار آآآآآآآآآآآ الشوم
>>>>>>>>>>>>>>>>>>>>>>>>>>>>>>>>>>>
..................................................................................

قول والله من قلبي قلتها

هييييييع انا الجاك قرع الفالح وبرع
وهيييييييييييييييييييييييييييييييييييييييييع

Post: #134
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 05-05-2010, 08:30 PM
Parent: #133

Quote: هييييييع انا الجاك قرع الفالح وبرع
وهيييييييييييييييييييييييييييييييييييييييييع

هسسسسسسسسسع بتدنقر لنعلاتك وتمسك طرف عراقيك بسنونك وتطعن تراب

ابعد آآآآآآآآآآآآآآآآآ جني

Post: #135
Title: Re: الطيب شيقوق لقى سوقو فى السوق الخيرى بمسقط
Author: إسحاق بله الأمين
Date: 05-10-2010, 03:31 PM
Parent: #130

الأستاذ / الطيب
سلامي واحترامي
عندي ما يشغلني، ميجووووووووع
ولنا عودة بإذن الله

Post: #136
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 05-10-2010, 04:14 PM
Parent: #135

اخي اسحاق

رحم الله السيدة نجاة بت العمدة يوسف ، عمدة فداسي الحليماب، وبنية الشريفية السيدة فاطنة بت الشريف محمد الأمين يوسف الهندي، وجدهاالشريف بركات ود الشريف أحمد ود طه اللي كاتل الإنجليز في منطقة الشرفة شرق الجزيرة ودحر كتيبة بحالها وفز جنودها وتعدوا الرهد حتين وقفوا يجروا نفسهم وقال قائلهم وين نحنا يا جماعة من أب حراز وكما جاء في مناحته:
بطراه وبقول الصادق حلقته تكر
فوق أم صال صمد أم جباهن غر
يبنك الخلاوي الكلهن نايرات
وحزنانات عليك يا ود القريشيات
الليلة الشريف السواها حقاها
ضرب الصاد صحيح والطوبة بي إيدو غزاها
لين تقول المناحة :
هم فاتوا الرهد وقالوا أب حراز وينو

رحم الله السيدة نجاة والهم الها وذويها الصبر وحسن العزاء

Post: #137
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 05-10-2010, 05:21 PM
Parent: #136

رحم الله السيدة نجاة والهم الها وذويها الصبر وحسن العزاء

Post: #138
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 05-10-2010, 06:10 PM
Parent: #137

عامر سوقك مبدر
مجرجر توبك مسبل
الطيب للشر مبدر
مُر يا التُكل المجدر

هيييييييييييييييييييييييييييييييييييييييييييييييييييع يا التُكل المجدر

Post: #139
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 05-10-2010, 07:01 PM
Parent: #138

Quote: عامر سوقك مبدر
مجرجر توبك مسبل
الطيب للشر مبدر
مُر يا التُكل المجدر

الله يسامحك ويملأ خشمك طين يا مسنوح

Post: #140
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 05-10-2010, 07:23 PM
Parent: #139

الله يسامحك ويملأ خشمك طين يا مسنوح
>>>>>>>>>>>>>>>>>>>>>>>>>>>
..............................................................

سم أب درق البنقع
جدري القيعة البفقع
عالي صوتك برتع
الطيب في شطارتو مبدع

,,,,,,,,,,,,,,,,,,,,,,,,,,,,,,,,,,,,

بس سجمان مرات

Post: #141
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 05-10-2010, 08:25 PM
Parent: #140

Quote: سم أب درق البنقع
جدري القيعة البفقع
عالي صوتك برتع
الطيب في شطارتو مبدع

تشرك وتحاحي - الايام دي كلامك قل بالحيل باقي لي فلان ما جاك

Post: #142
Title: Re: الطيب شيقوق لقى سوقو فى السوق الخيرى بمسقط
Author: خالد علي محجوب المنسي
Date: 05-10-2010, 08:49 PM
Parent: #141

تشرك وتحاحي - الايام دي كلامك قل بالحيل باقي لي فلان ما جاك
>>>>>>>>>>>>>>>>>>>>>>>>>>>>>>>>>>>>>
......................................................................................

هواي وهواهم
بي جارو

بتعرف ؟؟؟؟؟؟؟
أحمد حمد ناري الليلة
وحجر الرمد ناري الليلة

دا أحمد القرشي

أنا أب زرد أنا أخو البنيات

وهييييييييييييع
أنا كان وقع ما بصل الواطا

Post: #143
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 05-10-2010, 09:16 PM
Parent: #142

Quote: أنا أب زرد أنا أخو البنيات

امشي كدا آآآآآآآ خشيم اللطمة

Post: #144
Title: Re: الطيب شيقوق لقى سوقو فى السوق الخيرى بمسقط
Author: إسحاق بله الأمين
Date: 05-11-2010, 02:43 PM
Parent: #143

الأخ العزيز / خالد علي
جزاك الله خيرا على التعزية والدعاء للسيدة نجاة، أسأل الله أن يتقبل منا ومنكم صالح الدعاء والترحم على روح الفقيدة، لا تنسوها من صالح دعائكم وعند الله الأجر والثواب الجزيل.

Post: #145
Title: Re: الطيب شيقوق لقى سوقو فى السوق الخيرى بمسقط
Author: إسحاق بله الأمين
Date: 05-11-2010, 02:52 PM
Parent: #144

Quote: اخي اسحاق
رحم الله السيدة نجاة بت العمدة يوسف ، عمدة فداسي الحليماب، وبنية الشريفية السيدة فاطنة بت الشريف محمد الأمين يوسف الهندي، وجدهاالشريف بركات ود الشريف أحمد ود طه اللي كاتل الإنجليز في منطقة الشرفة شرق الجزيرة ودحر كتيبة بحالها وفز جنودها وتعدوا الرهد حتين وقفوا يجروا نفسهم وقال قائلهم وين نحنا يا جماعة من أب حراز وكما جاء في مناحته:
بطراه وبقول الصادق حلقته تكر
فوق أم صال صمد أم جباهن غر
يبنك الخلاوي الكلهن نايرات
وحزنانات عليك يا ود القريشيات
الليلة الشريف السواها حقاها
ضرب الصاد صحيح والطوبة بي إيدو غزاها
لين تقول المناحة :
هم فاتوا الرهد وقالوا أب حراز وينو

الأخ الأستاذ / الطيب شيقوق
السلام عليكم ورحمة الله وبركاته
رحم الله السيدة نجاة يوسف محمد الأمين، فقد كانت شجرة ظل ظليلة، يستظل تحت ظلها الغاشي والماشي، تحمد سيده قدمتها وستحصد ما قدمت يداها خيرا كثيرا بإذن الله، ايده عطاية، وعينه بكاية، أخت الضعفاء، رحامة المساكين، ست الكتير وما بتعرف الشوية, ربنا يجعل الرحمة وسادتها، ويصبر بنياتها وأمها وزوجها وأخوانها وأخواتها، ركن وانهد يا ود شيقوق، لكن ما كتيرة على ربها، خربانة أم بناين قش

Post: #146
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 05-11-2010, 07:29 PM
Parent: #145

ود الفقراء

Quote: رحم الله السيدة نجاة يوسف محمد الأمين، فقد كانت شجرة ظل ظليلة، يستظل تحت ظلها الغاشي والماشي، تحمد سيده قدمتها وستحصد ما قدمت يداها خيرا كثيرا بإذن الله، ايده عطاية، وعينه بكاية، أخت الضعفاء، رحامة المساكين، ست الكتير وما بتعرف الشوية, ربنا يجعل الرحمة وسادتها، ويصبر بنياتها وأمها وزوجها وأخوانها وأخواتها، ركن وانهد يا ود شيقوق، لكن ما كتيرة على ربها، خربانة أم بناين قش

خربانة ام بناين قش يا اسحاق اخوي - ربنا يوسدها الباردة ويلزمكم الصبر وحسن العزاء

Post: #147
Title: Re: الطيب شيقوق لقى سوقو فى السوق الخيرى بمسقط
Author: إسحاق بله الأمين
Date: 05-12-2010, 03:39 PM
Parent: #145

الأخ العزيز / الطيب ود شيقوق
السلام عليكم ورحمة الله وبركاته
صباحاتي مفعمة بالجراح، وقلبي هزيم منكسر، والحزن تسربلته جلابية وعمة وتوب
مخير الله يا ود شيقوق أخوي

يا حليل نجاة
نجاة كانت شمس فوق السماء
ترسل أشعتها للأرض نور وضياء وسناء
وكان لما الدنيا تغيم تتسلل خلف الغيوم
عشان تسعد الناس الغلابة المعدمه
وفجاة قالوا غابت الشمس
والناس بكت حزينة متألمة
وتاني يوم قالوا الشمس طلعت
من تحت الأرض من قبر بعيد هناك
شع نور ضوّى السماء
والناس جرت للمقابر مهروله
وشافوا نجاة في قبرها منوره
ولقوها نجاة في قبرها متبينه
والخلق وقفت تعاين باندهاش
للقبر الـ شع نور وصل السماء

Post: #148
Title: Re: الطيب شيقوق لقى سوقو فى السوق الخيرى بمسقط
Author: الطيب شيقوق
Date: 05-12-2010, 05:04 PM
Parent: #147

Quote: وشافوا نجاة في قبرها منوره
ولقوها نجاة في قبرها متبينه
والخلق وقفت تعاين باندهاش
للقبر الـ شع نور وصل السماء

تلحقنا وتفزعنا يا اسحاق اخوي

Post: #149
Title: Re: الطيب شيقوق لقى سوقو فى السوق الخيرى بمسقط
Author: إسحاق بله الأمين
Date: 05-15-2010, 03:27 PM
Parent: #148

الأستاذ / الطيب

الأخت المرحومة نجاة أماتها السيدة فاطمة بت الشريف محمد الأمين يوسف الهندي ولقبها النشابة الليها العيون تتشابه، وجدتها لأمها السيدة زينب بت الشريف بركات الشريف أحمد ود طه، ولقبها أم برد البتقضى الغرض، ووالدة السيدة زينب السيدة تاتا قشاشة الدمعة والمخاتة، وجدها الشريف عبد الله ود الشريف بركات الملقب بأب كريق، والشريف أحمد ود الشريف بركات، وأخوالها الشريف أحمد ود الشريف الأمين ود الشريف يوسف الهندي أبو تمساح، والشريف الهندي ود الشربف الأمين يوسف الهندي أبو اللمين.

الا يا قبر أبشر بداخلك اليوم
من توشحت بالطهر والعفاف ثوبا
وألا يالحد افسح واضمم برفق
جثمان من أفنت العمر طاعة وتقربا
وألا يا عين جودي بالدمع غزيرا واغسلي
به حزنا ناء به الصدرا
وألا يا قلب اصبر وتجلد فما
عهدتك قبل اليوم ملتاعا جزعا
فما عاد لي بعد فراقك ياأختاه حياة
وقد فارقت الروح مني الجسدا

يا حليلنا فيها الزايلة يا ود شيقوق

Post: #150
Title: Re: الطيب شيقوق لقى سوقو فى السوق الخيرى بمسقط
Author: إسحاق بله الأمين
Date: 05-16-2010, 01:26 PM
Parent: #149

نسب الشريف احمد ود طه
هو أحمد بن السيد طه بن السيد أحمد بن السيد مراد بن السيد أبو القاسم بن السيد كرار بن السيد أبو بكر بن السيد أبو القاسم بن السيد محمد دهاش بن السيد على بن السيد حج بن السيد مقامس – وهو شقيق السيد حماد جد الأشراف بحلة الشريف يعقوب – بن السيد ثاقب بن السيد بركات بن السيد غالب المشهور بأبي نما – وكان أميرا لجدة سنة 974 م وقد حارب البرتقاليين ستة عشر عاما - بن السيد عبد المطلب بن السيد هاشم بن السيد الحسن بن السيد بساط بن السيد عبد مناف بن السيد عجلان بن السيد عبدالمطلب بن السيد الحسن المثنى بن السيد الحسن السبطى بن الإمام على كرم الله وجهه زوج سيدة نساء العالمين السيدة فاطمة الزهراء رضى الله عنها بنت أكرم الخلق على الله تعالى سيدنا ومولانا محمد رسول الله صلى الله عليه وآله وسلم .

هكذا تقول وثيقة نسبه كما وردت الينا ... نقلا عن بوست في سودانيز أون لاين

Post: #151
Title: Re: الطيب شيقوق لقى سوقو فى السوق الخيرى بمسقط
Author: إسحاق بله الأمين
Date: 05-16-2010, 03:54 PM
Parent: #149

ما للنهار تبدد ضؤه والشمس
مالت للمغيب قبل الغروب
ما للحمائم بح صوتها
وبالأمس كانت تغرد كالعندليب

رحمك الله يا نجاة وقد مرت عشرة أيام وحال أهل بيتنا بكاء وعويل وحزن عميق

Post: #152
Title: Re: الطيب شيقوق لقى سوقو فى السوق الخيرى بمسقط
Author: إسحاق بله الأمين
Date: 05-19-2010, 01:42 PM
Parent: #151

نجاة يوسف مثال باقٍ ولن يأفل!!

رحلت نجاة وأبقت قيماً تعهدتها بيدها من أصل كل نبيل، وغدتْ مثلاً:

· في السماحة والتواضع والنقاء الوجداني،

· في النزوع الصادق ، والمعاملة بالمعروف ،

· في الصبر على المكاره رغم تبدل الأحوال وميل القلوب .

· في صلة الأرحام ، وتفقد المرضى

· في حسن التأدب بالتماسك و الاحتساب؛ وهي في ذروة الشمم والإباء .

· في جمال ثوب مترفع عن الانكسار والذلل .

· في عفة قلب سليم طاهر؛ فما ران على صفحته ود مغاير أو متبدل، وقد صانته – بتوفيق الإله - من الأهواء والأوحال وحتى اللمم.

ومضت ابنة الأكارم وما ضرها – إن شاء الله – أنها من جميع ما وهبت لم تغنم ْ سوى أنها ودعت بقلب خال الوفاض. لك الله وحده يا فقيدة وما أشبه رحيلك برحيل الأفلاك والنجوم السيارة إلى مستقر وميقات بل مرقد أمين. فكني هناك هانئة البال والعين لدى الواحد الدّيان في حياة أبدية. فهنيئاً لعين رضيت بما قُسم لها، وقد كانت بأكرم ما وهبت تتجود .. بل ليكاد الهمُ والقلقُ يخرجانها في كثير من المرات عن تمام ثباتها وعظيم وقارها لما تعيها أو لم تطاوعها القدره في رد الجميل .. ولكم كانت عبارات الأسف تلفها كما تلف نار الحرور جسم الفراش الهائمة حول منابع النور.. ألا ما أعمق شأن تلك الحالة إذْ اليد خانت وطاقة النفس تتبدد وتتحرق .. تكاد سحائب الأسف تمطر ساحتك ليل نهار لولا سلامة القلب وحسن الرجوع : فليس كل ما يُرام يدرك.

أكاد أجزم ، وأهل الفقيدة يعلمون حقاً أن سحائب الحزن والأسف مما أوشكت أن تمطره حياة الفقيدة، ما يكون لها أن تبرح دنيا التسامح وحسن النوايا والظن والرشاد ودفع الناس بعضهم بعضاَ بالفضائل والمكارم دون ان تخلد للفقيدة أحسن صورة لامرأة نبيلة واثقة ذكية مغالبة بكل ما أوتيت من معاول لتظل في قمة الفضل وعنوان للوفاء ورد الجميل بيد أنها قد تجرعت الغصص والجرع في الدنيا في سبيل العبور لجنة أوسع وأرحب بلا غصص وجُرع، فما أعظم شأن يحاكي شأن ابنة المصطفى فاطمة الزهراء رضى الله عنها وأرضاها !

ولعل كثيراً من أقرباء الفقيدة أدركوا فيها تلك الخصيصة النادرة التي لا تكون في أحد من العالمين إلا وجعلت منه الرمز في أسمى صوره .. وكان حتماً ولازماً أن تعجل به إلى منتهاه ،" وكل دور إذا ما تمّ ينقلب"، وبالفعل قصرت حياتها لكنها كانت بالمواقف والمعالم أوسع من أفق وأثبت من شاخص أو جبل.
ألا ما أقصر أعمار القلوب الحزينة الأسيفة ....فهن الفضليات!

اللهم أرحم نجاة وأبلغها المقام الأسمى في جنات الخلد، وتحت عينيك يا أرحم الراحمين.

ولا حول ولا قوة إلا بالله وإنا لله وإنا إليه راجعون.

محمد حسن خضر

الرياض

18/5/2010م